今朝 10 點幾太后打黎話就到, 所以立即起身準備!!
跟住過左一陣一齊落左去超級市場買野, 再返屋企, 皇上同太后就去飲茶, 而我因為約左家姐, 所以O係屋企煮野食, 再上左一陣網, 大約 2 點就出門口喇!!
好好彩就去到巴士站時就有巴士, 去到 朗豪坊, 先去左 BIOTHEM 換 SAMPLE, 再去 KIEL'S 換 SAMPLE, 不過佢話冇貨, 叫我留電話, 但係我又唔想留, 所以下次先黎睇下有冇啦!!
會合左家姐後, O係 STARBUCKS 坐左一陣, 跟住週圍行下咁, 去電腦中心, 因為想買個讀咭器, 不過太貴喇!! 果陣見到 $12 咋嘛, 但係今日睇最平都 $20, 慳得一蚊得一蚊嘛!!
行下信和咁, 買左 言承旭 O既新碟, 幫 CATCAT 買架呢!! 見到有好多版本, 後黎選左呢個版本(CD+DVD)O既港版(見圖1~2), 因為平D!! 反正同台版內容一模一樣!!
行完又諗住行去尖沙咀, 行到一半先諗起約左 YAN 18:30 O係 新世紀, 好彩記得!! 所以行返去 新世紀, 大約 18:15 去到, 等左一陣, YAN 黎到傾左幾句, 再俾D手信同雜誌佢, 跟住就分手喇, 因為佢要返日文(要謝謝 YAN 幫我去書展買書同埋送俾我O既"野")!! 我同家姐就行去尖沙咀, 都係去左食 漢堡王(哈哈)(見圖3), 雖然K牛好味, 但係 ... 杯汽水唔夠我飲呢!!!
食完再行下咁, 行到 9 點幾就走喇!! 我今晚返"別墅", 所以去左坐另一架巴士, 等左一陣就有車, 但係上左車先知原來項先有個位都有站, 我冇留意, 所以行左成十分鐘先去返果個站呢!!
10 點左右返到"別墅", 沖完涼執下野咁, 再玩下 PET SOCIETY, 但係呢邊升左做 IE8, 有少少唔習慣, 而且個 SERVER 唔太穩定, 所以都係玩左一陣就冇玩!!
同太后傾下計咁, 跟住就一點幾, 我再上下網, 再 COPY 返D FILES 去呢邊部機, 打埋個日記又兩點喇!! 所以準備訓 LU!!
ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!! |