今朝 10:30 起身, 之後睇左一陣電視, 再煮野食, 食完就差唔多夠鐘返工喇!!
返到公司樓下, 撞到個同事, 佢同我講:"你真係好彩, 一返工就有亞SIR 話請假!", OH, 即係意味住我又要打電話通知D家長停課!!
可能今日係星期日O既關係, 個個家長都搵到, 而且都好順利, 係有一個家長埋怨我咁遲先打俾佢, 之但係本來 4 點上堂, 我兩點打黎算係咁呢,
因為個亞 SIR 都唔係早好多話請假咋, 真係 ...!!
上網睇左一陣報紙, 耐唔中有家長黎問兩句咁, 基本上都算幾清, 同D同事/MISS 傾計, 話題當然係近排大熱O既"港女"啦(一陣再詳細講我自己O既睇法)!!
5 點幾鎖完門我就放工喇, 返到屋企沖完涼就煮野食, 再睇 星期日檔案!! 同埋上下網, 夜晚仲現場睇左<新堂本兄弟>, 不過途中斷左一陣,
不過佢地冇扮 執事 講野(估計因為佢地冇睇套劇), 有少少失望!!
講返我對"港女"/"電車男"O既睇法先:
其實我覺得每個國家都有呢種有 公主病 O既女仔, 應該話每個人都有 公主病/王子病, 有邊個唔想人地鍚自己呢?! 公平D講句, 其實好多男人都有 王子病, 想身邊O既女仔全部都係女僕,
女仔就想身邊有個 執事! 一句講到尾, 係人O既質素都下降左, 所以點都唔會有結論!!
就好似頭先睇"港男/電車男"(都係 星期日檔案)一樣, 訪問所謂O既"電車男", 的確 詞不達意, 已經唔係話靚唔靚仔, 亦唔係話有唔有錢O既問題,
而係有冇人O既基本禮貌同埋素質O既問題; 正如"港女"一樣, 冇人十全十美, 但最大O既問題係: 自己唔完美O既同時要求對方十全十美!
當對方做唔到自己要求O既, 就話對方有 公主病/王子病!!
公平D!! 好簡單O既一個道理, 你想人地點對你, 你就要先點對人!! 就好似你想人地對你有禮貌, 咁你都要先對有禮貌啦!! 如果你對人有禮貌而對方都仲對你冇禮貌O既,
就証明唔夾, 咁咪唔好繼續聯絡!!
同樣道理, 我相信如果 DAY 1, 個女仔已經係要求男仔俾哂錢呀拎手袋呀咁, 而男仔係拒絕的話, 我相信唔會咁多女仔有 公主病, 正因為好多人 DAY 1 都唔拒絕,
所以你睇下條街幾多男人幫女人拎手袋! 每次見到呢D男人都好戥佢地父母心痛, 老實講, 我情願玩 WEBKARE 或者"O係夢中暗戀大野"算(苦笑)!!
O係缺乏溝通下, 唔去表達自己O既意見, 久而久之形成左好多不滿, 從而將所有責任推到對方身上, 但係唔去表達自己感受, 自己都有責任呢!!
而且人同人之間O既關係, 真係要利用溝通先會有所成長, 從而學習體諒/接納/關心/...!!
ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!! |