今朝又訓到 12 點幾, 因為前幾日 PAYMENT 件事, 我真係訓得唔太好呢!!

LUNCH 後上左一陣網, 跟住行左去 新都城1 行街, 買左好多野, 行到 5 點左右先返到"別墅", 沖完涼又上下網咁啦!!

DINNER 後睇國慶O既表演, 都幾好睇呢!! 睇完又上下網/玩下 GAME!! 諗住一陣睇下日劇咁!!





ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝又訓到 11 點幾, 去左 坑口 飲茶, 飲完行左一陣返"別墅", 兩點幾個 ACCOUNT 終於打黎, 話我張 PAYMENT 好多野錯, 我都估到, 我真係一早估到 ACCOUNT 實會打黎嘈我!! 跟住個 ACCOUNT 話我寫錯哂計錯哂, 而果位同事又簽少左個名, 話因為咁樣, 我今個月未必出到糧, 可能要等下個月先出到 9 月, 真係火都黎埋, 跟住我就話根本唔係我填, 而係我寫好哂, 係某同事自己改, 唔關我事, 跟住個 ACCOUNT 話呢張 FORM 應該係我自己要負返責任, 我就話由頭到唔係我填錯, 只係有人自己改左我張 PAYMENT, 所以你唔可以要我去承擔別人O既錯誤後果!! 總之就好煩好麻煩超麻煩!! ... 跟住我再打俾某同事, 好彩佢都不停講唔好意思, 不過其實我都係覺得無 LALA 煩到我, 要扣返 LUNCH 我明白O既, 但係始終唔太鍾意佢私自己改左我張野, ... 唉, 所以我打算今晚返公司寫過一張, 唉 ... 煩呀煩呀煩呀~~!!

一路再上下網咁, 6 點左右 DINNER, 食完立即返歸, 我先返一返屋企放低哂Ｄ野, 跟住就返公司寫過張 PAYMENT, 都寫左成大半個鐘, 8 點走人, 返屋企沖完涼/執下野, 攪掂哂都 9 點幾 10 點!!

話說今日收到封信, 上月抽的扭蛋有缺件, 所以寄回給該公司換, 而且我加了一封投訴信, 因為竟然要求我附上回郵信封, 寄回缺件貨品是合理的, 但是$5的扭蛋, 要我附出多於扭蛋的50%去換回沒缺件的貨品, 我覺得不太合理!! 今日封信, 除了缺件的貨品外, 該公司多送了一個給我作補償!! 這也不是我要說的重點!! 重點是 ... 都 21世紀了, 回覆投訴信竟然是在我的投訴信上用筆寫下回覆再寄回給我! 這真的太神奇了(見下圖)!!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

晚睇電視睇到 3 點幾, 果套＜野蠻師姐＞個結局真係唔知好定唔好, 越睇就越覺得好邪!!

今朝訓到 12 點左右啦, 睇下電視玩下電腦咁!! 一路到 5 點幾 ... 惡夢就黎喇!!

我部電腦突然間有事, BOOT 完機就入唔返 XP, 真係唔知點解, 熄哂掣再開都唔得!! 唉 ... 中秋節送咁大份禮俾我呀!!

皇上立即黎整我睇下係咪個火牛問題, 但係又唔係, 所以我同皇上一齊返"別墅", 點解會咁架! 要聽日先拜託皇上拎出去整, 但係又唔知幾時 整得返, 唉 ... 真係好 DOWN, 仲��呢幾日咁�K架!!

返到"別墅"(其實本來冇呢個打算, 因為聽日要返工, 不過冇電腦玩真係好慘!!), 沖完涼(今日第二次, 因為本身O係屋企沖左), DINNER!!

DINNER 完上下網玩下 GAME 咁!! 皇上話 3 部電腦團圓, 所以要影返張全家幅(見圖1)!! 跟住食埋湯丸呢(見圖2)!!

唉 ..., 可唔可以唔好咁�K!! 電腦呀, 你千其唔好有事呀, 快Ｄ有得拎返呀, 嗚嗚嗚!!



ファイトソング → 人は人自分は自分, 比べた時点で負けて る!! 自分に負けない強さが, どんな壁をも壊していく!!

今朝本來想 10 點起身, 但係又係 11 點幾太后叫我先醒, LUNCH 後, 準備出門口, 因為今日要返工!!

大約 1:20 返到屋企, 坐左一陣, 再拎返少少野就返工喇!! 少有地帶埋袋返工, 因為放工費事返屋企拎野先去"別墅"!!

今日都冇�当�做, 聽下電話同埋有人黎拎下成績咁!! 其他時間都係行行企企咁!! 所以好快就放工!!

行去巴士站時同家姐傾左一陣電話, 約左聽晚行街街!! 去到巴士站好快就有車, 返到"別墅"沖完涼就 DINNER!!

DINNER 完就梗係玩電腦啦!! 跟住睇左一陣電視, 果個節目咁 ARM 講 北海道, 真係好靚呢, 溫泉旅館又唔錯咁, 其實如果去渡假真係幾好!! 可惜六合彩唔生性!!



ファイトソング → 人は人自分は自分, 比べた時点で負けて る!! 自分に負けない強さが, どんな壁をも壊していく!!

今朝又係訓到 11 點幾太后叫我先醒, 實在唔知點解呢邊訓得好累!!

又去左 坑口 飲茶, 飲完行左一陣, 東港城 有個郵票展(見圖1~19), 都有去郵局買紀念郵票, 不過得返呢一款(見圖20), 跟住返"別墅"上左一 陣網, 未夠 4 點就出門口, 等左一陣有巴士, 出到旺角都差唔多 16:45, 先去左 SEPHORA 拎生日禮物(見圖21), 然後就去信和等家姐! 會合 左家姐後就行信和, 買左雜誌, 同埋 TSUYO 隻 SINGLE＜RAIN＞O既台版(見圖22), 多謝家姐送我呢份早到O既生日禮物呵!!

行完信和去左十蚊店, 跟住行去 尖沙咀, 去左麥當當食 DINNER, 因為有將軍漢堡食(見圖23~24), 而家夜晚食餐 +$1 仲有新地, 好抵呢!! 不 過個將軍漢堡就唔係好掂, 因為完全同以前果Ｄ好唔同, 而且個包細左好多好多!! 所以食完呢次應該唔會再去食將軍漢堡呢!!

食完行左呢度行下果度咁!! 行到 9 點幾就坐巴士返"別墅", 返到去沖完涼執下野咁, 再上下網, 不過個 I-CABLE 成日斷線, 嘿!!

話咁快又 1:40 呢!! 仲諗住睇下片添!!













ファイトソング → 人は人自分は自分, 比べた時点で負けて る!! 自分に負けない強さが, どんな壁をも壊していく!!

今日訓到 12 點, LUNCH 後都係睇下電視同埋玩下 GAME 咁, 再睇左三集＜SMAP X SMAP＞, 木村 真係正!!

沖完涼準備 DINNER, 然後又上下網/玩下 GAME/睇下片咁!!

ファイトソング → 人は人自分は自分, 比べた時点で負けて る!! 自分に負けない強さが, どんな壁をも壊していく!!

今朝都係訓到 12 點幾, LUNCH 後上下網咁, 都冇�涛ﾁ別!! DINNER 後依然上下網/玩下 GAME!!

我部電腦聽日拎得喇!! 太好喇!! 希望生生性性啦!!

BY THE WAY, ��山裕 同埋 大倉 都確診左 H1N1, 希望佢地快Ｄ好返冇事啦!!

ファイトソング → 人は人自分は自分, 比べた時点で負けて る!! 自分に負けない強さが, どんな壁をも壊していく!!

今朝 10 點幾起身, 執野準備返歸, 因為今日有電腦拎喇!! 大約 1 點幾返到去, 過左一陣皇上拎左電腦返黎, 不過覺得開機好似慢左少少 咁, 跟住就去左飲茶, 飲完茶去銀行再行左一陣咁, 返到屋企諗住安返Ｄ軟件先啦, 點知好唔尋常地好慢, 一安個防毒部機就好唔掂, 所以立 即同皇上一齊拎返部機去旺角整!!

去到等左一陣, 好勁煙味, 真係頭痛+頭暈!! 果個人幫我 CHECK 機, 點知直情開唔到機, 發現係中左個毒會 LOGIN 唔到 XP O既, 所以佢叫我 放低部機俾佢整, 仲叫我有心理準備會有Ｄ檔案冇左, 咁都冇計架啦, 都係要整!! 所以同皇上坐小巴返 淘大 會合太后去 大快活 DINNER, 不 過真係實在太唔好食喇!!

然後我自己返歸, 因為聽朝返工, 所以唯有過一個冇電腦O既夜晚!! 睇左幾集 小新 就訓喇!!!

希望快Ｄ整返好部電腦啦!!

ファイトソング → 人は人自分は自分, 比べた時点で負けて る!! 自分に負けない強さが, どんな壁をも壊していく!!

今朝 9 點起身, 食左少少野就返工喇, 其實都唔算好忙, LUNCH 返屋企食, 夠鐘又開工, 一直 CHECK 野 CHECK 到 5 點幾, 跟住再 CHECK 學校名, 實在有少少頭痛, 做到 19:30 先走, 返到屋企沖完涼, 一邊睇＜我左眼見到鬼＞一邊食米粉!! 呢套戲睇完又睇都咁好睇呢!!

冇電腦O既晚上, 所以我拎左本 高木直子 O既書出黎睇, 係 ARMARM 果次去日本買O既, 講佢一個人去旅行O既經驗, 真係幾有趣呢!! 睇完書再 睇左一陣 小新 就訓喇!!

BY THE WAY, HAPPY BIRTHDAY DEAR PHOEBE !!

ファイトソング → 人は人自分は自分, 比べた時点で負けて る!! 自分に負けない強さが, どんな壁をも壊していく!!

今朝 7:30 起身, 食左少少野就返工, 基本上係唔忙, 聽下左兩個電話咁大把, 因為今日有 上司小姐!! 我入下出席率同埋處理下學費減免 O既申請表, 睇左少少 小丸子 本書, 跟住就等食 LUNCH !!

LUNCH 返屋企食, 夠鐘又返工咁!!

幫尋日個同事繼續 CHECK 學校名, 跟住玩過膠機, 第一次用咋, 幾好玩喎!! 再同Ｄ同事傾下計/研究下電腦咁!! 好快又放工!!

返到屋企見到幾日冇見O既 電腦 BABY 呀!! 太好喇!! 會合埋皇上同太后, 開始整理返部電腦O既 FILES, 因為我有一個 250GB O既 HDD 唔掂, 所以要將Ｄ野 COPY 去第二度, 再唔要果個 HDD !! 攪左少少就落左去 DINNER, 去左間 潮州 野, 叫左個套餐(見下圖), 都 OK 好食, 不過就 好似貴左少少, 連加一要 $300 呢!! 食完行左一轉超級市場, 再返屋企!! 皇上同太后返"別墅"後, 我沖完涼又開始"作戰", 一路整到 12 點 幾先 COPY 哂個 250GB HDD O既 FILES 走, 跟住再安返少少軟件, 咁又 1 點幾喇!!





ファイトソング → 人は人自分は自分, 比べた時点で負けて る!! 自分に負けない強さが, どんな壁をも壊していく!!

今朝訓到 10 點幾, 跟住整下電腦睇下電視咁, 再一邊睇＜MY GIRL＞(雅紀套新劇)一邊 LUNCH, 好好睇, 好感動, 睇到我都眼濕濕, 同埋 個小妹妹好可愛呢!!

夠鐘返工, 都冇�涛ﾁ別, 聽下電話/答下人問野/呆坐/傾計 ..., 同"師兄"(TEMP)傾下計咁, 因為如無意外, 今日係我見佢O既最後一日, 不過 我諗會仲有機會見O既, 因為佢都有 APPLY PART TIME!! 5 點幾時, 某同事竟然叫"師兄"去樓上男女厠貼公告, 冇可能咁架嘛, 所以我咪叫佢 唔好入女厠貼, 等我去, 有�痘摎R叫個男O既入女厠貼野架!! 唔知係有心整估定係冇用腦呢!!

同"師兄"道別之後, 我就返屋企, 沖完涼又整下電腦咁, 點解咁多 FILES 未睇架, 嗚嗚, 同埋又奇怪喎, 有時燒碟話失敗, 唉 ... 點解咁架, 唔通連個天都唔鍾意我呀?!

ファイトソング → 人は人自分は自分, 比べた時点で負けて る!! 自分に負けない強さが, どんな壁をも壊していく!!

尋晚訓之前重組某個 HDD, 今朝起身惡夢就開始喇!!

發現重組完後有d files開唔到不特止, 仲要係出現藍畫面話個file有事, 跟住自己boot機, 仲要boot唔到入xp, 要熄機後面果個掣再開先ok, 咁我就諗: 如果係咁, 一係copy d野燒碟, 跟住format個d:啦, 如事者我就不停咁copy返d files出黎, 但係就間唔中會出藍畫面再自己boot咁, 今日我由10點幾攪到5點幾, 但係有好多都救唔到, 保守估計有280gb野冇左~ 當中包括呢幾年影o既相/片...

一心諗住只要 format 就冇事, 但係 ... format 緊時出現錯誤, 然後又自己boot機, 再諗住去安過個 xp 就冇事, 點知入到去安裝又話個 hdd 有事, 唉, 真係�K到貼哂地!!

所以又再麻煩皇上黎拎部機出旺角整, 唉 ... 果個人話應該係個 hdd 壞左, 唉 ... 280gb ... 問題係好多都搵唔返, 我ｄ相又冇哂(雖然同皇上太后果d會仲有 backup, 但係我同朋友果d就冇哂!! 仲有好多 kinki/arashi ... 相, 唉~~)!! 仲有好多我都諗唔起係�縄t!!

體會到�搭ｩ做 欲哭無淚, 真係�K到冇人有!!

實在太太太�K仔 ...!!

因為咁樣, 所以就立即執野去"別墅", 唉 ... 太后 o係車站等我, 行左一陣再去 大家樂 , 等埋 皇上 黎 dinner(見下圖), 都算幾好食!! 再行左一陣就返"別墅", 沖完涼上網, 其實都冇�盗S情, 主要係睇下 皇上 呢邊部機裡面, 有�� files 係我o既 ... 但係都係好小好小部份, 不過係不幸中之大幸吧...!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 11 點幾起身, 再去左飲茶, 跟住行左去 新都城, 本來諗住買部 RMVB O既 DVD 機, 不過果部貴之餘仲要話未必支援 AVI, 所以就冇買到, 皇上話出旺角果間買, 因為平幾十蚊之外, 仲幾好用, 一定支援 AVI 添!!

行完就返"別墅", 沖完涼又係上下網咁!!

DINNER(見下圖)後又上下網, 同埋燒下碟!! 仲未有心情玩 PET SOCIETY O既寶箱, 都係等電腦整返, 攪掂哂Ｄ FILES 再慢慢玩!!

BY THE WAY, 聽日有工開, 所以今日都要抖足精神呢!!

再 BY THE WAY, O係百佳買左幾包餅, 見到包裝話有抽獎, 所以貪得意咁打去抽, 點知抽到 $3000 法國時裝禮券喎, 打去登記時, 果個職員話未知係�灯v子, 不過肯定係現金券, 唔洗話買滿幾多錢先用得果種! 好緊張呢, 唔知係�当@國牌子呢?! 如果勁貴果Ｄ的話, 可能 $3000 買唔到野呢! 好緊張, 亦好開心, 估唔到咁都抽得中!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 11 點幾起身, 執下野, 再 LUNCH 後就返歸, 雖然冇電腦用, 但係下晝有工開, 所以都返歸呢!!

返到屋企大約 1:30 左右, 又執下野呀, 睇下書咁!! 夠鐘就返工喇!!

今日都做左幾多野呢, 一直做到 6 點幾, 返到屋企沖完涼 DINNER (見下圖), 再睇下電視咁, 拎返套＜ムコ殿＞出黎睇, 依然好感動呢, 睇返果陣O既 雅紀, 實在好可愛!!

一邊睇一邊整戟絨蛋糕, 其實呢盒野買左一段時間(詳細圖片請看 10/5 日記), 只係冇時間整, 所以今晚冇電腦用O既情況下, 就係最好O既娛樂喇!!

整到點幾再睇下書, 兩點幾就訓喇!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 8:30 鬧鐘響, 但係好眼訓, 又諗到冇電腦用, 所以再較到 9 點先起身, 食完野就返工!!

整左幾張座位表, 但係明明好簡單O既野, 但係個同事就追求完美, 咁就攪左我一日, 都好O既, 反正我係時薪, 追求完美就追啦!!

LUNCH 返左屋企食(見圖1), 夠鐘又返工, 做到 18:30 先走, 返到屋企, 皇上已經幫我駁緊部電腦!! 太好喇, 幾日冇見"你"喇, "你"好嘛!! 冇左"你"O既日子, ... 我好想念"你"呀!! 幫"你"換左咁多野, 記住要乖乖地呵, 唔好再玩我(主要係唔好再玩 皇上, 要佢搬"你"出旺角 ...)!!

DINNER 完後就開始整返部機Ｄ野, 因為不安全感O既關係, 我用左幾個鐘頭, 將要 KEEP O既片燒左碟先!! 因為實在我冇左成 300GB 野, 我真係喊都無謂呢!!

一邊燒一碟邊整埋尋晚件戟絨蛋糕, 終於完成喇(見圖2-10)!!

不經不覺咁燒碟燒到兩點幾, 而家要準備訓喇!!

BY THE WAY, 要多謝哂 皇上 幫我拎電腦整左咁多次, 同埋要感謝佢今日買左部可以睇 AVI/RMVB O既 DVD 機俾我呢!!







ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝太后 11 點幾打黎我先起身, 一切平安呀下!! 跟住 LUNCH (見下圖), 雲吞好好味喎!! 食完之後又上下網咁, 夠鐘就返工, 做左實在太多野, 真係冇停過!! 今日係果個 TEMP O既 LASTDAY, 一邊做野一邊同佢傾下計咁啦, 我一路做到 5 點幾, 諗住走得啦, 點知叫我返去幫手果個同事勁俾野我做, 反正有時間, 所以繼續做, 最後 19:15 先放工!! 返屋企立即出門口, 因為要去超市買汽水, 實在好平($17.8/8罐, 買兩 PACK 送 1公升蜜瓜荳奶, 買滿 $50 仲有 九五折), 所以本來諗住買兩 PACK 算, 但係好少咁抵咁平, 所以買左 6 PACK, 借左架車推返屋企, 放低又去還車, 不過真係幾重呢(推車都好重)!!

沖完涼同 太后 傾左一陣, 再煮左個米粉食, 食完又上下網, 同埋整返Ｄ MP3/日記/BLOG 咁!! 不過都有排攪架喇!!

轉眼又 1:34, 時間過得真係太快!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝訓到 11 點幾, 睇左 HIRO 果套超人甲鬥王(類似咁O既名), 睇完 LUNCH, 然後又上下網咁, PET SOCIETY 因為就黎萬聖節, 所以出左幾粒萬聖節糖糖(撞樹得黎O既), 所以我成日就不停咁撞樹! 再開始搵返之前冇左O既 FILES (發現原來冇左一年多 雅紀 o既電台, 希望搵得返啦)!!

今日開左盒 蜜瓜荳奶 飲(見下圖), 味道唔錯喎, 好香, 而且顏色真係好靚呢!!

BY THE WAY, 今日係我個大仔 -- 小翼 生日, 生日快樂!! 我幾好記性!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝訓到 10 點幾, 起身執下野/上下網, 11 點幾食 LUNCH, 食完再上下網, 主要都係搵返Ｄ FILES!! 夠鐘就返工!!

今日都幾悶, 因為 上司小姐 叫我做O既野做唔到(因為開唔到佢要 UPDATE 果個 FILE), 只好聽晚先做!! 好快就做好今日O既工作, 跟住都係呆坐, 間唔中答下人問野, 電話我完全冇聽, 因為另一個同事仲得�濶ﾟ我, 我都係開下門同鎖下門咁!! 夠鐘放工立即走人!!

返到屋企又上左一陣網, 6 點幾出門口, 行去 牛頭角 坐巴士去"別墅", 落車直接去商場, 因為約左皇上同太后O係 大家樂 等, 點知一入商場就見到佢地等緊我, 因為咁 ARM 見到我架車到!!

好多人呢, 等位等左都幾耐, 我等果個位仲要係有個O靚仔唔肯食飯, 跟住就成枱人等佢食果幾啖飯, 最後到佢地走時, 太后果邊都已經有位, 真係 ... 無言!!

依然係食扒, 不過好似冇上次咁好味咁!! 食完行左一陣, 經過商場門口, 嘩!! 見到有度玻璃門碎哂, 再睇, 見到有個細路女(11,2歲左右吧)同佢爸爸(應該係), 個細路女係咁喊, 太后話見到個細路女受左輕傷(應該, 因為佢仲行到, 應該係嚇親), 佢地就等緊白車, 個爸爸不停咁叫佢唔好驚! 聽講係個細路女正常咁推度門, 跟住就碎左, 真係太得人驚呢!!

返到"別墅", 沖完涼睇左一陣電視, 然後就全程玩 PET SOCIETY!!

BY THE WAY, 皇上~ 生日快樂!!

ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 11 點左右起身, 執下野, 然後去左 坑口 飲茶, 飲完買埋 豬仔包, 再返"別墅"執野返歸, 兩點正返到屋企, 又執下野同上下網咁, 當然最重要係睇＜MY GIRL＞第二回啦, 睇到我真係好想喊, 尤其係每次 コハルちゃん 講"平気です", 我個心都痛一痛!! 食左個包先返工, 因為今日返 1500 - 2015, 如果唔食少少野, 我怕我頂唔順呢!!

今日工作都係下野/改下野咁, 做到 5 點幾就幫返 CENTER , 打過十幾張文件咁(其實係填返少少資料落去, 再換返舊果張出黎, 夾返新果張落去), 做到就黎 8 點就攪掂, 坐左一陣去鎖門, 再坐左一陣就放工!! 返到屋企沖完涼, 食左個米粉, 跟住又係上下網/玩下 GAME 咁!!

ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 10 點幾起身, 跟住上下網咁啦, LUNCH 時太后打黎話一陣 契媽 會去"別墅", 所以我食完野, 上下網, 大約 2 點幾出門口去"別墅", 去到 3 點左右啦, 又上下網睇下電視咁, 契媽 黎到傾下計, 到 6 點幾就去左 君薈坊 某間意大利餐廳食野, 食左個牛扒(見圖1~2), 不過真係麻麻地, 而且侍應們O既態度都好另類, 真攪到我地都 "O哂咀" (HAHAH, 其實我唔太鍾意講潮語), 沙律 BAR 雖然任食, 但係其實都冇�盗H, 而且唔係好衛生, 因為全部野食都冇野蓋住, 而且係人都可以走埋去睇, 唔一定係客喎, 街外人都得喎!! 所以我都要好看得開先食到呢餐呢!! 食完 8 點幾, 再行左一陣, 明明記得有野要去十蚊店買, 但係又醒唔起係要買��喎!

返到"別墅"再坐左一陣, 大約 10 點返歸(因為聽朝返工), 返到屋企沖完涼又係上網, 不過都已經 11 點幾 LU!! 回 EMAIL 俾 CATCA, 回完又上左一陣網, 玩下 GAME 咁, 唔經唔覺寫日記呢一刻又 12:40 喇!! 所以準備訓喇!!

BY THE WAY, 契媽 買左盒零食(見圖3)同埋之前買O既熊貓燈籠(見圖4)俾我, 多謝哂!!!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 9 點鬧鐘響, 不過竟然訓返, 9:20 先驚醒, 好彩好彩, 因為今朝要返工呢!! 起身食左個豬仔包, 夠鐘就返工!!

LUNCH 攪比賽要出O既信俾學校, 其實唔難攪, 但係就好驚會亂左, 所以打醒十二分精神!!

LUNCH 返屋企食, 跟住又返工!! 繼續出信, 做到大約 4 點幾, 有蛋糕食, 因為有個同事聽日生日(好似係), 好攪笑咁買左個萬聖節蛋糕, 係木乃伊黎架, 好攪笑!! 我食左兩件, 因為佢地話我食果舊最細, 所以要食多舊喎, 其實個蛋糕又真係幾好味呢!! 多謝壽星女請飲野呢!! 食完又繼續做野, 做到 17:45 就出返去幫 CENTER 做野, 好多野做呀, 先係入返學費減免資料(上次打果Ｄ唔知點解搵唔返, 好彩都唔係好多咋!),打完又入家長會Ｄ資料, 跟住又入信, 做完哂大約 19:25 左右, 就開始做埋之前未做完O既野(畫返個 SITTING PLAN), 畫完都仲未放工, 所以呆坐下傾下計咁!! 夠鐘上去鎖門, 再等到夠鐘就放工!!

返屋企沖完涼就煮野食, 食完又上下網, 同太后傾左一陣! 今日好累呀, O係公司就唔係好覺, 但係返到黎沖完涼食完野就覺喇, 不過話時話, 今日返左 10 個幾鐘(計埋 LUNCH 一小時), 雖然唔係體力勞動, 不過真係好花精神呢!!

HEEE, 今日係 CATCAT 生日, 祝你生日快樂, 同埋最緊要日日開心, 同埋身體健康!!

BY THE WAY, 前陣子在郵政網頁填了問答遊戲, 今天收到了記念品 --- 紀念咭(見下圖)!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝訓到 11 點幾, 可能尋日太好神, 真係好好訓!!

LUNCH 整左個 蕃茄湯丸 食(見下圖), 真的太美味了, 再次覺得我在煮食方面是有天份的!!

跟住睇下片/上下網咁, 大約 3 點落左去超級市場, 行左一陣再買左少少野返屋企, 4 點幾食左個豬仔包, 跟住夠鐘返工!!

聽下電話/入下資料/鎖下門咁, 夠鐘又鎖門等放工, 返到屋企沖完涼又煮左個 蕃茄湯丸 食, 因為實在太好味喇!! 食完就上下網/睇下片咁, 不過唔知點解突然間好眼訓!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 10 點幾鬧鐘響, 但又訓到 11 點幾醒, 食左幾塊餅, 跟住再上下網咁, 大約 13:25 出門口, 坐 MTR 去 坑口 飲茶!!

今日去左 稻香, 食左都幾多野(見圖1~7), 不過就麻麻地好食!!

食完再行左一陣, O係 千色店10蚊廣場 買左兩包札頭髮O既橡根(見圖8), 因為好少見到有Ｄ冇接縫O既橡根呢!!

4 點幾返到"別墅", 沖完涼就上下網咁, DINNER 後又上下網同埋睇下電視!!





ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝又係訓到 12 點幾先醒, LUNCH 後上網, 發現左 PET SOCIETY CUT 左之前可以用黎寶箱果個方法, 攪到我同太后即刻 DOWN 哂, 因為換句話講 ... 搵錢會更難!! 不過都冇計呢, 一係唔玩架O者!! 如果唔係都冇計!!

我睇下日劇同片咁, 再執下野, 大約 6 點左右就行左去 調景嶺 果邊, 行左一陣再去左 花園餐廳 DINNER, 叫左三個唔同O既餐食(見圖1~12), 味道唔錯喎!! 3 個餐埋單$224, 抵食過上次好多!! 食完再行左一陣就坐 MTR 返屋企, O係 MTR 站見到 SAMMI CONCERT 廣告(見圖13~14), 好想去睇呀!!

8 點幾返到屋企, 沖完涼又執下野咁, 跟住上下網/燒下碟 ...!!

BY THE WAY, 英國個姑姐返左黎, 今朝皇上同太后約左佢地飲茶, 多謝佢送左支 LIP BALM 呢(見圖15),個色我鍾意呵!! 多謝!!









ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝起身睇左一陣電視, 再 LUNCH, 再上左一陣網, 夠鐘就返工!! 首先核對下新生O既資料, 跟住又入下電腦咁, 成日都冇上過去鎖門, 哈哈!! 夠鐘就放工, 咁 ARM 放工前十分鐘左右, 部電梯壞左, 困左幾個學生O係裡面, 我放工落到樓下就見到有消防車同埋消防員救左佢地出黎!!

返到屋企休息左一陣, 大約 17:45 就出門口, 行去 牛頭角 MTR 坐巴士去"別墅", 途中O係 牛頭角上村(懷舊閣) 影左幾張相(見圖1~20)!! 去到沖完涼就 DINNER!! 跟住睇下電視同埋玩下 GAME, 上下網咁!!

叮左個 芝麻糊 食(見圖21), 雖然幾好味, 不過可能有豬油, 所以食完唔太舒服呢!!

BY THE WAY, 我今日先睇返前幾日O既日本 YAHOO, 原來聽晚果隻 BISTRO SMAP, 嘉賓係 KINKI 呀, 我一睇到真係級開心, 因為我完全冇諗過佢地可以上 SMAP X SMAP, 而且仲要係 BISTRO, 大家要知道, 我記憶中係冇試過有 SMAP 後輩上 BISTRO SMAP 架!! 真係太太太開心, O係屋企睇完真係 "YEAH" 左出黎!! YEAH!!













ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 12 點左右起身, LUNCH 後上下網/玩下 GAME 咁, 跟住睇左一陣 KERORO, 食左個 碗仔翅 做下午茶(見下圖), 都幾好味呢!! 差唔多 7 點 DINNER, DINNER 完執下野, 大約 7 點半就返歸, 8 點 10 分左右返到屋企, 沖完涼又執下野, 再上下網咁, 話咁快又 11 點, 準備上下網/睇下片咁就訓 LU!!

聽日本小姐生日, 不過冇節目, 因為要返工!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今日係我生日O既大日子呢!! 不過冇節目, 因為某同事一直話會 CALL 我今日返工, 但係就一路等 ...

LUNCH 後都係上下網玩下 GAME 咁!! 一直到 3 點半個同事先打黎話今日唔洗返, 但聽日想我返!! 所以我又上下網咁, 睇左尋晚O既＜SMAP X SMAP＞, 因為 BISTRO 嘉賓係 KINKI, 實在很開心, 因為有史以黎第一次有 SMAP O既後輩上 BISTRO SMAP, 仲要係 KINKI, 我身為 KINKI 飯真係好光榮!!

4 點幾食左個包, 到 5 點幾夠鐘就返工, 今日工作係整學生証, 不過都幾麻煩, 因為又要寫名寫班, 又要貼相, 攪到成手都係膠水, 整到 8 點正剛剛好整完, 鎖完門呆坐一陣就放工, 話說 CCTV 個時間越黎越慢, 因為明明 CCTV 係 20:15, 但係拍咭機只係 20:10, 雖然我唔洗拍咭, 但係都要睇拍咭機返工放工, 但係我成日有個疑問: Ｄ高層成日鍾意 CHECK CCTV 睇下返工放工有冇準時, 咁 ... 我究竟跟�梼條ﾔ返工先 ARM?!

返到屋企沖完涼 DINNER, 跟住又上下網咁, 突然間諗起, 點都要食返個蛋糕吧!! 所以就食左一件朱古力卷蛋代替生日蛋糕(見下圖)!! 食完又係上下網/睇下片咁!!

BY THE WAY, 要多謝各方好友O既祝福, TSUTSU 仲專登越洋 SMS 我添!! 收到大家O既祝福, 我真係好開心, 多謝哂!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 11 點幾起身, LUNCH 後上下網咁, 不過 2 點左右又食左個麵包喎, 其實唔係肚餓, 只係因為今日返工返 1500~2015, 中間冇�搭@會食野, 所以就食定個包打底先!!

夠鐘返工, 不過Ｄ信都未 CONFIRM 到, 所以都係貼左地址同埋郵票先咋, 貼完後就幫個同事校對下場刊, 真係眼都濛埋!! 5 點幾夠鐘幫 CENTER 就坐返出去聽下電話, 整理下點名簿資料咁, 再記錄下支票, 不過記錄唔哂, 聽晚繼續!! 夠鐘上去鎖門, 放工返屋企!!

沖完涼煮野食, 再次煮 蕃茄湯丸(見下圖)!! 依然好好味呀, 蕃茄好甜呀!! 食完又上下網咁!!

多謝同事"盜墓者"O既生日祝福, 有心唔怕遲呢!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 11 點幾有個同事打黎想我兩點返去幫手, 所以就應承左喇!! 同皇上太后傾左一陣電話, 原來話隔離幾座尋晚有個管理員跳樓 ... 睇完報紙後真係有少少唔舒服 ... !!

LUNCH 後上左一陣網, 夠鐘就返工, 今日工作好簡單, 就係準備黎緊比賽O既學校名牌, 上年我做落左個樣板, 所以今次都係改返Ｄ學校名就 OK, 跟住就貼左去Ｄ咭紙上面咁!! 做做下, 同事們突然拎左個蛋糕入黎喎(見下圖), 仲一齊唱生日歌, 真係太意外太驚喜呢!! 因為同事"盜墓者"尋日先睇到我 FACEBOOK 前日生日, 但係我真係估唔到佢地咁有心, 特別買左個蛋糕黎同我補祝生日呢!! 仲話佢地唔記得左我生日真係唔好意思, 其實記唔記得都唔打緊!! 真係好感動!! 多謝你地呀!!!!!

做到夠鐘又出返 CENTER 幫手, 本來諗住記錄埋尋晚Ｄ票架, 但原來已經攪掂左, 同事"盜墓者"~辛苦哂!! 跟住就分下學費收據咁, 再傾下計, 今日好靜, 冇電話響, 又冇人黎問野!! 無驚無險又夠鐘鎖門, 鎖完門等放工!!

返到屋企沖完涼, 又整 蕃茄湯丸, 其實我O係度諗 ... 食咁多得唔得架?! DINNER 完又上下網咁, 睇左明珠台播O既 靚太唔易做(唔知第幾輯), 都幾好睇架呢!!

O係 SAMMI 個官方 FACEBOOK 度睇新歌"罪與罰"O既 PV, 好好聽呀, 不過點解 廿四味 會有 陳子聰 O既?? 當年我去睇一個 BAND SHOW O既 廿四味 冇佢架喎!! 我手頭上仲有果陣入場派果隻"藤原紀香"(歌名)O既 CD, 封面冇佢架喎, 唔通係後黎加入?! 定係呢隊 廿四味 又唔係果隊 廿四味 呢?! 不過呢首歌真係好好聽, 攪到我想買佢隻福音碟添!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝本來想 9:30 起身, 點知又訓到 10:30 , 所以連忙執好野, 再食左少少野, 11 點左右就出門口, 坐 MTR 去 坑口 飲茶, 飲完茶行左一陣, 買左少少野, 再行返"別墅"!! 經過 將軍澳運動場 時, 非常得人驚呀, 因為離遠聽到有警察大聲話:"你咪郁, 你唔好郁呀! ...", 嚇到我地立即停步, 跟住又見Ｄ警察著哂避彈衣喎, 仲不停咁見到有兩個警察向住運動場裡面大叫"唔好郁!", 嘩, 好驚呀, 唔敢行, 跟住又見Ｄ路人照行黎喎, 跟住有個路人話"演習咋, 可以行架!", 咁再望一望 ... 咦, 係喎, 如果係真O既, 冇理由照俾Ｄ人行架, 所以我地就照行, 皇上經過問個警察行唔行得, 佢又話得喎, 所以先知真係演習!! 其實我就好想講一句 -- 演習你就寫牌話演習啦, 就算唔寫呀, 都派幾個人O係側邊講係演習, 叫Ｄ人唔洗驚嘛, 真係想嚇死人��!! 有�痘摎R完全唔表達係演習架, 咁鬼知唔係真架��, 真係嚇得我地丫!!

返到"別墅"換完衫就上下網咁, 不停咁聽 SAMMI 果首"罪與罰", 玩左一陣 PET SOCIETY!!

同個同事傾左一陣電話, DINNER 後就準備返歸, 大約 19:50 返到屋企, 沖完涼又上下網咁!!

今晚一定要早訓, 因為聽朝早起!!

BY THE WAY, 影下之前O係日本買O既 HAND CREAM 先(見下圖), 因為幾好用喎!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

尋晚明明早訓, 但又訓唔著果種!!

今朝 7:30 起身, 食左個豬仔包後, 夠鐘就返工, 今日都係做下個同事之前講O既野, 不過我都慢慢做, 因為要留返Ｄ聽日做!! LUNCH 返屋企食, 夠鐘又返工咁!!

間唔中同 上司小姐 傾下計咁, 開下門鎖下門!!

夠鐘就放工, 原來個 TEMP 呢, 係包埋"清潔消毒"呢個工作架喎, 上司小姐 話只係佢地冇要求個 TEMP 做, 嘩!! 做個一般助理, 人工已經唔多, 原來要包埋"清潔大使"之職, 呢個真係�盗｢界?! 政府搵中介請人, 話就話�揄ﾁ就業, 但其實係變相打壓!! 唉 ...!!

返到屋企好肚餓喎, 所以沖完涼就叮野食!! 食完又上下網咁!! 冇�涛ﾁ別呢!!

聽晚約左一班朋友食飯, 好期待呢!!

ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!