私の日記
1999
2000
2001
2002
2003
2004
2005
2006
2007
2008
2009
2010/01/01
2010/01/02
2010/01/03
2010/01/04
2010/01/05
2010/01/06
2010/01/07
2010/01/08
2010/01/09
2010/01/10
2010/01/11
2010/01/12
2010/01/13
2010/01/14
2010/01/15
2010/01/16
2010/01/17
2010/01/18
2010/01/19
2010/01/20
2010/01/21
2010/01/22
2010/01/23
2010/01/24
2010/01/25
2010/01/26
2010/01/27
2010/01/28
2010/01/29
2010/01/30
2010/01/31


2010/01/01

今朝差唔多 4 點先訓, 因為間唔中一次冇所謂啦!!

9 點幾手機響, 一聽對方問我係邊個 ... 果一刻真係好灰!! 好想鬧人, 但係 1 月 1 日一朝早又唔好咁!! 好彩跟住果個人發現佢打錯電話, 跟住同我講唔好意思!! 然後訓到 11 點幾醒左一醒, 開著個電視又訓過, 結果 1 點幾先正式起身!! 上網上到兩點先煮野食!! 食完又睇下片咁, 睇到 5 點左右沖涼, 沖完再睇片, 7 點幾先煮野食, 整左 咖喱雞飯, 因為整一次可以食幾日, 其實都唔錯架呢, 食完都 8 點幾 LU, 再上下網咁!!

今晚希望可以早訓到, 因為聽朝早起返工, 返 FULL DAY, 一定要知醒呢!!

新O既一年, 希望大家日日開心, 事事順利, 最緊要係身體健康!!

よい子の皆〜〜〜〜〜〜〜〜〜よいお年を!!!!!!!

20100101-01.jpg

時計じかけのアンブレラ → ♪ 君がいればいい、何もいらない!〜〜 ♪

返回


2010/01/02

今朝 7:30 起身, 食左件蛋糕夠鐘就返工喇!!

今日都幾清, 都係入下資料/聽下電話咁, 睇到 1 月更表有少少嚇親, 因為得兩日 OFF (雖然大部份都係返兩個幾鐘咁), 不過對我黎講係第一次返咁多, 因為有個同事就走, 所以未調到個人黎替佢時, 就用住我先(呵呵)!!

臨 LUNCH 時有個人打電話黎問野, 以為佢好快收線啦, 點知問極都唔願收線咁, 最後我係遲左幾分鐘先 LUNCH, 所以計返一個鐘頭後返工!!

返屋企食咖喱飯, 好好味, 睇左少少 COUNTDOWN , 夠鐘又返工!!

開下門鎖下門咁, 都冇涛チ別!! 夠鐘鎖完門就等放工喇!!

放工返到屋企沖完涼, 上左一陣網, 跟住 DINNER 都係咖喱飯(仲可以食多兩三餐架!!), 食完又上下網咁, 約左 YAN 星期一晚食飯, 要佢就我放工後, 再黎九龍灣呢邊食, 真係唔好意思!! 正因為咁, 我整左個 お年玉 同埋 瓢蟲仔 俾佢(見下圖), 希望佢鍾意!! 好期待星期一呢!!

20100103-01.jpg 20100103-02.jpg 20100103-03.jpg

時計じかけのアンブレラ → ♪ 君がいればいい、何もいらない!〜〜 ♪

返回


2010/01/03

今朝訓到 11 點左右啦, 睇下電視咁, 再叮飯食!!

夠鐘就返工, 都係入下資料咁, 再做左其它野, 鎖下門咁!! 其它時間就係聽下某同事O既 台灣之旅, 所以時間過得好快!! 夠鐘就 放工返歸!!

返到屋企沖完涼都 18:30 LU, 所以再上左一陣網就 DINNER, 依然係咖喱飯!! YEAH!!

食完就上下網咁啦, 跟住睇 明珠台 O既 加菲貓2, 幾好笑呢!! 跟住又寫下日記/BLOG, 同埋上網玩 GAME!!

打算聽日 LUNCH 後出一出 旺角, 因為 BID 左本書去交收, 順便去信和買碟, 相信聽日會大出血呢(笑)!!

好期待聽晚同 YAN O既 DINNER 呢, 呵呵!!

時計じかけのアンブレラ → ♪ 君がいればいい、何もいらない!〜〜 ♪

返回


2010/01/04

今朝 11 點左右起身, 上下網, 再煮左個米粉食, 食完再上下網/睇下片咁, 大約 1 點半就出門口, 坐 MTR 去旺角, 因為 BID 左本書要去信和某間店交收, 所以就諗住去買埋 J ALBUM 同埋 SAMMI CD!!

MTR 原來都幾快架喎, 大約十幾廿分鐘就到左旺角, 先去左信和地庫格下 CD 價先!! 再去一樓交收, 我終於買到呢本書喇!! 我搵左好耐好耐架喇(見圖1, 右)!!完先慢慢行!! 不過好多宅男呢(可能有新野出吧?!)

買左 J ALBUM 台版初回($110)(見圖1~2), 好抵呀真係, 因為日版初回要 $330, 只要平同埋正版就 OK !! 本來想買埋 SAMMI, 明明上網睇到話送 POSTER $9X 咋嘛, 但係今日見到竟然係 $120, 仲要冇 POSTER 送!! 有痘摎R貴過 HMV ?! HMV 賣緊 $110 咋喎!! 所以就冇買到, 其實我係想睇隻 DVD 咋, D歌已經有(唔好聯想我點得到D歌!!)

不過今日發現原來信和D店主都係夜鬼, 兩點幾三點都竟然好多店未開門!! 跟住去左 銀行中心, 扭左兩粒熊貓(見圖3), 呢部機終於都唔洗買咭先扭到喇!! 太好喇!! 不過依然扭唔到我最想要果個 桃桃!!

扭完後, 因為人太多, 所以坐 MTR 返歸, 未夠 4 點返到屋企, 睇下片, 食下野咁, 夠鐘就返工!!

少有咁拎埋個袋返工, 因為約左 YAN 放工食飯!! 今日工作係 CHECK 下野/入下資料咁!! 同個同事傾下計咁, 因為過幾日佢走喇, 可以傾計O既機會就會大大減少呢!! 夠鐘鎖完門就放工, 我火速咁行去 コ福 赤丸, 因為 YAN 等緊我, 而且間野好奇怪! 一定要齊人先入得!! 會合左 YAN 後就入坐, 我第一次去 赤丸 咋, 叫左個 蕃茄烏冬 -- $29 (見圖4~6), 都幾好味!! 一邊食一邊傾計, 識左咁耐都係第一次坐低傾咁耐呢!! 食完好似 10 點令啦, 去左 STARBUCKS 飲野, 不過我冇飯呢(因為食完野係只會掛住汽水!!), 又傾呀傾, 傾到 11 點左右, 影左張合照後就陪 YAN 等埋車再返屋企!! 合照 UPLOAD 左去 FACEBOOK, 大家想睇O既話自己去睇吧!!

返到屋企沖完涼就執野, 因為 YAN 拎左好多野俾我, 真係要再多謝佢, 因為D野都好重下!! 真係麻煩你!! 包括之前O係 淘寶 夾份買O既袋同埋文具(見圖7~8), D袋O既質素真係好好, 完全睇唔出係 $30~40 貨仔!! YAN 送左好多野俾我呵(見圖9~11), 多謝哂你呵!

執好哂D野就上下網咁, 不過寫完日記/BLOG, 兩點半喇, 要快D去訓先得, 因為我對眼袋原來好勁!!!!!!!

20100104-01.jpg 20100104-02.jpg 20100104-03.jpg 20100104-04.jpg

20100104-05.jpg 20100104-06.jpg 20100104-07.jpg 20100104-09.jpg

20100104-08.jpg 20100104-10.jpg 20100104-11.jpg

時計じかけのアンブレラ → ♪ 君がいればいい、何もいらない!〜〜 ♪

返回


2010/01/05

今朝 11 點幾起身, 電視都冇乍ヌ, 所似都係上下網/睇下片咁!! LUNCH 完依舊上網/睇片!!

吸下塵咁啦, 再 5 點幾沖完涼就準備 DINNER, 煮左個 甜酸雞(見下圖), 未來幾日都係食佢架喇, 不過整埋呢次, 冇哂白醋呢!!

食完又睇下電視同埋上下網咁!! 我承認我係宅女架!! 呵呵!!

20100105-01.jpg

時計じかけのアンブレラ → ♪ 君がいればいい、何もいらない!〜〜 ♪

返回


2010/01/06

今朝起身睇下電視同埋叮飯食, 食完又上網同睇片, 終於睇哂成集 「ダウンタウンのガキの使いやあらへんで!! 罰 絶対笑ってはいけない」, 一邊睇一邊覺得又慘, 但係有D又真係好好笑!!

4 點幾食左少少野, 5 點左右落左街, 先去寄信, 再去交管理費 ... 中途有件事好得人驚, 就係經過管理處前面個管理員崗位, 明明立下眼見到個管理員架, 但 ... 再望真D係冇 ... 連隨再諗返起早排某件事 ... 好驚呀!! 不過好彩係 5 點幾, 我當自己眼花, 其實我都應該係眼花O者!! 冇事冇事!! 然後我行左去 淘大 買麥記, 嘩, 果然廿蚊餐好受歡迎, 好多人排隊呢, 我都排左成十幾分鐘先買到, 買完就先返屋企放低D野, 去埋洗手間就返工!!

返到去, 改左更表添, 因為總部D PATPAT鬼 唔俾我連續返, 因為咁叫另一個人返, 政府反而要用多千幾蚊(因為除左我冇人肯一晚返咁少), 不過算啦, 唔諗太多喇, 我有假放都唔錯呢!! 算, 唔再諗咁多!! 因為今日返工都同D同事講開呢個問題, 煮到埋黎先算, 唔好自尋煩惱!!

今日入資料呀, 一路入呀入, 入到 7 點幾先攪掂, 再同個同事傾下計咁, 夠鐘等放工, 因為唔洗我鎖門喎, 呵呵!!

返工返屋企沖完涼就 dinner, 當然係食麥記啦(見圖1), 飯後果仲有一個新鮮蜜棗(見圖2), 係一個 MISS 請我食架, 多謝哂!! 食完睇下電視同埋上下網咁!!

要多謝 家姐 同 YAN 聽我講近日O既煩惱!! THANK YOU!!

20100106-01.jpg 20100106-02.jpg

時計じかけのアンブレラ → ♪ 君がいればいい、何もいらない!〜〜 ♪

返回


2010/01/07

今朝起身後都係叮飯食同埋上網!!

終於睇哂成集 ネプリ-グ 芸能界超常識王決定戰(20100102), 睇完後覺得我個細仔真係要去補下習!! 同埋估唔到 J SAMA 咁勁, 識答咁多問題呢!!

4 點幾食左少少野, 再上左一陣網就返工喇!! 做D濕碎野, 跟住就學下點樣整外展班點名紙, 因為可能日後都係俾我跟(雖然我唔太明白點解某同事唔跟啦下), 不過都好架, 學定先, 費時到時做漏野呢!! 跟住傾下計咁, 夠鐘就放工!! O係樓下同個同事道別, 雖然聽朝都見到, 但係短期內再好難有機會好似今日咁傾下計呢!! 唔捨得架, 不過都戥佢開心!! 佢仲送左份小禮物俾我(見下圖), 真係多謝哂!! 亞珊~ 你要保重呵, 保持聯絡呵!!

返到屋企沖完涼就叮飯食, 睇下電視咁, 再上下網!! 都冇涛チ別!!

我將外展班點名紙做法用 MS WORD 打左出黎, 以防萬一!! 我呢個 PART TIME 算係超出左份內事O既範圍呢!!

20100107-01.jpg

時計じかけのアンブレラ → ♪ 君がいればいい、何もいらない!〜〜 ♪

返回


2010/01/08

今朝 8 點半起身, 可能因為天氣凍, 所以好想食熱野, 就整左個米粉食喇, 不過就咁用熱水焗架咋, 冇煮咁好味呢!! 夠鐘就返工!!

都冇涛チ別, 開頭兩個鐘都係聽下電話/開下門咁, 跟住先有少少野做(o係收據度蓋印), 不過蓋得專心得滯, 明明放 12:30, 但係發現時已經12:32, 再執埋野, 走果陣都 12:35 LU, 蝕左五分鐘添!! 輕輕同亞珊道別, 跟住就返屋企喇!! 要多謝同事"盜墓者"送我O既菊花, 等我可以清熱!! 同埋多謝 MISS 請我食朱古力!!

返到屋企執下野, 跟住上左一陣網, 大約 13:30 就出門口, 因為約左皇上同太后飲茶, 坐 MTR 去將軍澳, 會合左後就食野(見圖1), 飲完茶同太后去左行 $7.8 店, 不過間店真係冇人執貨架喎, 幾十箱野阻住哂條路, 根本就冇位行去睇野, 但係D店員又好得濶ヒ喎!! 真係好好地一間店, 唉, ... 因為有D野真係幾抵買!!

行到 4 點幾返左"別墅", 上下網咁, 6 點幾再同太后去左麥當當買餐返黎食, 買完返黎食先知果個人俾錯左我地, 我地明明要兩個巨無霸餐同埋一個雞腿餐, 但係就俾左一個巨無霸餐同埋兩個雞腿餐, 不過都係廿蚊一個就算啦!! 食完先發現唔記得影相喎!! 然後沖完涼上下網, 再睇下電視咁!! 沖左杯菊花飲(見圖2), 唔錯唔錯!!

不停咁睇 淘寶, 因為好想買熊貓野呢, 不過都係時候認真研究下點樣開返個 ACC 喇!!

20100108-01.jpg 20100108-02.jpg

時計じかけのアンブレラ → ♪ 君がいればいい、何もいらない!〜〜 ♪

返回


2010/01/09

今朝又係訓到 12 點幾, 太后叫我先起身!!

食完 LUNCH 後不停咁上網, 同埋睇下片咁, 睇到 6 點幾就 DINNER, 跟住執下野咁, 咁 ARM J2 播 KAWAII TV 喎, 咁咪睇埋先走囉, 坐 MTR 返屋企!!

沖完涼又執野, 其實我點解成日都執野架呢?! 最重要係 ... D野依然好亂(笑)!! 跟住睇左一陣電視, 不過D人真係好嘈, 勁大嗌都唔知仲! 頭都痛埋!! 所以決定熄電視上網好過!!

廟街又有漒水, 真係非常恐佈呢!! 再係咁落去, 都唔知仲有邊度係安全呢!!

時計じかけのアンブレラ → ♪ 君がいればいい、何もいらない!〜〜 ♪

返回


2010/01/10

今朝起身睇埋套日劇<正義靚太>O既大結局, 都幾感動!! 跟住叮飯食, 食完又上下網咁, 夠鐘就返工!!

亞珊一走, 工作量就立即大左, 主要係某同事唔做野, 不過算啦, 做好本份! 我記得呢個宗旨架!! ... 亞珊突然返黎喎, 原來係執埋D野, 再次道別後繼續工作!! 分完信後就繼續O係收據蓋印, 一蓋!! 謎團終於解開喇!! 因為尋日同今日朝起身發現左邊肩有少少痛, 諗黎諗去以為自己訓得唔好, 點知一蓋返印, 我就諗起星期五果朝勁蓋左幾千個印, 唔怪之得痛啦!!! 再同同事傾下計咁, 夠鐘就放工!!

返屋企沖完涼上左一陣網先叮飯食!! 食完又睇下電視咁!! 再上下網一依然不停睇 淘寶, 有好多衫想買呀!! 同 YAN 傾 MSN, 傾開佢試玩 LIGHT PAINTING 喎, 其實我一路都想玩, 不過成日唔記得, 所以立即拎部相機出黎試下, 原來用 夜景 就 OK!! 仲拎左支紫外燈筆出黎玩, 因為電筒太大喇!! 係畫呀畫, 真係得架喎!! 好好玩添呀!!! 最多寫到 5 粒字母, 好好玩呀真係!! 而且好有滿足感, 因為一日未睇到張相, 一日都唔知成唔成功呢!! 今次第一次玩O既成績都唔錯架, 寫到字架!! 俾大家睇下丫(見下圖)!! 睇黎往後會成日玩呢, 因為太好玩喇真係, 而且滿足感好大!!

20100110-01.jpg 20100110-02.jpg 20100110-03.jpg 20100110-04.jpg

20100110-05.jpg 20100110-06.jpg 20100110-07.jpg 20100110-08.jpg

時計じかけのアンブレラ → ♪ 君がいればいい、何もいらない!〜〜 ♪

返回


2010/01/11

今朝起身睇下電視, 再煮野食, 食完又係上下網, 連續睇返 9~10 月o既<SMAP X SMAP>, 木村真係好型呢!! 慎吾 戴眼鏡好好睇!! 睇到 4 點幾又食左幾塊餅, 不過唔知點解次次食呢種餅後都肚痛架呢!! 食完餅又睇下片同上下網咁!! 夠鐘就返工!!

又早左返去, 其實我懷疑公司個鐘越黎越慢!! 今日工作都果D啦, 已經放哂O係枱面, 好彩都好快完成!! 跟住同同事"盜墓者"傾下計咁, 亞珊有打返黎, 知道佢派左去果個地方都唔錯呢, 起碼五天工作, 唔洗輪班, 可以過正常人生活, 恭喜哂!! 等夠鐘就上去鎖門, 放工後返屋企!!

沖完涼就煮飯食, 其實返工前煮定飯架喇, 係爭個咖喱未整, 都成 9 點幾先食(見圖1), 食完後又掛住玩 LIGHT PAINTING(見圖2~17), 實在真係好好玩, 不過其實我冇貼哂出黎, 因為怕個 BLOG 空間好快用哂, 所以只係貼左D我滿意O既作品, 其它果D去我 FACEBOOK 睇啦!!

今日係嫲嫲O既死忌, 咁快就兩年喇, 時間實在係過得太快!!

另外要祝 YAN BABY お誕生日おめでとう 呢!! 一切順順利利, 身體健康!!

我換左手機個鈴聲呀, 變左 コハル 唱俾 正宗くん o既生日歌, 真係好可愛!!

20100111-01.jpg 20100111-02.jpg 20100111-03.jpg 20100111-04.jpg

20100111-05.jpg 20100111-06.jpg 20100111-07.jpg 20100111-08.jpg

20100111-09.jpg 20100111-10.jpg 20100111-11.jpg 20100111-12.jpg

20100111-13.jpg 20100111-14.jpg 20100111-15.jpg 20100111-16.jpg

20100111-17.jpg

時計じかけのアンブレラ → ♪ 君がいればいい、何もいらない!〜〜 ♪

返回


2010/01/12

今日到 1 點幾, 因為太眼訓喇!!

起身叮飯食, 然後都係不停咁睇片同上網!! 4 點幾食左少少野, 夠鐘就返工!!

返到去枱面依然係擺左好多文件等我處理!! 攪掂哂再同個同事傾下計咁, 夠鐘又去鎖門, 夠鐘就走人!!

放工返屋企沖完涼就叮飯食, 再睇下電視咁, 跟住就上網, 依然係迷戀 淘寶, 問左幾間店, 不過都仲未決定到幫襯邊間好, 都係諗定D先!!

時計じかけのアンブレラ → ♪ 君がいればいい、何もいらない!〜〜 ♪

返回


2010/01/13

今朝 11 點幾起身, 加勒比海 大地震, 死左千幾人, 好恐佈呢!!

上下網, 再叮飯食!! 睇下<SMAP X SMAP>D新語, 我完全覺得自己係: 逆コナンのマショ子, 再上下網咁, 3 點左右出門口, 坐 MTR 去 灣仔, 因為皇上中左兩張 龜龜膏 券(AM730)!

MTR 真係幾快, 不過落左車仲要行左十幾分鐘先到 AM730 OFFICE, 拎左兩張券(見圖1), 不過有效日期到 1月31日 架咋喎!! 拎完都 4 點幾, 所以直接出 旺角, 途中經過見到有個新年裝飾(見圖2), 出到 旺角 快行左一陣 旺角中心, 差唔多 5 點就去信和等家姐!!

會合左家姐後, 行信和啦, 不過睇得淘寶多, 就發現好多都係 淘寶 黎o既!! 所以冇收穫!! 再去左十蚊店/旺角中心 ... 跟住就行左去 尖沙咀, 先去左食野(見圖3~4), 食完再行左一陣, 再一齊坐 MTR 返歸!!

返到屋企沖完涼 10 點幾, 再上下網咁!! 不經不覺又點幾 lu!!

20100113-01.jpg 20100113-02.jpg 20100113-03.jpg 20100113-04.jpg

時計じかけのアンブレラ → ♪ 君がいればいい、何もいらない!〜〜 ♪

返回


2010/01/14

今朝 11 點幾起身, 食左少少野, 上下網咁, 1點半左右出門口, 坐 MTR 去 將軍澳 飲茶!!

飲茶食左幾多野架(圖見1~5), 飲完茶坐 MTR 去左 寶琳 行街, 同埋食 龜苓膏(見圖6), 不過真係麻麻地, 完全唔似龜苓膏味呢!! 食完又行左一陣!! 跟住行返去"別墅"!!

上下網咁, DINNER 完執下野返歸, 返到屋企 8 點幾啦, 沖完涼再睇下電視咁!! 跟住依然睇 淘寶, 真係要 買喇!! 不過又未入錢喎!! 一於聽日入, 因為好驚D熊貓冇貨呀!!

20100114-01.jpg 20100114-02.jpg 20100114-03.jpg 20100114-04.jpg

20100114-05.jpg 20100114-06.jpg

時計じかけのアンブレラ → ♪ 君がいればいい、何もいらない!〜〜 ♪

返回


2010/01/15

今朝 9:30 起身, 食完餅餅就返工!! 好忙!! 一路做到 LUNCH 返屋企食, 食完又返工, 又繼續做野!! 放工返屋企, 沖完涼先食飯, 好累好累, 無論身心都好累!! 點解架 ...

BY THE WAY, 我終於充值左 支付寶 喇, 好方便好快呢!!

時計じかけのアンブレラ → ♪ 君がいればいい、何もいらない!〜〜 ♪

返回


2010/01/16

尋晚 11 點幾開始訓, 12 點幾就訓左, 不過我知道我D無形壓力又出現, 因為我 1:30 竟然無意識咁開左個電視, 因為我睇鐘以為 7:30 要起身!!

未夠 7 點又醒左, 到就訓著時又夠鐘起身!! 食左少少餅, 夠鐘就返工!!

上晝清左要做O既野, ... 心情都好煩惱, 唉, 點好!!

LUNCH 返屋企食, 特別睇<ひみつのアラシちゃん!>黎等自己唔好諗野, 不過冇嶋ン口!! 夠鐘又返工!!

再繼續工作, 再呆坐下諗下野咁, 但係都未有結果!! 4 點幾俾個同事點左我落去寄信(唉), 跟住再返去呆坐, 佢再叫我做野, 我話聽日先做, 因為我唔可以咁馴!! 夠鐘鎖完門就放工!!

放工返屋企沖完涼, 再上下網咁, 其實真係好累, 可能真係好耐未試過咁連續返夜 FULL 再早 FULL, 而且呢兩日太多野訓, 根本就訓得唔太好呢!!

忍唔住同 YAN 傾下計, 咁又係, 佢講得 ARM, 最緊要係開心, 而選擇權O係自己度!! 所以我決定要試一試, 一來未必 OK(雖然都應該 OK), 二來未試而放棄真係唔太好!! 或者真係上天為我安排O既機會都唔奇呢!! 同埋一年O者, 好快過 ... 吧!!

DINNER 後再上下網咁, TVB 有草蜢, 我以前好鍾意佢地架!! 又有玉木宏, 原來黎緊 3 月會黎香港開演唱會, 唔怪之得肯黎唱幾句歌啦!!

終於O係 淘寶 訂左條熊貓喇, 希望快D收到啦, 好緊張我好緊張呀!!

時計じかけのアンブレラ → ♪ 君がいればいい、何もいらない!〜〜 ♪

返回


2010/01/17

今朝訓到 10:30, 再睇埋電視先起身, LUNCH 食左個即食米線(見下圖), 不過本來係辣架呢, 不過我唔敢落果包湯粉, 拎左之前米粉包湯粉, 都麻麻地好味!! 食完上下網, 夠鐘就返工!!

做哂我應做O既野, 跟住就行行企企咁, 冇涛チ別, 因為呢排冇咁忙!! 等到夠鐘就走人!!

返到屋企沖完涼, 上左一陣網, 就煮飯食, 食完又上下網同埋睇下電視咁!

尋晚睇左 深田恭子 今季O既<まっすぐな男>, 都幾好睇, 幾得意呢!! 最攪笑係, 原來今季有套叫<曲げられない女>喎, 呢兩套好相對呢(個題目), 我都會睇下好唔好睇!!

20100117-01.jpg 20100117-02.jpg

時計じかけのアンブレラ → ♪ 君がいればいい、何もいらない!〜〜 ♪

返回


2010/01/18

今朝 10 點幾上司小姐打黎, 跟住我睇下電視就起身喇, 叮飯食, 跟住約左個 AGENT 聽日見面, 跟住睇下片上下網咁啦!!

4 點幾食左少少野, 夠鐘就返工, 完成左少少工作, 再傾下計咁, 夠鐘鎖完門就放工!!

返到屋企沖完涼就叮飯食, 再預備下聽日見 AGENT D野, 其實都唔算太緊張, 只係太耐冇見過工, 有少少唔知會點O既感覺!!

時計じかけのアンブレラ → ♪ 君がいればいい、何もいらない!〜〜 ♪

返回


2010/01/19

今朝 10 點幾起身, 跟住睇下電視咁, 叮飯食完, 大約 1 點就出門口, 坐 MTR 去 金鐘 見 AGENT 喇!!

都唔知點解平日都咁多人架!! 早左成廿分鐘到, 所以上左去 SPACE 睇下有 COURSE, 不過日文依然係得果D!! 差唔多兩點就上去 AGENT 度, 原來見 AGENT 都幾煩架, 雖然佢都好 NICE, 但係一去到又要O係電腦填 FORM, 明明話好多野唔洗填, 跟住又話要填, 不過係個 AGENT 幫我填, 因為佢地個 SYSTEM 真係唔太曉用!! 填完就入左房仔等左一陣, 跟住就同個 AGENT 傾喇, 不過都唔太難, 因為佢O既角度都係想搵到人轉介去, 成功就每月賺幾千蚊咁!! 好簡單咁問下工作情況呀咁, 再簡單講左幾句英文, 不過原來我D英文真係差左好多, 實在冇搭@會講呢!! 傾完一陣就去做打字測試, 打英文個軟件幾耐冇見過呀!! 中文打果篇野又唔太順咁(可能係因為唔太習慣個 KEYBOARD 吧), 結果: 英文32/WPM 中文45/WPM, 由此可見我中文係未做到最好呢(呵呵)!! 跟住就執返好D CERT 就走人!!

我都冇去第二度, 直接返屋企, 不過就經將軍澳線咁返去, 不過原來真係慢過經荃灣線咁去架喎!! 返到九龍灣 MTR 先發現同事"盜墓者"打過俾我喎, 所以就打返俾佢, 傾左一陣!! 3 點幾返到屋企, 休息下咁啦, 突然間有人噤門鐘喎, 一開門, 原來係速遞, 前幾日第一次O係 淘寶 買O既野終於都送到黎喇(見圖1~5)!! 不過一拆開就幾嬲, 其實件事都唔太順利, 首先係星期六訂左貨, 點知個賣家又唔知點解尋晚先發貨, 仲要發左貨後我問佢, 佢先話有兩樣野冇貨, 叫我去噤退款, 但我好明顯係問左佢, 佢話有貨先訂, 好! 咁都算, 點知拆開, 少左一樣野喎, 即刻問佢啦, 跟住又話要退款, 但又怪喎, 總之攪左好耐先退到款!! 食左少少野就返工!!

都唔算太忙, 做左少少野就等放工, 鎖完門就放工!! 要同同事"盜墓者"講聲 THANK YOU, 因為佢幫我訂左件衫(見圖7), D料真係好正, 30幾40蚊, 香港一定搵唔到!! 仲開左包芒果乾, 我食左大半包呀, 因為實在太好味!!

放工返屋企沖完涼就叮飯食, 然後就睇下D貨, 果條 98CM O既熊貓, 一度之下, 原來得 80CM 喎, 我又同個賣家講話貨不對辦, 跟住我俾左 3 個中評佢, 佢就嘈我喇, 話冇理由俾中評佢, 但係我俾O既中評係因為, 我明明係買 白雪熊貓 架嘛, 點知黎左隻 灰姑娘熊貓 喎(見圖6, 左邊係之前 YAN 送我O既, 右邊係今次訂O既), 其它兩樣都係咁O既色, 個賣家勁嘈話我唔應該俾中評佢, 又話件貨冇問題冇爛呀咁, 又勁講話佢要湊BB所以好忙呀咁(其實佢一直都係咁講, 我一問佢發貨未呀咁, 佢就係咁話湊BB忙), 跟住我終於忍唔住話:"你帶小孩忙是你的問題, 與買家完全沒關係!", 然後佢自願退返廿蚊俾我, 咁都好D, 因為真係幾貨不對辦, 雖然果幾廿蚊貨仔, 唔可以期望過高, 不過都要有底線!! 所以今次算係咁!!

跟住都係上下網/玩下 GAME 咁!!

20100119-01.jpg 20100119-02.jpg 20100119-03.jpg 20100119-04.jpg

20100119-05.jpg 20100119-06.jpg 20100119-07.jpg

時計じかけのアンブレラ → ♪ 君がいればいい、何もいらない!〜〜 ♪

返回


2010/01/20

今朝 10 點幾起身, 睇下電視, 再食左幾塊餅, 1 點幾就出門口, 坐 MTR 去 將軍澳, 因為約左皇上同太后飲茶, 出奇地我早到左, 所以拎左飛先, 會合後再等左一陣就有位喇!! 食左好多野呀(見圖1~4), 食完再去左行 吉之島, 因為今日係感謝日, 買左少少野, 包括呢盒大壽司(見圖5), 係我獨享架, YEAH!! 買完再返左"別墅", 大約 5 點幾再返歸, 拎住盒壽司坐 MTR (笑)!! 好快就到, 仲O係 MTR 撞到 上司小姐, 傾左幾句咁, 返到屋企執好野再沖涼, 跟住上下網咁, 7 點幾就開餐, 不過因為盒壽司好貴架($7X), 冇理由咁富貴一次過食哂(雖然我真係食得落), 所以先食半盒, 另外半盒留返聽日午餐!! 一邊食一邊睇下電視咁!! 食完再上下網, 都冇涛チ別!!

11 點幾突然諗起好耐冇做過 FACIAL, 所以即刻做返個 紅酒面膜 先!!

BY THE WAY, 今日係寶姨O既生日, 祝佢生日快樂, 身體健康!!

20100120-01.jpg 20100120-02.jpg 20100120-03.jpg 20100120-04.jpg

20100120-05.jpg

時計じかけのアンブレラ → ♪ 君がいればいい、何もいらない!〜〜 ♪

返回


2010/01/21

今朝 10 點幾起身, 再睇下電視咁, LUNCH 食埋尋晚果盒壽司, 跟住就上下網/睇下片咁!! 聽朝又要去 INTERVIEW, 要早起添!!

5 點幾沖完涼再上左一陣網, 再 DINNER, 之後又上下網同睇下電視咁!!

時計じかけのアンブレラ → ♪ 君がいればいい、何もいらない!〜〜 ♪

返回


2010/01/22

尋晚太乖喇, 9 點幾入左房, 勁睇<KERORO>, 睇到 12 點左右就訓左都唔知!! 4 點幾醒左一醒, 跟住訓到 7:30 起身!! 食左少少野, 8 點幾就出門口!!

朝早O既 MTR 真係非常之討厭, 真係好怕咁多人, 條街又多人!! 好彩冇遲到咋, 一去到等左一陣, 再去做 TYPING TEST (唉, 又要做, 好麻煩!!), 跟住再等左一陣就 INTERVIEW 喇!! 其實都冇当, 因為 IN 我果個人我都識O既!! 闥k左一陣就話 OK 喇!! 立即坐 MTR 返屋企, 因為實在有少少眼訓!!

返到去上下網睇下電視咁, 又唔想訓喎, 因為我未洗頭沖涼, 唔可以訓床, 但諗諗下都唔好訓, 因為實訓得唔好架呢!! 所以睇下電視/上下網就算!!

有個同事打黎問我可否 2:30 返去幫佢, 我反正得, 所以應承左!! 跟住 12 點幾 AGENT 打黎話份工 OK 左!! 咁高效率O既, 個心情 ... 好怪咁!!

LUNCH 叮飯食, 其實唔知點解冇嶋ン口咁!! 食完上左一陣網, 夠鐘就返工!!

幫個同事整理下D資料咁, 攪掂哂就剛剛好夠 17:30, 所以又去做 CENTER O既野, 開始感受到責任越黎越大!! 加上坐果個位真係唔太著數, 係人入黎就第一野見到我, 亦展望到未來一年都係返夜, 開始灰灰地, 唉 ...!! 不過都冇計!!

走上走落鎖門, ... 好眼訓呀!! 放工鎖完門就返屋企!!

返到去沖完涼就叮飯食, 再煮左個 咖喱 未來幾日食!!

心裡面其實應該開心先 ARM!! 但唔知點解又有少少自閉O既傾向!!

時計じかけのアンブレラ → ♪ 君がいればいい、何もいらない!〜〜 ♪

返回


2010/01/23

今朝都係 7:30 起身, 因為今日返早!! 食左少少野就返工!!

返去學左好多野, 因為要開始 PICK UP D工作, 大部份都明白個工序, 習慣左應該會好少少架喇!! 做到夠鐘 LUNCH, 跟住就返左屋企食野, 食完夠鐘又返工!! 繼續工作, 跟住又呆坐下咁, 好眼訓!! 因為呢兩朝都勁早起身(雖然都好早訓), 都係要習慣!! 夠鐘鎖完門就放工!!

返屋企沖完涼洗下衫咁, 跟住上左一陣網, 再叮飯食, 食完又睇下電視咁!!

要再次多謝 YAN, 日都要佢做我心理輔導, 不過我都係要習慣, 習慣左就會好, 自然時間就好快過!! 我要賺錢購物!!

時計じかけのアンブレラ → ♪ 君がいればいい、何もいらない!〜〜 ♪

返回


2010/01/24

今朝 7 點幾醒左一陣, 好辛苦先訓得返!! 10 點幾起身, 睇左一陣電視先出廳 LUNCH, 唔知點解呢幾日有少少精神累O既感覺!!

一邊 LUNCH 一邊睇<SMAP X SMAP>, 夠鐘又返工, 返到去又見到一大箱舊文件, 撞鬼咯! 仲当ウ LALA 搵咁多舊文件俾我碎架, 我今日仲成身白色衫呀, 真係唔通連個天都唔鍾意我!! 我碎左幾袋就算, 跟住就等放工!! 夠鐘當然走人返屋企啦!!

返到屋企沖完涼上左一陣網, 再叮飯食, 再睇電視, 睇到 9 點先上下網, 寫下日記咁, 心情都幾不安, 好多野諗, 天使同魔鬼鬥爭, 其實我應該安然地接受, 叫自己唔好諗咁多, 但真係控制唔到!! 不過總覺得個天俾機會我, 但總有少少唔能夠接受O既地方, 過去呢幾年都係咁, 我都唔知點好 ... 不過只能夠接受 ...!!

時計じかけのアンブレラ → ♪ 君がいればいい、何もいらない!〜〜 ♪

返回


2010/01/25

今朝唔知點解又係 4 點幾醒左一醒, 7點幾又醒左一醒, 好辛苦先訓到 10 點幾睇下電視!!

12 點幾先出廳, 再叮飯食, 依然精神上好累 ...!! 不停咁睇日劇, 因為唔想自己亂諗野, 分別睇左<エンゼルバンク>同埋<左目探偵EYE>, 前者係因為 瑛士 而睇, 都唔錯, 後者係因為 YOKO 而睇O既, YOKO 戲份太少喇, 唔夠我去萌佢呀!! 快D戲份多D啦!!

4 點幾食左少少野, 夠鐘又返工, 做左少少野, 開下門鎖下門咁, ... 夠鐘就放工!!

返到屋企沖完涼就 DINNER, 再睇下電視/上下網咁!!

其實連我自己都唔係好明白我點解呢幾日心情咁樣, 明明應該開心, 但係就硬係唔知點咁, 凌晨我終於 FAX 返張合約俾 AGENT, 本來我係打算再諗下聽日再 FAX ... 但其實冇得諗, 點都要簽架啦, 我好唔明白自己點解會咁諗 ... 所以唯有同自己講唔好諗咁多, 返夜就返夜, 其實就算返早都係返屋企咋嘛 ... 希望心情快D好過黎啦!!

BY THE WAY, 翔ちゃんお誕生日おめでとう!! 唔好意思呢, 雖然係你生日大日子, 但係我唔知點解冇心情同你慶生呢!!

時計じかけのアンブレラ → ♪ 君がいればいい、何もいらない!〜〜 ♪

返回


2010/01/26

今朝 10 點幾起身, 跟住睇電視睇到 12 點幾先出廳再叮飯食!! 跟住上下網/睇下片咁啦!! 4 點幾食左少少野, 夠鐘就返工!!

今晚係暫時 PART TIME O既最後一晚, 因為後日開始就變左做 TEMP 喇!! 拎左公司鎖匙, 突然間責任大左好多咁!! 某同事依然係好 PK, 成日俾說話我聽, 雖月灰話可以唔理佢O者, 但係我覺得咁大個男人做野又縮骨, 工作會好煩!! 不過唔理咁多, 反正一年咋嘛!! 夠鐘鎖完門就等放工, PK 同事同我講:"你快D上手啦, 咁我就甩難喇!", 果一刻我內心係深深地問候左佢幾句, 其實係想開口問候佢O既, 不過對呢D小人, 唔好同佢有正面衡突為妙!! 我就當練下我D EQ 啦!! 只係答左佢一句:"你唔好俾壓力我呀, 我話俾上司小姐聽架!", 老實講, 而家我係 TEMP, 而且係經 AGENT 簽約, 我完全真係唔會有 SERVICE 精神, 做好本份就算, 所以我唔去諗太多, 要零壓力工作!!

返屋企沖完涼就食飯, 不過冇嶋ン口, 因為O係公司食左兩個蛋撻同埋一塊大曲奇, 不過晚飯都係要食正常份量! 食完又上下網咁, 其實係幾眼訓, 真係唔知點解呢!!

BY THE WAY, YUMIKO お誕生日おめでとう!!

時計じかけのアンブレラ → ♪ 君がいればいい、何もいらない!〜〜 ♪

返回


2010/01/27

尋晚又唔訓得太好, 唔知點解!! 今朝 10 點幾醒左, 跟住訓返, 訓到 11 點幾起身, 上下網咁, 大約 1 點幾再出門口, 坐 MTR 去 將軍澳 飲茶, 飲完茶行左一陣, 4 點幾就返歸喇, 因為唔太舒服呢!!

返到屋企沖完涼再上下網, 跟住 7 點幾叮飯食, 再洗衫 ... 再上下網咁!!

原來我仲未完全諗通 ...

時計じかけのアンブレラ → ♪ 君がいればいい、何もいらない!〜〜 ♪

返回


2010/01/28

今朝又係 7 點幾 8 點醒左一次, 跟住 身體訓精神醒 咁到 8:30 起身, 因為今日係轉做 TEMP O既第一日!! 仲要係好離奇咁可以返早唔洗返夜!! 起身食左少少野, 夠鐘就返工!!

做左幾樣野啦, 都係以前未做過O既!! 其實呢度環境都幾好, 工作又唔算太辛苦, 只係好多濕碎野要記, 同埋有一個 PK 同事之外, 冇涛チ別!! 到左某日我頂某人唔順時, 我一定唔會唔出聲!! 跟住 LUNCH 返屋企食, 仲順便打電話俾個 AGENT 問佢張 PAYMENT 點填!! 叮完飯食完夠鐘又返工!! 繼續做一樣新O既野, 比預期快做完, 其實我仲對左幾次添, 印埋D點名簿面貼埋就差唔多放工, 因為今日真係好少有咁放 17:29 (HAHAH, 係零丁左少少!!), 所以一夠鐘立即走人!!

返到屋企沖完涼就吸下塵上下網咁, 7 點幾先叮飯食, 胃口都唔太好咁, 有少少反胃, 不過好堅持咁食左正常份量!! 食完又睇下電視同上下網咁!!

時計じかけのアンブレラ → ♪ 君がいればいい、何もいらない!〜〜 ♪

返回


2010/01/29

今日第一日返夜, 不過唔知點解又係 8 點幾醒左, 好難先訓得返!! 10 點左右起身睇下電視咁, 再食左少少野, 12 點返工!!

返到去好快就完成左要做O既野, LUNCH 又返屋企叮飯食, 然後又返工!!

又做左幾樣濕碎野, 又開門鎖門, 行上行落咁!! 呆到夠鐘又放工!!

返到屋企沖完涼就叮飯食, 食完又睇下電視同上下網咁, 整左二月張 PAYMENT, 返工時間過得快D就好喇!! 雖然唔算忙, 但係坐果個位真係做涛s唔自在呢!!

快D中六合彩頭獎啦!!

時計じかけのアンブレラ → ♪ 君がいればいい、何もいらない!〜〜 ♪

返回


2010/01/30

尋晚睇 小新 睇到 1 點幾先訓, 今朝 7:30 起身, 真係幾眼訓, 食左少少野就返工喇!!

星期六都算係一個平靜O既日子, 都唔算好多野做, 電話亦唔算多, 發下呆/上下網咁, 又到 LUNCH!!

LUNCH 返屋企叮飯食, 睇左<新堂本兄弟>, 嘉賓係 GIRL NEXT DOOR O既 千紗, 不過我真係唔太喜歡佢, 一直唔知點解 ... 不過我終於明白喇, 就係佢俾我O既感覺好倖田來未, 所以冇桃D感!! 我亦唔覺佢地D歌好正, SORRY!!

夠鐘繼續返工, 都冇涛チ別, 開下門鎖下門咁, ... 雖然冇涛チ別, 但係我開始諗 --- 呢D係咪我真正想要架呢?! ... 不過點都要挨埋呢一年先再諗, 因為始終份約係跟 AGENT, 我唔太喜歡呢, 都唔明仲盗ュ府而家要搵 AGENT 請人, 如果自己直接請, 人工起碼多兩千吧!! 所以話呢, 政府政策成日話痘v製造就業機會呀咁, 佢真係做到呀,造就左 AGENT O既就業機會嘛!! 我一直都知一班 非公務員合約 O既人(簡稱: N仔)已經怨聲四起, 不過我就幾羨慕佢地, 起碼係政府自己請O既, 而唔係好似我而家咁, 我覺得自己似日本果D 派遣 囉, 冇福利冇機會冇保障亦冇前境 ... 日本D好野又唔學, 係學埋呢D衰野!! ... 不過有怨冇路訴呢, 所以我覺得D N仔唔好再埋怨喇, 因為 AGENT仔 仲慘過你地多多聲!!

準時放工, 因為我呢D AGENT仔, 冇 OT 架, 唔好旨意我有 SERVICE 精神呀, 睬你都傻, 嘿嘿!! 放工返屋企沖完涼, 洗下衫咁, 跟住就準備 DINNER 喇!! 因為又想煮定D飯返工 LUNCH 可以叮黎食, 所以雪櫃有棟A整!! 整左 粟米雞扒、酸青瓜、湯飯(見下圖), 湯飯係今晚O既 DINNER!!

食完又睇下電視咁, 睇返前幾個月O既<JAPAN NAVI>, 突然間好想去日本留下學 ... 雖然想左好多年都冇行動, 但係覺得真係去一去留下學會好好多, 因為我覺得我D日文發音真係唔太準(雖然日本人聽完會明白, 但係一聽就知你係外國人!), 快D俾我中六合彩啦, 唔洗多架, 幾百萬夠架喇, 夠我過去留學幾年(因為可以O既話, 我想去果邊讀大學 ... 雖然我大學畢左業好耐), 一耐冇讀書, 就好想讀返書, 因為一唔讀書, 個人真係好似冇痘p咁, 同埋個腦鈍左咁!!

DINNER 完, 上下網/玩下 GAME, 咁又 12 點幾 LU, 不過今晚一定勁夜先訓, 因為返左工三日, 第一次放假, 點都要玩盡佢(笑)!!

20100130-01.jpg

時計じかけのアンブレラ → ♪ 君がいればいい、何もいらない!〜〜 ♪

返回


2010/01/31

今朝 10 點幾起身, 睇下電視咁, 好好咁休息下, 好耐冇放過星期日喇!! 12 點幾叮飯食, 大約 1 點幾皇上黎左, 因為今日 香港ェ頻 黎裝線, 3 點左右先黎裝線, 仲要裝左好耐, 果個人仲怪怪地咁, 講野超快, 但又唔知佢講喎, 聽到佢O係走廊整野時有幾次O係度大嗌, 好恐佈!! 安裝完後, 佢話今日免費試用(因為我係 4 月幾先轉過去架呢!), 所以立即插黎用下, 好正喎, 真係快過 I-CABLE 好多好多!! ... 跟住同皇上落左去行左一陣超市, 不過冇收穫, 然後皇上就去左坐車返 將軍澳, 我就返左屋企!!

沖完涼抺地/換床單/洗被, 因為好耐冇做過咁, 襯今日得闖A整埋啦, 因為平時放咁夜, 都冇盗S情洗被呀咁!! 7 點幾叮飯食(見下圖), 粟米飯真係好好味!! 食完又食下蕃茄仔咁, 再上下網/睇下片咁, 話咁快又就黎 10 點, 對眼好似好乾咁, 唔知係咪又太累定係好似上次咁角膜又損左呢, 因為好唔自然咁呢!!

20100131-01.jpg

時計じかけのアンブレラ → ♪ 君がいればいい、何もいらない!〜〜 ♪

返回







我的出售物品:http://atynpanda.web.fc2.com/ inserted by FC2 system