今朝 10 點幾起身, 好好訓, 仲未訓醒咁!! 食左兩件卷蛋, 不過食完立即幫襯左個洗手間 3 次!! 夠鐘就返工!!

嘩!! 好多野做呀!! 好就好在我寫低左張紙請 PART TIME 幫手清左一部份O既野, 無意中俾我發現到我放假呢兩日要入O既出席率有Ｄ未入, 有Ｄ又入Ｄ唔入Ｄ咁, 其實對住Ｄ做野冇計劃冇程序O既人, 真係好激心呢!! 所以唯有我將唔係我入O既出席率由頭對過一次啦!! 對左少少就 LUNCH 喇!!

返屋企一邊食一邊睇日劇, 夠鐘就返工!! 繼續入/對出席率, 跟住出下信呀, 做呢樣果樣, 真係冇停過, 依然係要我開門鎖門咁, 睇黎 上司小姐 完全忘記左要同另一個同事傾下呢!! 唉 ... 心裡對白:"鬼叫你窮呀頂硬上!!", 有信要寄架, 但係我決定左佢冇放假, 我一定唔會落去寄信 ... 起碼目前為止我有呢個決心(你知啦, 有時人在漿糊, 身不由己)!!

一路做到冇停手, 到 5 點左右張枱先叫做有返個枱面睇下(因為清左大部份文件)!! 跟住零零碎碎咁做下野咁啦!! 再開下門鎖下門, 休息下傾下計咁, 夠鐘又上去鎖門, 好彩有個亞 SIR 話部電梯怪怪地, 叫我地唔好用咋, 因為部電梯真係壞左!! 好彩好彩!! 鎖好門等放工時, 和舅父打黎話兩個字後到, 所以夠鐘放工後就去左屋企樓下等佢!!

會合左佢後返屋企, 因為有件文件要幫佢整, ... 都整左好耐, 最後到 21:45 先叫攪掂, 佢走左後我先沖涼/抺地/消毒/叮飯食 ... 食完都差唔多 23 點呢, 跟住睇下劇同埋整返尋日用手機影O既 SAMMI 出黎(請看尋日日記), 實在係太太太唔清喇!! 不過冇計啦, 好過冇O既!! 總有機會再影過!! 我相信!!



時計じかけのアンブレラ → ♪ 君がいればいい、何もいらない！〜〜 ♪

今朝起身睇下電視/上下網/食下野咁, 夠鐘就返工!!

返到去都係做今日要做O既野!! LUNCH 返屋企食, 食完又返工繼續努力!!

某同事依然係話知你咁完全冇意識開門鎖門咁, 跟住清潔亞姐話想我幫手搬厠紙, 我即刻�K面囉, �梼飽者!! 跟住亞姐話唔緊要, 搵某同事幫佢, 跟住佢加左一句:"不過第時某同事放假你都要幫手!", 跟住我冇應佢, 坐返低做野, 你覺得我唔識諗又好點都好, 唔合理O既工作我就有權唔做! 話知佢同 上司小姐 講, SO WHAT!!!

其實我發現每逢返夜要同某同事拍檔我O既怨氣係多Ｄ架呢!! ... 中段時 上司小姐 話想要個公司地圖, 咁我去 MTR 網頁見到, 所以就提意我改改個地圖俾佢, 因為其實我幾鍾意執下圖咁!! 整左幾個鐘架都, 因為我完美主意, 想做到自己滿意為止!! 好彩出黎個效果都唔錯呢!!

夜晚當然條友唔會理會開門呀咁, OK! 我開囉!! 跟住鎖門我係專登唔理架喎, 咁佢咪去鎖囉, 不過我就唔太滿意佢咁大個人仲係好冇腦好自私! 因為佢鎖完一次門落到黎同我講:"呢次我上左去鎖門喇, 下次到你呀!", 大佬, 你幾歲呀?! 你返工呀?! ... 跟住到放工, 佢真係冇意識去鎖門喎, 跟住我問佢:"點呀, 你鎖定我鎖?!", 佢竟然話:"你鎖啦, 成日都係我鎖!", 我整你個髻呀! 跟住我係好不滿咁話:"嘩~ 你係咪人黎架, 一Ｄ風度都冇!! �盗l黎架!!", 跟住呢句其實我係最火O既:"嘩! 成日都係我去鎖門, 你鎖一次就咁多野講!", 即係咁, 我知道如果我自己再同佢講落去, 除左有失儀態之外, 我係會完全豪無保留咁講, 而且得返我同佢兩個人O既情況下, 我冇理由咁笨, 所以算! 我鎖囉!! 咪放長雙眼睇下點!! 唔好迫我爆發呀, 大家一樣職位架咋, 唔好以為我 UNDER 你啦 X街(唔好意思, 電腦前面O既小朋友唔好學)!!!

我鎖完門返黎冇望佢一眼冇同佢講半粒音, 一夠鐘我就走左, 一出電梯我就返左屋企!! 因為我深深了解, 每間公司每個社區, 都一定會有Ｄ "咁多人X唔見佢X" O既人!!

放左工, 唔再諗工事!!

返到屋企沖完涼叮野食, 跟住睇下電視/上下網咁!!

時計じかけのアンブレラ → ♪ 君がいればいい、何もいらない！〜〜 ♪

今朝 10 點左右醒左, 跟住上下網再食下野, 夠鐘就返工!!

有好多工作要清, 所以好快就 LUNCH, 返屋企一邊睇＜嵐の宿題くん＞一邊食飯, 仲有 3 集＜嵐の宿題くん＞就做完喇, 點解成日好睇O既節目咁快完架!! ... 夠鐘就返工!!

繼續工作!! 然後 上司小姐 話張地圖有少少野想改, 所以我又再執過個地圖喇, 個成果真係好滿意, 比尋晚更滿意!! 3 點幾落左去寄信, 因為 PK 放假, 所以我就"豪俾你!", 因為冇�棟活澎既, 有時係要豪俾公司, 而我激氣係因為 PK 真係好 PK!! 以後我唔會再忍, 一定會出聲, 正所謂: 面係人地俾!! 我要自強!!

5 點幾, 個 PART TIME 仲未到, 原來佢唔記得左今日要黎!! 一小時後佢黎到, 跟住我就請佢幫忙打電話俾Ｄ家長通知黎緊某幾堂停課, 我就諗下寫Ｄ�祷� 中野老師!! 8 點過少少, 落哂堂後, 我就再次同個 PART TIME 上去, 教佢鎖多一次門, 攪掂後就等放工喇!!

放工返屋企沖完涼叮飯食, 食食下幫舅父攪掂份文件, 跟住再繼續食!! 食完又洗下衫咁, 再上下網!!

時計じかけのアンブレラ → ♪ 君がいればいい、何もいらない！〜〜 ♪

今朝 10 點左右醒左, 起身一邊食野一邊睇電視一邊上下網咁!!

早左少少返到公司, 做下今日O既工作!! 完成後, 再次整過張地圖, 因為想整靚Ｄ!! 執好左 PRINT 出黎發現用 19" MON 真係唔太好, 因為O係個 MON 睇到明明係圓形, 但係 PRINT 出黎變左唔係圓呢!! 所以又執下圖咁!! 攪掂後就開下門咁, 然後學左按樓果Ｄ息點計, 其實係傾開呢個話題, 所以聽下知多樣野都好!!

BY THE WAY, 和舅父 4 點左右黎搵我, 因為有野俾佢, 佢又有野俾我, 最攪笑O既係 上司小姐 以為我又O係淘寶買左野送黎(笑)!! ... 5 點幾, PART TIME 妹妹黎幫手, 真係唔錯, 因為可以傾下計咁, 呢個 PART TIME 妹妹讀設計架, 今日佢俾左佢黎緊 FINAL PROJECT O既 STORY BOARD 我睇, 好勁呀, 好專業!! 亦好羨慕識畫畫呢!!

放工前, 第一次拜託 PART TIME 妹妹幫我去鎖門, 真係麻煩哂!! 再傾左一陣就夠鐘放工喇!!

返到屋企, 沖完涼再叮野食!! 食完又睇下電視同上下網咁!!

我仲未諗到送俾 中野老師 O既 "色紙" 點設計好呀!!

時計じかけのアンブレラ → ♪ 君がいればいい、何もいらない！〜〜 ♪

今朝都係 10 點幾醒左, 都係起左身就食下野上下網咁!! 夠鐘又返工!!

開始今日O既工作, 不過可惜, 影印機死左, 所以好多野都做唔到, 只好等下星期一返去再做, LUNCH 返屋企食!!

夠鐘又返工, 繼續做可以做O既工作!! ... 攪掂哂後就繼續諗下點寫張"色紙", 諗左少少設計, 但係都好似麻麻地咁, 要再努力先!! 真係要努力, 因為下星期五就要送俾老師喇!!

然後都係咁啦, 上下網咁啦!! ... BY THE WAY, 今日同 PK 同事冇講過一句野, 感覺都唔錯喎, 因為我做好呢份工就 OK!!

上司小姐 個女請我食新出果個 "5 香口膠", 食左真係覺得全身涼左咁喎, 唔知係真係塊香口膠O既作用, 定係個冷氣突然間涼左呢!! 夠鐘放工, 上司小姐 主動話佢鎖門, 謝謝!! 夠鐘就放工!! BY THE WAY, 有個 MISS 俾左袋蘋果我, 雖然都係人地俾佢, 但係都謝謝呢, 因為生果我鍾意!!

返到屋企沖完涼就煮麵食(見下圖), 食完又睇下電視同埋上下網咁!! PET SOCIETY 又維修喎, COUNTRY STORY 竟然自動賣哂我Ｄ農作物, OH NO!! 跟住同 YAN 傾左一陣, 再寫下日記咁, 話咁快又就黎 1:30 LU!! 我準備入房睇下片就訓!!



時計じかけのアンブレラ → ♪ 君がいればいい、何もいらない！〜〜 ♪

今朝唔知幾點醒左一醒, 跟住訓到 11 點幾!! 起身上下網/睇下片咁, 再食左少少野!!

1 點左右太后打黎約我去淘大等, 會合左太后後, 就去左 KFC LUNCH(見圖1), 不過真係麻麻好味呢, 個雞皇飯竟然得 4 條雞肉碎, 真係過份!!

食完就去左�ｺ福行左一陣, 終於忍唔住買左部數碼相機喇, 因為豐澤做緊特價, 係 PANASONIC O既 FP8(見圖2~3), 因為佢個鏡頭唔會伸出黎, 咁就唔會好似之前幾部咁壞鏡頭啦!! YEAH!! 你要乖乖地呀, 唔好發脾氣呀, 我會好愛你架!! 專登選左粉紅色, 因為真係好靚呢!! 仲送左件 PEPSI T-SHIRT(見圖4), 都唔錯!! 跟住見到�ｺ福可以換抽獎券喎, 咪換左幾張囉, 不過係抽 朗朗演奏會 O既飛(見圖5)!! 算啦, 抽就抽啦, 頂多抽到賤賣左佢架O者!! 跟住去左行 IKEA, 都冇�� ARM 睇!! 所以行完就返屋企附近間超市買汽水喇!!

買完返上樓, 再上下網呀咁, 6 點左右太后返歸, 我就沖下涼咁, 再上下網, 上上下唔記得左要 DINNER, 所以當我煮完野食果陣都就黎 8 點 LU!! 整左個雞柳(見圖6), 不過食果陣先發現支雞汁好鬼辣呢!!

一邊食飯一邊諗住睇電視, 點知播Ｄ戲都令人食唔落飯O既, 有線仲要播＜餃子＞喎, 真係好彩我今日食米粉咋, 如果唔係真係嘔俾佢睇!!

跟住上左一陣網, 就開始寫送俾 MISS O既"色紙"喇!! 攪到 12 點左右就攪掂左喇, 太開心喇!! 其實找有影左相架, 不過都係送左俾 MISS 後先再貼!! 一來係想保持神秘感, 二來係其它同學未寫!! 所以飯局果晚完成左後, 我會再影多張相貼俾大家睇下!! 不過一邊寫一邊好驚, 因為真係怕自己會突然間唔知點解寫錯字, 好彩好彩!!

BY THE WAY, 今日行過 H2O, 竟然俾我拎到 SAMMI 最新本 DM 呀(見圖7)!! 超級開心呀!!

再 BY THE WAY, 今日係 驚蟄 , 大家打左小人未呀?? 頭先經過 福�ｺ廟 附近, 都見好多婆婆幫人打緊小人呢!!





時計じかけのアンブレラ → ♪ 君がいればいい、何もいらない！〜〜 ♪

尋晚掛住睇劇, 睇到 3 點幾先訓, 所以今朝訓到 12 點半左右先起身!!

跟住又上下網, 再煮野食, 食完又上下網/玩下 GAME/睇下劇咁!! 5 點幾沖完涼又繼續上下網咁, 晚餐整左個魚皮餃湯飯(見下圖), 食完睇下電視/上下網咁!!

話咁快聽日又要返工 LU!! 次次都覺得放假時間過得好快呢!!



時計じかけのアンブレラ → ♪ 君がいればいい、何もいらない！〜〜 ♪

今朝 8 點幾/9點幾都醒過, 不過我堅持訓到 10 點幾先起身!! 好似涼左少少咁, 不過都唔錯喎!! 食左少少野, 再上下網咁, 夠鐘就返工!!

返到去就精彩囉!! 返到去, 發現星期五/星期六/星期日Ｄ點名簿好亂咁放左O係房仔枱面, OK, 平時我放假 PK 都會幫我入下 ATTANCE, 不過 PK 發老脾, 所以呢幾日完全冇入到!! 真係 OK , 因為係我份內事O者, 我做好本份!! 所以就搬左Ｄ點名簿返自己位, 努力工作!! 係咁入 ATTANCE, 跟住成枱都係野要攪, LUNCH TIME 時, 都仲未入完 ATTANCE, 所 以返屋企食左飯先!!

一邊睇劇一邊食, 夠鐘返工繼續努力!!

PK 先生就食到兩點先返囉, 真係想投訴佢!! 其實唔理佢係咪遲左出去食所以先咁遲返, LUNCH HOUR 係幾點就幾點!! 不過算, 事不關已, 唔好殺到埋我身就得喇!!

我就繼續清枱面O既工作, 不過因為影印機仲未整好, 所以好多野都做唔到, 真係有少少感覺不良好, 估唔到平時平平無奇O既影印機係 咁重要O既!! 所以只好做左Ｄ唔洗影印機O既工作先, 不過真係每樣做到少少咁!! 所以我張枱依然好多野等住要做!!

當我真係做到冇野再做到時, 都已經 6 點幾喇, 所以休息左一陣, 跟住就預備後日要用O既 LABEL, 做到差唔多 8 點就攪掂, 聽日 PRINT 出黎就可以備用!! 上去鎖好門, 再過幾分鐘就放工喇!!

返到屋企沖完涼就煮野食, 食完又睇下電視/上下網咁! 話咁快就 23:30 LU!!

今日見到 H2O O既 WALLPAPER, 很美呵, 我立即把 SHO 換上左邊那張!!



時計じかけのアンブレラ → ♪ 君がいればいい、何もいらない！〜〜 ♪

今朝 9 點幾已經聽到好大風, 涼左好多, 所以開住個電視聽住再訓到十點幾!! 起身食左少少野, 夠鐘就返工!!

影印機終於好返喇, 所以我好努力咁清返呢幾日做唔到O既工作!! LUNCH 返屋企食!!! 食完睇下劇咁, YOKO 真係好型!! 夠鐘又返工!!

繼續工作, 由於 上司小姐 同 PK 傾過, 所以決定左佢負責開門, 而我就鎖門咁囉, 所有出席率我入返, 佢去郵局, 其實 OK 架!! 佢成日話要公平, 其實世界就唔公平啦!! 佢做到呢份工咁耐都唔公平架!! 我同佢個職位一樣, 但係我經 AGENT 請, 佢係非公務員合約, 人工我少佢近三千, 呢Ｄ又公平��?! 聽得最多係"以前XX都係咁架啦!"(XX為已離職同事), 我真係好想講就係:"XX以前咁做, 唔代表我係咁, 而且有好多都係因為 PK 唔做所以 XX 先焗住做!", 呢Ｄ又公平嘛?! ... 所以冇計架, 世界就係唔公平!!

今日全日 PK 都冇同我講野, 亦冇任何交流, 其實我都 OK!! 因為大家有原則, 同埋我做好本份O者, 同自己交待! 你覺得公平, SO?!

一直工作到 6 點幾先叫做完成左今日O既工作!! 我發現我都幾成熟, 因為我見 PK 叮野食, 咁我就主動問佢食��, 佢只係簡簡單單咁答我, ... 跟住我上下網咁啦, 夠鐘就去鎖門, 諗通左 ... 反正我都仲有十個令月挨O者(可能途中中六合彩幾千萬就唔洗十個令月添啦!)!! 同埋我又無謂為左咁而影響我O既心情同埋質素, RIGHT!!

放工走前, 我仲同佢講拜拜添, I'M 大方 BABY!! 返到屋企沖完涼就整野食, 食完又睇下電視/上下網咁!! 話咁快又 23:30, 準備去睇下片咁又要訓!!

BY THE WAY, 皇上同太后今日買左好多 M&M(見下圖)!!



時計じかけのアンブレラ → ♪ 君がいればいい、何もいらない！〜〜 ♪

今朝訓下醒下咁, 10 點幾起身, 食左少少野夠鐘就返工!!

返到去我統計過, 由噤電腦個開關掣開始, 到我真正開到個 IE LOGIN SYSTEM 做野, 足足用左 25 分鐘! 真係痴線!! 25 分鐘雖然係 LOGIN 到 SYSTEM 喎, 但係依然係勁慢, 要直到十令分鐘後, 佢彈個話唔夠 RAM 出黎後, 先至叫做順返Ｄ!! 真係人都癲!!

好快就 LUNCH, 返左屋企食!! 食完夠鐘又返工, 都冇�涛ﾁ別!! LUNCH 後先知原來今日同個 PART TIME 同事慶生, 唔怪之得之前問我去唔去 LUNCH 啦!! 所以我就話蛋糕預我夾埋一份($18), 再做下野, 3 點幾食蛋糕, 跟住開下門咁, 基本上今日都幾清��!!

到左 7 點左右, 有個家長打黎話佢個女上星期六O係洗手間唔見左件校服冷衫, 所以我上去鎖門時順便幫佢搵, 真係有喎, 真係好誇張, 星期六唔見喎, 今日先打黎搵!! 勁!!

夠鐘鎖完門就等放工!! 放左工去左 淘大 O既百佳, 買左兩盒雪糕(見下圖)!! 返到屋企已經 20:45, 沖完涼再整野食, 再睇下電視/上下網/回下 EMAIL, 嘩!! 就黎 1 點喇!! 要準備訓 LU!!



時計じかけのアンブレラ → ♪ 君がいればいい、何もいらない！〜〜 ♪

今朝 10 點幾起身, 食下野/上下網, 夠鐘返工!!

明明遲左出門口, 但係竟然比平時更早返到公司!! 今日好快做掂Ｄ野, 因為Ｄ學生乖乖, 唔洗出 WARNING!! LUNCH 返屋企食!!

食完又返工, 繼續工作, 一直到 5 點幾, PART TIME 妹妹黎幫手, 傾下計咁!! 6 點左右突然亞珊返左黎, 傾左幾個字咁, 結論係: 我要"自強"!!! 然後濕濕碎碎咁做下其它野, 再呆等放工!! 點知有個亞 SIR 20:10 仲未落黎, PART TIME 妹妹幫忙鎖門(THX!!), 妹妹鎖完門落黎就剛好夠鐘放工(20:15), 所以我叫妹妹走先, 冇計, 我點都要等埋個亞 SIR 去完洗手間返黎, 遲左兩三分鐘, AGENT 仔就係慘在唔似唔係 AGENT 仔咁可以 CLAIM OT, "豪俾你"!! BY THE WAY, 妹妹畫O既水彩畫好靚, 果然係讀 ART!!

返屋企沖完涼, 煎左牛扒食(見下圖), 不過有少少硬呢!! 食完睇下電視/上下網, 同埋準備聽晚 食事会 要帶O既野(色紙/筆/DVD...), 好緊張, 希望我Ｄ日文冇退步到令 MISS 失望啦!! 好期待好期待!! 我要影多Ｄ相!!!

聽日放假! 不過約左皇上太后飲茶, 夜晚飯局!!



時計じかけのアンブレラ → ♪ 君がいればいい、何もいらない！〜〜 ♪

今朝太眼訓, 但係都 10 點幾起左身, 諗左好耐今日究竟係咪放假!! 起身上下網/食下野咁, 差唔多 13:20 左右出門口, 先去左交管理費, 然後就坐 MTR 去 將軍澳!! 去到酒樓門口打電話俾太后, 跟住就望到佢地O係酒樓裡面揮手!! 食左好多野(見圖1~7), 飲完茶行左一陣, 買左幾個 KERORO 印仔添(見圖7)!! 跟住返左"別墅"坐左一陣, 大約 17:35 就出門口, 坐 MTR 去 又一城, 去到 EXP 門口都差唔多 18:30, 會合左 KENさん 同 CHRISTINAさん 後, O係 EXP 坐住等, 傾下計同埋寫埋張"色紙", 7 點左右 SENSEI 打黎話可能會遲少少, 所以我地又傾住等, SENSEI 黎到後又傾左一陣, 叫左幾樣野食(見圖8~176, 20:30 左右 IVORYさん 打黎話O係附近, 所以 KENさん 靜靜咁出去會合佢(因為要寫張"色紙"), 過左一陣就入返黎食野, 傾左好多野呵, 亦睇得出 SENSEI 唔太捨得香港, 因為原來佢已經黎左 8 年 LU, 傾到都唔知時間, 22:15 左準備走, 送左張"色紙"俾 SENSEI, 仲攪到佢忍唔住灑淚! 因為佢話冇諗過我地會送禮物俾佢, 然後請左個 STAFF 幫我地影大合照, 埋左單後再落左樓下同 SENSEI 影相, 影完再坐 MTR 返屋企!! 同 SENSEI 傾左一陣(因為 SENSEI 都係坐 MTR 返太古), 我都有少少唔捨得呢, 要等我地去日本或者佢再黎香港玩時先可以再見喇!! 我到站後, 同 SENSEI 道別後, 就落車返屋企!!

返到屋企都差唔多 11 點, 所以拿拿聲打電話俾太后講話聽日 LUNCH 打俾佢, 收線後立即沖涼再準備訓, 因為聽朝要 7:30 起身呢!! 不過都整理左今日Ｄ相同埋寫埋日記先, 睇Ｄ相先發現好失敗, 個 STAFF 幫我地影果張佢隻手遮左少少鏡頭, 同埋原來唔覺意 SET 左關閉閃光燈, 所以Ｄ相唔太清, 因為現場唔太夠光, 真係失敗!! 但係冇計啦, 因為都影唔返, 而家寄望其他人影O既相呢(不過記憶中我同 SENSEI O既二人合照係得我部機有咋), 但真係 ... 唯有有機會再見時再影過啦!!











時計じかけのアンブレラ → ♪ 君がいればいい、何もいらない！〜〜 ♪

尋晚成點幾先訓, 今朝 7:30 就要起身, 好眼訓!! 所以 8 點先真正起身, 好快咁食左少少野就返工!!

返到去等開電腦都等到想訓著!! 跟住做今日O既工作, 途中 上司小姐 拎 TIME-OFF 去左睇醫生, 得我一個人好緊張呀, 好彩都無驚無險!! LUNCH 返屋企食!! 夠鐘又返工!!

呢排Ｄ花粉真係好勁咁, 攪到對眼同個鼻唔太自然咁!!

完成哂工作後, 突然間想研究下"五月病", 然後睇左好多相關O既 WIKI, 都幾有趣呢!!!

臨放工先發現Ｄ人未走得, 我都豪左兩分鐘俾公司架, 但係都仲未走得, 所以 上司小姐 叫我走先!

返左屋企休息左一陣, 然後就坐 MTR 去 坑口, 因為約左上同太后去稻香 DINNER, 食一蚊雞!! 經過 東港城, H2O PROMOTION 位置, 有張好大O既 SAMMI 呀(見圖1), 其實有衝動想企埋去合照架, 不過又好多人喎, 唔好意思O既!! 去到酒樓, 叫左兩個"送"同埋三隻雞(見圖2~8), 都幾好味!!

返到"別墅", 沖完涼就上下網, 不過冇玩 GAME, 選擇左睇下片咁, 唔知點解近排真係好累咁 ... 可能係早發O既"五月病"呢(笑)!!

今日著左 ダブルパーカー, YEAH!!!





時計じかけのアンブレラ → ♪ 君がいればいい、何もいらない！〜〜 ♪

今朝雖然十點幾鬧鐘響左, 但係真係太累, 訓到 12 點幾先起身, 食完 LUNCH 就上下網, 不過可能天氣太潮濕, 好累咁!! 又睇下劇, 睇到 5 點左右就執下野, 再落去 DINNER 喇!! 今日去左新開O既 BURGER KING(見下圖), 叫左兩個餐再用左張 COUPON 換多一個包包, 好好味呀, 而且真係幾抵食!! 食完行左一陣吉之島, 大約 7 點坐 MTR 返歸, 返到屋企沖完涼就執下野上下網, 不過一諗到聽日又要返工, 真係有少少~~累~~O既感覺, 果然係"五月病"(雖然而家 3 月!!)!!





時計じかけのアンブレラ → ♪ 君がいればいい、何もいらない！〜〜 ♪

今朝 8 點幾 9 點幾都醒過, 跟住訓到 10 點幾起身, 食左少少野夠鐘返工!! 天氣好潮濕呀!!

返到去又係大把野要清, 好快又到 LUNCH, 返左屋企食!! 食完夠鐘又返工努力!!

再次發現其實分配左工作, 人地都未必會做囉, 講到明話我放假的話, PK 會幫忙睇下有冇 WARNING 出, 如果有佢會幫我出左信, 今日返到去咪又係�涛s冇出, 出封信雖然唔係好難亦唔係好辛苦, 但係做唔到O既唔好應承得咁口響囉, 對住 上司小姐 就答應, 但實際又唔係, 最僧Ｄ人應承左但唔做囉! 同事中有呢種 PK, 真係陰功!! 所以我都係繼續無視, 樂得清靜!!

一路做到 5 點幾先清哂Ｄ文件, 但係突然又要出補課信, 好彩 上司小姐 幫忙攪好哂Ｄ信, 我寫下信封就 OK!! 然後都係開下門鎖下門咁, 上左一陣網, 夠鐘又上去鎖門後等放工, 其實鎖完門落返黎都 20:14 LU, 一夠鐘我就走喇, 因為冇 OT 冇福利�涛s冇, 我仲�痘v蝕喎, 你估真係要成日"豪俾你"��! 反正今日另一個同事都有鎖匙可以鎖門(因為上次"豪俾你"係因為我同個 PART TIME 妹妹兩個人, 而妹妹冇鎖匙呢, 同埋人地係 PART TIME, 冇理由要人地遲放工, 我好明白 PART TIME O既心情架呢!!)!!

返到屋企沖完涼再煮野食(見下圖), 再打俾太后傾左一陣, 最攪笑O既係我一直以為佢係今晚約左雄舅父/珍姨地食晚飯, 所以一野打手機, 點知原來係聽日先食, 好彩冇諗住俾個驚喜佢地仆去酒樓O者, 如果唔係真係笑幾年呢!!

食完睇下電視/洗下碗/上下網/寫下日記同 BLOG, 話咁快又 12 點幾, 準備去睇埋＜左目探偵＞大結局!!



時計じかけのアンブレラ → ♪ 君がいればいい、何もいらない！〜〜 ♪

今朝都係起身食少少野, 夠鐘就返工咁!!

再次早左五分鐘返到去, 日日係咁蝕都幾甘呢!! 然後就開始今日O既工作!! 都幾順利呢!! LUNCH 返左屋企食! 食完夠鐘又返工!!

LUNCH 後做左一陣就叫做完成左今日要做O既工作喇! 所以執下個枱面同埋整理下黎緊要做O既野!! 然後上下網/發下呆咁!! 間唔中有人黎問野呀咁, 間唔中又上去鎖下門咁, 今晚同 PK 一齊返夜, 不過太好喇, 因為全程零交流, I LIKE IT!! 因為各有各空間, 唔洗聽佢又講返學好辛苦, 你返學關我X事��!! 鎖完門夠鐘就放工!!

返屋企沖完涼就整野食, 再跟住睇下電視同埋上下網咁, PET SOCIETY 依然未玩到!!



時計じかけのアンブレラ → ♪ 君がいればいい、何もいらない！〜〜 ♪

今朝 10 點幾樓上個姨姨打黎, 原來係叫我出電梯口拎野, 拎完返黎先慢慢食野同上下網咁!! 夠鐘返工!!

今日少有地剛剛夠鐘就返到公司呢!! 工作下咁啦!! LUNCH 返屋企食(見圖1), 食完又返工繼續工作!! 其實都唔算太忙呢, 3 點幾了解左過幾日收樂器O既 STEPS, 不過都有少少擔心, 話哂我都出名�K仔, 怕一陣有�桃ｷ池就 ... 睬睬睬!!

跟住俾我聽到一件事, 就係有個亞 SIR 被懷疑"痴漢行為", 真係唔知點解呢 ... 仲好似俾人O係網上講左呢件事!! ... 5 點幾有位 PART TIME 黎幫手, 請左佢幫手 CHECK Ｄ FORM, 所以中途鎖門我自己做返啦, 因為反正我得��, 凡事留有餘地好Ｄ, 人地係 PART TIME 都唔可以要人做哂架嘛!!

8 點過Ｄ, 夠鐘鎖門, 請左個 PART TIME 上去鎖, 諗住好快手啦, 因為兩間課室咋嘛, 點知佢好耐都未返落黎喎, 仲夠哂鐘放工仲未見人, 正當我想衝上去睇下�梼鮪�, 佢就慢慢咁行返黎, 跟住話個 E-LOCK 好難鎖, 鎖左好耐, 又問左好多野, 我就同佢講:"其實夠鐘架喇, 蝕左好多分鐘架喇!!", 然後佢先意識到要放工!! 結果係遲左差唔多 5 分鐘!!

返到屋企沖完涼再煮野食, 整左 酸甜雞柳(見圖2), 仲有米粉, 食得好開心呢!! 食完執下野, 執完都十點幾, 再上左一陣網, 話快又 12 點幾, 寫埋BLOG同日記, 又就黎 1 點 LU!! 時間唔夠用!!



時計じかけのアンブレラ → ♪ 君がいればいい、何もいらない！〜〜 ♪

今朝都係十點幾起身, 食下野上下網咁, 夠鐘就返工!!

好快就做哂今日O既工作!! 真係 HAPPY THURSDAY!! LUNCH 時太后打黎話不如去 吉野家 食! 所以我就行左去 淘大 吉野家 等太后, 過左一陣就黎到, 買左兩個飯(見下圖), 好耐冇食過 吉野家牛肉飯 喇!! 好味!! 食完再行左一陣超級市場, 然後太后就返我屋企, 我就返工!!

都冇�涛ﾁ別事, 5 點幾 PART TIME 妹妹 黎幫手, 做左少少野, 又傾下計咁!! 雖然見左佢幾次咋, 但係幾好傾呢, 佢份人都冇�縄y!! 而且好攪笑!! 途中有個人打電話黎, 問某個人有冇上堂, 咁我就問個學生�当ｼ, 但名又唔太有印像, 所以問佢係�梼條ﾔ上堂, 點知對方竟然答係今朝十點, 玩��! 十點邊有堂呀!! 然後我問左佢好耐, 問佢�到ﾙ器�灯ﾇ又答唔出, 只係勁問我係咪政府合署, 我不停強調係 MUSIC OFFICE, 然後我就問佢係上�涛ｰ, 對方竟然答係教人見工果Ｄ班, 我就話我地呢度係學樂器, 冇班教人見工, 佢就不停咁問我地係咪政府合署, 講左好耐佢都依然係問同一個問題同埋問果個人有冇上堂, 我地座政府合署都有 3 個部門啦!! 真係講左好耐佢都好似唔知自己想點咁, 所以最後只好請佢查清楚電話先, 因為呢度真係冇班教人見工!! 真係無言!!

然後無驚無險又夠鐘放工, 妹妹幫忙鎖門, 然後夠鐘就走喇!!

返到屋企門口, 見到有人抖左好多錄影帶, 心諗:"而家仲有人用錄影帶架!!", 跟住再睇真Ｄ, OH!! 係皇上同埋太后Ｄ珍藏黎架喎(以前錄O既劇同戲), 然後先意識到頭先佢地大掃除黎!!

沖完涼叮飯食, 再食下生果咁, 皇上幫我買左好多菜呀, 真係夠食大半個月呢!! 食完野上下網咁, 話咁快又 12 點!!



時計じかけのアンブレラ → ♪ 君がいればいい、何もいらない！〜〜 ♪

今朝好好訓, 訓到鬧鐘響先起身!! 食左少少野夠鐘就返工!!

返到去開始今日O既工作, 不過亦因為冇�涛ﾁ別, 所以好快做掂左, 仲差Ｄ成盒分紙跌哂落地添, 好彩身手敏捷冇事咋!! LUNCH 返左屋企食, 食完夠鐘又返工!!

下午工作係打電話通知某Ｄ班停課, 雖然有Ｄ好騎呢, 但係總算順利通知哂!! 跟住自己搵野做, 費事呆坐嘛, 所以對下之前 PRINT 果Ｄ地址/電話 ARM 唔 ARM 咁!! 間唔中有人黎問下野咁, 不過其實都唔太識答, 其實係我冇心去學, 因為太覆雜, 好多時Ｄ家長自己都唔知想問Ｄ��!! 7 點幾食左少少餅, 因為好肚餓!! 再上下網咁, 無驚無險又放工!!

聽晚都要返工, 雖然只係返去個令鐘, 不過都有少少擔心, 因為未試過一個人負責Ｄ樂器, 希望一切順利啦!!

返到屋企沖完涼, 煮左米粉食(見下圖), 食完睇下電視咁, 再上下網, PET SOCIETY 依然玩唔到, 無意中見到有人話用代理就玩到, 所以膽粗粗咁試下, 果然真係玩到, 不過就好慢, 所以都係入左去玩左一陣咋, 撞下樹有蛋蛋!!



時計じかけのアンブレラ → ♪ 君がいればいい、何もいらない！〜〜 ♪

今朝訓到 11 點幾先起身, 太后打黎約我兩點食 BURGER KING, 所以我食左少少垑先, 上下網咁, 大約 1 點幾就坐 MTR 去 將軍澳, 行緊去 BURGER KING 時撞到太后, 搵位坐低後就買左兩個餐(見圖1), 仲加左個蘋果批呢(見圖2), 可能我食怪左麥當當個蘋果批, 我覺得好似麥當當個蘋果批好味少少咁, 因為 BURGER KING 呢個唔太甜!! 食食下仲同隔離枱個 BB 玩, 佢玩到好開心, 本來想幫個 BB 影張相架, 不過怕人地父母唔鍾意, 所以冇咁做到!! 食完行左一陣 吉之島, O係十蚊店買左支身體磨沙(見圖3), 因為台北買果支就用哂(都幾耐用, 大大話話都用左年幾, 雖然唔係日日用!), 行完返左"別墅"坐左一陣, 再上下網玩下 PET SOCIETY 咁, 5 點左右就坐 MTR 返歸!!

返到屋企上下網睇下劇, 6 點幾煮左飯食, 再玩左一陣 FACEBOOK GAME! 7 點幾同事"盜墓者"打黎交低左少少野, 大約 19:50 就出門口, 冇錯!! 因為我要返工!! 冇錯冇錯!! 你冇睇錯, 我係要返工!! 因為要收樂器, 好緊張呢!!

返到公司樓下, 大閘鎖左喎, 叫個 看更又睇唔到我, 我都開左好耐先開到個閘, 跟住走去問個看更(因為我以為要登記, 話哂都非辦公時間返去嘛!), 點知又係叫左佢好耐先知我叫佢, 然後佢話唔洗登記, 所以我就返左 OFFICE, 夜晚無人O既 OFFICE 真係幾靜同有少少得人驚!! 過左一陣就收到電話話架車就返到, 所以我上左樓上預備定先, 再過左一陣就開始搬返Ｄ樂器返黎(當然唔洗我搬啦), 基本上我係應該話俾Ｄ人知放去邊度, 但係我實在完全唔識, 好彩另一個負責O既人好熟識幫手 IN-CHARGE, 仲有另一個女仔幫手點齊數目, 因為我實在唔太識Ｄ樂器名呢!! 真係謝謝大家!! 20:40 左右已經攪掂哂, 同另外幾個人傾左一陣, 佢地先走(因為我編更編到 21:30), 所以就好無聊咁一個人O係 OFFICE 喇!! 由放實在太無聊, 所以我就將黎緊星期一O既小部份工作做左少少先, 本來亦想開個 YOUTUBE 聽下歌, 不過部機未安裝 JAVA, 所以睇唔到 YOUTUBE, 唯有執下自己張枱面, 同埋行黎行去啦!! 準時 21:30 走人!!

返到屋企 SMS 左 上司小姐 同 同事"盜墓者"後就沖涼, 沖完涼食甜品, 因為同事"盜墓者"請我食 滿記芒果班戟 呢(見圖4~5), 原來而家出左呢種包裝, 我都係第一次見(好似都未食過添呀!!), 好好味!! 配上一罐 ZERO(頭先 DINNER 專登唔飲住架), YEAH!! 食完又上下網咁啦!!

寫完日記都 1 點 LU!! 咁又冇左一日假期 LU!!





時計じかけのアンブレラ → ♪ 君がいればいい、何もいらない！〜〜 ♪

尋晚掛住睇片, 好"早"訓, 所以今朝成 11 點幾先起身, 雖然中途睇左少少 KERORO!! LUNCH 煮飯食, 又整左個湯(超冇益同簡單O既湯), 食完不停咁上網/睇片/玩 GAME/食野!! 5 點左右沖涼, 又不禁覺得假期過得太快, 不過, 日子還是要過!!

沖完涼又繼續上網/玩 GAME/睇片, 7 點幾 DINNER, 跟住睇下電視/上下網咁, 再食左個雪糕做甜品(見下圖), 最近好似肥左咁添!!



時計じかけのアンブレラ → ♪ 君がいればいい、何もいらない！〜〜 ♪

今朝 10 點幾電話響, 傾左一陣就起身, 食下野上下網咁, 夠鐘又返工!!

星期一一定係最忙既一日, 因為積埋幾日O既野要清, 所以好快就 LUNCH!!

返左屋企食, 食完夠鐘又繼續努力!! 一直做到差唔多 4 點, 跟住開下門咁啦(PK 放左工後), 然後又整理下分紙, 回過神黎已經 6 點幾, 跟住同個同事傾下計咁又一日!! 鎖完門等放工!!

返到屋企沖完涼叮飯食(見下圖), 再睇下電視咁, 食完上下網咁, 用左部新相機玩 LIGHT PAINTING, 都幾好喎, 佢可以較曝光時間, 最多有一分鐘架, 如果練習下可能可以畫到一幅畫出黎架, 都係玩左十分鐘左右, 因為冇�� MOOD 玩住!! 寫下日記咁好快又 12 點幾, 又要準備睇埋套劇就訓 LU!!

今日係皇上太后結婚紀念, 恭喜恭喜!!



時計じかけのアンブレラ → ♪ 君がいればいい、何もいらない！〜〜 ♪

今朝都係 10 點幾起身, 睇下電視/食左少少野就返工!!

一返到去就知道 PK 今日請病假, SHIT, 意味著今晚得我一個 ... 一邊擔心一邊做今日O既工作!! LUNCH 返屋企食!! 食完夠鐘又返工!!

繼續工作, ... 好在 上司小姐 幾經辛苦, CALL 到人陪我收工, 係以前一齊返星期日O既女仔!!

如事者開下門鎖下門咁, 一直到 6 點幾, 果個女仔黎到, 都成個幾月冇見呢, 佢好似瘦左少少咁!! 傾下計/做下野咁!!

無驚無險又到 8 點, 再傾左一陣就走人!! 返到屋企沖完涼再煮野食, 順便煮埋未來幾日O既野食, 然後上下網咁!!

時計じかけのアンブレラ → ♪ 君がいればいい、何もいらない！〜〜 ♪

今朝依然係十點幾起身, 再食少少野, 夠鐘再返工!!

返到去都係開始今日O既工作, 好快就 LUNCH, 返左屋企叮飯食!! 再睇左半集日劇!!

LUNCH 後繼續工作, 3 點幾落左去郵局, 因為冇計啦, Ｄ信趕住要寄, 等唔切 PK 聽日寄呢!! 然後都係開下門咁, 5 點幾有個 PART TIME 黎幫下手咁, 然後又傾下計, 好快就夠鐘等收工!! 唔敢坐電梯, 因為今日部電梯唔太順咁!!

返到屋企沖完涼就叮飯食(見下圖), 食完上網同埋寫日記/BLOG, 諗住玩多陣睇多陣就訓!!

『 特上カバチ !! 』最終回のあるシーンにショックを受けた！！！！！！田村〜〜〜〜〜〜〜〜〜〜〜〜

咁又一日呢!!



時計じかけのアンブレラ → ♪ 君がいればいい、何もいらない！〜〜 ♪

今朝都係十點幾起身, 食野再返工!!

好快就完成今日要做O既野, 所以又係發下呆咁到 LUNCH!!

LUNCH 返屋企食, 再上下網咁, 夠鐘再返工!!

零零碎碎有Ｄ工作咁!! ... 5 點幾 PART TIME 妹妹黎幫手, 再零零碎碎有電話打黎問野, 好彩都無驚無險!!

夠鐘就拜託 PART TIME 妹妹幫忙鎖門, 再傾左一陣夠鐘就閃人!! PART TIME 妹妹, 我地 5 月再見 LU(因為佢 4 月要忙畢業 PROJECT 呢)!!

返屋企突然間想剪頭髮, 所以剪完沖完涼先叮飯食!! 食完又上下網咁!!

天氣又涼返, 真係好, 好過日日好熱咁!!

時計じかけのアンブレラ → ♪ 君がいればいい、何もいらない！〜〜 ♪

今朝都係十點幾起身, 再食左少少野, 夠鐘就返工!!

上晝得�闖ｭ少, 因為導師房有幾個同事開緊會, 我又唔太方便入去拎點名簿, 所以決定下晝先入出席率!! 好快就 LUNCH!! 返左屋企食!! 食完夠鐘又返工!!

跟住完成今日要做O既野, 間唔中有人黎問下野咁!! 可能因為空氣唔太好, 我對眼成日都好乾咁!! 好辛苦!! 已經少望住個 MON 呢!!

8 點夠鐘等放工, 上司小姐 幫忙鎖門, 然後夠鐘就走人!!

返到屋企沖完涼叮飯食, 食完又上下網, 再食左少少雪糕, 再上下網玩下 GAME 咁!!

時計じかけのアンブレラ → ♪ 君がいればいい、何もいらない！〜〜 ♪

今朝訓到 11 點幾先起身上左一陣網, 12 點左右出門口, 坐 MTR 去 "別墅", 換左兩盒 大家樂 O既 挪威三文海鮮焗飯 返黎, 再加上皇上太后一堆"送"+湯(見圖1~5), 好滿足!! 食完上下網/睇下 YOUTUBE 咁!! 再玩下 PET SOCIETY, 6 點左右行左去 坑口 O既 稻香 晚飯!! 一蚊雞!! 叫左兩個"送"同埋兩隻雞(見圖6~10), 食完行左一陣, 買左�穀ヲヵ�(見圖11), 跟住就坐 MTR 返歸, 返到屋企 8 點幾, 沖完涼又上下網咁!!

咁就冇左一日假期 LU!!







時計じかけのアンブレラ → ♪ 君がいればいい、何もいらない！〜〜 ♪

今日足足訓到 1 點先起身, 雖然係 10 點幾開住部電視, 不過一開著左就訓左!!

然後煮野食(見圖1), 再上下網, 然後就打掃下洗下被咁, 4 點幾沖完涼就上下網/睇下片!! 5 點幾開始煮晚餐(見圖2), 食完再洗埋碗都 7 點半, 然後睇下電視/上下網/玩下 GAME 咁!!

兩日假期再次過得太快!!



時計じかけのアンブレラ → ♪ 君がいればいい、何もいらない！〜〜 ♪

今朝 8:30 起身, 因為今日開始到 9 號係學員假期, 返早放早, 總算o係長期唔平衡o既心理上平衡返少少!! 食左早餐後, 夠鐘就返工喇!!

好多野等住我去做呀, 因為要入返幾日o既出席率, 又要出一大堆信, 又要打俾幾個學生通知補課(仲要有Ｄ唔生性冇人聽), 跟住又要 FILING ... 好多野攪, 所以 LUNCH 時都未攪到一半!!

LUNCH 返屋企食!! 日劇休息O既呢段時間(季與季之間O既兩個星期左右), 係最難挨, 因為真係冇�淘ｴ它野睇, 宿題君又完左, 好多綜藝都休息, ... 夠鐘就返工!!

繼續工作, 真係太多野未攪掂, 如事者冇�湯竕ﾟ咁做到 4 點左右先叫做攪掂!! 然後休息下/上下網咁, 一直期待 6 點放工!! ... 夠鐘就走人!! 好耐未試過咁早放工, 所以有少少開心!! 不過開心係短暫O既 ...

返屋企沖完涼食完飯都只係 8 點幾, 其實有冇工可以返早放早架?! 最好返 6 放 3 咁(哈哈), 等我Ｄ時間好用Ｄ!!

跟住睇下電視/上下網咁!! 無聊咁影左張相(見下圖)!

唔知點解呢幾日成日都好似好頭暈咁, 唔會有�梼哩ｺ嘩 ... !!



時計じかけのアンブレラ → ♪ 君がいればいい、何もいらない！〜〜 ♪

今朝都係 8:30 起身, 依然覺得唔係好夠訓咁!! 天氣好似涼左少少, 不過都係好舒服o既溫度!! 食左兩塊杏仁餅, 夠鐘就返工!! 完全係俾架電梯攪到我差少少遲到!! 好彩正正 9:30 返到去拍咭!!

今日的確係好清��, 因為尋日清哂Ｄ野, 係有少少野要做, 不過好快做好!! LUNCH 返屋企食, 睇下片, 夠鐘就返工!!

返去繼續發呆, 睇下書, 填下 SUDOKO 咁!! 5 點幾執下張枱咁, 夠鐘就走人, 不過好攪笑咁, 我竟然拍咭拍左去個開門掣度!! 同事"盜墓者"見到都不禁爆笑!! 跟住我仲未天然完架!! 出大門口時, 明明知道大門未鎖, 我竟然去噤個開門掣開門!! 天然二連 發!!

冇立即返屋企, 去左行 淘大, 本來想買禮物俾 YUMIKO, 不過又睇唔 ARM!! 所以去左 百佳 , 買左 秋刀魚(見下圖), 我承認係"日本直送"吸引住所以買!! 行完就返屋企, 本來諗住買麥當當, 不過最後冇買到, 因為心諗廿幾蚊我不如食 BURGER KING!!

返到屋企沖完涼再煮野食, 食完又睇下電視/上下網咁!!



時計じかけのアンブレラ → ♪ 君がいればいい、何もいらない！〜〜 ♪

今朝都係 8:30 起身, 然後食左少少野, 夠鐘就返工!!

返到去奇怪喇, 唔見 上司小姐, 只有 PK 一個人, 開始今日O既工作, 不過其實都冇�祷�, ... 然後過左一陣, 我先知原來 上司小姐 朝早有Ｄ事要處理, 下晝會返, 仲話打左俾 PK 講左, 大佬呀, 咁你都講聲我地知 上司小姐 打過返黎丫, 攪到我同另一個同事驚左一陣, 一來唔知佢係咪病左啦, 二來係今日有好多野要等 上司小姐 批!! 點知得黎一句:"係呀, 打過返黎話晏Ｄ返呀!! 都唔緊要, 仲�痘v講?!", 我不得不佩服 PK O既處事手法!!

LUNCH 返屋企食, 食完又返工, 上司小姐 返左黎, 然後再寄信俾學生, 本來係要寫信封O既, 不過我呢Ｄ懶人, 當然係用左個快而唔環保O既方法 -- PRINT LABEL, 呵呵, 攪掂左幾十封信後, 又上下網/睇下書咁, 因為"他調"埋今日咋, 聽日勁多補課, 同埋要準備下星期考試O既場地 ...

好快又夠鐘放工喇, 返屋企沖完涼就煮野食, 煮左尋日買O既 秋刀魚(見圖1), 係就係黒Ｄ, 不過第一次整算係唔錯架喇, 味道有少少似 鰻魚, 好攪笑!!

另外收到郵局寄黎o既記念品(見圖2)!! 仲有就係尋晚睇左一集＜BLOODY MONDAY＞(我係為左 成宮�ｪ貴), 都幾好睇喎!!



時計じかけのアンブレラ → ♪ 君がいればいい、何もいらない！〜〜 ♪