今朝終於可以訓到 12 點幾自然醒!! 感覺太良好喇!!

起身後執好左個屋企電話先, 因為今日開始 CUT 喇!! 反正都係太后打黎, 同埋唔抵用!! 跟住叮飯食(見圖1), 再睇下片咁!!

4 點左右出門口, 等免費車去新都城, 去到會合左太后之後, 就去左行千色店, 因為大減價, 不過可惜想買O既都話冇貨, 都唔知係唔係O既!! 呃人去到又冇!! 行到 6 點令坐免費車返去行左一陣萬寧, 然後就返"別墅"!!

皇上去左買 PIZZA, 另有沙律/雞翼/牛扒(見圖2~5), 好豐富!! 食完上左一陣網, 睇下電視, 9 點幾返歸!!

MTR 好多人, 同 CAROL 傾左半粒鐘電話, 返屋企沖完涼又上下網/睇下片咁!!

KEN さん個囡囡出左世喇!! 恭喜哂!!





むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝 11:35 左右太后打黎話皇上出左門口, 所以立即起身, 不過有少少眼訓!! ... 整緊塊花生醬煉奶包包時, 皇上就到左喇!! 佢放低Ｄ野後話自己去惠康買野先, 所以我繼續食塊包, 過左一陣皇上買左三盒 ZERO 返黎, 話惠康冇哂貨!! 所以我地就一齊去左華潤喇!!

第一轉買左 6 盒 ZERO(連贈品), 跟住皇上話抵, 所以返屋企後再買多轉!! 而家我貨源充足!! YEAH!!

買完哂返屋企攪掂哂後, 就坐 MTR 返將軍澳飲下午茶, 食左幾樣野(見圖1~4), 跟住行下吉之島, AEON 咭送左個熊貓飯盒(見圖5), 其實之前都已經有一個!! 再O係 $10 店搵到有支 ROSE O既 BODY SCRUB, 所以買左支黎試下(見圖6)!! ...

返左"別墅"睇左一集"逃走中", 同埋半集 N 年前O既志村, DINNER 好豐富(見圖7~10), 食完再睇左一陣電視, 未夠 9 點就返歸喇!!

返到屋企沖完涼上下網, 玩下 GAME 咁!! BY THE WAY, 今日買果支 ROSE BODY SCRUB 真係好正, 好似仲正過用開果支柚子呀, 原來兩支一樣都係 120G, 同樣係 $10, 但係 ROSE 呢支磨沙果Ｄ沙多好多, 而且冇柚子果支咁稀, 效果好好!! 真係好正!! 下次入定貨先!!

4 連休過左一半喇!! 開始唔想咁快要返工呀下!!







むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝訓到 12 點幾, 睇左一集小新先起身, 再整兩塊 奶醬多 食, 正!! 再睇左一陣片, 跟住就進行一直冇時間做O既 大掃除行動 喇!!

首先換床單吸塵再加洗地, 跟住再吸多一次塵(因為洗完地有Ｄ頭髮), 然後就洗浴缸同廁所(唔知會唔會有 トイレの神様 呢?!), 整 完都 3 點幾, 所以不如沖埋涼!!

然後上下網同埋睇下片, 有少少累, 但滿足感好大!! ... 睇到 6 點幾煮野食, 整左牛扒/雞翼, 仲加埋扣肉O既烏冬(見下圖), 食完又上下網/睇下片咁!!

真係唔敢相信我後日就要返工, 唔係太捨得呢個 4 連休!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝訓到 12 點幾熱醒, 跟住起身整左 奶醬多 食, 食完睇下片, 因為今日係 4 連休o既 LAST DAY, 我要好好享受下!!

尋日發現＜ホンマでっか!？TV＞好好睇, 學到好多唔同O既野, 所以今日都睇左幾集!! 再睇埋Ｄ日劇結局!!

5 點幾煮落飯就去左沖涼, 依然係凍水涼呀, 因為今日真係好熱!! 沖完涼上左一陣網, 6 點幾 DINNER(見下圖), 食完又上下網咁!!

開始擔心聽朝唔知醒起身, 因為放左 4 日假,希望一切順利啦!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今日要返工喇!! 今朝掙扎左好耐先起到身, 食左兩塊奶醬多, 返工!! 唔知邊個咁唔生性, 偏偏o係本小姐出門口返工時噤鬼住架電梯, 攪到我又遲到!! 討厭!!

開始今日工作, 盡量叫自己唔好咁新鮮, 始終我係比粉皮更正常o既正常人!! ... 埋左下晝去銀行O既數, 跟住就睇返呢幾日O既文件!! 再上下網咁, LUNCH 返屋企食, 不過由今朝開始一直有暗湧!!

LUNCH 後返去繼續工作!! 暫時算清��!! 不過相信下個星期開始就忙忙忙!! 所以要好好享受!!

冇同粉皮講過野, 亦冇眼神交流過!! ... 老 PATPAT 真係痴�ｦ筋, 病就唔該戴口罩啦, P佢條街, O係正我隔離打左 4 個"克次", 仲要冇蓋口鼻, 真係想醒佢一句"SO MANY PEOPLE DIE NEVER SEE YOU DIE!!"!! 痴�ｦ筋!! 我走又唔係, 你叫我點丫, 唉 ...

5 點幾開始諗下有�祷�, 6 點去埋洗手間, 俾埋幾張收據粉皮整, 佢仲好似好出奇咁望住我, 其實我真係專登要佢做, 事實上我寫一個信封再夾一張收據其實唔洗 5 分鐘, 但我內心O既小惡魔就係都要佢做!!

夠鐘走人, 坐 MTR 去左將軍澳O既 富臨, 會合左皇上同太后後, 叫左幾樣野(見圖1~5), 龍蝦幾好味喎!! 食下傾下咁, 再行左一陣, 終於買左個 香必飄 喇(見圖6~7), 仲有士多啤梨(見圖8)!! 未夠 9 點坐 MTR 返歸!!

返到屋企沖完凍水涼就上下網咁!! 俾 CAFE 玩左幾日, 終於忍唔住要向契媽求救, 借左幾個 ACC 後就攪掂左個 TASK, 唉 ... 真係辛苦, 都唔明仲�投ﾟ都玩得咁辛苦!!

BY THE WAY, 今日雅紀竟然出院去左錄影 VS 嵐, 好彩傳聞佢只係坐O係度, 咁都算你乖!! 另外聽到小道話又黎一次 AAA, 期望今次有香港站, 因為去台北實在太遠太貴!! 求求 J 家大老爺開恩, 整個香港站!! 唔該唔該!!





むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝未夠 8 點起身熄冷氣, 再小睡左一陣就起身, 食埋最後果幾塊曲奇餅, 夠鐘就返工, 今日專登早左出門口呢!!

返到去都仲係"蜜月期", 不過跟住庫房打黎話我地 6 月尾有兩個 REPORTS 未交, 但係交哂 RUN 哂 SYSTEM 喇喎! 攪左好耐都唔知仲�祷b收唔到, 唯有 LUNCH 後再研究!!

返左屋企叮飯食, 今朝皇上有黎幫我整風扇同埋水喉, 辛苦哂!! 食完飯又返工, 繼續煩惱Ｄ REPORTS!!

問左幾次都係話我地未做掂, 唯有求救沙田 CENTER O既同事, 最後係俾個 LOGIN 佢幫忙 RUN, 但佢又 RUN 到喎, 究竟點解架!! 本來我想再問(因為係 上司小姐 打俾果個同事), 但係 上司小姐 今日好忙, 所以話得�關譁�, 反正一個月只需要做一次!! 所以我到而家都唔知點解人地 RUN 到我 RUN 唔到, 5 個中心得我地係咁, 真係接受唔到!!

然後做下其它野, ... 4 點幾 上司小姐 又捉左粉皮傾計, 真係浪費時間!! 一路到我 6 點放工都仲未傾完, 你話係咪浪費納稅人Ｄ錢呢!!

放工去左 PIAGO, 諗住買冬甩, 點知星期三全店 9 折, 冇得用 COUPON 喎, 咁梗係唔買啦, 去買左個 紅豆大判燒(見圖1~2), 跟住見到�ｺ福而家係 小克 隻熊貓喎, 其實未整好架, 但都影住先啦, 反正有帶相機(見圖3~51)!!

返到屋企沖完凍水涼(真係慳唔少煤氣費), 然後煮野食, 今晚係 牛扒烏冬(見圖52), 再加埋頭先果個紅豆大判燒, 好滿足!!

同太后傾左一陣視像, 再勁上網同睇片!!

BY THE WAY, 睇到雅紀"復出"O既截圖, 更加安心!!



























むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝又係好眼訓, 不過都要起身返工!! 食左幾塊餅就出門口喇!!

基本上今日比較清��, 而且粉皮放假, 心情愉快!! 因為工作效率都真係高Ｄ, 氣氛又好好多, TOILET 又乾淨!!

埋完數再 CHECK 左少少野!! 然後就冇�涛ﾁ別喇!! ... LUNCH 返屋企食左個茶泡飯(見圖1)!!

LUNCH 後又係咁, 冇�涛ﾁ別!! ... PK 請食蛋撻, 多謝哂!! 再到 5 點幾準備放工, 準時 6 點走人, 同 上司小姐 一齊行去 MTR 站, 佢約左人, 所以我自己坐 MTR 去將軍澳!!

去到酒樓門口撞到皇上, 跟住會合埋太后, 叫左幾樣野食(見圖2~5), 龍蝦好味!! 食完行左一陣, 未夠 9 點就返歸喇!!

返到屋企依然係凍水涼 TIME, 我開始習慣喇!! 沖完涼上下網睇下片咁!!

BY THE WAY, 今日係日本O既七夕!! 好浪漫~ 希望有機會去參加下日本O既七夕祭啦!!





むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝 7 點幾又醒左一醒, 攪到真正要起身時好眼訓!! 食完餅就返工!!

其實今日真係冇�祷�, 而且冇�盗l黎問野, 粉皮冇�乍｢癲, ... LUNCH 返屋企食!!

食完夠鐘再返工呆坐, 維維又黎左呀(清潔姐姐個孫女), 但係唔知點解今日一入黎就喊, 同埋個個都唔肯跟, 又冇�灯ｽ應, 但又唔係眼訓喎!! 係俾文靜抱左一陣, 跟住就要走 ... 後黎諗起, 可能係粉皮O係度, 因為前幾次都係粉皮放假架, 可能真係有Ｄ野 ... 陰功豬!!

一直呆坐到 6 點放工, 去左 PIAGO(剪影見圖1~5), 先買左一個朱古力冬甩($6)&一個忌廉包($6.5), 再用左 $5 COUPON = $7.5, 再問左個店員可以用埋張 $3(唔洗等聽日), 所以夾多一個朱古力冬甩($6 → $3), 然後行左一陣惠康, 不過冇收穫, 返到屋企未夠 7 點!!

沖完我好期待O既凍水涼後, 就煮左烏冬食(見圖6), 食完又上下網/玩下 GAME 咁!!

BY THE WAY, 今日對眼好有問題, 話說今朝睇小栗旬訪問, 當中提及到"技安其實是個熱血男兒", 但我竟看成"技安其實是個混血兒", 我仲即刻諗"下?! 技安係混血兒?! 邊度混邊度呀!!" 其實呢件事我都已經佩服自己, 估唔到頭先O係 PLURK 睇到一本 SHO 封面O既雜誌標題, 人地係寫 おシゴト 睇錯為 オシッコ, 真係嚇左一嚇, 以為仲�当ｳ LALA 講呢Ｄ野, 我對眼真係好有問題(苦笑)!!

聽日要返工, 拍 PK, 希望平安渡過!!





むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝又係訓下醒下咁, 7:30 起身, 上左一陣網, 食左個早餐(見圖1), 夠鐘就返工!!

其實今日仲得��, 所以都係冇�統�作, 係咁上網, 因為好少人黎問野, 又冇人黎交 $, GOOD!! 亦因為預計到咁, 所以搵返幾年前一個網友送俾我O既 KINKI 同人本睇下(見圖2), 不過其實我唔太萌 KINKI 同人 ...

不過結果都係上網睇下 櫻相文 呀咁, ... LUNCH 返屋企叮飯食(見圖2), 夠鐘繼續返工!!

下午茶時間, 有亞 SIR 請我地西餅(見圖3), 多謝哂!! ... 今日真係好開心呀, 因為先係 HADERU(小淳)回我 TWITTER, 真係好耐都冇回過我喇(見圖3)!! 再隔左一個鐘左右, 綾小路翔 回我 TWITTER 呀(見圖3), 實在太好喇!! 因為佢地兩個都好耐冇回過我喇, 估唔到同一日仲差唔多時間回我, 實在好感動(見圖3)!!

講返今日返工先, 鎖下門開下門咁, 費事同 PK 咁計較啦, 反正係今日咋嘛(平時粉皮做), 好彩 PK 都醒, 都唔係完全我做哂!! 似返個人!!

再睇文呀, TWITTER 呀咁, ... 結果係完全冇睇過 KINKI 同人本, ... 其實真係唔係好萌到, 幾時先出櫻相同人本呀, 呢個實萌到!!

準時 17:15 放工, 返屋企沖完涼坐左一陣就 DINNER, 食左兩個麵包(見圖4), 好味!!

然後上網/玩 GAME!! ... 唔知點解今日不停咁想聽 氣志團 同埋 DJ OZMA!!!

BY THE WAY, 原來而家有人 TWITTER 我會有 EMAIL 通知架喎, 咁太好喇, 因為我睇返原來之前 MISS 左好多人O既 TWITTER!!





むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝 10 點幾聽完個電話, 跟住就醒左, 睇左一陣 小新 先起身煮烏冬食(見圖1)!!

食完就不停咁上網同睇片!! ... 5 點幾睇埋＜每日媽媽＞再沖涼, ... 6 點幾食飯, 整左牛扒飯(見圖2), 食完又上下網咁!!

夜晚竟然睇左 TVB 果個＜變身男女 CHOK CHOK CHOK＞, 根本最開頭果十秒已經睇得出果個係真正女仔啦, 都唔明仲�痘v攪成個鐘!! 其實成個節目就係 台灣O既 天才衝衝衝(估歌) + 日本O既 学校へ行こうMAX(男扮女, 連佈景都一樣!), ... 其實我睇左一個鐘, 我最白痴!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝 7 點幾醒左一醒, 都唔知呢排仲�涛�日都係咁!! 訓到夠鐘起身又唔想起喎!! 但始終都係要起身返工o既!!

發現原來屋企Ｄ餅食哂喇喎, 所以叮熱Ｄ牛奶黎食麥皮!! 食完返工!!

今日都冇人黎交錢, ... LUNCH 返屋企食牛扒茶泡飯(見圖1), 我發現我食飯越黎越快, 咁樣其實唔太健康!! ... 夠鐘就返工!!

下晝都好靜局, ... 係有人厚顏無恥, 有哂証據仲唔肯認係自己做錯, 仲要�ｮ係Ｄ老師改完冇話佢知, 亞姐, 我做咁耐都係冇人話我知改過架, 但係我有眼睇架囉! 社會就係有呢Ｄ一世死好命O既垃圾! 做左 3 個月喇, 仲可以錯Ｄ咁基本O既野, 真係要贈佢一句: SO MANY PEOPLE DIE NEVER SEE YOU DIE!! 妖!!

5 點幾 WWF 打黎話我訂Ｄ野到左喇, 所以要麻煩 CATCAT 幫忙上去拎左先, 冇辦法啦, 因為 OFFICE HOUR撞正我要返工, 所以麻煩哂!! ... 6 點正準時走人, 經過街市買左少少菜, 再去左 PIAGO 買麵包, 但竟然冇哂朱古力冬甩喎, 又唔想聽日再黎過, 所以選左一個糖冬甩同埋一個紅豆冬甩包, 試下好唔好食先, 聽日用黎當早餐!! 再去左"秀吉", 買紅豆大判燒($7, 用左張 $5 COUPON, 所以 $2 咋), 點知等左好耐喎(係唔知等�等ﾞ下!), 跟住等左一個字左右, 有個男人黎買大判燒, 但係另一個 STAFF 就俾左佢先, 我立即呆左望住個 STAFF, 跟住佢問收銀"佢等緊�悼ﾋ?!", 收銀話"紅豆大判燒囉!", "咁你仲�答I俾人呀?!", "咁又唔知喎!", ... 結果呢個 STAFF 立即包裝左一個紅豆大判燒俾我, 同埋講"唔好意思, 要你等咁耐!!", 心諗: 知就好啦!! ... 買完就返歸喇!!

返到屋企沖完凍水涼, 煮左個齋烏冬, 再食埋個紅豆大判燒(見圖2~3), 食完上下網咁!!

心血來潮 CHECK 下戶口, 攪錯呀, 11 號都仲未出糧, 政府知法犯法!! 整!!

BY THE WAY, 今日又有 ARASHI O既日本 PR 喇, 今次係"MESSAGE FROM JAPAN", 睇完唔知仲�桃D感動, 好想去日本呀 ...(哭)!!

BY THE WAY X 2, 綾小路翔再次回我 TWITTER(見圖4)!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝起身食左個紅豆冬甩&牛奶(見圖1), 夠鐘又返工!

做下野 ... LUNCH 前又做下野, LUNCH返屋企叮飯食(見圖2), 食完睇片睇到夠鐘就返工繼續工作!!

... 一直做到 5 點幾, 有人黎交 CAMP, 有人又係好似新黎咁, �涛s要問, 都痴X線!!

6 點正走人, 直接返屋企, 沖左個暖水涼, 可能因為咁, 成晚都好熱!! ... 上下網, 傾下 MSN, ... 好快又 12 點!!

準備入房睇多陣片就訓!! BY THE WAY, THANK YOU CATCAT 幫忙上 WWF OFFICE 拎之前訂左果Ｄ野!!

聽日暑假開始! 作戰計劃亦同時始動!!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝又係 7 點幾醒左一醒, 呢幾個月都係咁呀陰功!!

8 點幾起身食左冬甩同埋牛奶做早餐(見圖1), 夠鐘又返工!!

有人扮病呀, 好白痴, 真係好白痴!! 亦因為咁, 我地可以好好做下野, 好好 RELAX 一下!!

做左一陣野, ... LUNCH 返屋企叮飯食(見圖2), 夠鐘又返工!!

繼續做野, 有幾個人黎交費!! 再整下其它野 ... 6 點正走人!! 同 上司小姐 一齊坐 MTR, 好多人!! ... 都係好苦惱!!

去左 將軍澳 富臨, 因為約左皇上同太后食飯, 食左幾樣野(見圖3~7), 傾到 8 點左右行左一陣, ... 未夠 9 點返到屋企, 沖完涼上下網咁!!

冇�涛ﾁ別, 聽日繼續努力, 因為開始多野做 LU!!

BY THE WAY, THANK YOU 太后幫忙去拎 GARNIER O既禮物(見圖8)!!





むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

依然係 3 點幾同 7 點幾又醒左, 點解日日都係咁架!! ... 早餐有牛奶麥皮(見圖1), 夠鐘就返工, 早左少少返去呀!!

開始今日工作!! ... LUNCH 返屋企食飯, 特別食快少少, 食完去左淘大, 因為負責去買咭送俾生左 BB 果位同事, 好快咁去三聯買左唯一一張被生 BB 咭, 而好準時咁返到公司, YEAH!! ... 仲要有一個奇蹟, 一個令全公司都好開心O既奇蹟 --- 粉皮竟然自動唔撈, 上司小姐 指一指枱面封信, 我一睇!! 真係唔敢相信對眼!! 相信係有人尋日扮病去見工, 頭先 LUNCH 打黎話請佢, 所以 LUNCH 後就有信!! 太好喇!! 下一間公司Ｄ同事真係陰功!!

實在太太太開心太興奮, 完全唔覺得冇左佢唔掂, 因為冇左佢反而工作量少左, 起碼唔洗 CHECK 佢Ｄ野同埋執佢手尾, 天呀, 多謝你俾呢個奇蹟我地呀!!

按奈住開心O既心情繼續工作!! ... 放工去左麥當勞, 因為 LUNCH 時去三聯經過見到開心樂園餐有功夫熊貓2, 上網睇左原來今日開始送, 仲要有熊貓添, 所以就去買喇, 排緊隊時, 見到終於都出返美食味喇, 仲係功夫熊貓架, 所以立即買左一張($10, 可以用到10月12日), 漢堡包開心樂園餐, 再用張咭買 DOUBLE新地+蘋果批(見圖2~5), YEAH!!

返到屋企沖完涼剪埋頭髮就 DINNER, 食左個開心樂園餐同埋杯 DOUBLE新地!! 好滿足, 蘋果批留返聽朝做早餐, YEAH!! ... 上下網/睇下片咁!! 玩 明星三缺一 少有地 WIN 喎!!

今日實在太好喇!!

送俾同事O既咭(見圖6)!!





むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

尋晚總算訓得好左, 只係今朝 7 點幾醒左一次O者!! 夠鐘就起身, 叮左個蘋果批食(見圖1), 食完夠鐘又返工!! 其實Ｄ人可唔可以唔好當架電梯係私家架呢?!

返到公司開始今日O既工作!! 開頭比較清��, 到Ｄ文件送左黎, 又勁開收據同埋做一Ｄ後期工作!! ... LUNCH 返屋企食!! 食完夠鐘又返工!!

繼續埋數同埋做左好多野, 因為要準備黎緊出信俾學生, 又有好多文件要攪!! 所以都幾充實!!

做到 5 點幾就清左今日O既工作!! 執下野, 準備下咁啦, ... 18:15 放工, 會合埋 3 個同事坐 MTR 去寶琳, 等埋另外兩個同事就一齊行去某屋苑, 因為今日去探同事個 BB, YEAH!!

上到去, 見到 BB 喇, 好可愛呀, 但係我唔太敢摸佢, 因為佢太細舊喇!! 傾下計, 食下薑醋(好味), 傾到 9 點幾(好似係), 然後同一男一女同事去左新都城食飯, 本來O係 FOOD COUNT 坐低左架, 但係行左一個圈, 冇�当� ARM 食, 而且好多間有一陣臭味, 所以最後轉左去食 KFC, 我食左個焗雞扒飯(見圖2), $27.8, 都 OK 啦, 不過面果塊芝士好怪呀, 我真係未見過芝士可以燶左, 但係成塊係唔熔, 仲唔係塑化劑芝士?!

一邊食一邊傾下計, �涛s傾一餐, 傾到差唔多十點半就一齊坐 MTR 返歸喇!! 坐車途中又勁傾, 原來男仔同女仔O既諗法真係超級唔同!!

返到屋企 11 點幾, 沖完涼先醒起我今日專登帶左相機去探 BB, 諗住影相架, 但係 ... 唔記得左!! 唯有有機會再影過啦!!

再上下網, 睇下片咁, 美好O既一日!! YEAH!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今日係放假日, 所以 11 點幾鬧鐘響係冇反應O既, 一路訓到兩點幾再睇左一 陣電視, 大約 3 點先起身食左個蘋果批, 跟住上下網同埋睇下片咁!!

4 點幾突然間諗 ... 不如去 PIAGO 拎 NEEDS 同埋睇下有冇野食買返黎食!! 所以就落左�ｺ福喇!!

先去左拎 NEEDS, 跟住去左買麵包, 因為Ｄ冬甩又好吸引, 今次用左張 COUPON(買滿 $25, 減 $10), 咁 ARM 買左冬甩兩個($5.5/個), 朱古力冬甩一個($6), 忌廉圈卷($8), 剛剛好 $25, 所以而家只係 $15 咋(見圖1)!! 然後就去左 秀吉 買 DINNER!! 買返屋企食, SET A $25, 用左 COUPON -- 送左一杯汽水(本來要另+$4), 仲有送左一個大判燒($7)(見圖2), 都算幾抵!!

回程途中太后打黎問我去唔去一齊 DINNER, 哎唷, 頭先問你你又話唔去, 所以買左外賣, 已經太遲 LU!! 唯有聽日再約過啦!!

返到屋企沖完涼就開餐喇!! 望埋去好似好少咁, 但其實好夠, 好滿足!! 食完又睇下片/上下網咁!!

越夜越熱, 點解咁架!!!!!!!!

BY THE WAY, 原來日記同 BLOG 又成個幾月未整, 時間唔夠用呀!!!!!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝訓到 11 點幾再睇左一陣電視, LUNCH 食左兩個麵包, 上下網/睇下片!!

兩點左右出門口, 等免費車去新都城, 去到前面已經有廿幾人, 等到 14:30 有車黎, 明明前面得廿幾人咋嘛, 但係落左十幾廿人再上完後, 我前面都係仲有廿幾人囉, Ｄ人咁架!! 所以上唔到, 唯有等下一架!!

等到 14:50 先再有車, 去到新都城 15:15 左右, 拿拿聲去千色店會合太后!! 買左幾支洗面膏, 再週圍行下咁, 行到 4 點幾去左東港城, 因為有 COUPON 食 FROZEN YOGURT(見圖1~4), 我同太后一人食左一杯中O既, $30/杯(COUPON 剛剛好 $30, 所以唔洗補錢!), 都幾好味, 唔算太差!! 食完去左 CD 店, 本來想買 KINKI 隻 TIME SINGLE, 不過諗起應該信和會平Ｄ, 所以冇買到, 再行左一陣書店/旅行社 ...

落到樓下見到有 SONY PROMOTION(見圖5~8), 有好多藍精靈, 仲可以體驗完 4 PART 野有禮物送, 所以就去兜左個圈, 送左個�K色袋仔&藍精靈紙扇(見圖14), 本來可以同兩隻藍精靈影相架, 但係咁 ARM 佢兩個要休息, 所以冇得影!! ... 再去左萬寧買野, 真係好頭痛, 因為好多野有折, 好混亂, 攪左好耐先砌掂(見圖13), ... 差唔多 17:50 先行去將軍澳, 因為約左皇上 DINNER!!

會合皇上就叫左幾樣野食(見圖9~12), 食到尾升時我真係好燥底, 即係咁, 想幫我換碟我明白, 但係係咪應該講一聲先呢?! 我食食下, 一野搶走我個碗再換碟, 又亂放返Ｄ野, 你想我俾�灯ｽ應你?! 我鑋係好憎Ｄ唔識O既人用佢O既 DIRTY 手去掂我隻碗! 第一次咁算, 我同佢講"我自己放返隻碗 OK 喇, 唔該哂!!", 過左一陣, 即係我食緊件龍蝦, 又係一野搶走我個碗, 真係興到我立即用隻筷子叉低隻碗, 佢一野就甩手, 隻碗跌左O係枱, 我再脾住佢, 佢問"係咪唔洗換呀!", 我冇答佢拎返隻碗繼續食!! 真係想同佢講"郁手之前講一聲係咪會死呀!! 妖!", 真係�盗l都有!!

食完行左一陣, 買左Ｄ雞扒/菜呀咁, 呢幾日有排食!!

坐 MTR 返歸, 返到屋企沖完涼又上下網/玩下 GAME 咁!! ... 快樂日子果然過得好快, 聽日又要返工 LU!!

BY THE WAY, 有個姨姨送左盒車厘子朱古力俾我(見圖15), 多謝!!









むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝好難先起到身, 星期一就係咁!!

早餐食左個糖冬甩&ZERO, 我知道一早飲汽水係唔乖, 但係我太冇精神喇, 所以唯有借助 ZERO O既 POWER!! 夠鐘就返工!!

開始今日工作, 其實都要等到 10 點幾 11 點, Ｄ文件送到黎先至做到咋, 埋左今日條數, 就剛好 LUNCH(見圖1)!!

返左屋企一邊食烏冬一邊 睇＜イケメンですね！＞, 我都係好奇咁睇下咋, 尋晚睇左半集, 估唔到又 OK 喎(只要無視左個第一男主角 ... 因為真係三個當中最醜果個, 但竟然演最靚仔果個角色呀下!! 所以睇埋後半集, 幾好睇, 所以應該會追落去 ... 雖然果幾個男仔真係一Ｄ都唔靚仔!!

夠鐘返工, 大工程咯, 因為要入信喇, 我入左幾十封, ... 諗諗下, 記憶中呢幾年都係一出信呢Ｄ日子, PK 實放左大假架喎, 真係選日子呢!!

... 夠鐘就放工返屋企!! 沖完涼煮餃子食, 但係好失敗, 因為我寫日記O既呢一刻先至醒起冇影到相!! 食完又上下網/玩下 GAME 咁!!

好熱呀, 好想去旅行呀!!!

BY THE WAY, 拆左尋日盒車厘子朱古力(見圖2)!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝起身上下網, 食埋個朱古力冬甩, 夠鐘就返工!!

今日都算仲係蜜月期, 所以都唔算太忙!! ... 電話比較多, 但都好彩都係問初班Ｄ野O者!!

LUNCH 返屋企叮飯食(見圖1), 夠鐘再繼續工作!!

3 點幾教粉皮整個簽收 LIST, 其實真係超簡單, 都係 COPY & PATSE 咋嘛, 但係我講解都講左成十幾廿分鐘, 佢做左兩個幾鐘囉(正常其實半個鐘都 OK), 係咪低得咁緊要呀?! 仲要原來係 EXCEL 白痴, 咁就唔好講到自己電腦幾咁叻啦!! ... 我未 CHECK 完, 不過Ｄ格式都有Ｄ唔係咁同(我直情整埋個樣俾佢睇, 只係專登唔俾個 EXCEL 佢, 要佢自己攪咋嘛, 鬼叫你人工高過我但係得�濶ﾟ我呀, 嘿!!), ... 6 點幾放工, 上司小姐 話:"洗鬼教佢咁多野��, 教佢用 EXCEL 益左佢啦!!", 但其實我教果Ｄ都真係好基本O既野, 基本到我自己講完都覺白痴!! ...

去左淘大買麥當勞 DOUBLE 新地+蘋果批!! 返到屋企 18:30 左右啦, 沖完涼再煮左白汁雞扒意粉(見圖2), 食完食埋甜品(見圖3), 再上下網/玩下 GAME 咁!!

睇黎我黎緊週末真係要攪返呢個幾月O既日記同 BLOG, 再係咁懶落去唔掂!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝鬧鐘響後都係好眼訓, 明明早訓左但好似仲眼訓過夜訓咁, 攪��!!

食完個蘋果批, 夠鐘就返工!!

今日好多人呀, 因為有排練, OFFICE 勁多人, 同埋好多人病, HELP!!

LUNCH 返屋企煮左個烏冬食(見圖1), 食完夠鐘又返工!!

依然好多人, 仲有一個人好臭架(拍得住臭人), 真係聞到我想嘔!! 好彩佢冇坐O係我附近做野咋, 如果唔係我一定真嘔!!

... 5 點幾已經準備放工, 一夠鐘就飛快咁走!! 坐 MTR 去將軍澳, 因為有飯局, 今日太后生日呀!!!!!! YEAH!!!!!!!!

去到酒樓, 叫左幾樣野食(見圖2~5), 食完再行左一陣, 去左麥當勞食 DOUBLE 新地(見圖6), 再行下超級市場, 買左薯片同埋指甲野(見圖7~9), 唔知呢個雞翼味好唔好味呢!!

9 點幾坐 MTR 返歸, 返到屋企 10 點左右, 沖完涼上下網, 食左幾塊雞翼味薯片, 吾 ... 都係原味好味Ｄ!!

BY THE WAY, 祝願太后日日開心, 身體健康!!







むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝都係好眼訓, 尋晚係夜左訓o既, 因為掛住睇 福田沙紀 o既「IS[アイエス]〜男でも女でもない性〜」O既第一集!! 呢個幾好睇呢!!

叮左蘋果批做早餐, 夠鐘就返工喇, 由於今日 上司小姐 放假, 所以更加清��, 亦因為咁, 粉皮就完全 RELAX 狀態, 平時已經冇腦冇記性冇禮貌, 今日係平時O既幾十倍! 再加上白痴低能, 真係有陣時忍唔住笑, 戥佢亞媽可憐, 生到個女冇腦冇記性冇禮貌, 都算喇 ... 仲要冇常識喎!! ... 冇常識到同個同事講封信退返黎, 係因為個郵差睇錯左個回郵係目的地, 個同事平時都好少寸佢, 但係今日都忍唔住話:"你都痴線O既! 梗係唔會啦!!", 跟住粉皮仲要勁講話一定係佢 ARM 哂, 個同事頂唔住話:"痴線! 個郵票蓋左郵印架, 點會睇錯回郵呀, 你呢個諗法真係幾特別!!", ... 另外仲有幾件白痴事, 實在太白痴, 不過對呢個過客, 都無謂俾佢佔咁多版面!!

LUNCH 返屋企煮左個烏冬食(見圖1), 夠鐘再返工!!

繼續呆坐, ... 今日個喉嚨成日好乾咁, 飲極水都好似好口渴, 千其唔好病呀(睬睬睬, TOUCH WOOD!!)

準時放工走人, 去左 PIAGO 諗住買麵包, 點知, 個天又唔鍾意我囉! 因為我目標果 3 種麵包, 竟然一款都冇! 全部賣哂!! 真係過份!! 太過份!! 所以空手而回!! 唯有聽日放工再去睇下啦!!

BY THE WAY, 今日終於俾人登左 NINO 同 佐X木X O既合照喇!! 唉 ... 其實�盗l有呢張相大家都好清楚!! 加上其實完全冇拍拖 FEEL, 我唔係自我安慰呀下, 因為真係完全連親友都不如, 我估普通朋友都過言左少少!!

返到屋企沖完涼就叮意粉食(見圖2), 食完就係勁上網同睇片!!

10 點左右太后打黎話樓上個姨姨拎Ｄ雜誌落黎俾我, 所以拿拿聲快手執下屋再換件衫, 都坐低傾左一陣先走呢!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝起身食左幾塊紅苺曲奇, 估唔到又幾好味喎!! 夠鐘就返工!!

今日好多人呀, 因為又係排練o既日子, Ｄ人勁出勁入, 真係有少少頭暈, 最慘O既係有個 PART TIME 係拍得住"臭人"O既, 全日都O係度做野, 仲要整佢個髻, 坐我附近做野, 其實真係唔知點解會咁, 其實就算皮膚有問題, 都應該有方法令到唔好咁臭, 真係臭到我想嘔, 係真嘔!! 所以勁開風扇同埋勁去洗手間!!

LUNCH 返屋企煮意粉食(見圖1), 夠鐘又返工!!

叫粉皮改返好前日叫佢做O既 LIST, 我話有Ｄ格式錯佢仲唔信, 我咪叫佢拎返我個 SAMPLE 出黎對下, 同埋叫佢改返一個學生名, 我話"呢個係 SYSTEM O既問題, 所以先出到咁O既! 唔係你問題, 我而家改返個 SYSTEM 喇! 但都麻煩你改返呢個 LIST!!", 點知佢就勁興咁話"唔係呀, 呢Ｄ人名係我O係個 SYSTEM COPY 出黎貼返上去架咋, 所以唔關我事呀!", 我真係興興地, 聾架��, 我咪話左 SYSTEM 問題囉, 你當我之前呼吸緊呀!! 所以我答佢:"頭先咪話左係 SYSTEM 問題唔係你問題囉! 而家你改返佢就得架喇! 呢個唔係你問題呀!", 佢跟住又係完全冇反應, 唔望我(佢不嬲唔望人講野), ... 即係咁, 都明知你唔撈, 我梗係唔會俾你明目張膽O係公司搵工咁得��啦, 其實張 LIST 我一早執好左, 係專登叫佢改, 反正最後都唔會用佢做O既野, 呵呵!! 再要佢做埋黎緊 9 月要用O既外展班點名簿, 不過又係囧, 講完哂一次, 唔夠幾分鐘又問, OK ... 如果你係問Ｄ我冇講O既野, 仲要問另一個男同事, 連人地都聽到我之前已經講過, 你話佢係咪真係耳仔有問題丫!!

呢個世界真係美麗, Ｄ空氣真係清新!!

一直O係度諗放工後有�桃s程, 諗左好耐好耐, 結果係: PIAGO → 麥當勞

一夠鐘就走人, 先去左 PIAGO, 一直希望今日一定要有我想買O既麵包, 結果唔錯呀, 買左 紅豆冬甩($7/個, 買左兩個) + 朱古力冬甩($6/個, 買左兩個) + 雙味軟包($10, 8塊仔), TOTAL $36, 但係用左兩張 COUPON, 而家只係 $21 咋, 雖然我覺得Ｄ麵包好似細個左咁 ...(見圖2), 但係平就算啦, 抵食!!

然後就去左淘大O既麥當勞, 因為今日又要食開心樂園餐喇! 因為今日開始送熊貓 BB 玩具呀, 發現多左張咭, 話 8 月 11 日前, 呢段時間內買 4 個開心樂園餐, 就可以換一把度高尺, 但係上星期食都冇O既 ... 雖然諗諗下, 其實都唔洗再食, 因為今次兩個熊貓我都換左喇!! 所以點都唔會食到 4 個開心樂園餐, 加上個度高尺其實唔太吸引!! ... 另外又買左 DOUBLE新地 + 蘋果批, 突然間好多野食添!!

返到屋企沖完涼煮左個菜就開餐喇(見圖3~6), 食完上下網/睇下片咁!!

聽日同後日都放假, YEAH!!





むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝 11 點幾鬧鐘響, 但實在太眼訓, 所以開住部電視繼續訓,點知到我俾套韓劇嘈醒時, 已經兩點幾 LU!!

起身食左兩個麵包, 好滿足呀!! 再睇下片咁, 仲飲左杯中國人智慧 --- 咸柑桔(見圖1)!! 睇到 5 點左右出門口, 等免費車去新都城, 好彩等左一陣就有車!!

去到新都城又立即排免費車去返將軍澳廣場果頭喎, 不過睇個勢係要第二架車先上到!! 排排下隊竟然撞到住樓上個姨姨喎, 我仲要戴住口罩佢都認到我呢, 傾左幾句咋, 因為佢排另一架免費車, 過左一陣我果架有車黎, 但一如我所料, 真係剛剛截左我前面兩個人, 所以又要等 15 MINS 先再有車呢!! ... 樓上個姨姨有車先, 所以講左拜拜, 再繼續等車, 好彩都好準時!!

去到將軍澳廣場大約 18:25 左右吧, 去左富臨 DINNER, 因為約埋舅父舅母呢!! 等左一陣舅父舅母就黎到喇, 叫左幾樣野食(見圖2~8), 好好味呢, 食完傾下計, 再行左一陣, 有Ｄ大公仔幾得意(見圖9~12), 仲有細細個就識佢O既"漿糊仔仔"呀!!

9 點幾坐 MTR 返歸, 返到去又諗起不如去�ｺ福影埋Ｄ未影過O既熊貓, 所以行左一陣(見圖13~31), 其實有幾隻想合照, 不過冇人幫我影, 唯有下次啦!!

10 點左右返到屋企, 沖完涼就上下網/睇下片咁, 天氣依然好熱!!

聽日一定一定要攪返呢個幾月O既日記同 BLOG, 再咁樣落去唔掂呢!!

















むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝 7 點幾突然聽到Ｄ聲, 原來有隻好大隻O既蜜鋒飛左入我間房, 由於太大隻, 又唔敢打走佢, 但又唔可以唔理佢喎!! 所以最後只諗到用風扇開到最勁黎係咁吹佢, 希望佢可以飛返走, 不過都攪左成十幾分鐘佢先飛返走咋!! 好彩!! ... 然後繼續訓到 1 點左右, 起身叮左兩個蘋果批食, 食完睇下片/玩下 GAME 咁, 仲好努力咁整理返呢個幾月O既日記同 LOG,月不過都係整到 7 月頭咋, 睇黎未來幾日都要努力整理埋其他呢!!

一路整到 5 點, 睇 TVB O既＜每日媽媽＞, 真係好好笑!! 煮落飯跟住就沖涼!!

沖完涼就準備 DINNER, 係突然間餓到想暈, 好突然果種, 所以拿拿聲煮完個"九菜花", 再食燻蹄飯(見下圖), 食飽哂先再煮左幾隻 茄汁雞翼 (未來幾日可以叮黎食)!!

然後都係上下網同睇下片!!

聽日又要努力 5 日先再有兩連休 LU!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝都係好眼訓!! 食左個紅豆包做早餐, 估唔到隔左幾夜都仲咁好味!! 夠鐘就返工!!

天氣實在太太太熱喇!! 坐O係度都勁出汗, 所以勁飲水, 亦因為咁勁去洗手間!!

今日好忙呀, 因為儲埋幾十個人O既學費未整, 所以今日要努力!! ... LUNCH 返屋企食左個烏冬(見圖1), 近排迷上左烏冬呢!! 夠鐘繼續工作!!

依然好熱, 但公司Ｄ同事好弱雞, 無奈!!

做到 5 點半左右就埋左今日條數, 跟住就等放工!! 6 點幾等埋 上司小姐 先一齊走, 條粉皮真係賤到冇朋友呢!! 不過算, 唔好講佢, 整 DIRTY 我呢度!!

去到將軍澳差唔多 18:38, 食左幾樣野(見圖2~7), 不過成餐飯有少少怪, 因為有個美麗O既誤會, 舅父誤會左我地換左佢個太陽眼鏡盒, 但 ... 真係冇換到!! 真係點講都冇用, 唉!!

所以拿拿聲食完飯, 我地三個就自己行下吉之島呀咁!! ... 坐 MTR 返歸!!

返到屋企, 收到前幾日O係 JAG 換果張吉之島 $50 COUPON(見圖8), 都幾快手喎!! 儲分儲左好耐先夠架, 希望快Ｄ多Ｄ分俾我換多Ｄ啦!!

然後都係勁俾 CAFE 玩!!





むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝都係好眼訓, 食完個冬甩做早餐, 夠鐘就返工喇!!

基本上都係咁啦, 朝早粉皮請左假去見工, 所以大家都 RELAX!! ... 然後都係做下野咁, 出奇地今日先浮返上個月月頭果張文件出黎, 所以我就要又埋返去上個月O既文件度再攪完一大輪先攪掂返, 好彩!! 然後開下收據, ...

LUNCH 返屋企食茶泡飯, 食完夠鐘又返工!!

今日喉嚨冇咁痛, 但係有少少感覺想作傷風咁, 千其唔好病呀, 我唔制呀!!

粉皮又收錯票, 唉, S-H-I-T!! ... 一路做野做到 6 點執定野, 等放工!!

去左�ｺ福買麵包(見圖1), 再去左 秀吉 買外賣, 因為有 COUPON, SET A 炒麵+燒餅都係 $20 咋, 仲送汽水(本來要加 $4)(見圖2), 返屋企沖完涼就開餐!!

跟住都係上下網/睇下片咁, 仲好努力咁燒碟, 因為個 HDD 又就黎滿!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝 6 點幾右腳抽筋抽到痛醒, 早幾日先同 CATCAT 講完話早排成日抽筋但已經冇事, 真係唔好唔信邪!!

8 點幾要起身但係好眼訓!! 結果遲左少少起身, 太后打黎話皇上一陣出黎, 叫我拎定Ｄ野出黎, 再食左個紅豆包就返工!!

遲左少少, 立即開始今日工作, 勁開收據 ... LUNCH 返屋企叮飯食, 夠鐘再繼續工作!!

... 我發現係公司空氣有問題, 因為我一返到去個鼻就唔自然 ... 到等放工時, 一熄左把風扇, 我就勁咳喇 ... 一行出 OFFICE 又立即好返好多!! 唉 ...

同 上司小姐 坐 MTR 去將軍澳, 去到酒樓會合左皇上同太后, 叫左幾樣野食(見下圖), 不過今日碟龍蝦好差!! ... 食完行左一陣, 再去埋麥當勞食 DOUBLE 新地, 再行埋惠康就返歸喇!!

9 點幾返到屋企, 沖完涼又開始上下網/玩下 GAME 咁!!

我唔要病呀, 求健康平安!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝起身好眼訓, 所以又遲左少少起身, 食左個紅豆包做早餐, 夠鐘又返工!!

開始今日工作!! ... LUNCH 返屋企叮飯食, 夠鐘又返工!!

唉, 唔想做就老實Ｄ講, 有�痘摎R到今日都仲收錯支票架, 人地寫 2010 年, 我以為你冇腦O者, 點知原來你對眼都有問題架(冇歧視成份)?! 所以我等 上司小姐 返黎攪, 真係有少少想中佢!! 我承認我格衰, 我今日得�阮ｳ事就望住佢, 等佢燥下都好, 呵呵!!

跟住做左少少月尾要交O既文件, 個 SYSTEM 又唔知仲�答I成功, 聽日先再算!! 都唔知邊度出左問題!! 聽日返黎計埋個用紙量就可以叫做完成月尾要做O既野喇!!

放工返屋企, 沖完涼煮左個餃子食(見下圖), 仲有蕃茄湯底架, 好好味架!! 不過Ｄ餃子終於俾我食哂 LU!! 得�闌ｸ價買返Ｄ先!!

然後都係不停咁上網同玩 GAME, 咁又一日 LU!!

聽日 HAPPY FRIDAY!! 所以要保持心情愉快!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝俾雨聲嘈醒, 開電視睇下仲係 3 號風球, 所以就立即爭取時間繼續訓!! ... 夠鐘起身又好眼訓!! 食左兩個糖冬甩做早餐, 夠鐘又返工!!

返到去又有人扮病啦, 預左佢架啦, 黎應該仲會"病"多一日添, 仲好呢, 因為咁樣就空氣清新&心情愉快&工作效率上昇!!

今日O既工作都係勁開收據, 勁埋數, 同埋整理好Ｄ月尾要交O既文件!! ... LUNCH 返屋企叮飯食(見圖1), 睇下片, 夠鐘再返工!!

下晝工作都冇�涛ﾁ別, 太后打黎話不如今晚 DINNER, 當然 OK 啦!! ... 無驚無險, 又到 6 點!! 準備走人!!

同 上司小姐 坐 MTR, 去左將軍澳富臨, 飲左少少紅酒(見圖2), 不過我都係愛麒麟啤多Ｄ, 叫左幾樣野食(見圖3~6), 隻龍蝦本來好唔掂, 跟住叫佢換先 OK!! 收到O係嘉頓換O既 COUPON, 仲有條毛巾仔(見圖7), 太后俾左我用!! 食到 8 點幾再行左一陣, 不過睇唔 ARM 野!! 經過同"漿糊仔"影下相(見圖8~9), 今日冇野圍住呀, 真係好令人懷念呢!! 然後 9 點幾就坐 MTR 返歸喇!!

返到屋企沖完涼又勁上網玩 GAME, 所以時間都過得勁快呢!!

突然間想搵返以前亞敬簽名O既碟影返俾佢睇喎(見圖10~11), 跟住佢有睇到呀(見圖12), ... 突然間諗起好耐冇聽過 THE CRANBERRIES, 所以拎左一隻我好鍾意O既碟放入電腦由頭聽到尾(見圖13), 我發現雖然我好一段日子冇聽過呢隻碟, 但係我依然記得點樣唱!!









むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝 4 點幾先訓, 所以係咁訓呀訓, 好努力咁想起身都起唔到, 結果係有聽到新聞啦、小丸子啦, 到太后打黎時已經 5 點幾, 播緊＜每日媽媽＞ LU, 所以起身!!

上左一陣網, 沖完涼就煮 DINNER, 整左雞翼同埋意粉(見下圖), 好好味!!

食完就上下網/玩下 GAME 咁!! 寫日記O既呢一刻係 1 點, 但係完全唔眼訓 ...



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今日好努力咁 11 點幾醒左, 仲睇左一陣＜華麗間諜＞大結局添!! 然後叮左意粉食(見圖1)!!

再不停咁睇片同玩 game, 睇到 5 點左右出門口, 等免費車去新都城, 不過落到去已經 走左班車, 所以要等左十幾分鐘先有車, 去到新都城都 17:5x, 好多人等另一架免費車喎, 所以又要等到 18:15 先上到另一架免費車, 去到酒樓遲左少少, 叫左幾樣野食(見圖2~7), 食完行左一陣, 再去左麥當勞食甜品(見圖8), 再行左一陣!!

未夠十點返到屋企, 沖完涼又上下網同埋玩下 GAME 咁, 突然間冇食水喎, 唔知仲��, 好彩唔係沖緊涼咋!!

聽日又要返工 LU, 點解永遠假期都係咁快過架!!





むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪