今朝好失敗, 勁訓, 結果係 10:30 先返到工! 仲要總部個會計打黎哦寫錯 PAYMENT, 頂!! 一直冇人話我知分兩張寫, 跟住個 TOTAL 係要分開一張一張計喎!! 明明就係成個 2 月, 咁點解唔係夾埋先一個 TOTAL?!

立即開始今日工作, 幫個同事將兩箱文件分類, 真係太多喇, 而且好 DIRTY!! 做到 12:35 左右攪掂左一箱, 同事叫我休息下, LUNCH 後再繼續!!

LUNCH 返屋企叮返尋晚Ｄ炒飯食(見圖1), 食完夠鐘又返工!! 出奇地Ｄ同事一個都冇出去食飯咁喎, 因為我只係遲左一分鐘, 但係竟然全部人都O係度做緊野!! ... 繼續攪另一箱文件, 呢箱仲頭痛, 攪左好耐, 仲要分返類同埋上埋架, 有Ｄ仲要整返入個 EXCEL DATABASE, 係咁攪到差唔多 7 點, 返到屋企先沖涼, 跟住就煮左個肥牛烏冬食(見圖2), 食突然覺得好累, 因為日日都返工多勞多得, 加上隔離裝修, 所以嘈到情願返工做野好過留O係屋企!! 但係當靜落黎時, 就好累!! 所以決定效法日本人, 放工啤一啤, 睇下可唔可以消除疲勞!! 第一次飲 KIRIN O既 BEER(見圖3), 出奇地好味喎, 即係唔係好係好好好好味果種好味, 平時Ｄ啤酒得個苦字架嘛, 但係佢入口係苦, 過左一陣係甘同埋清爽, 完全唔會留苦味O係個口度!! 果然日本野係正Ｄ!!

然後都係上下網/睇下片咁, 今日一定要早訓, 因為聽朝 8:30 起身, 返 09:30-20:15!! 加油!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

尋晚借助酒精O既力量, 12 點幾就訓左喇, 今朝 8:30 鬧鐘響, 到我回過神黎已經 8:52, 所以拿拿聲起身, 快食幾塊曲奇就返工喇!!

返到去 TOMLEE 有兩個人黎調琴, 但係企O係門口, 見裡面開哂燈都唔識入黎, 可能都係果Ｄ除左鋼琴�涛s唔識, 冇社交能力(笑), 亦因為黎調琴, 所以放低野立即上去開課室門俾佢地!! 返落黎就開始今日工作!! PK 寫低左張紙叫我做 3 樣野(換點名紙/MARK 請假紙/FILING 點名紙), 未夠鐘食飯就攪掂哂, 真係要做有幾難丫!! ... LUNCH 前有個男人黎問初班, 問左好耐, 又唔肯走, 後黎聽講仲影埋相, 所以懷疑佢係"隱影顧客", 好彩我Ｄ服務態度都好正O者!!

LUNCH 返屋企煮餃子食(見圖1), 夠鐘繼續返工, 但變左身唔係坐館, 繼續整理樂譜, 一邊聽住 MP3 一邊整, 幾正架!! ... 一路做到 17:30, 執好野又坐返出去, 因為我再次變身坐館!! 工作就係開門鎖門同埋"CUP"收據, 本來同事話"CUP"一本就 OK, 但因為又唔係幾想上網, 所以"CUP"左 3 本, 反正都係我"CUP"架啦!! ... "CUP"到 19:30 左右啦, 就執下野, 上左一陣網咁, 再夠鐘就上去鎖門, 跟住就等放工喇!!

返到屋企沖完涼, 整意粉食(見圖2), 係突然想食意粉呢, 食完又上下網/玩下 GAME 咁, Ｄ累O既感覺又出現喇!! 不過我都要多勞多得!! 聽日繼續!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝好眼訓, 不過因為隔離屋裝修太嘈, 所以 10:30 都返左公司做野!!

返到去繼續整理樂譜, 一路整到 12:30 就攪掂左一箱譜喇!! 都唔明臭人仲�統�幾個月都未掂!! ... 跟住我就明囉, 原來佢接左好多 JOB 做, 仲要呃鐘, 正一賤人, 今次斷正啦, 不過可惜冇計, 對於我呢Ｄ正人君女黎講, 真係好激氣, 我返咁多寫咁多, 但係人地每個星期呃幾粒鐘, 明明 12:30 返就寫 10:30, 希望時晨快Ｄ到啦, 呢Ｄ行為真係睇唔過眼, 拉佢坐監就 ARM ... 可惜估計唔會有事囉!! 妖!! 點解做人正正直直, 但總係小人當道架?! 正一仆街!!

好嬲呀!!

LUNCH 返屋企煮麵食(見圖1), 食完又返工, 繼續樂譜, 一直做到 1730, 因為要變身坐館, 其實真係好累!! 因為今日已經連返左 9 日喇!! 因為真係想賺多Ｄ錢!! 同埋反正夜晚坐館, O係屋企咪又係上網!! 不如搵下錢!!

變左身後又開始坐館O既工作, 好彩今日 CENTER 幾靜, 唔洗行出行入, 努力咁入好哂Ｄ分紙俾Ｄ老師填曲目!! 可能 PK 見我太多野做, 佢唔好意思叫我做野, 不過佢邊會死錯人丫, 已經放低左叫我聽晚做!! 不過聽晚睇下有冇其它野趕住做先, 因為佢Ｄ野唔趕, 佢自己唔做咋嘛, 不過算啦, 我以前有時都係咁 ...!!

放工前鎖好哂門, 等夠鐘就走人喇!! 去左惠康買菜同埋買多一 PACK 麒麟 BEER, 我承認近排好需要酒精!!

返到屋企沖完涼就煮左個餃子食(見圖2), 不過冇飲汽水, 飲左 BEER, ... 其實飲完我又想飲汽水, 但係又怕對個胃唔好!!

聽日繼續努力!! 負けないで!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝 9:45 先起身, 所以食下野咁, 10:30 先返工!! 本來想o係導師房開工架, 不過咁 arm 有人黎整電腦, 所以只好坐返以前個門口位, 其實真係超唔想, 因為 PK 坐裡面, 佢又唔會理我唔係坐緊館, 所以個 COUNTER 都係我架呢!! 叫做好彩今日唔係太多人問野!! LUNCH 返屋企叮意粉食(見圖1), 再睇左一集 KERORO, 夠鐘再努力!!

唔經唔覺我已經連續返左第 10 日喇!! 其實都 OK O既, 因為返工有野做住就冇�当竭�, 係返到屋企沖完涼就累少少!!

因為整電腦, 所以今日都係補返Ｄ色咋, 冇 SCAN 過!! ... 3 點幾食蛋糕, 朱古力好好味呀!! ... 繼續補色!! 補到 17:30, 變身坐館!! 執埋尋晚Ｄ手尾就抄下支票咁, 開始有少少擔心我遲Ｄ攪唔掂Ｄ會計數, 不過我會努力!! 抄完票做左少少 FILING, 再執下野, 食下野咁, 有點累!! 開門鎖門 ... 落哂堂又上去鎖完門等放工!!

返到屋企沖完涼又係叮意粉食(見圖2), 不過個份量重手左, 食完又睇下電視/上下網/玩下 GAME/睇下片咁, 又麒麟 BEER 左, 真係上左癮添!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝竟然比平日早左起身, 所以食完早餐, 10 點就返到公司喇!! ... 都係繼續整樂譜, 間唔中傾下計咁啦!!

12:30 同 CAROL 去左淘大 易牙 LUNCH, 因為問同事借左張 8 折咭, 好抵呀, 食左個 LUNCH 都係 $26 咋(見圖1), 食完幫個同事買埋吉野家外賣就返公司喇!!

繼續工作, 不過我搬左位, 因為先前係坐O係部公家電腦度補色, 完全冇用到部電腦, 因為 LUNCH 後就多左Ｄ老師返黎, 所以就好識趣咁O係好多人返黎之前就移左位, 空返出一部電腦出黎俾大家用喇!! 又傾下計做下野咁, 3 點幾太后打黎問我幾時去"別墅", 因為契媽黎左!! 所以我執埋手尾去埋洗手間, 4 點就走人, 去左坐免費車, 因為去新都城O既千色店, 幫 CATCAT 買野, 等左十分鐘左右就有車, 去到千色店行左一陣, 買完野就坐免費車去"別墅"!!

去到一陣雪雪妹妹就走喇, 跟住傾下計咁, 7 點左右落去將軍澳中心行左一陣, 再O係 KFC DINNER(見圖2~3), 不過麻麻地好味, 可能炸耐左同埋凍左, 好硬!! 食完再行左一陣, 就同契媽坐 MTR 返歸, 又見到 ARASHI 喇(見圖4~5), ... 傾左一陣, 契媽藍田落車, 我返到九龍灣又去左 PIAGO 一轉, 不過冇收穫! ...

十點左右返到屋企, 沖完涼又麒麟啤!! 可能真係太累喇, 連可樂都冇咁大欲望!!





むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

尋晚唔覺唔覺兩點幾先訓, 今朝 9:45 先真正起到身, 食埋餅, 10:30 先返到公司!! 開始今日工作!! ... 因為今朝異常冇�盗l用影印機喎, 所以就 SCAN 左幾份譜, 其它時間都係補下色咁!!

LUNCH 返屋企煮烏冬食(見圖1), 食完夠鐘又返工繼續工作!! 一路做到 17:25 執下野咁, 再等埋 CAROL 先走, 雖然 17:35 先離開 OFFICE, 但我呢Ｄ誠實小寶寶寫 17:30 放工!! 去左惠康諗住睇下有�当�食買, 點知見到 麒麟啤酒 做緊特價喎, 而個特價仲好特別(見圖2), 貴過原價O既特價, 大家點睇?! ... 最後買左支就到期O既 葡萄適($3.9), 因為好耐冇飲喇!! 我要醒腦!!

返到屋企沖完涼就預備 DINNER, 整左 餃子(加左好多餸)(見圖3~4), 食完又睇下電視同埋上下網咁!! ...

食左尋晚買O既 海天堂龜苓膏(見圖5), 不過冇�当｡O既, 好彩買一送一咋!! 唔知有冇功效呢?!

聽日都諗住返工, 因為聽朝冇食水, 同埋怕隔離屋裝修好嘈!!





むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

尋晚兩點幾先訓, 今朝 9:45 都未起身, 所以又食埋早餐先返工, 10:45 先返到去呢, 立即開始樂譜!! 好順利, 亦因為冇人用影印機, 所以 SCAN 左好幾份譜, YEAH!!

LUNCH 返屋企叮意粉食(見圖1~2), 本來諗住煮麵架, 不過原來冇食水喎, 唯有叮意粉啦, 又見到有一包即食忌廉湯粉, 所以就順理成章變左一碟 叉燒忌廉意粉 (見圖1~2), 食完又返左工繼續工作!!

今日黎左個新同事, 坐我以前個位, 呢個同事O係第二Ｄ中心做過兩年架喇, 應該受過下試煉!! SO FAR 都 OK!! 聽 PK 教佢野, 真係聽到我一頭霧水, 佢Ｄ表達能力真係好"勁"!! 同埋佢講Ｄ說話好漂亮!! 又話�投�信佢寄/出信佢出呀咁, 我就睇下幾多日後你原形畢露先! 又睇下幾多日呢位新同事知道你真面目先!!

係咁做, 其實好快又會做完呢一箱譜, 同個同事傾下計咁, ... 17:00 左右太后打黎話坐緊 MTR, 我就叫佢落地鐵再打俾我, 跟住 17:2X 打黎話就行到樓下, 我就叫佢等多我一陣(因為放 17:30), 最後佢上黎 OFFICE 等我, 跟住就一齊返屋企, ... 睇到Ｄ刁民行為, 真係火都黎埋, 同埋發現原來身邊好多 NAIVE O既棋子, 唉, 嘆!!

6 點幾去左淘大稻香 DINNER, 因為有兩張收據, 每張可以當 $50 用, 所以就去食喇, 叫左 4 樣野(見圖3~8) , 埋單 $279, 用兩張收據後, $179 咋!! 不過Ｄ侍應真係唔係好得, 有一個放低碟"送"時, 彈左幾滴熱汁去太后對眼度, 果條友仲唔知, 跟住我同佢講:"攪錯呀, 你小心Ｄ啦, 放低唔洗咁大力啦!!", 跟住佢先知道整到太后, 先至道歉!! 然後另一個侍應幫我換碟, 點知就整跌我舊"送", 一野跌落我條褲度, 佢雖然有道歉, 但係應該立即俾毛巾我抺, 不過佢冇!! 呢Ｄ就係叫做"越幫越忙"!! ... 真係唔係好掂!! 仲要一坐低起碼 5,6 個侍應行埋黎問食唔食�日燈ｲ皮喎, 話抵食喎!! 其實佢地自唔自覺到佢地就係呢味"送"O既主角呢?!

食完去左百佳, 買左餃子同埋厠紙!! 再去樓下惠康買 ZERO, 太好喇, 好耐冇飲過!! YEAH YEAH!!

再返屋企過左一陣, 皇上同太后就返"別墅"喇!! 我就執下野, 跟住沖完涼再啤一啤佢, 而家準備食埋盒 龜苓膠(因為唔可以放咁耐呢)!!

聽日返工, 不過唔係做譜, 幫第二個同事清咁Ｄ野先!!





むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝太好訓, 食埋皇上整O既愛心蛋糕做早餐(見圖1), 攪到 10:45 先返到工!! 最攪笑O既係, 返到公司, 叫我返去幫手果個同事去左總部開會喎!! 真係激Ｃ!! 好彩我可以繼續整譜咋, 如果唔係真係只好返歸!!

LUNCH 返屋企食尋日買O既餃子(見圖2~4), 好好味喎, 好味過之前食果種, 雖然都係思念牌!! 再加上久違了O既 ZERO(見圖5), 太好喇!! 實在好開心, 因為冇飲罐裝 ZERO 成個月喇!! 食完夠鐘又返工, 繼續整譜!!

整到 3 點幾個同事先開完會返到黎, 原來佢唔記得左約左我返工, 改左聽日返黎幫佢(因為打算星期四同五休息下, 星期六日返黎整譜)!! ... 做到 1720 左右執野同埋去下洗手間, 17:30 走人, 因為對眼太累!! 去左惠康, 買左 橙/蕃茄/啤酒/葡萄適/蜜桃茶, 我懷疑我近排太累, 所以勁需要酒精同埋葡萄適醒下腦!!

買完返屋企, 沖完涼就準備 DINNER, 都係煮餃子, 不過今次係蕃茄湯底(見圖6), YEAH!! 食完睇下電視/睇下片/玩下 GAME 咁, 又再啤一啤佢&粟一燒+朱古力(見圖7), 唔肥就有鬼 LU!! 但係真係開始明白日本人O既"工作後要啤一啤"O既道理!! 因為真係感覺良好!!

BY THE WAY, SAMMI 同許先生真係復合喎, 雖然我唔太喜歡許先生, 不過 SAMMI 鍾意就夠!! 祝福佢地開花結果, SAMMI 要幸福呵!!





むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

尋晚兩點幾先訓, 今朝 8:30 鬧鐘響, 都係訓到 9 點先起身, 好快咁換好衫, 再執埋個早餐(皇上愛心蛋糕半個+醒腦配方葡萄適), 9:24 左右返到公司, 然後就食早餐, 又冇�盗l黎問野喎!! 所以食下野/傾下計 ... 咁 ARM 又冇�痘v做!! 差唔多 11:30 上司小姐 先諗到叫我 PRINT 返個外展班點名紙出黎(一班, 後晚O係呢度開課), PRINT 到一半前日新返工困位同事返到黎(但我坐左佢個位 PRINT 緊野), 所以唔好意思咁要佢等我一陣!! ... LUNCH 本來諗住返屋企食O既, 但係同事問我, 所以就一齊食, 去左淘大 O既 ME.N.U (其實我一直以為呢間野叫 MENU), 叫左個 雞肉火腿湯意粉, 仲送杯熱檸茶(見圖1), $29, 好抵呀, 食麥當當都 $20 啦, 味道都唔錯架!!

LUNCH 過後繼續都係返工, 不過就幫另一個同事整個場刊 DATABSE, 一路入呀入整呀整, 休息左幾次, 因為佢Ｄ場刊好大陣臭丸味, 對眼好"乸"呢!! 先頭諗住 DINNER 同皇上太后去食 BURGER KING 架, 但係俾太后拒絕左我, 所以諗住繼續工作啦, 點知做做下都唔知時間, 又傾下計咁, 結果係 8 點先醒覺已經咁夜, 所以拿拿聲執返好Ｄ野, 再寫低個進度俾個同事知道, 跟住就歸家喇!! ... 因為我決定聽日一定要放假, 因為我由 2月23日 開始係咁日日返工, 共返左 15 日! 真係要俾自己休息下, 唔好太搏命, 長命工夫!!

返到屋企沖完涼又唔知食�桃D, 所以煮餃子(見圖2), 跟住睇下電視/上下網咁, 再一邊做 MASK 一邊麒麟啤!! HAHAHA, 絕對係惡習!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

尋晚 3 點幾先訓, 今朝訓到 12:40 左右, 太后打黎先醒, 跟住就食左少少野, 交完管理費就坐 MTR 去 將軍澳, ... 突然間發現間小學冇左喎(見圖1), ...

飲茶食左好多野呀(見圖2~9), 然後同太后行左一陣, 不過冇�統ｾ穫!! 跟住就返左"別墅"喇!!

上下網/睇下片咁, ... 6 點幾起程, 行左去 坑口 東港城 果間 KFC DINNER(見圖10~11), 食完就行左一陣, 8 點幾起程返歸, 返到九龍灣 9 點左右啦, 所以去左 PIAGO, 不過Ｄ壽司得返Ｄ唔太靚O既, 同埋都唔算好平, 後黎去左 MARKET PLACE, 點知見到Ｄ壽司好平喎, 所以買左一盒原價 $35.8, 而家 $28 O既壽司(見圖12), 聽日 LUNCH 食!! 因為呢間壽司就係同吉之島果間一樣呢, 我估品質都差唔多~~~掛!!

返到屋企沖完涼, ZERO TIME!! 再上下網咁, 家姐好神秘話想約我食飯談下心, 所以約左聽晚, 唔知係�梼�, 佢又話係好事, 但又唔係大事, 佢又話唔係我諗緊果樣野 ... 但係咁講, 除左結婚/生仔, 仲有�梼�呢?! 好緊要, 好在意!!







むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝 9 點幾起身, 再 SMS 問個同事今日返去繼續 DATABASE OK 唔 OK, 跟住食左少少野, 10:30 就返工繼續 DATABASE 喇!!

LUNCH 返屋企食尋晚買果盒壽司(見圖1), 食完繼續返工!! ... 兩點幾 3 點, 太后打黎話日本大地震, 過左一陣, 海嘯 ... 太后一邊講一邊喊, ... 立即上網睇新聞 ... 實在太恐佈, 實在太突然, ... 雖然我係工作緊, 但係都要 EMAIL 下 YUMIKO 同埋 中野老師!! YUMIKO 好快就回我話佢冇事, 咁都放心Ｄ!!!

做到 4 點就開始執野, 點知發現個 FILE SAVE 唔返去同事個 SHARE 度喎, 攪左一陣要改左 FILENAME 先 OK, 16:15 走人, 坐 MTR 去 油麻地, 都幾快到喎, 行緊上地面時, 突然間 FEEL 到左邊有個人用Ｄ奇怪眼神望住我, 心諗: 望�等ﾞ!!! 再睇真Ｄ!! 原來係家姐!! 車!!! ... 一齊去左兆萬陪佢拎野, 跟住行左轉信和, 不過冇收穫, 17:30 再上 百寶利 陪佢拎 BID 左O既會刊!! 然後就行左去 染布房街8號D 果間 熊貓乳酪雪糕屋(見圖2~8), 一來好多人, 二來又其實冇�涛ﾁ別, 係幾多熊貓, 不過好多隻我屋企都有!! 所以冇食到!! 再行去尖沙咀喇!!!

去左 CITY SUPER FOODCOURT DINNER, 家姐依然食 SOBA(見圖9), 我依然係食左個炸蠔定食(見圖10), 明明唔餓, 但都食得哂喎!! ... 仲以為有�淘蛹庶沫v約出黎傾, 原來係轉工O者, 嚇得我丫!!

傾下計咁, 跟住再行下 CITY SUPER, 不過冇淡麗, 所以去左 SOGO, 但係都係冇淡麗!! ... 9 點左右坐 MTR 返歸, 返到屋企沖完涼睇下新聞咁 ... 希望快Ｄ回復, 大家要振作呀!! ... 同太后傾左幾句!!

再睇 小淳 個 TWITTER 再一次被感動了!! 佢除左好似 步姐/宇多田光 不停 FORWARD 有用資訊外, 佢仲叫Ｄ而家O係避難中心過夜O既年青人, 睇到佢呢個 TWITTER 都請關心下身邊唔識O既老人家, 安慰下佢地 ... 真係好感動!!!!!!

終於見到中野老師個回覆喇! 原來佢而家O係香港, 佢屋企人都冇事!! 再鬆一口氣!!

今次地震係當年神戶地震O既 130 倍, 希望可以快Ｄ回復, 大家都平安就好喇!! ... 不幸遇害O既人, 也請安息!!







むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝 9 點鬧鐘響, 但係 10:15 先起身, 拿拿聲食完幾塊曲奇就返工喇!! 10:45 返到去, 開始整譜!!

尋日打左電話返黎請個同事放低 易牙 張咭, 但搵黎搵去都唔見, 唯有唔去 易牙 LUNCH 啦!! ... 夠鐘 LUNCH, 去左 ME.N.U, 同事去買野食先, 跟住我出去買, 先睇到佢Ｄ MENU 同上次好唔同喎, 今日果Ｄ貴好多呢!! 迫住叫個最平O既 肉醬意粉+酥皮湯 $40(見圖2), 感覺唔良好(仲要冇帶上次張單, 如果唔係可以兩個餐夾埋減 $10, SHIT!)!! 食完返公司, 經過阿波羅又唔知仲�盗_推去鬼X咁入去買野飲, 問題係又唔知仲�灯ロｶ支道地 $6.5, 仲要俾完錢飲緊支野先諗起"嘩, 咁個 LUNCH 咪好鬼貴!! SHIT!!", 不過可借一切太遲!! 唉 ... 真係白做個幾鐘添!! 唉 ... 灰!!

返去繼續做野, ... 有個同事打返黎, 先發現原來佢有份文件唔記得左簽名, 所以就幫佢拎返出黎唔好送出去住!! ... 做到 5 點左右就執野, 明天繼續!! 17:15 走人, 同 CAROL 去左行�ｺ福, 因為佢想買香水, 不過睇唔 ARM!! ... 返到屋企大約 7 點, 再沖完涼先煮餃子食(見圖2), 同皇上及太后傾左幾句!! 跟住我就上下網/睇下片咁!! ...

麒麟 TIME!! ... 其實我好想吸塵同洗地!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝 9 點鬧鐘響, 然後都係 10:15 先起身, 再拿拿聲食完幾塊餅就返工喇!!

繼續樂譜, ... 幾順利!! LUNCH 返左屋企食返前晚 KFC O既薯蓉&磨�又ﾑ!! 食完見得��, 所以早左 3 個字返去, 繼續工作!! ... 發現身邊好多同事都幾無情, 仲擔心緊冇青森蘋果食 ... 唉 ... 呢Ｄ說話我講唔出!! 呢幾日被問得最多O既係"咁你咪冇得去日本囉!", 我好想講係, 大家重點錯左, 我去唔到旅行去唔到玩, 幾咁��丫, 最重要O既係大家都平安 ... !!

一路做譜, 傾下計, 食下野咁, 17:15 左右開始 PACK 返果箱譜, 因為攪掂哂, 聽日可以送走!! YEAH!! ... 17:30 走人!!

去左惠康, 見到 ZERO $19.9 咋, 諗左好耐買幾多盒, 最後決定買 3 盒, 因為唔想借車, 再去排隊, 嘩!! 超多人, 而且好慢!! 唔知點解!! 排左十幾分鐘都冇�嶋濶ﾟ, 再望下, OH, 原來今日 ENJOY 咭有折, 唔怪之得咁多人啦, 但係我又冇 ENJOY 咭喎! 計計下, 如果有可以平 $1 一盒架喎, 雖然而家 $19.9 都抵, 但係小數怕長計嘛(因為如果有折我會勁買再借車, 走幾轉!)!! 所以最後我冇買到, 走人!! 我知可能會後悔, 不過冇折唔抵嘛!!

返到屋企吸完塵先沖涼, 沖完涼就煮野食, 煮左個肥牛烏冬(見下圖), 幾好味, 係冇菜O者, 因為本來O係惠康買左兩包芥蘭架呢!!

食完又睇下片咁, ... GACKT 攪左個捐款活動, 「SHOW YOUR HEART」, 開通左 TWITTER, 所以我立即 FOLLOW 左, 咁 ARM GACKT 就不停咁 TWITTER 喎, 一邊睇我強忍眼淚!! 一件咁好O既事, 其實個個都想出一分力, 但唔知應該點做, GACKT 同一班 STAFF 做左帶頭果個, 但係就俾人話偽善/宣傳/搏見報, 講呢Ｄ說話O既人, 究竟有冇將心比已?! 越睇越嬲, 點解總要中傷人地?! 點解唔可以放低對人O既偏見, 只係對事?! 最心痛O既係, 講呢Ｄ說話O既都係日本人, 點解自己人唔幫返自己人?! 唉 ... GACKT 我支持你!!「SHOW YOUR HEART」!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝好似聽到鬧鐘聲o既, 但係再回過神黎, 已經係下午 3 點 LU!! 所以食左幾塊曲奇餅當 LUNCH, 跟住上下網咁!!

打電話去 CLUB NEEDS, 點知搵唔到聯絡開我果個人, 但就將我條線係咁飛黎飛去, 同一件事我講左 3,4 次, 最後都係飛返去最開始果個人度, 結果係留電話等果個人覆我, 一開始就應該咁啦!! 5 點幾果個人覆我, 約左聽日下午去拎!!

然後就沖涼, 跟住就準備 DINNER, 發現屋企冇�当�煮喎, 因為煮左飯, 但又唔想落街(因為沖完涼), 所以決定解凍最後一包蝦, 點知冇粟米喎, 最後好怪咁用紐紐粉煮蝦黎做"送"送飯(見下圖), 味道唔錯架!!

跟住都係上下網, 玩下 GAME 咁!!

今日係白色情人節, 但係心情沉重, 冇心情慶祝, 只希望一切平安!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝 9 點鬧鐘響, 結果我 10:15 先起身, 食左曲奇, 11:10 左右出門口, 坐 MTR 去左銅鑼灣, 會合左 CATCAT 後, 就去左 BURGER KING LUNCH!! 食左個磨�抹�, 送左兩隻雞脾仔(見圖1), 食食下見到一個公司O既亞 SIR, 不過我見佢見我唔到, 所以我就全程扮睇唔到佢, 後半段我知佢見到我架, 不過又唔熟, 所以我繼續投入傾談當中!! ... 傾左好多野, 多謝 CATCAT 送我熊貓筆袋(見圖2), 然後傾到 2:30 左右, 就起程去 恆生銅鑼灣大廈!!

拖左兩星期, 今日先有時間去拎 CLUB NEEDS O既禮物, 好快就搵到, 上到去好快就拎到, 要多謝 VICTOR 先生幫忙肯等我咁耐先上去拎!! THANK YOU!! 禮物係 QSAI O既青汁粉(見圖3), 拎完就去左行 SOGO, O係超市見到Ｄ果酒真係好想買, 但係怕自己迷上左就大件事!! 所以冇買到!! 然後上左去玩具部, 點知想睇果 PART 裝修緊喎, 跟住週圍行啦, 去左 UNIQLO, 見到條牛仔褲好鍾意, 試完 ARM!! 點知俾錢先話價錢唔係我睇果個, 差太遠, 所以冇買!! ...

再去左 CITY SUPER, 咁 ARM 有日本酒展覽喎, 果個哥哥仔介紹我飲話係比較淡同甜, 點知一入口, 嘩!! 好勁咁喎, 一Ｄ甜品都冇, 跟住我話呢個太勁, 點知佢話果支已經係最唔勁同埋最易入口O既, 然後再試左一隻, 果支好淡, 冇�当｡, 睇唔 ARM, 所以冇買到!! 再行下行到 5 點幾就返歸喇!!

坐 MTR 返到屋企附近, 去左惠康買左 3 PACK ZERO, 返到屋企沖完涼執下野, 再叮飯食!! 然後睇下電視/上下網咁!! ... 沖左杯青汁飲(見圖4), 唔苦又唔太難飲, 不過就唔係覺有蜂蜜味, 可能自己加返少少糖會更易入口!!

聽朝返 10:00 - 20:15, 因為頭先行行下街同事打黎話有野想我幫手做, 希望聽朝知醒同埋撐到啦!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝 9 點鬧鐘響, 但當我回過神黎已經 9:45, 所以拿拿聲起身刷牙洗面, 袋左幾塊曲奇就出門口返工喇!!

準時 10 點返到去, 開下門, 再食下野, 跟住就上左 4/F 做野, 要登記返幾百本舊收據O既資料!! 都好彩唔難做, 係登記完亂咁放返入個箱, 點知原來唔夠放, 所以又要倒出黎砌返好佢先 OK!! 12:35 左右 上司小姐 打俾我叫我落返 OFFICE 準備 LUNCH!! 由於有個同事生日, 所以冇返到屋企食, 去左淘大O既 別府(見下圖), 都幾沉默, 因為不停聽到"就黎冇魚生食 ...", 所以我都忍唔住講"其實我地冇呢Ｄ野食好�濶ﾋ咋!", 我承認我有點激動(只係少少), ...

LUNCH 後繼續 4/F 工作, 多左個 PART TIME 同事一齊整, 好快攪掂, 3 點左右就完成左, 落返 OFFICE, 我就將Ｄ資料打返入 EXCEL, 佢就繼續登記 OFFICE 果Ｄ文件資料!! 我打完Ｄ野, 又休息左一陣, 生日同事請食蛋撻, 多謝!!

跟住 CHECK 考試信, CHECK 完就冇�祷�, 傾下計/上下網咁 ...

8 點關門大吉, 唔洗我鎖門(真好!!), 幫個 MISS 寫低佢俾 上司小姐 個 MESSAGE, 呢個 MISS 本來爆炸頭架, 但今日整左個短直髮, 差Ｄ唔認得佢!! 呢個髮型好睇Ｄ!!

夠鐘就放工, ... 返屋企沖完涼就叮飯食, 食完又食埋個蛋撻(因為剩返一個冇人食, 如果放O係公司雪櫃就只係掉架O者), 然後上下網咁!!

睇返今日下午一段片, 係 小淳 攪O既收集物資活動, 結果: カイロ(暖包)38524個, 電池12263個, 懐中電灯(電筒)464個, 睇到黎捐物資O既人, 一個一個咁講 MESSAGE 俾災區O既災民, 真係好感動!! がんばっぺ!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝 9 點鬧鐘響, 但係 10:15 先醒, 所以食下野呀咁, 11 點先返到公司!!

今日係整樂譜, 都幾順利呀!! LUNCH 返屋企叮飯食, 食完夠鐘又返工!! ...

繼續整樂譜, 冇�涛ﾁ別!! 整到 16:45 左右就開始執野, 因為對眼有點累, 同埋想去超市買菜!! 所以 17:00 走人!! 去左惠康, 人都幾多, Ｄ人都係搶鹽/米/油/鼓油 ... 真係唔知講�桃D!!

買左少少衛生用品 & 菜 後, 返屋企沖完涼就煮野食, 整左碟 瓜菜肥牛 (見下圖), 食完上下網/睇下電視咁 ...

聽晚坐館, 所以應該會早Ｄ返去做譜!!

核電站, 請你乖乖地!! 拜託, 天呀, 請給我們奇跡!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝唔知點解好眼訓, 明明尋晚早左訓架, 10 點鬧鐘響, 跟住較左 12 點, 到 12 點響完, 結果 12:30 先起身叮飯食(見圖1)!! 一心食完先返工(13:45)!! 食完飯上下網咁, 差唔多先落去寄完信再返工!!

值得一提O既係我今日O既服飾係: 今日：ダブルパーカー + グレー ON グレー, 完全係中左 櫻井翔 毒!!

開始整樂譜, SCAN 左少少, 補下色咁, 跟住另一個同事有野想我幫手, 所以就幫左佢先 -- 寄新聞稿俾 92 個傳媒!! 咁 ARM 佢地叫外賣, 咁 上司小姐 話請我食下午茶, 所以我好唔客氣咁要左個西多士(見圖2), 仲要加凍飲, 真係過份喇我, 多謝哂!!! ... Ｄ新聞稿做左兩個幾三個鐘就攪掂(因為又要貼地址/CUP印/封口 ...), 再幫個同事校對左份場刊, 做完後都差唔多 6 點, 所以我就變返身坐館, 休息左一陣後, 打電話通知廿個學生黎拎返張成績單, 好彩都幾順利!! 跟住鎖下門/上下網, 冇�涛ﾁ別!! 同 上司小姐 傾下計咁!!

夠鐘上去鎖完門就等放工!!

放工返屋企, 落微微雨!! パーカー 大派用場呢!! 返到屋企沖完涼就煮左個烏冬食(見圖3), 食完再食左個橙仔, 真係好好味喎, 早知上次買多一袋啦!! 聽日去睇下仲有冇得買先!!

沖左杯青汁飲, 今次用剩餘O既煉奶溝黎飲(見圖4), 好好味呀!! 好好飲添呢!! 個顏色又靚!!!!!!!!

而家諗住睇下片/上下網咁!! 聽日訓醒又打算返工呢!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝訓到 10 點左右起身, 跟住飲左罐 ZERO 打下底先, 10:45 返工, 開始樂譜工作!!

做到 12:30 同 CAROL 去左 易牙 LUNCH, 都係食茄子魯肉飯(見圖1), 食完行左一陣, 夠鐘就繼續返工整樂譜!!

都冇�涛ﾁ別!! ... 做到 17:20 執下野咁, 17:30 走人, 去左惠康, 買左盒鮮奶(諗住用黎溝青汁粉飲), 同埋一盒 �枕ﾘ方便包, 不過加左價喎, 買開 $5, 今日 $5.5 呢!!

返屋企沖完涼, 開始煮晚飯!! 再次煮左Ｄ �俣ｯ菜, 再加餃子做晚餐(見圖2~3), 食完食埋最後一個甜筒, 跟住再啤啤佢!!

然後上下網/睇下電視咁!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝又唔知仲��咁眼訓, 攪到 10:45 先起身, 11 點返到公司!! 開始今日工作!!

今日都完成左幾多樂譜架, 因為今次Ｄ歌仔比較短, 同埋都比較清楚, 所以唔洗點攪就可以 SCAN 喇!!

LUNCH 返屋企叮飯食(見圖1), 食完又返工繼續!! ... 我承認我有少少開始唔係太頂得住某個同事, 因為佢太執著喇(連咁執著O既我都覺佢好執著, 就真係超執著!!), 因為真係一件好少O既事, 又或者係一個根本唔重要O既人, 但係佢就可以勁諗勁諗, 然後勁解釋佢自己唔 CARE, 其實 ... 佢好 CARE!! 唉 ... 真係有點煩惱呢!!

係咁忍耐, 因為我又唔想兜口兜面話佢執著, 因為明白的人自然明白, 我講過好多次, 但佢都係話佢其實唔 CARE, 之但係每次講呢句, 佢其實係最 CARE!! 所以我都唔想再講落去, 由佢繼續講, 希望佢有朝一日自己察覺到啦(雖然估計機會微乎其微)!!

17:15 左右執好野等放工!! 坐 MTR 去 坑口, 因為我早左到, 所以我就O係 KFC 搵定位等皇上同太后!! 等左一陣, 依然係食果個 AEON 餐(見圖2~4)!! 食完行左一陣, 順便同太后去 LANEIGE 拎 SAMPLE(見圖5), 然後行下超級市場, 再行返去吉之島, 買左盒壽司同埋其它野, 返左"別墅"一轉!!

太后話有少少餓, 所以陪佢食左幾舊壽司(見圖6~7), 其它我拎返屋企聽日 LUNCH!! 坐左一陣, 9 點左右返歸!! 坐 MTR , 又去左 PIAGO, 因為想拎 NEEDS(4 月號), 好彩俾我拎到, 因為剩返唔太多呢!!

返到屋企未夠十點, 沖完涼睇下電視/上下網咁!! 再睇埋今期 NEEDS, 上期禮物有我個名(見圖8), 哈哈!!

BY THE WAY, 今日係珍姨同埋 JAN 生日, 祝佢地都生日快樂!!





むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝好努力咁想早Ｄ起身返工, 但可惜 ... 結果係十點幾先起身, 所以 10:45 返工!!

開始樂譜工作!! 專登選左一份最大份O既譜黎整, 因為懶得行黎行去!! ... LUNCH 返屋企食尋晚買O既壽司(見圖1), 食完坐下, 夠鐘又返工!!

繼續工作!! 途中都幫左另一個同事研究點解整到某個 FORM O既效果(WORD), 最後發現係"水印", 好有成功感!! ... 先頭諗住做到 5 點走人, 但做做下 ... 6 點 ... 7 點 ... 7點半 ... 所以最後決定 8 點先走!! 執野時先發現, 嘩!! 有 3 箱譜係我架喎, 我都唔知添!! MISS 真睇得起我喇!! 我要努力!!

返屋企沖完涼煮野食, 本來諗住叮返Ｄ磨�又ﾑ食O既, 不過諗諗下, 都係留返聽日 LUNCH 食(因為聽晚再戰松屋), 所以就煮左個米粉食(見圖2), 加左蕃茄同埋好多菜呢!!

跟住都係上下網咁, 冇�涛ﾁ別!! 整左杯 青草奶 飲(見圖3), 幾好味呢 ... 雖然上次用煉奶果杯好味Ｄ, 但係呢杯應該健康Ｄ!!

BY THE WAY, 上司小姐 今日俾左幾張 COUPON 我(見圖4), 係食日式燒肉放題, 好似幾抵咁呢, 等我遲Ｄ去試下先!!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝又係唔知仲�桃D眼訓, 我懷疑係因為潮濕關係呢!! 結果就係 11 點返到公司開始工作!!

幫Ｄ譜補下色咁, 不過公司Ｄ筆真係唔多掂!! ... LUNCH 返屋企叮返個磨�又ﾑ食(見圖1), 食完夠鐘又返工!!

繼續補色, ... 補到 16:15, 諗住去完洗手間執埋野差唔多 16:30 走人, 但去完洗手間執完野都仲剩返個令字喎, 所以拿拿聲拎份譜 SCAN 埋佢!! SCAN 完再執好野, 剛剛好 16:30 走人!!

坐 MTR 去左佐敦, 因為約左皇上同太后去 松屋, 慶祝佢地尋日結婚週年!! YEAH!! ... 17:15 未夠就到左, 等左一陣會合左巨地就上去 松屋 喇!!

皇上專登訂窗口位架, YEAH!! 食左好多野呀(見圖2~29), 其中包括傳說中O既焗蠔!! 本來應該仲有焗三文魚架, 不過話個師傅今日放假, 所以冇得食!! ... 食下傾下影下相咁!! 食到 19:30 走人, ... 見到真央個廣告牌好靚(見圖30)!! 跟住去左行 THE ONE 同埋 ISQUARE, 不過其實都冇�乍ﾇ(剪影見圖31~33)!!

8 點幾坐 MTR 返歸喇, 先頭諗住油麻地轉車有位坐架, 點知前面個男人叫極佢都唔借過喎, 所以 ... 唉, 結果係 旺角 先至行到(因為果個男人都係O係旺角落車), 即係咁, 我都唔想怨氣太重, 不過個男人本身已經高大, 跟住佢個背包又勁大, 份人又勁鈍感, 我真係好無奈 ...!!

9 點左右上左樓上個姨姨度拎雜誌, 跟住返屋企沖完涼就上下網, 同埋整理今日O既相喇!! ...

仲未諗到聽日幾點返去做野好, 因為聽晚坐館, 所以又唔想太早!!



















むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝又係突然好眼訓, 好彩一早諗住係返 13:45 O者!! 12 點左右煮左個麵食(見圖1), 咁 ARM 有個同事打俾我話有野想搵我做, 所以上左一陣網, 13:45 返到去幫呢個同事整野!!

原來係要寄百幾封信, 所以由入信開始, ... 整到 4 點幾, 諗住可以留返聽日 PK 拎去寄, 點知又要我寄, 唉 ... 其實唔係咁想架, 冇計啦!! 寄完信做第二樣野, 做完剛剛好 17:30, 變身坐館!! 食下野先, 跟住就打左俾一班學生家長通知後日果堂唔洗返!! 打完電話就冇野整, 所以上下網咁!! TWITTER FOLLOW 多幾個人, ... 跟住好快就夠鐘喇, 都係唔洗我鎖門, 答左個 MISS Ｄ問題, 夠鐘就放工!!

先去左惠康, 買左蘋果仔/豆腐花仔同埋煉奶, 買完返屋企沖完涼, 煮左餃子食(見圖2), 食完又上下網/睇下片咁!! 近排努力玩 CAFE WORLD!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝 9 點幾起身, 然後 10 點返到公司, 再次整理樂譜!! 又攪掂好一箱喇!! 再整多兩首, 去埋洗手間, 執好野就夠鐘 LUNCH!!

坐 MTR 去左將軍澳, 由於早到左好多, 所以自己行左轉吉之島, 買左一包擦膠仔($5), 因為好可愛, 加上有熊貓袋仔(見圖1)!! ... 大約 13:45 就去酒樓坐低, 再等埋契媽黎到, 叫左幾樣野食(見圖2~9), 契媽仲送左支 HAND CREAM 俾我同太后呢(一人一支), 多謝哂(見圖10)!! 飲完茶行左一陣, 再返左"別墅", 上下網, 傾下計, 我就追返今日O既 TWITTER, 每次睇 GACKT O既 TWITTER 都好感動!!

BY THE WAY, 契媽俾左個可樂鐘我(見圖11~12), 再次多謝!! ... 7 點 左右落左去 DINER, 又係去左 富臨, 叫左幾樣野食(見圖13~18), ... 其實我真係唔鍾意某兩夫婦, 真係好 KY, 但係冇計啦, 鬼叫佢地係皇上個朋友, 又住咁近��!! 不過我好堅決唔會同佢地食飯, 因為諗起都覺 DIRTY!! 我真係接受唔到, 就算用公筷!!

DINNER 時又見到皇上果兩個朋友, 真係 ... 唉!! 食到 9 點幾走人, 同契媽坐 MTR, 返屋企前去左超市, 幫太后買煉奶!!

返到屋企沖完涼就執下野咁!! 收到 青汁粉 試飲裝喇(見圖19), 我仲以為佢送一包添, 送左三包喎, 真係大手筆喇!! 因為 $3XX/30包, 3包都值$3X 架嘛!! YEAH!!











むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝其實好眼訓, 諗諗下不如 LUNCH 後先返, 但係坐坐下又諗:"車, 反正起左身O者!!", 所以用左唔夠十分鐘就返到公司(11點), 開始努力咁整理樂譜, ... LUNCH 返屋企叮飯食(薯蓉飯, 係咪好型呢?!), 夠鐘繼續返工!!

BY THE WAY, 送文件果Ｄ人真係好麻煩, 我果箱譜都唔係好大箱O者, 又唔係好重, 送文件又有車!! 但係就硬係要話今日唔想拎住, 又呢又"路"咁, 諗深一層, 做得送文件O既, 預左架啦下嘩!! 但係而家仲要睇佢地面色, �盗｢界?! 真係整佢個髻!!

繼續整譜, 呢一箱都係Ｄ好短O既歌, 所以睇落做得好快咁!! ... 一路做到 17:10 開始執野, 攪掂哂坐左一兩分鐘, 一到 17:15 就走人喇!!

再次去左超市, 買左兩盒純牛奶(ACHOR純牛奶1公升, $25.9/兩盒), 其它冇野 ARM 買添, 仲要俾錢果陣過機唔 ARM 價 , 所以又要搵人去睇價錢, 睇左好耐, 最後我睇個價係 ARM O既, 所以佢要以我睇果個價黎賣俾我!! 買完返屋企!!

返到屋企沖完涼突然好肚餓, 係餓到有少少暈, 所以立即去煮餃子食(見圖1), 食完睇下電視/上下網!! 然後發現個自製坐枱日曆好殘, 所以搵料再整一個喇!! YEAH!!

追返今日 GACKT O既 TWITTER, 再次好欣賞呢個人, 佢寫O既野真係好感動!! 每次睇佢o既 TWITTER 我都好感動, 以下係佢今日寫O既(見圖2~4), 好有意思!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今日經典咯!! 睇＜インシテミル＞睇到凌晨 4 點左右, 跟住一路訓訓訓, 訓到 17:45 太后打黎先知醒喎!! 所以立即起身, 再上左一陣網, 大約 18:30 出門口, 坐 MTR 去 坑口!!

到左 KFC, 再次食呢個餐(見圖1), 食完行左一陣, 8 點幾坐 MTR 返歸, 不過又去左 PIAGO, Ｄ壽司真係好正, 不過貴左少少, 所以左 MARKET PLACE 買左一盒(見圖2~3), 跟住又去左惠康, 買左兩盒 ZERO($20.9/盒, 買兩盒送 1.25L ZERO), 由於想用張 $50 COUPON, 所以買多兩盒菜包(見圖4), 返到屋企沖完涼又覺少少餓, 所以食左 5 舊壽司(見圖5), 跟住都係上下網咁!!

頭先行過健康工房(好似係), 拎左張野摺紙鶴祝願日本平安O既(見圖6~7), 其實應該當場摺O既, 不過無 LALA O係人地間店摺好似唔太好咁, 所以我拎左返黎摺, 希望大家都平安!!

另外 FOLLOW 左 綾小路翔 幾日, 佢終於答我野喇(見圖8)!! 有少少開心呢!!





むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝明明較左 11 點鬧鐘響, 但係我完全唔知喎, 起身時已經係 12:30 LU, 所以起身食 LUNCH, 就係尋晚買果盒壽司喇(見圖1), 食完上下網, 玩下 GAME 咁, 近日不停咁玩 CAFE WORLD, 係咁完成Ｄ TASK, 不過完成一個又有一個, 好麻煩!!

再睇下日劇咁, 因為都有個幾星期冇追劇, 睇到 5 點幾沖涼, 沖完涼又準備 DINNER, 煮左個大雜燴&飯(見圖2), 好好味, 我可能真係有煮野天份!!

跟住食下水果同埋甜品 -- 蜜瓜味豆腐花, 因為冇黃糖, 所加左煉奶(見圖3), 都幾好味, 只係蜜瓜同豆腐花味道唔太夾呢!!

今日不停咁打電話去 宮崎日式燒肉店, 因為前幾日訂左位, 但係而家想加多一位, 不過全日打左我諗有 6,7 次, 都係冇人聽, 好奇怪!!

睇尋日O既＜嵐にしやがれ＞, 佢地 5 個一次過一齊做某個同以前 HG 好似果個動作, 睇到我心跳加速呢!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

尋晚睇左＜SCHOOL!!＞大結局, 都幾感動!! 今朝 9 點鬧鐘響又係冇反應(我懷疑我係要冬眠架), 一路訓到 10:15 左右先起身, 本來諗住返 11 點, 但諗諗下, 不如返 10:45!!

返到去整譜, 都幾好成績呀!! ... LUNCH 返屋企叮飯食(見圖1), 依然打去 宮崎日式燒肉店 係冇人聽!! 所以我決定放棄, 拜託太后幫忙打, 點知電話一放低一分鐘唔夠再響, 太后話:"你 PLAY ME 呀! 個電話一打就通喇喎, 仲要響左一下咋喎!!", 我除左 O 咀外, 冇野講!! 肯定連個電話都唔鍾意我!! ... 食完玩下 GAME 咁(正確黎講係俾 CAFE WORLD 玩), 夠鐘又返工!!

開始學點樣埋數, 因為 6 月同事放產假, 條數就係我負責埋喇, 其實都唔太難O既, 係多濕碎野要寫/填, 同事用左大約 3 個鐘頭教我個流程, 跟住睇左佢做左一次, 跟住我再將我寫低Ｄ筆記用 WORD 整理好, 都整左兩個鐘左右架, 足足嘔左 9 張 A4 出黎, ... 其實只係一部份, 因為仲有一小部份係過幾日先學O既!! 不過應該冇問題O既, 過幾日試做一次就應該 OK O既 ...!!

做完俾左份 NOTES 個同事睇下我有冇寫漏/寫錯!! 再傾左一陣, 19:40 走人(我寫到 19:30 架咋, 正人君子黎架, 哈哈)!! 返到屋企沖完涼就叮飯食喇!!

DINNER 其實同 LUNCH 差唔多係果Ｄ野(見圖2), 再上下網/玩下 GAME (俾 GAME 玩), ... 綾小路翔 再次回我 TWITTER(見圖3), YEAH!! ... 可惜 小淳 自上次後冇再回我 LU, 我承認我O既口味係幾獨特(笑)!!

綾小路翔再次回我 TWITTER 呢(見圖3)!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝都係好眼訓, 所以攪到 11 點先返到公司, 開始樂譜工作!! ... LUNCH 同Ｄ同事去左 ME.N.U 食(見圖1), 食完又返工, 繼續工作, 因為影印機 SCAN 野真係冇左個邊, 所以 CALL 左人黎整, ... 整完一大輪, 都係冇幫助, 因為話影印機 SCAN 野係數碼, 所以會四邊加條白邊, 所以係會冇左Ｄ字 ... 唉 ... 所以唯有做多樣野, 如果Ｄ字太邊就要縮細佢, 或者唔用"飛紙", ... 之但係O係度整都係為左方便同快O者, 唉!! 本末倒置!!

... 但都係要做O既, 所以繼續攪埋Ｄ樂譜, ... 同事送左包咖啡 & FANCL SAMPLE 俾我(見圖2), 因為佢有左 BB 唔飲得咖啡, 所以俾我送俾皇上飲, 多謝哂!! ... 6 點左右又攪掂左一箱, YEAH!! ... 跟住開左另一箱, 見到有份譜好簡單, 所以做埋先走, 結果係 18:45 執好哂野走人!! 仲要見到 臭人, 佢終於見到我攪緊Ｄ譜, 佢問:"乜原來係你整呀, 好丫!! 你得��幫下手!! 我就冇時間喇!!", 我:"呵~ 你有正職我冇丫嘛~!!", 跟住我就拿拿聲逃離現場!!

返到屋企沖完涼, 又叮飯食, 一邊食一邊同太后傾左一陣電話, 跟住 就上下網, 俾 CAFE WORLD 玩下咁!!

聽日要努力, 因為聽日會試下埋公司條數, 有少少緊張!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝又係好眼訓, 結果 11 點幾先起身, 其實都 OK, 因為一早預左 LUNCH 後先返工!! 所以起身上下網, 12 點幾先 LUNCH (見圖1)!!

未夠 13:45 返到公司, 今日唔係整樂譜喇, 繼續學埋數, 上次學每次埋數做O既野, 今次係學每月月尾埋數O既野, 都係幾多濕碎野!! 學學下, 高層突然間出現, 跟住 COPY 左我 SCAN 左果Ｄ譜走, 好彩真係認真做野O者, 嚇親嚇親!! 學到 3 點幾就學完, 又係整 NOTES O既時間喇!! 係咁整呀整, 之前果Ｄ NOTES 再改左少少 ... 整到 7 點幾就算係攪掂左, PRINT 左出黎等個同事幫忙睇下有冇錯漏!! ... 分下收據, 上下網咁!! 20:00 關門大吉, 跟住就等落堂同埋等放工喇!! ... 唔洗我鎖門, 另外個同事鎖, ... 夠鐘走人!!

BY THE WAY, CATCAT SMS 我(因為我拜託佢幫我入 CAFE WORLD 收煮野, 但竟然唔記得左講臉書資料佢知), 所以打返電話俾佢, 謝謝!!

返到屋企沖完涼就煮野食, 依然係炒雜菜(見圖2), 一邊食一邊同太后傾下電話, 約左聽晚雅蘭門口等!! YEAH!!

跟住都係上下網, 俾 CAFE 玩下(要多謝 CATCAT 幫忙先可以趕及限期前完成果個 TASK), ... 然後好努力咁攪其它 ACC O既 CAFE, 因為往後如果再有 TASK 可以一齊煮, 咁就可以快Ｄ完成!!

再黎一個 麒麟TIME, YEAH!!

睇到 JOHNNY'S 為左今次日本地震而組成O既 MARCHING J, 始動!!



むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪

今朝都係好眼訓, 結果返 11 點!! 開始整返樂譜, 整呀整, LUNCH 返屋企叮返個薯蓉食, 食完夠鐘又返工!!

繼續整譜, 3 點幾突然間 上司小姐 話請飲野, 所以我唔客氣咁叫左杯凍檸茶, 跟住 PK 又去左買麵包同蛋撻, 我食左個撻! 跟住又繼續 SCAN 譜, 做到 4 點就開始執野, 同埋寫埋張 PAYMENT, FAX 埋, 再去埋洗手間, 諗住 COPY 低Ｄ PAYMENT 啦, 點知咁 ARM 有個亞 SIR 影印勁耐, 所以唯有放低張 PAYMENT 拜託個同事幫手 COPY 完就 SEND 去總部!!

大約 16:23 左右離開公司, 直接坐 MTR 去旺角, 因為約左 5 點O係雅蘭等!! 早左少少到(MTR 真係話咁快就到!!), 再等左一陣會合埋契媽/雪雪妹妹&佢男朋友, 行去今晚目的地 -- 宮崎日式燒肉 喇, 點知 知未夠鐘未開, 又冇位坐喎, 所以就過左對面馬路O既 KFC 坐左一陣, 等到佢開門就過去拎位, 不過又要坐左一陣, 其實個派位姐姐好似幾混亂咁!! ... 坐坐下等入座果陣, 有個類似高層O既人拆左一包沖繩朱古力餅, 跟住一人派左一條, 再話:"走果陣如果食哂D野食O既客人會有禮物一份, 就係呢包野喇!!", ...

等左一陣就入座喇, 點知佢俾左張只可以坐 5 個人O既枱我地, 所以我地要求調, 不過 6 個人都係一個爐咋, ... 立即睇下有�盗H啦!! 以下係 REPORT:

-------------------------------------------------------------------------------------

首先鳴謝 MAY 小姐送出半價 COUPON!!
另外要鳴謝契媽埋單!!

1730-1930, 原價 $168, 而家 6 個人埋單 $605

食物質素都 OK:
@ 一枱送左一碟豬, 每人送一隻大蝦同埋一杯雜果賓治
@ 牛肉第一碟好靚, 但之後叫果D就好肉酸
@ 魚生都幾正, 但後黎叫果D好耐都唔黎, 要追左幾次, 跟住話漏左單, 立即整返俾我地!
@ 最期待O既 北海道帆立貝 竟然冇(可能因為真係北海道黎?!)
@ 甜品冇 MENU, 要問佢有�盗謐u, 仲要冇講有雪糕, 係見到隔離枱有先再問

-------------------------------------------------------------------------------------

食完走果陣, 太后講笑咁同之前果個高層返果個人講:"我地食哂成枱野呀!", 跟住佢竟然成包未開O既送俾我地呢(見圖1~53)!!

整體上都 OK, 不過如果 $168 ... 可能 松屋 會正Ｄ, 起碼松屋飲品任飲, 同埋多花款Ｄ呢! ...

跟住去左飲涼茶, 不過我冇飲呵, ... 皇上同太后返"別墅", 契媽佢地就去行街, 我就一個人去左信和!!

諗住睇下 TSUYO 隻碟出左未, 其實我記得係 4 月先出O既, 不過都想去睇下, 當然未出啦, 其實出左都會等台版!! ... 然後O係一間賣扭蛋O既店見到有個熊貓印仔, 未見過架, $12 都抵O既, 因為如果香港扭都應該起碼 $15, 所以買左(得返一個咋), ... 跟住行左去銀行中心果頭果間扭蛋店, 又見到果套套去 KEYBOARD 果Ｄ一粒粒O既公仔, 其中一粒係熊貓黎架, 見過好多次, 不過見佢一套 24 款, 但得一粒熊貓, 邊有可能咁易易抽中熊貓丫, 所以一直都冇抽到! 但係今日唔知仲�桃D有感覺好想去抽, 一定要抽咁!! 咁 ARM 散銀包又有一個 $5 喎, 所以就抽一粒, 嘩!! 一抽就中熊貓喇!! 外表強裝平靜, 其實內心係超興奮(見圖54~56)!!

好滿足咁坐 MTR 返歸!!

9 點幾返到去, 沖完涼立即洗衫, 因為Ｄ衫好燒肉味!! 然後又係上下網, 俾 CAFE 玩下咁!!





























むかえに行くよ → ♪ 失うことに慣れてしまえば　追いかけることも忘れる　だけど本当は知っているんだ　未来は誰もあるから ♪