今朝雖然有睇奧運, 但係都 11 點左右起到身, 所以食埋尋晚買果份牛角包做 LUNCH(見圖1), 然後就決定返工做下野!!

又多左一箱譜, 真係太誇張, 之前又話已經送哂過黎!! 由於我休左成個月, 所以要努力加油!!

一路做到 6 點走人, 返到屋企沖完涼就煮野食(見圖2), 跟住都係上下網咁!!

上上下網突然間有人噤門鐘, 不過我做緊泥 MASK, 所以只好扮訓左(笑), 真係唔知邊個呢!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝本來諗住 9 點幾起身再返工先去街街架, 但係可能藥力發作, 9 點幾醒左一醒, 再較鬧鐘去十點, 但竟然係一直訓到 12 點先起身!!

叮左飯食(見圖1), 一心諗住食完就返工, 點知攪攪下都兩點, 所以決定偷懶多一日, 提早去街街!!

3 點左右去到 MTR 坐去旺角, 首先去左朗豪坊, 行左一陣再去左 DISNEY CHANNEL ＜飛哥與發仔＞架車拎扇同埋水(上次O係灣仔電腦城搵唔到), 先頭仲諗住要去 3 次先可以拎齊 3 款扇, 點知原來任拎, Ｄ STAFF 仲叫我地拎多Ｄ!! 所以我一野拎左 2 SET!! 跟住就繼續行下, ... 再去左旺角中心, 買左兩條短褲, $10/條咋(最少買兩條), 想買左好耐, 所以諗都唔諗就買左兩條!

行完旺角坐 MTR 去左尖沙咀, 見到 隨意門 呀, 不過好難自拍!! 又怕俾人搶電話, 所以唔敢叫人幫我影, 唯有下次啦!!

行到 6 點幾坐 MTR 去新都城, 會合埋皇上同太后行左一陣, 9 點去左稻香打邊爐!! 食左幾多野架!! 仲有沙冰飲呀, 好正添呀!!

食完坐 MTR 返歸, 再換埋 MTR 十送一, 不過 SO SHIT, 今次換到"特惠"咋, 真係把鬼!!

11 點幾返到屋企, 沖完涼上下網咁!! ... BY THE WAY, 皇上同太后拎返之前我O係 WOW CD 買O既 EVITA CD 俾我, 正!! 仲有 NEEDS 抽中O既禮物, YEAH!!























迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝本來又係諗住早起返工, 但真係太累, 所以 12 點先起到身, 叮完飯(見圖1), 夠鐘就返工!!

繼續 SCAN 譜!! ... 途中有甜筒食, YEAH!! ... 再做到 6 點走人!!

返到屋企沖完涼上左一陣網, 再煮左米粉食(見圖2), 然後都係上下網/睇下電視咁!!

BY THE WAY, 今日又發現中左兩個獎, 好開心呀!! 希望快Ｄ中 TVB FUN 啦!!

另外, 訂左o既 CRANBERRIES CD 收到喇, 不過個盒爛左(見圖3~5)!!

a href="http://blog-imgs-49.fc2.com/t/s/u/tsuyoshicc/20120803-04.jpg" target="_blank">



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今日唔洗返工, 但係 9 點又自動醒左, 想點呀!! 要自己繼續訓, 訓到 12 點幾, 再睇埋高清 TVB O既＜行運超人＞先出房門口!!

因為都 3 點幾喇, 所以只係食左幾塊曲奇當 LUNCH!! 跟住睇下片/上下網咁!!

6 點幾沖完涼就開始煮 DINNER, 其實好懶咁整左 海南雞翼 + 米粉 咁就一餐喇(見下圖)!!

跟住都係上下網咁!! BY THE WAY, 今日難得洗條熊貓抱枕, 洗完後發現佢一隻腳洗到爛左呀, 心痛ING!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝亦係因為掛住睇片好"早"先訓, 所以結果訓到兩點幾!! 求其食左曲奇頂住肚先!!

跟住勁上網/勁睇片!! ... 6 點幾沖完涼再煮左雞翼米 DINNER (見下圖), 然後又係上下網咁!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝專登俾自己訓晏少少, 因為呢幾晚都唔太夠訓!! 11 點幾起身, 12 點幾食左少少餅, 1 點幾出門口!!

坐 MTR 去左將軍澳同皇上太后飲茶, 食左幾樣野, 再同太后去左 葵芳, 因為要去拎 ANNA SUI 網上遊戲O既禮物, 好彩唔太難搵, 意想不到幾好睇, 跟住行左一陣新都會, 影下相咁, 再坐 MTR 去左中環, 因為要去 IFC 拎野!!

太后冇出閘, 我自己去 IFC 拎, 點知好鬼遠呀, 拎奬果度又遠喎, 好彩都順利拎到 3 個擺設, 跟住再行返 MTR 會合太后, 坐 MTR 去灣仔!!

先去左 SHE.COM 拎抽中O既茶樹油洗頭水, 跟住就行左一陣, 去左麥當當食左少少野, 不過冇 �KKITTY 換, 冇計啦!!

再去會展, 去完洗手間咁 ARM 就見皇上黎到, 所以就等入場, 都等左一陣先入得場, 今次係睇＜新城�告F清純音樂會＞(許志安, 吳雨霏, C ALL STAR), 等左好耐先開場!!

一開始幾個 DJ 唱歌, 好難聽, 有幾個仲咬字唔正, 唔知點解可以做到 DJ!! 仲有啤梨唱, 真係好憎佢!! ... 然後就係 C ALL STAR, 原來出左 4 隻碟, 但係我真係未聽過佢地Ｄ歌, 個名都係有時咁 ARM 開電視聽過下咁, Ｄ歌都過得去啦!! 聽講"天梯"呢首歌好受歡迎, 但 ... 普通!!

跟住又插幾個唔知�盗V人黎唱, 其實冇歌詞字幕, 我真係唔知佢地唱��!! 真心想講: 冇咁高音唔好唱咁高音!!

再黎係吳雨霏, 可惜佢Ｄ新歌唔太識, 係有一首聽過一兩句咁!! 其它都其實一般!! ... 跟住又唔知�盗V人, ... 最後壓軸係許志安!! 一開始唱O既歌我都識唱返幾句, 唔知幾時聽過!! 再唱左一首叫"牛仔"O既歌送俾佢爸爸, 佢唱唱下忍唔住喊到唱唔到呢!! 我都有少少感動!! 然後就大唱一Ｄ經典歌, 好似"會過去的"、"如何可以不愛他"、"喜歡你是你"、"雨後陽光" ..., 由於我聽呢Ｄ歌大O既, 所以幾易投入到!! ... 然後就完喇!!

一堆人行去 MTR, 再"返歸"!! 11 點幾返到, 沖完涼就上下網咁!!

BY THE WAY, O係微博聽到 noelle 講左佢 ARMARM 去日本睇山P CONCERT O既感動事, 幾時先到我呀?? 我都想本命咁對我!! ... 首要係 ... 其實我想見到我本命生人先, 其它唔敢幻想!!













迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝十點電話響話送兩支蘋果酒上黎, 所以打俾太后叫佢準備幫我收!! ... 我竟然繼續訓,真係眼訓到冇朋友!! 結果係 13:15 先起到身!!

食左米粉(見圖1), 攪掂哂先返工, 所以 14:30 先返到, 失敗!! ... 超級努力咁 SCAN 譜, 聽到消息話月尾搬 OFFICE, 所以我真係要盡力地 SCAN, 費事搬咁多野去新 OFFICE!! ... 換言之, OFFICE 咁近屋企O既日子剩返兩個星期咋!! 唉 ...

6 點走人, 返到屋企沖完涼, 再煮麵食(見圖2), 然後勁上下網咁!! BY THE WAY, 收到 3M o既禮物(見圖3)!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝又係好失敗咁訓到 12 點幾先起到身, 所以又係 LUNCH 完先返到工(見圖1)!!

繼續努力 SCAN 譜, 送文件Ｄ人都唔知係咪路架, 我 SCAN 好果箱譜足足放左O係度個幾禮拜, 次次都話下次拎, 次次都有下次!! 唔想做就咪鬼做!! 明知就要搬 OFFICE, 咁梗係早運走好Ｄ啦!!

SCAN 譜 SCAN 到 6 點走人, 去左坐 MTR 去牛頭角, 因為約左人交收, 本來諗住行去算, 但係又真係好遠咁, 所以坐 MTR 去一個站, 唔出閘!! 入閘前我去左 阿信屋 買左排白色 DARS, ... 去到牛頭角站等左一陣就見到 SAKA 喇, 佢係O係微博識O既, 之前一直想買 shamanippon o既手機繩(見圖2), 問左幾個代購都冇人上肯幫忙, 小兔仲衰到話只可以一 SET 咁先買到, 所以都諗住放棄, 就O係果個時候, 有一日一個唔識o既人回我微博話可以幫忙, 先頭以為佢講下, 點知佢去到日本都仲有問我係咪要, 跟住買左後有話我知等佢返黎交收!! 一直好 NICE!! ... 今天約左佢出黎交收喇, 仲要只係收我原價(800日元 = $80), 而唔係代購價, 真係令我好感動, 為左感謝佢, 送左排 DARS 俾佢, KINKI 飯會明白 DARS O既意思!! �鞳ﾖ左幾句, 佢話如果想抽 KINKI CONCERT 飛可以話佢知, 因為佢有 ACC 可以抽飛!! 雖然可能只係客氣說話, 但係真係好感動!! ...

交收完返番去九龍灣, 去左行淘大, 好快咁兜左個圈, 然後去左買麥當當, 返到屋企收到包 健康糖(見圖3), 原來係糖, 唔係一粒粒食果Ｄ糖果!! 我誤會左添!! 沖完涼開餐(見圖4~5), 跟住再上下網咁!!





迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

尋晚睇完＜貞子 3D＞, 不過唔好睇!!

今朝依然係唔知點解咁眼訓!! 所以 LUNCH 完(見圖1), 夠鐘先返工, 都係 SCAN 譜, 佢地買左榴槤, 真係差Ｄ暈低!!

到就黎 6 點時, 又 SCAN 好左一箱, 真係都唔知運文件Ｄ友仔想點, 由 1 箱要送走, 到家下 3 箱, 唔想做真係咪鬼做啦!! 又唔係要佢拎住行去另一個中心, 落到樓都上車架啦!! 真係好難明白!!

放工後去左街市, 買左蕃茄($6, 5個), 蛋($5, 5隻)同埋雪梨($10, 4個), ... 返屋企沖完涼, 同太后傾左一陣!! 再煮左蕃茄蛋米粉(見圖2)!!

然後不停睇下片/上下網!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝又係突然好眼訓, 所以決定偷懶一日, 約左皇上同太后去飲茶!! 1 點幾出門口, 坐 MTR 去 坑口!!

去到等左一陣入座, 食左幾樣野, 飲完茶去左換 SAMPLE, 再去左 TASTE 換高露潔牙刷, 再行返 POPCORN!!

行左一陣, 再去左 OK 拎之前網上遊戲抽中O既 CHOPPER 公仔, 再去買山崎買埋張 $5 COUPON, 講起張 COUPON 我真係有少少火!! 話說我選左兩個朱古力包, TOTAL $7.5, 俾張 $5 COUPON 佢, 點知佢指住我張 COUPON 話過左期, 只係用到 2012 年 7 月尾, 咁我不以為意啦, 咪話咁我唔要個包喇!! ... 行出門口諗 ... 冇理由咁快過期架喎, 山崎都係早排先寄俾我, 睇真Ｄ張 COUPON, 2012 年 7 月係發出日期, 然後話發出日期後半年內有效, 所以我咪行返轉頭同佢講, ... 佢竟然同我講話係發 COUPON 果個人蓋錯左日期! 我心諗, 話之你蓋錯定��丫! 總之張 COUPON 係咁寫!! 跟住我咪同佢講話張 COUPON 咁寫, 所以佢係冇過期可以用得!! 跟住佢仲勁講話係蓋錯日期, 不過都俾埋你用啦, 整你個髻丫, 個 POINT 唔係你而家叫做懶好人咁俾我用, 而係根本張 COUPON 未過期丫嘛!! 我咪答佢:"其實我都係早幾日先收到架咋喎, 所以冇可能蓋錯日期囉!!", 佢睇左一陣先至話:"可能呢個係第二批啦, 我認俾你用啦!!", 其實真係唔應該講話"你照俾我用囉!"!! 不過算啦, 所以我始終都係話:"張 COUPON 係咁寫, 唔係蓋錯日期囉!!", 山崎Ｄ員工要再培訓禮貌同埋常識!! ... 再去左美心買左隻"天香雞"!!

然後再去左 AGNES B DELICES 買朱古力, 因為有 $200 COUPON, 個店員仲請我地食左一粒添, 真係好開心架, 因為 $19/粒 架!! $170 - 9粒, 本來而家做緊特價 買一盒送一盒, 但係用 COUPON 就唔可以有呢個優惠, 不過都買左佢啦, 所以我地買左一盒 9 粒 ($170), 再加兩粒!! 補左幾蚊!! 個店員好 NICE 呀!!

然後返左"別墅", 7 點左右開飯, 食完過左一陣就同太后落左去尚�ｺ中心百佳, 好好彩有 COUPON 喎, 所以 CALL 埋皇上落黎買, 因為 CITI BANK 有優惠!!

買完就行左一陣, 我就去坐 296C 走, 太好喇, 以後唔洗O係 牛頭角 行返屋企, 呢架近好多!! 等左十幾分鐘先有車, 但係返到屋企都係用左廿分鐘左右, 落車行返黎又唔遠喎, 正!! 雖然我O係果個站落車真係俾人望左好耐(笑)!!

返到黎沖完涼, 食左水果, 再睇下電視/上下網咁!!











迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

尋晚突然間頂唔順張電腦枱, 所以執枱執到成 3 點幾, 再睇左一陣片先訓, 所以今日訓到 1 點先起身!! LUNCH 食左尋日買O既兩個朱古力麵包仔!!

跟住又唔知仲�桃D想執下野, 所以將廳O既櫃同埋架都執過哂, 掉左好多一直唔捨得掉O既野, 再執埋個廚房, 執到成 5 6 點, 其實最需要執O既係我個書櫃同埋床下底, 不過太大工程, 遲少少再算!!

沖完涼煮左蕎麥麵食, 然後上下網, 睇下片咁!! 再勁食零食!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝訓到 1 點幾, 冇計啦, 晚晚都咁多野睇, ...

LUNCH 食左幾塊餅, 再上下網/睇下片咁!! ...

6 點幾沖完涼就煮野食, 整左蕃茄蛋 & 雞扒(見下圖), 雖然個色好�K咁, 但其實幾好食!!

然後繼續睇片同埋上下網!!

聽日我想早起身返工, 我要努力!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝好失敗, 一心諗住小睡到凌晨 4 點睇奧運閉幕, 誰不知 4 點我真係自動醒左, 但係好眼訓 ... 所以熄電視爆睡!!

訓到 11 點幾起身, 一心諗住返 12 點, 但有個同事話想我返去幫手, 所以結果係返兩點!! ... LUNCH 叮飯食, 其實係整左飯團(見圖1), 但係真係一叮佢就散左!!

夠鐘返工, 幫個同事執野, 實在太多野喇, 掉O既掉, 碎O既碎, 分類O既分類!! 做到 1745 左右攪掂, 但係又唔太好意思 DRY 坐, 所以上左課室幫佢拆返幾張 POSTER 落黎, 但係真係超級多塵!! 6 點剛好攪掂, 走人!!

去寄左信俾 WAYNE 先返屋企!!

返到屋企沖完涼就上下網, 同太后傾左一陣電話, 原來佢O係惠康網上遊戲抽到O既 ANGRY BIRD 公仔係一套而唔係一隻!! 嚇Ｃ人囉!! 佢仲話拎得好辛苦先拎到返黎, 另外仲有幾個鎖匙回, 仲有幾本書, ...

DINNER 叮飯團, 都係散左(見圖2), 點先可以叮完唔散架呢 ...

突然間好掛住 家駒 O既音樂, 所以拎返隻 CD 出黎聽, 如果 家駒 未死的話, 香港樂壇會唔會唔同??!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝好少有咁 8 點幾起到身, 食左麥皮做早餐(見圖1), 跟住返工幫同事執野!!

今日移師去佢個課室, 好努力好努力咁掉野!! ... LUNCH 返屋企叮飯(見圖2), 夠鐘再返工繼續努力!!

一路做到 5 點完成左掉野部份, 足足 4 個�K色垃圾袋(如果拎去賣廢紙真係好可觀, 可惜可觀O既會係清潔亞姐!!), 然後落返 OFFICE 碎紙, 碎左兩大袋!! 總算放工前攪掂哂!!

拎左少少雜返屋企(因為同事唔要, 我又未睇過), 多謝!! 返到屋企沖完涼同太后傾左一陣電話, 再煮野食(見圖3), 然後又係上下網咁, 冇�涛ﾁ別!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝起唔到身, 所以訓到十點幾, 諗住返工, 但太后打黎話不如今日出去影叮噹100年展, 因為星期五可能會打風/落雨, 又諗住今日星期三應該唔會太多人!! 所以約左兩點o係加拿芬廣場稻香等!!

我起身食左幾塊餅, 1 點左右出門口, 先去左�ｺ福(諗住拎今日出o既 NEEDS, 點知冇), 坐 MTR 去左尖沙咀, 再上左間日本店睇左一陣(但都係冇 NEEDS), ... 去到酒樓會合皇上同太后, 再等左一陣就有位喇!!

叫左幾樣野食, 點知等左一個鐘都未到齊, 問左幾次追單, 又話得喇得喇咁! 到真係等得太耐, 我地話要取消未黎O既 3 樣時, 個 STAFF 竟然話:"已經整好左架喇, 放左O係出面咋, 好快拎入黎架喇!!", 然後我地話:"你見到O係出面, 咁點解你唔拎入黎呢?!", 佢好精境咁答:"因為我有其它野做緊丫嘛!", 但好可惜再等多五分鐘都仲係未黎, 其它幾枱都係咁!! 所以決定走人!!

之後去左 I-SQUARE 影 M&M, 再去左海港城O既 叮噹 100 年展!! 不過真係勁多人, 多人到好恐佈, 我諗花市都冇咁多人!! 好辛苦咁影左幾隻叮噹咋, 好多場景都搵唔到, 所以都係是但影左少少, 諗住等 9 月開左學冇咁多人再去影過!! 唯有係咁!!

然後坐巴士返"別墅", 再同太后去左吉之島買壽司做 DINNER, ... 返"別墅"休息左一陣就開餐!! 食完後再執下野走人, 少有地我會主動話要用手拖車, 然後就落去等巴士返歸!!

好可惜 ... 我忘記左落車要過條天橋先返到屋企, 又冇得過馬路, 所以唯有拎上/落樓梯, 好彩都唔太重!!

返到屋企 9 點幾, 沖完涼就上下網咁!! ... 好好彩O係＜大玩派＞度搶到張＜DIVA＞免費戲飛, 雖然Ｄ演員我都唔多鍾意, 但係唔洗錢就去睇下啦!! 但係得一張咋!! 所以我將會繼 一個行遊香港 後, 黎個 一個人睇電影!! YEAH!!













迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝訓到 10 點幾, 然後決定去拎左尋晚"大玩派"搶到果張唔洗錢O既戲飛, 所以坐 MTR 去左牛頭角(又先去左 MARKET PLACE, 點知冇 NEEDS, 離譜!!)!!

目的地好近牛頭角 MTR, 就O係 美亞 後面, 好近!! 好快去到拎埋(見圖1), 雖然唔知呢套戲好唔好睇, 但係唔洗錢就算啦!!

回程時諗諗下O係 九龍灣 MTR 行返公司仲遠, 所以直頭行返公司唔坐車!! 先去左麥記買左個 豬柳蛋漢堡, 邊行邊食, 再經過 7-11, 入去睇下有冇今日出O既 U MAGAZINE 叮噹特別版賣, 點知冇喎, 反而見到有思樂冰, 所以買左杯黎飲(但係唔記得拎返張單抽獎, 失敗), 再繼續行返公司!!

12:15 返到公司, 開始 SCAN 譜!! ... 一路做到 6 點走人!!

返到屋企沖完涼, 食尋晚O既壽司(見圖2), 但好失敗咁拎漏左 WASABI, 所以總係爭少少咁!! ... 然後睇下片/上下網!!

BY THE WAY, 今朝O係"大玩派"換左張 BODY SHOP $50 COUPON, 但係噤左親身拎先至見到要十日後先有得拎, 但係下星期開始搬公司, 所以唔得�闍�, EMAIL 去問可否改郵寄, 好彩佢地肯咋, 太好喇!! 感激!!

夜晚 10 點幾掛左 8 號風球, 不過估計一定返工前會落波!! 而打風最好就係飲返杯, 所以開左支 SOMERSBY O既 APPLE CIDER 飲(見圖3), 其實 ... 唔算勁好飲!! 不過呢兩支都係唔洗錢O既, 所以算啦, HAHA!!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝果然係一早落左波, 都話唔會影響到返工架啦!!

訓到 10 點左右起身, 再食少少野, 11 點未夠返到公司 SCAN 下譜, 一直做到 13:15, 坐 MTR 去左坑口, 因為約左皇上同太后飲茶!!

去到入得座, 食左幾樣野, 然後同太后行下街街咁!! 行完坑口就返 POPCORN, 換左 SKII O既禮物(好辛苦寫段野被選中先至有架!), 再拎埋 ESTEE LAUDER, 再行左一陣, O係商務見到"師兄"呀, 不過佢做緊野, 所以冇叫到佢呢!!

再行到 5 點去美心買左隻雞 DINNER!! 跟住就返"別墅"喇!!

休息下, 上下網咁!!

7 點幾 DINNER, 20:30 走人到車站, 好彩剛好有車, 亦好好彩一上車佢就開!! 所以好快返到屋企(唔洗半個鐘)!!

返到屋企沖完涼, 上下網咁!!

打算聽日去睇戲, 同埋去荃灣拎幾支 HAND CREAM(原來可以代領, 早知幫其它人整埋啦)!!





迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝 10 點幾醒左, 上左一陣網後 12 點左右 LUNCH, 然後打算去睇戲(DIVA)!! 再去荃灣拎野!!

"MI MI MO MO"症發作, 由打算 12:45 出門口, 結果係 12:55 先出到門口, 但係 MCL�ｺ福開 13:15, 所以好急步咁行去, 本來可以去淘大O既, 但係 MCL�ｺ福 新好多同埋正好多!! 所以遠都要行過去睇!!

13:05 行到過去, 嘩! 好多人排隊買飛喎, 點趕得切呀!! 然後一睇, 原來係有另一條排即場O既, 所以拿拿聲咁走過去, 間院原來好細架咋, TOTAL 得 8 行, 所以我選左尾 2 果行(G11), 貪佢唔好太前, 同埋前面冇人, 左右隔離都冇人!!

買完飛立即入得場!! 環境唔錯!! 一坐低唔夠 2 分鐘就開始播廣告/預告, ... 成套戲, 真係唔知佢想講乜!!! 如果 100 分滿分, 我估佢有 2 分咁上下!! 真係幾垃圾!! 結構好差, 唔知想表達Ｄ��, 容祖兒同埋林欣彤唱歌又難聽, 最好睇係佢個預告, 果然係最好睇O既已經O係哂預告片裡面!! 而且預告同埋宣傳一直誤導人呢套係講娛樂圈O既"潛規則", 但其實完全唔係!!

睇到佢出字幕我都唔知佢想表達��, 成間戲院Ｄ人都呆左, 因為完得好突然!!

剛好 3 點散場, 去左坐 MTR 去荃灣, 但係車裡面好多"柱男柱女", 真係少少柱位都冇空出黎, 加上Ｄ人又大汗又臭, 完全唔想"ZIP"隻手落去, 用盡"看不起"O既眼光, 但係可惜佢地有哂保護罩, �涛s接受唔到!!

去到 荃新天地第2期 要拎 HAND CREAM 果間野, 竟然冇開, 把幾火, 因為今朝打左去問, 所以再打去問, 有人聽喎, 叫我去隔離果間美容院, 原來係同一個集團, 大佬呀, 你都貼返張紙O係隔離店門口叫人去隔離丫聰明!!

入到去要我填 FORM, 都算(反正亂填), 明明好快攪掂O既野, 我填完個店長唔鬼理我, 走去"噤水魚", 我明白呢Ｄ係你O既職責, 但係身為店長O既你, 應該叫店員幫我, 但係佢只係叫我等, 然後關埋房門"噤水魚", OK, 好彩"水魚太太"好快就俾人噤到一身血, 但係我就呆企左十幾分鐘!! 反而個店員噤完水魚出黎, 有另一個人黎拎 HAND CREAM, 佢又叫另一個同事幫手, 玩野呀!! 早知咁寸就全個家族都拎一支, 然後全部 UNLIKE, 等你白蝕 HAND CREAM!! 哼!!

拎完 HAND CREAM, 去左間賣 四洲 零食O既店, 勁掃左 $40 零食, 再經過 7-11, 見到有辣味粟一燒(細包, $5/2包), 所以掃左 4 包, 然後就行返去 MTR, 途中仲撞見"藍精靈"添!! 不過沿途經過 7 間 7-11, 都冇 思樂冰, 攪錯!!

坐 MTR 返將軍澳, 約左 太后 O係吉之島等!! 會合左後, 就去左吉之島買壽司!!

返到"別墅"休息左一陣就開餐喇, 然後 8 點幾走人, 又係等左十幾分鐘車!! 9 點左右返到屋企, 沖完涼又上下網咁!!







迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝訓到 11 點幾自動醒左, 發現個鬧鐘唔知仲�当搓ｶ, 明明係跳字架喎, 又唔係冇電!! 攪Ｄ咁O既野呀!!

睇左一集日劇先煮烏冬做 LUNCH (見圖1), 然後就勁上網, 本來諗住去銅鑼灣 KOTEX O既活動, 不過諗諗下都咁晏, 實派哂Ｄ禮物啦, 所以安坐家下睇下片算(果然見到係 4 點未夠就派哂) ...

5 點幾沖完涼, 小睡左一陣, 6 點幾起身煮左米粉食(見圖2), 然後又係不停咁上下網/睇下片!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝返 9:30, 所以 8:30 鬧鐘響立即坐起身先, 因為怕自己會訓返!! 食個麥皮做早餐, 夠鐘就返工!!

返到去呆坐左一陣, 但電話勁響, 所以不停咁聽電話 ... 然後就開票, 成年冇做過喇, 好彩都仲記得點做咋!! 快Ｄ讚我好記性啦!!

LUNCH 本來諗住返屋企煮麵食, 但同事話不如一齊去 別府 食, 見咁耐冇一齊食飯, 所以就去左一齊食喇!! 我食左個牛肉飯(見圖1), 都幾好味喎!!

食完返公司繼續工作!! ... 然後再做另一樣野, 但係做做下要暫停, 因為個 SYSTEM 要改返少少野, 點知一直到放工都未改好, 所以唯有明日繼續!! ... 同個同事一齊上去鎖門, 然後返番 OFFICE 就剛好夠鐘放工!!

返到屋企, ... 沖完涼都左米粉食(見圖2), 食完又係上下網/睇下片咁!! 另外, 收到 GARNIER 寄黎O既 MASK (見圖3),



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝要 OIC, 所以早左起身, 食完個早餐夠鐘就出門口!!

返到公司已經有十幾人排緊隊, 跟住就開始幫人 CHECK 下表呀咁, 好彩都唔係咁多難題!! 不過今次係我做咁多年黎第一次咁多人架咋, 因為好多人都話怕旺角勁多人, 所以黎呢邊報, 點知都咁多人!!

跟住開始執野, 因為搬運公司拎左Ｄ紙箱黎, 所以可以 PACK 野入箱, 真係搬 OFFICE 好恐佈好恐佈好恐佈!! 單單係文具, 就已經差唔多十箱!! 仲未計Ｄ A4紙, 仲有勁多野!! ... LUNCH 返屋企叮飯食(見圖1)!!

然後繼續工作... 一路 PACK 到 4 點幾, 執清左個文件櫃後, 我就做埋尋日未做哂O既 UPDATE DATA, 跟住就上左 STORE ROOM, 因為聽日有搬運公司黎 PACK 樂器, 我負責講俾佢地知要點 PACK, 好驚會有"差池"!! 但願一切順利!!

講完 STORE ROOM 後, 我就貼左Ｄ記認(因為有Ｄ唔拎走, 有Ｄ目的地O既課室唔同, 所以唔可以錯)!! ... 再返 OFFICE PACK 埋Ｄ學生資料, 咁樣又一大箱!! ... 跟住剛好夠鐘放工!! 所以走人!! BY THE WAY, JOSIE 送左個熊貓匙扣俾我呀(見圖2), 多謝哂!!

一眼見信箱吉O既, 就知我唔係選民, 因為今日勁多候選人Ｄ野寄黎, 見其它信箱都滿滿滿, 其實點解環保組織又唔講下呢?! ... 返到屋企沖完涼, 煮左雞扒烏冬食(見圖3), 跟住上下網, 然後又無 LALA 走左去執櫃筒(一定係O係公司執左成日野, 所以傻左)!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝 8 點幾起身, 食餅做早餐, 夠鐘返工!!

一返到去 上司小姐 已經話Ｄ搬運工人等緊我(洗唔洗咁早到呀), 所以我拿拿聲印埋要用O既野就上左倉, 教佢地要點 PACK 後, 我就行行企企咁睇住佢地 PACK 野!! 一路 PACK 到 12 點幾, 返 OFFICE 休息一陣返屋企 LUNCH(見圖1)!!

夠鐘再返去, 明明話兩點先再 PACK, 點佑 13:45 我一返到去, Ｄ工人就"吹"我開工, 我要覆電話俾同事架!! ... 又係勁 PACK, 好彩睇住咋, 因為佢地都幾是但咁, 明明寫好哂要搬去新 OFFICE O既邊度, 佢地就睇都唔睇包哂就算, 攪到我要話佢地, 又要搵返Ｄ牌出黎睇下去邊個室!! 總之就好煩啦!! 最煩O既係好大塵! 加上一個人真係睇唔掂!!

中途我都返左 OFFICE 休息 左一陣, 跟住再睇佢地 PACK 到 5 點幾, 然後我就執返好Ｄ野返 OFFICE 等放工喇!!

一夠鐘就返屋企, 收到 O係 KLM 整果個行李牌喇(見圖2), 係熊貓黎架, 好可愛呀!! 但係我明明整左幾個, 唔知點解只係收到一個, 希望聽日會收到其它果幾個啦!! 好期待!!

沖完涼煮左意粉食, 跟住上下網/睇下片咁, 唔知點解突然間唔舒服, 仲幫襯左個厠所兩次添 ...!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝鬧鐘響左第二次先起身, 好危險呀!! 唔可以咁架, 下星期返藍田喇, 唔可以訓咁晏喇!! 食完早餐夠鐘就返工!!

一返到去就預備定要用O既野, 然後就繼續指導搬運工人 PACK 野, 不過真係有幾多野未 PACK, 叫親佢 PACK 就係"得架喇, 果Ｄ搬走時先一次過 PACK!!", 一路 PACK 到 12 點幾, 同事上黎睇睇, 再同同事貼返少少 LABEL, 然後就返屋企煮米粉食(見圖1)!!

夠鐘繼續 PACK, Ｄ工人 PACK 到 3 點幾就攪掂走哂, 得返我一個人O係倉同埋其它課室跟埋Ｄ手尾, ... 一路攪到成 5 點先攪掂, 返番 OFFICE, 原來 MISS 方拎左西餅上黎請我地食, 太感動喇(見圖2)[原來呢間 CAFFE HABITU 都幾貴, 呢舊就要 $38]!! 食完野繼續工作!! ... 搬 OFFICE 真係太恐佈, 最恐佈O既係新 OFFICE 比而家細, 所以到時執返Ｄ野去新 OFFICE 諗點放先係最恐佈呢!!

本來 6 點正想走, 但係果位無 LALA 唔睬我果條友都走, 所以我費事同佢同一架電梯, 所以傾多幾句先走!! 我費事佢辛苦啦!! ... 返到屋企, 收到 WHISPER O既 SAMPLE(見圖3), 竟然係有"清涼因子", 唔知會有幾清涼呢!!

沖完涼, 好悚好懶咁整左 大將炒麵 食(見圖4), 因為真係好攰, 唔想諗煮�盗H!! 又唔想煮飯!! ... 跟住上下網/睇下片咁!! ... 原來今日七夕喎, 因為一直冇留意, 只係留意日本O既七夕(7月7日)!!

我好想去旅行呀!!!!!!!!!!!!!!!!!!!!!!!!!!!!!!!!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝好眼訓(其實朝朝都係咁, 除左放假晨咁早自然醒外!!), 食少少野夠鐘就返工!!

依然係打仗咁執野!! 行上行落, 好X辛苦!! 因為有Ｄ同事做野真係冇�鍋ｴ輯同埋程序, 所以好多時亂左又要我攪返掂!!

LUNCH 返屋企是但煮左米粉食就算(見圖1), 夠鐘又繼續惡夢!!

兩點幾同幾個同事去左新 OFFICE, 嘩! 痴線架!! 勁大塵, 勁臭, 勁"那"眼, 我不停標眼水, 過左一陣已經勁頭痛!! 仲要搬野, 呢幾十蚊個鐘真係惡做!! 呢個環境好唔得, 真係好易有病!! 到 4 點幾返番舊 OFFICE繼續做呀做, CHECK 呀 CHECK, 一直到 17:55 先叫做攪掂!! 再聽埋少少野, 原來我星期一開始要返新 OFFICE LU(果兩日仲要O係倉, 希望唔會暈低!! 因為勁臭勁焗同埋勁大塵!)!!

放工去左買麥當當, 因為再次需要卡路里!! 再去左惠康, 因為好想買啤酒, 可惜太貴($47.X/6罐, 真係太貴!!), 唯有忍一忍, 因為又唔想買大陸啤, 我一定要買返 KIRIN!! 只好失望而回!!

沖完涼食卡路野餐(見圖2~3), 然後上下網咁, ... 種種原因, 我又感到有少少壓力!!

講下Ｄ不孝野丫! 其實好想講, 我都唔想只係做 PART TIME 過生活, 但係有得做梗係做啦, 唔好次次都話要車錢要飯錢, 搵埋會白做個幾鐘, 我都知道呀, 但係都係要做架!! 搬左 OFFICE 要坐車我都唔想, 我都想好似以前咁行幾步就到公司, 我都想 LUNCH 可以行幾步返屋企食, 但係現實就係咁, 都要面對架!! 比起完全冇野做, 我情願做下 PART TIME ... 我知道你想我搬去同你地一齊住, 我明白我真係明白, 但係我真係慣左一個人住, 我唔敢想像冇自己時間同空間O既日子可以點過, 我有時話唔想答, 係因為我唔想講落去會唔小心講左Ｄ傷你地心O既說話, 我內心係明白你地想一家人一齊住, 但係 ... 我唔識點講, 我幾喜歡而家O既生活, 而且好多時好多野我唔想去用口解釋, ... 我知我不孝, 我知遲早有一日一定要搬返黎同你地一齊住, 但係 ... 我唔識講~~~~



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝 11 點幾醒左, 再過左一陣, 太后打黎話去飲茶, 所以起身叮左個蘋果批食, 食完 1 點幾出門口!!

先去左�ｺ福O既 KIEHL'S 換 SAMPLE 同埋之前同事俾我果張野換個禮物, 然後就坐 MTR 去左坑口, 去左稻香飲下午茶, 叫左幾樣野食, 然後去左行街, 太后O係 馬拉松 買左兩對拖鞋, 然後行返去 POPCORN, O係 a+ab 買左幾件衫(因為而家大減價, 3折), 再去埋 JURLIQUE 買左支 ROSE WATER(30ML, $215, 用左 $200 COUPON), 呢間野幾大手筆喎, 買一支野送左 6 包 SAMPLE, 然後去左吉之島買壽司!!

就黎返到"別墅"時, 我強忍眼淚, 果一刻我感覺到自己好想大叫!! 本來我話唔食飯喇, 想返屋企, 但皇上阻止我, 所以一齊返左"別墅", ... 7 點幾開餐, 再上左一陣網, 8 點幾走人, 等左十分鐘左右先有車, 返到屋企大約 20:50, 沖完涼再上網睇＜24時間＞, 用左個 先鋒網絡電視, 真係幾正!!

近排Ｄ情緒真係好波動, 我好想大叫大嗌大喊!!







迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

尋晚一來睇＜24時間＞, 二來有少少訓唔著!! ... 差唔多 5 點先訓著, 然後 9 點幾醒左一醒, 諗左一陣先記得今日係星期日, 所以繼續訓到 11 點幾, 睇 J2 O既 謎ディ, 睇完先煮米粉食(見圖1)!

然後就開住睇＜24時間＞, ... 一路睇到 4 點幾有空檔就去左沖涼, 跟住繼續睇!! 好感動!! ... 不過我都要 DL 返全部黎睇, 因為有好多都 MISS 左!!

6 點左右整左意粉食(見圖2), 又繼續睇!!

由星期五去完新 OFFICE 開始, 又咳過, 真係大穫!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

尋晚專登早左訓, 但係今朝 7:45 鬧鐘響都係好眼訓, 不過都起到身!! 慢慢食個早餐後, 大約 8:40 出門口!!

今日開始返藍田新 OFFICE 喇, 原來屋企行去巴士站好遠架!! 好彩好多車都 ARM, 所以 8:50 行到車站唔洗一分鐘就有車喇, 大約 9:10 落車, 車站就O係正公司門口落!! 亦好容易入到公司, 係咁 UP 兩句就 OK!!

然後就開 始聽下今日負責Ｄ�桃H作, 主要都係指Ｄ搬運工人放Ｄ野去�当[!! 不過好攰, 因為冇�搭@會坐, 而且未熟環境, 所以成日兜黎兜去先搵到目的地!!

LUNCH 同成班同事去左 �ｺ田廣場 O既茶餐廳食野, 食左個 午餐 $23(見圖1), 味道都 OK, 價錢都 OK O既!!

食完早左半粒鐘返去公司, 不過估計冇得計返呢半粒鐘呢, 然後又係繼續工作!! ... 3 點幾 大大大老細 買左西餅黎, 我當然唔會同佢客氣!! 買得黎就食!!

跟住都係週圍走黎走去!! 5 點幾開始拆返少少箱執返個 COUNTER 先!! 到 6 點以為走得, 但係因為好多野未攪掂, 所以 上司小姐 問可唔可以留多陣, 所以留低繼續工作, 一直到 7 點, 仲拎左一盒西餅返屋企添!!

過返對面馬路就係巴士站, 好快有車, 不過有少少塞車, 所以成 7:30 先返到屋企, 沖完涼煮左烏冬食(見圖2)!!

然後上下網咁, 個頭開始痛!! ... 又收到一個行李牌(見圖3), 好可愛呀!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝都係 7:45 起身, 食左件蛋糕做早餐(係尋日 大大大大大老細 買黎, 我拎左Ｄ走!!), 夠鐘就出門口!! 又係好快有車, 不過架車去到 藍田 MTR 竟然塞車, 所以遲左兩分鐘返到公司!!

今日負責執 OFFICE O既野, 真係冇�縄y坐過, 因為好多野執, 亦要諗下點擺法!! 真係頭痛!!

LUNCH 去左另一間野食, 叫左個 SET (見圖1), 不過麻麻地好味, 而且貴過尋日, 份量少過尋日, 好彩有個同事細食, 分左半碟乾炒牛河俾我咋!!

夠鐘再返去繼續執, ... 一直到 6 點幾攪下呢樣果樣咁, 最慘係明明話呢幾日唔對外, 但係駁左電話線, 係咁響!! 而且仲係要聽, 真係好救命!! ... 18:30 走人, 而且係等緊過馬路時走左兩架巴士, 諗住好快再有啦, 點知都等左十分鐘先有車!! 所以影下新 OFFICE 座野先(見圖2~3), 返到屋企沖完涼都 19:40 LU, 所以都係煮左米粉食咋(見圖4), 因為真係幾攰, 唔太想煮飯!!

然後又係上下網, 睇下片咁!! ... BY THE WAY, 今日又收到一個 KLM 行李牌, 但係明明呢個整O既時候唔係打��架喎(見圖4), 所以攪到冇左下半邊面, 唔制呀!!





迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝好眼訓, 而且爭Ｄ訓返, 然後發現原來尋晚熄左冷氣唔記得開返個窗, 所以冇暈低都算係咁!! 早餐食左蛋撻+蛋糕(見圖1), 夠鐘就出門口!!

好快有車, 都 OK 快到(見圖2), 依然有Ｄ塵, 喉嚨唔太舒服!! ... 又係不停咁做野, 攪掂返Ｄ開學文件!!

LUNCH 去返前日食果間, 今日試左個 常餐 - 牛扒炸菜米線(見圖3), 幾好味呀, $26, 都 OK!! 食完又返去繼續工作!!

... 一直到放工都冇�縄y停過!! ... 一直到 18:15 走人, 等左一陣就有車, 不過塞塞地車, 再順便去埋街市買左水果同埋苦瓜, 所以差唔多 18:50 先返到屋企!! 沖完涼煮苦瓜食(見圖4), 冇其它喇, 因為唔太想再煮野食, 其實好失敗地唔記得左拎今日 LUNCH 打包果盒炒米粉返黎, 真係到煮野先記得!!

其實新 OFFICE 都幾好, 一眼望哂全部同事, 同街客又隔左塊玻璃, 係樓底太高, 有時唔太聽到同事講��, 要大聲Ｄ先聽到!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝爭Ｄ訓返, 好危險!! ... 早餐又係食蛋糕!! 夠鐘出門口, 今日專登去左另一個站坐車, 其實距離差唔多, 但係今日去果個站就好多巴士塞哂O係度上客, 所以易少少追到上車!! 不過今朝藍田 MTR 又塞車, 加上落大雨, 仲要啟田邨有消防車, 所以塞車塞左十幾分鐘, 遲左幾分鐘先返到去, 但我 SHAT'S APP 左上司小姐"報案"!

返到去就立即開始工作, 準備星期日面試Ｄ文件, 真係做左呢份工咁多年, 未試過到今日都仲未攪掂!! 所以一直冇停過!!

LUNCH 同左大大大大大老細去左飲茶, 其實完全冇參與同佢O既對話, 我只係不停咁食, 成枱都係野, 不過佢都係 CLAIM 公數O者, 呢Ｄ就有錢, 但係買個空氣清新機個芯都話冇錢! 所以食完夠鐘我地就走人!!

繼續努力工作 ... 一直做到 18:15 先走, 其實未攪完, 聽日繼續!! 拎左Ｄ打包O既野返屋企食 ... 其實我覺得個肺有少少痛, 一定係空氣太太太差!!

落到車站又係走左架車, 見個天好靚, 所以又影下相咁, 等左一陣有車, 不過又塞車, 所以差唔多 7 點先返到屋企!!

叮落碟炒米粉先去沖涼, 沖完立即有得食!! 食完上左一陣網, CHECK EMAIL 見到再次中左幾個獎, 好開心, 不過要睇下邊日出去拎先得!!

然後就開始做野, 冇錯!! 係做野, 因為第一次帶左Ｄ野返屋企做, 幫個同事統計問卷, 原本諗住好快攪掂, 但原來幾百份, 所以我做左 3 個鐘都未攪到一半, 唯有明晚繼續!!

BY THE WAY, Ｊ様､お誕生日おめでとう！！



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝真係爭少少就唔知醒, 可能呢幾日太攰, 真係太攰!!

起身食完早餐夠鐘就出門口, BY THE WAY, 我隻門牙上年補過(因為食野整崩左), 但係尋晚竟然補左果舊野甩左出黎, 真係好灰!!

返到公司立即開工, 實在太多野要做, 一直冇�湯竕ﾟ!! 到 LUNCH 都唔記得左夠鐘, ... 又去左飲茶, 好貴呀, 每人 $43, 梗係啦, 因為叫左幾個廿幾蚊O既小食, 其實唔應該叫果Ｄ, 不過個同事係咁畫!! ... 食完去左文具店買匙圈(公司用)!!

返到公司繼續唔停咁做野, 因為後日做面試喇, 所以要 SET 掂個場, 仲要睇下有�悼ﾂ能出現O既問題!! ... 一直做到 6 點左右, FAX 埋張 PAYMENT, 夠鐘就走人!! 坐巴士返屋企, 又輕微塞車!!

返到屋企沖完涼, 叮野食, 然後上下網/睇下片咁!! ... 其實今日又拎左Ｄ問卷返黎統計, 真係要空幾個鐘出黎攪掂佢先!!

BY THE WAY, 收到 ASIA WORLD CLUB O既電話, 話我O係佢地個 FACEBOOK GAME, 抽中左兩張「香港搖滾音樂節2012」門券, 其實我諗左好耐去唔去睇, 因為聽晚O係博覽館!! 上網又見冇寫有邊個喎, ... 皇上同太后又唔去, 加上我星期日朝返 8 點, 要 6 點媿起身, 所以種種考慮, 都係唔去 LU, 又唔想浪費左兩張飛, 所以送左俾詠芳佢地睇!! EMAIL 哂Ｄ野佢地聽日去拎飛+睇 SHOW!!

然後約左聽日睇牙醫, 最慘係佢由附近搬左去美孚, 不過都要去架啦, 都唔明白仲��咁化學, 上年 5 月尾補, 一年多少少就甩返出黎!! 又唔知要幾錢, 唉!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪