私の日記
1999
2000
2001
2002
2003
2004
2005
2006
2007
2008
2009
2010
2011
JAN
FEB
MAR
APR
MAY
JUN
JUL
AUG
SEP
OCT
NOV
2012/12/01
2012/12/02
2012/12/03
2012/12/04
2012/12/05
2012/12/06
2012/12/07
2012/12/08
2012/12/09
2012/12/10
2012/12/11
2012/12/12
2012/12/13
2012/12/14
2012/12/15
2012/12/16
2012/12/17
2012/12/18
2012/12/19
2012/12/20
2012/12/21
2012/12/22
2012/12/23
2012/12/24
2012/12/25
2012/12/26
2012/12/27
2012/12/28
2012/12/29
2012/12/30
2012/12/31


2012/12/01

今朝其實十點幾醒左一醒, 但估唔到再起身已經 3 點幾!! 所以叮左飯食, 然後睇下片/上下網咁!!

又食下零食, 米粉咁!!

咁樣又黎到 12 月喇!!

20121201-01.jpg 20121201-02.jpg 20121201-03.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/02

今朝 9 點幾就醒左, 所以睇下日劇咁, 然後 12 點幾叮飯食, 再睇左一陣日劇, 然後未夠 3 點出門口, 去左坐巴士去"別墅"!! 本來諗住約太后O係 POPCORN 等, 不過太多野拎俾佢, 所以我就直接上"別墅"!!

去到休息下, 睇下電視咁 5 點幾同太后落去行左一陣, 順便拎個汽水樽泵去 LOGON, 因為買左第二個都壞, 呢個仲要只係用左兩次咋, 所以要佢地下究竟係当竭!!

然後週圍行下咁, 仲去左 MTR O既 HSBC MPF ROADSHOW 拎左個 S3 殼, 其實係用唔著, 不過唔洗錢就冇棟活!!

6 點幾會合皇上一齊美心 DINNER!! 食左個扒餐, 都幾好味, 係熟左少少!! 食完又行左一陣, 拎到 SAMMI O既 DM, 再影左兩張小新, 小新D底底俾人偷哂呀, 所以果個架圍住左, 唔知盗l咁賤格!! ... 然後坐 MTR 返屋企!!

沖完涼又係勁上網/睇片!! 咁樣又過左一日假期!! ... 其實真係好想"的"起心肝整返D日記同 BLOG ... 唉!!

20121202-01.jpg 20121202-02.jpg 20121202-03.jpg

20121202-04.jpg 20121202-05.jpg 20121202-06.jpg

20121202-07.jpg 20121202-08.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/03

今朝訓到 9 點幾就醒下醒下咁, 睇下電視咁, 1 點幾叮飯食, 再睇下片咁!! 就係冇涛ョ力早D返工!!

結果到 4 點幾就出門口返工, 早左少少返到去, 又蝕左!! 呆坐左一陣, 做左一陣野, 再呆坐等放工!!

放工等左一陣先有車, 返到屋企沖完涼就煮左白湯米粉, 然後又係上下網/睇下片咁!!

LINGLING 突然間話有張名古屋 CON 飛多, 問我去唔去, 我就話過兩日覆佢, 然後查下機票/PACKAGE呀咁, 亦都煩惱左幾個鐘, 點知 ... 佢突然間話佢有朋友可以陪佢去, OH!! 幸福就O係眼前 --- 然後消失左!! ... 但係都好多謝 LINGLING 記得我!!

亦因為咁, 同左好耐冇傾計O既 YAN 傾計喎!!

20121203-01.jpg 20121203-02.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/04

因為尋晚心情起伏太大, 所以一直到 3 點幾先訓得著, 今朝鬧鐘響左好耐都唔知醒, 結果係 8:20 先彈起身, 拿拿聲攪掂出門口, 所以冇時間食早餐, 決定買麥當當食, WHAT'S APP 同事問洗唔洗幫佢買埋, 然後原來佢就返到, 所以佢幫我買埋!!

準時返到公司, 今朝選左熱香餅(見圖1), 有埋汽水都只係 $14 咋, 都幾抵食!! 好好味!! ... 開下門鎖下門咁, 然後就到 LUNCH!!

由於過兩日 PK 生日, 所以同佢食飯, 去左啟田果間"三盞燈", 係食澳門野, 我叫左個蕃茄牛肉通粉+厚多士+火腿雙蛋(見圖2), 都幾好味!! ... 食完再返公司 SCAN 譜!!

都係進展唔太多!! ... 另外買俾 PK 個蛋糕好靚, 係 HELLO KITTY(見圖3), 幾好食呀, 好耐冇食過咁正常o既雜果蛋糕呢!!

再繼續 SCAN 譜到 SCAN 到 17:30 走人!! BY THE WAY, CHITTY 送左個叉俾我, 等我有叉用(見圖4), 呵呵!!

放工時落雨, 好彩立即有車!! 返到樓下街市諗住買菜, 點知竟然冇喎!! 所以只買左幾固雪梨就算!!

返到屋企沖完涼, 煮左柚子蜜雞翼飯(見圖5), 然後又係上下網咁!!

20121204-01.jpg 20121204-02.jpg 20121204-03.jpg

20121204-04.jpg 20121204-05.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/05

今朝太好訓, 又睇下電視咁, 所以本身諗住返 13:45, 但食下野咁, 結果返原定時間 15:15!!

返到去呆坐左一陣, 然後就開始今日工作, 出下補課信/減免信/抄下票呀咁!! ... 突然間好肚餓, 本來諗住去買麥當當架, 不過同事又唔太餓, 結果佢請左個杯麵我頂住先(見圖1), 真係多謝哂!! 而且好好味!!

放工好快有車, ... 返到屋企多左好多野喎, 因為皇上今日黎過, 辛苦哂!!

收到<我老公唔生性>O既換票証(見圖2), 太好喇, 呢套係近年少有我幾想睇O既港產片!!

沖完涼, 諗住唔食野(因為食左合味道), 點知見到皇上拎黎果D淘大早餐(見圖3), 又好似好正咁喎!! 所以忍唔住叮左碗叉燒通粉食(見圖4~5), 都幾好味呢, 估唔到真係有幾片叉燒!!

20121205-01.jpg 20121205-02.jpg 20121205-03.jpg

20121205-04.jpg 20121205-05.jpg



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/06

今朝都係好眼訓, 但係都 12 點未夠5起到身, 叮飯+煮西蘭花食(見圖1), 夠鐘返工, 不過架 277X 超賤格, 竟然係專登飛站, 因為咁, 我等左十幾分鐘先再有車!!

返到公司 SCAN 下譜咁, 15:15 變身坐館, 做下野咁, 其實都唔算太忙!! ... 一直到夜晚, 食左豬柳蛋+麥旋風, 好味!!

放工立即有車, 返到屋企沖完涼, 只係飲左罐 ZERO 咋!!

收到好耐之前恆生 MPF 問券O既禮物(見圖2), 第一次見惠康券有 $20!!

BY THE WAY, 今日係郭偉安生日, 祝佢生日快樂!!

20121206-01.jpg 20121206-02.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/07

今朝返早, 所以都係O係一個好眼訓, 唔願起身O既情況下起身!! 叮左尋晚買O既豬柳蛋做早餐(見圖1), 然後返工!!

呆坐下, 做下野, 再呆坐下 ... LUNCH 去左東成食, 第一次O係果度食燒味飯, 叫左個雞鴨飯(見圖2), 都幾好味!! 上司小姐 又笑人地食大碟飯呢!!

LUNCH 過後都係坐館, 再做下野 ... 6 點幾諗住安心等放工, 點知另一個同事見我咁得, 就將一D唔係坐館O既野俾我做, ... 結果本來我係放 7 點, 遲左 15 分鐘先走(因為眼見又爭少少就攪掂), 呢 15 分鐘下次再計返!!

坐巴士返屋企, 街市已經冇野賣!! ... 返屋企沖完涼, 又懶得開爐煮野, 所以叮左一碗米線食, 再外加西蘭花(見圖3), 不過個米線麻麻地好食!!

聽日都要返工, 不過仲未想訓!!

20121207-01.jpg 20121207-02.jpg 20121207-03.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/08

今朝超級唔想起身返工, 所以 7 點鬧鐘響, 但係 7:30 先彈起身, 食左個鳯梨酥就出門口喇!!

落雨呀, 唔開遮都唔太好, 去到巴士站就發生左一件事喇!! 事緣等巴士+落雨, 有一個婆婆行O係我身邊等巴士(佢以為要排隊), 佢冇帶遮喎, 所以我就遮埋佢, 佢就不停讚我乖, 然後話佢等15號巴士去藍田拜神, 仲話拜左神會有貴人(笑)!! 15號我都 ARM O既, 所以見到另一架 ARM O既車我冇上到, 費事婆婆冇傘淋親, 好彩過左兩三分鐘就有15號, 所以就同佢一齊上車, 佢不停咁多謝我, 同埋讚我乖(呢個好明顯係重點, 同埋係事實之全部!!)

返到公司, 開始今日工作!! ... LUNCH 同事幫我買返黎一齊食, ... 下晝本來一切都好平靜, 就係多得果個好煩O既實Q, 佢竟然同個家長嗌交, 話說個家長帶左個兩歲O既細路坐O係大堂等另一個仔女落堂, 點知個實Q就勁鬧佢話佢細果個好嘈好騷擾, 同時間個實Q仲要叉住腰指住個家長話佢好嘈好騷擾, 大佬呀, 好心就睇下時勢啦, 個家長已經夠興, 唔好火上加油啦!! 我咪問個家長究竟件事係點O既, 實Q又同時O係度嘈, 個家長就越興! 我咪同個實Q講叫佢出返去睇住先, 呢度我處理!! 點知個實Q仲要勁話個家長嘈, 我咪有少少惡咁同實Q講"得啦, 呢度我處理得喇, 你出返去做野啦!! 呢度我處理呀!!", 跟住個實Q"妖"左一聲就出返去大堂!!

個家長講返, 原來個個星期都係咁, 唔單止話佢, 仲不停咁話其它人, 每次都係咁, 態度又差, 想投訴好耐但都忍住, 但係今日真係忍唔住要投訴!! ... 由於我都費事多事, 所以冇叫個家長寫投訴信(煩實Q, 我都算對你係咁啦!!), 但應承佢會講返俾主管知道, 好彩個家長都明白唔關我地事, 所以都冇再難為我地!!

所以跟住就係要打 REPORT 啦, 唉!! ... 再鎖下門咁, 然後等放工, 遲左少少(因為D大帝又唔走), 然後拿拿聲同個同事去左吉之島, 因為我地都突然間想食壽司, 我冇買中島呀, 因為同事話另一邊都 OK, 所以試下!!

坐巴士返屋企, 沖完涼都 7 點幾 LU, 然後就一邊同太后傾電話一邊開餐, 味道都 OK!!

跟住就係上網同埋玩下D有獎遊戲, 真係攪左幾粒鐘呢!!!

BY THE WAY, O係 7-11 個 GAME 抽到隻 HELLO KITTY 公仔, YEAH!!

20121208-01.jpg 20121208-02.jpg 20121208-03.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/09

今朝訓到 1 點左右, 見到 TVB 播<我老婆唔夠秤>, 不過睇唔到開頭, 太后打黎話不如一陣去睇<我老公唔生性>, 所以我就上網睇返成套<我老婆唔夠秤>黎補下習先!!

LUNCH 食左米線, 睇埋套戲大約 4 點幾就出門口, 坐 MTR 去左將軍澳, 會合太后立即去買飛, 因為 5:45 先開場, 所以有少少時間, 就去行左一陣!! 點知竟然遇到 野原家 喎!! 所以好難得咁同識左十幾廿年O既呢一家人合照, 然後就入場喇!!

成套戲都幾好笑, 又有少少感動!! ... 睇完都 7:40 左右, 所以拿拿聲去美心, 因為約左皇上 DINNER, 果然一去到就見到皇上等緊我地, 佢仲同搭枱2困個亞叔好好傾添!!

依舊食左個西冷扒餐, 然後就坐 MTR 走人!! 不過先去左 鴻福堂 換左個湯先!!

返到九龍灣噤左錢(因為全身得返 $70), 返到屋企沖完涼再上下網!!

20121209-01.jpg 20121209-02.jpg 20121209-03.jpg

20121209-04.jpg 20121209-05.jpg 20121209-06.jpg

20121209-07.jpg 20121209-08.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/10

今朝訓到 11 點左右, 起身 CHECK 左戲院場次後, 約太后兩點O係家樂坊等!! 上左一陣網, 1 點左右出門口, 坐 MTR 去家樂坊喇!!

等左一陣就見太后喇, 一齊去左 牛涮鍋 食 LUNCH放題!! 環境都 OK, 食物都 OK, 我地 TOTAL 食左 3 碟肉咋, 唔算太多, 而且有 COUPON, 好抵食!!

食到 3 點幾就走, 行左去朗豪坊, 先去左 UA 買飛, 因為今日專登去睇<搵鬼打官司>, 原來要 $80 一張飛架, 好彩有換票証, 買完飛就行左一陣朗豪, 影下相咁, 不過好多人呀!! ... 4 點令就入場等睇戲喇!!

套戲好長呀, 14X 分鐘, 坐到對有少少痛!! 但係套戲幾多笑位, 亦幾感動!! 不過近排入戲院睇咁多次戲, 第一次有人冇較震機, 仲要響左好耐, 跟住果個人又同個佢個男伴講劇情, 唉, 好煩呀!!

睇完都成 18:45, 所以拿拿聲去地庫O既 HEY! YO, 買蛋糕, 然後再去 MTR 間美心換埋包曲奇, 跟住就坐 MTR 返歸!!

我先過太后落車, ... 返到屋企沖完涼就食左件蛋糕, 然後上下網咁!! 再計劃下未拎果D獎幾時拎, ... 黎緊好忙呀!!

20121210-01.jpg 20121210-02.jpg 20121210-03.jpg

20121210-04.jpg 20121210-05.jpg 20121210-06.jpg

20121210-07.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/11

>今今朝訓到 11 點左右, 突然間諗起不如去左 U MAGAZINE 拎野先返屋企訓過, 所以涛s冇食就出門口, 坐 MTR 去左鰂魚涌O既 U MAGAZINE 拎野!!

O係車上面諗 --- 不如約皇上同太后飲茶, 拎左先發現好重!! 因為 TOTAL 有 8 枝 CREAM, 本來諗住坐巴士, 但係竟然搵唔到個站, 所以唯有坐地鐡!! 因為 12 點幾就到左將軍澳, 所以先去左"別墅"坐下先!!

發現唔見左條耳筒繩, 我諗 ... O係屋企掛!! 所以冇理到!! ... 差唔多就同太后落酒樓搵定位!!

叫左幾樣野食, 食完行左一陣, 拎左個 天晉枱曆, 幾特別呢!! 跟住 3 點左右就坐地鐵返屋企!!

經過街市買左少少野!! 返到屋企沖完涼就上下網/睇下片咁!! 然後就發現唔見左果條耳筒繩, 睇怕真係O係街跌左, 又可能係O係 U MAGAZINE 個 OFFICE 跌左, 因為拎過身份証, 個耳筒繩就同個身份証袋仔放埋一齊 ... 我唔制呀!!!!!!!!!! 亦因為咁, 所以都要整過一條, 之但係真係冇之前條紅色真皮, 唉 ... 唯有用條手繩代替, 然後個熊貓個頭又整大左少少喎, ... 雖然冇之前果條咁正, 但係都冇辦法 ... !!

DINNER 蒸左太后整俾我O既魷魚肉餅, 再煮個西蘭花, 食完又上下網咁!!

再上網睇下片!!

20121211-01.jpg 20121211-02.jpg 20121211-03.jpg

20121211-04.jpg 20121211-05.jpg 20121211-06.jpg

20121211-07.jpg 20121211-08.jpg 20121211-09.jpg

20121211-10.jpg 20121211-11.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/12

今今朝 11 點左右醒左, 再睇下電視咁!! LUNCH 叮飯食, 夠鐘起程返工!!

準時返到去, 開始 SCAN 譜, SCAN 到 3 點幾變身坐館!! ... 冇涛チ別, 同事幫忙買左個豬柳蛋, 再用媽咪咭送左杯檸茶, 所以我有得食有得飲!! ... 然後做左一陣野!! 落哂堂就鎖門等放工!!

等左一陣就有車, 返到屋企又好似有少少餓咁, 所以整左個泡飯食(加左 WASABI 架!! 正), ... 再上下網咁!!

BY THE WAY, 今日皇上同太后去左東港城拎之前抽中O既禮物!!

20121212-01.jpg 20121212-02.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/13

今朝訓到 11 點未夠, 睇左一陣電視, 然後煮左新買O既烏冬食, 食完再上下網咁!! 因為今日返晏少少, 所以比平時遲左少少出門口!!

準時返到公司, 然後就開始幫個同事做野 --- 幫個位表填色, 我用左個幾鐘終於填完, 但係 ... 同事先發現佢俾我照住畫果張野有一小部份O既色錯左, 換句話講我用左個幾鐘填色果兩張野變左垃圾!! 唉 ... 冇計, 唯有再從頭填過色!! 又用左個幾鐘, 遲左少少先變身坐館!!

出左幾封信 ... 然後就等落堂!! 今日幾平靜!!

放工同同事去左食野, 仲去左我未去過O既 譚仔雲南米線!! 我叫左個冬幕酷米線+檸茶(見圖2), 然後再叫左個皮蛋一齊食(見圖3)!! 食完傾左一陣, 傾到 21:40 左右走人, TOTAL $83, 都 OK!!

過返對面馬路等巴士返屋企!!

沖完涼就上下網咁!! ...

20121213-01.jpg 20121213-02.jpg 20121213-03.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/14

今朝都係唔願起身, 好眼訓!! 叮返兩個蛋撻食, 然後出門口!! 早左返到公司, 不過都比較靜!! 係有D無聊人打下黎問係咪停課, 又有D人黎要報名跳舞/買飛呀咁!! 都唔知D人有冇常識, 同埋係咪唔識字!!

LUNCH 去左東成, 食左個雙拼飯, 然後行左去コ田廣場另一邊, 坐 16 號巴士出左旺角!! 好快呀, 唔洗半個鐘就到左旺角!!

先去左百寶利大廈拎之前訂左O既 嵐頭飾, 問野唔同哂樣呀, 變左好多 LOCKER 咁俾人存貨交收, 都唔錯呢!! 然後行左去佐敦, 去左個朋友O既公司樓下, 因為拎月曆同埋記事簿, 多謝哂!!

再坐 MTR 去左炮台山, 幫皇上拎之前 QOOZA 抽中O既滴露禮品包, 真係好重!! 所以等巴士返屋企冇行街街呢!!

返到樓下, 實Q叫住我, 原來有一大堆信!! 收到朱古力醬, 好味!!

沖完涼上下網咁, 不停咁玩 K白淡奶 個 APPS, 儲夠分換左兩個馬仔手機殼, YEAH!! 不過最衰冇 S2, 所以換左 S3 黎珍藏!!

6 點幾煮左湯飯加蕃茄, 簡簡單單!! 然後就係上下網/睇下片!! 再諗下行程, 不過未諗掂!!

20121214-01.jpg 20121214-02.jpg 20121214-03.jpg

20121214-04.jpg 20121214-05.jpg 20121214-06.jpg

20121214-07.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/15

今朝返早!! 超級眼訓!! 又諗起今日要入倉點樂器, 所以一定要食早餐, 叮左個通粉食(見圖1), 然後坐巴士返工!!

返到去開下門, 過左一陣就同"盜墓者"一齊落左倉點樂器, 真係頭痛!! ... 一路路點到 11 點幾, 有個同事帶埋仔仔返黎, 因為佢地今日賣旗, 所以我O係呢個靚仔手上買左支旗!! ...
BR> LUNCH 我冇出到去, 因為"盜墓者"話去吉之島買壽司, 所以就等埋佢返黎先一齊食!! 好豐富呀(見圖2), 多謝佢請我食吞拿魚卷!!

LUNCH 後又繼續點樂器, 真係幾攰呢!! ... 點到 4 點幾算叫做攪掂左今日想攪O既部份!! 所以返 OFFICE 休息下!!

到 5 點關門大吉, 今日冇樂團, 但又冇編返早走, 所以就呆坐等 6 點放工, 真係爭少少訓左(不過冇訓到)!! 到差唔多放工, 收到順豐電話話另一個同事尋日O係淘寶買果件婚紗到左, 所以急不及待拆黎睇下!! 都唔錯喎!! 我嫁得出會諗下淘寶買黎影下相!!

同"盜墓者"一齊坐巴士!! 返到屋企沖完涼, 就煮左 咸蛋蕃茄粥 食(見圖3), 然後再睇下片咁!!

今日真係有少少攰!!

20121215-01.jpg 20121215-02.jpg 20121215-03.jpg

20121215-04.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/16

(遺失日記)

20121216-01.jpg 20121216-02.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/17

今朝返早, 所以早起, 但又好眼訓, 結果 8:20 先起身, 食左包朱古力曲奇做早餐, 味道一般啦!! 夠鐘就出門口!!

返到去呆坐左一陣, 再做左一陣野!! 跟住太后打黎話皇上又中左獎, 又要去數碼港拎, 咁 ARM 打算 PM 去, 所以叫我 PRINT 埋!! 然後太后又決定黎呢公司樓下游水, 所以就約左佢1 點 MTR 等!!

夠鐘就閃人, 行返落 MTR, 會合左太后後, 又行返去コ田廣場, 同太后去左 東成 食雙拼飯!! 今日果碟好差呢!!

食完咁 ARM 撞到D同事食完飯, 所以就同太后上左 OFFICE 坐左一陣!! 然後帶佢去泳池, 跟住我就走人喇!!

今日就忙咯!! 先坐 603 去左中環再轉 30X 去數碼港, 好彩去到站咁 ARM 有車, 但塞左一陣車, 所以由上 603 開始計, 只係 1 個鐘就去到數碼港, 真係好快!! 拿拿聲去到 ELLE OFFICE 拎野, 點知D STAFF 都唔知想點咁, 呆等左好耐先有人理我, 跟住咁 ARM 有另一個女人都係拎 ELLE 獎, 但係個 STAFF 就未訓醒問個女人係咪幫人代領, 個女人話佢係自己拎, 跟住 STAFF 又叫個女人俾 ID 佢, 因為代領要 ID!! 我立即插咀話"我先係代領呢兩份囉!!", 佢先如夢初醒咁!! ... 過左一陣佢拎哂 3 份野出黎(兩份我, 1份女人), 俾左兩張紙我填話領左獎, 咁我填完一張正想填埋第二張時, 諗左一諗, 都係問多個 STAFF 一句先, 問完先知原來我只係填一張咋, 另一張係個女人O既, 我就有少少不滿(因為咁少野都記唔到, 點做野架!!), 俾返張紙佢, 我就伸手出黎問佢拎我果兩份獎品, 點知佢呆左咁望住我, 原來佢完全唔知我係拎邊兩份囉(3份都唔同), 咁請問你頭先拎我地封信入去係對D悼ヒ呢?! ... 我就好寸咁話"好簡單! 我係拎 H&M 同埋 PAUL & JOE 囉!", 跟住佢都諗左幾秒先俾兩份野我!! 唉, 真係唔知盗l囉!!

拿拿聲拎完落返樓下, 過返馬路坐 30X, 咁 ARM 又有車喎, 仲要好似就係黎果程個司機呢!! 回程好快就到中環, 我諗唔洗廿分鐘!!

跟住我就坐 MTR 去銅鑼灣, 因為要去 ME ME & ME 度拎 FACEBOOK 送O既褲仔, 點知傻仔左, 出錯出口, 但係銅鑼灣D出口真係冇得返轉頭, 唯有O係時代行返過去, 目的地其實就O係 FOREVER21 過少少, 唉!! 白行左好遠!! 問店好易搵!! 一上去拎完, 再扮睇左一陣野先走人!!

然後坐 MTR 去左尖沙咀!! 先去左榮華拎團購, 點知又笨左冇問佢拎個紙袋, 要左個膠袋咋!! 跟住就行左去半島中心果頭, 因為想問下果間印章店星期六開唔開門, ... 問完就去左 日本書店拎 NEEDS, 正當我拎完想過馬路等車返屋企時, 我諗起好似仲有樣野未做, 好彩有寫低!! 原來我未去拎爽報O既獎, 拿拿聲去拎完, 再等巴士返歸, 不過等左好耐!!

返到屋企收到 FASHION & BEAUTY O既信, 皇上抽中迎新禮物(YEAH!!), 返到屋企門口又發現有幾封公文袋O係大門同鐵閘之間O既空位, 郵差呀郵差, 我好感謝你拎上門諗住俾我, 之但係 ... 你咁樣放咪俾人知冇人O係屋企囉!!

返到屋企沖完涼, 煮左米線食, 同太后傾左一陣, 再上下網/睇下片咁!!

好攰O既一日!!

20121217-01.jpg 20121217-02.jpg 20121217-03.jpg

20121217-04.jpg 20121217-05.jpg 20121217-06.jpg

20121217-07.jpg 20121217-08.jpg 20121217-09.jpg



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/18

今朝依舊完全唔想起身, 但係都要返工架!! 食左幾塊曲奇就出門口, 等左一陣先有車, 其實又係 277X 扮見我唔到飛站! 再等左一陣先有車, 開左無幾耐就見開始落雨喇!! 好彩落車行幾步就到公司!!

返到去開始今日工作, 開下門呀咁!! 冇涛チ別!! ... LUNCH 去左田意八食野, 今次我叫左個日式炸豬扒咖喱飯(上司小姐 叫我影埋第二果張分屍後O既相), 食完返公司幫另一個同事攪比賽獎杯D野, 仲要我帶住"欣宜"妹妹, 不過真係俾佢激死, 因為佢 CLICK CLICK 下亂哂, 攪到又要由頭 CHECK 過!! 跟住又 E 手 E 腳咁!! ... 總之就亂啦, 如果我一個人攪反而快好多, 不過反正我計時薪, 冇棟活!! 亦因為咁, 本來打算 5 點走人, 結果都 6 點先走到!!

落到巴士站, 又係架 277X 司機扮見我唔到飛站, 究竟係 277X D司機視力有問題, 定係我真係練成左隱身術??!! 好想打去投訴!! 因為實在太多次, 尤其朝早返工時間, 有好多司機直頭唔 CUT 埋站條線, 直接 2/3 線直走!!

返到附近行左陣 7-11, 搵唔到 F&B 雜誌, 先頭有諗過買 FACE, 好彩冇咋(因為後黎見到訪問某人條仔 -- 切勿對號入座, 見到張相我真係好想嘔!)!! 正所謂: 相由心生!! ... 真係好樣衰, 內心賤所以樣賤(切勿對號入座)!! 我承認我口賤!

經過街市買左少少野, 不過俾個人呃左我 $1, 真係冇陰功!!

返到屋企沖完涼, 叮粥食, 自已加左好多野落去, 個粥O既味道 OK 啦, 唔太好又唔太差咁!!

食完上下網/勁玩網上 GAME, 頭都暈埋!!!

BY THE WAY, 我唔知係咪失憶, 今日兩次撞到兩個唔同O既人(住樓上), 兩個分別都話好耐冇見皇上太后, 之但係我覺行我未見過呢兩個人 ...!!

20121218-01.jpg 20121218-02.jpg 20121218-03.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/19

今朝 11 點幾先起到身, 對腳仲好鬼痛, 唔知攪!!

上左一陣網, 然後煮左豬扒蕃茄粥食, 真係好好味!! 食完睇 PRICELESS 第 9 集, 結尾講全公司 1507 人一齊唔撈, 雖然現實冇悼ツ能發生, 但係好型, 好感動!!

睇完就坐車返工, 等左好耐先有車呢, 返到去開始今日工作 --- 分 CERT 同埋禮券, 亦因為咁, 我又俾個信封整損左隻手指!! ... 都幾順利呢!! 做到 16:40 左右就攪掂, 所以休息左一陣, 再搵野做, 雖然 5 點先坐館!! ... 不過其實都唔算太忙!!

夠鐘鎖下門咁, 再等放工!! ... 坐巴士返到コ福, 去左 MARKET PLACE, 因為想末日前食壽司!! 壽司開始減價, 買左一盒 12 件($42, 原價$59.8), 同埋一盒泡菜細卷($8, 原價$13.8), 兩盒夾埋 $50, 仲要好寸咁用 R 分俾, 即係唔洗錢, 呵呵!! YEAH!!

返到屋企沖完涼就開餐(見圖2~), 好好味呀!! 泡菜卷食唔哂, 可以留返聽日食!! ... 不過其實我唔知係泡菜卷黎架, 我以為係螺肉, 咁 ARM 減價個貼紙遮住左!!

食完上網玩下 GAME, 再睇下片!!

發表: CCが選んだ今年の漢字は『変』 = 変、変化、変わる。。。変態(?!)の意味で〜〜!!

20121219-01.jpg 20121219-02.jpg 20121219-03.jpg

20121219-04.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/20

今朝訓到 10 點幾, 睇左一陣電視先起身煮野食, 睇下片, 夠鐘就出門口返工!!

早左返到去, 仲見到中門大開, 好驚呀!! 後黎睇返 CCTV, 原來係亞 SIR 開左鎖出左去, 真係嚇死人!!

坐館冇涛チ別!! ... 食下野咁(好多老師買聖誕禮物俾我地食, 多謝哂)!! ... 落堂就鎖門, 夠鐘走人!!

等左一陣有車, 不過冇直接返屋企, 先去左淘大, 因為幫個同事睇下有冇佢食開果隻喉糖, 不過搵左幾間都冇, 唯有放棄, 然後買左個豬柳蛋再返屋企!!

沖完涼煮野食, 雖然買左豬柳蛋咋, 但係諗住留返"豬柳包"聽朝早餐, 抽起塊蛋, 再煮左豬扒烏冬, 食完又上下網/睇下片咁!!

傳聞聽日世界末日, 睇報紙講D人儲糧/外地避難, 呢D都覺得好可笑, 如果真係世界末日的話, 仲可以走去邊?!

如果真係世界末日, 我好想同大家講: 認識你們真好!! 感謝!!

20121220-01.jpg 20121220-02.jpg 20121220-03.jpg

20121220-04.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/21

今朝返早, 所以又係好眼訓咁食左個豬柳包做早餐(因為冇蛋), 夠鐘返工, 等左一陣有車, 準時返到公司!!

其實今日比較靜, 係開下門鎖下門咁, ... LUNCH 走人, 因為要去飲"末日茶", 但係坐巴士先去左鴻圖道, 幫皇上拎 FASHION & BEAUTY O既迎新禮物, 再行左去好遠O既毅力工業中心, 點知 13:30 上到去冇人, 仲要勁噤鐘同勁打電話都冇人, 明明話 兩點先係 LUNCH HOUR!! 等左十分鐘人影都冇, 所以只好走人, 又好遠咁行返去坐 MTR 去將軍澳!!

去到剛好兩點 ... 眼見冇末日O既變化, 所以直衝去酒樓!! ... 食左幾樣野, ... 食完同太后行左一陣, 仲O係 MTR 拎到個免費行李牌, 其實之前 SCAN 個 QR 抽到, 不過原來唔洗抽到 QR 都週街派!! ...

跟住同太后坐 MTR 去左新都城, 因為想襯減價去 H&M 買衫, 揀左一陣, 同太后夾埋買左一件衫/兩 PACK LEGGING/一條頸巾, TOTAL 都係 $298.2 咋, 用左之前 ELLE 抽果張 $300 GIFT CARD, YEAH!!

買完坐 MTR , 去吉之島買壽司!!

返到"別墅"坐下/睇下電視咁, 6 點幾開餐, 好豐富呀!! ... 食完再執野走, ... 落到巴士站見到個站冇人, 即係架車走左啦, 所以行左去坐 MTR!!

返到屋企沖完涼又上下網咁!! 再幫今日D戰利品影下相, 同埋抽中左 4 張<白兔糖女孩>O既換票証, 不過得百老匯電影中心上咋, 點算好呢!! 又冇朋友 ARM 睇!!

20121221-01.jpg 20121221-02.jpg 20121221-03.jpg

20121221-04.jpg 20121221-05.jpg 20121221-06.jpg

20121221-07.jpg 20121221-08.jpg 20121221-09.jpg

20121221-10.jpg 20121221-11.jpg 20121221-12.jpg



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/22

因為唔係世界末日, 所以今朝要返早!! 鬧鐘響到爛都噤熄哂訓返, 好彩 7:20 彈起身咋, 真係危險!! ... 食左包朱古力曲奇做早餐, 然後就返工喇!!

做左一陣野, 再呆坐, 聽下電話咁 ... LUNCH 同個同事去買外賣返 OFFICE 同上司小姐一齊食!! 我食海南雞飯呀, 仲去麥當當買左雀檸同埋麥旋風添!!

食完又做下野, 發現冇樂團導師返黎, 跟住又冇筒{生返樂團喎, 查問下先知今日停排, 有冇攪錯呀, 完全冇通知囉!! ... 然後食左個芒果西米露, 都幾好味, 不過 $15 就貴左少少!!

5 點關門大吉, 但因為樂團冇通知停排, 攪到我地要呆坐到 6 點先走人!! ... "實Q不休先生"真係超煩! 5~6 咁得阮爆I見佢入黎 OFFICE 講有当竭, 一到 6 點我地放工要鎖門, 佢先話有問題, 又話要簽走, 但講黎講去都未到重點, 又唔去簽走, 我咪話:"得啦, 你入去簽左走先啦!", 佢簽完出返黎拿拿聲鎖門, 上司小姐 都費事理佢, 叫佢有薙纉同同事再講!!

等左一陣先有巴士, 返到屋企沖完涼, 又唔太肚餓, 所以食左幾塊曲奇當 DINNER 咋!! ... 跟住玩下 GAME/抽下獎, 睇下片咁!!

20121222-01.jpg 20121222-02.jpg 20121222-03.jpg

20121222-04.jpg 20121222-05.jpg 20121222-06.jpg

20121222-07.jpg 20121222-08.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/23

今朝訓到 11 點幾先醒, 好耐冇試過訓得咁舒服!!

煮左 冬蠔豉泡菜蕃茄粥, 一邊食一邊睇<ホタルノヒカリ>電影, 幾好笑又幾感動!! 再睇埋<惡夢小姐>大結局, 估唔到 結衣子 係音痴, 途中都估到 結衣子 個爸爸係 志岐貴(GACKT), 好希望會有 SP!!

再少有地睇左套港產片<爛賭夫鬥爛賭妻>, 開頭都 OK 好笑, 但結尾好趕收工咁, 好多野冇交待!!

睇到 6 點幾沖完涼, 煮左烏冬食, 食完又上下網咁!! 再好努力咁諗星期六O既行程, 不過估計時間都幾緊迫!!

其實我仲諗緊好唔好聽朝一早去觀塘/灣仔/中環, 然後先同太后去油麻地睇戲!!

20121223-01.jpg 20121223-02.jpg 20121223-03.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/24

今朝 9 點幾起左身, 上左一陣網, 食左曲奇做早餐, 十點左右出門口, 先坐 MTR 去左牛頭角拎 NIVEA O既禮物, 就係上星期五去到冇人果間野!! 好在順利拎左, 然後坐 MTR 去灣仔, MTR 好多人呀, 一定係去遊戲展!! 我就係去左拎爽報抽中O既廸士尼記事簿!! 拎完諗住坐 MTR 去埋 IFC 拎野, 點知太后打黎話佢已經到左油麻地 MTR, 所以我就直接去油麻地喇!!

會合太后之後, 去左百老匯電影中心買<白兔糖女孩>O既飛, 仲幫姑姐佢地買埋聽日O既, 然後就去左麥當勞食野, 叫左兩個餐加大, 用埋媽咪會咭, 所以送左兩杯野飲, 仲有 4 個大富翁印花!!

食完坐到咁上下先返去戲院等入場, 先去左洗手間, 跟住好快就開場喇!! ... 呢套戲我明明一早睇左, 但係我都唔太記得內容, 所以今日睇得好心!!

睇到 4 點先完, 行左去旺角, 因為要去 HSBC 攪八達通值, 同埋俾D飛姑姐!! ...再做左個退休評估, 有惠康 $100, 正!!

然後去左坐巴士返"別墅"!! 放低D野, 休息一陣, 就一齊落左去美心 DINNER!! 都係食果個扒餐!!

食完皇上先返"別墅", 我同太后行左一陣!! 然後就坐 MTR 返歸!! ... 返到屋企附近見到有人報佳音, 仲派左包朱古力俾我, ... 其實 ... 安唔安全架呢?!

返到屋企沖完涼, 再上下網咁!!

雅紀〜お誕生日おめでとう!! ... 我會努力地去日本見你 ... 同埋 TSUYO!!

20121224-01.jpg 20121224-02.jpg 20121224-03.jpg

20121224-04.jpg 20121224-05.jpg 20121224-06.jpg

20121224-07.jpg 20121224-08.jpg 20121224-09.jpg



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/25

今朝訓到 1 點幾, 睇左一陣電視先起身煮泡飯食(見圖1), 然後睇下片咁!! 再下定決心咁整返D日記同 BLOG, 用左兩個半鐘先攪掂一個月(9月), 意味住仲有 10月 11月 同埋 12月要攪!! 我要加油!!

沖完涼煮烏冬食(見圖2), 食完睇下片, 再食左朱古力+ PANDA 餅做甜品(見圖3)!!

而家繼續睇片!!

メリークリスマス!!

20121225-01.jpg 20121225-02.jpg 20121225-03.jpg

20121225-04.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/26

今朝 11 點幾醒左, 睇左陣電視, ... 冇嶋ン口, 所以食左幾塊曲奇咋!! 跟住就肚痛到有少少暈, 所以搽完白花油就入左房訓, 一路訓到 6 點幾先醒, 睇左一陣 J2 O既 白兔糖, 跟住沖涼, 再煮左粥食(見下圖)!!

食完睇下片咁, ... 突然間有人噤門鐘, 原來係住另一邊O既太太, 佢幫管理處拎張紙俾我, 原來話我有一袋野放左O係管理處幾日, 叫我快D去拎返, 麻煩哂呢位太太!! 不過因為我沖左涼, 所以唔想落街, 都係聽日先拎啦, 都唔爭在果一日啦!! 奇怪O既係我 24 號返黎時又冇人表示我有袋野呢!!

聽日都要出街, 因為要去買禮物俾 YUMIKO 呢!!

20121226-01.jpg

20121026-01.jpg 20121026-02.jpg 20121026-03.jpg

20121026-04.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/27

今朝起身睇下電視咁, 12 點令落左樓下拎返管處D郵件!! 真係好大袋!! 再返屋企睇多陣片, 1 點幾就出門口坐 MTR 去左將軍澳!!

先去換左 LOCCIATE, 再去左飲茶, 叫左幾樣野食, 食完就同太后去左 BODY SHOP, 因為想買野送俾 YUMIKO, 結果揀左一個波棒糖型O既潤唇膏, 好平呀, 有折, 而家 $155.X 咋, 連埋上次榮華一齊送俾 YUMIKO!!

然後我就去坐 692 去中環, 去左 IFC 拎之前O既禮物, 拎完就坐 MTR 去旺角, 其實本來打算去一去碼頭睇下城巴果架旅遊巴士, 不過落到 MTR 先記起(未入閘), 懶得行返轉頭!! ... 去到旺角O既 YOBUY 抽獎, 抽左 5 份, 結果: MASK 兩片, 雪花秀試下裝兩份, 驅蚊帶1條!!

然後去左信和快速行左一陣, 不過冇收穫!! 跟住就行左去坐巴士返歸喇, 仲要送車尾, 如果行快十秒我就上到車!! 冇計啦!! 唯有等!!

返到屋企又有一袋郵件!! 仲有 6 張成龍O既<十二生肖>換票証(門題係 ... 太后佢地都有 6 張, 佢地仲即刻去睇左添!!) ... 沖完涼煮左米線食, 食完又上下網咁!! 又睇下片咁!!

20121227-01.jpg 20121227-02.jpg 20121227-03.jpg

20121227-04.jpg 20121227-05.jpg 20121227-06.jpg

20121227-07.jpg 20121227-08.jpg 20121227-09.jpg

20121227-10.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/28

今朝 10 點幾起左身, 上左一陣網, 然後 12 點令出門口, 拎換票証同埋 IFC 咭片座俾 EDITH, 拎完俾佢就順便去買豬柳蛋 LUNCH!!

返屋企前仲順便去左圖書館拎左個座枱曆呢!! ... 返到屋企開餐, ... YUMIKO WHAT'S APP 左我, 佢 12 點幾就到左酒店 LU!! 好緊張, 希望聽日順利!! 跟住大掃除, ... 未夠兩點樓上個姨姨打黎叫我出電梯拎雜誌, 之但係我仆到出去架電梯走左, 唯有等!! 但撞到同層O既某個人, 嚇C我, 因為佢一個人爆笑, 跟住不停咁望住我, 我唯有扮睇佢唔到, 只希望架電梯快D到!! 一到我就拎返袋雜誌衝返入屋!!

然後沖完涼, 食下午茶再睇下片!!! ... 5 點幾入房睇埋谷原大哥套劇, 再睇 J2 O既<每日媽媽>, 跟住煮蕃茄粥食, 食完又睇下片咁!!

整左隻細細熊貓O係尋晚整O既 HAND CREAM 袋仔上面, 好可愛!!

20121228-01.jpg 20121228-02.jpg 20121228-03.jpg

20121228-04.jpg 20121228-05.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/29

今日好緊張呀, 因為 YUMIKO 同佢老公黎左香港旅行, 我今日就充當導遊!! 9 點起左身, 食左少少野, 再準備出門口!!

等左好耐先有巴士, 仲要開始落雨添, 唉, 乜個天咁對我架!!

比約定時間早左十分鐘左右到, 所以O係酒店大堂等左一陣!! 會合左佢地後, 再等佢地放返D手信上房先, 然後就開始今日行程喇!!

首先去左整印章, 原來好貴架!! 全店最平O既一種 -- $450, 所以佢地整左一個!! 話夜晚會直接送去酒店!!

然後去左飲茶, 佢地好想試下飲茶呢!! 叫左幾樣野, 食到佢老公飽到食唔落!! 比我想像中平好多!! ... 然後就坐 MTR 去左荃灣西, 睇佢老公想去O既 如心廣場, 飲茶時講左"小甜甜"O既故事佢地聽(日本電視節目冇講到O既部份), ... 去到睇左一陣, 行左一陣, 不過冇当行!! 再去左如心酒店O既 41 樓睇左一陣, 不過落緊雨, 所以唔太睇到出面個景!!

跟住就坐返 MTR 去左中環碼頭坐城巴果架"人力車觀光巴士", 但係落雨, 所以先去左 7-11 買雨衣, 都唔知仲唐c便利雨衣咁鬼貴!! 我諗住 $10 左右咋嘛, 點知 $19.9 一件!! TOTAL 買左 3 件!! ... 再去左觀光巴士車站, 又好彩個站長話我知唔洗買一日票($50), 話如果坐一個圈的話, 只係 $17.4, 所以選擇左 $17.4 坐一圈!! 仲要係因為落雨, 所以除左我地 3 個外, 只係得一個人一齊坐咋!! 亦好彩開車後就停左雨, 但D椅都濕哂, 所以照著住雨衣!! ... 都睇到好多野, 我都未坐過呢!! ... 佢地驚訝O既係會用竹黎搭棚!!

... 坐完一圈, 去左 IFC O既 APPLE, 本來佢老公想買 IPAD, 不過後黎冇買(雖然係平過日本少少), 跟住就坐 MTR 去左旺角O既女人街!!

開始人多喇, 去左行女人街, YUMIKO 買左個化粧袋, 仲要係由 $75 講價講到最後 $50, 算係我第一次講價!!

然後因為有少少肚餓, 所以就去左許留山食野, 佢地話睇旅遊書有寫要去食!! 本來我諗住我俾, 但係佢老公一野搶左張單去左俾錢, 多謝哂!!

然後帶左佢地去左朗豪O既 奇華 買手信, 雖然唔好食, 但係奇華D禮盒面靚D(阿虫O既畫)!! 再坐 MTR 去廟街!! 都係旅遊書寫住要去O既!!

我第一次去咋, 賣D O既同女人街差唔多!! 係多左好多睇相呀咁, 本來佢老公話不如好睇相, 因為果陣 7 點幾, 佢老公想睇 維港幻彩詠香江, 但係 YUMIKO 想睇相, 所以就選左一檔寫住識日文O既睇掌($200), 不過果個人O既日文真係嚇死人!! 完全聽唔明!! 所以有時我要叫佢講廣東話, 再由我講返文日文俾佢地知!! 但係講O既野其實係好平常O既野!! 我途中已經忍唔住笑!! ... 不過佢都講左成個鐘, $200 都算抵啦!!

睇完掌都 20:30, 幻彩詠香江 已經完左, 冇計啦, 唯有去食飯, 坐 MTR 返尖沙咀新港中心O既 鼎泰豐, 真係幾多人, 9 成係遊客!! 等左差唔多 1 個鐘先有位!! 因為難得黎香港玩, 梗係食好D!! 鼎泰豐 又咁出名!!

叫左幾樣野食, 傾到 11 點幾就埋單走, 佢老公又搶住俾, 真係唔好意思!! ... 陪佢地行返酒店, 又開始落雨!! 佢地問我今朝去果間酒樓O係邊, 教左佢地去之後, 帶佢地返酒店!! 再幫佢地問係咪個印章已經送左黎, 點知問第一個 STAFF(女仔), 態度超差, 仲要勁啤我, 我本來想鬧佢, 不過見 YUMIKO 佢地O係度就費事, 我只係啤返佢轉頭!! ... 問另一個 STAFF 查到已經送左黎, 同埋放左入房, 我地 3 個呆左, 點解會放入房架呢?! ... 然後同佢地話別!!

我行返去坐 MTR 返屋企, 返到屋企 00:40, WHAT'S APP 左 YUMIKO 報平安後, 沖涼!! 然後就發現電腦大哥又發脾氣, 開唔到 ... 咁夜求救唔到, 唯有用手機 CHECK 下 FACEBOOK 同 EMAIL, 再影埋 YUMIKO 送俾我O既手信之後, 就入左房!!

今日雖然好攰, 但係好開心!! 講左好多日文, 見佢地亦都好滿足咁!! ... 雖然落雨, 同埋我有少少路痴, 但整體黎講係好順利O既!! 係失敗在佢老公話去找換店換港元時, 我一時醒唔起找換店個價好唔抵, 結果一萬日元換後 700 幾蚊咋!! 如果我早少少醒起的話, 我換俾佢抵好多嘛!! 只可惜我真係諗唔起找換店係同銀行好唔同呢 ...!!

20121229-01.jpg 20121229-02.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/30

因為尋晚電腦開唔到, 所以就入左房睇 小新, 但又因為太攰, 睇左一陣就訓著左都唔知!! 一直訓到今朝 9 點幾醒左一醒, 再訓到十點幾收到 YUMIKO 個 WHAT'S APP 話佢地尋日好開心, 好多謝我, 同埋話今朝去左尋日去O既酒樓食早餐!! ... 因為尋日講左一日日文, 真係發夢都勁講日文呢!!

11 點幾煮左個米粉食, 跟住皇上出黎幫我整部電腦, 原來係 RAM DIRTY, 好彩好彩!!

整到 2 點幾, 同皇上一齊坐巴士返"別墅", 過左一陣再同太后落左去麥當當食野, 再去吉之島買野!!

夜晚打邊爐, 正!! 食完大約 8 點幾就坐巴士返歸, 等左好耐先有車呢!!

返到屋企沖完涼, 再洗下衫!! 上下網咁!!

聽日要返工 LU!!

20121230-01.jpg 20121230-02.jpg 20121230-03.jpg

20121230-04.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回


2012/12/31

今朝返早, 所以 8 點幾起身, 凍左好多呀, 6 度咋!! ... 所以用左好大氣力先起到身!! 食左條朱古力麥條後, 夠鐘就出門口返工!!

等左一陣先有巴士, ... 返到公司就開始工作!! ... 做到 LUNCH 就開始 LUNCH PARTY!! 好多野食, 食住咁傾下計, 仲有兩個舊同事返黎一齊食, 真係好開心!! ...

LUNCH 後繼續工作!! 一直做到 6 點左右鎖門, 然後再準備放工!! 再拎左D買多左O既野返屋企食!! ...

等左一陣先有車!! 落車時明明噤左鐘, 但係個司機專登唔開門, 我勁大聲咁叫左 3/4 次都冇反應, 仲要好明顯佢O係倒後鏡見到我要落車, 佢都冇反應!! 跟住我行埋幾步再大聲講"司機, 有落呀!! 有落呀有落呀!!", 其實真係有少少嬲, 嶋モ思呀?? 心理有事唔鍾意有人落車呀!!

收到兩張麥當當 COUPON (淘 CASH 換O既)!! 返到屋企放D野入雪櫃, 再沖涼, 然後就開餐, 正!! 估唔到 爭鮮 D壽司都 OK 喎!! ...

跟住就係睇下片, 上下網!! 睇 JOHNNY'S COUNTDOWN, 跟住再 COUNTDOWN (香港), 再黎個啤酒+西餅宵夜!!

2012年回顧:

呢一年有好多新體驗, 例如:
- 換左智能手機啦
- AKB 迷你握手會啦
- 第一次去蟹道樂等等地方食野 ...
- HEY SAY JUMP 演唱會 (仲好好彩有人俾飛睇多半場)
- 搬 OFFICE
- 識到一D新朋友
- 睇左十幾套戲(都係免費O既)
- 帶日本朋友遊香港
- 人生考驗 ... ... 等等!!

雖然有唔開心O既事, 但係咁先係人生呢~!

今年運氣亦都好好, 抽中左好多獎, 雖然有少少係因為我今年勁參加抽獎O既緣故

仲有好多好多講都講唔哂!! 整體黎講真係唔錯O既一年!!

希望2013年更加好!!



2013年O既目標 :

- 首先一定要身體健康!
- 去日本(好多次), 亦想試下一個人去旅行
- 去睇 CONCERT, 我今年一定要去睇 KINKI ... 如果睇到 ARASHI 就更理想!!
- 考 N1, 雖然已經 1 級合格, 但一直想睇下新制係會出当竭
- 中六合彩, 因為現今O既香港, 要中六合彩先至可以有真正"生活"
- 用說話向身邊O既人表達感謝, 習慣左"心照", 但可能一句簡單O既話, 就可以改變好多野(係咪好深奧??)
- 要多D攪朋友聚會, 因為要活在當下!!

其實仲有好多好多, 總括一句: 唔一定要比2012年好, 但都希望唔會比2012年差!!!

20121231-01.jpg 20121231-02.jpg 20121231-03.jpg

20121231-04.jpg 20121231-05.jpg 20121231-06.jpg

20121231-07.jpg 20121231-08.jpg

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪

返回







我的出售物品:http://atynpanda.web.fc2.com/ inserted by FC2 system