今朝 11 點幾醒左, 到 12 點幾叮左飯食, 1 點幾就開始今日O既節目 -- 一個人遊香港!!
先坐 MTR 去左 葵芳, 因為要去拎 HONG KONG WALKER 抽中O既禮物, 目的地好易搵咋, 個 OFFICE 好靚, 個 STAFF 好 NICE!!
跟住就行下 新都會廣場, 好多年冇行過, 好多年前成日都行架, 食左杯抺茶雪糕(多謝 EDITH O既 COUPON!!)!! 再週圍影下相咁!!
行到咁上下就坐 MTR 去左 荃灣, 因為好耐冇行過荃灣, 又黎到呢頭, 不如去埋啦!! ... 荃新天地好鬼遠呀!! 而且 ... 真係冇野行!!
行到 5 點左右就坐 MTR 去左 灣仔, 因為好想要 DISNEY CHANNEL 派果把<飛哥與發仔>O既扇, 今日架車會O係 灣仔電腦城, 所以掂都係,
就過左去喇!!
可惜去到我兜左廿分鐘都唔見架車, 亦唔見有人派野, 因為佢派到 6 點, 所以唯有失望而回, 等摘日重賽啦!!
坐 MTR 去旺角, 因為要幫皇上拎之前團購買O既 USB, 油麻地落車, 好快去到 百寶利中心!! ... 本來係要粉紅色架, 但係佢話由於 USB 出廠量 CUT 左好多(話本來1憶變左3千萬),
所以所有牌子都冇哂其它色, 只有K色!! 加上其實我地個團購係第二批, 所以之前第一批的話, 可以有返其它色, 我地第二批就只能夠有果 3 個選擇!!
排我之前有兩位女仕已經好興咁鬧左果個 STAFF 好耐, STAFF 話佢地都係尋晚先知道, 所以而家有以下選擇:
1) 要K色, 另外加送 $10 麥當 COUPON
2) 立即退返現金
3) 等到 9 月, 睇下下一批貨有冇其它色, 但唔保証!
排最前果位女仕講左好多野, 攪到個 STAFF 最後話:"如果呢 3 個選擇都滿足唔到你的話, 其實你可以報警或者去消委會度告我地!!", 其實我一聽到佢話要K色送 $10 COUPON,
我真係想"LUR"飯應, 老實講丫, USB 本身已經平, 家下仲平多 $10 喎, 同埋 USB 盗F都冇棟活呢, 最緊要係夠容量咋嘛!!! 但我都要打俾皇上問一聲O既!! ... 結果梗係要K色+$10 COUPON 啦!!
再去左行信和, 講你都唔信呀, 竟然冇收穫喎, 但係就見到 9 月會出 "平安祈願" DVD, 正!!
再去左朗豪坊換 SAMPLE, 再坐 MTR 去 鑽石山, 因為想去睇 彎彎 展!!
一去到 荷里活廣場 就換左本日第二杯雪糕 -- 比利時朱古力(再次多謝 EDITH COUPON), 再一邊食一邊行, 可惜 ... 真係冇野行!! 所以坐低食下雪糕休息下!! 再睇 彎彎 展,
再次可惜, 因為太少野睇喇, 只係得一隻大公仔, 所以匆匆影完相, 再自拍一下, 跟住就返 九龍灣 喇!!
唔係講笑, 反而コ福多野睇過今日行過O既咁多個商場!! 又係影下相咁!! 再去埋 淘大, 行左一陣, 原來間扭蛋店執左喎!! 因為真係太耐冇行呢!!
原來行行下都 9 點幾, 所以決定睇下有灯ヵヤ屋企 DINNER!! ... 尋晚醒起自己有 FRU:YO FACTORY $60 COUPON, 又唔知點解突然好鬼靚佢會執笠喎, 所以決定去食左佢喇!!
呢間店我第一次入架咋, 所以都唔知食桃D, 本來諗住只係食 YOGURT, 點知原來好多野食架喎, 睇左一大輪!! 決定要衝破自己, 我要食 牛~角~包~!! 亦都諗左好耐,
最終要左 1 個 白汁吞拿魚($36) & 1個 朱古力($26) [連飲品: 橙汁 & 苿莉穀ゾ, 夾埋 $62, 用完 COUPON 只需補 $2, 真係抵食(多謝 淘大 FACEBOOK COUPON)!!
返到屋企沖完涼就開餐, 再一邊同太后傾左差唔多兩個鐘電話, , 不過食左個朱古力牛角包後就好夠, 所以個吞拿魚留返聽日先食啦!!
然後上下網咁!! ...
今日總結: 原來一個人行街街, 真係感覺良好!! 或者就係"成長"O既証據!!! ... 我可唔可以都出返本"一個人行街街"??!!
葵芳:
荃灣:
荷里活廣場:
コ福:
晚餐:
戰利品:
迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪ |