今朝 10 點幾起身, 食左一塊多士, 再約左皇上O係 MTR 等, 因為拎返個喼俾佢去退錢!!

俾完個喼皇上就返工喇!! 做到 LUNCH 就整左個"大將炒麵"食(見圖1), 我專登拎返返公司食架呢!!

下晝小粉團又黎左呀, 仲好多野講添(見圖2~16), 真係好得意!!

SCAN 譜 SCAN 到 未夠 4 點就走人, 因為約左個買家O係旺角交收, 去到打俾個買家, 好快就交收成功!! 太好喇!! 我終於賣哂Ｄ飛喇!! 真係好開心!!! 有覺好訓喇!! 可以專心 PLAN 行程喇!!! YEAH!!

然後坐 MTR 去左寶琳, 因為約左皇上同太后去千色店睇喼, 5 點幾去到, 但千色店竟然冇喼賣喎, 話因為裝修緊, 要 4 月先有!! 所以行左一陣, 再坐 MTR 返 吉之島 睇!! ...

O係 吉之島 見到個幾正, 有 4 個碌O既, 同埋係輕身料, 望落去起碼冇尋日果個咁兒嬉!! 因為聽日感謝日, 所以聽日先去買!!

再週圍行下, 6 點幾去左 海港 食飯, 叫左幾樣野(見圖17~20), 食到 7 點幾又去行左一陣, 然後去左美心換西餅食(見圖21), 然後就坐 MTR 返歸喇!!

返到屋企沖完涼就上下網咁, 時間越黎越唔夠用!!













迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

我估係因為尋日賣哂 HSJ Ｄ飛, 所以我先有覺好訓, 今朝起身真係唔算太辛苦!!

今朝 8 點幾起左身, 食左蛋撻+一件西餅做早餐!! 夠鐘就返工!! 測試到個 WIFI 原來一出電梯口已經收唔到呢!!

返到公司休息左一陣, 跟住就開始今日工作 -- 分下收據/入下租金 ... 跟住等放 LUNCH!!

返屋企食左米粉(見圖1), 跟住又上下網咁, 夠鐘又返工!! 幫另一個同事分傳單同埋 POSTER, 幸好都幾順利, 做到 5 點左右攪掂, 跟住又幫佢對下學校資料, 對到 18:30 , 對眼好累, 所以先放工, 下星期繼續!!

返到屋企沖完涼準備晚餐, 本來諗住食蕃茄烏冬, 但係又見剩返幾塊麥包, 所以食左多士+菜味噌湯(見圖2), 食完又係宅女四步曲!!

行程仲未著手攪, 但真係要攪!! 但又無從入手喎, 我都唔知點解當年我咁勁可以幾日內編到個 5 天行程出黎!!

再用 WHAT'S APP 同 LISA & 亞倫 傾左好耐!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝訓到 11 點幾, 都唔知天氣熱定涼!!

煮左意粉食(見圖1), 然後就睇下片咁, 因為實在太多野未睇, 又實在太多野要睇!!

睇左一陣片, 突然間有危機感, 因為真係要設計行程, 所以就拒絕一切O既誘惑, 專心設計行程 ... 不過都仲未攪掂, 因為時間好充足, 可以再去多少少景點!! 我要加油!!

設計到 6 點幾, 沖完涼就煮左個 西芹椰菜蕃茄烏冬(見圖2), 真係太好味喇!! ... 食完繼續編行程, 都係未攪掂!!

再睇下片, 宅女四步曲下咁!!

唔經唔覺又 3 點幾, 但仲未想訓住呢!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝明明 10:30 鬧鐘響, 但係再睜開眼已經 12 點, 所以就煮埋個麵食埋先返工(見圖1), 結果 1 點先返到公司, 開始 SCAN 譜!!

努力咁 SCAN 到 16:45 走人, 因為約左太后行吉之島!! 坐 MTR!!

去美心買左隻雞先行街街, 跟住返"別墅"坐下, 再 DINNER (見圖2), 跟住就係試用新喼喇(見圖3), 裝左 12 KG 左右試拎返屋企!!

選左去坐 MTR, 因為諗起, 其實 MTR 條路舒服少少, 一直好順利!! 而且完全唔辛苦, 因為個喼有 4 個碌, 而且真係好易拖!! 順利半小時內返到屋企!!

沖完涼又執下野, 宅女四步曲下咁!!

BY THE WAY, 多謝 AUNT WINNIE 送左兩隻熊貓俾我(見圖4), 多謝哂!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝訓到 11 點幾, 上左一陣網, 食左個朱古力撻(見圖1), 再睇左尋晚O既＜中井正広のブラックバラエティ＞, 竟然有哭O既衝動, 因為我愛上O既男人實在太美好!!

1 點幾出門口, 坐 MTR 去將軍澳, 2 點正O係 MTR 等埋珍姨, 一齊行去酒樓, 皇上同太后已經到左, 叫左幾樣野食(見圖2~9), 食完行左一陣, 皇上同太后就去左睇中醫, 我同珍姨行下咁, 不過其實都冇�桃s, 未夠 4 點送左珍姨上車後, 我返"別墅"!! 皇上換左個惠康鑊返黎(見圖10)!!

上下網, 玩下手機咁, ... 6 點幾落左去海港食飯, 叫左幾樣野(見圖11~15), 食完再行左一陣, 我先坐 MTR 返歸!!

返到屋企沖完涼, 宅女四步曲下, 我發現時間真係太唔夠用!! 睇我未整理O既日記就知, 唔經唔覺又有成 3 星期未整!!

BY THE WAY, 珍姨送左兩樣野俾我地(見圖16~17), 多謝哂!!

本來諗住繼續 PLAN 下行程, 不過我想睇下片多Ｄ!! ... 其實呢幾日要 PLAN 好架喇, 因為仲要 PRINT 定Ｄ資料/地圖呀咁!!











迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝 11 點幾醒左, 因為樓上裝修好嘈好嘈!! .. 煮左個烏冬當 LUNCH (見圖1)!!

夠鐘就返工, 幫個同事繼續 CHECK 學校資料!! 小粉團又黎左呀, 今日好多野講, 有少少曳, 但又好開心, 因為一黎就衝埋黎"痴"住我, 要同我一齊畫野(見圖2~6), 攪到我好想生返個女!! ... CHECK 到 5 點左右又做其它野, ... 17:45 變身坐館, 本來話冇野要做, 但又突然有喎, 整理下分紙, 同埋打電話通知某幾班後日停課, 好彩個同事幫忙打左少少, THANK YOU!! ... 再傾下計咁, 落哂堂就去鎖門, 夠鐘就閃人!!

返到屋企煮雲吞+味噌湯, 不過原來唔記得影相, 因為其實今日有少少火, 尋晚好好地同某朋友傾 PLURK, 點知無 LALA 唔知邊句令佢不滿又"R"哂頭咁不歡而散, 到今朝我睇到佢O係微博同 PLURK 寫O既野, 我真係火都黎埋, 再係咁落去東京行實嗌交收場, 所以我又要將個問題放上枱傾, 結果真係唔知佢仲��咁諗, 我已經無力了, 對方話要每一句都解釋詳細Ｄ, 唔好令佢自己亂諗引起誤會, 傾傾下, 我只係話因為我認同小S之前講"不要評論別人的人生", 所以選擇好多時聽到同自己唔同O既意見時, 只會加以自我分析就算, 唔想變城市論壇, 但係對方又話我寸佢評論我人生, 真係好耐未試過咁扯火, 究竟係咪我中文表達能力差成咁?! ... 我都本住平常心, 我唔知我同佢之間發生左�梼�, 我只希望東京行平安渡過, 我唔想洗左 6 千蚊都仲要不歡而散囉!!

我亦唔知對方有冇睇我日記, 但係寫日記都係我本身O既感覺, ... 同埋我想講我真係好攰呀!! 我一日得 24 小時, 已經好多野要理, 我唔想再花咁多時間O係呢Ｄ事上面, 可能對方睇完呢句又解讀錯誤, 我真心覺得時間夠用, 我亦真係唔想�鞳ﾖ講每一粒字都要諗幾次會唔會令對方不快!!

人生苦短!! 活在當下!!





迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝因為天氣太潮濕, 又熱又落雨咁, 所以攪到 12 點幾先起到身, 所以食完野先返工(見圖1)!!

返工前去左平台交管理費, 點知交完想入返大閘時, 拍極咭都開唔到門喎, 點知一睇 ..."拍咭機待修, 請用密碼", 噢, 我的天!! 邊會記得密碼幾多號呀?? 但又冇計, 只好行去商場再落返地下, 再行返公司, 平時入左閘落返去公司都係 3 分鐘, 但係今日就行左差唔多十分鐘, 好彩冇遲到!!

返到去公司開始 SCAN 譜!! ... 多謝"盜墓者"幫我解決近日O既難題, ... 再做到 18:45 走人!! 因為肚餓喇, 又見 PK 佢地整多士食又冇預我咁, 所以走(笑)!!

返到屋企沖完涼一邊睇片一邊 DINNER (見圖2), 牛仔骨意粉真係正!!

跟住都係宅女四步曲, 仲未編好Ｄ行程, 好想叫救命!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝又係 12 點幾先醒到, 實在好累, 唔知點解!!

煮左烏冬食(見圖1), 夠鐘就返工!! 繼續 SCAN 譜!! 真係眼都花, 頭都暈!! 做做做 ... 一直做到 17:45 變身, 整理下分紙咁!!

多謝"盜墓者"O既朱古力曲奇(見圖2), 好好味!! 跟住都係開下門咁啦, 再同 PK 傾下計, 落哂堂就去鎖門!! 夠鐘就閃人!!

返到屋企沖完涼就整左意粉食(見圖3)!! 然後宅女四步曲!!

BY THE WAY, 我終於 REMOVE 左 AppLocale 喇, 呢個微軟軟件雖然可以解決程式亂碼問題, 但係缺點係佢會令到某D安裝程式安裝唔到, 上次安裝後一直都移除唔到, 就連程式本身O既移除同埋控制台O既"新�搴y移除"都冇佢乎!! 頭先終於忍唔住去左微軟件網不停咁搵方法, 結果俾我搵到一個叫"FIX IT"O既程式(下載點 http://support.microsoft.com/kb/2438651/zh-tw) 然後噤幾粒掣, 就移除左喇!! 實在太感動喇!!!!

再 BY THE WAY, 我報左名參加"活力日本"個日本常識問答比賽呀, 我其實係貪佢地Ｄ禮物!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝本來諗住返工, 但係 11 點幾先醒左一野, 再計下, 就算返工都係返得果一兩個鐘, 所以... 結果 12 點幾先真正起到身!!

食左兩件雪到硬哂O既西餅!! 然後出門口坐 MTR 去左將軍澳, 因為約左皇上太后同埋樓上個姨姨飲茶, 去到食好多野(見圖1~11), 食完行左一陣!!

返"別墅"上下網, 睇下片咁!! DINNER 好豐富(見圖12), 食完又坐左一陣, 8 點幾先走, 今日選擇坐 MTR "返歸", 感覺安全Ｄ同埋行得冇咁辛苦!!

仲順便去左拎 SAMPLE (見圖13)!! 返到屋企沖完涼, 上下網, 過左一陣樓上個姨姨噤門鐘, 所以跟左佢上去拎雜誌, 當然有清癖O既我, 返黎再沖多一次涼&換過哂Ｄ衫!!

突然好想睇戲, 所以一邊食餅仔(仲有粒熊貓餅, 見圖14), 一邊睇我好愛O既電影＜EVITA＞睇(見圖15~17), 真係好好睇!!











迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝訓到 12 點幾先醒, 因為尋晚好瘋狂咁睇劇睇到 4 點幾!!

LUNCH 食左餅啦, 跟住就睇下片, 同埋諗下個行程(見圖1), 不過真係太難計劃, 所以一路做到 6 點幾先沖涼, 跟住煮飯食(見圖2), 食完又繼續諗行程, 回過神黎已經就黎兩點!! 但仲未攪掂!! 其實冇�梼條ﾔ俾我再慢慢諗架喇!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今日係 3.11 一週年, 時間過得真係快, 希望日本繼續加油!!

今朝訓到 1 點幾先起身, 一開電腦, 惡夢又黎, 因為一開機, 部機不停咁"嗶嗶"聲, BOOT 極都係咁!! 所以唯有打俾皇上求救!!

等皇上黎O既時間求其食左餅仔當 LUNCH, ... 皇上黎到幫我拆開部電腦整呀整, 好彩好快攪掂!! 應該係 ... 潮濕?! THANK YOU!!

然後同皇上去左惠康, 買左 4 PACK(6人前) 壽桃牌扁烏冬 $14.9/PACK, 買滿 $40 麵類加 $12.9 換一包, 所以 4 PACK只係 $56.9, 抵!! 跟住我就返屋企, 皇上坐免費車返"別墅"!! ... 收到 GATSBY 寄黎O既禮物(見圖1)!!

返到屋企沖完涼就上下網, 睇下片, 諗下行程咁, 不過都仲係未掂!!

6 點幾煮左今日買O既烏冬食(見圖2), 都幾好味!! 食完又繼續計劃行程!! ... 一路諗到 1 點左右, 準備入房睇劇!!

聽日要返工, 要努力返工!! 加油!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝因為天�K�K咁, 所以又訓到 12 點幾先起到身, 所以煮左烏冬食(見圖1), 跟住先返工!!

落微微雨, 所以有少少涼涼地!! 開始 SCAN 譜工作, 嚇然見到又有一箱譜 SEND 左黎, 而家手上有 5 箱喇, 洗唔洗 SEND 得咁密呀??!! 我盡力啦唯有!!

一路做到 18:15 走人, 因為約左 KEN さんO係月台等, 因為前幾日皇上幫我O係 AM730 抽中左兩張音樂會飛, 但又好怪咁要拎埋份真O既 AM730 送飛果段廣告仔先可以去拎飛喎, 所以幾經辛苦先問下 KEN さん 個同事有, 所以麻煩佢俾我喇!! 多謝哂佢!! 同埋仲專登幫我諗下行程, 同埋借左本東京近郊交通圖俾我(見圖2), THANK YOU!!

跟住去左將軍澳, 約左皇上同太后食飯, 我仲先到過佢地, 叫左幾樣野食(見圖3~), 食完行左一陣超市, 買左麥包, YEAH!! 跟住坐 MTR"返歸"!!

返到屋企沖完涼又宅女四步曲下!!





迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝皇上去左 AM730 拎新城張飛(見圖1), 再次多謝 KEN さん 幫忙搵果張印花先拎到呢!!

食左幾塊多士先返工, 又係 SCAN 譜工作, ... 小粉團又黎左呀, 今日仲著得好型呀(見圖2~28)!! 原來佢尋日兩歲生日!! 重左好多呀, 我抱左佢一陣都手軟!! 佢走左無幾耐, 清潔亞姐帶左小粉團個妹妹黎(見圖29~30), 好得意!!

跟住我好努力咁做到 18:45 先走人, 再去左街市買左蘋果($10, 4個), 再加兩包金��($8), 因為冇哂菜賣!!

返到屋企沖完涼煮左湯飯(見圖31), 跟住又睇下片, 同埋再編下Ｄ行程!!

















迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝又係訓到 12 點幾先知醒, 仲要好累!! WHY!! 食左幾塊多士跟住就返工!!

SCAN 譜, 真係好眼訓, 好眼花!! ... 一路做到 6 點幾就走喇!! 去街市買左薯仔($5, 8個)&蕃茄($5, 6個), 所以今晚煮蕃茄薯仔湯!!

返到屋企沖完涼就煮野食, 結果整除左蕃茄薯仔湯外, 仲有忌廉湯飯(見下圖), 正!!

日元換好哂又跌, 都已經分左 3 次換架啦, 過份!!

BY THE WAY, 突然收到個消息, 話 HEY SAY JUMP 下星期個演唱會改到 5 月尾!! 跟住聽到泰國同埋韓國場都取消左, 究竟發生�梼�???????!!!!!

今日係白色情人節呢!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝訓到 11 點幾, 跟住食左兩塊多士, 1 點幾出門口, 坐 MTR 去左將軍澳, 約左皇上同太后O係 海港 飲茶!! 食左好多野呢(見圖1~6), 飲完茶行左一陣, 跟住就返"別墅", 教太后玩 DRAW SOMETHING~

DINNER 好多野食(見圖7), 食完又坐左一陣先返歸!!

坐 MTR, 仲去左 MARKET PLACES 拎 NEEDS, 不過真係太好, 唔洗行到 PIAGO 咁遠, 正!!

返到屋企沖完涼, 上下網, 玩下 GAME 咁!! ... 收到 活力日本 O既常識問答比賽確認, 我竟然係 NO.001, 我要努力!! 向禮物進發!!

發現我去日本果幾日, TSUYO 有 EVENT, 可惜我冇日本手機抽唔到, ... 更天意O既係, 小兔抽到 4 場, 可以買到 4 隻場內限定(多出左 3 隻可以賣俾人), 我又遲左排隊, 天意!!

但願我去日本時, 行行下街, 俾我見到 TSUYO 就好喇!! 希望在東京!!





迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝返早, 但真係訓到 9 點先起到身, 所以又拿拿聲咁食左兩塊多士!!

返工冇�祷�, 因為星期五O既早上真係比較清��!! ... 臨 LUNCH 前夾左幾十張通告咁!!

LUNCH 返屋企煮左烏冬(見圖1), 食完返工 SCAN 譜!! ... 一路做到 5 點幾就走, 因為聽日返全日, 所以返屋企休息下咁!!

返到屋企沖完涼, 又煮左蕃茄薯仔湯飯(見圖2), 跟住上下網, 宅女四步曲一下咁, 再整理行程(因為想拎返去 PRINT)!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝好辛苦咁 8 點起左身, 勁快食左兩塊多士就返工!!

開下門, 鎖下門, 整理下分紙, 分下收據, 蓋下印咁!! 跟住就好努力咁整"東京行"O既小冊子!!

LUNCH 返屋企整湯飯食(見圖1), 跟住夠鐘又返工, 繼續"東京行"小冊子, 經過一番努力, 終於完戶左(見圖2), 好有滿足感!! 其實仲整左一本"開支表"(見圖3), 我仲想整埋本日記簿, 不過未有時間整!!

鎖好門, 一夠鐘就走人, 返到屋企沖完涼煮野食, 都係係湯飯(見圖4), 然後就係不停咁睇片, 再同 變態 & 低能 傾下 WHAT'S APP 咁!!

唔經唔覺就兩點幾喇, 其實唔太舒服, 可能食得太多金��, 又或者氣壓問題 ...



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝又係好好訓, 差唔多 12 點先起到身, 所以 12:30 返工!!

繼續 SCAN 譜工作, ... CIRRUS 請我食左粒 沖繩�K糖糖(見圖1), 多謝哂!!

做到 17:30 走人!! 返屋企沖完涼, 煮左雞翼烏冬(見圖2)!!

跟住就係宅女四步曲!!

聽日放自己假!! YEAH!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝訓到 11 點幾, 跟住食左幾塊餅, 1 點幾出門口坐 MTR 去左將軍澳同皇上太后飲茶!!

不過今日唔知仲�唐c野勁耐都唔黎, 由兩點幾等到 3 點先有點心黎(見圖1~), 真係餓死人, ...

食完就同太后行下街!! 去左新都城, 買左少少零食, 行到 5 點左右返到將軍澳, 去左美心買左隻雞做晚餐!!

再去左 新世界, 因為決定轉台, 佢地有個 PLAN 係 $72/月, 1700分鐘通話, 流動數據任用!! 皇上話襯住今日去攪, 咁樣就可以去日本前攪掂, 咁樣就可以去機場時有得玩, 唔洗咁悶!! 仲送左兩張戲飛同埋一張咭可以租兩隻 DVD(見圖)!!

返到"別墅"睇下電視, 上下網咁, DINNER 有炒河&雞(見圖), 食完又坐左一陣, 8 點左右先走人, 坐 MTR 返歸!!

返黎沖完涼就上下網, 宅女四步曲咁啦!!

個胃依然有少少唔太自然, 究竟係咪Ｄ金�枕�怪呢??!!!





迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝訓到 12 點左右啦, 再叮飯食, 點知 ... 一野就打爛左隻碟仔, 仲要係幾常用O既!! ... 食完飯夠鐘就返工!!

今日幫個同事寄信(PRINT LABEL, 加貼膠紙, 去郵局), 再做左幾個名牌咁, 做到夠鐘就變身, 都冇�当�做, 打左幾個電話通知聽日停課, 跟住就同個同事傾下計咁!! ... 夠鐘就鎖門等放工!!

返到屋企沖完涼就叮返尋晚O既河粉食, 然後睇到微博發現 赤板 同埋 涉谷 有野睇喎(都係有關 SHO), 所以就立即改行程, 經過一番努力, 總算攪掂左, 希望一切順利同埋拎到好多 DM 啦(笑)!! 因為改左行程, 聽日要再次善用公司資源!!

話時話, 我未開始執行李 ...!! 同埋我諗緊好唔好整Ｄ野送俾 桂花樓~

BY THE WAY, 睇左一晚 ATV WORLD, 就係為左睇 GACKT, 可惜太短喇!!

今日係珍姨生日, 祝佢生日快樂!!



迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝訓醒食埋烏冬食埋先返工(見圖1)!!

因為改過個行程, 所以再 PRINT 過本野(見圖2), ... 繼續 SCAN 譜!! SCAN 到 5 點幾走人, 因為想執下行李!!

返到屋企沖完涼吸埋塵, 再煮意粉食(見圖3), 然後將要帶去旅行O既細件野開始拎左出枱面先!!

然後開始整個戟絨公仔, 諗住去桂花樓果日送俾 相葉媽媽 O既, 經過幾個鐘O既努力, 整左個公仔出黎(見圖4~6), 但其實想加埋對手, 只係我覺得加左可能會好肉酸, 所以暫時咁樣啦!!





迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝依舊係訓到 11 點幾 12 點先起身, 食完野先返工!!

繼續 SCAN 譜, SCAN 到 5 點幾走人, 坐 MTR 去左將軍澳, 會合皇上同太后, 去左海港食飯, 因為今日係佢地O既 結婚紀念日呢!! 好豐富(見圖)!!

食到 7 點幾走人, 再行左一陣, 臨返歸前去左鴻福堂換左一個龜龜膏, 再坐 MTR 返屋企!!

返到屋企沖完涼就上下網, 玩下 GAME 咁!! 再食埋個龜龜膏(見圖)

聽日返早, 跟住下晝去參加"活力日本 - 常識問答比賽", 我要加油!! 希望贏到多Ｄ禮物返黎啦!!





迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝返早, 所以好努力咁 9 點起身, 再食左少少餅就返工!!

今日工作係整理下分紙, 其它都冇�涛ﾁ別!! ... 到 LUNCH 返左屋企!!

煮左個意粉食(見圖1), 大約 13:40 出門口, 去左�ｺ福坐免費車去左九展, 因為要去參加"活力日本常識問答比賽", 點知去到問左十幾個 STAFF 都冇人知報到處O係邊, 又等左廿幾分鐘先有人知, 原來唔洗報到, 就咁坐O係度等, ... 等候其間睇左 茶道(見圖2~10), ... 然後終於都開始常識問答比賽(見圖11~12), 早知就唔一早報名啦, 原來係即場話參加就參加!!

頭十名先有禮物!! 15 題裡面我錯左 4 題!! 好好運咁剛剛好第十名, 仲有得上台領獎添, 上到台見到隔離第 9 名果個女仔 ... OH!! 原來係上次 SHO 慶生嵐飯聚會時其中一個!! 傾左幾句!! 領完獎後返台下坐下先(參加獎見圖13, 第十名獎見圖14~15)!!

當我好努力咁連緊個 WIFI 時, 突然間有個男仔坐O係我前面, 再突然同我講野喎!! "竺小姐你好呀!!", 我就滿頭問號啦, 勁諗呢個係邊個黎!! 跟住佢俾張咭片我話: "我俾左張咭片你, 睇下你記唔記得我先?!", 我望下個名好熟喎....但係邊度聽過呢?!

然後佢話: "其實我應該係十年前同你O係 ICQ 識果個 BEN 呀, 記唔記得我呀?? 你果陣介紹左XX俾我, 跟住我同佢一齊睇陳奕迅演唱會!!"

"叮"!! 記得喇!!!!!!!! 因為我係佢地O既愛神黎架, 後黎佢地拍左幾年拖, 後黎分開左~~ 亦都隨住冇玩 ICQ 而冇再同佢地傾!!

佢話: "頭先我O係台下面睇, 聽到你個名喎, 我好記得你個姓架, 所以決定一定要同你招呼!!", 能夠重遇真係好開心(見圖16)!! 世界真係細!!!!! 竟然O係同一個場合, 前後 5 分鐘裡面撞到兩個人!!

跟住打俾個同事, 佢話都要 5 點幾先黎到, 當時 4 點左右啦, 所以決定返一返屋企休息下, 放低Ｄ野先!!

5 點幾再出發, 去左�ｺ福行左一陣商務(見圖17~23), 再會合埋同事後再一齊坐免費車去九展行展覽喇!!

其實比想像中少野睇, 我地都係行左一個圈, 跟住就坐低睇表演喇, 睇左 花道 同埋 TAKESHI SATO LIVE PAINT, 另外都有去拎下Ｄ小冊子咁, 仲有壽司食添(見圖24~46), 睇到大約 8 點幾就走人!! 一路上仲撞到兩個同事放工添!!

返到屋企沖完涼, 影下今日拎O既紀念品(見圖47~48), 其實比想像中少, 再煮左米粉食(見圖49), 食完上下網咁!!

聽日或者同太后去睇下"活力日本", 等我再參加常識問答比賽先, 因為今日話可以再參加, 因為Ｄ題目唔同架呢!! ... 我想要第二名果支筆呀, 好靚呀!!



























迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝訓到 11 點左右, 再煮左米粉食(見圖1), 跟住大約 1 點幾就出發, 因為約左太后去"活力日本"!!

會合左後就睇展覽喇(見圖2~17), 其實尋日都冇細心咁睇呢!! 睇到 3 點左右又再次參加常識問答比賽, 今日Ｄ題目好深呀, 同埋果然係競爭左左好多, 就算加到 15 人有獎都冇我份, ... 跟住再睇左一陣, 玩下Ｄ大會攪O既小遊戲, 大約 5 點左右走人, 坐巴士返"別墅"!!

BY THE WAY, 我好水皮, 竟然唔知點樣噤個手機用流動數據上網, 明明之前問過人話係自動架嘛, 但係我又真係上唔到喎!!

返到"別墅", 影下今日O既戰利品(見圖18), 皇上打去 HOTLINE 問點用流動數據上網, 但果個人 CHECK 完話聽日先開通, 明明尋晚就打到電話啦!! 跟住皇上亂噤下咁, 又噤到喇喎, 你話係咪好怪呢!!

晚餐去左食 BURGER KING(見圖19), 行左一陣, 換埋個龜龜膏就坐 MTR "返歸"!!

返到屋企沖完涼, 開始宅女 4 步曲!! 再食埋個龜龜膏(見圖20)!!

其實我真係要開始執行李 ...!!











迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

尋晚整左隻飄虫, 諗住送俾 RIE(見圖1~2)!!

本來諗住早Ｄ起身, 但係結果都係 11 點先醒, 11:45 返到公司 SCAN 譜!! LUNCH 又係 大將炒麵(見圖3), 1415 走人, 因為諗住去"活力日本"睇下 合氣道, 點知等免費車, 去到已經完左!! 所以就坐低等參加常識問答比賽, 今日Ｄ題目都幾難, 所以都係只有參加獎!! 我估真係冇�盗l睇果個 麻生夏子 O既 SHOW, 所以現場派飛, 我都拎左一張(見圖4)!!

行下展覽, 今日比尋日多野睇咁, 行左一陣就見到 RIE 到左喇, 我其實今日黎都係想同佢影下相, 影到喇, 仲送左隻飄虫俾佢呢 ... 跟住又睇下其它野(見圖4~42), ... 行到 4 點幾就上左 3/F 演講廳等睇 麻生夏子, 好多宅男, 好震憾, 其實 ... 佢地睇唔睇到佢唱歌架(見圖43~48)?!

完 SHOW 後再落返去睇下有�燈\演, 又見到 RIE, 佢換左另一套制服, 所以我又排隊同佢影相(見圖49~65)!!

臨走時見到兩個 COSPLAYER O既攝影會, 所以我都睇下熱鬧, 仲問左佢經理人拎左張相添, 不過因為宅男太勁, 佢地簽左一陣名影左一陣就走左, 所以我拎唔到簽名(笑)(見圖66~73)!!

另外我發現原來我前兩日黎都冇認真咁睇過Ｄ展品(見圖74~77)!! 8 點左右坐免費車"返歸"!!

今日戰利品都 OK 呀(見圖78), BY THE WAY, CHOCOLA BB 我終於拎到, 因為佢要即場 LIKE 佢地個臉書, 尋日我攪唔掂個網呢!!

沖完涼就煮米粉食(見圖79), 跟住上下網咁, ... 但係 ... 真係要執行李喇! 所以執行李大行動正式開始!!

BY THE WAY, 前田敦子竟然快將卒業, 咁 ... 麻煩聽日同後日俾我換飛, 俾我入場睇!!! PLEASE!!









































迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

今朝 9 點幾起身, 差唔多就出門口, 約左亞怡O係 MTR 等, 再一齊坐免費車去左九展, 因為要去換飛睇今日O既 SHOW 呢!!

去到九展都係 10:45, 已經有成 100 人排緊隊拎 AKB48 Ｄ飛(之前登記好), 所以立即排, 都唔算等左好耐, 亦都好順利咁拎到飛, 我真係好驚佢唔肯俾我換架(因為我雙重登記左), 拎完 AKB48 飛後朋友走先, 因為佢要返工, 我就再去換埋 きゃりーぱみゅぱみゅ O既飛(見圖1), 跟住我就返左屋企!!

返到去煮左個烏冬食(見圖2), 點知太后話不如飲下午茶, 所以 1 點幾就出門口 ... 但係事情就發生喇!! --- 咁多年都未試過唔記得拎鎖匙架, 但當度大門關上嘅同時, 我發現我掛住拎袋垃圾, 但係鎖匙訓左o係多士爐隔離, 度門又唔知點解咁乖自動鎖左喎, 所以立即打俾皇上請佢拎埋條鎖匙去飲茶!! 真係好失敗!!

去到酒樓, 叫左幾樣野食(見圖3~6), 跟住同太后行左一陣, 4 點幾我坐 MTR 再轉免費車去九展, 車上仲教 LISA 點用支付寶, 唔知佢成功未呢?!

去到早左少少上 3/F 等入場, 終於入到場喇, 可惜張飛俾果個粗心大意O既 STAFF 撕爛左 ... 呢張飛就算啦, 如果係 KINKI 或者 嵐 的話, 真係同佢死過(笑!!), 第 3 行呀(見圖7~8), 好近呀!! 等左一陣就開場喇!! 不過Ｄ FANS 唔太熱情咁, 全程坐低, 攪到我唔敢影相添!! 估唔到好好睇喎, 睇得好開心!!

睇完落返 1/F, 咁 ARM 表演緊"鬼太鼓座"(見圖9~28), 真係好好睇, 好勁好震憾!! 睇到最後唔知點解好感動, 有喊O既衝動!! 呢Ｄ可能就係音樂O既神奇之處!! 從佢地O既表演裡面, 我感受到 --- 遇到困難唔好怕, 要前進!!

睇完 6 點幾, 會合返亞怡, 去左 7-11 買左個三文治&檸檬茶食(見圖29), 一邊食一邊行左個圈, 不過依然冇�乍ﾇ!! 然後就等入場睇 AKB48 喇!!

我地坐第 6 行, 不過就有少少側(見圖30~32), 然後佢地唱左 3 首歌, 講左一陣野咁(見圖33~36, 本來話唔俾影相, 但其實個情況已經無法控制, 連 STAFF 都廢事阻止喇), 然後就完左個 SHOW 喇!! 當大家唔肯走想 ENCORE 時, 主持突然間出現, 宣佈將會有握手會, 講左少少規則啦, 又好好彩地由我地果邊始上台握手(唔洗呆等咁耐嘛!!), 好快就上台, 仲要噴火酒清毒隻手, 跟住就同第一個握(好似係 仲川遥香), 同佢講左句"頑張ってください！！", 跟住就係 前田敦子, 由於 3 個我只識佢, 所以我同佢講"頑張ってください！！大好きです！！！"(其實係 3 個裡面最鍾意咋!! AKB48 我最鍾意高橋南, 呵呵), 跟住就係 増田有華, 都係講左句"頑張ってください！！"!!

原來握手會係咁O既感覺架呢!! 真係好近, 前田敦子塊面好細呀!! ... 跟住就坐免費車返 MTR, 道別後"返歸"!!

沖完涼又執下行李咁, 其實我真係未試過到呢一刻都未執好行李架呢!! ...

其實我應該早Ｄ訓, 因為聽朝又係要去換飛同埋睇 SHOW, 聽日係"活力日本"最後一日! 另外希望可以幫補下旅費(笑)!!





















迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪

迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ！！♪