今朝訓到 10 點幾起身, 食左野, 再上下網, 12 點幾出門口, 因為約左兩個朋友 LUNCH 跟住睇 CONCERT!!
去左 PIAGO FOOD COURT 食(見圖1), 再行左一陣就排隊坐免費車去九展準備睇 HEY! SAY! JUMP!! 好多人排, 所以都排左一陣先上到車!!
到達後先去左買週邊, 但好多人排隊, 所以朋友托排頭位果位 FANS 撘單買, ... 差唔多就入場喇!!
好近好近呀, 第 3 行, 仲要係最近台果幾個位!! 多謝 BONNIE 搶到張咁正O既飛!! ... 差唔多全場我地都企左去最近台個欄果度,
佢地O係頭頂飛過, O係面前經過, ... 不過身邊太多唔守規O既人, 因為好多扇都舉到勁高, 根本睇唔到!! ... 完場前發現有人偷拍, BONNIE 用扇遮住果個人個鏡頭,
GOOD JOB!!
其實佢地今日唱D歌我大部份都唔識, 不過依然好 HIGH, 好好睇!! A.B.C-Z 比我預期多左好多演出, 而且依然係好 NICE!! ... 不過美中不足係我地位拎唔到彩帶!!
17:40 左右完場, 影下個台咁, 再去左 7-11 買野食, 我買左兩個忌廉賓同埋一支柚子茶, 坐低食左一個再飲左支野, 然後就休息左一陣,
到 7 點幾就開始O係入口附近睇下有冇平飛/派飛(因為有時賣飛賣唔去, 會有機會 STAFF 俾飛入去睇咁), 不過冇收穫, ... 會合埋兩位妹妹仔一齊等 ... 到開場都冇飛,
等呀等, 都冇結果喎, 問左個 STAFF 都話冇 ...
唯有企o係入口果度, 因為有人出入就聽到少少聲咁, ... 到等到 9 點幾, 諗住都冇架喇, 不如去食飯啦, ... 就o係呢個時候, 咁 ARM 有幾個人出黎,
係一位50幾歲o既亞叔+老婆+老婆婆 ... 咁佢地出黎話: 走喇! 我地就自己圍內細細聲講話: 如果可以換我地入去睇就好喇(再加少少羨慕眼神...)!!
跟住個亞叔可能聽到我地講野, 佢行過黎問: 你地冇飛? 我地: 係呀 ... 佢老婆立即話: 老公, 快D俾飛佢地睇!! ... 跟住個男人就o係褲袋拎左d飛出黎,
但佢得 4 張飛未用過, 但我地 5 個人 ... 俾左 4 張飛我地, 佢老婆俾多張已撕飛尾我地, 話: 俾埋佢地試下入唔入到啦, 入到就入, 等佢地搏下啦!!
匆匆道謝後, 立即衝入場, 雖然個位係尾 6/7 行到, 但唔洗錢就冇要求呢!! 反而個 VIEW 好正, 正過今朝果個位, 因為一望無際, 好 HIGH, 真係好開心!!
最最最開心O既係, 我地竟然拎到好多彩帶!! 所以坐後D其實都有好處!! ... 雖然 9 點幾先入到場, 但係都睇到差唔多 10:45, 所以有大半架!!
真係超好彩!!!!! 好感謝俾飛我地O既果家人, 亦好多謝我地企入口等時實Q哥哥們冇趕我地走!! 我地完場後D實Q哥哥仲同我地講野,真係第一次遇到D咁好O既實Q!!
好滿足好圓滿咁坐免費車返コ福, 去左麥當當食野, 我飲左杯檸茶咋!! 再傾差唔多 12 點先散!
返到屋企沖完涼, 就整理下D彩帶同埋相, 奇怪O既係明明睇完夜場完場後影左背後個 MON, 但竟然冇呢張相, 點解咁架呢(見圖2~20, 22)?!
跟住再食埋個包(見圖21), 咁就 3 點幾, 但係仲未眼訓 ...!!
迷宮ラブソング → ♪ たとえば誰かが君を惑わせ、迷宮に迷い込んでも、僕がきっとその手を強く引くよ!!♪ |