| 22/5/2000 |
|
夢見我同亞敬O係一個餐廳度食飯, 之後佢同我講: "我有野想同你講!", 之後我就答: "你唔洗講, 我一早就知!" |
| 24/5/2000 |
|
夢見唔知點解做左作曲家, 仲作左半首歌添, 之後我仲自己唱埋喎! 不過醒左之後就完全唔記得左首歌係點架喇! |
| 1/6/2000 |
|
夢見自已返緊一間新O既學校, 但係就成日俾同學蝦, 到左一個冇可再忍o既地步, 就話左俾一個亞 SIR 知,
點知果個亞 SIR 係廢O既, 同我講話冇方法, 叫我忍耐多五年就可以冇事! |
| 5/6/2000 |
|
夢見自己同一大班朋友竟然O係條走廊度上堂, 教我地O既就係我中五果陣O既英文老師, 但夢中唔係教英文喎,
反而係教中文, 點知上上下堂, 唔知點解我入左架 LIFT 度, 之後O既事唔係好記得喇! |
| 11/6/2000 |
|
夢見自己同幾個ＴＩ朋友O係茶樓飲完茶, 之後我就同其中一個朋友去左書店睇書, 行緊去書店O既途中,
見到亞敬O係對面馬路行過, 但係我O既心裡面有少少唔開心O既感覺, 我更同同行O既朋友講左一句: 算啦, 要搵O既唔洗等而家!
到達書店睇左一陣之後, 就去左四樓O既茶店飲野, 好得意地見到之前一齊飲茶O既朋友們O係地下果層仲飲緊茶!
無幾耐同伴收到一個電話, 只聽到佢講: 快Ｄ出現呀你, 女朋友係要人關心下先得架, 你咁等佢搵你呀, 一定唔掂呀,
快ｄ黎啦, 四樓呀! 未幾, 亞敬黎到, 仲同我講: 對唔住呀, 係我唔好, 以後o既日子我會好好咁對你, 信我丫! |
| 13/6/2000 |
|
夢見自己o係一間有韓國風味o既餐廳, 身穿韓國特色服裝, 冇 LALA 俾人請左出去跳舞, 出到到我又識點跳架喎,
O係個餐廳度週圍係咁跳係咁跳, 跳完之後仲講到一口流利韓文添! |
| 1/7/2000 |
|
夢到自己去左一個好靜O既地方, 藍天跟白雲! 突然自己講了一句: 生命真係要精彩, 真係要有意義!
然後唔知點解走左入一個噴水度行! |
| 8/7/2000 |
|
夢到去左一個好離奇O既地方, 果度只係有粉藍色存在, 雖然奇怪, 但感覺好自由! |
| 10/7/2000 |
|
夢到自己去左一個課室上"傳理"堂, 個令鐘頭之後就去左飯堂食野, 不過我好大聲咁講左一句 "XXX 係女仔都鍾意架, 你鍾意咪同佢一齊囉!",
之後上到課室, 見到錢嘉樂, 我就走埋去話想同佢影張相, 點知佢講得出我個名喎, 仲話 "梗係認得你啦, 頭先上堂對左你成個幾鐘!",
之後就見到亞敬, 再一齊同佢食飯同埋上堂, 真係幾開心! |
| 23/7/2000 |
|
夢到我係某導演O既助手, 某日黃昏六點突然叫我打長途電話去美國俾O係果邊做緊 SHOW O既亞敬, 話佢知亞 PAULINE 想出碟,
叫亞敬作首歌俾佢喎, 望下個鐘, 美國果邊好早咋喎, 所以諗住夜Ｄ先打過去, 過左一陣亞敬竟然打電話俾我,
仲話掛住我添! (不過呢個只係夢境呢!) |
| 6/8/2000 |
|
夢到洪天明係我夜校同學, 仲坐我隔離添, 但係我竟然對自己講(坐隔離唔代表識左架!), 放學之後佢送我返屋企,
明明得我一個o係屋企, 但係個大門突然俾一隻狗仔衝左入屋四圍走喎, 未幾, 天明黎到送左一束花俾我,
話想租我間客房住, 我就話(如果你幫我捉番隻狗仔, 我就諗諗啦!), 之後佢好鬼快咁捉左隻狗仔, 咁我咪話租俾佢囉,
之後佢就同我講(咁以後我可以日日同你一齊返學同放學, 咁即係以後一齊生活架喇!); 唔知點解突然我坐左o係架小巴裡面,
突然見到小巴頂無幾遠有一架飛機飛過, 仲要係 180 度勁快轉方向添, 我就好大聲咁(嘩!)左幾聲! |
| 22/8/2000 |
|
夢到一個藍色O既天空, 感覺係好靚, 但係唔關我事咁! 之後無端端就好累咁訓左落地下, 望住個天空,
但內心好平靜, 身邊O既人點睇自己都唔理! |
| 8/9/2000 |
|
首先夢到我O係一個好舊O既走廊度行, 突然間古天樂著住件格仔衫O係我前面同我一齊行, 之後一齊坐升降機去到一個課室,
突然間我就坐左埋位, 桌上有一個鬧鐘, 有一份類似試券O既紙, 過左一陣聽到"咇"一聲, 收左券之後,
發覺原來佢坐我隔離, 之後好開心咁傾計! |
| 14/9/2000 |
|
夢到我企O係斜路最高果度, 突然有一個男人坐住一架三輪電單車, 突然間失控撞左埋去個山度, 仲要係慢動作咁撞埋去,
之後我同一個警察講話有人發生意外, 點知佢話架車重要Ｄ喎! |
| 22/10/2000 |
|
夢到自己一個O係屋企睇電視, 點知突然間播＜雷霆第一關大大大結局＞喎, 就係大結局之後O既故事,
但係我睇完都唔明個結局想講咩, 之後就拎左盒錄影帶錄低佢, 但係都唔知錄黎做咩架喎! |
| 6/11/2000 |
|
夢到自己照緊鏡, 無 LALA 發覺自己戴左一個假髮喎, 除左個假髮之後, 我真O既頭髮竟然同個假髮一模一樣!
之後又去左一間屋度, 果度O既間格好奇怪, 唔知點形容! 又無 LALA 見到亞敬, 佢話送份生日禮物俾我喎! |
| 24/11/2000 |
|
首先我同幾個人去左一個類類似森林O既地方, 行下行下好似佈陣咁! 之後就無 LALA 去到一個類似課室O既地方,
坐我身邊O既係唐文龍喎(幾奇怪!), 佢突然同我講話去食野喎, 咁就去左一間茶餐廳, 叫左幾隻大大大蝦同埋米粉食喎,
食完之後我地一齊行出門口, 點知落大雨, 又唔知點解無 LALA 有把遮喎, 我地上緊樓梯果陣, 又見到一個朋友冇帶遮,
咁我就用自己把遮遮住佢, 唐文龍就用第二把遮遮住我! |