7/1/2001 |
一開始係自己坐O係一個課室度, 之後就去左洗手間, 返到黎見到有一個小朋友坐左我個位, 佢仲話將我D書包放左出去門口一個俾人放野O既地方,
但係我出到去竟然係唔見左我個書包喎, 咁我就勁大聲同埋勁惡咁O係條街度鬧果個小朋友喇! 醒果一刻都仲未搵番個書包O既! |
20/1/2001 |
夢見房間個窗出面有一塊木板喎, 我仲成家人企左出去, 原來係可以落到去地下架, 之後又見到成家人上左大陸喎! |
16/2/2001 |
夢見我同兩個朋友睇完亞敬, 佢地坐左車返屋企, 但係我就等緊亞敬助手還番部機俾我, 突然間O係停車場佢助手還番一部好大部O既錄音機俾我,
之後就走左喇, 剩番我一個人O係停車場等車返屋企, 無幾耐見到亞 PAT , 佢問我仲咩仲未走, 我話我等緊巴士返屋企, 亞敬就O係呢個時間出現,
仲同我講:「我車埋你返屋企啦, 費事你拎住咁大部野迫巴士啦!」, 佢仲叫我等佢駛架車黎, 之後我真係坐左佢架車喎, 仲係白色坐位架喎,
我仲夢見我O係架車度訓左覺添! |