| 2/1/2002 |
|
尋晚個夢幾得人驚架, 首先O係廚房度, 突然聞到一陣燒野味, 都唔知發生咩事! 過左一陣之後突然間睇到唔知邊個人將個電水煲放上火爐度開火煲水喎,
好驚啦, 之後我就拿拿臨熄火! 又無 LALA 去左錄音室幫人錄歌喎, 仲好專業咁噤Ｄ混音機添! |
| 3/1/2002 |
|
尋晚個夢就返左去以前間中學, 但係好奇怪喎, 我唔係著呢間學校O既校服返去, 竟然冇人發覺我唔係著緊佢地Ｄ校服喎,
仲O係學校度行左好耐, 見番好多同學, 連 TI Ｄ同學都有出現到, 最後因為佢地夠鐘上堂, 所以我就勁走番出校門,
上左架巴士, 隔離果個人仲無 LALA 將佢個 BABY 俾左我抱! 果陣係 5:30PM , 之後落車時就係 6:30PM , 點知我一知道落車咁夜就講"車! 早知坐咁耐就唔黎啦,
家下都夠鐘返番去學校咯, 約左人唱Ｋ嘛!", 就係咁, 我又上番車喇! 之後又突然去左行書店, 仲見到一本藍綠色O既 A6 SIZE 書,
書名唔係好記得, 但係我睇完第一頁之後就話"呢本書好呀, 係會令到你多Ｄ觀察週圍事物架!" |
| 4/1/2002 |
|
尋晚個夢又返左去中學, 不過今次係去左音樂室, 之後就見到一部好大好大O既鋼琴, Ｄ琴鍵係淺啡色架喎,
彈左幾野之後, 突然間聽到樓下操場好嘈, O係個窗望落去果陣我見到好多人著哂畢業袍, 之後佢地一齊數 3, 2, 1
之後就一齊將頂畢業帽飛上天! |
| 6/1/2002 |
|
尋晚個夢係無端端食"欣欣杯"喎, 個 SALES 仲要介紹俾我聽話個"欣欣杯"係分三層架, 第一層就係俾你點少少朱古力O既,
而第二層同第三層就要你自己試食下先知係咩黎喎, 真係怪! |
| 7/1/2002 |
|
夢見我自己飲檸檬茶, 不過唔知點解支飲管好長架, 仲整親個口添! |
| 8/1/2002 |
|
夢見自己坐輕鐵去沙田喎(雖然現實生活係去唔到沙田), O係車上面突然有個人講國語咁問我佢應該邊個站落車,
我好努力咁去答佢, 但係突然間我發現到左總站我要落車, 所以就飛咁快落左車喇! 又唔知點解一落車就到左一個機動遊樂場,
我就坐左O係近門口果度, 發現到Ｄ機動遊戲距離我好近好近, 眼前就係一個巨形機動鐘擺, 我仲差Ｄ傻傻下咁上左去,
冇幾耐, 有四個壞女孩子O係我隔離出現, 仲猛咁玩果缸金魚, 而金魚缸上面有張紙寫住"內有大量水晶, 請勿玩魚",
但係果四個壞女孩子就冇理, 仲伸隻手入去偷Ｄ水晶喎, 之後又突然間將Ｄ熱水倒落地下! 過一陣我又突然間收到封信喎,
Ｄ字寫得好靚架, 仲用左唔同O既木顏色油左O係Ｄ字O既底! 再過一陣我就諗住坐地鐵走, 我仲有一張一年內坐地鐵唔洗錢O既八達通喎,
但又唔知仲咩突然間去左等巴士, 我係等緊 6D 巴士架, 不過等左好耐, 都只係得 80 號巴士埋站! 之後又無端端返左以前中學O既洗手間換衫,
換換下聽到我一個好朋友好大聲咁唱周杰倫果首"爸, 我回來了"! |
| 9/1/2002 |
|
夢見自己同埋一大班朋友住o係一間似自己間屋o既屋, 訓訓下俾蔡一智嗌醒左喎, 醒左之後拎左張報紙睇啦,
頭條新聞仲有劉小慧添! 因為要出街, 所以就要預較錄影機錄節目, 但係部錄影機o係我間房o既天花板度,
之後諗住坐地鐵去尖沙咀啦, 但係個站有個牌寫住去尖沙咀要行大約一條街先得, 行緊去果陣, 一個好朋友打電話黎問我去緊邊喎,
之後佢話不如約我去尖沙咀見面, 因為佢坐緊 17 號巴士, 會經過尖沙咀, 佢仲話佢咁大個仔未去過新界區喎,
去到尖沙咀我地一齊行過報紙檔, 仲見到快週減價減到四蚊喎! |
| 14/1/2002 |
|
夢見自己O係廚房度煮野喎, 煮黎煮去都係雞翼, 有沙嗲啦、咖喱啦 ... ...! |
| 16/1/2002 |
|
夢見自己O係課室度考默書喎, 點過Ｄ咩字就唔多記得, 我得到 10/20 分, 而我個好朋友呢就得到 9/20 分喎,
之後我仲幫佢拎左份成積去商場搵佢, 之後佢仲同我講左好多野, 不過唔多記得講過咩喇, 但感覺係好開心O既! |
| 17/1/2002 |
|
夢見自己交唔到功課, 好唔開心, 又見到好多不可思議o既野, 唔多記得見過咩喇, 不過係幾驚架個夢! |
| 18/1/2002 |
|
夢見自己O係自己間房度, 發現窗出面有一條繩綁住幾隻毛公仔, 之後我仲勁搖條繩, 住隔離果Ｄ人仲拎哂我Ｄ毛公仔添!
隔左一陣, 見到有一架好玩具O既飛機仔經過! |
| 19/1/2002 |
|
夢見自己o係一間課室度啦, 之後唔知點解要跟住兩個人話去學英文喎, 跟跟下, 去到一座大廈, 佢地要上廿三樓,
但係因為我要暗地裡跟住佢地, 所以就唔可以同佢地一齊坐電梯, 之後我一個人坐電梯, 但係架電梯有得人驚野架,
所以我坐完之後又去唔到廿三樓, 過左一陣之後又o係番地下大堂開門, 果一刻我係非常之驚o既, 因為架電梯識講野架,
之後我返番去課室, 好驚好驚, 之後無幾耐, 突然間有一男一女出現o係門口, 我係唔識架, 之後同我個好朋友講
"我地嚇唔到你唔緊要, 我地已經嚇到你隔離果個啦!", 之後發生咩就唔多記得喇! |
| 20/1/2002 |
|
夢見自己o係一間課室度 PRESENT 喎, 點知一開始講第一個 POINT 時, 亞 SIR 出黎話我呢個 POINT 做錯,
唔洗講! 之後諗住講第二個 POINT 啦, 點知佢又話呢個都錯, 又唔洗講! 咩, 直情係嚇死人呀! |
| 22/1/2002 |
|
夢見自己上緊堂, 手提突然間響, 係嘉瑩打俾我喎, 內容唔多記得, 我只係知道佢O係我個夢出現果陣係好唔開心O既! |
| 23/1/2002 |
|
夢見有一個雪櫃, 裡面有一個蛋糕 ... ..., 其他唔記得 LU ! |
| 24/1/2002 |
|
夢見自己搬左去一間新屋喎, 好得意架間屋, 係有兩層O既, 而我就住哂成層二樓, 而有一度門可以鎖住個樓梯入口O既,
好多間房, 亦好多奇怪野, 無端端見到個唔識O既人O係二樓出現喎! |
| 25/1/2002 |
|
夢見自己出現O係一個 FUNCTION 度, 之後見到黃翊喎, 咁我嗌左佢一聲啦, 之後就一齊傾左一陣計喇!
佢話佢就黎出碟, 仲寫左首歌叫做"為你歡喜為你亡"添! 仲話一陣會去錄勁歌! 當我返到屋企之後, 又收到佢封信喎,
仲寄左好多簽名相俾我添! |