尋晚個夢好開心又攪笑架! 唔知點解去到一個場館, 見到我最愛O既 TSUYO 喎, 之後佢落左台, O係我前面行過啦, 之後我就上前同佢講: "アモズグゾ!", 之後佢有少少驚喜咁同番我講: "アモズグゾ!", 之後我跟住佢行出場館, 唔知點解只係得我跟住佢! 之後我就同佢講: "SIGN! ゆゆザエろ", 之後佢答話十隻以下可以幫我簽, 之後我就同佢講話我日文唔係咁好, 因為 ARMARM 學, 之後我地就好開心咁傾計! 我只係記得呢個夢係非常之開心同埋幸福! 所以呢個夢我想記低佢!

尋晚個夢好攪笑, 首先就係見到武田真治喎, 唔知點解我同佢都識手語, 之後我就O係對面馬路用手語同佢講話間房有人裝左偷聽器, 之後佢就好快咁走, 我又唔知點解我又走過左對面馬路同佢匯合喎, 之後我好細聲咁話知道點解, 之後就一齊入左一間房, 點知呢個時候又有一大班壞人入左黎, 之後好似想打我地咁, 之後我同佢就好似好亡命咁係咁跑係咁跑喇!

尋晚個夢唔知點解我突然間O係一座大廈行出黎喎, 之後遠見到反町隆史落的士行過黎, 我一見到佢之後, 我唔知點解同我身邊O既朋友講左一句: "我呢生人中可以見到 GTO, 真係好正!", 之後反町望到我望住佢喎, 咁我就笑一笑點一點頭, 示意打招呼, 之後佢就好似 GTO 咁, 笑左一笑, 之後講左句: "ジパ!", 之後我就同個朋友行左出去公園, 我又唔知仲咩一邊食緊個明明係漢堡包, 但係又只係得生菜O既包! 食左一半, 突然間一堆人好驚咁走喎, 原來話係有隻羊走甩左! (唔係好記得隻羊咩樣添!), 之後我就以九秒九O既速度, 將食緊果個包掉左落地, 之後就好快咁走左喇!

尋晚個夢唔知點解邦邦先生打電話俾我喎, 打黎無 LALA 話過左加拿大, 但係又話會聽晚 9:45 返到香港! 收左線之後上網啦, 竟然又見到佢 ONLINE 喎, 不過個 NICKNAME 唔知仲咩變左 邦邦@領先! 真係奇怪一個夢!

尋晚個夢好得人驚架! 首先我就O係一間學校(有少少似日本果Ｄ學校, 可以睇到操場果Ｄ), 而學校就傳聞話有一個女人, 如果你答左佢O既問題, 七日之內就會死! 我唔信, 點都唔信架喇! 但身邊Ｄ同學有幾個無 LALA 失左蹤! 我都不以為意, 有一日O既 LUNCH, 排隊買飯啦, 之後收銀果個人問我要唔要買野飲, 我就話要杯百事! 之後 ... 我身邊O既朋友就問我同邊個講野, 原來果個收銀女人就係傳說中果個女人! 之後佢就好奸好恐佈咁笑住咁同我講: 七日, 七日 ...! 我都唔太相信, 但又有少少驚! 如是者繼續上堂, 但有一日, 我突然O係個窗度見到果個女人O係操場, 之後我扮睇佢唔到, 但佢見我冇反應, 之後佢就唔知點解可以拎左我袋O係袋果 7 蚊, 之後我開始好驚, 成身都唔郁得! 好驚, 真係好真實O既感覺! 不過 ... 之後係點我唔記得喇!