| 29/3/2004 |
|
YEAH YEAH!! 終於成功記低尋晚個夢! 夢中, 突然間一個人返入酒店房, 之後突然間發現本來只有兩張床O既房竟然有第三張床出現左喎,
正覺得好奇怪之際, 竟然發現原來間房有成十幾人O係度訓ING喎, 咁之後我就好嬲啦, 打左個電話俾酒店大堂!
我, 我竟然講韓文喎! 當然我係唔識架啦, 但係夢中咩都有可能!! 之後講完一大輪, 放低電話後, 諗住食買返黎果個勁多 CREAM O既 CAKE 啦,
點知一打開個袋, 嘩!! 有隻野O係個 CAKE 上面, 激到我即刻掉左佢, 嘿嘿!!! |
| 7/4/2004 |
|
尋晚個夢, 好甜架呵!! 夢見我去飲, 一直同一大班朋友坐埋一張桌啦, 傾傾兀我無意中成日都望住對面固方向喎,
之後我坐我隔離個同事話"你咁明顯係人都知你對佢有意思啦!", 之後我極力咁否認, 仲話"佢雖然係講日文咋, 但係你咁一邊講一邊望住佢, 佢一定知我地講緊佢啦!",
之後我先望到, 原來係 TSUYO 呵! 隔左一陣, 坐O係遠幾張桌O既爸爸叫我, 仲示意要即走去尖沙咀唔知咩酒店, 我好唔捨得走啦,
但係又一定要走喎, 所以走之前就拎左一杯七起俾 TSUYO 飲, 之後就衝左落樓梯喇, 但係衝到一半就發現自己唔記得拎返個手袋,
但係如果返轉頭就一趕唔切, 就O係我衝到落地下馬路邊O既時候, TSUYO 竟然駛左佢架車出現O係我前面喎, 仲示意叫我上車,
咁我就好奇怪啦, 之後用日文問佢點解, 佢就答我話"其實我都留意左你好耐"!!! |
| 19/4/2004 |
|
尋晚個夢, 其實醒左之後都唔係太記得細節, 只記得去左 BABY哥哥屋企, 之後我無 LALA 講左一句話: "如果係咁O既,
點你而家先講丫?!", 之後我就好似好𠰴開心咁坐左O係梳化, 訓醒左一覺得後, BABY哥哥同我講話: "咁你同 TSUYO 一齊嘛,
咁唔係幸福Ｄ咩!" 我只係記得咁多咋, 下次我會努力咁記住!!! |
| 29/4/2004 |
|
尋晚個夢係見返好多 TI 同學, 無 LALA 上左架旅遊巴等開車喎, 但係等等下又發現遠處有一Ｄ光O係度飛下飛下,
飛下飛下仲飛埋左我地架車度, 咁個司機同成車人都好驚, 架車係咁開呀開呀, 開到去一間 HOTEL 停低左, 咁我就三個同學走落車,
係咁走呀走呀, 點知明明係酒店黎架嘛, 但係佢Ｄ房又間間唔同主題架喎, 首先入到間唔知咩主題(我唔記得左),
之後又走左去間好似課室咁O既房, 之後無 LALA 又行左去一個廁所, 要排隊刷牙?? 總之好怪啦, 之後我就好驚咁醒左喇!!! |
| 9/5/2004 |
|
尋晚個夢直頭係＜未滿都市＞呀, 一開始就係我一個人o係一個好靜, 其實係靜到得人驚o既城市走, 一路走到一度特大閘果度,
我好巧妙咁偷入左去, 之後一路走走走, 走到去一個醫生度, 之後同佢講"我本來唔係住呢度, 放我走!", 之後個醫生就命令一個軍人帶我出呢度,
點知行行下個軍人問我本來住邊, 之後我答左佢之後, 佢就要我行落去個湖果度喎, 咁我話唔去, 佢話"你本來住果度最出名咪係鱷魚囉!",
就O係呢個時候, 之前果個醫生出現, 叫個軍人唔好咁對我, 仲命令佢帶我去出口! 去到一個類似出口O既地方,
個軍人就話要我落去排隊, 之後佢就走左喇!! 呢個時候, 我遇到另外兩個人, 佢地話"你乖乖地去排隊, 只要飲左少少毒藥就可以走,
放心啦, 冇事架!", 當我本住要衝出門口O既心情去排隊, 點知排排下唔係要我飲毒藥喎, 只係睇左一段片段(唔係好記得係咩黎),
之後我就出左去喇, 但係出左去都唔見有好O既生活環境, 我同其他人一樣要靠賣自己唔要O既物品為生! 成個夢個感覺真係完全係＜未滿都市＞! |
| 7/6/2004 |
|
尋晚個夢實在好 SWEET 呵! 一開始係坐緊巴士要去美孚, 但係唔知點解坐錯左車, 去左灣仔喎, 之後就唯有落車啦,
但個心又唔知點解想坐車去銅鑼灣, 但係行下行下見到一個男仔好吸引我, 所以我就好自然咁跟左佢上小巴, 上到小巴我坐左佢隔離,
呢一刻先見到呢個力仔就係 TSUYOSHI 喇! 坐坐下先見到原來佢同佢家姐一齊, 坐左一陣佢地就落車喇, 所以我都跟住一齊落車,
仲記得車費係六蚊添(呵呵!), 落左車行左幾步後, TSUYO 個家姐就同我講: 由而家開始要拜託你喇!(KOREKARA, YOROSHIKU NE!),
講完之後佢家姐就走左喇! 之後我同 TSUYO 就行上左一個斜路(順帶一題, TSUYO O既打扮係荒太O既打扮呢!)
行下又一轉去到一個室內地方, TSUYO 就有少少唔開心/無奈/無助O既樣坐左O係梳化, 我見到佢個樣真係想喊,
但之後吸一口氣, 坐埋佢身邊挨落佢度講: 永遠斯斯都會O係你身邊! (ZUTTO TSUYO NO SOBANI IRU YO!!),
TSUYO 聽完之後就露出一個安心O既笑容!!! |
| 21/7/2004 |
|
尋晚個夢一開始O係一個類似課室O既地方, 我同個日本女仔傾計喎, 用日文O既, 傾左幾句之後就打開本雜睇喎,
之後雜誌裡面就有張 GACKT 好吸引O既相, 睇睇下, 突然間 TSUYO 走埋黎, 問我點解咁鐘意佢(TSUYO), 之後我就好認真,
真係好認真咁不停咁講原因!! (諗落都幾好笑), 最後佢仲好感動咁攬住我~~ 呵呵呵!! |
| 6/12/2004 |
|
尋晚個夢竟然見到准一喎! 應該係 V6 先 ARM, 個夢一開始就唔知仲咩見到准一/三宅健/森田剛 三個人對住另外三個咁坐,
係有幾張中學課室果Ｄ桌呢, 之後唔知佢地講咩, 好似好認真咁, 之後准一第一個起身行埋我度, 之後森田同埋三宅又起身,
但係佢地一起身時, 另外果三個叫住佢地兩個, 井之原仲無 LALA 拎左一個長方盒出黎, 話呢兩 SET 筆係送俾三宅同埋森田O既,
果一刻我唔知點解 FEEL 到准一會好唔開心, 就示意叫佢同我出去傾下計! 佢就好失落咁"扁"住咀咁同我行左出去,
然後坐左O係一個長椅度, 有Ｄ楓葉咁飄落黎咁啦, 我就同佢講話我知佢唔開心, 不過冇計架!! 佢就冇出聲, 繼續"扁"咀,
突然間我地前面出現一個螢光幕喎, 呢, 好似地鐵車箱果個咁O既, 紅色一點點架呢, 不過就好大個架!! 突然間准一拎住一個類似遙控O既野,
噤完一陣後, 個 SCREEN 就有幾行字咁(不過唔記得左寫咩), 之後我就拎左佢個遙控又噤左一陣, 個 SCREEN 就出現左:
你都好過我丫! 我都唔會有結果!! 之後我身後面有個人叫我(唔知邊個), 咁我就起身行左去! 不過行行下望轉頭望住准一,
佢好似仲想講好多野咁, 不過之後我就唔記得左喇!! |
| 7/12/2004 |
|
尋晚個夢勁正呀!! 一開始我坐左O係課室最右果行O既尾二(定尾三?!)果個位啦, 突然間 TUYO 行入課室, 坐左O係老師果個位喎,
我知道佢係黎拍野O既, 但我眼見身邊Ｄ人冇咩反應咁, 我就激動咁捉住個女仔(唔記得左係邊個 LU!!), 之後我一個飛身行左去佢附近睇佢拍野,
我同我朋友講: 一陣我"激"要同佢影張合照!!! (HAHAH, 証明我幾激動丫! "激"要!!), 之後見到佢拍野果度隔離有一張梳化喎,
咁我就一野坐左埋去, 因為我知道係拍唔到我O既! 點知突然間唔知點解又會坐返我自己個位睇喎!! 之後我先見到O係課室最左邊果度呢,
有幾張好大好大O既 TSUYO O既相, 真係好大張架, 之後我就話: 嘩~~~ これ、欲しい、欲しい!!(即係好想要!),
我講呢句時可能太大聲, 咁 TSUYO 就望住我, 咁我就呆住左! 佢果陣係等緊打燈果Ｄ, 佢望住我同我笑, 之後仲示意叫我過去喎,
咁我就諗都唔諗就行左過去! 我一行過去, 有一個女工作人員想阻止我, 之後 TSUYO 示意話冇問題, 咁個女工作人員就消失左喇!
之後我話: しゃしんを撮ってもいい？！(影相可以嘛?!), 之後佢就話: いいよ！(可以呵!) 呵呵, 佢仲示意叫我行去佢身邊,
呵呵, 仲"踏"住我膊頭影添呵, 之後係點唔記得 LU! |