尋晚個夢好似見到小栗旬, 仲一齊去旅行, 之後唔知點解我又要返學喎, 咁佢就送到我去學校門口, 之後我話"其實有Ｄ野想同你講, 不過又怕你嚇親!!", 之後佢只係望住我, 就O係呢個時候有架巴士經過, 我竟然見到巴士裡面個 ROADSHOW 播緊Ｄ 18 禁O既片!! 之後我就話要打電話去九巴投訴!!

尋晚個夢首先我好似係夜晚放學坐巴士返屋企, 但係突然見到有一個 TOKIO O既燈飾好鍾意, 所以落車又去返總站再坐過去睇過, 如事者來回左五次!! 之後返到屋企樓下(係未見過O既地方, 但係知道係自己屋企), 有個人O係度等我, 咁同果個人一齊坐 LIFT 返屋企啦, 我係住八樓喎, 架 LIFT 好怪架, 係好似O係樓梯上面行咁, 所以向上傾斜咁上, 攪到我企唔穩, 好不容易上到八樓, 好似我係 ARMARM 搬去住第一晚咁, 我發現我間屋有五間房, 但係係冇門O既, 只有一張黃色花花O既布整住度門, 咁我行入我間房, 一睇, 見到張床有隻貓仔喎, 之後我就同果個人講"你都知我唔鍾意貓架啦!", 之後隻貓走左, 我就好無奈咁掃下張床!!

尋晚個夢首先係類似學校O既運動會, 不過又唔係O係運動場喎, 只係O係學校校舍咁, 我亦感覺到其它同學都係男仔喎, 除左我一個女仔之外就全部都係男仔! 亦感覺到其它人都唔鍾意我, 之後要我參加競步比賽, 全程係 2.4 里(哈哈, 發夢真係解釋唔到), 咁我就極唔願意之下參加左, 之後全部有三十幾人, 我第 14 個到終點, 點知評判話我最後有幾步唔合格, 所以要加兩秒, 變左第 15 位喎, 咁我有少少唔甘心, 但係都返左埋位坐, 之後其中一個男同學話"得第 15 有咩好開心呀!", 之後我有少少嬲, 因為同班同學都咁講野, 之後隔左一陣, 有人傳左個郵包俾我, O係個面仲寫左條問題話"4, 5粒菇, ..."(唔係好記得, 只記得係有關磨菇O既 IQ 題咁), 之後聽到Ｄ同學話"真係唔明, 點解會有人寄野俾佢架!!", 之後我就將份野放左入書包!! 呢個時候, 見到 F4 (哈哈哈!!)喎, 仲見到佢地設計O既一架巴士(校巴?!), 話可以由最底層上到第四層(哈哈, 四層O既巴士)! (鏡頭一轉), 我就放學上左架小巴, 之後感覺到全車Ｄ人都唔歡迎我, 但係我係要坐呢架車呀(呵呵!), 之後到我就黎落車時, 坐我後面果個人唔知講左句咩, 我果一刻真係再忍唔住, 所以醒左佢兩巴!!

尋晚個夢, 我係 SHO 個同學喎, 但又知道 SHO 係明星, 感覺到 SHO 對我好好O既, 唔會好似 FANS 咁, 係朋友!! 之後 SHO 因為要 SOLO CON, 所以見面時間少左, 但我就如常要返學咁, 有一日出外面食 LUNCH 時, 偶然咁O係條街中心見到 SHO, 佢正為左佢O既 SOLO CON 做排練, 佢本來好惡咁對其它人, 但我一行埋去, 之後佢就好溫柔咁對我笑, 仲話好耐冇見, 之後因為我同Ｄ朋友一齊, 佢又做緊野, 所以我就走埋去摸左佢隻手一野, 之後就細細聲咁叫佢努力! 咁我就走左喇, 聽到佢同Ｄ工作人員話"你叫Ｄ JR. 唔好咁埋我身!!", 之後我返到學校, 發現原來係佢個 SOLO CON 的後台喎, 好多工作人員排哂隊咁, 咁我又想去 TOILET 喎, 咁唯有迫入去佢地個更衣室(因為係 TOILET 改成), 一邊行入去, 一邊有好多 JR. 迎面而黎(走去前台咁), 之後我去完 TOILET, 洗緊手時, 突然間見到村上信五喎, 佢一身皮褸咁架, 好攪笑!! 之後村上信五出左去啦, 過左一陣, SHO 就出黎, 我同佢對望後, 大家都好感動咁, 因為好耐冇試過兩個人單獨見面, 個夢就完喇!!

尋晚個夢, O係課室, 俾老師叫我調左去一個位度, 之後成班一齊做同一題數, 類似又加又減, 答案係 900 幾, 但係係要個答案過一千架喎, 之後每人派左兩隻雞蛋, 話要令到呢兩隻蛋由 900 幾 G 變成千幾 G 咁, 之後諗左好耐, 最後放學, 咁我就將Ｄ書放返去個書桌果度, 點知O係我左邊果個人話"亂咁放野去人地個櫃筒架!!", 然後我答佢"你唔見頭先 MISS 叫我調黎呢度坐咩?!", 呢一刻我突然間諗到個方法, 就係連埋Ｄ蛋縠, 就夠千幾 G (大家唔明係正常, 因為夢係冇得解!!), 之後行出課室, 突然間有個人追住我, 咁我就走啦, 係咁走~~ 最後走左去洗手間, 突然見到洗手間有一個人, 同樣係因為俾人追而躲入去O既, 過左一陣有人拍門, 我同果個人都好驚, 之後問門外面果個人"你係邊個?!", 問左兩次先答"救我呀~ 我好傷呀!!", 之後打開門, 原來係一個朋友, 再睇, 佢條頸俾野吸左血咁, 之後我同洗手間果個人就好小心咁帶住呢個受傷O既人走出學校, 呢一刻, 見到有一個女人踩單車走左, 我心中講左一句"亞嫂?! 估唔到係佢!", 之後我地就走左去坐巴士走!

(基本上唔係尋晚O既夢, 而係今日下晝訓時發O既夢), 一開始我見到我參加緊一個比賽咁O既野, 另外仲有 3 個人係同我一組O既, 其中一個係 SHO, 比賽開始時, 去到一個好似冒險樂園咁O既地方, 主持人就叫我地坐上去果Ｄ車仔, 咁 SHO 行第一個上左第一架, 第二三個都分別坐上第二同第三架車仔, 到我時, 因為好驚架嘛, 冒險喎, 而見其它吉車都寫住話"此車只會得你一個人坐", 咁仲驚, 所以就夾硬上左去 SHO 架車度, 果頭坐低架車就郁喇, 又飛又轉咁, 好得人驚, 好似睇果Ｄ立體影院咁, 我好驚啦, 係咁大叫, 之後 SHO 見到我咁驚, 就立即攬住我(呵呵!!), 如是者冒完險後, 果個主持人就問 SHO 今次冒險O既感覺, 佢話"我過左一個好浪漫O既旅程!", 講完後就攬住我, 再向我笑, 呵呵, 個夢就係咁完左, YEAH!! (亞剛 GOMEN NE, 發夢係控制唔到 ...)!

我尋晚發夢見到 nino 呵, 一開始o係課室, 之後話全班要調位, 我竟然調左去一個"卡"位喎(幾邪惡, 課室有卡位), 仲要係背住黑板, 之後又無lala拎個scanner出黎, 但係話可以用黎錄影同埋print野(邪惡二, 明明係scanner喎), 之後無lala出左街, 夜晚o既尖沙咀, 冇咩人, 之後冇車喎, 迫住要坐的士, 落車時明明個表係$31.8, 但個司機話見我係學生, 收我廿蚊喎, 點知落左車, 行極都行唔到返屋企喎~ 之後見有個人, 就問佢可以去xx(地方名, 唔記得咩名lu), 咁佢就指左我上樓梯排隊坐免費車, 又突然間返到課室, 個班長好惡話我: 快d坐返埋位! 咁我話: 你俾張新坐位表我睇啦, 你地調位果陣我直情唔o係課室喎! 之後 nino 叫我喎, 仲指一指個卡位(好連戲架!! 呵呵)叫我坐低, 之後我好嬲咁坐低, 因為有咩理由背住黑板架, 之後突然間個課室d人消失哂, 正當我想走果一刻, nino"猛"住我隻手, 佢係坐低左o係卡位, 咁我話: 我想返屋企! 佢話: 課室d人走哂喇, 係時候了結左我地之間未了結o既事, 之後我鍚左佢塊面一啖! (發夢我真係控制唔到)

我尋晚發夢見到 JUN, 估計真係睇左 MOMO O既關係!! 一開始家姐打黎話唔同我去飲茶, 叫我飲完茶打俾佢, 咁我就去左飲茶啦, 出奇地原來好多人一齊飲喎, 一坐低我就見到 JUN 都O係度, 感覺係知佢係黎香港做宣傳咁, 所以就陪佢飲茶咁, 但佢隔離就有一個女仔, 感覺上我知道佢係 JUN O既女朋友, 全桌人好似得我好在意 JUN, 同埋好似只有我知佢係明星咁, 但全程 JUN 只係同佢女朋友係咁傾計, 係咁好 LOVE LOVE 咁, JUN 以為冇人識日文, 所以好放心同佢女朋友傾計呀咁, 咁我不時就偷望下佢咁, 之後佢去左洗手間, 我就問佢經理人可唔可以問佢拎簽名同埋 CONCERT 飛, 經理人就叫我自己問 JUN, 如果佢簽俾你就 OK, 但如果唔簽佢都冇計!! 之後 JUN 返黎, 繼續同佢女朋友 LOVELOVE, 突然間佢同佢女朋友講, 話我一定好鍾意佢, 因為成日偷望佢, 之後我就好嬲, 突然拍"木台"用日文講"你唔好咁得戚呀, 望你係俾面你咋, 唔好睇低其它人!!", 之後 JUN 就好驚, 問我"你原來識日文架? 咁頭先我講野你咪聽到哂!", 我答佢係, 之後佢好驚啦, 咁如事者我地就走, 一行出去好多 FANS, 突然間有人掟蛋糕, 我就一手推開 JUN, 救左佢一命(呵呵!!), 之後佢就好感激我呢!!

我尋晚發夢見到翔雅...夢中是他們兩個在樂屋, 然後雅紀說好餓, 我就把一個特大的麵包拿過去, (好像一個pizza再大一點的), 然後翔看到就說雅紀一個人吃不完, 就走過去雅紀身邊, 跟雅紀一起數1,2,3, 然後兩個一起咬下去(我是說向麵包的方向咬下去啦~), 然後他們一起說好好吃, 還高興得跳起來~ 然後...鬧鐘就響了~~~~~~~~~~~~ 給鬧鐘打破了美夢~~!!

我尋晚發夢見到翔, 一開始係有個好可愛O既小朋友, 通屋走黎走去, 之後我突然間話去煮野食, 之後切下菜呀, 煮下野咁, 之後鏡頭一轉, 我就煮好左碟野, 三個人坐低食飯, 突然間出現一句字幕寫住"我於成功把苦手的青椒煮好!", 之後翔食左個"送"一啖, 大叫好味!!!

我尋晚發夢都係見到翔, 最初唔係好記得O係邊度, 只記得我係同幾個人好開心咁傾計, 然後翔自己一個坐埋一邊好悶咁, 鏡頭一轉, 我又同幾個人好開心咁行街, 之後翔又O係附近好孤獨咁行過, 鏡頭再轉, 我同果幾個人坐巴士, 係企O係度, 我一邊望出窗一邊同佢地傾計, 傾得開心咁啦, 但突然間見到翔(著住深灰色O既衫), 好 DOWN 好 SAD 咁, 一邊聽住聽, 一邊好 DOWN 唔笑咁O係條街行過, 咁 ARM 我望住窗出面, 就見到佢, 果一刻覺得佢太孤獨, 冇朋友, 身邊O既朋友講咩我都再聽唔入腦, 鏡頭再轉, 去到間壽司店, 坐低食野啦, 一邊食一邊好開心咁傾計, 之後翔就坐O係我後面果張桌, 又係一個人咁食野, 突然間我企起身, 衝過去, 叫佢過黎一齊食, 佢冇出聲繼續聽歌, 一臉"關你咩事"O既表情!! 之後我好惡咁掃低佢部 MP3, 之後佢望住我咩事, 我好激動咁同佢講"如果你鍾意一個人O既, 你就唔好成日俾我見到你寂寞! ... 我已經無辦法唔理你 ...", 我O既眼淚不停咁流 ...!!

我尋晚發夢同家姐同埋"河馬"(一個中學同學)一齊去旅行, 之後搵左好耐都搵唔到間酒店喎, 行行下突然間見到亞剛同埋 NINO 迎面而黎, NINO 著到一身都係紅色, 但又好似係廚師衫咁, 之後我同家姐超級興奮, 但係"河馬"就完全唔知咩事, 之後家姐問我點解 NINO 會同亞剛一齊, 之後我就答佢一定係拍緊"正直SHINDOI", 就O係呢個時候, 亞剛望住我, 但下一秒"河馬"經過 NINO 身邊時好大力咁拍左佢一野, 叫佢"GANBATTE", NINO 即刻好嬲, 我就連忙向 NINO 道歉, 之後突然間有一班警察衝過黎, 話要封路!! 個夢之後係點唔太記得 LU!!