背景音樂 : 哭泣遊戲
| 1/3/2001 |
|
今日總算係一個月新開始, 不過麻麻地開心啦, 因為今日勁悶呀, 整體上真係冇咩野做過, 不過我都用左十令分鐘去寫聽晚 PRESENTATION 要講O既野,
但係硬係覺得好少野講同埋好似唔多到題咁, 不過都要硬住頭皮去做架喇, 希望一切順利啦! 夜晚終於見到亞妹喇,
原來都成四日冇見過佢喇, 所以見到佢我真係好開心! |
| 2/3/2001 |
|
今朝好攪笑喎, 得閒都非常, 因為實在好淡呀! 我早收左工, 因為我今晚返學要 PRESENTATION, 所以五點半到就走左喇,
返到去竟然坐左O係某人後面個位喎, 可能今日大家都要 PRESENT, 所以好多野傾, 我個朋友仲話我地應該好好朋友喎,
諗落都幾攪笑架, 一時一樣, 有時俾人感覺我地係完全唔識, 一時又會俾人覺得我地好好傾好好朋友咁! 傾傾下仲發覺邪添呀,
原來佢尋日O係新都會等人喎, 仲O係我返工果個位行左成幾個字, 但係我地都係見唔到O既, 你話幾邪呢, 早知一早話佢知我唔係返大埔啦!
仲有一件開心事架喎, 就係個 PRESENTATION 終於完成左喇, 不過我的確係勁驚, 勁震添呀仲! 另外ＫＡＺＵ中午十二點幾果陣打電話俾我喎,
的確係幾開心O既, 不過我希望佢病就唔好再食麥麥喇, 因為佢把聲開始唔多掂! |
| 3/3/2001 |
|
今日終於都忙碌起黎喇, 不過好攪笑喎, 因為條鎖匙竟然開唔到喎, 攪完一大輪先拎番條 ARM O既匙!
不過今日本來收九點架, 不過最後都做到十點半! 近收工果陣有一對情侶出現喎, 真係好想鬧佢地架,
因為話說我地有一Ｄ類似哨子O既野賣, 點知佢拎黎吹喎, 之後就咁放番去, 嘩! 咁大個人知唔知咩係衛生架?
不過都冇鬧到, 因為當時有成幾個客睇緊野, 費事嚇親佢地, 不過我同我 PARTNER 都用一Ｄ好惡O既眼神望住佢地,
不過呢一對情侶始終樂在其中, 冇計! |
| 4/3/2001 |
|
終於黎到倒數日喇, 其實今日係我最後一日返工, 當然係暫時性啦, 因為我要趕功課, 所以遲Ｄ再做番!
今日心情冇咩點架本來, 不過越近收工時間, 真係有少少唔捨得, 所以我同嘉瑩妹妹好攪笑咁O係個檔口前面影左張相,
唔知聽日開始唔洗返工O既生活會係點架呢?! |
| 5/3/2001 |
|
今朝唔開始唔洗返工喇, 不過我都係九點正就自動起左身喇! 之後就去左旺角食 LUNCH 同埋行街街!
一直行到夜晚八點幾, 買左一件衫同埋一個袋, 真係又平又靚架O者! |
| 6/3/2001 |
|
依然係九點正醒左一醒, 好彩之後訓得番! 夜晚又出左旺角喎, 因為約左三個好耐冇見o既朋友去食飯,
之後又去左行街啦, 不過今日冇買到野喇! |
| 7/3/2001 |
|
今日終於有時間去銀行打下簿喇, 夜晚返學之前就去左行街喎, 去左 BOSSINI 買衫呀, 講你都唔信咁抵呀,
所以買左幾件衫囉! 返學都冇咩做, 我開始擔心份功課喇! |
| 8/3/2001 |
|
今日基本上都係九點正醒左一野, 之後就訓到十二點啦, 都冇咩特別野做過, 開始做份功課喇, 因為下星期五前要交喇,
所以點都要開始做架喇, 但係真係仲差好多先做完! 我呢幾日開始唔洗返工, 突然間覺得好悶, 冇野做真係好無聊,
反而想返番工添喎, 不過要遲少少先再有得返, 不過我真係覺得返工果段日子係幾好玩, 起碼有收入嘛! |
| 9/3/2001 |
|
今日都幾早起左身, 主要係執屋啦, 一直執到成五點幾, 都有做過份功課架, 不過依然係未做掂! 收到一個人O既電話,
真係俾佢笑死喇!! |
| 10/3/2001 |
|
今朝又係九點醒左, 不過好彩訓得番O者! 下晝去左我舅父屋企, 行左一陣街啦, 夜晚食完飯就走喇, 不過我今日竟然會食榴槤喎,
記憶中我咁大個女只係食第三次咋, 其實都唔係難食O既! |
| 11/3/2001 |
|
今朝一早起身做功課, 但係仲未做完, 仲要做左幾個鐘都唔多知係咪咁做喎! 希望我冇睇錯題目啦, 我望合格架咋,
唔洗高分架! 夜晚就約左人去行街街, 亦買左衫啦! |
| 12/3/2001 |
|
今朝一早起身鬥埋份功課! 不過做左成日都唔知做得 ARM 唔 ARM 呀, 希望 ARM 啦, 做做下仲發生一件嚇破膽o既事添呀,
話說我好辛苦咁鬥掂份功課啦, 但係突然間個 MICROSOFT WORD 發生錯誤喎, 攪到要關閉, 同時間我又唔記得之前一刻有冇 SAVE 到喎,
攪左一大輪要 BOOT 機先得喎, 心諗: 死啦, 唔會要我再做多次掛! 不過好好彩, 原來有問題之前我 SAVE 左,
要加番O既野唔多O者! 其實今次 MICROSOFT WORD 係第二次O係我做緊功課果陣發生問題, 真係心血少Ｄ都唔掂呀!
今日都收到亞ＫＡＺＵ哥O既電話, 另外有一個朋友講左一個消息俾我知, 令到我有少少唔自然! |
| 13/3/2001 |
|
今日大日子! 哈哈哈! 夜晚就同家人去左食韓國燒烤自助餐, 好正呀! 不過就冇左三百蚊! |
| 14/3/2001 |
|
今朝都點幾起身呀, 之後去左舅父屋企樓下飲下午茶! 夜晚就返左學, 但係個 TUTOR 真係完全唔掂喎,
我問左佢好耐我份功課做得 ARM 唔 ARM , 但係佢答到一舊舊咁, 都唔知佢答左咩喎, 所以唯有靠自己啦,
返到屋企執過下份功課, 我諗都合格掛! |
| 15/3/2001 |
|
今日都好開心, 因為實在太熱鬧喇! 不過幾唔夠訓, 去左飲下午茶! 仲有呀, 我今日竟然用Ｄ珠仔串左隻人字拖仔呀! |
| 16/3/2001 |
|
基本上今日都訓到成點幾, 因為尋晚成四點幾先訓! 都冇咩特別事發生! |
| 17/3/2001 |
|
今日又破紀錄, 訓到三點! 都冇咩特別事喎! ＫＡＺＵ同嘉瑩打過電話黎咁啦! |
| 18/3/2001 |
|
今朝九點起身, 因為今日去旅行, 係感覺上似咋, 事關我要去赤柱睇亞敬哥哥! 原來坐巴士O係尖沙咀去赤柱,
要成個幾兩個鐘架, 真係幾辛苦架! 不過咁耐冇見亞敬的確係要去下O既, 順便去睇下赤柱變成點!
去到就買麥麥食咋都係, 基本上係開心O既, 不過同時間亦清楚左一Ｄ野! 都同亞敬哥哥 傾過計同影相,
好在佢仲記得我咋, 佢仲主動同我打招呼添! 佢就走之前仲攪笑, 冇 LALA 叫佢助手買左支"大腳板"食喎,
食到尾升果陣我地勁同佢傾計喎, 佢又講得開心, 一個唔小心有一"粒"雪糕就彈左去我衫袖, 佢仲好唔好意思咁即刻用手幫我抹番添!
真係多謝敬哥哥喇! 另外我送左條電話繩俾佢, 佢仲即刻拎左出黎 "FING" 黎 "FING" 去添! 我仲送左樣小禮物俾佢架,
佢仲即刻戴住左! 星期二又可以見到佢喇, 雖然抽唔中我, 不過敬哥哥俾我去O既! |
| 19/3/2001 |
|
今日都訓到十二點幾呀, 之後就去左旺角飲茶, 再去左我舅父屋企坐左一陣啦! 再湊左兩個表妹去我屋企玩,
聽日好開心呀, 因為有得去跟亞敬學作曲, 希望可以同佢傾計啦! |
| 20/3/2001 |
|
今日好開心呀, 因為有得去跟亞敬上左一堂作曲堂! 雖然只係短短個令鐘頭, 不過的確係知道左點樣開始作曲先至好!
好攪笑呀, 因為個記者問我地有咩問亞敬, 亞敬見我地唔多敢出聲, 佢竟然幫我地兜喎, 話: 佢地唔洗架喇, 因為平時傾計都有講開!
課堂中, 亞敬仲拎左一盒私伙ＭＤ俾我地聽, 係佢一Ｄ將會發表O既歌曲ＤＥＭＯ, 好正架, 其實我幾鍾意聽ＤＥＭＯ架,
因為唔洗俾Ｄ歌詞局限左意想O既空間! 最後都有同亞敬影相, 當然都傾左少少計啦, 當然亦都希望佢真係會做到佢所講O既野啦!
好開心呀, 因為前幾日O係赤柱送俾佢果樣野, 佢今日都有戴住! 大家記住下個再下個星期買ＹＥＳ喎, 會見到我同亞敬架,
不過相信影得我唔多靚, 因為好唔夠訓! 之後就去左行旺角喎, 行行下見到陳奕迅, 本來都想同佢笑下o既,
不過佢的確口黑面黑, 所以免喇! |
| 21/3/2001 |
|
今日一早都俾我表妹嘈醒左! 都只係去左行左一陣街咋, 冇咩特別! |
| 22/3/2001 |
|
今日都幾早起身, 之後就去左飲茶, 再去左行旺角啦, 都冇咩特別, 聽日開始一連三日都要返學喇!! |
| 23/3/2001 |
|
今日訓到十一點幾, 之後去左飲茶, 再玩左一陣電腦! 夜晚就要返學, 都冇咩特別, 地點遠少少囉!! |
| 24/3/2001 |
|
今朝一早去左飲茶再返學, 不過好黑仔呀, 用左一個鐘頭十五分鐘先返到去, 攪到我遲左少少!
都係悶左一堂啦, 落左堂就同一大班人去左食野, 因為夜晚仲要上一堂ＬＡＢ, 都幾好玩架!
基本上今日突然發覺自己放低左一Ｄ野! 發覺左之後我覺得反而開心左! |
| 25/3/2001 |
|
今朝竟然十二點幾先醒喎, 之後好快咁食左野就返學喇, 不過遇正落大雨, 返到去都濕左大半呀,
幾唔舒服呀! 放學坐巴士返屋企, 不過俾個 DISCMAN 激死, 正確黎講係俾舊電芯激死, 換左電都聽唔到,
總之激死啦! 夜晚睇勁歌季選, 好開心呀, 一如我所料, ＜借你耳朵說愛你＞入選, 亦好開心因為係亞敬上年年尾O既成果!
蘇永康亦唔錯, 其他果Ｄ所謂歌手我就不願置評喇! 反而好想讚一讚鄧健泓喎, 佢係一個不折不扣O既新人啦,
第一次參與季選, 但都現場唱 LIVE, 雖然唱得唔算最完美, 但係比起果Ｄ咩天王天后要播帶, 我覺得佢真係得!
令我佩服, 呢Ｄ先係對唱歌O既堅持, 唔該頭先播帶果Ｄ歌手, 反省一下! |
| 26/3/2001 |
|
竟然訓到一點幾呀, 之後去左飲下午茶, 再之後去左行街街啦梗係! 尋晚上網好開心呀, 因為終於俾我搵到一個朋友,
雖然只係好巧合咁識到, 見過幾次面咁, 不過的確係幾好傾, 我同嘉瑩都好開心可以 ADD 到呢個人! |
| 27/3/2001 |
|
今朝一反常態, 九點幾醒左, 睇左一陣電視啦, 之後食完 LUNCH 就落左去行街, 都冇咩買過野! 今日天氣明顯係凍左少少,
不過仲頂得住! 晚飯前打過電話俾嘉瑩, 因為都有一排冇傾過電話喇, 傾得好開心呀, 可能係真係熟左好多!! |
| 28/3/2001 |
|
今朝一早俾我爸爸嘈醒, 之後就去左飲茶, 又再行左一陣街咁啦, 其實都冇咩特別, 大家要明白當我冇工返,
就冇咩特別事架喇! 我發覺我好為食喎, 因為今日不停咁食野! |
| 29/3/2001 |
|
今朝一早起身, 之後就去左行旺角, 之後又去左佐敦同尖沙咀喎, 再之後就去番旺角買左個電子琴,
好正架, 我會好努力咁去學架喇, 大家要支持我呀! 不過O係行旺角果陣, O係花園街果度見到一個人喎,
不過佢唔識我O既, 不過我唔肯定係咪我識果個人呢? |
| 30/3/2001 |
|
今日都冇咩特別事喎, 係咪好令到大家好悶呢? 都係飲完茶行左一陣咁咋, 夜晚就要返學, 不過好衰唔衰坐巴士返又塞車,
攪到我成七點先返到去, 遲到添! 夜晚亞嘉瑩打俾我, 原來尋晚幹線有亞敬哥仔呀, 不過我地都冇睇到, 可惜! |
| 31/3/2001 |
|
今朝一早上左一陣網, 去左飲下午茶喇, 仲發生左一件事, 真係激氣呀, 同桌果個人個仔好冇禮貌,
只係得果十歲唔夠, 勁鬧我地死八婆喎, 我咪即刻叫佢夠膽講多次囉, 佢又唔敢講喎, 之後佢亞媽返到黎,
竟然話佢個仔係咁架喎, 你話死唔死丫, 遲早真係俾佢自己個仔激到嘔血架咋! 而家唔教等幾時教呀?
不過人地O既野我就唔理得咁多架喇, 希望佢好自為之啦! 之後再行左一陣街街咁啦, 但係敬哥仔仲未出碟喎,
希望真係聽日啦! 手提電話成日都爆分鐘喎, 真係激死人呀, 諗諗下都真係冇傾咁多, 真係奇! |