YEAH YEAH!! 2005 年初夢!! 其實冇咩特別! 夢見 TSUYO 終於忙完 CONCERT, 之後就返黎我身邊, 咩都冇講, 攬住我訓!! 就係咁喇!! 當然我起身係攬住左隻可愛大熊貓啦!!!

唔知點解夢到自己拎住隻好大O既生蠔(有半呎), 但係我係咁O係個水喉度洗隻生蠔!! 哈哈哈, 幾攪笑!!

夢見自己突然間由屋企搬左部扭蛋機去一間文具店, 本來機裡面有七隻扭蛋, 點知同個人傾傾下冇哂喎, 之後我行去果Ｄ扭蛋機度睇, 發現到一部好大好大O既機, 裡面係一隻隻好大O既米奇老鼠公仔, 之後見到要 $150 扭一次呢! 我睇到後講左一句: 好似買都唔洗咁貴喎!! 咁大隻係咪真係扭到出黎架?!!

夢見自己O係一間好大個窗好大O既房, 之後見到王喜要個女仔拎個密碼出黎, 之後個女仔話要叫外賣喎, 之後個女仔就出左間房, 但係突然間聽到個女仔跳樓(好邪), 之後王喜衝左出去! 呢一刻唔知點解我好傷心, 之後就攬住張智霖勁喊, 總括黎講, 係一個好邪O既夢!!!

一開始好似O係一間學校宿舍, 但係房O既人都集合O係大堂, 原來係畢業禮採排, 然後我感覺到我同山P係是畢業生! 但我同佢都冇去採排, O係果Ｄ冇人O既宿舍冇目的咁行!! 突然間我手提響, 係一個女仔, 第一句就叫我唔好再同佢男朋友拉上任何關係, 然後我就跟她說: 我同 P 只係好朋友, 你唔信我都冇計!! 講完後立即收線!! 呢一刻 山P 唔見左!! 然後我就打俾佢, 但是冇人接, 我諗佢可能去左採排畢業禮, 所以我就行到去大堂!! 好多人呵, 但係搵唔到佢, 但眼見有一大堆的儀式要採排, 我也只好乖乖咁企埋一邊睇! 突然間我有一個感覺, 所以就一口氣衝左去山P個房度, 哈哈, 佢竟然訓緊喎! 然後我就好惡咁拉佢起身, 並講: 而家大家都O係度採排, 你女朋友仲打黎鬧我煩住你, 你快Ｄ同我去解釋!! 呢一刻山P因為仲係未訓醒O既關係, 佢只係同我講: 佢唔係我女朋友, 我有你已經好夠!! 講完立即又訓著左!!! (呢排仲咩成日發呢Ｄ夢?! 244 GOMEN NE~)

一開始我一個人好緊張咁諗住要打電話俾春天家姐, 但一直都冇人聽喎, 所以我傳左 SMS 俾佢, 內容係提佢記住聽日一定要還上次O係 J-FRIENDS 借果隻 VCD, 如果唔係會罰 3000 蚊!! 之後, 我就俾人迫左上一架小巴, 要去一個訓練營之類O既地方! 但我係唔係太願意去咁O既, 架車行行下停左, 原來係隔離有架私家車撞左, 仲好似有人Ｃ左, 點知突然間見到 W 果兩位小白妹妹變左鬼魂咁飛左上我坐緊果架小巴, 望住我講:"你唔好去呀!! 快Ｄ唔准去!!", 我好驚啦, 之後唔知點解佢地就飛走左, 之後到達左個營地, 突然間得返我一個人, 咁我就行左入一間類似宿舍O既地方!! 突然間見到 MATSUJUN, 佢指住最入面果間房示意叫我行過去, 一路行, 經過O既房, 我都感覺到係鬼魂住O既, 好驚咁行到入最後間房, 好黑!! 之後見到個人O係張"被"裡面起身, 雙眼無咩神咁向住我而行黎, 原來係我個細仔, 但係眼見佢好似見唔到我咁, 個頭仲住哂崩帶(但係係見到成個樣, 只係 頭頂-->下巴 咁打圈包住), 之後我望住細仔行去我後面, 我一轉身, 見到遠處 MATSUJUN 望住我, 我就做口型問佢點解會咁, 佢就答我:"佢係咁架, 永遠都係!" 果一刻我心痛了! 所以眼濕濕!! 就O係呢一刻, 突然間好多鬼衝去我度, 我就走啦, 走走下見到我黎呢度o既目的, 就係想見一個人, 想救一個人!! 但週圍變得好黑好濕, 眼前突然出現好多好幼, 唔同高低木條, 之後見到一班小朋友(鬼?!)O係玩, 跳黎跳去, 我意識到我都要過到呢一關先可以見到我想見O既人!! 所以我好努力咁爬呢Ｄ木條, 好努力咁爬, 好努力, 但爬爬下, 見到有個小朋友就黎跌, 所以我就拉住佢, 等佢唔好跌親, 但亦因為咁, 我O係Ｄ木條度跌左落黎, 隨即聽到一Ｄ令人心寒O既笑聲, 知道失敗左O既我, 就行左去終點, 好唔甘心咁對住個最高層人仕講:"係! 我今次係輸左, 我完成唔到!!", 之後就垂低頭, 好唔甘心咁流眼淚!! 但呢一刻, 全場靜哂, 之後突然間 MATSUJUN (唔好問點解係佢)一邊行過黎, 一邊眼濕濕咁講: "本來我唔相信一個冇見 17 年O既人仲係愛我, 但係我而家信喇! 雖然我而家唔可以話係好愛你, 不過開始對你有好感!!", 講完之後, O鍚左我右邊臉一啖!! 就係咁O既一個夢! 但... 我完全唔明點解!! 呀, 仲有零零碎碎咁, 好似我切過一條好大條好大條O既魚, 仲撕左個魚皮出黎! 好似係三文魚黎架, 呵呵!

一開始去左一個類似博物館O既地方, 不過裡面睇O既竟然係老鼠, 所以嚇到我喊住咁走返出去!! 出到去見到光一喎, 咁我同佢坐O係度, 唔知點解突然間我同佢講左一句:"我以前以為食果Ｄ龜, 同養果Ｄ龜係一樣架!"(TABEKAME TO PEDDO TO ORAJI DATOOMOIMASHITA), 之後光一就笑住咁話唔同!

一開始我O係一間屋裡面, 但係間屋Ｄ牆係貼左幾張好大O既相, 睇睇下, 突然間有一張係亞剛拖住光一O既相, 之後張相下面個標題寫住: KONOMAMA ZUTTOISHOU(就這樣, 永遠在一起)!! 我睇完之後好嬲, 正O係好嬲果陣, 一轉頭見到准一亦同時間受到呢張相O既打擊, 之後我地只係對望, 我好嬲, 但係准一只係有少少怪自己咁, 好 DOWN 咁, 之後就坐左落地下, 好 DOWN 咁!! 呢個時候, 亞剛向我地行埋黎, 佢一埋黎對我笑, 我就望一望佢, 又望下張相, 再望下准一, 類似示意俾亞剛知, 之後亞剛 FEEL 到我意思, 佢就同我講話果張相寫O既野只係標題, 並唔係佢內心說話, 之後我有少少相信佢, 但係我再望一望准一, 想示意話俾亞剛知准一都受傷害(只係發夢, 我絕對唔係同人女~), 點知亞剛走左喇! 鏡頭一轉, 到左室外, 遠望有幾級大石級咁, 但係又充滿沙泥咁, 咁我見到 SHO 坐左O係某一個位, 所以我就行埋去坐O係佢隔離, 冇傾計, 但係感覺大家都好安心, 就O係呢個時候, 突然間見到有架私家車好似飛機咁向我地飛埋黎, 所以我同亞 SHO 就立即走, 走左唔夠幾秒, 架私家車就撞左去我地頭先坐果個位, 因為我地都冇事, 所以對望左一野, 就安心喇! 但係就O係呢一刻我發現我對腳同埋手流血, 但 ... 好神奇, 幾秒後就變左幾條疤痕, SHO 好擔心, 之後回想返幾時整到, 原來係頭先走時, 我跪低左O係地下一野, (唔太記得 SHO 同我講左咩, 只係記得佢好擔心咁望住我), 就O係呢一刻, 亞剛O既好遠地方跑過黎, 之後走到我身邊立即好緊張咁問我有冇事, 之後我就答佢: 企O係度梗係冇事啦, 佢再望下我手手腳腳損哂, 佢就好擔心, 之後佢望到亞 SHO, 我感覺到亞剛係對 SHO 有少少敵意, 之後我話走啦, 同亞剛講話過幾日打返俾佢, (因為我仲嬲緊嘛!), 亞剛好似好明白我咁, 知如果O係我嬲緊時, 係講咩都冇用!! 所以就俾我走, 但 ... 突然間, SHO 拉住我, 之後我望一望佢, SHO 竟然叫我唔好走, 唔好離開佢!!(呵呵!!), 感覺到亞剛好嬲 ... 但好可惜, 我只能回想到呢度, 之後係點完全唔記得 ...!!

其實尋晚個夢幾攪笑!! 一開始O係一間好日式O既房裡面, 全部Ｄ人(包括我)都著住日式古裝(即係大河劇果Ｄ咁!), 然後我就坐左O係間房最入O既地方, 左右有兩個保護我O既人!! 然後突然間有一個類似爭我地家族錢O既人被押到去我度, 然後佢就請求我俾多Ｄ時間佢, 就O係呢個時候, 同樣係古裝打扮O既 SHO 出現, 講左一句"就多俾你 3 日時間!", 說時遲那時快, 我就一野瞪住 SHO 講"亞哥, 你都話左事咁多年, 而家應該輪到我喇!", 然後我就叫Ｄ手下拉呢個人出去, 仲限佢聽日要還清所有錢!! 然後 SHO 就好似好嬲好仇視我咁走左!! 然後我就交低工作俾身邊O既人, 然後我就走左返去亞 SHO 間房, 一入到房, 我見到亞 SHO 訓左O係張床度, 依然係好仇視我, 亦好嬲!! 然後我就走埋去話"你仲嬲我頭先咁講呀?! 我唔咁講, 一陣個個都話遲幾日先還, 咁我地唔掂架喎!", 然後我望住亞 SHO, 佢靜左幾秒, 就笑返, 仲攬住左我, 過左一陣就話出去食飯喇!!! 呵呵, 基本上就係咁, 係咪好攪笑?? 第一攪笑就係點解要日式古裝?? 第二樣攪笑係, 我仲咩叫亞 SHO 做亞哥, 但係又唔似真係我亞哥喎!! 哈哈!

尋晚個夢一開始身在日本!! 一個人拎住行李坐左O係一個唔知咩街O既一邊, 睇住地圖, 突然間, 有一個青年人好惡咁走過我前面, 仲好惡咁望左我一眼, 然後坐O係我隔離O既人(好似係識, 但又唔記得係邊個)鬧果個人, 話佢冇禮貌, 然後我果一秒見到呢個青年有少少唔沉常, 所以就出手叫身邊O既人唔好鬧, 繼續睇地圖, 說時遲那時快, 呢個青年就拎左支手槍出黎, 向街o既人射左三槍, 然後我就好驚, 但係我意會到一定唔可以有任何反應, 所以繼續睇地圖, 之後呢個青年就走左, 佢走左之後我感覺到全身無力, 就O係呢個時候, 有一架坐左好多婆婆O既旅遊車, 有一位婆婆叫我唔洗驚, 仲叫我上車, 唔知點解我又知道佢唔係壞人, 所以就跟左佢上車, 一邊返去婆婆們O既地方, 我就一邊好努力咁用日文用果位婆婆傾計, 雖然有時Ｄ助詞講錯左, 不過婆婆們都明白, 大約係講話我因為想睇 ARASHI 演唱會而黎日本(亞剛千其唔好嬲我, 發夢我都控制唔到~), 過左一陣到達目的地喇! 婆婆就叫我落車, 仲話可以暫時住O係佢度, 仲話我見到佢個孫仔一定好開心!! 咁我不以為意就落車啦, 嘩! 落到車, 竟然見到前面O既建築物寫住"桂花樓", 有少少唔識反應, 然後婆婆就叫佢個孫仔出黎幫我拎行李, 嘩嘩嘩!! 出黎幫我拎行李O既竟然係雅紀呀!! 果一刻簡直係呆左, 完全唔識反應, 之後婆婆叫雅紀帶我去行下街, 仲話我係香港黎O既, 要俾耐性聽我講O既日文, 雖然雅紀好似有少少唔願意咁, 不過最後都陪左我去行街, 一邊行, 我一邊好努力咁講日文, 雖然亦係有時講錯左助詞, 不過由最初唔太願意陪我變成有講有笑, 期間有時講錯左助詞, 雅紀仲好可愛咁笑!! 行行下, 我話要去行 100 YEN 店, 點知雅紀話而家有好多係 88 YEN 店(汗, 我記得呢個情報係我上次睇果本日本遊O既書睇到!!), 然後行到去一個種似原宿O既地方, 我突然間見到有得影貼紙相, 所以我就話不如去影貼紙相, 雅紀有少許唔願意, 不過都好自願咁影左, 影果張貼紙相仲要係連環快拍果Ｄ!! 影得好開心呢, ... 好可惜!! 我只記得咁咋, 之後係點真係完全唔記得, 嗚嗚~~!

尋晚個夢一開始我意識到要去救一個, 因為俾一個壞人捉左, 而果個壞人又寄左封信俾我, 係要我自己諗下代表咩地方! 記得大約係東南西北咁, 咁我就好努力咁諗, 點知道明寺(JUN)話唔洗咁急, 因為而且叫左人幫我查, 叫我休息下, 唔好咁勞動, 唔洗咁緊張! 我就發哂嬲咁話佢一Ｄ都唔關心, 勁鬧佢, 之後我就坐低左係咁望住張圖去諗呢個謎底, 花澤類(小栗旬)就靜靜咁坐O係我隔離, 我點都諗唔到, 之後好絕望, 類就好溫柔咁安慰我, 呢一刻, 道明寺睇到, 好嬲好嬲咁衝入黎, 猛開我, 然後同類理論, 就O係呢一刻, 我突然間諗到解謎方法, 就係用一塊鏡, 然後知道果個壞人捉左我要救果個人附近一座樓!! 好可惜, 我唔記得左後黎係點呢!!

尋晚個夢 ... 道明寺司又再一次出現!! 一開始, 我意識到我係參加自己O既畢業禮, 但係唔記得左著校服喎, 但係其它人好似唔敢話我咁!! 之後我就搵個位坐低左(課室境), 然後突然間見到坐我前面再前面O既係亞 SHO 喎, 好型!! 所以禁不住同坐我前面果個人講"你覺唔覺得 SHO 型左好多呀?!", 之後本來想坐去 SHO 隔離, 但係佢隔離又坐左個我好唔鍾意O既人 (唔記得邊個, 不過係好厭惡咁架), 之後我發現我左邊隔左條走廊仔位O既隔離, 有一個同我好好朋友O既人坐左O係度, 所以我就問果個人可唔可以同佢坐, 佢話可以, 所以我就立即坐左去隔離, 但 ... 我一坐低之後一秒, 唔知點解我果個朋友走左, 之後道明寺司(JUN)同埋佢兩個朋友(哈哈, 唔知係咪 F2 呢?!)坐左埋黎, 道明寺仲坐我左邊, 我個感覺係好唔鍾意, 所以就立即走身想走, 點知我一企起身想走果陣, 佢好大聲好惡咁話"坐低!! 如果你走我一定對你唔客氣~~", 聽完之後, 唔知點解我有少少驚, 所以坐低返, 全場O既人都唔敢出聲!! 之後佢要我聽住佢地 3 個傾計, 但我根本完全冇興趣, 所以就發白日夢! 突然間, 我見到道明寺個樣好絕望/好唔開心, 唔知點解, 果一刻我忍唔住, 伸隻手捉住左佢隻手, 然後佢就好感動咁, 眼濕濕, 然後捉住我隻手, 之後就挨住我, 好安心咁訓著左! 之後有一個風紀之類O既人話唔准訓, 然後我就叫左個風紀過黎我右邊, 同佢講"佢O既生活其車好辛苦, 一直都唔可以做返自己, 難得佢咁安心咁訓左, 你忍心叫醒佢?!", 聽完我講之後, 果個風紀都唔忍心, 所以就走左!! ... 後面好似仲有, 但唔係好記得咩內容, 又一次覺得自己係杉菜~ 汗!!

尋晚個夢一開始上左架巴士, 好似係要搵人做問卷, 但架車開開下, 發現我漏左個書包O係課室喎, 咁唯有落車返學校搵, 返到課室, 因為已經好夜, 所以冇人, 同行O既仲有"小池徹平"(呵呵, 真係好!!), 之後, 我O係兩個辣妹O既位果度見到我個書包, 所以就想去拎, 但係又驚, 所以徹平就幫我拎, 拎左之後, 我地坐返自己個位, 呢一刻我望到我個書包竟然係好大好大好大O既, 仲係毛公仔咁O既豬樣~(真係幾攪笑), 之後徹平叫我睇下有冇唔見野, 點知!! 一睇個銀包, 咩錢都冇哂, 只得返 3, 4 張手工紙, 再睇, 連身份証都冇埋, 然後我就話"一定係果兩個人偷左!!", 徹平就話"但冇証據, 我陪你去搵老師講呢件事, 放心, 冇事O既!!", 搵完老師之後再返埋位, 我好失落, 因為補領身份証好貴呢, 然後無意識咁睇下本書, 見到有一張身份証O既 COLOR COPY 喎, 然後我睇到係話"唉, 都冇過膠, 點用呀!!", 徹平就話"咁都好過咩都冇哂丫!! 冇事O既, 放心!!"!! 大約就係咁, 奇就奇在, 我好耐冇發夢係講廣東話(:P), 因為通常都係講日文!!(因為讀日文讀到傻傻地!!)!

尋晚個夢一開始O係一個課室咁O既地方, 但係 4 個人一張桌咁O既, 我就同兩個女子同埋一個男仔一齊坐, 我感覺到果個男仔應該係我男朋友咁, 坐坐下見"男朋友"同其中一個女仔 KISS 喎, 咁我就立即問佢咁係咩意思, 之後"佢"就答話"咁你仲唔明呀?!", 我即刻起身想走, 但佢地三個O係我起身之前已經走左, 隔左一陣, 道明寺司就出現, 佢好惡咁同我講話呢Ｄ咁O既男人唔好要, 之後我就同佢講佢唔會明白我感受, 之後靜左一陣, 佢就話佢完全明白到我O既感受, 因為佢見到自己愛O既人傷心都好傷心, 好想陪佢愛O既人一齊喊, 之後佢好溫柔咁摸下我個頭, 講"CC HA BAKA!!"(CC是傻瓜!)!! 完!! 我發現自己真係好可能係杉菜 :P!