背景音樂 : 哭泣遊戲
| 1/4/2001 |
|
四月一號, 整蠱人O既節日! 但係好慘, 尋晚我唔見左掛O係手提果粒叮噹仔, 仲要搵唔番, 真係衰!
今日亦係冇咩特別! 去過街街, 買過野, 有特別節目! |
| 2/4/2001 |
|
今朝一早起身就勁唔舒服, 連午飯都食唔落, 食左粒藥又去訓過, 一直訓到三點幾再起身再想食野, 點知又係食唔到,
又再去訓過, 到左四點幾先好番Ｄ咋, 其實真係好鬼辛苦, 又頭痛, 又肚痛咁, 都唔知想點! 好在家下冇事喇! |
| 3/4/2001 |
|
今朝都算早起喎, 都係食過野之後就去拎番Ｄ相, 今次去７仔曬相, 都唔錯喎! 事隔幾日, 我仲係好掛住我粒叮噹仔添,
點算好呢? 我見過有得賣呀, 不過同我果隻唔多同, 不過唔見左佢真令我傷心! |
| 4/4/2001 |
|
今朝訓到成一點呀, 因為落雨天係好訓Ｄ, 之後去左飲下午茶啦, 好攪笑喎, 嘉瑩叫我買左一本雜誌,
裡面有上次我地同亞敬一齊果個作曲班O既片段, 不過的確好攪笑, 大家想睇下而又知道咩雜誌O既話, 可以買黎睇下O既!
夜晚就要返學, 都係上ＬＡＢ咋, 好少有咁冇遲到, 仲要早到左添, 因為好好彩冇塞車! 由於上ＬＡＢ都係冇咩教,
所以亦都早放左, 亦好好彩咁有位同學幫我整左隻碟俾我用黎做功課, 多謝佢先! 放學之前都同左幾個同學影相,
因為識左咁多年都冇影過相, 未夠十點返到屋企! |
| 5/4/2001 |
|
今日都好好訓呀, 食左野之後當然係呢樣攪下果樣攪下咁啦, 其實係唔知做過咩! 之後就去左行附近o既商場順便買野,
點知竟然撞到我二契姐喎, 真係好開心, 因為都有個令兩個月冇見! |
| 6/4/2001 |
|
一早起身冇咩做過, 夜晚就要返學, 不過O係等緊巴士返學果陣見到一件好驚險O既事, 事緣係察追截一架小型客貨車,
我當時就O係附近巴士站等緊車, 點知突然間聽到好多警車聲, 未幾, 就見到一架車高速咁駛落黎, 架車仲好危險咁駛左去對頭線度,
而當時係行人綠燈, 好在冇人受傷咋, 之後有成五六架警車咁追住佢, 好在我冇事, 因為聽聞話有果架車果個人有槍架!
不過都係虛驚! |
| 7/4/2001 |
|
好早起左身喇, 之後就去左行旺角同埋深水"步", 本來諗住買水晶珠仔整野架, 不過都係睇唔 ARM ,
所以冇買到囉, 不過真係好多野想買, 都係遲Ｄ先! 返到屋企好累呀, 因為實在好多人, 睇野又好多人喎,
所以睇得唔舒服! 終於都開始做功課喇, 但係都唔係好知做成點, 要一陣上網同個同學傾傾先! |
| 8/4/2001 |
|
今朝好多電話打黎, 之後就去左飲茶, 都飲左好耐呀, 之後就直接返屋企喇! 夜晚食飯前打過電話俾嘉瑩妹妹,
傾左一陣啦, 唔知係咪習慣左呢, 冇見佢咁耐, 真係好想佢快Ｄ考完試可以見下面! 食完飯後我都有練琴架,
雖然都只係皮毛, 但係我都覺得我自己算係咁! 我要學亞敬咁學好Ｄ琴, 作多Ｄ好歌, 我相信我做到! |
| 9/4/2001 |
|
今日訓到點幾兩點, 因為尋晚好夜訓, 同埋今朝個天好黑, 所以成日以為未天光囉! 冇落過街呀, 因為落雨天係唔適合落街!
夜晚做過份功課, 不過硬係覺得差少少咁, 唯有過兩日返學問下Ｄ PARTNER 啦! 玩過一個 GAME 叫"夢幻樂園",
都幾好玩, 不過硬係好想買番"純愛手扎", 大家如果知道邊度有正版賣, 講聲我知丫! |
| 10/4/2001 |
|
好消息呀, 亞敬哥仔終於出左碟喇! 大家支持下啦! 今日都冇咩特別, 去左飲下午茶啦, 都係好無聊咁,
冇工返都係咁上下架喇! |
| 11/4/2001 |
|
日頭冇咩特別野, 夜晚就要返學, 不過亞 SIR 遲到, 好在係上ＬＡＢ, 都係自己同組員一齊傾下份功課點做,
所以早走左, 我九點二到走左喇, 就黎要交功課喇, 其實都有少少緊張! |
| 12/4/2001 |
|
今日都算係早起身架喇, 不過早起同遲起咪又係冇咩特別野做! 落過下街啦, 之後都返左屋企! |
| 13/4/2001 |
|
今日雖然係黑色星期五, 星座仲叫我要留O係屋企, 同埋提防雙子座O既人, 但係我就出左成日街喎,
仲真係俾我同嘉瑩妹妹好好彩咁撞見一個雙子座O既人 ─ 敬哥仔! 的碓係好好彩呀, 好開心添呀!
我地今日去左好多地方, 旺角-->九龍城-->尖沙咀, 之後我就返屋企飯喇! |
| 14/4/2001 |
|
今朝醒左好多次, 因為驚預錄果個 PROGRAM 用唔到, 所以起身 CHECK 左幾次! 十一點未夠就真係醒左喇!
食完野就去左行將軍澳新都城, 因為未行過嘛, 都幾多野睇架喎, 仲有意外收獲添! 今日亞妹打俾我,
本來想叫我幫你手返工, 但係真係太多功課要做, 要同亞妹講聲對唔住先, 你等我呀, 完左呢科我會得閒少少架喇!
你一定要等我呀! |
| 15/4/2001 |
|
今朝都好早醒左, 因為約左人飲茶, 飲完茶就去左我爸爸個朋友屋企坐, 再去左飲野, 又去左食飯, 又去番佢屋企坐,
本來都幾悶架, 不過收到一個令我好開心O既電話, 之後十一點到返到自己屋企! 好忙碌O既一日! |
| 16/4/2001 |
|
今日個日記真係唔知點寫好, 本來預料一定係非常之開心, 但係的確唔開心係多過開心, 事緣下晝就去左尖東港晶中心 NEWAY 卡拉ＯＫ,
因為亞敬會O係果度, 去到見到佢, 好開心啦, 仲要霸佔左本來係俾佢同佢Ｄ助手們休息O既卡拉ＯＫ房, O係亞敬做緊野果陣,
我地當然唱Ｋ啦, 正如亞敬哥仔話齋「唱住等」, 其實係好開心架, 不過就O係呢個時間發生左一Ｄ好唔開心O既事,
係咩事就唔多方便講, 不過我學識左咩係"路遙知馬力, 日久見人心!", 呢句野原來係真係可以發生架! 其實唔止我一個唔開心,
一直以為係自己多心, 原來根本就係事實之全部! 所以我都只係唱左三首歌咋, 之後就冇入番去間房喇, 因為實在太冇意思喇,
我真係唔夠某Ｄ人咁假! 當然亞敬唔知呢件事啦, 但係我覺得佢 FEEL 到少少, 因為影相果陣佢都有安慰我!
真係唔知點解Ｄ人會咁, 不過呢個世界咩人都有架啦, 我都冇計架! 係咪?! 未來O既日子, 我知道點做架喇! |
| 17/4/2001 |
|
其實今日冇咩特別事發生過! 好彩唔開心O既事過左去喇! 不過好奇怪, 唔知係咪我講得太隱悔,
攪到一Ｄ誤會發生左, 所以幾唔知點咁! |
| 18/4/2001 |
|
今日其實都幾忙架, 做功課囉, 因為真係好快要交! 冇出到街, 因為落雨呀成日! |
| 19/4/2001 |
|
今日都幾忙, 不過份功課仲未攪得掂! |
| 20/4/2001 |
|
日頭基本上都係煩下份功課, 夜晚就要返學, 不過兩個 PARTNER 都冇返, 所以都係同Ｄ同學研究下有咩問題,
要多謝亞 RAYMOND 同學送左幾支筆俾我! |
| 21/4/2001 |
|
今日好累呀, 因為一早出左去食飯, 之後就返左屋企喎, 再之後又落左街喎! 總之好累啦! |
| 22/4/2001 |
|
今朝一早俾個電話嘈醒左, 之後睇下電視, 諗下份未交O既功課, 之後都有落過街行過一陣咁啦! |
| 23/4/2001 |
|
今日都幾難過渡, 因為知道左亞敬一個 FUNCTION 但係又唔得閒去, 因為知果陣太遲, 趕唔切去! 希望唔會有下次啦,
四點幾就落過去行左一陣, 不過咩都冇買! |
| 24/4/2001 |
|
今日去左旺角行左一陣之後就去左睇醫生喇! 七點到返到屋企啦! |
| 25/4/2001 |
|
今日冇出過街, 因為都係O係屋企睇番Ｄ以前錄O既劇集, 同埋做份功課! 因為星期五交喇, 所以都要努力!
睇左好幾集＜雷霆第一關＞喎, 發覺王喜真係好正喎, 雖然佢唔係靚仔, 但係有一種吸引力! 介紹幾個晚晚陪我訓O既人丫(下圖)! |
| 26/4/2001 |
|
今朝一早醒左, 係屋企食完野之後就出左去旺角, 一來係行街街, 二來就係去拎回鄉咭, 影果張相真係可以笑幾年,
不過都算影得好架喇! 其實我好耐都冇回鄉証架, 因為對上果本係細路果陣拎O既! 之後七點鐘到返到屋企, 做左功課,
希望聽日如常交到啦! |
| 27/4/2001 |
|
今朝一早去左屯門, 之後就差唔多五點九就坐番巴士出黎, 因為要返學, 好準時咁返到去, 不過都冇咩做過,
不過突然有一個諗法, 原來我發覺有時隔住部電腦用文字傾計比起面對面咁傾計, 的確感覺好唔同, 可能有時隔住個電腦傾,
好多野都可以講到, 但係一見到面硬係差Ｄ咁! 不過今日都好開心, 因為都傾得幾開心! |
| 28/4/2001 |
|
今日都可算係幾忙O既一日, 因為首先去左飲茶, 再去左尖沙咀飲野, 再去左美孚食晚飯再返屋企O既,
奇遇又真係幾多喎! |
| 29/4/2001 |
|
尋晚都訓得唔錯, 所以今朝都幾好訓! 今日都冇咩特別地方去過, 去過飲茶啦! 之後都係留O係屋企執野咋! |
| 30/4/2001 |
|
今朝都總算訓得幾好! 都落過街呀, 都只係執下野, 睇下電視咁咋! |
