今日都係落街行過下咁啦, 買左兩盒 A4 紙! 改過少少份功課, 不過都仲有野加O既! 我收到我日本個朋友封信呀, 好開心, 因為都有一段時間冇通信喇, 佢仲送左個好靚o既電話繩俾我添! 多謝哂呀!

你看我看你 --> 係熊貓O既心聲!

今日冇出過街, 只係O係屋企咋, 因為又有少少作病!

沉默寡言 --> 可能呢排係咁, 因為就黎要交功課!

今日好眼訓呀, 真係唔知係咪天氣影響, 定係長期唔夠訓呢! 仲有呀, 今日行行下街發覺條腰好痛呀, 而呢種痛係從來未試過O既, 唔通平時O既姿勢唔好所致? 行左一陣咋, 夜晚都係改下功課睇下電視咁啦, 今晚有我最愛O既 Cirque du Soleil 睇, 所以今日心情好好架! 近排心情都好左好多, 交埋份功課之後我就會約我O既好朋友們出去玩下, 首先梗係約我兩個最愛O既家姐啦, 亦唔少得我以前 TI O既同學仔!

他一個人 --> 其實"我一個人"都幾好架, 起碼少左好多人同人之間O既磨擦!

今日去左圖書館睇書呀, 突然覺得圖書館係一個好特別O既地方, 因為真係好靜架, 我知圖書館係要靜, 不過好多人都唔會咁為人設想, 因為人係自私O既, 相信大家身邊都有呢類人, 而我覺得最得人驚O既係為求目的不擇手段O既人, 我永遠都唔會了解呢種人, 因為"道不同不相為謀"!

踩親你 --> 王喜講得好 ARM, "成功唔係計邊個嬴, 而係計邊個可以堅持到最後", 但係好多人唔認同, 我就好認同喇, 我唔理得大家點諗, 只要自己信就得啦!

今日出左去尖沙咀飲茶, 本來諗住交埋份功課架, 不過又驚呢幾日會諗到有野加喎, 所以都係過幾日先再出過交, 飲完茶之後就去左行街, 一直行到去旺角, 行到七點鐘先坐車返屋企呀! 天氣真係凍左添!

若是別離 --> 其中一句歌詞係"錯? 在我麼, 我的天真惹禍", 有一本書其中一句係咁講O既"若這個世界上, 只有我自己, 我做什麼都對; 錯, 都是你們加諸在我身上的"!

今日係執屋日, 因為實在有一點亂呀! 傾過幾個電話! 又落左去麥當當食野, 當然有我最愛O既蘋果批!

活在當下 --> 其實咩都唔重要, 最重要係要活在當下!

今日其實主力係執功課, 因為聽日交喇, 所以最後執執"佢", PRINT 左出黎喇, 不過硬係覺得爭咁Ｄ咁! 不過算啦, 都冇辦法架喇, 因為自己盡左力, 我一直都相信只要盡左力就可以問心無愧, 結果係點已經唔再重要! 當然合格就最好啦, 因為 LAST 一科, 我只係差呢科就掂喇! 今日有一個朋友打過俾我呀, 佢問左我一樣好奇怪O既野, 點講好呢? 如果佢所講O既係真, 就某程度上係好事, 不過對於我黎講又冇咩影響咁, 因為好似唔多關我事咁, 早幾日有一個人同我講過, 呢件事會因時間而變成好似以前咁, 係一個 CYCLE 黎O既, 叫我唔好咁擔心, 佢都講得 ARM, 因為我眼睇又真係似 CYCLE, 而今日呢個朋友所問O既問題都差唔多係咁O既意思, 不過我覺得呢個 CYCLE 係唔關我事, 因為事實歸事實! 尋晚聽"芝 SEE 姑 BI", 佢成晚都叫人要對自己好Ｄ, 唔好做一Ｄ傷害自己O既野, 因為我地唔係聖人, 佢講得好好呀, 我有同感, 其實我都知好多野係自己控制唔到, 不過我又慣性咁好情緒化, 又加上我對人信任唔夠(起碼對中學以後O既朋友係咁), 好驚再受傷害, 因為曾經都跌過, 好驚今次又係咁, 其實我交朋友好簡單, 只求對方唔好出賣同埋傷害自己, 其他咩都唔重要!

被遺棄 --> 呢樣係我最驚同埋有陰影O既感覺, 亦係最憎!

今日去左飲下午茶, 之後就開始今日O既旅程, 首先返左學校交功課, 之後就坐地鐵過左海, 因為去拎我最愛O既 SAMMI POSTER, 真係好大張, 好靚架, 有錢都買唔到! 行左一陣就返屋企喇, 因為今日空氣雖然好, 不過天氣唔多好, 凍左少少, 同埋要返屋企食飯嘛! 食飯之前收到個電話喎, 我真係完全估唔到"佢"會打黎問我野呀, 早知唔咁早返屋企住啦, 如果我遲兩個鐘頭去做今日o既野, 我就會見到佢喇!

債 --> 其實每個人都總有債, 只係你地發唔發覺同埋覺唔覺得係債!

今日好早起左身喇, 係俾個電話嘈醒o既! 之後食完飯就落左去圖書館, 因為想睇下有咩新書睇, 結果坐左一個鐘到啦, 之後就去行街街! 唔知係咪今日早起身, 所以好唔夠訓, 所以五點幾睇睇下卡通片就訓左喇, 足足訓到八點半先起身食飯! 我家下仲好眼訓同埋有少少作病咁添呀! 其實今朝發生左一件趣事, 我竟然無端端被困屋企洗手間, 又驚又好笑!

天使藍 --> "慢慢地學會痛心, 慢慢地學會化身普通人, ... ..."!

今日冇咩特別丫, 都係好眼訓, 不過唔敢訓 LU, 因為尋晚訓左晏覺夜晚就訓唔到! 夜晚當然係睇梅艷芳啦, 不過睇完之後有一個問題, 成晚都係得果幾個歌手係唱 LIVE , 但係歌手本身就應該係唱得一咀好歌, 點解仲要唱 MMM 呢? 新人都算喇, 有Ｄ出左成十幾隻碟, 又開過 CONCERT, 入左行咁多年O既歌手都要唱 MMM , 咁係咪即係話俾人知佢地係浪得虛名呢? 反而草蜢、許志安、何韻詩、鄧健泓, 就連陳慧琳都係唱 LIVE , 仲唱得幾好添!

這是我心裡對白 --> 劉德華話過好多時人與人之間O既誤會係由其他人開始O既, 所以要睇下我地點處理, 而我就係每一次都好坦白咁講, 唔理大家接唔接受都好, 呢個就係我!

今日去左飲茶, 之後行街呀, 再去左圖書館, 我開始鍾意去圖書館! 當然我好希望可以去下中央圖書館啦, 因為樓下呢間實在係冇咩新書!

好心害了你 --> 一直以為只要自己對人好, 人地一定對我好! 我完全冇正面講過一Ｄ傷害人O既說話, 但原來咁樣只會害左自己, 因為自己咁諗咁做, 人地唔一定會咁樣對番你! 可能有Ｄ人仲會落井下石, 必要時伸你一腳!

今日食抄飯呀, 好好味! 之後就聽左一陣歌, 再落左去行左一陣街! 聽左成隻王喜O既 CD, 其實聽完之後好開心, 因為聽完之後我心裡面真係好舒服呀, 好似有人同我同一陣線咁, YEAH!

踩親你 --> 係其中一首亞喜O既歌, 而呢首歌O既前言係"甚麼人做甚麼事說甚麼話, 請接受我是有別於你這事實", 對嘛?!

今日都有去圖書館, 亦都有去行街! 不過就冇咩特別, 都係頭痛腰痛咁啦! 聽王喜o既 CD, 你係會覺得你同佢係要溝通, 因為佢會O係歌詞同埋前言度同你心靈溝通, 所以聽佢O既 CD, 絕唔係得一個"聽"字, 佢唱歌可以唔及好多歌手好, 不過起碼佢O既 CD 係有血有肉, 唔似得其他歌星, 只係去影靚相, 是但唱左Ｄ歌就推出去賣, 就連宣傳都費事做, 起碼我聽亞喜O既 CD , 真係有所感動, 我內心係溫暖O既, 睇得出佢係對社會有一份熱誠, 佢成日話唔好講到佢咁偉大, 佢只係對自己有要求, 盡量都迫自己有改變, 呢一個 POINT 係好事黎架, 唔好理係咪一定要進步(邊得黎咁多進步丫), 但係起碼有所改變, 對自己一定有好處! 近日我o既留言畫版自動 DELETE 留言, 亦因為咁, 我睇到好多以前O既留言, 原來人係可以變得咁快! 真係 ... ...!

開玩笑 --> 亞喜O既歌, 前言係"實的一句,會有這麼便宜的方法, 可以把煩惱踢走, 開玩笑"!

今日依然係去圖書館啦, 仲有好多新書添呀! 今日條腰都仲有少少痛, 又勁眼訓咁啦! 突然間今日覺得原來身邊O既人都未必可信, 我點解咁講呢? 劇集都有做啦, 身邊O既所謂兄弟、好朋友, 可能最終係出賣得你最緊要O既一個! 可能我諗得太多掛!

心寒 --> "你太令我失望, 我卻令我心寒, 明明為你響往 ... ...", 呢種感覺你試過未呀?!

今日去左行旺角呀, 好正, 買左好多花, 仲有兩盆仙人掌, 個花盆仲要係熊貓黎架, 好可愛架!

天衣無縫 --> 朋友就應該可以做到咁樣, 係咪!

今日去左飲茶, 同表妹玩下咁啦! 冇咩特別呀, 不過今日熱左好多呀, 希望聽日開始可以再涼番就好喇! 我好開心呀, 因為我發現左 QOO 原來有好多味架, 香港就有: 白提子、橙、富士蘋果, 而每個地方都有唔同O既味架, 仲有黑加倫子、檸檬、桃子、... 新出仲有波蘿味添呀! 所以各方好友, 如果去開外地玩, 麻煩大家買支當地O既 QOO 仔俾斯斯, THX!

我只要現在 --> 過去的事過去, 未來的事未來, 現在最緊要!

尋晚好慘呀我! 成晚都冇訓, 因為部電腦中左毒, 仲要O係我剛剛上完網想熄機果陣時中毒, 攪到我由夜晚十一點幾開始整, 整到今日下晝兩點幾, 足足十幾個鐘呀, 一日都係我懶啦, 因為我呢幾都都諗過 BACKUP 同埋整落去 CDR, 點知就係一日推一日, 攪到一中毒就大件事, 又要即刻 BACKUP 番Ｄ FILES, 最緊要係我四年以黎O既功課都O係部機度, 攪到幾廿 MB 要 BACKUP 去 FLOPPY, 攪左成日呀真係! 而家都好彩攪番掂! 不過就唔見左好多好多軟件同埋 MP3 , 真係好多, 所以又要慢慢先整番! 整到兩點幾先有覺好訓咋! 成晚都鬧自己懶囉, 如果一早有 BACKUP 去 CDR 就唔洗攪咁耐, 一粒鐘唔洗就整完訓啦! 訓到夜晚七點幾就醒左喇, 可能太好訓啦, 所以好精神! ICQ 個 LIST 就冇哂! 希望大家係識我O既人都 ADD 番我啦, 麻煩大家呀!

個個讚你乖 --> 電腦呀電腦, 你乖喇, 唔好再咁玩我!

今日成日都肚痛呀, 但係都去左飲茶喎, 之後行左一陣啦! 夜晚就睇左＜騎呢大狀＞, 本來真係冇諗住睇架, 因為真係唔係太吸引架咋, 但係俾我見到有我好鍾意O既郭政鴻做呀, 所以睇左囉, 如果唔係有佢份做, 真係訓下覺好過, 累到死!

放開你的頭腦 --> 點解呢個世界上會有一Ｄ人係會死咬唔放架呢? 其實有時係大家心中有鬼, 所以唔可以做到一個最好O既方法, 不過每人都唔同O既! 我已經 GET OVER IT, HOW ARE YOU ?!

今日個肚冇咁痛喇! 食完飯之後收到嘉瑩家姐電話話商台今日有亞敬! 過左一陣嘉瑩打黎約我去喎, 所以我大約三點九到左商台, 不過好攪笑呀, 亞敬個樣有少少唔同左喎! 其實今日出去之前o既心情都幾唔知點咁, 不過我而家好清楚好明白我同嘉瑩係好朋友, 至於其他野就唔多理喇我, 過去o既朋友就由佢過去啦, 其實我真係冇咩野, 都咁耐啦, 做到點頭朋友咪做囉, 做唔到咪當冇識過囉! 其實真係好簡單!

說清楚 --> 幾個月前都已經說清楚, 我好清楚而家嘉瑩係我朋友, 佢又係你地朋友, 冇問題架!

今日收到一封 EMAIL, 令我信心倍增! 今日又好特別喎, 因為上網同一個人傾計, 傾得好開心, 希望我快Ｄ查到我想知O既野啦! 尋晚聽"芝 SEE 姑 BI", 佢真係講得好呀, 如果每個人都一樣O既話, 就一定唔會嗌交! 你話係唔係?!

我懂 --> 我懂得愛惜自己!

今日去左飲茶喎, 之後就去左行旺角, 買左好多野, 亦好攪笑咁睇到個魔術銀包, 真係幾神奇架! 行左成個花墟呀, 真係好多花, 好多好得意O既野, 我又買左好多植物呀, 真係又平又靚呀!

愛自己 --> 從今天起, 更識得!

今日冇咩特別, 我契媽黎左我屋企傾計同埋食飯! 不過我今日好頭痛呀, 唔知點解呢?!

單身女子 --> 好好聽!

今日出左去尖沙咀飲茶, 因為同我契媽同埋一個佢地O既舊朋友, 傾左好耐, 之後去行街, 又見番一個由細睇到我大O既姨姨喎, 真係好開心呀, 之後又去左食下午茶啦, 再行左一陣就返左屋企喇! 之後都整左好多野, 又睇左我最愛O既日劇啦, 不過都係睇 TVB 播果套＜巨星夫婿＞咋, 不過真係好令人感動架!

相愛很難 --> "也許相愛很難, 就難在其實雙方各有各寄望, 問怎麼辦?"!

今日真係成日都落雨, 真係麻麻地喇! 夜晚去左食壽司呀, 好正!

未說的一句話 --> 合不來就是合不來, 合得來就是合得來! 就讓這一切一切都過去吧!

今日去左圖書館借左兩本好書, 就係有關寫網頁o既, 係時候襯得閒學番少少野, 雖然我都識寫 HTML , 不過真係可以再整好Ｄ, 大家等下啦, 遲Ｄ我Ｄ網頁就會正過而家好多好多架喇! 今日睇新聞, 電盈又炒人, 試問經濟咁樣, 我呢Ｄ初畢業O既又點有境呢? 真係希望經濟快Ｄ好轉啦!

汽球 --> 係許哲珮O既新歌, 其實＜白色婚禮＞都好正!

今日好早起左身喇, 因為約左我個亞姨去飲茶, 之後就去左旺角行街, 人都係好多呀, 行到四點令先返屋企! 本來另一個姨姨都黎, 點知佢未起身, 所以冇黎到囉, 仲諗住我表妹黎我度玩幾日架嘛, 家下要過兩日先再黎玩喇!

我怕 --> 原來當感情有轉變o既時候, 一切都變得可怕, 真係唔想咁樣, 不過可以點樣呢?!

今日都冇咩特別咁, 係熱左好多, 有睇日劇啦, 我真係好想去學日文, 不過仲未搵到門路, 我真係想學呀, 因為諗諗下, 我好似冇咩邊件事係做得好好咁, 所以好想去做好一件事, 係做得好好咁!

如果一個女人 --> 如果一個女人只認為戀愛係人生全部o既話, 你話幾可悲呢?!

今日一早去左飲茶, 之後就返左屋企啦, 點知部電腦又有少少問題, 又整左一陣咁啦! 夜晚就同左兩個契姐去玩呀, 其實都唔係玩o既, 係傾下計咁啦, 傾左都幾多野架, 雖然唔係成日搵, 成日見住, 不過我真係知道呢一份友誼係會永永遠遠o既!

白色婚禮 --> 好想快Ｄ到十月呀, 因為有一個婚禮要去參加呀!

今日好早醒左, 因為俾我表妹仔嘈醒左, 之後食完晏, 剪貼紙呀, 因為我尋晚去街果陣見到有狗仔貼紙, 不過就要自己剪O既, 咪買左送俾我兩個表妹囉, 佢地鍾意狗仔嘛, 分貼紙分左一陣啦, 之後大約三點鐘到就坐車去左沙田, 因為想帶我表妹仔去 SNOOPY 公園影下相咁, 一路玩到成六點幾先返屋企呀, 今日都玩得好開心, 因為除左去左 SNOOPY 公園之外, 仲去左西田裡面一個 COUNTER , 因為佢地有人教小朋友整麵粉公仔, 我表妹就去整左一隻雞仔! 最開心係佢喇應該! 我今日剪左少少頭髮呀, 因為長左少少嘛, 而家好鍾意短頭髮!

答案一定就在心中(KINKI KIDS) --> 其實好多時一切O既答案都會O係心中, 只係識唔識得去表達!

今日好早起左身喇, 因為尋晚成晚都訓得唔太好, 因為成晚都行雷落大雨, 所以成晚要顧住我表妹仔! 今日就冇出到街, 因為尋晚玩左成日好累呀, 所以都冇再出街喇, 又落雨呢, 所以唔係太想出街! 可能因為累啦, 下晝果陣訓著左都唔知呀, 由五點訓到七點先起身, 所以而家唔多眼訓囉!

天使(KINKI KIDS) --> 我覺得每一個人都有佢地自己o既天使, 或者係你身邊o既人, 同時亦可能係唔係成日見o既果個"佢"!

今日都冇咩特別, 落過去街下啦同我表妹, 之後去左食野! 都平平安安咁過左一日啦! 夜晚都有睇近排好興o既"流星花園", 其實又唔係真係好好睇, 受歡迎o既原因我相信係有好多元素係香港劇集冇O既!

Angel Of Mercy --> "Angel Of Mercy, 為何不出現?"