唔經唔覺又一個月O既開始喇, 改變唔多大, 依然係幾眼訓、幾病咁! 日頭都係上網搵資料做 DEBATE , 不過唔多成功, 真係唔知點算好呀! 夜晚就仲病多兩錢重, 胃痛加頭痛, 我都唔知點算好! 我搵唔到Ｄ料, 我覺得有少少對唔住我兩位組員, 但係我真係盡左力架喇, 我依然會試下搵下! 但係始終係驚!
有病呻吟 --> 好病呀, 好唔舒服呀, 搵唔到料做功課呀, 點算呀, 點算呀!

今日個病算叫做好番好多喇, 所以大家可以放心! 基本上成日都係睇資料, 都係為左個 DEBATE 咋, 但到目前為止仲未攪掂, 雖然每人講三分鐘, 不過的確唔知有咩可以講! 好想快Ｄ過左個 DEBATE 同埋 PRESENTATION , 因為真係好煩呀, 我情願做多幾份寫O既功課, 因為家下又係聽同學 DEBATE 同埋 PRESENTATION , 但係又的確學唔到Ｄ咩, 真係摸不著頭腦, 雖然 PRESENTATION 有佢O既好處, 不過洗唔洗每一科都做一次呀? 真係浪費時間, 不過都係要做架啦!
口渴 --> 食左藥, 又病病地, 所以成日都好口渴呀!

今日終於叫做攪掂左我 DEBATE 時要講O既野, 不過都係講得兩分半鐘到, 都算係咁啦, 只係希望順順利利! 身體上好好多喇, 不過仲係有少少眼訓咁, 可能訓得太多掛! 尋晚訓之前睇左一集 X FILE , 真係嚇死我呀, 好得人驚呀真係! 尋晚睇新聞睇到日本岩手縣有地震, 我個日本朋友就咁 ARM 住果度, 不過好彩收到佢 EMAIL , 知道佢安全冇事, 我都安心好多!
同步過冬 --> 唔知有咩朋友同我一齊過呢個咁好o既冬天呢?

今日好早醒左, 因為尋晚唔知點解訓得唔係太好, 希望今晚唔會啦! 今日基本上冇咩特別, 我係咁易背過下聽晚 DEBATE O既野啦, 起碼唔洗由頭到尾望住黎讀咁肉酸, 不過我諗聽晚正式果陣都唔多記得要講咩架喇! 今日收到個消息真係令我好突然, 仲唔到我地個個星期唯一一個地方可以見到亞敬O既果間ＤＡＣＯ竟然執左! 真係太突然喇, 雖然都有少少預左佢會執, 一心仲諗住十二月尾前個個星期都可以去添, 亞敬約左我地聖誕去果度開 PARTY 架嘛, 家下真係告吹啦, 唔知算唔算黑仔, 去 DACO 之前因為某Ｄ原因我地又唔再去之前去開果間 BAR, 一心諗住可以轉去 DACO 做我地O既週末好去處, 但係經濟真係太差! 之後我地會去邊呢?!
悲傷止步 --> 希望往後日子咩都開心同埋順利!

今日當然又係冇咩特別啦, 最特別都係夜晚終於都要 DEBATE 喇, 唔知點解一直都唔驚架嘛, 點知一返到去就勁驚喇, 一直手震震到正式果陣! 不過好彩都好順利, 我地果組仲嬴左添! 返到黎同我個靚靚契媽傾左一陣電話啦, 之後我好開心呀, 因為佢又打俾我喇, 真係好, 傾左都幾多野, 一個字"掂"! 而家就上網搵下野咁, 我會好努力架喇! 唔想大家為我擔心!
放 120 個心 --> 雖然唔知點解係要 120 個, 不過我真係會好努力架喇, 大家唔洗擔心我, 不過要支持我!

今日凍左好多呀, 大家要小心身體呀! 日頭冇咩野做呀, 因為始終想休息番一兩日! 下晝我就一反常態, 平日一定會聽"森美小儀", 不過我今日就錄左之後聽新城 997 , 因為今日我有個朋友生日呀, 咁佢生日就梗係要聽下佢做節目啦! 不過佢個節目冇得 PHONE IN , 所以我都係 FAX 同埋上網同佢講"生日快樂"咋, 咁快就一年喇! 之後我就落左去買少少野, 因為唔知點解突然間好想食蛋喎, 唔好誤會, 我唔係想考試食蛋(我睬~~~), 因為諗下諗下真係好耐冇食過, 所以我都要食下先, 好有營養嘛, 有益架真係!
今天你生日 --> 亞 WAYNE 生日快樂呀, 雖然有成年冇見面, 不過好朋友唔洗成日見O既, 祝你身體健康!

今日真係又冇咩特別事喎, 不過專登早少少出門口返學, 因為好想去行下街, 不過都唔早得好多, 但都行左三個地方, 但係完全未行哂, 所以我下星期三都要仲早Ｄ出門口再去行下街先得! 我好鍾意去行公司架, 尤其係而家, 好有聖誕氣氛, 真係行下都好開心架! 同埋而家經濟又差, 好多都會減價, 不過當然唔好亂買野啦! 今晚返學就真係無聊, 一心諗住返去同組員傾下下星期個 PRESENTATION 啦, 點知得我一個人返咋喎, 不過其中有一個組員係好早話左我知佢唔返得架喇, 另一個真係唔知點解唔返! 我今日仲收到一份禮物添呀(見下圖), 我真係好開心, 多謝哂! 我返到屋企睇左今日我拎番黎O既一本小冊子, 仲發現左一樣野, 原來我個朋友係咁勁O既, 唔怪之得近排唔見佢啦, 掂檔啦總之!

我很快樂 --> 活得開心仲緊要過著得暖食得飽, 你話係唔係?!

今日訓到一點, 之後去左同我舅父地飲茶, 諗諗下都冇飲茶幾耐! 飲完茶之後就行左一陣! 夜晚食完飯就走啦, 不過我O係返屋企之前行左一陣旺角中心! 我同嘉瑩差少少就撞到, 早知打俾佢啦! 另外今日收到今年第一張聖誕咭, 係一個加拿大O既朋友寄俾我架(多謝 KELLY !)! 我今日無意中睇到一個張達明O既訪問, 其中有一番說話好有意思, 就同大家分享下:
「我好想告訴其他人，原來在這個世界是可以生活得好開心的。如果你能夠對一件令你感到恐懼的事笑一笑， 即是表示你不再害怕那件事，而且笑亦是一種動力，可以令你去接受那件事。」
其實達 MING 講得好好, 好多時人過得唔開心就係因為太緊張同埋太執著, 可能係叫做固執啦, 人老左尤其係會咁, 其實早幾個月O既我根本唔會講呢Ｄ說話, 以前O既我只會好似Ｄ唔大方O既人咁不斷講人地O既不是, 或者成日O係人背後講是講非, 自以為自己咩都 ARM 哂! 不過呢Ｄ生活根本唔會開心, 或者自以為好開心咁過生活, 不過其實係一個可憐人! 不過事隔幾個月我完全唔同哂喇, 起碼家下我冇火氣, 識諗左好多, 所以我由"狂野熊貓"變成而家O既"可愛熊貓"! 你估咁變係人都得架? 起碼我就知道有一類人永遠都唔會做到, 我知道我永遠都比呢一類人活得開心, 因為我睇得開, 唔再執著! 而家無咩事可以令我受傷害架喇, 仲唔係刀槍不入?! 聖誕就到喇, 我好想將今年O既野攪掂哂佢, 唔想拖到下年, 最唔好O既態度係"拖泥帶水", 所以我要拎番我自己O既ＶＣＤ同埋 CD-ROM, 仲有一張相咭, 我唔想講係邊個唔俾番我, 我知佢知就夠喇, 千其唔好迫我寫你個名出黎, 你應該知我做得出架! 我只係要番自己O既野, 你俾番哂我之後我保証唔會再煩你, 因為我拖左兩個幾月, 你唔煩我都煩呀! 我要番我自己O既野, 就係咁多!
未說的一句話 --> 好想同亞業哥哥講聲: 多謝你令我變成"可愛熊貓", 你令我個心好平靜!

尋晚睇哂成個"東華", 好開心呀, 因為竟然見番黃翊喎, 可能好多人都唔記得佢係邊個, 其實佢十年前已經出道做歌手, 直至幾年前佢冇O係香港發展返左去內地發展, 而當然佢出道時我已經好迷佢架喇! 唔見佢呢幾年有時都有佢O既消息, 不過好開心佢返番黎香港發展, 仲簽左ＴＶＢ添, 希望往後日子多Ｄ機會見下佢啦, 突然間好似見番一個同我一齊成長O既大哥哥咁, 因為我都鍾意左佢成十年 LU! 今日冇咩特別, 開始去諗下Ｄ功課點做, 不過星期五個 PRESENTATION 仲未同組員傾, 可能佢地忙掛, 希望拿拿聲攪掂哂Ｄ野啦!
點解你係咁 --> 原來呢個世界真係咩人都有架!

今日好早起身呀, 落過下去買下野! 之後都係做功課, 因為今星期要交上次 DEBATE O既 COUNTER ARGUMENT, 總算係做好喇, 不過都要俾我兩個組員睇睇有冇問題先! 星期五晚要 PRESENTATION 喇, 不過真係未做過, 連講Ｄ咩內容都未知, 真係有少少擔心, 不過我都相信會做到, 只係而家仲有少少唔知點咁! 我發覺我近排真係好平靜, 真係喎, 就算發生好大件事發生左, 我都好平靜咁, 唔會好似以前成日發嬲, 好平靜呀, 不過唔發嬲唔等於係好蝦! 大家要記住呀, 幾日前講果件事仲未攪掂呀, 果個人真係睬我都傻咁, 我再忍忍先, 遲少少唔敢包我會做Ｄ咩!
你是誰 --> "讓我看看你是誰, 憑甚麼要我改變甚麼?"

今日雖然唔係好早起身, 不過好忙呀, 因為要寫星期五晚 PRESENTATION O既講詞, 總算寫好左喇, 希望順利成功啦! 有信心就可以啦! 我發覺"一樣米養百樣人"呢句說話係真架, 因為你點都會遇到一Ｄ難以明白O既人, 我今日就收到幾封 EMAIL, 而呢Ｄ FORWARD 黎O既 EMAIL 足以令我對呢個人改觀, 不過可能係佢俾人盜用左個 EMAIL O者, 算啦! 夜晚去左ＴＶＢ O既 CHAT ROOM , 好開心同到一個我欣賞O既演員傾下計(郭政鴻), 希望佢拍多Ｄ好劇啦! 唔好成日睇黎睇去都係果Ｄ人演劇先得架嘛! 突然間好想搵人傾計, 同埋原來太坦白咁寫自己o既感覺出黎係唔多好架, 因為當有一日你發覺你所寫o既野週圍俾人講, 呢種感覺唔多好! 原來 PRIVACY 真係好重要, 大家知我有公開日記就話O者, 有好多人係唔知架嘛, 唔知我有公開日記O既人, 我好驚佢地以為我將Ｄ野週圍講, 咁就唔多好啦, 但係我都明白到寫得出黎就預左俾人睇俾人知! 係架, 我有預到架, 不過冇預到俾人講嘛! 知冇?!
削 --> "臨記"o既新派台歌, 歌詞講得好好!

今日都冇咩特別, 特別就特別在我今日好早出門口, 因為突然間好想去行下街, 所以就去左行 SOGO 果頭, 因為好似好多新野睇咁, 不過去到人就多, 不過冇咩野買咁, 之後都有去買左一罐奶粉, 因為飲哂好耐 LU , 大家都好應該飲下Ｄ高鈣奶架, 真係對骨骼有益架! 之後都係如常返學啦, 好早放左喇, 因為冇咩人 PRESENTATION , 八點半前就完哂喇, 而星期五就到我 PRESENT LU , 少少驚驚地啦! 之後冇即時返屋企, 同左兩個同學仔去食麥當勞, BY THE WAY 要同 UNCLE RAYMOND 講聲多謝! 係喎, 原來我返左太古咁耐都冇去行過 UNY 添, 相信下星期都要去行下先! 因為星期五第一組 PRESENT 就費事去行街啦! 我而家好後悔今日冇O係三越買果本熊貓信紙呀, 計落真係好平, 我又有用喎! 不過要遲Ｄ行開果邊先再算啦!
自由貓 --> 我要做隻自由熊貓!

今朝一早起身 LU, 之後同左個姨姨去飲茶, 飲完之後都返左屋企 LU ! 之後都係無無聊聊咁啦, 試過講聽晚 PRESENTATION O既講詞, 都未驚住, 不過相信聽晚都係望住張紙黎講架喇! 依然係心情怪異O既一日, 唔係唔開心, 又唔係開心, 可能天氣凍啦! 本來今晚去睇 SHOW 架, 不過好多原因令我冇得去, 有少少失望啦, 不過算啦!
麥兜與雞 --> 每一次聽到呢首歌我都好開心架, 因為點都未諗過麥兜會唱歌!

今日心情冇咩特別, 天氣就真係凍左好多, 所以我又可以著我最愛O既樽領衫喇! 四點令就落左去買麥當勞食, 本來我唔想食架, 但係今晚要 PRESENTATION , 咁變左又唔想自己煮, 咁咪買返屋企食囉! 夜晚好早返到去, 第一組就係我地 PRESENT 喇, 其實都唔係咁驚, 因為都係照住張紙讀, 可能天氣凍啦, 所以個腦一片空白! 亦好明顯個亞 SIR 係冇聽我地 PRESENT O既, 不過一定會合格, 咁就夠啦! 當第一個人 PRESENT 緊時, 我同另一個組員就傾計, 因為大家都少少驚, 所以咪講下笑輕鬆下囉, 不過好攪笑, 原來佢話佢有時飲野用個湯匙落糖果陣會手震架喎, 咁我就話"係咪驚杯野唔夠甜呀?", 所以心情都幾輕鬆! PRESENT 完之後去左買野飲, 之後就走左喇, 同左佢地去行太古城, 原來表面上好多野行, 但實際又冇咩野睇! 原來仲有兩堂就完呢科 LU , 一月頭又考試, 好快讀完 LU !
心情好 --> PRESENTATION 完左, 心情真係好左好多!

今日好開心呀, 因為可以O係天氣咁凍O既情況下收到一個令我溫暖O既電話, 因為真係好一段時間冇見過佢喇, 突然收到佢個電話, 仲要好關心我添, 無論係學業上定係生活上同埋健康上佢都好關心, 呢個朋友係咪好唔話得呢? 我都一樣咁關心你架! 今日又睇左果套電視播O既韓劇喎, 真係好攪笑架, 我睇得好開心, 笑到肚痛添呀, 真係好期待下星期六再播!
兩種人 --> O係我字典裡面只係有"好人"同埋"壞人", 不過亦同你地一樣相信"一樣米養百樣人"!

星期日都平時一樣都係好得閒咁休息, 都冇咩電視節目睇! 夜晚就睇左"第十三屆 CASH", 好多歌都好好聽, 我好鍾意江希文果首"還沒有變", 歌詞好簡單易明, 同埋主要係用鋼琴, 所以好清新O既感覺, "願意為你守候, 我們的夢沒有變 ... ...", 係咪好有意景呢?!
還沒有變 --> 我依然沒變O既就係, 我好憎人地應承我之後又唔做, 呢樣我係冇變過!

今日只係落過去樓下拎信咋, 不過唔知點解仲未收到我應該收到O既野! 之後都係聽下收音機傾下電話咁咋, 仲織左頂冷帽仔俾我隻可愛小白公仔添, 好可愛架真係! 好想睇"麥兜的故事"添, 快Ｄ出 VCD 就好喇!
麥兜與雞 --> "我個名叫麥兜兜, 我老師叫 MISS CHAN CHAN, 我最鍾意食鼓油伴雞翼 ... ..."!

今朝好早起左身呀, 之後食左少少野, 再去左旺角飲下午茶, 仲見到何韻詩o係度飲緊茶添! 一直同玩呀玩下咁, 之後又去左行花園街, 順便再食埋夜晚飯先返屋企! 坐車果陣仲聽到一對男女鬧交喎, 攪到成車人都唔敢出聲! 返黎收到嘉瑩封信, 真係好開心呀! 但係問題又黎喇, 點解聽聞上星期三有人寄左野俾我, 到家下都未收到O既呢? 真係奇! 尋晚訓之前同一個人傾左一陣計, 唔知點解同親佢傾電話我把聲都好沙架, 仲好緊張添, 嘻嘻!
豬腩肉 --> "故事含道理, 得意又笑死, 無話沉悶打喊露呀打下大脾, 麥兜齣戲仲有詩意 仲有豬腩肉, 仲有最靚O既豬腩肉 ... ..."!

今日係"冇雪櫃的日子"第一集! 即係第一日冇雪櫃用, 好彩係冬天, 相信唔會有太大影響! 當然亦有聽收音機啦, 不過我今日完完全全發覺"森美小儀"果個小儀真係幾傻架喎! 夜晚就返學, 當然返學之前都去左行街啦, 原來 UNY 好多野行架, 同埋我發覺Ｄ野平左好多好多! 返學都係用黎悶啦, 話咁快就又就黎讀完呢一科喇! 我終於有麥當勞果個靚靚座桌月曆喇! YEAH !
離開我吧 --> 我想將呢首歌點俾Ｄ肥肉聽, 因為冬天到左, 我又肥左喇, 肥肉離開我啦!

今日好眼訓呀, 可能天氣真係凍左啦! 落左去拎番張 5R 相, 真係好靚架! 原來下星期二就係聖誕喇, 真係過得好快, 暫時未諗到有咩玩添, 不過今年聖誕真係唔同Ｄ, 因為多左幾個知心好朋友, 而我亦平靜左好多! 內心靚就唔洗理我係咪真係可愛啦, 係咪?!
安靜 --> 千其唔好破壞我呢個咁安靜O既環境!

今朝唔太早亦唔太遲起身, 今日係就係凍左好多, 不過都唔係天氣預告所講O既十二度, 有少少失望, 不過都好O既, 因為實在好多人著唔暖而死, 我真係希望大家關心下呢Ｄ人啦! 夜晚就返學啦, 不過返學之前都去左行 UNY, 不過減完價 LU , 真係有少少失望添! 不過我都買左份聖誕禮物, 用黎同嘉瑩妹妹玩交換禮物用O既, 希望佢鍾意啦! 因為聖誕節一定要玩下交換禮物先似過聖誕架嘛! 其實我最想係開 PARTY 同埋 BBQ , 不過相信短期內都冇可能做到! 數下數下, 原來 2001 年仲有十日咋, 時間真係過得非常之快, 不如大家就襯呢個時間去諗下今年有咩係想做而又未做到O既, 咁下年就有目標嘛, 我仲記得我上年有定下幾個目標架, 不過都做唔哂, 下年我要努力咁完成埋果Ｄ目標先, 當然仲有好多新目標啦, 大家記住時間過得好快架, 同埋大家唔會知道下一秒發生咩事, 所以要珍惜同埋努力!
活著便精彩 --> 所以要珍惜生命, 珍惜眼前人!

今朝一早起身喇, 因為要去做冬! 去到坐左一陣, 玩左一陣就去左飲下午茶, 飲完茶就去左行街喎, 仲見到聖誕老人添, 同時亦有好多 FUNCTION , 見到梁浩賢, 原來佢Ｄ FANS 都好厲害架喎, 點解硬係見唔到我想見果Ｄ人O既? 今日買左個熊貓袋仔, 因為我第一次見到架咋, 同埋只係四蚊! 今日係凍左少少O既, 不過我好鍾意咁樣O既天氣!
MUSIC NO GOOD WITHOUT YOU --> 音樂係人對感情O既舒發, 當然亦要有人同你一齊分享先會有意思!

今日同左我個好朋友 CATCAT 去玩左一日, 其實都唔係玩o既, 不過就好開心, 因為傾計左成日! 條街好多人呀, 所以好有氣氛好開心! 亦要多謝佢送左份聖誕禮物俾我, 多謝哂! 其實我真係幾平靜, 多謝大家關心!
頑固污漬 --> 我身邊有一個!

平安夜快樂呀大家! 今日好開心呀, 因為夜晚同左好朋友嘉瑩同埋佢家姐一齊去左玩! 之前我仲去左旺角行街添, 之後就去左尖沙咀行海傍, 好熱鬧呀, 仲令到我地諗到一個搵錢大計添, 一於下年實行! 一直行呀行呀, 又影下燈飾, 仲買左頂聖誕帽添, 好平呀, 五蚊兩頂呀! 之後行左去紅磡O既冬季嘉年華, 好多人呀, 好熱鬧好好玩好開心! 仲食左隻好熱O既狗添(即係熱狗囉!)! 玩玩下仲收到小唯O既電話, 原來佢早少少仲O係冬季嘉年華喎, 不過真係人太多, 所以撞唔見! 總之今日好開心啦, 當然要多謝嘉瑩同埋家姐陪左我一個平安夜啦, 我今日有好多收穫呀(見下圖), MERRY CHRISTMAS !

你讓我感動 --> 知道有隻熊貓支持我, 我就充滿力量喇, 放心, 我唔會再亂諗野!

今日十二點起左身喇, 不過係冇節目O既, 不過都好開心, 因為去左買聖誕禮物, 因為聽晚有 PARTY ! 哈哈! 之後就買左麥當當食, 因為好鍾意開心樂園餐個玩具! 而呢餐就係我今年o既聖誕大餐, 大家唔好話我 CHEAP 呀, 因為我已經覺得好滿足, 知足常樂! 之後就係打祝賀電話時間喇, 仲搵番一個幾個月冇見O既好朋友同佢講聖誕快樂添! 我住呢區就冇咩聖誕氣氛, 不過我就好開心咁去行下街咁, 買左份好特別O既禮物, 小朋友見到一定好開心!
臨記(我記得我寫過呢首歌架, 不過今次係發現有幾句歌詞好正)
--> 想去一個地方行條直線就去到, 轉下彎搭下車, 人地就變節無態度
唔幫手, 唔怪你, 唔識諗, 唔怪你, 但係就咪鬼踩低人地黎抬高自己 ... ...
其實樣樣野都有佢O既學習意義, 人生百態不如試下用個心去睇真Ｄ
諗真Ｄ就會發覺呢度古靈精怪, 唔係要生得靚, 老竇有米先至係最好玩O既世界 ... ...
I HAVE A DREAM, 試下望埋裡面, 用埋你個腎去諗多一點點 ... ...!

今朝一早起左身, 之後就左屯門喇, 因為開 PARTY 嘛! 入到去玩呀玩呀, 上網呀, 等等等 ... ..., 夜晚果餐真係非常之豐富! 有抽獎環節添, 我抽到一個相架, 要多謝我表弟個女朋友先! 我仲拎左火雞呀蛋糕呀果Ｄ返黎添, 真係多謝哂! 我呢幾日都要開始溫書架喇, 一月四日要考試喇, 都唔知考咩添呀! 我今日仲睇左一套叫做"恐佈熱線之大頭怪嬰"O既 VCD 添, 不過比我想像中冇咁驚! 我尋晚又開始寫下文章, 等我遲少少再寫多幾篇先一次過整上網俾大家交流下, 希望我多Ｄ靈感啦!
回憶 --> 有好多野係值得我去回憶O既, 唔一定係開心事, 只要係對我有影響同埋意義, 就值得!

轉眼間就過左個聖誕喇, 又係時候諗下除夕去邊玩好呢? 呢幾日天氣真係凍左少少O既, 大家要小心身體呀!
為非作歹 --> 係一首王菲好耐之前O既歌, 有一句歌詞講得好好:"若你敢講一世人絕對完全無錯, 才可以質問我", 世上O既人太忙喇, 仲要理埋人地Ｄ野! 真係好辛苦!

今日訓到點幾呀, 點解? 眼訓囉! 今日開始溫下書咁啦, 因為下星期五晚要考試喇, 但係都唔知溫左Ｄ咩! 希望我黎緊呢個禮拜會溫得掂啦! 今日除左溫書之外就係諗下野咁啦! 好多野諗O既, 例如除夕去邊玩啦! 夜晚就同過嘉瑩好姊妹傾過電話, 其實真係唔係太好意思, 因為又令佢同我一齊咁多野諗! 希望一切問題會快Ｄ解決啦, 當然我係好想多番幾個朋友而唔係敵人啦! 今日晚餐係食意粉O既, 好好味!
怯 --> 聽番尋晚"嘩嘩嘩打到黎", 田蕊妮講話點解我地覺得同身邊O既人講"我愛你/好掛住你"好似好難開口咁, 但佢地唔係必然會O係度, 下一秒發生咩事都唔知, 所以要珍惜眼前人! 聽到我喊呀, 因為真係講得好 ARM!

今朝都算早起身掛, 之後去左行旺角, 再之後去左飲西茶(即係茶餐廳), 之後去左我舅父屋企睇下電視咁啦, 之後夜晚就出左去食飯, 食完之後又行花園街喎, 唔知點解咁早收檔O既Ｄ人? 仲唔記得左錄勁歌季選添呀, 不過冇咩所謂啦, 因為都係唔好睇架啦! 夜晚我睇電視見到我契媽上鏡喎, 哈哈哈!
GOAL --> 2001 年只係得番兩日, 大家係時候諗下下年有咩 GOAL 喇!

今日都訓到成點呀, 因為天氣凍所以好好訓! 之後當然係溫書啦, 溫呀溫呀咁, 不過都唔知仲有咩要考! 夜晚好開心呀, 唔講俾你地知!
流年 --> 大家下年流年運程係點呢? 其實只要每件事都盡全力, 就一定會好啦!

今日係大日子, 因為今日係 2001 年O既最後一日, 唔知大家有咩節目呢? 我日頭冇咩特別, 反而夜晚就去左新世界中心倒數, 不過都幾悶咁, 因為好多歌手都唔知邊個黎o既! 新一年我祝大家開開心心, 健健康康啦!
一週年 --> 上年O既今日, 我就O係時代廣場參加倒數活動, 又係見到亞敬, 好開心! 估唔到咁快一週年 LU !