背景音樂 : 哭泣遊戲
| 1/6/2001 |
|
新O既一個月又開始左喇, 其實時間真係過得好快! 日頭都冇咩做過, 去過飲茶啦, 不過好慘, 因為幾個煙民坐正我地隔離,
我地就夾硬吸左大量二手煙, 真係想快Ｄ全面禁煙呀! 夜晚就要返學, 不過真係幾無謂架, 因為返去同亞 SIR 傾左大約十令分鐘,
之後就我地自己組員傾左一陣就走了, 基本上係好無聊O既! |
| 2/6/2001 |
|
今朝都算幾早醒左, 不過依然係冇咩做過! 又係落左去飲下午茶啦, 之後行左一陣咋, 冇咩特別! |
| 3/6/2001 |
|
今日都係冇落過街喎, 因為冇咩特別野要做, 本來約朋友去玩架, 不過諗諗下都係過幾日先喇!
食緊 LUNCH 果陣有個朋友打電話俾我, 但係我今日個 MOOD 麻麻地, 佢都話我今日怪怪地, 但係又好難解釋我o既心情,
所以要同 KAZU 講聲唔好意思! |
| 4/6/2001 |
|
今日食完飯就落左去行左一陣, 發覺麥當勞有麥嘜換, 不過實在太貴喇, 所以冇換到, 最好有人可以換左送俾我啦(哈哈!)!
之後都冇咩特別, 只係發覺隻手同腳都瘀左, 好痛呀! |
| 5/6/2001 |
|
今日可以講係最悶O既一日, 食完野之後因為落大雨, 所以冇街去, 成日都O係屋企冇出過去, 當然都只係聽下收音機,
睇下電視咁啦, 聽左一陣＜森美小儀 DOTDOTDOT＞, 發覺原來日本有一部好玩O既機架喎, 果部機就似一個電話亭,
入左 800 日元落去之後, 你可以揀歌, 之後O係呢個電話亭裡面好似唱Ｋ咁唱左首歌啦, 再之後部機會幫你影左張貼紙相,
之後仲會有一隻有你唱果首歌O既 CD SINGLE 添, 好似日本果Ｄ SINGLE 咁長長地果Ｄ呢, 相信一定好好玩,
最好玩O既係如果你覺得你唱得好好的話, 可以寄去俾 MORNING 娘O既經紀人公司度, 如果被選中, 你就有機會做 MORNING 娘添呀,
如果香港有呢部機玩下就好喇, 不過我相信有排先等到, 去日本玩仲好似易Ｄ咁! |
| 6/6/2001 |
|
今日竟然訓到一點半先起身, 之後去左飲茶, 又行左一陣咁咋! |
| 7/6/2001 |
|
今朝好早起左身呀, 因為約左個好朋友去唱Ｋ同埋行下街傾下計咁, 好早去到荃灣, 因為唔想次次都去旺角,
次次去真係好悶架! 去左 GREEN BOX 唱 LUNCH K, 都好平喎, 唱到囡點鐘, 廿令蚊, 仲有個餐食! 抵過食麥麥!
之後行哂成日荃灣添呀, 不過冇咩野行! |
| 8/6/2001 |
|
今朝都係一早醒左, 之後食完野就去左買野啦, 再之後過左海喎, 都買左Ｄ野O既, 我想換過個銀包, 不過未睇 ARM,
夜晚就返左學, 不過真係幾無聊架, 同亞 SIR 傾完一陣就自己同Ｄ組員傾下黎緊呢個星期要做Ｄ咩咁, 大約八點半到返到屋企,
好彩冇落雨! |
| 9/6/2001 |
|
今日都係冇出到街, 主要係做功課啦, 不過都幾快做哂, 本來約人去玩架, 不過成日落雨, 咪諗住唔出街會好Ｄ!
夜晚我睇番一Ｄ前幾日O既報紙, 有好多亞敬呀! |
| 10/6/2001 |
|
今日都係去過下樓下行下咋, 都冇出到去行街, 因為預料佢會落雨嘛, 點知都冇! 今日睇新聞好得人驚呀,
話有個人跳樓, 剛剛跳正O係架巴士度, 總之就好得人驚啦, 我坐果Ｄ巴士都成日經過果頭架! 其實都唔明白點解要自殺,
死左之後問題咪依然O係度! 夜晚 KAZU 打黎問功課, 不過我都幫唔到佢Ｄ咩, 真係唔好意思喇! |
| 11/6/2001 |
|
今朝食完野就去左圖書館喇, 睇到一本好有意義O既書, 係莊陳有O既"我看不到, 但 ... ...", 不過我只係睇左少少咋,
因為我冇帶圖書証, 所以O係圖書館睇左四份一本到啦, 大家有機會可以借黎睇下, 幾有意義! 之後去左行街街,
行到成六點幾先返到屋企, 但都係冇買到野O既! |
| 12/6/2001 |
|
今日成點幾先落街飲茶呀, 因為實在太眼訓喇, 睇黎我Ｄ渴睡又黎喇! 行完一陣就返左屋企, 不過就睇左一套福音電影＜生命因愛動聽＞,
實在太有意義喇, 有機會真係要睇下, 因為係改編自真人真事O既, 真係好感動! "死亡並不可怕, 最可怕O既係絕望",
呢一句講得好好, 有好多人因為怕面對困難而去自殺, 但同時亦有好多人每一日都為自己O既生命而戰, 所以真係要好 好珍惜自己O既生命! |
| 13/6/2001 |
|
今日都係冇咩特別事發生, 因為都係好悶O既一日, 自學左 FLASH 啦, 十日後 SAMMI 就開拉闊喇,
我仲未知有冇飛呀, 激死人呀! |
| 14/6/2001 |
|
今日都係冇咩特別, 相信往後O既日子都係無驚無險果隻! 夜晚都係睇電視同上網咋, 不過唔知點解今日個電話好旺,
同嘉瑩傾左一陣電話, 好開心架其實! |
| 15/6/2001 |
|
今日真係冇咩特別事, 夜晚就返學啦, 不過真係因為塞車而遲到, 真係唔好意思喇! 返到屋企就同嘉瑩傾電話,
一直傾到成點幾兩點呀! |
| 16/6/2001 |
|
唔經唔覺又到月中喇, 本來今晚去睇 SHOW 架, 不過拎唔到飛, 都好彩, 因為O係屋企睇仲好! 諗番起尋晚就唔多開心,
因為我同嘉瑩都聽到一Ｄ好難聽O既說話, 可能果個人係咁直接掛, 但係都令到我同嘉瑩好嬲, 因為的確好難受!
希望唔會有下一次啦, 因為如果再係咁的話, 相信我同嘉瑩都會回贈番佢O既說話! |
| 17/6/2001 |
|
尋晚好開心呀, 因為上網O既時候無意中發覺左之前 EMAIL 去梁芷珊個網投稿, 佢登左我幾編文章呀,
好開心呀真係! 仲有就係我發覺到台灣有隻感冒藥叫做"斯斯"架喎, 仲分三種：感冒、頭痛、流鼻水,
所以台灣人成日會講"斯斯有三種"! 真係好攪笑, 好有趣! 我仲發覺"斯斯"除左可以係人名之外,
仲可以係小老虎名、蛇名啦, 好多好多! 今日冇咩特別呀, 係就係悶左少少, 冇出街! |
| 18/6/2001 |
|
今朝好早起身, 因為入左屯門, 入到去飲完茶之後就冇去行街喇, 因為都好熱! 夜晚十點幾返到屋企,
但係真係幾累! |
| 19/6/2001 |
|
今日都係去飲下午茶, 食左唔算多野, 之後去左買野喎, 因為有張禮券, 所以去買下野食! 返左屋企冇幾耐就出門口喇,
因為約左兩個契姐, 因為大契姐聽日生日呀! 十一點半到返到屋企, 不過發覺唔記得左錄ＥＲ呀! |
| 20/6/2001 |
|
今日好開心呀, 因為冇咩唔開心事發生囉! 夜晚約左兩個朋友o係我屋企附近食飯, 首先要多謝敏儀請我睇左＜同居蜜友＞,
真係好好睇呀, 完全值得買 VCD 再睇! 亦要多謝佢送左好靚O既信紙俾我! |
| 21/6/2001 |
|
今日可算係難得, 因為朝早好早起左身啦, 夜晚食完飯就出左街喎, 因為要去一個好難得O既地方!
去左銅鑼灣皇室堡八樓O既ＬＭ BAR, 尋日係 GRAND OPENING, 有 BAND SHOW, 當然我去得O既就係因為有亞敬啦,
玩得好開心呀, 亞敬同 JOEY TANG 唱左好多首好歌, 當然有唱英文歌啦, 不過出奇O既就係亞敬竟然唱國語歌喎!
十一點先開始, 唱到差唔多十二點幾, 之後同佢傾左一陣啦, 佢仲未走呀, 因為要去應酬, 所以我地走先,
因為亞敬都擔心我地太夜返屋企唔多好! 仲有呀, 我剪左頭髮呀! |
| 22/6/2001 |
|
其實尋晚仲有一件開心事架, 就係竟然O係ＨＭＶ撞番一個成四年冇見O既舊同學呀, 果一刻真係好開心架,
希望日後多Ｄ機會聚下啦! 今日冇咩特別, 夜晚返學之前就去左ＥＯＬ拎 POSTER 呀, 之後我就返學! |
| 23/6/2001 |
|
今日心情真係大起大跌, 好開心咁同一個朋友飲完茶, 返屋企途中接到一個好唔開心O既消息, 人真係化學!
詳細唔多想講! |
| 24/6/2001 |
|
今日去左尖沙咀飲茶, 之後去左一個地方, 夜晚去左會展睇新城O既＜唱好音樂＞, 不過的確麻麻地好睇,
有：蘇永康、陳慧珊、方力申、林保怡、譚耀文同埋李彩華, 前面四個係主角, 後兩位係嘉賓, 但係方力申只係唱左一首歌咋,
真係唱得唔錯喎, 反而做嘉賓O既譚耀文出得仲多過方力申, 不過可能佢第一次太驚啦! |
| 25/6/2001 |
|
今日成日都好眼訓呀, 不過都有諗過份 PROJECT 架, 因為時間都越黎越迫近! 夜晚飯之前仲突然間訓著左添,
我諗今晚開始都要早Ｄ訓! 上網去 idclub.com 之後好激氣呀, 我竟然睇到拉闊音樂(鄭秀文)得獎者有我份,
話我有兩張拉闊音樂鄭秀文o既飛, 話會 EMAIL 通知我去拎飛, 唉, 但係上星期五晚都做左咯, 到家下都仲未有 EMAIL 通知我喎,
我真係好嬲呀! 我唔會就咁算架, 我要投訴! |
| 26/6/2001 |
|
今日有去飲茶呀, 不過因為突然落好大雨, 所以攪到冇去行街, 之後返到屋企都係諗下功課呀, 睇下電視咁啦,
其實都真係冇咩特別! 尋晚上網答ＩＱ題, 原來我都幾聰明架喎(哈哈)! 夜晚食車厘子喎, 我仲試過用條"利"去幫車厘子棒打結,
原來真係得架喎! |
| 27/6/2001 |
|
今日訓到一點幾, 可能真係太好訓喇! 落去飲茶之後, 落勁大雨喎, 攪到有傘都冇咩用, 我對鞋仲入哂水添,
不過真係冇咩特別! |
| 28/6/2001 |
|
今日都訓到十二點幾, 因為呢排實在太眼訓喇, 希望快Ｄ較番好個『時鐘』啦! 夜晚就去左打邊爐, 食左好多野呀! |
| 29/6/2001 |
|
今日醒左之後去左飲茶, 因為我舅父同埋我亞姨黎我度飲茶, 之後就返左屋企喇, 都冇去行街! 夜晚我就要返學,
所以我冇同佢地一齊食飯! 唔知點解返到學校好唔開心咁, 心情唔多好, 所以我Ｄ拍擋都唔知點咁! |
| 30/6/2001 |
|
今日真係好想做哂Ｄ功課, 但係因為另一個 PARTNER 未俾Ｄ圖片我, 所以做唔到完美, 不過都做左大半到啦!
其實唔多難做O既, 係多囉, 唔係難! 希望大家好快做完啦! |