新一個月喇! 冇電腦亦有兩星期, 相信我個 EMAIL BOX 都就黎爆! 希望真係快Ｄ有番部電腦啦, 好多野等住整! 夜晚落大雨呀, 尋晚睇左 60 MINTUES, 我好驚恐咁知道竟然有販賣人口O既事! 雖然成五十年前O既事, 不過真係令人作嘔! 真係想像唔到果一班一直以為自己係孤兒O既人, 突然發覺自己唔係孤兒, 只係當年政府同埋孤兒院O既一個可笑O既笑話! 一個最大O既大話! 真係好難想像到!!

心寒 --> 本以為可信O既都唔好咁相信! 佢地可以隨時令你心寒!

今日隻腳冇 LALA 損左! 仲勁流血添呀, 但又唔知幾時同O係邊整親喎! 真係唔小心呀! 睇左兩套 VCD, 分別係: "THE SIX SENSE"(鬼眼) 同埋 " ARTIFICIAL INTELLIGENCE"(人工智能)! 出奇地兩套戲都令我好感動! 同時亦值得推介俾大家!

願 --> "IF THE YOUNG ONLY KNEW, IF THE OLD ONLY COULD"!

今朝好早起左身, 因為約左兩個亞姨飲茶, 之後就一齊去左一個地方, 去完之後大家都安心左好多! 之後又再飲茶! 因為朝早冇食野咁滯! 我仲借左部 TV GAME 返黎玩, 冇電腦都有野玩下嘛! 夜晚聽番幾隻舊 CD, 有首歌歌詞幾有意思! 呢首歌叫"了解", 其中一段歌詞係: 人生許多腳步每在遁環, 不知我再度話了解, 要等幾多個朝朝晚晚?!!

自卑 --> 今日睇電視聽到一句話: 過份O既謙虛會變成自卑! 小心!!

對好多人黎講, 今日係悲痛O既, 對我而言, 唔可以話係悲痛, 不過亦不平凡, 畢竟十三年前我只係一個讀緊小學O既女仔! 夜晚睇 X-FILES, 講及"平衝空間"O既間題! 雖然真係好不可思議, 不過我幾相信架! 就正正可以解釋到點解好多時會去到或者經歷到一Ｄ以前夢境中O既事, 可能係另一個空間O既"我地"O既真正經歷都唔奇架! 呢個世界咁大, 你真係以為你咩都知咩!

花火 --> 好鍾意果句: 原來風雪可以使我堅壯使我堅強!

今日有少少頭痛, 不過食左藥好好多喇! 有去過超級市場呀, 不過都買唔到本來想買O既野! 突然間明白到好多野都早有定局, 所以我地只需要去順應一切就行了! (真怪, 突然間咁諗!)!

未來 --> 過去的事過去, 未來的事未來! 現在最緊要!

冇出街呀, 冇咩特別事發生! 不過睇番Ｄ舊雜誌, 竟然睇到一篇訪問, 係我做生意果個朋友O既訪問呀, 果種感覺好得意架, 雖然我都有試過自己睇番自己O既訪問 (唔話你地知訪問過Ｄ咩! 不過好勁架, 一整頁報紙呀! 威水冇?), 亦試過聽番自己一Ｄ聲音或影像O既訪問, 不過Ｄ感覺都唔同睇到Ｄ朋友O既訪問O既! 真係幾有趣!

VICTORY --> 勝利好緊要, 其實唔係要嬴人, 最重要係要嬴自己!

尋日睇到一篇文辛, 係講Ｄ人對自己有咩不滿! 文中亦提及不如有一張 ORDERING FORM 用黎 ORDER 你來生O既外表同埋性格等等, 係就係幾有趣, 我諗會好多人要呢張 ORDERING FORM! 不過我想話俾大家知, 就算呢張 FORM 真係 WORK, 到左來世大家真係同你想像中O既一樣都好! 你地到時都一樣會對自己有所不滿! 真架! 因為人總係會對自己同埋身邊O既人有意見! 就算俾你來世高多幾吋, 但到時你又會覺得自己都仲未夠高! 靚未夠靚, 好運未夠好運! 總之人係一種永遠都唔會滿足, 永遠唔夠O既動物! 所以你唔好再怪人點唔夠好, 怨自己幾唔完美, 因為人人都係咁! 而且永遠唔知足! 所以唔會太快樂, 聽過"知足常樂"嘛? 不如由今日開始轉一轉, 一直都怨 "WHY ME?" O既你, 不如去講下"WHY NOT ME!!!??" 咁個世界都會多一Ｄ色彩! 生命都會有意義一Ｄ! 今日睇到有關霆鋒O既消息! 俾我覺得無論係咩人, 都真係要對自己做過O既任何野負責任! 無愧於心最緊要, 起碼夜晚訓得著丫嘛! 另外近排有套韓國戲重新配音再上畫! 我個人覺得唔係太好, 其實咩都係原汁原味O既好, 何況"全知賢"做得好好, 講對白亦好好! 唔好咁破壞啦! 講明先, 並唔係對果位配音歌星有咩意見, 我對事O者! 今屆世界杯我第一場完完全全咁睇O既球賽就係今晚O既英格蘭對阿根廷, 一比零! 碧咸哥哥果一球真係好正! 勁呀!!

今天你生日 --> 今日除左要同亞敬講生日快樂之外(今年我見唔到你, 不過我相信你明白我), 仲要同我表弟仔(細路)講聲生日快樂!

今朝都算早起身, 四點令就去左我婆婆度一陣, 再去左一個地方! 直到夜晚八點幾就去左食上海野喇! 睇新聞睇到蘇永康O係台灣話懷疑食搖頭丸! 唉, 唔識講, 先唔好去估究竟係真唔係真丫, 不過我覺得毒品真係唔好掂為妙, 真係無謂嘛! 呢件事令我少少擔心啦! 不過清者自清O既! 身為偶像, 行為真係要正面Ｄ! 好似霆鋒、 EASON、 ... ... 咁就死啦!

我們的永遠 --> 永遠呢個詞語對我黎講太沉重亦離我太遠!

今日重睇番黃子華O既一個揀篤笑, 我又諗起點解要移民呢? 真係幾慘架真係! 其實我真係覺得子華好有才華架, 真係好多唔同O既睇法, 果然係讀哲學出身, 睇得多佢O既 POINT OF VIEW 都好正架! 夜晚亦係無意中睇到明珠台一個專題節目, 今次個 TOPIC 係"PLEASE HELP ME TO DIE", 係講述一個女人患上左一個關於運動神經死去O既病(實質叫咩病同病發原因我真係唔太清楚), 呢個病令到佢頸以下O既部份都失去活動能力, 同時失去說話能力等, 佢形容自己O既情況係失去左尊嚴, 所以佢要求佢丈夫幫佢自殺, 但英國法律協助自殺係唔合法O既, 所以佢地不斷咁去信有關機構同埋法庭, 希望可以改法例, 令到佢可以O係完全失去自尊O既情況下可以選擇自己死O既時間同方法等, 只有咁樣先令佢覺得係有自尊咁離開, 不過事與願違! 一切都推番佢O既講法! 呢段日子真係好難過, 終於有一日佢病程惡化後離開人世, 雖然佢一直都想死, 但係並唔係咁樣受盡痛苦咁死去, 佢覺得咁樣死係好痛苦, 冇權力咁! 睇完之後除左覺得自己真係生在福中不知福之外, 其實我都諗, 其實人係咪應該有權去決定自己O既生死呢? 好敏感O既題目, 不過我覺得如果好似呢個 CASE 咁, 係咪應該改變一下法制呢? 我覺得人除左要活得有尊嚴, 死都要死得有尊嚴! 不過我先聲明, 我覺得好人好者去自殺係好唔尊重自己架! 其實呢個 CASE 真係比較極端, 唔可以套用O係而家O既報紙上O既自殺新聞中O既人!

不需要理由 --> 好多時你諗都冇諗過O既人會給你一Ｄ安心O既說話, 正如我尋晚上網同個同學傾計, 我真係估唔到佢會講出一Ｄ說話令我安心, THANK YOU!

今日冇落過街呀, 因為落大雨! 唔講你唔知喎, 我今日勁清楚我個 KEYBOARD , 其實真係好易傳播細菌架, 唔信? 你試下拎張紙巾濕少少水再抹下你個 KEYBOARD 睇下! 除左表面之外, 真係要清楚得徹底Ｄ呀, 所以我用左火酒黎抹! 家下好乾淨呀! 今日都有聽左少少『少爺占』做節目喎, 節目裡面果個"禮禮"講得好 ARM ! 好多時朋友之間會有問題出現, 但大家都唔想踏出為修補呢份友誼O既第一步! 我好認同呀, 因為我覺得好多時因為大家愛面子, 一段好好O既友誼就咁就流失左! 唔可惜架咩? 其實計我話, 人生在世幾十年, 唔好咁要面子啦, 面子呢家野都唔值錢, 與其用時間去嬲、去憎、去唔妥一Ｄ人, 倒不如用呢Ｄ精力去愛仲好啦! 咁樣命都長久Ｄ! (我好似唔係第一次咁講! 悶左Ｄ!) 不過呢Ｄ真係我呢幾個月時間領悟到O既真理黎架, 唔好對人對事咁執著, 試一試丫, 真係心情都開朗好多架!

DON'T LET ME GET ME --> 係 PINK O既歌曲, 我幾鍾意個 MV 同埋Ｄ歌詞架, 幾有意思咁啦! 類似講 PINK 點俾人改變形象, 佢就大叫受不了, 情願做第二個人唔做自己好過, 幾有趣架!

今日竟然訓到一點幾先識起身喎, 到左四點幾就落街買野食呀! 不過真係落好大雨呀! 我識呢幾日都會係咁落! 今日部電腦又唔知仲咩錄唔到碟, 攪到我浪費左一隻貴O既 CDR , 所以我都唔敢再錄住, 希望"佢"可以快Ｄ完全冇哂問題啦!

你要記得我 --> 今日不斷唱起呢首歌, 可能係因為原裝果首歌O既關係啦!

今朝一早醒左喇, 因為中午要做一件重要O既事, 好順利同埋好開心咁完成左喇! 之後都係O係屋企做好多野! 睇新聞時睇到蘇永康o既消息, 我唔多識講! 但我真係希望日後唔好再有Ｄ咁O既事發生! 其實錯唔緊要, 最緊要係知錯能改! 我唔敢去講今次呢件事係 ARM 定錯, 我只係想大家都愛惜生命同埋要面對現實! 其實近排真係好多呢類事發生! 唔太好! 另外今日好開心咁見到 SAMMI 幫百事拍果Ｄ新相, 好靚呀!

讓時間做証 --> 不過時間真係可以証明一切!

今朝真係訓得唔係太好呀, 可能係約左人驚唔知醒啦, 嘻嘻, 約左個夜校同學仔, 不過我都遲左少少呀, 因為有少少塞車! 首先我地就返左去學校交畢業禮張 FORM , 之後就去左睇個 MASTER COURSE 喇! 其實真係幾唔知點好, 因為讀書就係好事, 一定有野學到, 不過又驚真係冇咩用, 但又真係想讀咁, 所以幾多野要考慮! 之後我地去左食野, 傾下計咁, 原來都有三個幾月冇見, 都冇咩點變丫, 不過三個月可以變成點呢? (服左自己! 當我冇講過野啦!)! 食完野傾到一點令就行去地鐵站喇, 因為佢要返 PART TIME , 有 PART TIME 真好! 之後我再行左一陣就坐車返屋企喇, 其它時間都係睇今日拎返黎O既課程資料, 仍然考慮中!

尋開心 --> 呵呵, 今日我好開心呵!

今朝好慘, 九點幾就俾Ｄ好嘈O既裝修聲嘈醒, 所以真係完全訓唔到, 之後食完飯就落左去買野, 因為想改改間屋O既擺設, 不過都未買到想買果幾樣野! 之後又去左美心買叉燒, 好好味呀真係! 不過食飯之前實在太眼訓喇, 攪到O係梳化訓左都唔知添呀!

沮喪 --> 最喜愛O既歌詞係"每次我也知道什麼錯, 每次我也知錯不改過, 怎麼偏偏知道難過, 怎麼不可安心出錯", 仲有一段係"當失控憤怒沒法擋, 將好友當做練靶房, 事後我討厭自己, 粗魯兇悍, 讓我很沮喪, 小波折放入大染缸, 騷擾各界受盡驚惶, 事後我討厭自己, 不夠硬朗"! 我要向所有曾經做過我練靶房O既好友講聲唔好意思!

今日都冇咩特別O既事, 雖然今日係端午節, 不過我冇睇到龍舟比賽, 因為都冇呢方面O既興趣! 之後就落左去行左一陣, 同埋買日用品咁啦, 好開心咁我終於都拎到 SAMMI SKII 果本 CATALOGUE 喇, 好靚呀真係! 知道左一個朋友好似唔太開心咁, 但又唔知佢真實為咩唔開心, 其實我有少少覺得我同佢好少傾計咁, 有時好難O既, 唔通一打去問佢仲咩唔開心咩, 佢好多時真係幾被動架! 我又驚我自己有時太煩, 又驚佢根本唔想我知, 咁點好呢? 唯有希望佢快Ｄ開心番啦!

劃火柴 --> 唔講你可能唔知, 我唔識劃火柴同埋打火機架!

今日落左去拎相呀, 因為曬左幾張數碼相, 出奇地個效果真係好好喎, 好開心呀所以! 因為以後都唔洗網上曬相, 因為網上果Ｄ仲貴, 又要俾郵費, 仲要等幾日先有, 真係唔抵! 今次我拎去曬都係一個鐘就有喇! 之後就冇咩特別喇!

抱抱 --> 其實抱抱係一種愛O既表現!

今朝好好訓, 因為尋晚兩點幾先訓! 今日不停咁落大雨, 攪到心情都麻麻地咁, 真係幾影響到架喎!

不要怕 --> 好鍾意其中一句歌詞: 但是我不服, 但是我不怕!

今日都冇咩特別, 不過比較特別應該係尋晚喇, 因為我十一點幾果陣打左個電話俾一個好朋友, 諗諗下上次打俾佢都係成三個星期前 LU, 其實我都想搵左佢好耐架喇, 但係始終好似唔知點咁, 怪怪的! 但係前幾日睇到佢個 ICQ INFO, 令到我非常之擔心佢, 因為佢好似幾唔開心咁, 前幾日我日記都有寫到呢件事, 不過一直都冇搵佢, 因為真係唔知點開口好! 原來好簡單, 打去問佢仲咩唔開心呀, 咁就好夠, 又直接, 又有用! 原來佢近排開始考試, 所以就冇詳細咁傾到, 不過起碼俾佢知我係擔心佢O既! 仲有呀, 尋晚睇《娛樂大搜查》, 見到兩個以前幫亞敬O既助手, 感覺又幾有趣! 仲有呀, 節目中見到張柏芝, 嘩! 佢突然間瘦得好緊要, 直情有少少瘦到得人驚呀! 真係好得人驚!

眼紅紅 --> 今日又睇番 BEAUTIFUL LIFE 個結局, 真係好感動呢!

今日都冇落過街, 因為都係O係屋企休息下咁啦! 今日條頸有少少痛添, 都唔知咩原因!

花火 --> 好懷念果陣O係日本玩花火!

今日有落到去曬相同埋買野! 之後就係執下野咁啦! 今日好鬼死開心呀, 因為又收到我日本朋友o既信, 佢, 佢, 佢竟然寄左三隻ＣＤ俾我呀, 仲有我最愛O既 KINKI KIDS 添呀, 我真係好開心呀, 但係我又有少少覺得自己唔太好, 因為都好少寄禮物俾佢, 所以我真係要去認真睇下有咩 ARM 佢先! 暑假時 SAMMI 會有一套戲上呀, 叫做《我左眼見到鬼》, 我好想去睇呀, 因為 SAMMI 呢個角色好有突破呀! 仲有呀, 今日係我大家姐生日, 祝佢生日快快樂樂

ARIGATOU --> YUMIKO ARIGATOU NE!

今日我亞姨同兩個表妹黎左我屋企, 同左我大表妹去行左幾個鐘頭街, 不過咩都買唔到! 今日我部電腦多左樣新O既周邊設備, 就係"眼仔"喇! 其實都幾得意架!

我們的紀念冊 --> 其實都好懷念寫紀念冊呢個過程, 真係令人回味!

今日去左飲茶, 不過星期六又真係好多人飲茶! 之後又係同我大表妹去行左一陣街, 只係買左一張 KINKI KIDS O既貼紙, 真係唔多捨得用, 但係真係好靚! 夜晚食左餃子, 令我諗起日本好出名O既"點天餃子", 雖然我未食過, 不過真係令我好想試一試, 因為佢個樣好 CUTE 架, 而且好細隻, 好可愛! 遲Ｄ等我搵張相俾大家睇下先!

你救哪一個 --> 前幾日同個朋友傾開最好笑, 但係又最多人問O既一個問題 --- 如果我同亞邊個邊個跌落海, 你救邊個先呀?!

今日冇咩特別事, 好安靜o既一日, 不過始終唔係好明白點解可以咁, 因為近排煩緊一樣野, 明明計唔掂數, 點解?!

我不以為 --> 我從來都覺得每一件事都一定要諗清楚, 好好咁計劃好! 唔可以一意孤行!

今日都冇咩特別, 不過又真係好好好熱喎! 夜晚就知道左一個消息, 七月廿五日係一個特別O既日子!!! 尋晚同表弟試左新買果個"眼仔", 原來好得意架! 呢個月都可能係訓得唔太好, 所以發左Ｄ夢都唔係記得好清楚!

我會掛念你 --> "我會掛念你, 當星光優美"!

今日都依然唔記得尋晚發左個咩夢! 今日都冇落到街, 只係O係屋企發下白日夢咁, 其實都令我諗到好多平時冇咩時間O既事! 計劃一下我O既將來, 真係要計劃一下! 夜晚當然有睇到"南韓 VS 德國"啦, 其實我一直睇好南韓架, 因為真係有好好O既體力, 同埋技術都好好! 不過最後都以 1:0 輸左, 不過南韓球員真係好有體育精神, 雖然輸左波, 但係最後都成隊人咁向支持佢地O既球迷致謝, 呢Ｄ真係好好, 輸左雖然唔開心, 不過都多謝佢O既球迷一直O既支持, 你話幾難得呢?!

VICTORY --> "實現願望用努力, 實在做事用臂力"!

今日落左去飲茶, 之後我就一個人去左行街, 因為想買一份生日禮物俾我大家姐, 都好彩俾我搵到一份 ARM 佢用O既禮物! 尋晚知道亞敬黎緊呢幾日有野做, 不過我就冇預期O既開心感覺, 當然係好開心佢有野做啦, 但係都仲諗緊去唔去好, 因為代價可能好大, 所以仲諗緊!

姐妹們的聚會 --> 聽晚又有喇, 我知道一定會好開心, 唔捨得走O既!

今日日頭冇咩特別, 夜晚就同左兩個家姐去街街, 傾左好多計呀, 亦有好多趣事發生!

同機蜜友 --> 其實真係好好朋友先做到!

今朝好早起身呀, 因為我要入屯門去我表妹仔O既畢業禮, 首先去左行左一陣街再去食左野, 又再去行行街, 之後大約四點鐘到畢業禮開始喇, 好厲害架Ｄ小朋友, 表演左好多野, 好勁! 之後就帶左兩個表妹出番黎我屋企, 一直等一個電話, 點知冇打到黎, 真係我一心以為佢會打黎約今晚去亞敬個 LIVE SHOW, 不過我真係幾失望啦, 不過算啦, 其實我都預左架喇, 有時我講左O既野我會記得, 不過可能會有誤會啦, 我意思係可能去到時再約, 但人地可能以為你咁講即係唔會去囉, 所以都好奇怪, 真係唔識講! 其實係咪代表一Ｄ野呢? 我唔想去諗, 可能係我一廂情願咁去覺得冇事啦, 哈哈, 唔識講!

麻醉 --> 突然間諗起呢首歌, 好唔想再記起!

今朝本來諗住去飲茶架, 不過實在太多人, 所以之後去左買麥當勞返屋企食! 再冇落過街喇, 本來今晚亞敬都有 LIVE SHOW, 好想去, 不過我極唔想唔開心, 其實去睇 SHOW 為左咩丫? 為開心咋嘛, 但係我好唔明白點解為開心O既事要攪到咁唔開心, 其實團體力量好重要, 亞敬會出 FUNCTION O既 FANS 已經得果幾個架咋, 點解仲要咁丫? 以前講果Ｄ道理去哂邊呀? 唔係話一齊去支持亞敬架咩? 我唔明白點解會變成咁, 亞敬真係好可憐!

眼紅紅 --> "然而我越說越激動 ... ...", 散沙, 唉!

今朝都好早起左身呀, 之後同兩個表妹玩左一陣啦, 再跟住就落左去行左一陣, 飲左杯 OK O既飛雪冰, 好好飲呀真係! 夜晚就坐左我姨丈車一大班人去左沙田食上海野, 真係好熱鬧呀, 又影下相咁啦, 不過由於太過家庭 FEEL, 所以唔太方便俾大家睇喇! 之後一齊送我亞姨同表妹們返入屯門, 再之後先車我地返屋企, 真係好特別O既一日! 好特別O既經歷! 今日收到一條腳鍊, 好靚架, 要多謝寶姨!

殘酷劇場 --> 唔通世界真係殘酷? 人同人之間仲有冇愛呢? 我仍然好相信朋友間係存在愛, 不如大家放低偏見, 好好咁珍惜大家呢段可貴O既友誼!