今日一起身見到塊面俾蚊咬左啖添!! 大約四點到開始裝身呀, 因為今晚重要呵!! 哥哥結婚喇!! 哈哈!! "佢結婚啦結婚啦, 梗係靚靚去飲啦, 等我識個男仔快Ｄ結婚, 咁就唔洗擔心喇!! 梗係識唔到, 所以咪要等咯!!" 哈哈, 傻斯斯 RAP 完喇!! 不過今日真係好開心呵, 好耐冇見哥哥呢, 見到佢咁幸福開心我都開心!! YEAH!! 嘻嘻~ 仲攬左哥哥兩次!! 呵呵!! 十二點幾返到屋企, 哎唷, 好累呢!!!

MOHOU NO KOTOBA ! ~WOULD YOU MARRY ME?~ --> 特別送呢首歌俾哥哥同嫂嫂啦, 甜甜蜜呵!

今日十點令電話響喎, 原來係契媽個亞哥打黎, 約飲茶, 由於因為佢地舊朋友聚會, 而我又未醒喎, 所以我就冇去到喇!! 之後煮左個麵食, 再睇左＜HOME DRAMA＞第三集, 再學左一陣日文, 都冇咩特別 LU, 呀呀, 不過睇睇下電視契媽打黎, 哈哈, 仲問點解唔約佢飲茶, 咁我咪話因為唔係我約咯!! 呵呵!! 哎唷, 突然間諗起尋晚唔記得左要同哥哥影返張二人合照添, 哎唷, 又會咁冇記性架!! 我唔制呀, 嗚嗚嗚!!

繼續微笑 --> 無論發生咩事, 身邊環境變成點, 都要開心呵!

今日去左飲茶, 哎唷, 不過個鼻生左粒瘡瘡呢, 一定係前晚去飲果兩隻炸蟹夾啦! 之後夜晚返學, 越學越亂添, 真係要努力!! 哎唷, 同家姐傾計, 都係好攪笑呵!! 十二點過少少先返到屋企添!!

大方 --> 做人要大方, 呵呵!

今日有人黎睇下Ｄ水, 因為好慢呢, 但係睇完又好似冇咩咁!! 上海姑娘好慘呀, 早幾日被偷手機, 尋日又被偷錢包, 有詭異, 可能係熟人做O既, 唉, 真係要詛咒果個小偷先得!!!

卒業 ~イプスヘゾ明日ソギバズ~ --> 我又為左明日, 要同今日O既我講拜拜先!!!

今日冇出到街呵, 不過就一口氣睇哂成套＜未滿都市＞, 嘩, 好感動呵, 睇到我喊左幾次添!! 不過睇完呢套又唔知睇咩好!! 有Ｄ失落感添!!! 今日個月色好靚呢!!

全部擁抱 --> 今日係特別日子, 因為係兩位 DOMOTO SAN O既相識紀念日! 我又要講恭喜!!

今日都冇落街, 本來想去郵局拎包裹架, 不過都係聽日先! TSUYO 你等多我一日咁多啦!! 今日睇左兩集 SHINDOI 呵, 好攪笑呵, 又要大聲講自己鍾意食咩之後鍚個鏡頭一啖(面紅中), 另一集去花見, 但係坐果個位又冇櫻花喎, 真係好攪笑!!!

找我 --> 點解你唔搵我o既? 我等ING你呵, TSUYO!!

今朝契媽打黎約我地去燒野食喎, 梗係去啦, 呵呵, 不過冇咁早O既!! 去左樓下間酒樓飲茶, 都ＯＫ, 不過係Ｄ人奇怪左少少! 本來諗住出旺角行下架, 不過行唔到咁多個鐘嘛, 所以就返左屋企耍樂一番喇!! 大約六點到出門口啦, 其實都唔係好記得幾點出! 坐巴士去到美孚, 點知冇小巴入三聖架喎, 所以就要坐巴士入去喇, 又要等車喎, 攪到成九點先去到, 果個地方都唔錯架, 都幾乾淨, 仲鄰近沙灘添, 不過就冇行到落去, 食呀食呀, 因為都幾個月冇燒過野食, 對上果次係天水圍(有叉用燒烤場), 今晚食物當中最正O既係"蜜糖麵包", 真係好味, 不過如果有綿花糖更好, 不過冇!! 都燒到好夜呀, 因為成九點先開始嘛, 大約十二點半開始走, 坐小巴去佐敦再轉小巴, 真係兩點先返到屋企呀, 好累呢!!

我和春天有個約會 --> 哈哈, 其實係聽日同"春日步"小姐有個約會, 係邊個?! 咪係我家姐囉!

今朝食包包呀, 好味呵!! 坐 LIFT 落樓時春天家姐打黎喎, 不過因為收唔到, CUT 左線, 嚇親家姐添!! 之後坐車出旺角, 本來坐巴士架喇, 不過送車尾喎, 咁唯有坐小巴啦, 好彩坐小巴咋, 原來有架車翻則左, 攪到封路, 如果坐巴士就有排塞呀, 小巴可以左穿穿右穿穿嘛!)! 約左三點, 不過因為架小巴又好衰咁O係火車站要全部落哂車喎, 所以我三點二到先去到, 當然有行信和啦, 不過好多人, 之後去左好多地方呀, 最後去左西九龍, 諗住食壽司架嘛, 點知超多人, 所以去左食哈迪斯, 大約九點幾就走 LU, 我坐地鐵走O既, 因為春天家姐要過海! 今日我O既收穫就係: 兩件吊帶背心、一套粉紅白色衫、兩本雜誌!! YEAH YEAH!! 返到屋企收到貓豬封信!! 嘻嘻, 多謝幫襯!!

零藉口 --> 呢首歌不錯呵, 係近排樂壇少有之作!

今朝食完 LUNCH 就入左屯門, 因為要去契媽度!! 睇多左一次＜魔幻廚房＞, DINNER 好好味呵, 多謝"亞 PAUL"O既晚飯!! 之後佢地打牌打到十一點到就走喇, 嘩! 原來而家有架巴士直接返我屋企喎! 正!! 十二點三到返到屋企, 好累呢!! 不過我又好精神呵!!!

真的愛你 --> 今日係母親節, 祝我媽咪母親節快樂(實質已經好快樂!), 同埋身體健康!!

今日係飲茶日, 飲完茶之後我一個人返左屋企先, 因為夜晚要返學, 所以就做功課, 好努力咁做左幾課功課, 夜晚返學, 因為早左到, 所以行左一陣! 今日教左好多新野, 日文真係奇妙呀, 真係好多用法, 亦可以表示好多唔同意思, 我要再努力Ｄ先得!! 同時間今日亦都填左張 FORM 申請准考証, 7 月 19 日要考試喇, 真係有少少緊張添!! 放左學後, 今日唔係去麥當當喎, 去左肯德基, 我食左個雞卷, 第一次食咋, 不過唔好味O既, 以後都唔食!! 食完後行左陣啦, 家姐仲買到三件衫, 我就暫時揀唔 ARM !! 未夠十二點返到屋企, 沖完涼後上下網咁啦, 呢兩日都有睇一Ｄ網友寫O既小說, 有Ｄ都幾感動架呵!!

未變過 --> 尋晚先同亞 NUT 妹妹講過我對 TSUYO O既感覺, 無論外間點話你外表都好, 你就係你, 我對你未變過!!!

今日冇落到街, 條頸好累咁添!! 睇返果日明珠台果個咩 ... 碧咸的情人, 吾, 其實好多人都係咁架啦, 只係咁 ARM 果個係碧咸, 有新聞價值, 同埋真係唔排除真係會有人用呢Ｄ事黎令自己賺到錢, 真係呢個世界咩人都有呢!! 睇左馮德倫變魔術o既碟, 嘩! 好勁喎, 不過我覺得有Ｄ係同人O既潛意識有關係, 因為佢最後玩果個魔術, 冇理由連睇電視O既人揀咩牌都知架嘛, 所以我好肯定係佢有個方法係會令到玩果個人只係記到果一隻啤牌, 不過話時話, 真係好勁呢, 真係可以逗女仔開心架, 男仔都得添呀!!!

ヤ☆ユ☆Ш --> 係一套卡通＜超 GAL! 壽蘭＞O既主題歌, 呢套真係幾好笑架!!!

今日天氣好熱呀, 真係唔知點解咁熱O既!! 所以冇出到街呵, 睇下ＶＣＤ咁啦, 睇左一隻好攪笑O既 JOHNNY'S 被整呀, 真係好攪笑呀, 笑到我肚痛呢!! 今日係熊貓大清洗日呵!! 因為一直都想洗果幾隻熊貓仔架喇! 但係今日先真係拎去洗, 好彩, 好順利, 不過唔知點解洗完Ｄ綿花好似多過未洗之前咁, 真係邪架O者!! 夜晚同契媽同埋 MANDY 姐姐傾電話, 因為 MANDY 姐姐個電腦用唔到 WINMX, 不過傾左個幾鐘都攪唔掂, 真係唔知點解會用唔到, 到而家我都仲諗ING 為蝦米用唔到!!

我話事 --> 係 PING PUNG O既歌, 一直都覺得個女主音唱得唔錯, 今日先知原來女主音係 KARY, 但係 ... 佢唔係餅女咩? 點解變左 PING PUNG?!!

今朝俾樓上Ｄ裝修聲嘈醒左, 之後又俾突然間行入我房同我講野O既媽咪嚇醒左! 有兩個爸爸媽媽O既朋友黎左飲茶(不過我冇去), 之後佢地仲上黎坐左陣, 傾下計咁啦!! 夜晚上上下網, 部電腦自己關機喎, 好驚呀, 但又唔係病毒!! 唔通 ... 唔知添!!

世上只有 --> SELL 親情, 不過歌曲風格都係冇咩變化!

尋晚一心諗住開冷氣訓啦, 點知開左唔夠五分鐘, 部冷氣 ... 停左喎! 叫醒左老豆睇下, 我地一致都覺得係壞左!! 所以尋晚就好熱咁訓喇!! 今日本來係飲茶日, 不過取消呀, 所以冇落到街!! 不過最嬲O既係, 又試開下部冷氣, 佢又冇事喎! 你話激Ｃ唔激Ｃ呢?!!

今天你生日 --> 嘩嘩!! 今日好多人生日呀! 首先係我最愛O既春天家姐(ATY)、貓豬、V.LEKO既生日!! 祝大家日日開心、身體健康要緊呵!!

尋晚諗住開冷氣啦, 佢 WORK 呀, 不過有燒野味, 一定係壞!! 所以都要要同佢講聲再見!! 勁睇左幾隻ＶＣＤ, 同時又睇左＜PETER PAN 2004＞, 都幾得意幾感人!! 買左新冷氣喇, 不過我唔知咩樣架呢?! 星期一黎安 LU!! 不過我都算好彩! 因為如果我尋晚開住冷的話, 相信我已經 ...!!

KIMI GA SUKI --> MR. CHILDREN!! YEAH YEAH!!

今日都冇落街呀, 因為今日超多野做呀, 因為聽日黎安冷氣, 但係我個衣櫃又阻住喎, 咁唯有要搬開個衣櫃啦, 但係要搬衣櫃又要將裡面Ｄ野拎哂出黎喎, 所以咪要執哂Ｄ野出黎, 唔執唔知道, 原來我個衣櫃可以裝咁鬼多野O既, 家下放到成廳都係添呀!! 聽日安裝完又要執返入去個櫃度, 真係 ... 不過都好O既, 襯呢個機會掉多Ｄ野, 其實今日都掉左大約四袋野架喇, 不過都仲係好多野喎!! 聽晚仲要返學添, 咁我諗返黎有排執, 哈哈! 都係後日先執 LU!! 其實我想我Ｄ雜誌放去一個比較易拎O既位, 但係真係要再計劃下先!!!

AI SHITEIRUKARA --> 從戀愛開始, 令到任何人都感到愛是力量!!!

今日有人黎安裝冷氣, 之後清理現場!! 由於我今晚要返學, 所以其它野就要等聽日先執餐Ｃ喇!! 返學都冇咩特別, 今日係溫習, 溫左前幾堂果Ｄ PATTERN, 都算叫做ＯＫ, 不過我知我要再加倍努力, 因為功課都仲係錯助詞!! 放學同春天家姐去左食麥當當, 試ED果個新包, 不過不外如是, 下次都係食返我至愛 --- 將軍堡堡!! 食完就去行左一陣, 不過都冇買到野, 行去車站時, 果個司機幾鬼衰呀, 明見到我行ING 過去, 佢即刻開車喎! 我詛咒佢今晚發惡夢!! 嘿嘿!!

TEARS IN LOVE --> KOKIA O既歌, 唔通 ... 愛一定要有淚?!

今日有去飲茶, 不過飲茶之前都勁執野呀, 因為要執返間房嘛, 飲完茶行左一陣, 之後返屋企又執野, 總算執掂左喇, 掉左超多野, 間房大左好多, YEAH!!!

Pride♂the End --> 瀧與翼!! HAHHA, 我都係覺得 TSUBASA 好Ｄ, 佢性格好善良呢!!!

今日十點幾起左身喇, 因為要入屯門去我契媽度飲茶, 本來諗住夜晚 BBQ 架, 不過因為天氣唔太穩定, 所以取消左, 之後都冇咩特別, 佢地打牌啦, 我就睇左哥哥註冊同埋結婚當日O既ＤＶＤ, 都幾攪笑呀!! 之後去左契媽屋企, 坐左一陣, 就上返去食飯, 食完飯又落返契媽屋企睇下電視咁, 仲試左一罐 LOTTE 出O既朱古力酒, 嘩!! 不過聞就好好味, 飲就 ... !! 最後差唔多十一點半返到屋企, 收到一封信喎, 原來係 V.LEK 寄黎, 好出奇呀我!! 因為好突然呢, 謝謝 V.LEK!! 呀呀, 仲有呀, O係契媽屋企睇左本＜金田一少年事件簿之魔犬森林殺人事件＞O既漫畫! 幾勁呀我, 一個鐘到睇哂喎! 你要明白我平時唔睇漫畫架呵, 哈哈, 不過"金田一"呢三粒字的確係吸引呵!!!

DARLING --> V6, 今日坐巴士時睇到 ROADSHOW 有播左少少, 幾好聽喎又!!

今日好累, 真係好累, 所以冇出到街!! 定左下星期一要去 MOCK 智慧牙, 嗚嗚, 有少少驚驚添!!

六呎風雲 --> 吾, 其實黃偉文以前Ｄ詞我真係常欣賞, 不過一切都已成過去!!

今日去左飲茶, 食左碗好好味O既河粉呀, 之後去左行左一陣, 來而家Ｄ PRINTER 幾平架喎!! 今日開始睇＜SHOCK＞, 都幾好睇喎, TSUBASA 好攪笑呀!! 前晚個 IE 有少少奇呀, 我就只係去唔到 YAHOO!拍賣我果個網喎, 其它都ＯＫ, 用埋 MSN 都去唔到, 唔通又要我安過個 XP ?? 唔好喇掛!! IE 呀 IE !! 乖乖啦好唔好??!!

２人ソ夜 --> 睇個歌名就覺得好浪漫O者!!!

今日冇出到街!! 睇下碟咁, 都冇咩特別!!!

TIME WILL TELL --> MOCK 完牙果日我希望出到院啦, 因為返屋企點都好過O係醫院!! TIME WILL TELL!!

今日依然冇出到街, 我終於睇左＜我倆的未來＞結局喇, 估唔到原來係篤志個媽媽令到佢地O既人生不斷重覆, 真係不可思議呢!! 不過今日好眼訓, 所以六點鐘就訓到七點! 今晚十二點後唔准食野同飲野添, 唔知會唔會渴死呢?! 呵呵!

TELL MY WHY --> 聽朝去 MOCK 牙, 之但係 ... 智慧牙要 MOCK O既, 咁點解要生呢??!

今朝未夠六點就醒左喇, 因為六點半要出門口, 點解咁早? 因為要入院去 MOCK 我果兩隻智慧牙, 八點前就去到醫院喇, 係咁等呀等, 等呀等, 終於等到十一點三先叫我換衫入手術室, 點知又等呀等, 等到十一點九到先入去做手術, 不過真係無奈呀, 個肥醫生吉果支靜脈道管時, 吉鬼錯位, 攪到我無 LALA 痛多野, 真係好鬼死痛, 之後仲標冷汗添, 其實做手術過程又唔太耐, 但係等左超勁耐, 等到成一點半先返到病房! 之後又冇咩特別咁, 係三點果陣止左血, 之後麻醉藥過左要食止痛藥, 之後又睇下電視, 又訓下醒下咁啦!! 到左六點幾醫生就話我可以出院喇, 所以就請姑娘打電話返屋企, 未夠八點媽咪就黎接我出院喇, 之後未夠九點就返到屋企, 正!! 所以今日講住咁多先啦!!

幸運是我 --> YEAH!! 安全出院, 又唔太痛, YEAH YEAH!!!

今日訓到十一點到啦, 因為訓訓下俾我床邊隻熊貓仔"中"左我右邊面一野, 所以痛醒, 因為今日塊面腫左呢!! 面腫左當然唔出街啦, 而今日都只係食粥呵, 因為硬野唔食得住!! 睇下碟咁, 終於睇完＜SHOCK＞, 都幾正喎真係, TSUBASA 可做之材呀!!

柚子 --> 呢首歌好聽呵, 不過唔知點解咁多人唔鍾意趙頌茹!

今日出街喎竟然, 因為呢戴個口罩就冇事啦, 今日塊面冇咁腫, 正!! 所以去左將軍澳行街街, 買左隻碟返黎賣! 希望賣得去啦, 不過呢, 呢幾日我都去唔到個拍賣檔網頁, 唔通真係要安過個 XP ?! 汗!!!

思覺失調 --> 呢首歌我覺得幾順耳咁, 不過Ｄ詞都好似唔太好咁!

尋晚失眠呀, 因為擔心部電腦, 成晚O係度諗點整點整咁!! 今朝再一次試上自己個拍賣網, 但係都係上唔到, 所以就只好重新安裝個 XP, 裝呀裝呀, 之後安返Ｄ軟件果Ｄ, 整掂左喇, 不過發覺都係去唔到自己個拍賣網, 唉, 真係灰架喇!! 都唔知咩原因, 睇唔到自己個拍賣網好唔方便嘛!! 不過都算啦, 冇計架啦, 就當同部機排下毒咁咯!!

有計無 --> 大家有冇計幫下我解決呢個電腦問題??!

今日我冇去飲茶呀, 因為就算去都食唔到咩野, 所以就煮左個麵食喇!! 六點幾時突然間落大大大雨呵!!

心照 --> 一切都心照!!!

今日好熱呀, 又好眼訓咁, 我估真係可能唔夠血糖!! 今日好乖, 因為溫過書咯, 我上一堂冇返, 所以點都要自己努力下O既, 總算明白上一堂教過咩, 下星期一晚返去問人借返Ｄ筆記抄返就ＯＫ! 呀, 仲有呀, 好奇怪呀, 果日安裝完個 XP 後, 個 MOUSE 果個碌碌(用黎睇網頁時郁個 SCROLL)用唔到架喎, 唔知咩原因架!! 但係夜晚無 LALA 又好返喎, 你話奇唔奇呢??!!

I CATCH A COLD --> 係 KOKIA O既歌黎架, 幾攪笑架喎都!!!

尋晚睇左家姐借我睇果套＜溺水之魚＞, 有少少得人驚喎, 但係又幾好笑, 但係睇到又唔係好明白咁!! 不過仲間 SAN 做得幾好, 當然窪塚 SAN 做得都好啦, 佢對腳仲好鬼瘦添呀!! 今日有睇到＜PRIDE＞, 估唔到睇多次都仲係咁感動!! 木村前輩你真係好正呢, 呵呵!!

Ъяжヴみу(TEREBI GEEMU) --> 即係"電視遊戲"咁解, 令我諗起＜PRIDE＞, 好似 GAME 咁O既戀愛, 又會係點架呢?! 其實又係真係可以當 GAME 咁看待呢?!

今日冇去飲茶呀我, 因為實在太熱喇, 所以自己煮米粉食!! 之後睇左幾集＜暴風雨般的戀愛＞, 哎唷, 如果山下智久咁樣對我我一定接受呢, 呵呵!! 不過心裡當然都係 TSUYO 最緊要咯!! 夜晚返學, 問左同學借返Ｄ筆記抄, 放學時同 SENSEI 傾左一陣, 因為要跟佢去拎上堂Ｄ NOTES, 佢話我應該冇問題喎, 仲話我一直學得幾好, 呵呵, 仲問我係咪好細心O既人, 真係幾尷尬呵!! 不過好開心O既, 因為學一種語言又真係要有動力, 都需要鼓勵架呵!! 放學後同家姐食麥當當, 傾到把聲都沙埋, 可能我個口未好返啦, 所以講野唔太清, 攪到家姐理解唔到添!! 食完後行左一陣, 返到屋企, 嘩!! 原來十二點四呢!! 呵呵!!

EDGE --> 係"鬼束千尋" SAN O既歌, 亦係因為睇左＜溺水之魚＞先識呢首歌, 聽落都幾好聽架呵!