今日去左飲茶, 之後去左書局睇下本日文書到左未, 點知遇到一個女人O既店員! 冇咩禮貌之餘仲要叫我自己去拎張咭片自己打去其他分店問有冇果本書! 我幫你做埋好唔好呀! 真係差勁呀! 不過我費事鬧佢啦, 有失身份! 不過我會記住呢件事! 之後溫左一陣書同埋做左個功課就返學喇! 今日家姐闖於返到學喇, 佢份工真係辛苦呢!! 不過我地都未買到書, 所以唯有問同學借左黎睇啦! 之後去左食麥當當! 傾左好耐下架都! 之後返屋企, 都成十二點 LU! 上下網咁! 終於俾我搵到一個地方放圖片而留言版可以顯示到出黎喇! 用住先啦唯有!!

LOVELOVELOVE --> DREAMS COME TRUE O既歌! 今日日文課O既教材! 都幾好聽架!

今日天氣凍左咁, 不過都唔錯丫! 今日依然未買到書, 真係離哂譜! 其他就冇咩特別 LU!

FORWARD YOUR LOVE --> 哈哈, 如果 LOVE 都有得 FORWARD, 都唔知要唔要好!

今日本書仲未有呀, 真係三聯Ｄ效率真係好低呀! 出左去深水"步"同埋旺角行下咁啦, 之後坐地鐵去左將軍澳打邊爐! 食得幾滿足呵! 之後坐車返屋企 LU!

流淚的背影 --> 今日聽返草蜢呢首歌呀, 真係好感人架O者!

今朝三聯打黎, 我本書到左喇, 所以十二點到落去買左再行左一陣就返屋企, 煮左個麵食咋, 之後上左一陣網, 溫左幾個鐘頭書啦, 做左幾個 ch. o既功課, 明日仍需努力! 因為好想追返Ｄ功課, 再俾 MISS 改完咁我先可以溫書!! 之後都冇咩特別 LU! 邦邦先生有打黎呵, 不過傾左幾句佢又有電話入, 本來話會回我架, 不過我諗佢好忙呢! 嗚嗚!!!

DOUSHITE --> 點解呵? 點會咁架O者? 哈哈! 我都唔知我問ING 咩!!

今朝好累呀, 唔知係咪尋晚冇咩點郁過呢! 之後去左飲茶, 仲撞到個媽咪O既朋友添! 之後我自己返屋企先, 因為想聽下收音機! 另外整左個"大哥生日樹啤素"網頁仔, 希望大哥得閒去睇到啦! 之後溫左一陣日文同埋做功課! 不過仲要努力Ｄ, 因為我發覺我冇咩記性, 好多時都好快忘記左! 呵呵!

風吹不走笑容 --> 冇錯! 呢個歌名意思不錯!

今日冇出街呵! 因為一口氣睇左五集＜戀之神樣＞, 真係想睇左好耐喇! 終於睇到喇, YEAH!! 之後做下功課咁啦, 終於都追返Ｄ功課喇! 聽日再要努力先!

加爾各答的天使：德蘭修女 --> 今日細味過Ｄ歌詞, 都真係幾感動! 林振強手筆, 謝謝!

今日兩點到去左將軍澳行左一陣, 仲好好彩咁俾我搵到本 KINKI O既掃描畫冊, 知就知台灣出左好多年, 不過香港真係未見過, 今日竟然無意中俾我見到, 仲只係剩返一本咋, 真係好開心, 所以諗都唔諗就買左喇! 之後買左好多野啦, 不過都係屋企用同埋食O既野!! 夜晚 TVB 有韓國特輯呀, 好多地方我都有去過! 韓國, 令我諗起 ...!

LOVE AND BE SILENCE --> (雖然唔多知係咪真係有呢首歌) 係我睇＜戀之神樣＞時 KOUSHIN O既一首歌, 好鍾意呢個意思, 其實愛一個人唔一定要講出黎, 有時最冇溝通時, 愛可能仲深!

今日去左飲茶呀, 之後仲睇埋＜戀之神樣＞結局, 哎唷, 如果我係息吹我會點呢?! 我諗我會揀同零士一齊, 因為被愛往往會比較舒服, 雖然內心係愛著 KOUSHIN, 但是平淡跟安定O既生活我想要! 不過呢套結局非常好, 攪到斯斯一邊睇一邊喊左好幾次! YEAH! LOVE AND BE SILENCE!! 學到了! 夜晚要返學, 不過上堂之前我爭Ｄ就被困洗手間, 好彩我一野整開左把鎖! 我以後唔去果格 LU! 危險呀!! 今日教O既野都有少少深奧咁! 我要再努力Ｄ先!! 家姐返左一陣, 呵呵! 之後去左麥當當, 換左隻 QOO 呵! YEAH! 同家姐講起＜戀之神樣＞, 家姐都係覺得會揀同零士一齊! 其實都係架, 不過我O既＜戀之神樣＞又會幾時出現呢?! 等待中!!

12月之 LOVE SONG --> 好 ARM 而家聽呢, 而且 GACKT 咁有型! 力宏也不錯呵! YEAH YEAH!!

今朝好早俾出面Ｄ工程嘈醒左, 之後自己煮左個麵食喎, 好味呵! 本來諗住睇日劇架, 點知聽聽下歌之後就聽收音機, 今日得知一個唔開心消息, 柯受良意外咁死左喇! 好突然, 令我又諗起原來人真係好脆弱, 所以我地真係要珍惜眼前人, 同埋要活在當下!

活在當下 --> 真係要活在當下! 要珍惜!

今日同媽咪出左旺角行街街, 人都唔算多唔算少啦(哈哈, 我好似冇講到野咁添!)! 買左隻爬地熊貓仔! 同我屋企"陪訓"果隻大熊貓一樣架, 只係個 SIZE 細好多咋, 好可愛呵!! 諗住有舞台劇睇啦, 點知唔知點解開唔到喎, 諗住燒做 VCD 啦, 點知 ENCODE 到一半又停左喎! 點算好呢??! 好想睇呵真係! 夜晚睇左一集＜STAND UP＞, 好鬼攪笑架O者! 夜晚收到 CONNIE 個電話呵, 好開心呀, 因為諗諗下, 我地都成兩年幾冇聯絡! 真係好架喇! 好期待聚會果日呵! 其實呢個電話幾感動呵, 因為我一直以為咁多年冇聯絡, 真係好難會再見咁, 不過真係好開心呵!

DON'T LOOK BACK --> 因為要向前看, 未來係最美O既!

今日去左飲茶, 之後行左一陣, 買左條褲呵! 返到屋企, 哈哈, 收到果仁妹妹封信喎! 仲有相相睇添! YEAH! 真係好感動呢, 因為妹妹不忘 ONNI 呢!! 斯斯今日剪左頭髮! 呵呵, 不錯呵(自己讚自己呵!)! 夜晚同果仁妹妹傾 ICQ ! 仲同妹妹一齊分享左妹妹 OBBA 獎O既片段添!!

如果我是你 --> 今日突然間諗起呢首歌, 仲係好鍾意Ｄ歌詞!

今日我冇落街呀, 凍左好多呵今日, 打字時隻手都好硬咁! 果個搵一樣O既 GAME 玩到第七關, 真係難玩喇, 不過又冇得 SAVE !!

AISANAI --> 不愛, KIRORO, 其實越黎越鍾意 KIRORO O既歌, 佢地音樂好 ARM 聽!

今日冇落街呵, 睇左幾集＜STAND UP＞! 都冇咩特別 LU! 不過呢, 夜晚睇到一段好 SHOCK O既新聞呀! 據＜日本 SPORT＞報導, 廣末涼子同模特兒男朋友(岡澤高宏)閃電結婚呵, 仲有左四個月添呵! 真係恭喜呵! OMEDEDOU~~~!!

KINKI KIDS FOREVER --> KinKi Kids 24/7 G TOUR 今日開始! GANBATTE NE!

今日去左將軍澳喎, 買左一百蚊仲有野玩, 呵呵, 今日戰利獎品係有＜2004年大月曆＞同埋＜許志安 ON | MY STORY CD 一隻＞, 呵呵!! 之後返屋企睇埋果兩集＜STAND UP＞, 之後再睇埋＜森美小儀歌劇團之大衛營＞, 嘩! 古巨基真係真情流露呵, 令到我都好感動! 好可惜只可以O係電腦睇, 唉! 不過睇完呢套劇就令我諗到, 如果呢個世界真係有"月腦", 真係會有"MATCHING SYSTEM"的話, 咁呢個世界會唔會愛情方面變好左呢? 其實某程度上我幾想真係有"MATCHING SYSTEM", 唔洗煩丫嘛!

大件事 --> 嘩! 捉到薩達姆喎!!!!!

今日冇咩特別呵, 做左一陣功課, 夜晚返日文, 睇左一個日本小學一年級學生O既故事, 都幾有趣架! 因為我未睇過果Ｄ日本民間故事, 最多只係聽過＜桃太郎＞!! 放學後同家姐去食麥當當, 今次換"古銅 QOO", 傾左一陣啦, 哈哈! 家姐睇唔出我剪左頭髮喎! 仲要提醒我實會寫黎日記度(其實我係...諗唔起o既!)

下一個階段 --> ^v^ 廣末涼子結婚了! 而石田壹成o既 BB 呢個星期出世喇! 真係好開心呀! 幾時先到我去下一個階段呢?!

今日去左飲茶, 之後竟然坐車過左海, 因為去工展會呀! 咁大個女第一次去咋, 人都幾多, 不過好怪, 原來香港咁鬼多廠商整麵架咩?? 成條街都係賣麵食! 真係唔知點解! 都有少少戰利品O既, 不過冇咩特別咁! 反而仲有少少似果Ｄ呃人錢O既店添喎!! 之後去左中央圖書館, 借左三本書, 不過冇日文書借呢, 我本來諗住借Ｄ助詞O既書, 因為我Ｄ助詞太爛了! 之後行到去灣仔到啦, 坐巴士返屋企附近食 DINNER ! 好好味, 呵呵!! 買左線線織手繩, 因為果仁妹妹話想要果Ｄ色, 等我呢幾日努力先!! 不過今日好攪笑, 見到一部魚蛋同埋燒賣自動販賣機, 真係好鬼攪笑!

GANBARU --> KINKI KINKI KINKI 新歌呀! 係 DREAM COMES TURE 作架!! 好聽呵, 一月發行呵!

今日冇出到街呀, 因為要煲返前兩晚Ｄ帶呀, 天氣凍左好多好多, 不過唔錯丫, 幾舒服呀! 不過今日燒壞左一隻碟, 因為自己Ｄ天然又出現, 明明準備好燒碟, 但係又無 LALA 走去改左個 FILE NAME, 攪到佢照燒, 但係因為 FILE NAME 唔同左, 而燒唔到, 總之就係燒壞左一隻啦, 激Ｃ人!!

出賣 --> "被你無情出賣 ..." 呢Ｄ係好好O既經驗, 只要現在O既我開開心心, 可可愛愛, 仲唔夠咩?!

今日天氣凍左呀又, 手仔凍凍地! 我冇出到街呵, 哈哈, 今日報告完畢! OVER!!

神愛西人 --> 無 LALA 諗返起軟硬呢首歌, Ｄ歌詞好攪笑架, 不過又有意思喎, 好懷念軟硬添, 不過我估佢地唔會再合作 LU!

今日去左飲茶, 本來諗住食麥當當, 不過都係聽日先食! 今日森美小儀做多左一個鐘頭, 不過就真係好攪笑, 請左個人上去話可以用你個名同埋生肖去知道你聖誕邊日去 PARTY 可以識到男女朋友喎, 真係任佢 UP! 不過有講到 KINKI 呵, YEAH!!今日收到隻好特別O既 CD 呀, 係華納唱片公司寄黎O既, 呃人O既, 又話成隻都係 SAMMI, 家下得一首歌係 SAMMI 咋, 不過都好O既!

心跳舞聲 --> "我未出世都已約定, 人海裡他會跟暢泳, 仿佛聽出花開有聲...", 雖然現今社會冇 MATCHING STSYEM, 不過我相信早安排左!

今朝落左去買麥當當, 因為換最後一隻 QOO 仔, 好奇怪喎, 我換左咁多個星期都未見過果幾張咭仔O既, 唔通俾人呃左三個星期? 今日先有果四張咭仔喎, 激Ｃ人喇! 天氣係凍左呵, 不過希望唔好咁乾就夠喇! 睇左幾集＜若葉時代＞呵, 好慘呵, 嗚嗚, 不過好開心, 因為睇返佢差唔多十年前O既演出!!

同行 --> 係 SAMMI 同埋劉德華為關懷愛滋病唱O既主題曲! 好好聽呵!

今朝早左少少起身, 因為約左二家姐去街街, 我準時到信和門口呵, 係真係好準時, 家姐都話我真係撘正 12:30 就到喇! 之後去左吉野家食 LUNCH ! 我食ED一個煎雞飯, 好味! 之後梗係行街街啦, 我今日買左一本雜誌、三塊熊貓板板! YEAH YEAH!! 好可愛架!! 之後去左西九龍呀, 因為食壽司! YEAH YEAH!! 好好味呵, 今次勁呀我地, 兩個人食左二十碟壽司! 抵返哂添呀! 好想再去食呵, 因為又抵食又好食呵! 食完之後行左一陣, 大約十點令就返到屋企喇!

遺忘 --> 有好多野都遺忘左, 前陣子我突然諗返起我為我第一個男朋友整O既一份生日禮物, 用左半年時間去寫, 唔知"你"有冇睇到呢? 不過今時今日O既我, 可能做唔到咁好心機喇!!

今日同左上個姨姨去左飲茶, 飲完茶行左一陣啦, 不過都冇買到野, 應該係買唔到野先 ARM ! 其他冇咩特別 LU! 哈哈!

三角 --> 呢首歌個 FEEL 好正, 雖然只係 LA LA LA 咁樣!

今日冇落到街呵, 因為晏晝送張飯桌黎喎! 今日天氣都差唔多, 不過我Ｄ手手腳腳都好凍, 唔知點解呢?!

決定 --> 係劉若英O既舊歌, Ｄ歌詞令我明白到, "也許你並不是我唯一的伴侶呀, 雖然曾經最需要你給我鼓勵", 有時要學懂接受!!

今日去左飲茶, 之後行左一陣, 不過好鬼多人呢! 日係平安夜喎, 大家有咩節目呢? 斯斯就冇喇, 因為唔想同人迫嘛! 年紀大左冇計啦, 呵呵!!

我討厭你 --> 呢排電視成鬼日都播果套楊小姐做o既戲, 不過我真係要講呢個歌名俾楊小姐聽, 真係好惡頂呀! 工作態度又唔認真, 只係識笑, 仲要係無 LALA 咁笑, 唔該你唔好再出咁多啦, 好厭惡呀!

今日冇去街街, 雖然係聖誕節, 呵呵!! 夜晚有個朋友打電話俾我呵, 好開心呀, 因為後晚有街街去, 呀, 諗諗下都成兩年冇見大家, 不錯呵! 好期待呢!! 今年收到一份聖誕禮物, 雖然只係登左我一個 MESSAGE O既, 不過 TSUYO 睇到就得架喇! YEAH!!


長久 --> KIRORO, 佢地把聲真係好正呢, 音樂路向都 ARM 聽! 金城姐姐又可愛! 哈哈!

今日行將軍澳呵, 買左少少野啦, 仲行埋吉之島, 我終於都買到果支炭 MASK 喇, 正! 夜晚都係咁啦, 不過好期待明晚O既約會!!

深呼吸飛行 --> 有時真係想週圍飛下, 體驗下唔同O既野, 不過只可以幻想下, 等中左六合彩頭獎先去得!

今日睇左一集＜若葉時代＞, 之後大約四點三到出門口喇, 因為今日厲害咯, 要坐 MTR 同埋西鐵去天水圍, 因為約左五個 TI 同學去 BBQ 呵, 諗下諗下起碼兩年冇見面, 所以真係好期待架, 雖然都有少少怕太耐冇見會生疏, 不過好開心, 因為大家都好似返返去讀書果陣時, 傻下傻下咁玩! O係西鐵站坐的士去呢個名為＜有叉用＞O既燒烤場, 單係個名就好好笑喇! 因為我地一上的士話: "司機, 有叉用!", 哈哈, 連忘講埋"燒烤場"三隻字! 今日天氣好凍呵, 所以燒烤果陣好正, 圍住個爐傾下計咁, 原來好多都有拖拍呢, 呵呵, 仲有個朋友好事近呵! 恭喜恭喜!! 影左好多相呵, 不過仲未收到, 嘻嘻! 傾左好多話題呀, 好開心, 以後一定要多Ｄ約我去玩呵! 有工記住介紹我呵, 呵呵!! 好開心好興奮O既一晚呵! 大約十點令走了, 不過果架的士好唔專業, 明明話五分鐘到, 但係冇左影, 攪到要我地 CALL 過第二架的士, 十點半到O係天水圍西鐵站! 之後雖然話西鐵好快咋, 不過我都成 00:50 先返到屋企, 要媽媽等我門, 辛苦哂!

SHINING FRIENDS --> BESS, CONNIE, FREDA, LISA 同埋 SUZAKA 好開心見返你地呵, 記住要保持連絡呵! YEAH!!

今日我冇出到街街, 因為表弟黎食飯呵, 好開心呵, 表弟送左三隻熊貓仔俾我, 真係多謝哂! *V* !! 之後冇咩特別, 聽日要溫下書先!!

某一種男人 --> 呵呵, 夜晚睇電視播勁爆, 大哥有花褲仔同埋花領仔! 呢種男人不錯呵!

今日本來諗住溫書架喎, 不過最後都係揀左活動教學 --> 睇日本電視節目, 呵呵! 五點令出門口, 係比平時早左架, 因為想去買野飲先坐巴士呵, 都好早返到學校, 今晚係代課老師上堂, 係一個日本人o既 MISS! 佢教O既方法好好多, 因為佢教得比較慢少少, 同埋呢, 佢每教一個新句型, 佢就會講好多例子, 再每個人咁問一個相關O既問題, 如果你唔識答的, 佢會慢慢咁引導你答到為止, 其實咁樣會易明白好多呢, 信心都大左! 不過好可惜呢個 MISS 只係代兩堂咋, 所以都要靠自己! 落堂之後梗係同二家姐去食麥當當啦, 傾左好多野呀, 都好攪笑, 傾計之中我發覺我原來識諗左好多喎(雖然我係天然天然天天然!) 戀愛觀有少少唔同左咁! 十一點幾返到屋企樓下, 不過好失敗, 証明我冇咩記性, 因為竟然完全唔記得樓下大門個密碼, 攪到要噤對講機上樓叫爸爸開門, 不過又開唔到喎, 最後坐裡面果位看更叔叔開門俾我, 真係唔該哂!!

傷逝 --> "無聊時談論沒相干的影片, 偏不要見面! 誰能避免傷逝傷逝, 但離別是否這樣可愄?" O係 ROADSHOW 聽返呢首歌, 有少少似我而家個感覺!

今日朝早媽咪入左我房講我知梅艷芳凌晨兩點五十分離世了, 聽到之後真係好震驚, 真係覺得世事難料! 點解人生真係咁無常?! 今年真係多事o既一年, 真係 ... 唉! 真係世事無常, 真係要好好咁珍惜大家所擁有o既野!! 其實真係 ... 唔知講咩好, 不過我地要努力每一日, 學會到珍惜, 希望梅姐可以永遠開心快樂! (哭)!! 今日同媽咪去左西九龍食壽司, 不過就發現原來呢個世界上有好多唔知諗咩o既年青人, 世界上幾多人食都食唔飽, 竟然真係有Ｄ人就咁食左個壽司面果舊野, 之後唔要舊飯架, 真係賤! 仲賤到仲想將兩舊飯放返上去俾人食! 真係勁想鬧佢, 不過算啦, 佢唔尊重自己, 真係 ... 唉 ... 唔該Ｄ人唔好咁賤啦真係, 唉 ... ! 食完之後就去左買珠仔, 六點幾返左屋企喇, 今日心情 ... 不太好! 因為呢一年認真不太開心!!

心仍是冷 --> 我相信 ... 大家可能心情同我一樣都好不安, 唔知點咁! 不過希望大家學會到珍惜! 希望梅姐永遠開心快樂!!

今日係 2003 年最後O既一日! 雖然 2003 年發生左好多唔開心O既事, 不過始終我地都係要接受同埋面對! 有時係會辛苦Ｄ, 不過最重要O既係, 當大家望返轉頭, 一切都無悔, 就足夠喇! 去左飲茶喎, 好攪笑咁撞到芳姨啦, 仲無 LALA 飲飲下茶見到 HONEY KAZU 添, 嘩! 都好耐冇見佢喇, 佢今日著得好紅呀! 呵呵! 之後走左去行左一陣街, 不過又冇咩買到野! 睇左幾集＜冬季戀歌＞, 開始幾好睇喇, 學到幾句韓文添! 呵呵!

我最好的朋友 --> 我知道有好多朋友都為左呢件事唔開心, 但我真係希望我最好最愛O既朋友們都開開心心, 平平安安! HAPPY NEW YEAR!!