今日係 2006 年第一日, 首先祝大家新年快樂!! 今日冇出到街, 睇哂全套＜催眠＞, 真係好好睇, 結局有Ｄ估到, 有Ｄ估唔到啦, 但係真係好睇!! 仲幾恐佈添, 尤其係我前排寫果個故事都有少少咁O既情節, 正如劇裡面果個人講 "消去一個人O既記憶, 可以係害人, 但同時亦可能救左果個人!" 諗真Ｄ, 講得幾 ARM!! 睇左少少尋晚個 JOHNNY'S COUNT DOWN, 點解未夠 20 歲果幾個都可以出席O既?? 同埋唔係太明白點解錦戶亮有一度好似喊咁!! 打俾太后, 佢又聽唔到電話響, 所以 SEND SMS 俾佢, 點知一樣係返到屋企先知呢!!

身體健康 --> 係我每一年o既願望!!

今日我都冇落到街, 睇哂前兩日O既＜第 56 屆紅白歌合戰＞, 真係好好睇, 果Ｄ成熟O既歌手們都好好聽喎, WaT 今次係初登場, 不過唱唱下個咪整跌左喎, 估計係有工作人員唔小心"CAKE"親條咪線, 真係有少少嚇親!! 不過好彩冇事, 之後都好順利繼續唱落去!! 夜晚將聽晚 QUIZ 果Ｄ詞語打左出黎, 不過都係聽日先溫!!

NADASOUSOU --> 今日睇紅白時, 聽返原唱者唱呢首歌, 之前只聽過 NINO 唱咋!!

今日睇左一集＜半個醫生＞, 亞哥做戲果然係有一種難以解釋O既吸引力! 食完米粉就出門口返學, 好好彩就去到車站時, 就見有架車, 所以趕得切上車呢!! 早到左, 所以行左轉十蚊店, 買左包紅豆, YEAH!! 返到課室溫書, 因為都冇咩溫過, 開始時做左個 LISTENING, 我真係發現有Ｄ音我聽得唔係咁真!! 之後 QUIZ, 應該都 OK, 不過"保証期間", 我竟然寫左"保障期間", 激Ｃ!! 遲左少少放學, 就去到車站又見有車, 所以跑到去, 又趕得切上車, 真好!! 返到黎沖完涼, 食左五塊仔紅豆多士, 好細塊O既, 真係好味!!!

AMAEN BO --> 好 SWEET O既感覺, 下次唱Ｋ要唱下先!!

今日出左深水"步"同埋旺角, 買左Ｄ手工藝材料, 有少少累呢!! 夜晚睇哂＜半個醫生＞, 好衰架, 睇到喊到收唔到聲!! 之後23:53 5/1/2006睇左三集 YAYAYAH 喎, 都幾得意, 不過好多介紹O既野, 以前睇 USO 或者其它節目都睇過, 所以冇咩驚喜!!!

NE, GANBARUYO! --> 雅紀仔仔你真係要參加鐵人賽?? 要小心呵, 你身體唔太好呢!!

今日冇落到街, 一口氣睇左 CDTV O既 COUNT DOWN LIVE SP, 都幾好睇啦, 不過五個幾鐘, 勁!! 仲整估左瑛士添, 其實一早就知佢地係整估佢啦, 因為好假下, 但瑛士個樣好好笑!!

PAPAHE --> HITOTO YO O既歌, 係寫俾爸爸O既, 感覺到佢同佢爸爸O既關係好似似近還遠咁!

今日凍左好多, 不過都還可以, 冇凍到震哂!! 去左飲茶, 飲完茶後行左一陣, 返到屋企沖完涼, 睇左幾集堂本兄弟, 因為皇上要用電腦!! 發現亞剛真係好攪笑!! 果個"安MEGUMI"話亞剛隻手Ｄ味似個怪人, 吾 ... 都唔知話佢 ARM 唔 ARM 好, 因為亞剛的確O係好多人眼中係好怪O既人, 但O係我眼中我覺得係特別O既吸引力呢!! 原來尋晚有個節目係 SHO 做嘉賓, 介紹好幾個縣, 見到有介紹"岩手"呢, 等我睇下, 睇完之後同 YUMIKO 講下先!! 睇左 G嵐, 雅紀呀雅紀, 英文串錯媽媽唔怪你, 之但係 ... 日文你都寫錯?! 要捉你去補習下!! 同埋你唔好咁天然啦, 有多士爐嘛, 你真係笑Ｃ媽媽喇!! 不過真係好可愛, 太可愛了~~

SMILY --> 發現聽大塚愛O既歌, 係會變得開朗架呢!

今日都好凍, 春天家姐打俾我話佢放工要先去還書, 所以改左地點!! 我去到巴士站咁 ARM 走左架巴士, 所以就坐小巴了! 早左少少去到, 無幾耐會合左家姐, 之後就行街喇, 行左好多地方, 見到光一個學年曆好平, 本來真係想買架, 不過又真係好大個, 係太大個, 所以怕拎唔到, 所以冇買到!! 之後行呀行呀, 行埋去佐敦十蚊店同埋尖沙咀, 行到七點到就去左食麥當勞, YEAH!! 食左個"軟硬"餐, 不過Ｄ扭扭薯條真係太少了! 之後傾計, 記憶中好耐冇傾咁耐計 LU, 傾左好多野, 亦都明白到以前一Ｄ事件, 其實係存在著好多失望, 不過每個人都有主見, 改變左亦冇計, 我同春天家姐都係第一次傾到某個問題, 而家我只希望今年同春天家姐去日本啦, 哈哈, 一齊合宿一下, 我帶黑白棋(雖然未買)! 放心!! 傾到成十一點幾, 我真係唔覺時間過得咁快呢, 所以就拿拿聲坐車返屋企, 成 12 點 4 先返到屋企呢, 之後沖涼洗頭, 仲要吹頭添, 所以Ｄ頭髮係唔係好受我控制!! 之後上左一陣網就訓喇!!

DOUSHITE --> 點解瀧與翼大碟宣傳, 只係 TAKKI 黎香港, 唔制呀, 我要見我大仔呀!!

今日我冇出到去, 因為想睇下片, 睇左 MAGO, 雅紀你實在太可愛, 人地 OBAACHAN 鍚 OJIICHAN, 你仲咩又走埋去鍚埋一份喎, 呵呵, 不過最後真係好感動, 但估唔到 LEADER 對眼仲濕過雅紀喎, LEADER 真係感動到唔係好講到野!! 乖!! 同埋睇左 HAPPENING 2006 大賞(唔知點解唔係 2005), 好好笑, 真央真係好可愛!! 出奇地個 HAPPENING 有一段係 PAN KUN 喎, 我反而想睇下果集節目, 不過估計冇人有呢! 殘念!!

KIMIHA KIMI DAYO --> 春天家姐講得 ARM, 要有自信, 唔好理Ｄ無謂人講野!

尋晚用左少少時間去改下自己個網頁, 因為好耐冇整過, 亦加減左好多野, 因為有好多野以前係, 而家唔係, 又有好多野以前唔係, 但而家係喎!! 哈哈!! 今日去左飲茶, 之後行左一陣, 返到屋企其實都冇咩特別, 夜晚特別整左幾個"私夢記"O既 ICON, 因為隻 QOO 仔大家都睇得悶悶地喇應該!! 無意中O係網上睇到一張雅紀同 NINO 以前O既"性感"相, 真係"嘩嘩嘩~~~", 呵呵!!

約定 --> "要決心忘記, 我便記不起~~~~"!

今日冇咩特別, 但一口氣睇埋最後三集＜TOKIO＞(向父親傳言), 原來 SHO 演O既"TOKIO"係想向爸爸媽媽講多謝, 養育左佢 19 年, 睇到果一刻我係呆左一呆, 因為實在係好感動!! SCAN 左 NOTES 俾 DORA, 之後食完米粉過左一陣就出門口返學喇, 不過亦由於早左, 行左一轉美麗華, 原來無印良品搬左去果度!! 之後返學, 呢位 SENSEI 講書真係有少少悶, 好不容易放學, 立即返屋企喇! 之後沖完涼再 SCAN 埋個 QUIZ 俾 DORA, 呵呵, 今次 QUIZ 有 81 分, 算係咁啦, 因為其實係考之前幾分鐘先溫架咋(吐舌)!! BY THE WAY, 尋晚又改左少少個網頁Ｄ圖, 大家有咩意見呢?! 我估計會再改埋其它果Ｄ圖, 因為其實 PHOTOSHOP 又幾好玩喎衰鬼!!

YUBI KIRI --> HITOTO YO O既歌, 又係第一次聽其實好怪, 但係聽聽下又幾好聽喎!!

今日我冇出到街, 因為想睇下野咁, 不過又其實冇咩睇野, 因為同 TSU 傾計, 又同小兔傾計咁!! 原來 TSUYO 前排去左泰國兩星期喎, 去做咩又話唔講得, 不過估計係 SOLO SINGLE O既取材掛! 我發現自己冇咩記性, 因為尋晚明明有發夢, 今朝都明明仲記得, 但係家下想寫又唔記得左, 失敗!!

BREATH --> 聽呢首歌時有"就係佢喇!"O既感覺!!

今日我冇出到街, 睇左＜古"火田"任三郎＞O既最終回, 因為有菜菜子, 都幾好睇!! 之後冇咩特別, 本來就唔記得左個夢架, 但係突然間又記起喎, 所以就立即寫低左!! "立"左少少而家 TVB 果套＜謎情家族＞(係呢個名掛), 好水皮呀真係, 有少少抄日劇＜催眠＞, 但係又抄唔足喎, 真係當Ｄ觀眾無腦咁, 催眠嘛, 攪到好似表演咁, 可以咁多人睇住O既, 同埋演員O既演技真係 ... !! 睇到關淑怡O既訪問, 聽左少少佢首新歌, 好似幾好咁, 可能我果陣係聽佢架嘛, 有親切感掛! 不過出返黎唱係 ARM 架, 因為家下果Ｄ所謂O既歌星, 真係足以嚇Ｃ人!

NANDEDARO~ --> G嵐會創作應緩歌呵!! 會係點架呢??!

今日去左飲茶, 之後行左一陣, 再返左屋企上左一陣網, 之後五點幾就坐車去左沙田, 自己行左一陣啦, 之後去左行大眾書局, 好開心, 因為拎左一本熊貓小冊子, 呵呵, 之後亞 NUT 就打俾我話就到, 之後我就先去左和民等位, 估唔到都幾多人呢, 等左一陣就有位喇, 我地叫左四樣野食, 個石頭飯好辣呢!! 要多謝亞 NUT 請我食飯, 呵呵, 俾Ｄ時間我呀下!! 它日我一定請返你!! 之後行左一陣, 大約 10:30 我就走了, 不過回程快好多, 返到黎諗住錄雅紀個電台, 但皇上用緊電腦, 所以遲左幾分鐘先錄到, 不過之後好邪, 唔知係咪黑色星期五關係, 只係雅紀個節目, 其它果Ｄ又正常!! 真係邪!!!

ENDLESS STORY --> 今日竟然聽到呢首咁正O既歌俾一個台灣女人(SAYA)改左黎唱, 仲要好難聽, 真係好反感!!

今日食完 LUNCH 上左一陣網, 之後兩點幾出門口, 就黎出到旺角時, 春天家姐先打俾我話未放得工, 所以我就去左行左一轉＜童年夢＞喇, 發現真係好多 BL 漫畫呢!! 行左一陣家姐打俾我, 所以去左信和等! 之後行左指定地方, 再去左西九龍食壽司, 好多人呢, 都等左一段時間先有位, 食完之後行左一陣三聯, 不過好明顯食野果度張椅有問題, 因為我地兩個行果陣都覺條腰好痛(:P), 之後又去返旺角, 因為想去樓上書店, 始終我都搵唔到想要果Ｄ書, 真係可能唔流行掛!! 不過家姐大豐收呢!! 坐車返到屋企沖完涼, 就開始上網, 不過點解冇 PAN KUN 果段O既?? 唔制呀, 雅紀又要, PAN KUN 又要呀!!! 呀, 今日行商務時, 發現原來而家個日文 SENSEI 出過兩本學日文O既書架喎!! 果然勁!!

ALWAYS TOGETHER --> 希望亞剛快Ｄ振作呵, 雖然我明白係好傷心!! 但請相信, 每件事都係整定O既!!

今日冇出到街, 好努力咁睇左好多節目, 不過依然有好多節目未睇!! BY THE WAY, 尋晚個夢幾好, 不過真係好攪笑, 點解又見村上信五架, 呵呵呵!! 好期待 PAN KUN, 去溫泉修學呢, 乖!! 亞剛呵, 要振作呵, THE SHOW MUST GO ON!! 人生也要 GO ON 呢!

LOVEXXXX --> PP 你真係乖仔!! O係今日個"少俱"唱返亞剛寫O既呢首歌出黎唱!!!

今日唔知點解好好訓, 之後去左飲茶, 再行左一陣, 返到屋企沖完涼, 過左一陣又上下網咁, 其實今日都冇咩特別! 夜晚做左兩份功課, 因為呢兩個禮拜都冇交功課, 所以係時候交功課呢!

VENUS --> 亞翼, 你好勁呀, 4 種語言!! 媽媽等你黎香港, 快Ｄ黎啦!!!

今日終於聽到亞翼果首國語版＜VENUS＞, 不過老實講一句, 大半首我都聽唔明佢地唱緊咩!! 不過係正常O既, 因為始終好難呢!! 都係做下 SUDOKU 啦, 睇下片咁, 夜晚返學, 今日都唔知咩事, 明明早左成十分鐘出門口, 但竟然架車比平時遲左好多, 我足足等左二十幾分鐘先有車, 仲要勁塞車, 攪到我去到十蚊店時都 6:45 (因為要幫太后買野), 之後又要去增值, 返到去學校又要去洗手間, 所以係遲左十分鐘先入到課室, 課堂順利終了! 其實真係有少少悶, 放左學立即坐車返屋企, 仲要望住架車走左, 不過好快又有第二班車喇, 仲要早左好多返到屋企, 點解今日Ｄ車咁怪架!!!

SAKURAN BO --> 尋日睇 MUSIC STATION 先知原來係解"二人在一起"!!

今日冇落到街, 因為其實唔知點解有少少累!! 睇左上星期O既＜世代密林 SP＞, 好感動, 真係好感動, 議題係＜命＞, 請左幾個想自殺O既人上去, 有Ｄ仲自殺過幾次, 但唔成功, 有Ｄ仲集團添, 真係好嚇親, 除此之外, 仲播返去年幾次上過 GJ O既果位患病O既人, 睇左先知, 原來佢已經O係去年去世喇, 佢曾經講過想以"作家"O既身份去世, 估唔到O係佢第一本小說發售日之後一日(定兩日), 就去世喇, 真係好唔開心, 而席上最口臭果位東大畢業O既作家, 亦估唔到會喊住咁話要向呢位作家歉, 因為去年呢位作家上 GJ 時, 佢曾經向佢講左好過份O既說話, 果一刻我都好感動, 有少少意外呢位平時咁口臭O既作家, 竟然會咁樣做, 真係估唔到呢!! 每個人都有佢地善良O既一面!! 真係希望想自殺O既人諗清楚, 因為死唔係解決問題, 只係將問題俾左你身邊O既人, 係一件好殘忍O既事呢!! 另外夜晚睇左上次 SHO 果個 SP (有關日本縣O既全民調查), 原來岩手O既人係最好人, 真係好感動, 唔怪之得 YUMIKO 對我咁好啦, 呵呵!!

IKITE KOSO --> 睇完 GJ 再聽呢首歌, 真係幾感動, 呢首歌係 KIRORO 寫O既, 係講對爸爸媽媽O既情懷!!

今日都冇落到街, 食左個米粉, 實在太好味喇!! 之後吸下塵咁啦, 然後睇左唔係好多片咋, 真係睇極都仲有好多, 夜晚又得我一個人食, 所以食豪Ｄ, 食左個米粉, 同埋叮左包燒賣食, 真係好好味呢!! 大部份時間係用左黎寫果篇新故事, 不過原來唔夠一星期就到 SHO 生日, 唔知趕唔得切呢?!

STORY --> 唔記得講前晚睇＜歌笑＞, 估唔到果個 MACHAMACHA 講歌好左好多!!

今日去左飲茶, 之後行左一陣, 仲買左西餅添!! 之後都係一如以往咁, 上下網, 睇下片咁!

FINAL DISTANCE --> 越黎越鍾意呢首歌, 真係唔知點解, 下次唱 K 一定要唱下先!!!

今日食完 LUNCH, 上左一陣網就坐車出旺角, O係途中春天家姐打俾我, 話佢早到左, 咁我就好快咁去到, 不過塞完車塞人, 所以遲左少少, 之後會合到 MIHO, 要多謝 MIHO 幫我買左靴音同埋亞剛把扇, 實在太正!! 仲有多謝 MIHO 送我O既 DM, YEAH YEAH!! 之後行信和, 但發生左不愉快事件, 真係未試過咁嬲, 不過算啦, 過左去, 各有各道理!! 原來信和多左好多野行喎, 真係估唔到呢!! 之後行新世紀, 再去左聯合買雜誌, 之後就坐 MTR 去左深水"步"食壽司, 今次冇上星期咁多人, 食完之後坐車去左 aPM 喎, 因為家姐話未行過, 所以去左行, 十點幾返到屋企, 沖完涼上下網咁, 撕左Ｄ雜誌, 但未影相, 所以聽日先整! BY THE WAY, 八達通剩返 24.4 元, LUCKY!!

會過去的 --> 雖然係咁, 不過人係會轉變, 有時變到自己都唔發現, 亦會讓身邊人不知所措, 但願會一切過去的!!

今朝春天家姐打俾我喎, 呵呵, 約左晏Ｄ又行街街! 食完 LUNCH 諗住準備出門口時, 家姐打俾我話好多人剪頭髮, 所以剪完先打俾我, 咁我就上下網咁, 後來大約三點幾我先出門口, 咁 ARM 去到巴士站有架車, 雖然唔係平時坐開果架, 但上左車又諗到, 好似唔經尖沙咀碼頭喎, 所以就到果陣打俾家姐約去美麗華等, 咁 ARM 我就落車時家姐打黎, 咁 ARM 見住我架車到同埋見住我落車喎, 不過O係美麗華門口個巴士站果個紅茶廣告箱, 真係嚇親人呢, 又會有個公仔O係度, 如果夜晚真係嚇Ｃ呀, 因為日頭我都俾"佢"嚇親, 之後行左美麗華啦, 再行呀行呀, 不過冇行到玩具反斗城, 因為真係實在太多人喇! 行左好多地方啦, 之後六點幾去左食拉麵, 好味!! 之後再行左一陣就返屋企喇, 返到屋企都係八點幾, 之後沖涼啦, 我又自己剪左頭髮, 因為新年時應該會變返自然Ｄ!! 睇左 METORE G / SMAP / POP JAM / MUSIC FIGHTER , 仲有睇左手越弟弟果套＜GACHIBAKA＞CH.1, 都幾好睇, 雖然係好似 GTO + 龍櫻 + 極道 咁, 但都有感動位呢!!

廣播道 FANS 殺人事件 --> 因為今日行 HMV 時竟然發現一樣好攪笑O既野, 就係軟硬隻 CD 竟然出左"補充裝", 連 CD 都有補充裝, 實在太可愛呢!!

今日同平時差唔多時間起身, 不過好凍呢!! 之後點令去左飲茶, 因為爺爺"女麻女麻"地黎飲茶, 早左少少去, 去左間 CD 店睇, 不過好可惜, 搵唔到＜夢之旅＞DVD 喎, 因為我諗住買黎送俾 YUMIKO 呢, 之後飲茶飲到四點(好似係), 之後行左一陣, 我返屋企先! 夜晚打左第九課O既生字, 聽晚 QUIZ, 不過未開始溫, 因為其實唔太難呢!! 另外, 竟然唔記得左寫文喎, 家姐問我先醒起, 唔怪之得好似咁得閒咁啦!!!

知道的請告訴我 --> 睇＜東張西望＞時見孫燕姿開 CONCERT, SAMMI 有去睇, 令我諗起 SAMMI 呢首歌, 果陣燕姿都未唱歌, 只係寫歌, SAMMI 起用左佢, 其實真係有少少關係架!

今日上左陣網, 再食埋個好好味O既米粉就坐車返學喇, 早左半個鐘返到去, 因為今晚要 QUIZ, 所以就冇去行直接上左課室, 溫左陣詞語, 之後派左份練習, 做完就開始 QUIZ 喇, 好好彩, 答對左好多, 只係詞語有兩題都唔知攪咩, 調轉左個位黎寫, 真係唔抵!! 今次係即刻改, 因為下一堂就中期考試, 所以改左可以返屋企溫書, 今次都幾好, 有 83 分, YEAH!! 之後成堂就係溫返之前教過O既野, 放學就立即返屋企喇! 沖完涼食左兩件朱古力西餅, 正!!!

AMENAKA NO MELODY --> 大塚愛O既歌, 近排勁聽佢Ｄ歌添, 不過O係日本好多人唔鍾意佢!

今朝無 LALA 和記打黎叫我轉台喎, 佢都傻O既, 又唔知點解有我電話, 真係煩! 之後 LUNCH 完落左去一陣, 買左部 DC 喇終於, 因為如果去旅行一定要有佢先掂!! 夜晚睇左 1/19 O既 UTABAN, 俾中居前輩笑Ｃ我, 亞翼好可愛呢, 仲拍左段攪笑時代劇, 真係笑Ｃ我!! BY THE WAY, 同春天家姐 MSN 語音左一陣, 冇窒喎個咪~~! 今日係少爺生日, 生日快樂呀~~~~ 祝減肥成功 :P

5 SENCHI --> WaT, 呢兩個小朋友真係可愛, 希望佢地會一路紅落去, 不過徹平呀, 你唔好再笑得咁勁, 一陣好似 TAKKI 咁就 ...!

今日冇落到街, 做下 SUDOKU 咁啦, 睇左好多 TAKKI & TSUBASA, 好攪笑呢, 亞仔話去過亞剛屋企, 好多魚缸, 仲話佢地兩個睇住Ｄ魚缸, 之後話"好厲害呢~~", 就係咁, 亞剛呀, 你唔好攪到亞仔咁灰先得架!! 乖!! 睇左尋晚O既＜GNOARASHI＞, 好攪笑, 不過如果係翔同雅紀去會好笑好多!!

BOKURANO IBASHOU --> 都係 WaT, 呢首歌幾好聽呢!

今日本來去飲茶, 不過有特別狀況, 所以我一個人叮返個粗炒黎食, 好味!! 睇左＜西遊記＞CH.3, 都係幾好睇, 領悟到"雖然沉醉夢裡面係好, 不過搶走左佢地O既明天, 有明天先係最好!!", 強烈認同!! 睇左 TSKKI 主持果個算命節目, TAKKI 係 DO M?! 唔係好似咁喎!! 再睇左＜伊東家食桌＞, 仲立即試驗左"令酸O既柑立即變甜O既秘技", 就係先點少少醬油, 再食個酸柑, 真係變甜喎, 勁!!!

SOMEIYOSHINO --> 亞剛O既新 SOLO, 不過 ... 聽得多真係會情緒低落架, 嗚嗚, 但我又唔會唔聽喎, 唯有 ... 努力咁控制好情緒!

今日我都冇落街呢, 只係睇下片咁, 收到封信話 JETRO 有成積, 我選擇叫佢寄黎, 真係好緊張, 當然希望合格啦, 不過又好難, 個分唔好太難睇就 OK!! 夜晚突然間唔知點解 LOAD 唔到愛嵐個網喎, 只係得背景, 郁悶, 點算好呢?!

恭喜發財 --> 新年快樂, 祝大家都身體健康!

今日比平時早左起身, 之後扮靚靚, 頭站係去左我婆婆屋企, 食完 LUNCH, 再坐左一陣就走了, 之後坐車去左爺爺屋企, 佢地打牌, 咁我就諗住睇家姐借左我幾個月我都未還O既＜青之炎＞小說啦, 不過 ... 真係好多字(亞姐, 小說梗係多字啦!!), 所以完全係 SKIP 黎睇, 之後悶悶地就 SMS 俾家姐, 之後過左一陣家姐回我 SMS, 所以我就打俾佢傾下計, 點知傾到我部電話冇電喎, 之後太后話用佢果部打, 再傾多陣咁, 因為O係人地屋企, 冇理由用人地屋企電話煲粥架嘛, 所以又傾左十幾分鐘, 最後因為我耳仔痛(戴左雅紀耳環 :P), 所以只好收線!! 之後五點幾就開飯喇, 真係唔錯, 未夠七點食完, 我就走先, 返到屋企, 再執埋野, 八點幾就開始上網, YEAH!!! 果然我係患左"唔可以冇得上網後群症", 呵呵!

青春 AMIGO --> 又入返 ORICON 十大! 真係太勁!!

今日我冇出到街, 總覺得新年應該O係屋企先好, 不過皇上同太后約左幾個朋友飲茶, 我就一個人上下網, 睇下片咁, 部電腦依然自己 BOOT 下機咁, 都唔知咩事! 唉, 乖啦!!

REDEMPTION --> GACKT 係咪真係黎 HK 開 CONCERT 架?! 咁咪又要學廣東話囉?! 雖然國語已經非常之勁!

今日我都冇出到街, 天氣熱左少少, 做下 SUDOKU, 今日部機勁 BOOT, 我起身前 1 次, 之後連續 3 次, 最後我開左個機縠將Ｄ線插實Ｄ, 之後突然間諗起好似係自從果日我換左個熊貓 CURSOR 後就係咁, 所以移除左佢, 到目前為止 8 小時都冇事, 希望真係以後都冇事啦, 因為我部機實在好多野未得閒睇呢!! 乖乖地!! 鍚哂你呀下!! 夜晚睇左＜GACHIBAKA＞CH.2, 真係幾感動, 不過始終幾 GTO 咁!! 再睇左一集志村, 雅紀仔仔真係好攪笑, 果頭咁有型, 點知下一秒就唔小心撞到某個位, 見到你個樣都知真係好痛呢!! 好羨慕O係動物園見到雅紀仔仔果幾個人, 不過好攪笑, 發現雅紀仔仔果個人個朋友問"佢係邊個?!", 攪到有少少尷尬, 放心啦, 如果係我撞到你, 我一定唔會放過你!! 呵呵!!

Bold & Delicious --> HAMASAKI AYUMI, 其實佢Ｄ歌幾好聽架!!