背景音樂 : 街(MACHI)
 歡迎睇我任何一日私日記!(私日記。WATASHINO NIKKI！) |
| 1/12/2005 |
|
今日都冇落街, 因為都要溫書, 基本上都係做左 2003 年O既 PAST PAPER 咋, 有 282 分, 合格真係幾好,
我發現 2003 年O既詞語好深下, 應該係我做過呢 13 年 PAST PAPER 最深O既一年, 希望今年果份唔好咁深啦!!
夜晚先知 OC 轉左空間喇, 真係太好, 因為家陣好快呢, 唔錯唔錯!! 睇左＜鬼嫁日記＞CH.8, 好好笑, 同埋好感動,
原來有時候一句"謝謝", 真係可以好令人感動!! BY THE WAY!! 我聽日做埋 2004 年份 PAST PAPER, 之後再溫多次本文法書,
就應該 OK, 冇問題!! YEAHYEAH!! 但仍然需要問 SHO 做個腦用下!! |
| 2/12/2005 |
|
今日都係冇落到街O既, 溫書之前清潔左部電腦, 之後吸塵時 ... 竟然 ... 吸塵機弟弟壞左 ... 我又做左"塑膠殺手"喇!!
之後做埋最後一份 --- 2004 年O既 PAST PAPER, 結果: 299 分! YEAH!! 希望 2005 年我都可以得到 300 分以上!!
目標!! YEAHYEAH!! 其它時間都冇咩特別, 聽日再溫多次本文法, 再"立"下Ｄ詞語, 就 OK !!! |
| 3/12/2005 |
|
今日都係冇落到街!! 今日只係睇返成本 2 級文法, 同埋"立"過下本詞語, 其實都冇咩心機溫詞語, 因為太多,
但應該冇咩問題, 放心放心!! 今日買左部新O既吸塵機妹妹返黎, O係呢度要向俾我整壞左O既吸塵機弟弟講聲"OTSUKARESAMA!!"(辛苦哂了)!!
今日晚餐係牛什米, YEAH!! 又再一次忍唔住睇＜花樣男子＞CH.7, 真係太好睇, "杉菜"真係好可愛, 下一集應該仲慘,
因為下一集係尾二喇, 所以"道明寺司"O既亞媽應該會作進一步行動!!! |
| 4/12/2005 |
|
今朝 7 點起身, 上左一陣網, 食左少少野就出門口, 因為約左 DORA, 我地早得滯添, 所以O係九展企左好耐,
雖然有帶本文法書去, 但冇睇過, 因為係識O既就識, 係唔識O既, 家陣溫都冇用!! 第一份係詞語, 都 OK 啦, 只係有幾個唔太記得有冇長音,
都應該有 70%, 第二份係 LISTENING, 應該有 70% 以上!! 之後就係 BREAK, 最後一份就係讀解 + 文法喇,
全滅!! 讀解係呢十幾年算係深O既一年, 唉 ... 都唔知自己答得 ARM 唔 ARM, 而文法呢, 應該算 OK 啦,
但真係唔多夠時間做, 如果多半個鐘就好喇!! 完滿結束左呢個 2 級考試, 要到來年 3 月先知結果!! 講真真係有少少驚驚地!!
但都成左事實, 只好輕鬆去面對啦!! 之後返左屋企, 本來諗住約春天家姐, 但家姐話都係星期六先出, 所以我就沖完涼,
又坐左O係部電腦前面, 係咁睇!! 雖然好眼訓, 但係又訓唔到!! |
| 5/12/2005 |
|
今日都係冇落到街!! 因為好累, 一邊食牛什米一邊睇＜野豬改造＞CH.8, 好得人驚呢, 唔知果個人仲咩要咁害 NOBUTA,
之後 睇左＜歌笑 HOT HIT 10＞, 有兩個以前好紅O既歌手(應該係掛), 唱＜青春 AMIGO＞, 幾攪笑, 不過幾夠誠意!!
今日凍左好多, 我隻手手又敏感, 因為凍得滯呢!! |
| 6/12/2005 |
|
今日好凍呢, 前半日冇咩特別, 係好神奇咁聽左大哥個節目半粒鐘, 因為今日大哥生日, 聽下有冇讀我地Ｄ點唱!
食左杯麵先返學, 今晚 DORA 冇返, 返到去, SENSEI 問起果日考 2 級Ｄ野, 我又再一次發現我聽力係勁過講!!
課堂無事終了!! 坐車返屋企, 沖完涼食左幾條蛋卷, 好味!! |
| 7/12/2005 |
|
今日冇尋日咁凍, 但係都有少少凍啦, LUNCH 完回左信俾 YUMIKO, 因為應承左考完試回信, 呵呵!! 回完信後就落左去行左一陣,
順便寄埋信!! 返到屋企, 到皇上落去買電腦果把風扇仔, 因為鬆左, 攪到部機好嘈!! 家下冇事喇, 真好!! DINNER 係打邊爐,
YEAH YEAH!! 不過其實好熱氣下!! 之後 SCAN 日文 NOTES, 因為要交功課, 咁又冇理由撕爛本 NOTES 架嘛!!
另外開始識用果個十字繡軟件, 仲整左幾張圖添, 其中一張係小新扮叮噹, 實在太攪笑!!! |
| 8/12/2005 |
|
今日冇落到街, 睇返前幾集 MS, 因為部機好少位咁, 整埋張好耐冇整O既十字繡, 再用左個軟件整左幾張熊貓圖呢,
橫掂有時間O者, 唉!! 夜晚睇尋晚O既＜G NO ARASHI＞, 又係玩Ｄ悝遊戲, 果個叫"SPEED BALL"O既遊戲好似幾好玩咁,
之但係如果我玩, 我估計會好似雅紀咁食波餅, 咦, 如果我同雅紀玩, ... 咪好攪笑?!! |
| 9/12/2005 |
|
今日去左飲茶, 之後坐車過海, 先行左陣十蚊店, 買左包紅豆, 之後去左 SOGO 書店, 但搵唔到想搵O既書,
但有時間喎, 所以拎左果本好攪笑O既漫畫坐低睇左差唔多 9 個字, 之後行左轉"日本快線", 都冇 TSUYO 本書!
所以就坐 MTR 去金鐘拎 CERT 喇! 拎完 CERT 諗住去影印啦, 點知俾果兩個男仔打左尖, 咁諗住等啦, 點知又好似自己屋企咁,
O係度玩呀, 講笑呀, 又話點影先 ARM 呀咁, 所以我都係決定唔影印!! 之後諗住行金鐘廊啦, 太后打黎話約左契媽同 MANDY 姐O係尖沙咀,
所以就坐 MTR 去啦, 仲行左轉書局同埋 CITY SUPER, 再會合左佢地, 去左 LV 睇野, 都留左成個幾鐘, 咁當然唔係我買啦,
我冇呢Ｄ嗜好呢!! 之後去左食上海野, 食完再去左睇左陣燈飾, 十一點幾就坐車返屋企喇, 過左十二點先返到,
又唔見春天家姐上網同埋 PM 喎, 所以就 SMS 佢, 之但係噤完 SEND 先嚇然發現過左十二點, 真係唔好意思!!!! |
| 10/12/2005 |
|
今日 LUNCH 前打左俾家姐, 約左 3:30, 之後上下網, 睇埋＜鬼嫁日記＞, 出左門口, 咁 ARM 家姐打黎話仲未走得,
所以又返返屋企上網, 成 4 點家姐先話走得, 所以我就出門口, 好不容易先出到旺角, 人實在太多, 亦都太多好自由O既人,
真係可以大安旨意咁一班人企O係路中心, 話之阻住其它人, 而家Ｄ人真係好自私!! 去到信和, 門口好多人, 所以就諗住落地下先 CALL 家姐, 點知!!
突然見到一個白色衫O既人"ZIP"O係我後面, 一望, 原來係家姐呵, 呵呵, 真係 ARM!! 諗住去搵 TSUYO 本書, 但實在太奇怪,
全個信和只有一間有賣, 仲要賣 180 蚊, 1470 日元竟然賣 180 蚊, 真係過份, 所以我決定等!! 之後行呀行呀, 仲行左去十蚊店,
但係呢間冇簽名板板賣喎, 之後行埋去尖少咀, 去左食美心快餐, 叫左個焗豬扒飯, 但實在太多, 真係食唔哂!!
之後行左陣, 再去左行玩具反斗城, 好多野玩呀!! 之後就行到成十點半先走, 我行去巴士站時, 見到太極果個 JOEY,
同佢老婆拖住個仔仔添, 相信佢地係去影燈飾呢!! 坐巴士返屋企, 發生左一件事呢, 就係竟然我噤左鐘落車,
仲企埋O係個落車車門前面, 個司機都竟然可以唔停車喎, 所以我咪好大聲咁話"有落呀!!", 我講完佢先開門喎,
呢個司機真係對佢無話可說!! 真係咩人都有呢!! 返到屋企沖涼, 好攪笑喎, 買左支"碌柚葉"沐浴露喎, 哈哈, 好奇的我,
梗係立即試下啦, 但味好熟咁呢!! |
| 11/12/2005 |
|
今日星期日, 但其實同平時冇咩分別!! 開始整果張"小新扮叮噹"o既十字繡, 呵呵!! 其實有少少累, 唔知點解呢,
係咪因為天氣呢?! 定係情緒病又發作?!! |
| 12/12/2005 |
|
今日本來去飲茶, 不過真係唔係好想落街, 所以一個人煮米粉食! 一邊食一邊睇＜野豬改造＞ch.9, 好感動,
估唔到果班同學幾好!! 今日搵到好多十字繡o既圖, 有排玩 LU!! |
| 13/12/2005 |
|
頭先可愛o既電腦突然自己 BOOT 機, 所以我又要再寫過日記!! 今朝姑姐一早打黎, 話過黎飲茶, 不過由於我今晚要返學,
同埋呢幾日都自閉, 所以我就冇去到, 只係煮米粉食O者, 之後上下網, 做下功課, 填左份 FORM, 上網上到 5 點又去左煮米粉食!!
其實我真係好鍾意食米粉架呢!! 之後坐車返學, 坐遲左一班車, 但係竟然早左到, 真係怪!! 今日都係咁啦, 始終都覺得講內容唔係太夠!
同埋每個人都冇咩機會講下日文咁, 無事放學, 返到屋企沖完涼就食左蛋卷, 好好味!! 之後就上網喇, 寫寫下日記就發生自動 BOOT 機事件,
但又唔知點解, 又冇毒丫!! 可能太熱?! 定太凍呢?! |
| 14/12/2005 |
|
今日食完 LUNCH 後同太后出左尖沙咀, 行左 SOGO, 原來尖沙咀間 SOGO 冇書店架喎, 但就俾我發現果間 LOVER HOUSE 有隻超大熊貓,
但冇相機, 用左太后個手提影左, 但係都整唔返去電腦, 下次一定要帶相機!! 之後行左去 CITY SUPER, 行左個幾兩個鐘,
因為想買野, 最後買左好多野, 例如: NUTS, 納豆, 甜魚仔, 魚仔豆沙餅, 栗子餅, 同埋多士麵包仔!! YEAH!!
之後就坐車返屋企, 架車好多人呢, 返到屋企沖完涼就打邊爐!! 呀, 要同 MIHO 妹妹講聲麻煩哂! 因為佢應承幫我買靴音同埋週邊,
YEAH!! 真係覺得太唔好意思, 多謝哂!! |
| 15/12/2005 |
|
今日冇落到街, 因為天氣凍, 同埋懶!! 今日主要係整果張"小新扮叮噹"O既十字繡, 而家剩返少少咋, 聽日應該會攪掂!!
其它冇咩特別, 呀!! 叮左兩個栗子餅食, 實在太好味喇!! 晚飯食左納豆, 真係有莫明O既吸引力!! 十點幾時又食左三塊紅豆多士仔,
今次仲唔肥!!! |
| 16/12/2005 |
|
今日去左飲茶, 都成兩日幾冇落街 LU, 飲完茶後行左一陣, 返到屋企冇咩特別, 睇左＜鬼嫁日記＞, 差Ｄ睇到喊,
因為實在太感動, 下星期大結局喇, 話時話, 今日係＜花樣男子＞大結局, 唔知會點呢, 聽晚＜野豬改造＞又大結局,
點解咁快完架, 下一季暫時得手越弟弟果套想睇咋!! 訓之前唔知點解, IE 個 BOOKMARK 又亂哂Ｄ次序, 已經唔係第一次,
仲要係我睇慣O既次序嘛, 所以只好憑記憶去排返, 雖然同之前有少少唔同咁, 不過冇計啦, 今次我改埋做 NUMBER 開頭,
所以如果下次仲係咁的話, 大丈夫!!! |
| 17/12/2005 |
|
今日我冇出街, 因為想睇下劇, 但最後都冇咩睇喎, 因為掛住睇特別新聞(示威), 真係好驚!! 家姐打黎, 傾左一陣,
呵呵!! 之後吸下塵咁啦, 再食埋最後兩個栗子紅豆餅!! 夜晚有牛什食, 同圭打邊爐呢!! 睇左＜花樣男子＞大結局,
實在太太太感動喇, 所以一邊睇一邊忍唔住喊!! 實在太感動了!! 最後寫住"SEE YOU, SOON!", 會唔會係意味住會有 SP 呢?!
係又真係太好呀, 不過真係睇完有一點失落感, 因為今日又係＜野豬改造＞大結局, 下星期＜鬼嫁日記＞又大結局,
意味住, 我會好悶, NANKA SABISHII~~ !! |
| 18/12/2005 |
|
今日我都冇出街, 呵呵!! 開始睇＜木更津貓眼＞, 因為都放左好一段時間!! 都幾好睇喎, 仲幾好笑添!!
發現有好多人做架, 例如: 野豬果個 SENSEI 啦, 成宮寬貴啦, 藥師丸博子啦, 同埋 PINK LADY 果個未唯姐姐 ...! |
| 19/12/2005 |
|
今日冇去飲茶, 食左納豆米粉 :P, 之後睇埋未睇哂O既＜木更津貓眼＞, 幾好睇, 不過怪左少少!! 但好鍾意 SHO 果個角色,
好可愛呢!! 夜晚睇左＜野豬改造＞大結局, 好感動, 不過忍得住!! 又意味住我開始冇新劇追, 不過好多舊劇都未睇呢!! |
| 20/12/2005 |
|
今日天氣好乾燥咁, 日頭冇咩特別, 做下功課, 回下 EMAIL 咁!! 食左納豆米粉就出門口返學喇, 下星期二雖然係紅假,
但係都係要返學O既!! 日文課無事終了! 返到屋企沖完涼都係食左納豆米粉, 真係會迷上納豆!! 上上下網, MSN 竟然又再一次斷線,
真係唔知點解呢兩日成日係咁! |
| 21/12/2005 |
|
今日我冇出到街呢, 因為天氣凍, 人就唔多想郁! 發現自己Ｄ記性越黎越差, 明明想吸塵啦, 點知完全唔記得左!
睇左前幾日果集 DB, 係 TOMOE 呢, 好攪笑, 同 KINKI 兩個人真係好好感情, 因為一睇就知, 同埋 TOMOE 其實真係好可愛,
一Ｄ都睇唔出佢２７歲! 最攪笑係話果陣 LOVELOVE 時, KINKI 兩個人O係佢最愛O既化粧手提箱度亂寫字, 仲寫住"BOKU DORAEMO!~~",
亞剛仲畫左隻叮噹添, 真係攪笑!! 突然間覺得要控制下自己情緒, 唔好又俾Ｄ情緒病發出黎!! FIGHT!!
亞剛講得 ARM: "卑劣的人太多, 要我全都愛實在無法做到!" |
| 22/12/2005 |
|
今朝其實好早醒左, 其實係諗左好多野, 不過結論係"又如何!!", (多謝子華哥, 哈哈!! 因為突然間諗起!),
今日都冇落街, 係凍左少少呢, 尤其係夜晚, 我搵返件褸O係屋企著添呀, 因為我自 SARS 果陣開始有潔癖, 冇計!
因為健康真係最緊要, 唔講得笑! |
| 23/12/2005 |
|
今日同樓上個姨姨一齊去左飲茶, 之後仲行左一陣添, 不過冇買到野!! 返到屋企都係上下網咁啦, 夜晚好攪笑,
無 LALA 住緊果度有聖誕 PARTY, 不過我當然冇去啦, 但係就聽到Ｄ人勁唱卡拉 OK, 好嘈下架都!! 同家姐傾 MSN,
仲睇左家姐寫O既文, 笑Ｃ我"紀所不欲"... 吾, 果然係有一Ｄ含意(註: 我冇寫錯字, 因為係有特別意思!!) |
| 24/12/2005 |
|
今日 LUNCH 完就睇＜G NO ARASHI＞, 真係差Ｄ笑Ｃ, 去應緩"AIR結他", 真係做果個唔好玩, 但睇果個好攪笑,
之後家姐打俾我話已經到左信和, 早左呢, 所以我就立即出門口, 不過就去到旺角時竟然塞車, 要家姐等左一陣 :P,
真係唔好意思!! 行信和等等, 傾左好多野啦!! 之後諗住行新世紀, 點知一上到去, 咦? 咁熟口面O既, 就撞正亞倫同亞燕,
真係撞到正果隻, 我都嚇左一跳, 因為如果我地是但一邊行歪一步就見唔到, 傾左幾句, 亞倫仲話新年派利是俾我,
哈哈!! 真係記唔起有幾耐冇見 LU!! 之後再行左去買雜誌, 再去左朗豪, 送左包好 CHEAP O既聖誕禮物俾家姐,
我搵到工會請家姐食餐勁!! 之後家姐話不如去尖咀食拉麵, 所以就行去尖咀, 不過好攪笑, 家姐唔講我都醒唔起要去買 KINKI 隻碟,
又再一次要多謝家姐, 實在真係太唔好意思!! 拉麵超好味!! 又要多謝家姐!! :P, 之後食完坐左陣, 就行左去等家姐個男朋友仔,
黎到我就走喇! 行去坐車時見到有 TSU 想要果支香水仔, 所以就買左, 再行左去坐車, 不過改左路, 所以要行遠左去坐車,
不過亦因為改路, 所以好快返到屋企 LU!! 返到黎沖完涼就整雜誌, 再同 TSU 傾左一陣 MSN!! |
| 25/12/2005 |
|
大家聖誕快樂!! 今日我係冇出到街O既, 其實又冇咩特別, 同平時Ｄ星期日差唔多咁! 終於睇左 BEST ARTIST 2005,
因為部機又冇咩位呢, 要努力咁清下Ｄ片先!! 夜晚睇左少少＜勁爆＞, 老實講, 如果唔係亞 WAYNE 做司儀,
我係頂唔到咁耐, 我都只係睇左新聞前果幾 PART 咋, 其實真係唔明果Ｄ點解算係歌星, 我跟唔到香港樂壇O既所謂潮流喇! |
| 26/12/2005 |
|
拆禮物節快樂!! 冇出街呵, 一口氣睇左六集＜透逗男護士＞, 又幾好睇喎, 睇到我好感動! 雖然有Ｄ內容係幾老套!!
睇左近藤真彥O既 DB, 真係好型, 41 歲, 仲係好型!! 晚飯有"金菇牛肉卷", 真係正!! 之後都係上下網咁,
聽晚要返日文, 不過記起未做功課添!! 要同亞 NUT 妹妹聲唔好意思, 突然間話改期!! |
| 27/12/2005 |
|
我發現自己係天才呀, 哈哈哈~~ 因為再睇左自己寫O既果篇文一次, 發現真係幾有天份, 呵呵, 雖然回帖O既人講O既可能係門面說話,
仲未有新靈感添!! 睇左一集＜透逗男護士＞先食野返學, 係呀, 今日要返日文, 雖然係紅假!! 坐遲左一班車,
攪到兜多左路先到目的地, 一返到去見到幾個同學企左o係門口, 先知道個"實Q"話今日冇堂要上, 過左一陣 SENSEI 返到,
同個"實Q"傾左好耐, 爻打電話, 攪到 18:50 先入得去上堂, 其實冇咩講到, 最後教左我地唱三首日文歌, 不過都唔太記得個音!
估計日文O既老歌, 我只識唱＜爺爺的古老大鐘＞架咋!! 早左三個字放學, 所以好早返到屋企!! 沖完涼食左支甜粟米,
再上下網咁! |
| 28/12/2005 |
|
今日冇落街, 睇哂＜透逗男護士＞, 真係幾好睇呢!! 今日天氣有少少凍, 不過又好似熱熱地咁!
另外開始睇＜蜂密與四葉草＞動畫, 真係幾好笑!!! |
| 29/12/2005 |
|
今日睇左幾集＜蜂蜜與四葉草＞, 真係幾好笑喎, 唔知 SHO 會演成點呢?! 另外家姐話租左＜僕妹＞漫畫黎睇,
好期待 JUN O既演出呢, 真係好富挑戰O既一個角色!! |
| 30/12/2005 |
|
今日睇哂＜蜂蜜與四葉草＞喇, 好好笑, 淡淡的, 幾好, 好期待 SHO O既演出呢!! 亦睇左＜僕妹＞O既一集動畫,
吾, 果然係禁斷的愛!! BY THE WAY, 今日去左飲茶, 之後行左一陣, 發現果Ｄ手工藝工具好貴呢, 真係唔值咁貴!!
去銀行時, 果個人話我同太后好鬼似樣喎!! 真係攪到成間銀行都知我同太后似樣(笑)! |
| 31/12/2005 |
|
今日冇出到去, 因為怕人多, 同埋改路會好麻煩!! 所以上下網咁, 同家姐傾左一陣電話, 間黑店真係衰到貼地呀,
好彩家姐個年費就到期O者!! 之後我開始睇＜催眠＞日劇, 發現幾好睇, 其實又幾得人驚!! 夜晚食左湯丸, 好甜!!! |
