今日都係趕工, 睇Ｄ格都睇到我眼都濛埋!! 雖然滿足感好大, 不過真係收得太太太平呢, 基本上成日都係趕工, 我份人又好衰架喎, 唔可以慢慢做, 一做就要做完先安樂, 所以成日都冇咩上網, 係訓之前睇左最新一集＜SHIAWASE NINARITAI!＞咋!

結婚對不對 --> 聽返呢首歌(徐若瑄), 真係好好聽, 呵呵!

今日本來係飲茶日, 但係未做掂Ｄ野又點會去飲呢, 所以我今日都係留在家中趕工!! 不停手咁繡呀繡呀, YEAH!! 終於完成呢, 努力左成四日(定五日呢?!), 終於完成, 係就係好靚, 不過真係太用神, 所以成功後立即影左張相, 亦立即去改個拍賣, 因為唔再幫人繡喇, 真係太累喇! 夜晚春天家姐打電話俾我, 傾左一陣啦, 不過因為呢幾日太累, 所以聽日唔出街 LU!! 要好好休息一下!! 夜晚睇左 SMAP X SMAP , 不過又話有新環節"TEROTE ARIGO"(??) O既, 呃人, 都冇!!

ITSUKANO SUMMER --> 終於有時間同心情聽雅紀個節目, 聽到好多好得意O既"站"名!

今日本來想出去行下將軍澳, 之但係實在太熱, 又好似想落雨又落唔出咁, 所以都係o係屋企休息下!! 睇左＜電車男＞CH.9, 真係做戲就係做戲, 因為實在太巧合喇, 邊會一話小心俾 HERMES 知個討論區, 又真係咁 ARM 俾佢細佬知道架!! 真係 ... !! 另外, 夜晚o係"愛嵐"收到 VIVI 同 SHOMOON O既 PM, 話想我幫下佢地手做版主, 所以就請佢地同埋春天家姐一齊做, 接左手先發現, 之前果個版主好唔負責任, 因為好多帖都冇處理, 橫掂我有時間, 好過唔知做咩咁上網丫!! 另外又好辛苦咁, 整左張十字繡O既圖樣, 係 Q 版 KINKI, 呵呵, 其實唔知成唔成功, 因為好累, 想繡都冇咩力, 休息下先! 打俾家姐, 冇人聽喎, 所以留左言O係留言信箱, 但相信佢都聽日先收到, 因為佢個留言信箱慢幾拍, 但都冇我個 SMS 咁勁, 因為試過有一次個買家星期日 SEND SMS 俾我, 但係我星期二晚先收到, 你話係咪好勁呢?!!

DOSHITE --> 明明今個星期冇 SHINDOI 架(好似), 但係又見到話有, 咁奇?!

今日如常咁過, 食完 LUNCH 上下網咁, 回緊春天家姐個 PM 時, 電話就響起, 真係嚇到成個彈起, 因為個電話又響又震!! 原來係春天家姐打黎, 問我今日出唔出, 所以就約左兩點, 立即換衫出門口喇, 但因為等唔到車, 所以遲到, 真係唔好意思, 好彩我叫春天家姐坐低食住野等, :P!! 同家姐傾左好多野, 例如"愛嵐"O既事啦, 傻野啦!! 總之一見姐就咩都講一餐!! 之後去左中港城果頭, 封左路喎, 唔知又邊個黎咁啦, 之後行緊去 CITY SUPER 時, 望望下, 咦, 最低果層好似好 SHOW, 咩人黎架?? 睇睇下, 咦!! 咁熟口面, 咦?? 舞台劇喎, 咦咦, 唔係喎, 真係好熟口面, 之後就問家姐"果個男仔似唔似 GARY??", (註: GARY = 譚偉權), 之後家姐都係"咦, 係喎!!", 所以我地就落左去樓下, 拎左張好大張O既 DM, 之後好攪笑咁拎左支紅色筆俾 GARY 簽名(:P 好耐冇做過 小 FANS 喇), GARY 見到仲即刻話"嘩! 紅色筆呀, (係呀, 我得呢支咋!!) 拿, 我唔係同你絕交架下!!", 聽到後我立即補一句"就算你話同我地絕交, 我地都唔肯啦!! 哈哈哈", 冇計啦, 因為幾年前現場睇左 GARY 演O既＜遇上 1941 的女孩＞, 真係睇到我同家姐即場喊左出黎, 仲記得我之後立即買左本場?俾佢簽名, 再之後買左 OST 同埋 VCD, 到家下有時都會拎出黎睇下架, 因為真係幾好睇, 連太后都話正, 太后果陣O係外國住時, 都成日聽隻 OST 架!! 有時我地仲會拎隻 VCD 出黎一齊睇, 哈哈, 太后仲叫我幫佢整個卡拉 OK, 等佢唱下Ｄ歌, 因為Ｄ歌真係幾好聽!! 之後做完小 FANS 後, 就繼續去 CITY SUPER 等地!! 最攪笑O既係, 去行玩具反斗城喎, 我見到一個好得意O既"果"子玩具, 所以就拎起指住同家姐講"呢個好得意呀, 有個水泡, 仲有埋個 BUM 架!!", 點知, 呢一刻家姐講果句野, 我聽到之後真係想撞牆, 家姐話"你上次見到呢盒野時咪講左囉! 同一番說話喎, 你上次都係話有個水泡有埋個 BUM 好得意, 頭先你一講第一句我就諗起, 點知你仲講埋第二句 ...", 真係笑Ｃ我! 我完全冇記憶, 甚至連見過呢盒野我都唔記得! 大件事, 老化啦開始!! 之後去左食 KFC, Ｄ餐唔同哂喎!! 食完之後坐左O係條魚 ... 形O既椅度睇書, 我就睇家姐買果本書, 因為有 3 份 1 係講我個大仔(IMAI TSUBASA), 所以我睇呢本書(其實都係快"立"咋!!), 家姐就睇我今日買果本亞剛封面O既＜SEDA(9月號)＞, 好出奇地有兩頁亞 SHO 喎!! 吾, 家姐 ... 我係只會 SCAN 俾你架咋, 嘿嘿!! 雖然幾個月前果張仲未 SCAN, 我呢星期會 SCAN 架喇(希望記得 :P)!! 之後再行下 HMV 呀咁, 不過好怪, 今日只發現 PAGEONE 有賣 SHO 封面果本 "HAIR", 就連專賣日本雜誌O既都冇, 不過唔知裡面有幾多頁, 所以家姐就冇買, 都係查下先!! 之後就返屋企 LU, 有點累, 不過返到黎都好多野要攪, 因為又要攪下"愛嵐"Ｄ版規呀咁, 好彩家姐做左"灌水殺手", 都話分工合作係事半功倍架啦, 好彩拉埋家姐黎幫手咋!! YEAH!!!

ABOUT ME --> 今日同家姐傾開, 我都應該好難搵到適合我O既人, 因為真係愛上左亞剛後, 真係睇唔上眼!!

今日一點幾去左交收, 個買家好彩都幾好人, 一陣貼張經過我幾日努力o既十字繡俾大家睇, 真係有血有汗!! 唉 ... !! 之後我自己去左行書局, 因為未夠鐘飲茶, 但係又唔想行返屋企, 好好彩, 俾我搵到個熊貓放大鏡, 我一見到時就諗起雅紀O既＜A NO ARASHI＞, 而家又有折, 所以就買左喇, 不過見到個鉛筆刨, 仲平過尋日買果個, 仲有折, 激Ｃ人, 早知就黎呢間買啦, 唉!! 之後去左同樓上個姨姨飲茶, 再行左一陣, 都冇咩特別, 不過係夜晚上網果陣突然間好黑仔, 首先, 唔知做咩個 BOX 傻左啦, UNINSTALL, REBOOT, 等等都唔得, 正當我想放棄時 ... 佢又得返, 真係淚Ｃ人, 同埋邪Ｃ人!! 之後唔知點解去"愛嵐"好慢, 之後我一望桌上個日曆, 搵到少少解釋!! 今日係 5 號, 而又係星期一, 51 ... 唔係真係咁都邪到我下嘩! 唔好掛!!! 好, 貼張我O既作品大家睇, 努力左好幾日! 手指都痛埋, 只係得 150 蚊, 唉 ...


BANG! BANG! BAKANSU --> Ｄ歌詞好好笑, 但係又幾夏天感覺!

今日一起身發現個 MS OFFICE 用唔到, 唔知係咪尋日整 BOX 時整錯左Ｄ野, 攪左一大輪, 終於攪掂!! 本來諗住落街, 不過後黎我冇落到街, 睇左＜SLOW DANCE＞同埋＜HARUKA 17歲＞, 之後無意間見到有一份工幾好咁, 所以就立即填 FORM, 希望有回音啦, 雖然都冇咩信心!! 又睇左 UTABAN 未公開, 真係笑Ｃ我, 仲學左個令個樣同埋身體後生十年O既方法, 我諗住試下, 睇下係咪真係咁有效!! 夜晚同春天家姐傾左一陣, SEND 左個尋晚我整O既 LOGO 佢睇, 嘻嘻, 佢話好型, 好鍾意, 呵呵, 對設計信心大增!! 終於睇左＜V NO ARASHI＞, 真係放左O係度幾個月(玩下手唔止), 一口氣睇哂咁多集, SHO 同 NINO 都好型, 雅紀係型, 不過正如家姐所講, 知道佢真人係咁天然, 真係好想笑!! 哈哈, 雖然係唔應該咁話自己個仔, 呵呵, 不過的確型得黎好好笑!

FAIRYLAND --> 雖然首歌係 AYUMI O既, 不過聽親都諗起 青木SAYAKA, 因為佢成日O係＜MINNANO TEREBI＞扮 AYUMI 唱呢首歌, 但係又扮得幾似, 好好笑!

今日食完 LUNCH 時, 就落左街會合太后, 之後行左一陣, 再陪左太后去左食大快活, 返到屋企沖完涼, 又開始上網!! 終於都開 SCANNER, SCAN 左 3 張野俾家姐!! 之後睇左＜SLOW DANCE＞CH.10, 估計就大結局, 所以有少少緊張!! 發現個韓網又開返喇, 佢話開放到聽朝 8 點, 等我睇下有咩 ARM 睇先!! YEAH!! 家姐有打俾我, 因為佢入左錢, 所以我就叫左個賣家寄去我屋企!! 夜晚仲寫埋"交換日記"最後幾日, 攪到我有少少唔捨得, 原來係 2004年12月5日開始寫, 到 2005年8月31日結束, 無間斷過咁寫, 雖然我日日都有寫網上日記, 不過始終親手寫同打字係唔同O既感覺!! BY THE WAY, 太后今朝幫我寄左封信, 呵呵, 真係唔該哂, 希望有回音啦!!

ARIGATOU --> 春天家姐, 亞剛, ARASHI !! ARIGATOU!! 因為你地O既出現, 我生命先多點色彩!!

今朝冇食水, 所以就去左飲茶, 再行左一陣, 冇咩特別呢!! 食飯前契媽突然間打黎, 話想玩視像, 所以就同佢玩喇, 原來 MANDY 姐姐都O係度!! 好攪笑咁傾左都有成個鐘, 之後因為食飯所以就收線!! 晚飯食牛腩, YEAH!! 真係太正喇!! 夜晚無意中 ADD 左 FA 傾 MSN, 都幾好傾, 原來大家都俾位於旺角, 就黎搬去銅鑼灣O既＜J-FRIENDS＞呢間黑店呃過! 大家要小心, 唔好俾呢Ｄ奸商呃!! 夜晚同春天家姐傾 MSN, 傾傾下又好感性咁, 好衰架, 佢講左一段令我好感動O既說話, 攪到我又喊又笑, 真係, 嘿嘿!! 不過都好多謝你!!!

歐兜邁 --> 徐若瑄, 今日問"朔夜"先知, 原來係台語, 即係電單車咁解, 真係唔問唔會明!

今日冇落街, 不斷咁煲劇! 睇左＜SHIAWASENI NARITAI!＞, 好感動好感人, 睇到我喊到收唔到聲!! 個O靚仔又好可憐! 收數果個人又好好人, 因為佢雖然係收數, 但係又好關心果家下! 睇得出佢有少少鍾意 HIKARI CHAN!! 唔知下一集會點! 就黎結局!! 夜晚整左段字幕仔, 係 UTABAN 未公開片段, 係講太一同中居以前O既合宿回憶! 因為勁攪笑, 所以就諗住整字幕俾家姐睇下, 真係太攪笑!! 仲睇左前晚O既＜D NO ARASHI＞, 我都幾聰明喎, 咁都估到果個野係黎整菠蘿, YEAH!! 其實果個野幾好用, 如果成日要開菠蘿的話!! 最失望O既係, 我以為下一集真係"天才與紙一重"再現, 點知被騙!! 亦睇左 6 月時 SHO 果個 SP, ＜保護地球水的魔術師＞(係咁譯掛!), SHO 好型呢, 呵呵!! 太后行過又再一次認錯左亞 SHO 係亞剛, 仲話亞 SHO 某Ｄ角度同亞剛好似!! 吾, 真係??!!!

RAIN --> 呢排成日聽 OHNO 個電台, 因為都幾好笑, 又短呢!

今日唔知點解個鬧鐘唔響喎, 又唔係冇電, 又唔係冇噤響制!! 真係奇!! 食完 LUNCH, 春天家姐打黎話要改 3:30, 所以我就繼續上下網, 睇下野咁, 未夠兩點春天家姐又打黎話可以照原定計劃, 所以我就立即去換衫, 立即出門口, 同時亦收到家姐前幾日 BID O既野, 所以就帶埋出去喇, 等巴士等耐左, 就去到信和時又塞人喎, ARMARM 塞完人春天家姐就打黎, 原來佢 20 秒前都同樣O係果度塞人, 未幾, 就見到我行緊過去喇, 首先行左轉信和! 原來信和地底果都係"黑店"O既分店黎架! 睬~~~~ !! 之後行左好多地方, 家姐買左本叫＜H＞O既雜誌, 哈哈, 唔好亂諗, 係一本雜誌黎咋, ARASHI 封面, Ｄ相仲好攪笑, 又"BOK"西瓜, 雅紀又咬葉咁!! 之後行呀行呀, 行到去尖沙咀, 本來諗住再拎多本 SHISEIDO O既 DM, 點知冇哂喎, 之後一邊行一邊講好多攪笑野(但又唔太方便寫出黎 :P), 去左食麥當當, 好野!! 有＜電車男＞小說睇, 其實只係好奇想知點解咁受歡迎, 不過講真, "電車男"有好多, 但係有幾多個"愛瑪仕"呢?! 食完野去左行一個叫"重慶站"O既新商場, 其實都算叫做 OK, 只係一定會迷路, 係一定!! 而且每間舖O既形狀都非常特別! 其實度開間週邊店都唔錯, 只係租貴左少少, 見到一間好入O既, 形狀算比較正常, 都話要 5千~6千 蚊租, 所以一定要中左六合彩頭獎或者二獎就會去開!! 然後行左 HMV 等等!! 九點幾就返屋企喇! BY THE WAY, 家姐始終冇買到果本＜HAIR＞, SHO~~~~~~~! 睇＜龍櫻＞CH.10, 睇到喊, 因實在好心酸, 由其"BU"專登講Ｄ難聽說話趕佢地走果陣, 真係好心酸, 仲要睇到原來佢地個個都知道"BU"係專登激佢地走, 佢地仲一邊喊住咁講話"BU"Ｄ戲好差, 仲專登講Ｄ平時唔用O既字, 真係一邊講一邊喊, 我又一邊睇一邊喊, 嗚嗚嗚!

ARIGATOU --> HEEEE, 春天家姐送左個熊貓牙簽筒俾我, 好可愛架!! 多謝家姐!!

今日好熱! 本來諗住去將軍澳, 不過最後都冇去到!! 一口氣睇哂本＜電車男＞小說, 唔知係咪先入為主, 覺得劇集好睇Ｄ咁!! 不過好 SHOCK O既係, 小說話"HERMES"係似 YOU SAN + 國仲涼子 再除 2, 真係實在好難想像係咩樣, YOU SAN 同國仲涼子咁唔同!! 所以始終真係唔太知!! 但中谷美紀又唔似 YOU SAN + 國仲涼子 除 2, 吾, 真係一個謎!! 夜晚同太后玩左一陣十字繡, 家下開始睇尋晚O既 MAGO 先!! 聽聞下集 MAGO 係 SP, 仲要有亞 SHO ~~~, 呵呵!! 望下個月曆, 今日原來係 911, 咁就 4 年了! 時間真係過得太快喇!!

KARAFURU(COLORFUL) --> ＜龍櫻＞插曲, 係 PP 唱架, 原來亦係佢填詞, 希望會出 CD 啦, 因為好好聽!

今日去左飲茶, 之後去左換月餅, 同行左一陣, 之後返左屋企!! 呵呵, 今日大家有冇去買迪士尼郵票呀?! 我就好少有咁, 有去買, 其實應該係話今朝皇上一早落左去排隊買, 真係辛苦哂!! 今朝都有睇迪士尼開幕活動, 不過硬係有少少覺得幾無謂咁, 唔知呢, 我就唔會去 LU, 係去都去日本(千葉)果個, 順便去"桂花樓", 有緣O既話, 呵呵, ... (笑)!! 睇左＜SHIAEASENI NARITAI!＞, 依然係好感動, 我一早都話果個收數果個人鐘意 HIKARI 架啦, 哈哈!! 幾叻!! 另外又睇左＜HARUKA 17 SAI＞, 依然係幾好笑, 但又好誇張, 計我話果個"森山"SAN 都係俾 FINEPRO 收買左去害 HARUKA O既!!!

RINGO NO UTA --> 椎名林檎唱O既, 其實真係因為亞剛先聽佢Ｄ歌, 呢首歌個感覺真係幾正, 好似條魚咁游緊水咁!

今日睇左三集"腦力 ...", 其實都唔係太知譯咩名好, 反正就係太一主持果個節目啦! 真係好勁, 除左睇到食泥O既人啦, 只係飲草汁都會肥O既人啦, 同埋原來有人只食雪糕都可以好健康咁生存!! 另外仲見識到心算勁人, 真係好勁, 醫生仲話如果努力O既話, 人人都可以變得咁勁!! OHNO 仲即刻問個醫生要幾多年先可以變心算天才!! 不過好好笑, 原來 OHNO 同雅紀Ｄ數有得 FIGHT, 竟然話 8X5 = 45, 真係嚇Ｃ人!! 所以太一都不禁講一句: OHNO 的腦沒問題吧!! 另外仲睇到一集好勁, 真係好勁, 親眼見住 NINO 用手劈開左舊石頭, 同埋學左好多呃個腦O既方法, 真係可以變強!! 勁呀!! 仲好笑係果個"達人"同 NINO 玩一個 GAME, 就係 NINO 拎住磁石, 唔好俾佢搶到咁, NINO 仲話好有信心, 點知, 說時遲那時快, "達人"叔叔很慢地就拿到了! 原來話因為個腦唔明白對方呢個動作要做咩反應, 其實我覺得真係幾好用, 要多加練習先! 仲要練"外旋"(唔係旋風腿果Ｄ呢, 只係企O既姿勢, 重心會穩好多! 就會變強!), 真係勁!! 不過令我失望O既係, 睇完成集冇教點樣劈開舊石頭, 仲諗住學下嘛, 有咩人蝦我就劈石佢地睇, 嚇Ｃ佢地!! 另外睇左＜電車男＞電影, 其實係睇左少少咁, 因為先入為主, 都係鍾意伊藤演O既"電車"多Ｄ! 仲睇左個節目好攪笑, 試驗 100 個"秋葉男"當中, 有幾多個遇到有女仔俾人欺負會出手相救! 結果係有 69 個, 其中有Ｄ真係好勇, 真係好感動!! 不過有好多都會走左去!! 下年去日本行過"秋葉"都小心Ｄ先! 呵呵!! 另外仲睇左 MATSUJUN 果套 SP 劇 ＜PROPOSE＞, 都唔錯, 都有感動地方, JUN 又有果Ｄ想喊想喊O既樣, 實在太正!! "MOE~~~~"!! 仲睇左一集以前o既 DB, 係 AIKO 做嘉賓!!

希臘咒語 --> 徐若瑄舊歌, 家下我好似除左徐若瑄之外, 都唔會聽唔係日文O既歌!

今日睇左＜SLOW DANCE＞大結局, 其實有少少夾硬黎咁, Ｄ人仲話因為廣末套劇先收視下跌, 其實講真一句, 劇本真係一般, 如果唔係廣末我唔睇添呀!! 之後三點到落左街, 先去左銀行, 再行左一陣, 竟然出奇地O係屈人市拎到 SHISEIDO 本 DM, 因為真係搵左好耐呢, 之後買左少少野啦, 再去左一間找換店諗住換張一千 YEN, 點知佢話冇哂, 唯有第日先啦, 返到屋企剪左少少頭髮, 之後睇左一集 DB 同埋 SHINDOI, 其實都幾個月前架喇, 因為成日都對住部電腦, 想睇左電腦果Ｄ先, 所以 DVD 就由佢放左O係度!! 食完晚飯開始好攪笑咁設計下個熊貓十字繡喎, 諗住整左護身符, 不過繡左出黎好似似米奇多Ｄ!! 真係坐攪, 不過今日未整完, 因為想睇左前晚O既＜SMAP X SMAP＞先, 聽日再整過啦唯有!!

細佬哥 2 --> JAN 新碟O既其中一首歌?! 其實唔係太算係歌, 因為係亞 JAN 講野O既, 不過聽到我差少少就喊左出黎, 因為 ... 好難形容, 大家聽下就知呢!

今日去飲茶前上網睇日本娛樂, 嘩! 安達祐實有左兩個月?? 真係有少少嚇親, 日本咁興咁O既?! 之後去左飲茶, 因為爺爺地黎附企附近, 所以去左飲茶, 食左太多野, 覺得有少少叫多左, 吾吾!! 飲完後行左一陣啦, 返到屋企沖完涼後, 睇左幾集 SHINDOI, 其實係兩個幾月前O既, 因為實在太多未睇!! 後黎上網見＜D NO ARASHI＞將會O係 10 月 5 日, 改成＜G NO ARASHI＞, 其實好 SHOCK, 唔要改呵, 會唔會冇左雅紀O既 A NO ARASHI 架! 我唔制呀!! G 其實仲未諗到係 STAND FOR 咩, 估計有好大可能係"人生(JINSEI)", 不過都要時先知, 因為官網冇講到!! 其它時間都係咁, 睇左一集"腦力咩咩咩"(笑, 始終唔係好知點譯個節目名好), 發現我Ｄ觀察力都幾好, 6 題"海馬(腦其中一部份)問題"裡面我都答中左 5 題, 其實應該 6 題架, 真係唔抵!! 之後整左一陣我個熊貓仔十字繡, 其實想令佢變成一個護身符, 希望成功!!

三國 EKI --> 好鍾意有一句歌詞係咁: KORUSHIITOKIHA TASUKETEAGERU, DAKARA ANSHINSHINASAI!

今日大約一點未夠出門口, 因為約左契媽地去尖沙咀飲茶, 早到左, 等左一陣就有位, 過左一陣佢地就黎喇! 飲到四點幾呀好似, 之後去盡名店, 好似 DKNY, GUCCI, 等等 ... 再坐船過左中環, 因為想去果邊間 GUCCI 買野, 當然唔係我啦, 我有錢都儲低去日本!! 呵呵!! 之後行左好多名店, 例如: LV 等等 ... 然後又週圍行, 再去左間麥當勞食新地, 再去左行"石板街", 其實應該去行下蘭桂坊架, 不過冇去, 行到八點幾就去左契媽地推介果間"九記"食野喇, 我食左個牛腩米, 都唔錯! 之後食完就坐巴士返屋企, 入到門口冇幾耐, 契媽打黎喎, 原來佢又係 ARMARM 返到, 真係 ARM!! 然後我就攪掂哂所有野就上網, 都冇咩特別!! 同 TSU 傾左一陣 MSN!! BTW, 環保袋入手, 多謝 MANDY 姐姐 同契媽!!!

不要臉 --> O係"愛嵐"見識到好多冇禮貌O既人, 大部份都係香港人, 乜香港人真係咁冇禮貌咩?! 有時睇到果Ｄ人O既回應, 真係想講句: 影衰我地香港人!!

今日食完 LUNCH 上左一陣網就出門口, 點知最大雨時先出喎, 然後去等巴士, 點知又發生左問題, 攪到望到架巴士都要等左幾分鐘先上到喎, 所以左邊身濕哂!! 坐車途中春天家姐打俾我話可能遲少少, 我去到信和一陣就見到家姐喇! 行左一轉信和, 再行呀行呀, 去買左十月號, 再去左新世紀坐低睇雜誌, 當然係睇左勁耐, 之後五點幾開始行到奧海城, 不過原來冇咩野行, 所以六點幾就坐低左傾計, 傾到太后打黎, 之後過左一陣, 又等左一陣咁, 就見到佢地架車到達, 春天家姐就返屋企, 真係唔好意思呵, 陪唔到你食飯!! 之後去左果間豬骨煲打邊爐, 都幾好味, 然後就返屋企 LU!! 返黎上下網咁, 同春天家姐傾下計咁!! BTW, 行緊去奧海城時, 家姐差Ｄ滑倒, 本能反應扶住佢, 之但係我果一刻其實係以為家姐同我玩呢, 呵呵, 好彩冇跌低呢!!

YUMEDE IIKARA --> 唔知係咪聽得 SHO 呢首 SOLO 多, 成日發夢見到佢添!!

今日完全冇落到街, 只係好乖咁同平時一樣, 上下網咁!! 首先睇左＜龍櫻＞大結局, 真係估中左, 唔係六個都考到東大, 真係好唔甘心架, 一邊睇果個心情, 但係又好感動, 正如 SAKURAKI SENSEI 所講"人生正確答案唔止一個!", 果度都仲頂到, 但係當"英喜"返到屋企, 佢亞爸問佢結果, 佢話考唔到, 仲叫佢亞爸想笑就笑, 但係佢亞爸突然間講"你已努力了!", 仲講左幾次, 果一刻我真係頂唔住, 因為真係好感動!! 冇錯, 人生唔止一個正確答案!! FIGHT!! 之後睇左＜電車男＞CH.10, 又係幾感動, 不過最攪笑O既人, 白石美帆發起惡上黎幾好笑, 嚇到速水好驚, 但又覺得好正要追返佢咁!! 下星期大結局, 之但係我覺得一定係大團圓!! 之後睇左集"腦力咩咩咩"(以後就咁叫啦, 呵呵), 雅紀真係好可愛, 食食下飯, 收到春天家姐個 SMS, 呵呵, 謝謝!! 好乖咁坐定定聽左尋日 SHO O既電台, 其實真係第一次聽架咋!! 果然, 有少少難度, 因為佢講野好快, 不過佢播果Ｄ歌都 OK 呢, 今集有提起 KINKI, 不過只係少少!

KOKONI KISU SHITE --> "I'll never be able to give up on you, So never say goodbye and kiss me once again"!!

今日基本上係同平時一樣, 本來想出街, 但又諗下都係休息下好過! 所以上網咋!! 夜晚睇左＜大奧＞, 都幾好睇, 只係唔係太慣佢地果Ｄ敬語同埋有少少古代感覺, 就好似我前排睇左一集＜義經＞咁!! 當然冇＜義經＞咁古文, 不過有少少咁O既感覺!! 聽晚開學喇, 都係時候開始溫我個 2 級日文, 仲有兩個幾月, 大半野未學, 真係越級挑戰, 不過會合格掛!!!

LOVE IS BLIND --> 相信等於"愛情係盲目"掛!! 不過又講得幾 ARM !

今日本來去飲茶, 不過由於夜晚返日文, 所以唔想落街, 所以都係上下網咁, 五點幾出門口, 因為坐車前去買少少野先, 之後估唔到架巴士咁快, 三個字就到左尖沙咀, 所以我早左一個站落車, 去左行十蚊店, 不過都仲係冇"細佬"想要果個熊貓玩具, 唯有下次見到先買俾佢啦!! 比開課時間早左入課室, 環境都 OK, 設備亦唔錯!! 坐低左一陣, 見到 DORA 同埋上兩年都同班O既一個女仔, 原來 DORA 仲早返過我呢!! 我地同果個女仔都幾有緣咁, 因為呢兩年都冇約埋讀邊班, 次次都係開課時先知同班!! 今年呢個 SENSEI 好長氣, 係 HK 人黎O既, 唉, 又話第三年開始一定要日本人, 又俾 SPACE 呃左!! 好彩呢個 SENSEI Ｄ日文發音都似日本人, 係長氣左少少, 希望佢往後唔好再浪費我地時間, 迫我地聽佢O既政治觀同埋社評, 我地係黎學日文, 唔係上通識堂!! 仱日坐車返學時, 開始睇果本二級文法, 其實真係幾深, 有少少驚, 之但係又發現唔係得我同 DORA 兩個人報左二級喎, 都仲有一個定幾個報左, 不過好明顯, 佢地唔係好掂, 因為亞 SIR 問果Ｄ好簡單O既問題都唔明!! 其實希望亞 SIR 講多Ｄ日文, 因為話哂都 YEAR 4, 唔好成日講廣東話, 咁樣練唔到聽力!! 放左學行左去坐巴士, 點知返到屋企都成個鐘, 同O係美孚返黎差唔多, 之後都冇咩特別 LU, 係返黎食左塊包, 不過夜晚好肚餓!!

瘋了 --> 哈哈, 其實係因為今日收到 YUMIKO 寄黎O既 WHITEBAND, 真係開心到暈, 仲立即戴左返學! 夜晚仲用我Ｄ爛日文寫左五頁紙俾 YUMIKO, ARIGATOU NE~!!

今日食完 LUNCH 一陣就落街, 先係去左寄信俾 YUMIKO 同埋 KIDNEY, 再去左行左一陣, 見到 KFC 換果Ｄ野好攪笑, 個葡撻滑鼠手墊真係幾攪笑!! 亦見到個全桶餐減價好抵食, 不過我屋企人唔 ARM 食呢Ｄ, 所以冇買到!! 行到三點幾返屋企, 無耐有個買家打俾我話想今日交收, 所以就約左 4:30, 如是者去左交收, 多謝哂!! 之後返屋企沖完涼睇左兩集超舊 DB, 食完 DINNER 就開始繡埋我個熊貓護身符, 因為尋日買左繡花線! 繡好哂喇, 而家只欠連埋個邊呀果Ｄ, 不過聽日先整, 因為家下想睇＜SHIAWASENI NARITAI!＞, 都等左好耐!

SERENADE --> 今日聽返呢首歌, 真係發現我個大仔唱得好過 TAKKI 好多好多(個人意見)!

今日冇落街, 因為今日真係好熱, 估計係呢一年最熱O既一日, 睇左手越弟弟等人O既＜演技者 - IEGATOOI＞第一同第二回, 手越弟弟又係做一Ｄ唔出聲O既小朋友, 唔通佢真係似??!! 都冇咩特別 LU!

KOINO MAIAHI DORAGOSUDIA DIN TI --> 雖然同呢首歌冇咩關係, 但係 ... OC 呀 OC, 你唔好再蝦我好唔好, 真係好慢呢你, 唔好咁啦, 乖啦!!

今日去左飲茶, 之後去行左陣, 諗住買米, 又冇 2 公升汽水賣, 咁去第二間啦, 有汽水但又冇米喎, 諗住送貨嘛! 之後買左少少野就返屋企, 都冇咩特別, 一口氣睇左前兩晚O既＜大奧＞, 再現場睇左＜酒店風雲＞大結局, 其實我一集都冇睇過, 但見大結局就睇下咁, 不過好似睇緊粵語長片咁, 老實講!! 好老土!! 真係替港劇有點擔心!! 天文台話會掛三號風球, 所以仲未知聽日出唔出添, 千其唔好落雨呀, 最多我早Ｄ返屋企, 乖呀下!! 同埋去左書店訂日文教科書, 因為有 85 折, 咁仲好過過海買呢!

一個人的牙刷 --> 聽返亞哥呢首歌, 真係幾正, 又想睇多次"女婿大人"添!!

今日雖然三號風球, 不過又好似 OK 咁, 所以家姐 12 點幾打俾我就答應出去喇, 睇左半集＜電車男＞大結局, 不過睇到一半就夠鐘, 所以出門口, 唔知係咪"貴人出門招風雨", 一直都好好天, 只係風大左少少, 但係我一落街就開始落微雨, 寄完信後就坐巴士去旺角, O係車上面仲睇左篇 ARASHI O既訪問, 順便練下日文嘛, 順利去到信和, 冇開過把傘, YEAH!! 行左轉信和, 發現家姐想買果本 SMART 好貴, 所以都係等船版, 之後行呀行, 去過幾間樓上書店, 我發現Ｄ日文教科書同香港版有少許唔同, 所以都係唔好買國內版, 之後去左食麥當當, 試左個新包呀, 好好味, 不過好辣, 但又好味!! 之後坐左一陣, 再去行過, 其實都冇買到野, 近排我幾節儉, 讚!! 行到 9 點幾就走, 點知走左架巴士, 所以只好坐小巴返, 因為怕再等巴士會落大雨, 好快返到, 之後同平時一樣, 呵呵!! 回左 EMAIL 俾 KIDNEY, 而家諗住睇埋＜電車男＞大結局果半集! 好緊張!!!

LUCKY MAN --> LUCKY GIRL 呀, 今日O係行緊去聯合時, 等過馬路, 突然間見到有架車個車牌係 244 (前面果兩個英文字都好 LOVELOVE 下架), 唔好寫人地個車牌啦, 呵呵, 不過好開心, 因為自留意車牌開始, 今日係第一次見 244, 不過唔知幾時先俾我搵到 51244 或者 24451 O既 $10 OR $20 紙幣呢, 我得張 15244 咋!!

今日仲係三號風球, 所以心情係 ... 好眼訓!! 都係咁, 冇咩特別, 仲未搵到尋日o既 MAGOMAGO, 好想睇呢!! 打風落大雨, 不過好就好在冇咁熱!! 夜晚做左我人生第一個 SUDOKU, 都 ... 幾好玩咁!

DOUSHITE --> 今日心情真係唔知仲咩冇離神氣咁, 仲有少少頭痛!!

今日飲茶日, 之後去左入八達通同埋買教科書, 不過其中一本咋, 另一本上星期訂左仲未有! 落大雨, 所以三點幾返左屋企, 本來諗住呢個星期開始溫下日文, 當然都只係掛住睇"課外教材"啦, 雖然都有用, 不過齋練聽力唔係好平衡嘛!! 真係要努力, 聽日仲去報埋 JETRO, 仲更加要努力!! 要加油, 雖然真係好多野未讀, 又唔識!! 不過開始覺得 SUDOKU 幾好玩! 今日又做左一個!!

LA TORMENTA --> 越聽越鍾意, 因為Ｄ詞真係好正, SHO !! 好野!!

今日做左一陣 SUDOKU, 然後都係咁啦, 睇埋前幾晚O既＜MAGO＞O既後半, 好攪笑!! 竟然用物黎引我個細仔, 當然上當啦, 呵呵!! 之後四點幾出門口, 因為約左 DORA 去報考試, 去到報名處好嬲, 因為幫 DORA 開左張支票, 點知收佢張 FORM 果個人話張票寫得唔太好, 會彈票喎, 我果張又冇問題喎, 一直都係咁寫架啦, 好彩可以俾現金O者, 唔得咪俾佢玩Ｃ!! 睇住黎, 張票一定唔會彈!! 嘿嘿!! 之後去左食麥當當, 要同 DORA 講聲多謝, 呵呵, 因為佢請我食飯, 果陣講笑, 點知佢真係請, 多謝哂! 準時去到課室, 不過上次坐果個位俾人坐左, 所以坐左去第二邊, 呢班同學真係好有趣, 一係就打都唔開聲, 一係就用針線連住佢個咀都仲講到唔斷咁, 唔知點解氣氛冇乜咁, 之前果兩年起碼每堂都講到一句丫, 而家真係得個聽字, 其實係班同學太奇妙, 真係太奇妙, 因為用日文問佢佢又用廣東話答, 咁都唔算好笑, 最好笑O既係, 用廣東話問佢佢又用日文答, 真係唔知想點, 始終我覺得用返問題果一種語言去答先係叫做有禮貌!! 希望往後好Ｄ啦, 因為我都想練下講, 因為聽力我算唔錯架喇!! 放左學同 DORA 去行左轉美麗華, 不過間店關左門, 所以就行左去坐車返屋企喇!! 返黎都冇咩野, 係食左個迷你月餅仔, 之後都冇睇野, 沉迷O係 SUDOKU 世界當中, 硬係覺得自己幾聰明咁!!

YES? NO? --> 又係越聽越鍾意, RAP 部份實在太正, YEAH YEAH!!!

今日都係冇咩特別! 三點幾落左街, 因為訂果本日文書到左喇, 真係太好, 不錯不錯!! 行左一陣買埋西餅返屋企, 買左紙包蛋糕呀, 不過冇細個果陣食咁好味咁, 真係唔同左, 仲諗住有返Ｄ童年回憶添!! 同 CATCAT 傾過一陣 MSN, 原來大家都迷上左 SUDOKU, 要努力, 可能會防止老人痴呆!

夢 --> YUME, YUME !!!

今日都冇咩特別, 天氣熱返少少!! 睇左尋晚O既＜D NO ARASHI＞最終回, 下一星期係＜G NO ARASHI＞, 決定新節目名個方法真係求其, 都好期待新節目形式, 只係我唔想冇左"A NO ARASHI"!! 另外發現尋晚O既＜MINNA NO TEREBI＞都係最終回, 攪咩咁多野都最終回架, 咁以後咪冇得睇 青木 SAYAKA 果Ｄ攪笑劇囉!! 夜晚玩 SUDOKU, 玩到停唔到手, 今日好似做左 ... 4 個定 5 個, 呵呵!

SEIKAI HA SOREWO AITOYOBUNDAZE --> 係近排會令我"元氣"O既一首歌, 會諗返＜電車男＞結局時, 用呢首歌黎鼓勵一個唔識O既"電車男", 好感動!!!

今日飲茶日, 之後去齊兩間超級市場, 買左好多可樂呢!! YEAH!! 睇埋前晚O既＜MINNA NO TEREBI＞, 第一次睇到想嘔, 實在真係頂唔順果六位人兄唱 KINKI 首歌, 唱第一心果佔都仲 OK, 起碼冇想嘔O既衝動, 不過算, 時運高!! 哈哈!! 天氣依然熱, 我依然沉迷O既 SUDOKU, BY THE WAY, 我終於搵到凹版O既 WHITEBAND, 不過有點貴, 所以當睇唔到算 LU!!

三國 EKI --> (好似寫過呢首好多次, 不過都係俾感動), "辛苦的時候, 我會救你的, 所以請安心"!!!!