又一個月喇!! 今日 LUNCH 完同左太后去行旺角, 買左兩件衫, 好平呀!! 之後行到三點幾就去左食下午茶, 杯綠茶真係幾好味!! 之後坐車返屋企, 返到屋企附近行左一陣, 行行下見到詠芳喎(一個由細玩到大O既朋友), 好多年冇見, 所以傾左幾句啦, 哈哈, 前排同佢通 EMAIL 時我都話可能會行行下撞到, 因為我地而家住得好近, 果然真係撞到!! 之後返屋企沖完涼睇下電視咁, 冇咁特別!! 應該聽日去睇牙醫, 有少少驚, 我怕真係我估計果個原因, 咁會好痛架, 嗚嗚!!!

祝你愉快 --> 願你得到永遠O既快樂!!

本來今日諗住去睇牙, 不過皇上同太后唔得閒(因為我自己冇咁多錢架嘛!!), 所以下星期先去!! 煮左個烏冬食, 之後同亞妹地傾下 MSN 咁, 知道亞妹"COOL"左牙, 希望佢快Ｄ習慣, 唔再痛啦!! 之後我都係睇下片聽下歌咁, 到左六點幾太后打返黎話不如落街食, 之但係我又沖左涼, 所以就請太后食完飯後買麥當勞返黎我食喇!! 揀左個板燒雞腿包餐, 其實好想麥當勞出返將軍漢堡呢, 因為真係好好味架, 同埋菠蘿批, 好想食!!

祝你愉快 --> 願你得到永遠O既快樂!!

今日冇落到街, 全日都係睇下片上下網咁, 睇左＜HANAYORI DANGO2＞CH.5, 實在太感人喇, 類好慘, 杉菜都好可憐, 但係 ... 道明寺又真係好真心咁對杉菜, 好複雜!! 夜晚睇埋今日O既＜MAGO＞!! 另外今日拎到新O既手提電話, 可以有 MP3 鈴聲架, 真係好, 仲可以影相, 不過唔知點解冇道果條 USB 線, 聽日出去睇下幾錢先!

祝你愉快 --> 願你得到永遠O既快樂!!

今朝起身後上下網, 之後大約 12 點半就出門口, 因為要行去比較遠先有車坐, 個巴士站比我想像中實在遠好多呢, 不過車程好快, 唔洗二十分鐘就到左紅磡碼頭, 我影左幾張風景相(見 BLOG)添呀!! 過左一陣O係黃埔隻船會合家姐後, 去左蔡瀾美食坊食"坦坦"麵, 都唔錯!! 之後行左一陣, 不過原來黃埔無咩行, 就坐小巴去左尖沙咀, 再行左一陣就一路行左去旺角, 途中去問左 MOTOROLA 果條 USB 線幾錢, 原來要 $180, 太貴, 所以一陣去電腦中心睇下先!! 之後行信和啦, 買左NDLI水最新 SINGLE (SORAGANAKUKARA 初回), 仲送左一張整三角君O既紙, 不過其實都唔會整呢!! 之後去左食 DINNER, 去左果間叫 ... 香港仔魚蛋(?!), 食左碗牛什米, 之後再去左電腦中心, 家姐買左個外置燒碟, 問過果條 USB, 要 $25, 本來諗住下星期拎埋部手機出黎先再買, 後黎俾我地發現到有一個 BLUETOOTH 接駁器, 只係 $50 咋, 所以家姐就提議話佢買左, 借我返去睇下用唔用到先, 因為長遠計買個 BLUETOOTH 好過果條 USB, 行完電腦中心就走喇, 我好富貴咁坐小巴, 因為有少少累!! 返到屋企沖完涼就試下個 BLUETOOTH, 實在太正喇! 下星期俾返錢家姐先!! 之後放左幾張相去手機, 家下 WALLPAPER 係 TSUYO, 主要鈴聲係 SOMEIYOSHINO, 家姐打黎的話會係雅紀張相, 同埋 YES/NO O既 RAP 部份!! 實在好開心呢!! 訓前發現個肚唔太舒服, 一定係食錯野!!

祝你愉快 --> 願你得到永遠O既快樂!!

尋晚同今朝 ALL 左 5,6 次, 肚又勁痛, 可惡O既牛什米!! 今朝直情係頭暈到要爬返入房, 標冷汗, 唉!! 今朝寫低左張紙條話我唔去飲茶, 之但係我就一路訓到三點幾, 皇上同太后返黎先醒, 因為實在好唔舒服, 估計真係碗牛什米唔乾淨!! 仲收成 $30, 攪錯呀!! 之後四點幾先爬出廳食左幾塊餅, 再沖涼!! DINNER 食雲吞, 好番好多, 但仲係有少少唔太舒服咁!! 發生左一件攪笑事, 我原來好 OUTDATE 下, 話說我手機Ｄ電話號碼都係 SAVE 落部機而唔係 SIM 咭, 所以家下要換新手機, 就要入過哂Ｄ電話, 而我話 OUTDATE, 係因為我一直唔知有個 FUNCTION 可以將Ｄ電話由手機 COPY 去 SIM 咭, 我仲要好攪笑咁用紙同筆抄低哂, 就O係我抄完果一刻之後, 無意中俾我發現左 COPY 呢個 FUNCTION, 真係..., 真係豬左添!!!

祝你愉快 --> 願你得到永遠O既快樂!!

今日冇咩特別, 做左一陣功課, 之後四點幾煮雲吞食, 食完就返學, DORA 今晚冇返, 佢打黎時仲話今朝佢部手提好慘!! 放 BREAK 時我偷偷用手提拍左兩張相(請看 BLOG), 本來諗住影 SENSEI, 但唔太好O既!! 放學立即返屋企, 之後上下網咁, 冇咩特別!!

祝你愉快 --> 願你得到永遠O既快樂!!

起身先發現原來太后入左院(放心, 冇事!!), 仲話今朝叫白車, 我一Ｄ聲都聽唔到添!! 之後睇下電視咁啦, 四點幾就出門口去探太后, 返到屋企大約七點左右, 之後沖涼再食 DINNER, 再上下網咁!! 俾今日O既 AN.AN O既 JUN "萌"到(請看 BLOG)!!!

祝你愉快 --> 願你得到永遠O既快樂!!

今日冇咩特別, 我冇去到探太后, O係屋企吸下塵抹下野咁, 因為都幾大塵呢!! 夜晚食左個創新料理 -- 味噌粥, 都唔錯呢!! DINNER 後完成埋個"軍曹紙巾套"(見圖1~2), 之前太后見到有類似O既賣, 佢叫我整個俾佢, 呵呵!!


祝你愉快 --> 願你得到永遠O既快樂!!

唉, 所以話有時命運係避唔到O既, 其實一直個 XP 都有少少小問題, 好多朋友都話重裝個 XP 好Ｄ!! 但係當然可免則免啦, 終於, 今日部機中左毒, 仲要點清都清唔到, 所以只好重裝個 XP 啦!! 攪到凌晨三點幾, 未攪掂架, 不過頂唔順眼訓, 所以訓醒聽日再攪!!

祝你愉快 --> 願你得到永遠O既快樂!!

今朝一起身就攪埋部電腦, 安好哂Ｄ軟件先諗起未更新個 XP, 所以就更新啦, 點知, 離哂譜, 正版 XP 都攪到話有 ERROR, 安極都安唔到個 SP2, 最後仲攪到連 XP 都入唔到!! 你好野!! 所以又再一次安過個 XP, 今次我醒喇, 第一時間 UPDATE 左個 XP 先, 安好哂 SP2 喇, 再 REBOOT 過冇事, 我先開始安返Ｄ軟件, 好彩都唔太難, 仲襯機會將Ｄ一直冇用O既軟件移除(即係唔安佢啦!!), 又攪左一日, 終於都可以安安靜靜咁上返網, 電腦呀電腦, 請你手下留情, 對我好Ｄ!! 乖乖地唔好再有事!! 鍚鍚!! 唉, 話口未完, 同家姐傾傾下 MSN, 突然間話有個 FILE 有事, 不過家下 REBOOT 左就 OK, 但睇返Ｄ記錄又冇講之前有 ERROR, 你真係乖啦, 為左你我用左好多精神呢!! 整返好部電腦後, 我睇左花男, 真係好正, 道明寺你要加油呵!! 杉菜真係愛你架, 你地要加油呵!!

祝你愉快 --> 願你得到永遠O既快樂!!

今朝比平時早左起身, 因為皇上修理我個鬧鐘, 就響左一下我就嚇醒左喇, 不過最後個鬧鐘都係整唔返, 唯有掉左佢啦, 都其實用左好多年呢!! 仲攪笑呀, 皇上今日上上下網, 突然間有人 SMS 我喎, 而我個 SMS 鈴聲係雅紀講"你是我的太陽", 嚇到皇上成個彈起, 佢話以為突然間邊個同佢講野!! 今日我都係上下網咁啦, 冇咩特別, 夜晚又 CUT 左段 TAMAMA O既聲放左入電話, 不過就未諗到用黎做咩鈴聲好, 家下部電話變得越黎越好玩呢!! 遲早我一定係俾Ｄ鈴聲攪到呆左或者傻笑而唔記得左去接電話!! 睇左尋日O既 MAGO, 好失敗呢, 竟然櫻相我都唔記得左睇喎, 今次兩個都好叻叻, 煮出黎真係幾好味咁, 不過正如佢地講, 咁樣個節目會變得唔好睇, 呵呵!! 今次果兩個小朋友都好可愛呵, 翔就好照顧兩歲果個小弟弟, 成日抱住佢, 仲"暗"佢訓添, 仲識換尿片, 我對呢Ｄ男人真係冇咩抵抗力, 由細到大都係名校高材生, 仲要咁紅, 但係都仲咁溫柔, 點頂到呢?!

祝你愉快 --> 願你得到永遠O既快樂!!

今朝冇咩特別, 係吸塵抹塵洗窗簾同埋麻單等私, 因為太后今日出院呢!! YEAH!! 之後未夠兩點就返到黎喇, 三點令就同左皇上去左超級市場, 因為汽水有平呀, YEAH!! 買完就返左屋企睇左陣電視, 再沖涼又上下網睇下片咁, 本來想溫書, 因為聽晚 QUIZ, 不過都係聽日先溫啦, 但其實都要努力, 因為 2/27 要 MID-TERM EXAM, 但唔知點解唔太驚, 因為緦覺得係一定合格O既!

祝你愉快 --> 願你得到永遠O既快樂!!

今日都係冇咩特別野, 睇左前晚O既堂本兄弟, 嘉賓係中川翔子, 我對呢個女仔有少少好奇, 因為好鍾意 COSPLAY, 我又記得佢好鍾意李小龍, 亦因為咁佢成日黎 HK 參加李小龍會O既活動, 亦因為黎得 HK 多而識講少少廣東話, 我有聽過佢用廣東話介紹自己, 都真係講得幾好呢, 話唔定有日行行下街會撞到佢呢, 睇上年O既 24 小時, 知道佢爸爸都係一個好紅既明星, 不過已經離開左人世, 仲有一個感人O既故事呢!! 另外諗住玩下＜明星三缺一＞啦, 點知佢尋日更新左, 所以要下載返Ｄ野先玩到, 真係講你都唔信呀, 今時今日寬頻O既世界, 下載 240 MB O既野, 竟然用左八個幾鐘, 真係 ARIENAI~TSU~NO~ !! 返學都冇咩特別, 係有 QUIZ, 不過其實佢教唔切書, 所以都係半 QUIZ 咁, 立即講答案果隻, 相信唔計分呢!! 同 DORA 傾下計咁, 同埋我先醒起, 果次我重安 XP 係應該 FORMAT 左佢先, 唉!! 放學立即返屋企, 沖完涼就食左少少餅乾, 因為懶得去煮野食!! 再上下網, 又發生左前兩日果個問題, 就係突然間斷線(但 ICON 係話連左線), 然後自動 CLOSE 左個 MSN 同 IE 呀, CB 同 PDBOX 咁, 再出個 ERROR 話唔知咩 DLL 有問題, 但係再 REBOOT 就冇事, 睇返"事件"又冇寫呢個 ERROR, 真係煩惱!! 電腦, 請你乖乖地啦, 我真係鍚哂你呢!! 我要再努力睇下點解決先!! 同埋真係要計劃下換左個 HDD!!

祝你愉快 --> 願你得到永遠O既快樂!!

今日比平時早左少少起身, 同我親愛O既表弟傾左一陣 MSN, 因為有Ｄ電腦問題!! 之後同太后去左陪亞婆飲茶, 見到亞婆好健康, 心裡面真係好開心!! 之後去左銀行, 再行左一陣就返屋企喇!! 然後又同我親愛O既表弟傾左一陣電話, 因為都係電腦問題!! 然後睇下電視, 再沖涼, 再睇下片咁, 原來有好多野我都未睇呢!! 今日更新左 3 次 BLOG, 越黎越有 OTAKU O既傾向咁, 遲早變"電車女"(或者而家已經係)!! 今日係情人節, 大家有咩節目呢?! 我就好似平日咁, 冇咩特別, 睇新聞話好多人選今日去結婚, 我嘛?! 我真係絕對唔會選特別日子結婚, 因為萬一有咩事, 果種痛苦係雙倍呢!!

祝你愉快 --> 願你得到永遠O既快樂!!

今日仲有少少咳, 加上天氣又涼返少少, 所以冇落街!! 到左三點幾仲突然間好眼訓, 所以訓到六點幾起身, 發現有少少發燒, 唉, 攪咩呀!! 呀, 好耐冇寫過＜私夢記＞, 今日終於有喇, 其實係成日都有發夢, 之但係起身後一係唔記得, 一係就好亂, 都唔知點解好!!

祝你愉快 --> 願你得到永遠O既快樂!!

今朝一早太后話幫我 BOOK 左睇醫生, 所以再訓多一陣就出門口喇, 等左一陣車就有車喇, 去到都係 10:35, 諗住好快啦, 點知都等到 11:10 先到我, 個醫生講野又超快, 又細聲, 聽得好辛苦下, 之後又要等拎藥, 終於 11:30 攪掂走得, 之後又等左一陣就有車喇!! 返到去本來諗住飲茶, 但後黎又決定煮野食, 食完野沖完涼就大覺訓, 因為食左Ｄ藥實在好眼訓!! 然後訓訓下又起身食藥, 之後又訓下醒下咁, 夜晚都係上左一陣網咋, 因為真係好眼訓!!

祝你愉快 --> 願你得到永遠O既快樂!!

今日十一點起身食左次藥先, 之後再食 LUNCH, 大約 12:30 出門口, 因為要去幫皇上拎返部電話, 1 點就去到果間野喇, 亦好快就拎返部電話, 之後再去信和, 家姐已經到左喇! 之後行信和啦, 家姐買左 ARASHI 新 SINGLE(YEAH!! 今晚有新歌聽!!), 我買左"胸宇宙"(見圖), 之但係我諗唔明白間野係賺咩, 因為計埋個匯率, 真係唔差好遠!! 之後行十蚊店, 再行左去尖沙咀, 本來諗住食下午茶, 不過又冇咩 ARM 食, 所以坐低睇下雜誌同埋傾下計咁, 到左大約五點幾就走喇, 因為我感覺到我Ｄ藥力過左, 因為開始咳返, 所以就返屋企呢, 返到屋企第一件事就係食藥!! 快Ｄ好返啦唔該!


祝你愉快 --> 願你得到永遠O既快樂!!

年初一!! 祝大家心想事成、身體健康!! 今朝一早起身食左個杯麵, 之後坐車去左美孚, 一齊食盤菜, 不過我真係對盤菜冇咩信心, 所以先至食左個杯麵打底先, 食左少少盤菜咋!! 之後坐左一陣我就返屋企先, 差唔多兩點返到屋企, 之後沖完涼, 就上網喇, 睇左好多片呢!! 夜晚 CONNIE 打黎, 約左後日去食下野傾下計咁!! 希望果日唔好落雨啦, 同埋我快Ｄ好返啦!!

祝你愉快 --> 願你得到永遠O既快樂!!

年初二, 係開年O既日子, 大家有冇食開年飯呢?!! 今日冇出到街, 因為新年都冇野行啦, 亦未開始溫書, 硬係好似冇咩心機咁!! 唔得, 真係要努力Ｄ, 如果唔係下星期 MID-TERM, 點算好?!! 睇左 WaT 果套電影, 都唔錯, 幾感人, 特別係在於佢將Ｄ PV 串連成一個大故事, 都 OK 呢!! 夜晚諗住O係房睇煙花, 不過又落雨又天氣唔好, 所以攪到咩都睇唔到, 相信下年睇唔到架喇, 因為對面起緊幾座樓, 預料一定會將我地而家個視線完全遮實哂呢!!

祝你愉快 --> 願你得到永遠O既快樂!!

年初三, 今日好特別, 因為約左 CONNIE、FREDA 同埋亞姍見面, 我早左十幾分鐘到, 所以等左一陣!! 齊人之後就去左 PIZZA HUT 食下午茶, 原來 FREDA 將會結婚, 聽到真係好開心呢, 唔知幾時到我呢(笑)!! 傾下計講下近況咁, 到五點半左右 FREDA 先走, 因為佢要返屋企食飯, 之後我地三個再行左一陣, 由於今日冇太多店開, 所以都係行左個圈咋, 但好好彩咁俾我買到 KERORO 同埋 TAMAMA O既毛毛拖(見下圖), 仲好平添!! 之後我就坐 MTR 返屋企, 都幾快呢!! 返到屋企沖完涼就開飯呢!! 今日好開心, 原來我地成年幾冇見 LU, 時間過得真係太快!! BY THE WAY, 要多謝 CONNIE 利是!! 下年可以逗埋 FREDA 果封呢!! 同埋多謝亞姍O既"禮物"!


祝你愉快 --> 願你得到永遠O既快樂!!

年初四, 都係冇出到街, 因為冇人約呢!! 溫左一陣書, 不過發現真係有好多副詞冇咩教過, 不過溫左一部份咋, 睇黎未來幾日真係要加倍努力先得呢!! 睇返上星期錄左O既節目, 再食下野咁!! 沖完涼我忍唔住拎左尋日買O既 TAMAMA 毛毛拖黎著, 因為實在太可愛喇!! 真係好抵買!! 好!! 真係要開始計劃下日本之旅, 起碼諗下有咩地方要去呢!

祝你愉快 --> 願你得到永遠O既快樂!!

今日依然冇落街, 溫左一陣書啦, 不過仲有好多詞語未溫呢!! 尋晚發夢好似見到蔡一傑, 又好似見到 JUN 定係 SHO?! 都唔係好記得喇!! 夢到亞傑我估計係因為訓之前睇左草蜢演唱會, 咁多首歌我得一首唔識唱咋, 就係前年果首＜我們＞, 其它果Ｄ真係識, 唉, 不禁慨嘆年紀大喇!! 夜晚都係食上海年糕, 真係好好味呢!! 好快咁睇到今晚O既 UTABAN, 勁攪笑呀, 因為每次 ARASHI 做嘉賓, 中居前輩一定同 SAMI 扮嗌交, 真係笑到我肚痛!! 家姐又話我係嵐飯, 我依然要否認, 雖然我做O既野真係好似嵐飯, 不過我係好單純咁鍾意佢地五個O既友情關係, 實在好感動!! 今後我依然會否認, 因為頂多只可以話我係"櫻相"飯, 呵呵!! 不過人地點睇我冇所謂!! 自己同亞剛知道就得喇!! 呵呵!!

祝你愉快 --> 願你得到永遠O既快樂!!

今日先去左國書館, 借左十幾本有關日本自由行O既書呢, 然後去左飲茶, 發生一件都幾勞氣O既事, 一來間酒樓已經加左價啦, 二來我明明係下午茶開始後先坐低, 果個侍應又借Ｄ移咁俾左張正價咭我地, 咁我地就問佢果張係咪下午茶咭, 佢話:"呵, 換返俾你囉! 不過都係爭一蚊O者!", 嘩~ 咩態度先?! 我咪即刻好友善咁問佢:"咁一蚊唔係錢咩?!", 佢仲寸喎, 望住我好勞氣咁話:"唔係話一蚊唔係錢, 咁都係多一蚊O者!", 亞姐呀, 其實唔係錢唔錢O既問題, 而係你呢個手法唔 ARM 囉! 同埋多一蚊我係唔鍾意俾你地賺呀, 係咪唔得丫?! 之後佢仲"口 UPUP"咁, 我咪同佢講:"得喇! 唔洗再講, 總之你換返張咭俾我地啦!", 係呀, 係多一蚊咋, 但我真係仲咩要俾多一蚊O者?! 你坐巴士俾少一毫都唔得啦, 何況一蚊!! 之後去左行左一陣, 先頭諗住 4 點幾交就差唔多咁, 行下百佳呀咁啦, 見到伊藤園綠茶送果支小電筒, 所以就買左兩支, 再收到個買家話要六點幾先 OK, 唉... 又話 4 點幾, 所以決定改星期一, 返到屋企, 發現離奇地唔見左一支小電筒喎, 明明收銀果陣都仲有, 所以就同太后行返去百佳, 好遠!! 去到搵返果位收銀姐姐, 佢仲笑住咁話:"唔怪之得O係地下執到呢個野啦, 哈哈哈!!"(汗一個!!), 然後返屋企沖完涼後, 就開始睇下果幾本日本遊O既書, 其實講黎講去都係果Ｄ地方, 我真係要搵張好好O既地圖, 自己 MARK 返低Ｄ地方先得, 因為佢Ｄ書, 本本都有Ｄ好有Ｄ唔好咁, 因為 5 日 4 夜係有少少緊迫, 所以要一個完美O既計劃!!!

祝你愉快 --> 願你得到永遠O既快樂!!

今日早上冇咩特別, 睇完＜HANADAN 2＞CH.8 就溫左兩三小時書, 文法都 OK, 只係詞語仍需努力!! 大約四點幾, 同太后落左去附近行左一陣, 但點知行行下非常之肚餓, 所以去左吉野家食下午茶, 我好耐冇食過牛肉飯喇, 因為除左我人生中第一次去吉野家係食牛肉飯之外, 其它都係食煎雞飯, 原來牛肉飯都幾好味架喎! 食完之後行下超市咁, 再買左半斤叉燒返屋企, 返到屋企沖完涼後又開始研究Ｄ旅遊書, 晚飯只係食左"送"咋, 因為唔太肚餓!! 然後 PRINT 下地圖咁, 不過搵到果Ｄ地圖都未係最完美, 但用住先啦!! 但熄左 PRINTER 先醒起未 PRINT "志村商店"果張 COUPON, 過幾日先喇, 因為大把時間!!

祝你愉快 --> 願你得到永遠O既快樂!!

今朝早左少少起身, 因為約左個買家去交收, 收完去左百佳一轉, 因為突然間想食燒鴨, 不過冇平, 所以就冇買喇!! 返左屋企 LUNCH, 之後溫下書上下網, 睇下片咁, 冇咩特別呢!!

祝你愉快 --> 願你得到永遠O既快樂!!

今日打算早上八點起身睇奧斯卡O既 LIVE, 不過唔知點解五點幾醒左一醒後就一直訓到十二點幾, 所以起身睇左少少咋, ＜硫磺島戰書＞拎到最佳音響剪接(好似係呢個名掛), 都算唔錯呢!! 大嬴家係＜無間道風雲＞, 又再一次証明香港人真係叻極有限, 點解人地改編香港O既劇本, 但係又勁咁多呢?? 唔好再話係錢O既問題, 因為有好多野唔單係錢O既, 資質都好緊要! 大家話我唔幫返自己人都係咁話!! 今日去左飲茶, 價錢終於變返正常, 不過其實都加左少少價, 飲完茶後去左銀行, 再行左一陣, 都冇咩特別!! 返黎沖完涼就開始溫書, 其實好似仲有好多野未溫, 但又好似識哂咁, 究竟掂唔掂呢!!! 電腦大哥又發脾氣, 因為 BAD SECTOR 再一次出現, 唉, 又 SCAN 左成晚, 究竟點解我部機成日有 BAD SECTOR, 但又唔見其它人有咁O既?! 究竟咩事呢?! 電腦大人呀, 求下你乖乖地啦!! 好嘛!!

祝你愉快 --> 願你得到永遠O既快樂!!

今日無咩特別, 主要係溫書, 因為話咁快今晚就係 MID-TERM 喇!! 不過其實都冇咩點溫咁!! 溫到四點幾就煮野食, 食完再上左一陣網就出門口喇, 等左一陣就有車, 而且冇塞車, 所以六點就到左, 去左行十蚊店, 嘩!! 有兩隻可愛O既熊貓錢箱呀(見下圖), 不過今日拎咁多書, 都係過幾日先去買!! 又發現行上學校果條路終於整好, 仲好靚呀, 下星期再影好Ｄ先(差O既版本在 BLOG), 考試都唔知掂唔掂, 但中途發生左好攪笑O既事呢!! 估計都會合格, 但唔會高分果隻!! 九點左右就走喇, 因為盡左力答哂Ｄ問題喇!! 同 DORA 傾左一陣, 然後坐車返屋企! 行行下見到徐若瑄做封面O既雜誌O既廣告燈箱, 立即影低佢, 不過我發現我影相技術好唔穩定, 唉, VIVIAN 呀 ... 嗚嗚, 影得實在太有動感(請看 BLOG, 因為實在唔敢貼O係度~ 淚奔!!) 返到屋企九點半都未夠, 沖完涼再煮野食, 家下上網睇下有咩睇先!!
<>
祝你愉快 --> 願你得到永遠O既快樂!!

今日冇落到街, 條頸對上有少少痛, 好似生左粒野咁!! 應該係熱氣呢!! 今日都係睇下片上下網咁, 夜晚又研究下Ｄ旅遊書, 因為想去埋台場, 睇下夜景咁, 其實係想睇下 ENDLI 個特設場館, 總之就心情好矛盾呢, 因為又唔去睇 CONCERT, 但又想買週邊, 但又唔知點咁!! 睇睇下Ｄ旅遊書, 原來＜皮蛋城＞唔係賣皮蛋架喎(笑), 俾太后笑左我好耐呢!! 我一直以為日本人鍾意食皮蛋鍾意到有個城黎賣皮蛋, 原來係個 GAME CENTER, 真係 ... (臉紅)!!

祝你愉快 --> 願你得到永遠O既快樂!!