(私日記。WATASHINO NIKKI!) |
6/2/2007 |
今日冇咩特別, 做左一陣功課, 之後四點幾煮雲吞食, 食完就返學, DORA 今晚冇返, 佢打黎時仲話今朝佢部手提好慘!!
放 BREAK 時我偷偷用手提拍左兩張相(請看 BLOG), 本來諗住影 SENSEI, 但唔太好O既!! 放學立即返屋企, 之後上下網咁,
冇咩特別!! |
7/2/2007 |
起身先發現原來太后入左院(放心, 冇事!!), 仲話今朝叫白車, 我一D聲都聽唔到添!! 之後睇下電視咁啦, 四點幾就出門口去探太后,
返到屋企大約七點左右, 之後沖涼再食 DINNER, 再上下網咁!! 俾今日O既 AN.AN O既 JUN "萌"到(請看 BLOG)!!! |
8/2/2007 |
今日冇咩特別, 我冇去到探太后, O係屋企吸下塵抹下野咁, 因為都幾大塵呢!! 夜晚食左個創新料理 -- 味噌粥,
都唔錯呢!! DINNER 後完成埋個"軍曹紙巾套"(見圖1~2), 之前太后見到有類似O既賣, 佢叫我整個俾佢, 呵呵!! |
9/2/2007 |
唉, 所以話有時命運係避唔到O既, 其實一直個 XP 都有少少小問題, 好多朋友都話重裝個 XP 好D!! 但係當然可免則免啦,
終於, 今日部機中左毒, 仲要點清都清唔到, 所以只好重裝個 XP 啦!! 攪到凌晨三點幾, 未攪掂架, 不過頂唔順眼訓,
所以訓醒聽日再攪!! |
15/2/2007 |
今日仲有少少咳, 加上天氣又涼返少少, 所以冇落街!! 到左三點幾仲突然間好眼訓, 所以訓到六點幾起身,
發現有少少發燒, 唉, 攪咩呀!! 呀, 好耐冇寫過<私夢記>, 今日終於有喇, 其實係成日都有發夢, 之但係起身後一係唔記得,
一係就好亂, 都唔知點解好!! |
25/2/2007 |
今朝早左少少起身, 因為約左個買家去交收, 收完去左百佳一轉, 因為突然間想食燒鴨, 不過冇平, 所以就冇買喇!!
返左屋企 LUNCH, 之後溫下書上下網, 睇下片咁, 冇咩特別呢!! |