今日特別事就唔多, 我表弟個女朋友黎坐左一陣, 因為拎番Ｄ野俾我地! 傾左一陣咋都! 另外都冇咩特別喇, 不迥就一口氣咁睇左三集《烈火雄心2》, 不過就唔太好睇, 只係覺得果個小妹妹好得意咋! 都同《烈火雄心》冇關係o既! 所以都唔係太想睇! 今朝得知影星陳寶蓮三料自殺過左身, 其實都幾唔開心架, 因為我一直都覺得佢幾慘架, 但係真係好可惜, 咁後生, 咁埋又 ARMARM 生左 BB , 真係陰公!

天下 --> 其實好多人打生打死都係為左利益同埋打天下, 但係我真係覺得生活開開心心平平安安就好滿足!

今朝都算幾早起身, 因為我契媽黎飲茶, 傾下計食下野咁啦! 食完晚飯坐左一陣佢先走呀!

至少走得比你早 --> 好鍾意呢個 CONCEPT, 無論點羸都好啦, 至少我走得比你早嘛!

今日都算幾特別架, 特別又唔係日頭喎, 日頭只係睇番之前錄果Ｄ劇集, 其中o係《我和彊屍有個約會》裡面, 高保同況天佑講O既一番說話我好有同感: "你講過你想講就自然會講, 如果我問你, 亦即係迫你對我講大話, 咁咪仲冇意思?", 我對呢句話好有同感架, 因為我真係覺得會講就自然會講, 要問到先講, 亦會感到唔真實! 而同時我份人亦係我想講你唔問我都會捉住你講你知! 所以呢方面我都睇化左架喇, 我O既生命仲有好多野要我理, 雖然可能人地覺得只係得某幾樣重要, 不過真係唔止眼前O既果Ｄ野O既, 講番夜晚先, 約左一大班以前學位O既同學仔去玩, 去左荃灣O既地鐵車廠O既會所玩, 食下野唱下Ｋ傾下計咁! 雖然今日只係得十一個人去, 不過都已經好好架喇, 氣氛都唔差架! 其實做左四年同學, 真係好少機會傾計, 所以今次可以講係同學會O既第一次聚會! 當然希望以後O既聚會會多Ｄ人參加啦!!

相思風雨中 --> 哈哈! 同你合唱過呢首歌, 原來呢首歌都幾悶架喎! 不過同你傾到咁多野, 唱左咁多歌, 已經好開心架喇!

今朝好早起身呀, 因為傾長途電話呀! 之後都冇咩特別, 只係睇電視同埋訓覺, 好眼訓呀今日! 唔記得左講添, 洪天明新髮型好型呀!!!!!!!!!

我信 --> 一切都盡在不言中, 不過我信!

今朝可以話係好晏起身, 因為尋日訓左晏覺, 所以攪到夜晚好夜先訓得著! 今日都冇咩特別丫, 天氣唔錯! 所以心情都唔差架!

早應該習慣 --> 我一直都唔以為朋友係用黎利用O既, 我真心去對待每一個我當佢地係朋友O既朋友, 不過呢個世界咩人都有! 早應該習慣吧!

今朝俾Ｄ好嘈O既裝修聲嘈醒左, 因為附近有人大裝修呀! 今日好唔舒服呀, 一係就勁眼訓, 一係就勁肚痛咁! 究竟咩事呢? 冇人知道! 今個月尾亞敬有 CONCERT 呀, 好想好似以前咁一大班人開開心心咁去支持佢! 因為好耐都冇試過喇, 對上一次 CONCERT 應該係上次O係理工大學O既"麥斯威爾"個 SHOW! 我仲記得我送左一隻 PANDA , 我個朋友就送左隻 WINNIE THE POOH, 我仲記得好清楚, 唔知今次仲可唔可以咁一大班人咁開心呢? 好想可以實現到! 我會盡力O既! 今日睇到一篇好有趣O既報導, 題目係《創造便是尊嚴》, 其中有一句好有意思"我們自覺無望、失去自信才會問為什麼。當我們自覺在重覆自己的時候， 要改變的不是在重覆著東西，而是改變不斷在重覆著的自己 -- 要改變的是心智環多於外在環境。", 佢亦都提及到想做事的人都只會問 HOW, 諗深一層又係喎! 因為只有唔想做事O既人先會問點解要做, 唔會問點樣去做!

徒然 --> 近排好鍾意呢首歌O既歌詞, 幾到肉! "當愛壞了, 原來一切徒然, 說得再好送得多美仍被妳不恥 ... 十次問妳, 十次受妳極晦氣的口吻"!

今日訓到成點鐘呀, 就係因為, 攪到我 MISS 左個電台節目! 好想買飛睇 concert 呀, 不過八百幾蚊我真係負擔不起, 所以要等奇蹟出現! 仲有呀, 今日好開心咁買到隻 VCD , 好正, 好開心, 當然真係估唔到買得到啦, 原來仲要O係一個平時成日行過O既方買到, 哈哈! 所以我明白咩係遠在天邊近在眼前! 我而家有時會希望時光可以倒流, 因為我覺得世界原來係可以好殘忍! 不過發夢先可以時光倒流架o者! 現實又點可以呢? 不過每一件事每個人都有唔同角度! 不過我真係明白到友誼之間要信任, 仲係一種好互動o既"遊戲", 而家我都好希望可以好似以前咁, 唯有希望我主動之餘對方都會有少少反應啦! 有時文字上又真係冇語氣o既! 我係驚! 但驚都係正常吧!

我不好愛 --> 哈哈, 我何止不好愛呀, 我估仲幾難相處添! 不過身邊仲有好多好好o既朋友, 有說"人生得一知己死而無憾", 何況我有咁多知己? 我真係要多謝大家一直以黎o既愛護!

今日心情都算過得去啦, 不過就都有少少暗湧O既, 其實都係果個問題啦! 依然係希望可以開開心心咁一大班人去支持佢, 不過況又唔係話咁易就攪掂! 我真係好驚! 另外都係休息下咁啦, 因為我又作病呀! 睇到一篇廣末涼子O既訪問, 其中佢講到一樣野好有趣架"我無法將傳媒觀點、大眾評價、自我滿足排重要性的先後次序，所以索性間中替自己封耳遮眼， 這樣感覺比較好。其實觀眾眼中的廣末與真正的有很大分別，以前曾經為此十分懊惱，最近開始懂得客觀點，以第三者身份看事情。 我發覺，如何做好『廣末涼子』，原來也是個有趣玩意。", 睇完之後發覺佢都唔係大家口中神經失常O既廣末, 反而可能我要學下點樣去做好『斯斯』, 我明白都唔能夠令所有人都鍾意『斯斯』呢個角色, 不過我好想好努力去做到最好! 起碼自己都仲覺得自己有好多野要去改變下! 仲有呀仲有呀, 一直好想講一隻大碟架, 就係台灣組合 ASOS O既"變態少女", 呢隻碟係近排我聽得好開心O既一隻碟! 佢地Ｄ歌有Ｄ得意、有Ｄ就好有意思, 當然真係值得聽O既係 ASOS O既音樂才華, 我唔敢話係勁好! 不過成隻碟都係佢地自己作曲同填詞O既! 真係聽得出佢地O既音樂底子都有番咁上下架! 全碟都值得推介! 我就特別鍾意《死者的呼喚》、《變態少女想人記》同埋《我討厭你》, 呢幾首歌係我一聽就鍾意喇! 有機會大家都要聽下呢隻碟呀! 因為係香港少有O既音樂類型! 有好多歌都好有意思, 我都聽到眼濕濕架!

但願你明白 --> 尋晚收音機播番呢首舊歌, 心裡面有一種好難形容O既感覺!

今日去左飲茶, 再去行下街街咁! 冇咩特別事發生! 我要同我幾位朋友講聲唔好意思, 因為可能拎唔到飛俾大家去支持亞敬, 我個位咩都唔知, 都有有人俾飛我, 我先可以俾大家! 真係冇計啦, 我又唔了解人地有幾多飛! 哈哈! 或者我都冇得去呢? 講笑咋不過, 因為我真係咩都唔知! 講明先, 我唔係講有"含意"o既說話, 真係唔係! 只係講下笑咁咋! 唔好咁認真呀大家, 因為我而家好驚一句話又令到事情變得複雜! 其實呢幾日都諗緊點解唔可以用"道歉"黎解決問題呢? 可能係我太執著於某Ｄ事啦! 世間真係太多事要煩喇! 真係好想可以開開心心! 無意中o係街見到某本雜誌封面, 太過份喇! 人都已經死左, 點解仲要咁影人地o既屍體呢? 太過份喇真係!

明年今日 --> 我記得你同我講過你覺得呢首歌好聽! 最衰果日卡拉ＯＫ冇得唱啦! 哈哈! 希望明年今日前可以同你去唱呢首歌啦!

話咁快又過左一個禮拜喇! 上個星期六仲係"相思風雨中"緊! 真係好想再唱Ｋ呀! 今日落左去行左一陣, 仲買左杯"新地樂", 好正呀真係!

心急人上 --> 呢首歌幾得意!

今日又頭痛又肚痛呀, 所以冇出到街, 只係睇下電視訓下覺咁! 冇咩特別丫!

今日幾號 --> 係 SAMMI 新碟O既一段對白, "諗返起以前唔開心o既野, 想喊! 唔 ... ... 諗返Ｄ開心o既野, 會唔會開心Ｄ呀喇!"

今日早頭都冇咩特別, 心情仲幾好咁! 不過到左夜晚我心情真係好唔開心! 因為我失去左兩張 CRANBERRIES HK TOUR O既 CONCERT 飛, 點解會咁樣! 唔制呀, 真係好唔開心, 係勁唔開心果隻! 聽日我要努力, 我真係好想去睇! 希望我真係可以去睇到啦! 如果錯過今次我相信又要等幾年佢地先會再黎! 上次係 96 年 5 月, 相隔左六年再黎一次, 如果我再錯失, 我怕又要等六年呀, 嗚嗚嗚! 要奸爸嗲呀我!

逗我開心吧 --> 嗚嗚嗚, 有冇人可以"逗我開心吧"呢? 真係笑唔出添!

今日都冇咩特別事發生! 夜晚都係睇住四張 CRANBERRIES O既飛飛走左! 以運氣真係要有架! 又要夾準時間打, 唉, 好 DOWN ! 聽日要作最後努力! 聽完收音機, 無端端令我諗起世界公平唔公平, 其實我覺得係 FAIR PLAY 黎O既, 雖然有時眼見唔到 FAIR, 不過可能好耐之後先會 BALANCE 番! 所以各位年青人唔好覺得世界唔公平! 大家都要對個世界公平Ｄ嘛! 係咪?!

PROMISES --> 我識答架! 點解唔接我電話! 真係想喊呀!

今日証明左我今次冇機會去睇 CRANBERRIES 喇! 問題係識答, 可惜打唔通! 天意啦! 只好寄望會出 VCD 或者快Ｄ再黎香港啦! 知道左一件事令我有少少唔知點咁! 不過又係O既, 好難怪佢有咁O既感覺! 因為的確係令人覺得幾煩! 唯有同果位亞敬歌迷講聲唔好意思!

ZOMBIE --> 我識答架! 打唔通! 真係喊都無謂!

今日係 CRANBERRIES 第二次 WORLD TOUR O既香港站演唱會舉行O既日子, 我依然都係抱住失望O既心情! 衰就衰在佢地成日都唔會出 VCD , 真係好想去睇呀我! 不過算啦! 希望下一次可以去睇! 我都係抱住呢個信念! 一定會成功! 或者下次我可以去英國睇呢! 哈哈! 我記得上次佢黎香港係因為我剛剛忙緊 FASHION SHOW ! 訓都冇咩時間訓, 何況係睇 CONCERT !

啜泣 --> 有時真係喊都冇用! 唔通要將眼淚冷藏到零下三度先得?!

今日勁晏先起身呀! 可能呢幾晚都訓得唔太好啦! 訓下醒下咁! 可能係呢幾日多野諗, 身體又唔太好咁! 希望快Ｄ好番Ｄ啦! 今日睇報紙, 好開心呀, 因為竟然有哂 CRANBERRIES 同埋 TSUYOSHI O既訪問! 真係好開心呢! 尋晚同左個老友傾左好耐電話! 原來有時有Ｄ野真係唔洗講都明白架! 呢樣野真係令我感動呢! 其實清楚我份人O既都知道, 我係一個簡單O既人, 好相信自己果一套睇法! 亦都覺得好多野要講清楚! 唔鍾意講Ｄ唔講Ｄ咁! 正所謂事無不可對人言嘛! 所以好多時你問我咩, 我就好老實咁答你! 其實世界上如果個個都係咁簡單O既, 可以免欲好多煩惱!

藥師佛心咒 --> 係巧音O既新碟其中一首歌, 感覺好正!

尋晚依然係訓得唔太好, 訓下醒下咁! 所以真係可能係有少少無形o既壓力o係度! 呢Ｄ壓力希望"佢"快Ｄ走啦! 因為我開始擔心自己O既身體! 可能又係有少少過份擔心O既! 今日開始睇一本書, 幾得意架! 叫做《用幽默雕塑智慧》, 好似幾好睇咁! 應該可以學到幾多野O既! 一日一日咁接近, 其實都係一種好驚O既感覺, 因為我真係唔想好似要比賽咁, 亦唔想鬥! 好想好和平好開心咁, 但係其他人點諗我真係唔知, 尚然亦控制同埋估計唔到啦! 可能我O既擔心係多餘掛! 不過始終未到果一日, 我真係好不安!

謝謝王子 --> 其實每個女仔心目中都會有佢地o既王子o既, 我果個係邊個? 秘密!

今日真係黑呀, 已經準備好哂去燒野食, 點知一號風球不特止, 仲要落勁大雨, 所以被迫取消! 真係掃興呀! 不過學你話齋, 咪下次去囉, 又唔係永遠冇得去! 一於等下次! 一定有機會去! 因為落雨冇得去街街, 所以就睇左套戲《買兇拍人》, 都幾攪笑架喎! 其實都講到少少悲哀, 大家有機會都睇下丫, 幾有趣!

就是為了 --> 有冇諗過你O既一生係為左咩呀? 我O既人生? 可能係為左 ... ... 爭氣!

今日依然都係落大雨, 心情都麻麻地咁! 都有落過街架, 不過只係行左一陣咋, 都冇咩特別! 一日一日咁接近喇, 尋晚我甚至擔心到訓唔著, 仲寫左一封好長O既信俾個朋友添! 或者真係自己多心亂諗野啦! 今日睇左一本書《驛動少年》, 係一本好簡單易明O既互動小說, 幾有趣架! 不過好快睇完 LU ! 係呀, 尋晚睇左少少"新秀", 本來唔諗住睇架, 不過我表弟個女朋友話佢有個朋友入左圍, 咁就睇下啦! 點知只係拎第二, 不過相信英皇都會簽佢O既, 唱得都唔錯架!

朋友仔 --> 尋晚聽收音機聽到呢首歌, 竟然俾佢O既歌詞感動左! "原來朋友竟比戀人更高分 ...", 其實真係要好珍惜身邊O既朋友, 我真係好珍惜佢地! 好想友誼都變得簡簡單單, 正如"道明寺"口中所講O既"廉價友誼"一樣, 其實係好簡單, 我好想大家都明白我, 唔想大家咁唔多願同對方講野咁!

今日睇書日, 睇左成日書, 又睇左幾個台灣O既節目, 原來幾得意架喎, 台灣節目同香港真係好唔同, 好有新鮮感呢! 今日又浪費左一隻 CDR 喇! 心痛! 另外有一個夜校同學打黎傾左一陣, 原來做左四年同學真係唔簡單, 都會好關心大家O既去向, 雖然平時返學都係笑下、傾下計, 都冇咩特別話去玩呀咁, 但係就係可以做到好朋友, 可能四年黎一齊都受一樣O既"讀書苦"掛, 所以我都好希望可以多Ｄ約Ｄ舊同學出黎玩下、傾下計!

輸得漂亮 --> 近排好鍾意呢首歌! "重覆講錯不在錯不在我, 到底因此得到甚麼, 讓我知錯, 其實我不需要贏, 只要做我"!

今日落左去飲茶, 好幾日冇飲過 LU! 之後就出左去旺角, 行呀行呀! 不過買唔到我想買O既野! 但係好開心, 因為見到一張好靚好正O既 POSTER, 可惜得唔到手呢! 返黎之後好累呀!

忘記不起 --> "誰又知我竟這樣傻, 我連自己都搞錯, 石沉大海的快樂, 想翻案麼?", 有時真係發覺自己幾唔了解自己架!

今日冇咩特別呀, 天氣好熱, 所以心情麻麻咁, 成日想訓覺! 用左個幾鐘頭睇左《生還者 IV》O既結局, 好感人呀! 其實呢個 GAME 裡面, 真係可以完完全全咁睇到人性真實一面, 當中仲包括策略添! 睇完之後令我都感覺到要O係呢個世界上生存, 其實都應該有一丁點O既奸, 呢個世界真係適者生存, 而我其實都幾驚O係呢個社會上, 因為你永遠唔知道你身邊有幾多人想傷害你, 太叻時亦會令人覺得討厭, 但係我就偏偏唔鍾意去順從所謂O既"規則", 但係別人眼中真係覺得我"另類", 當然某程度上我都要改變自己黎配合呢個生存之道, 但咁樣可能令到想打低我O既人好多, 不過我絕對唔會因為咁而去難為自己! 好多人都唔會認同我呢一套, 不過的確我係咁! "我們阻止不了日落, 但過了天黑後, 天還是會亮!", 對嘛?!

最近想起很多 --> ... ...!

尋晚成四點幾先訓到, 可能掛住睇電視, 攪到好精神啦! 今朝又早醒喎! 所以都幾辛苦架! 今日我就冇去到飲茶, 因為約左我親愛O既契姐去行街街! 行左好耐呀, 又食下野又傾下計咁, 正! 之後就去左會展, 因為亞敬今晚有個 SHOW! 其車開心架今日, 因為由五月起就冇見過亞敬喇! 佢見到我仲O係個咪講"點呀? 斯斯"! 笑死我同契姐呀! 雖然個 SHOW 短短個令鐘, 不過的確好開心, 而且仲唱左好多歌添! 完 SHOW 之後我同我契姐就入左後台同亞敬傾計! 佢都話好耐冇見我! 不過我要多謝亞敬O既助手俾我入後台同亞敬傾計同影相! 傾完之後我同我契姐就走喇! 哈哈! 仲去左影今晚O既 FULL MOON 添! 之後仲去左買野飲先返屋企呀! 呀, 唔記得講一件好事野添! 就係我同契姐由旺角地鐵站上地面時, 有兩個人行埋黎話想同我地做訪問, 仲要係 SET 哂機果隻, 不過我地都拒絕左佢地, 因為唔多想上鏡嘛! 不過佢地都幾慘架, 因為咁熱O既天氣企O係街搵人訪問, 我仲要見到佢地只係想訪問我同我契姐, 可能 ... 哈哈哈, 真係唔好意思! 總之今日勁勁勁開心!

我很快樂 --> 真係好開心!

今日食完飯就落左去行街街喇, 不過就冇買到野, 當然係好多野想買, 不過我知道呢個商場價錢係好貴O既! 所以遲幾日約朋友去第二度再掃貨! 尋晚訓之前勁玩一樣新奇野, 就係"福袋"喇! 事緣係尋日同契姐行街街, 經過佢講我先知果Ｄ"福袋"有咩玩, 嘩! 真係迷上了呀! 好好玩呀真係, 我諗下次又會去掃貨先!

心肝命椗 --> "無人能搶走我心肝命椗"!

今日都冇咩特別事, 聽下 SAMMI 碟, 又睇下 SUMMER SNOW, 好感動呵! 今日都天氣太熱, 所以冇出到街街, 上網亦上左一陣咋! 好緊張呀, 因為就黎開始返日文班喇!

會過去的 --> 我信只要相信及信任, 一切幾深O既誤會都會解開, 我相信!

今日去左飲茶呀, 之後就去左行下, 仲去埋書館添! 睇左兩本今期o既雜誌, 仲睇到一樣好靚o既野! 好想要添! 其他都冇咩特別 LU!

多謝 --> 真係好多謝各位朋友o既愛, 好多時朋友會因利益、誤會而出現問題, 但我真係相信大家只要有用心去對待, 一定會冇事!

今日O係屋企食完 LUNCH 就去左街喇, 因為我約左個好朋友去行街街, 不過都係行旺角咋, 有好多野睇呀! 好開心, 勁開心, 勁好玩果隻! 夜晚去左食快餐, 好好味, 不過食唔哂, 份量太多喇! 九點令就返到屋企喇! 好累呵! 當然今日去到信和有大發現喎! 呢個發現令我勁開心!

多謝關心 --> 留意歌詞!

今日去左飲茶同埋行街街! 之後就返左屋企玩喇, 玩咩? 係玩好好玩O既日本玩意, 都係O係"福袋"裡面O既, 真係好好玩呀, 日本人真係勁呀, 簡簡單單O既一張紙, 剪下貼下就變左一樣好好玩O既野喇!

野花 --> HAHAHAHA, 今日唔知點解無端端諗起呢首歌!

今日好早起左身, 因為約左我契媽同妹妹去唱Ｋ, 仲去左新開果間 GREEN BOX, 新開真係唔同Ｄ架! 因為好靚, 又冇"卡拉 OK 味"喎! 一直由點幾鐘唱到六點幾先走呀, 之後行左一陣就一齊返我屋企食飯喇! 而家好累呀!

負擔不起 --> 勁難唱呀呢首歌!

今日好早醒左一醒, 因為有電話搵我喎, 之後再訓過啦, 之後就出左去尖沙咀, 因為約左個朋友飲茶, 由兩點飲到四點幾先走呀, 之後就行街街喇, 買左張好得意O既貼紙, 仲見到隻好肉酸O既熊貓仔, 哈哈, 因為太肉酸所以冇買到! 返到屋企好累呀! 今日我又有一個難題喇, 如果要影響一個唔識O既人冇左份工我先可以有野做, 我應唔應該做呢?

多謝 --> 呢首歌又再一次出現, 因為有句歌詞好深感受: "差一些, 能成為一對最好的情人, 然而付出真, 到最後也分, 我只有說 THANKS FOR THE LOVE, AND ALL THE MEMORIES", 有一Ｄ情(可能係友情)可能會變更, 但我都會去接受同面對!

尋晚發左個好驚O既夢, 又唔係咩鬼呀咁, 而係一直好驚O既一個問題, 不過驚都冇用O既, 我諗事情未算太差O既! 放心, 冇事O既! 食完晚飯之後就落左去買野, 星期六晚人又真係幾多!

全面收購 --> 呢首歌幾好聽!