 歡迎睇我任何一日私日記!(私日記。WATASHINO NIKKI！) |
1/4/2007  |
|
今朝其實七點幾醒左訓唔返, 一直眼光光到九點幾再訓返, 之後食 LUNCH, 再上下網, 再攪下Ｄ軟件咁, 大約五點幾出門口,
諗住出定去差唔多, 點知一出門口家姐打黎, 太后立即開門叫返我入屋聽電話, 原來話佢地 ARMARM 出發去旺角,
去到巴士站又咁 ARM 走左班車, 所以等左一陣啦, 去到信和會合佢地, 因為今日 S 同 FEI 黎左香港玩, 行下信和又去下黑店咁,
再行到咁上下就去左"麻布茶房"食 DINNER, 我食左個咖喱蛋包飯(見圖1), 雖然唔辣, 亦叫做 OK 好食, 之但係其實好貴下!!
然後一齊傾下計咁, 大約九點就走喇, 送佢地去火車站, 然後我同家姐就又去左 NAMCO, 攪咩日日都唔係抽到襟章架,
我想要襟章架!! 不過今日抽到果粒車仔(見圖2), 點都好過尋日個星星摺紙!! 之後就走喇, 返到屋企十點半左右,
對腳有少少痛, 可能條鞋帶綁得太緊啦! 沖完涼睇左一陣電視, 再上下網咁, 今日天氣好熱呢!!! |
| 2/4/2007 |
|
凌晨四點幾熱醒, 所以插返把風扇先再訓到, 今朝又因為落大雨, 所以好好訓, 去左飲茶, 飲完就返左屋企喇,
因為落雨都唔係好想行街, 睇左上星期O既＜世界奇妙物語 2007 SP＞, 我幾鍾意加藤愛果個故事(虛擬記憶),
雖然好得人驚, 但其實可以經歷到人地O既記憶, 都幾刺激咁!!! |
| 3/4/2007 |
|
今日涼返少少, 不過都 OK 呢!! LUNCH 完上左一陣網, 大約兩點落左街, 因為要去銀行, 銀行果個姐姐真係好唔醒目,
明明係問完佢Ｄ野就走, 仲要捉住我地講咩保險, 我同太后個樣都寫住哂"好想走, 好眼訓", 佢仲係咁講唔停咁,
雖然知道係工作, 不過有時候都要留意下人地O既反應呢, 就好似佢無 LALA 問我今日係咪放假, 我答係, 再問我做邊行,
我都已經唔出聲, 咁大個人你都醒目啦, 同埋我覺得我冇必要講咁多野你知呢!! 我唔出聲佢仲問, 問多幾次我咪話我讀緊書,
咁正常黎講都應該明白到人地唔想你再追問落去, 點知仲要問我讀邊科, 係咪 MASTER 咁, 真係想講"URUSAI WA!!",
太后都覺得佢咁問好奇怪, 是但答佢話讀電腦果Ｄ啦, 呢位姐姐係仲想問架, 但係我已經好專心咁執返Ｄ銀行信咁想走,
但係佢又勁 SALE 保險, 然後太后話我地全家都已經有買, 佢仲要話佢介紹呢個肯定係最好, 只係每個月供七百幾蚊,
我心諗: 嘩! 都好貴喎!! 好辛苦由兩點三左右係咁聽佢"UP", "UP"到三點一左右先俾我地走, 下次你都唔好預我再去聽,
呢個人太唔識睇人地O既反應喇, 有時候真係明白佢地係工作, 之但係, 唔可以因為咁而迫人地用左成個鐘去聽一Ｄ根本冇興趣O既野,
同埋我好唔鍾意佢成日講"明白!"、"完全明白O既!!"、"我好理解O既!!", 你明個X呀(唔好意思, 粗左少少!!) 唉,
真係算啦, 唔講佢喇!! 之後去左行德福, 諗住睇下 HMV 有冇我想搵O既碟, 點知得兩隻 THE CRANBERRIES O既 CD,
都冇我想搵果隻, 今個月 25 日, THE CARANBERRIES 個主音會黎香港開記招, 因為佢將會出 SOLO ALBUM 同埋 TOUR,
好想去添, 因為實在太迷佢把聲喇, 最衰唔知詳情啦, 同埋點解唔黎香港開 CONCERT 架!! 下個月中會出 SOLO ALBUM,
我一定要買!! 但又太耐冇買過, 唔知會幾錢呢?! 行完後買左燒肉同埋豬手做晚餐, 然後返到屋企沖完涼, 都係上下網,
睇下片咁, 其實夜晚應該要返學架, 但係因為又係代課, 所以我決定休息返一晚, 話時話, 仲未攪份 PRESENTATION 添,
我好少咁漏氣架呢! |
| 4/4/2007 |
|
今日本來諗一點幾交收, 但係我十二點開電話先見到個買家 SMS 黎話 12 點, 我再打俾佢佢話已經出緊去旺角,
所以我就話晏Ｄ可能出旺角再約佢咁, 然後同皇上及太后坐巴士去旺角, 因為想去果間酒樓飲茶, 一點鬆Ｄ出到去,
我同皇上去左行電腦中心, 然後大約一點八左右, 皇上去 JOIN 太后, 我自己一個人去行信和, 不過好多都未開門,
行完信和大約兩點, 我再 CALL 個買家, 最後約左O係家樂等, 等左一陣就見到佢, 然後我再去酒樓飲茶, 實在好味呢,
因為果間野下午茶都幾抵呢!! 飲到三點幾就走喇, 然後又去左 NAMCO, 因為橫掂唔洗錢有得抽獎, 今日三個人都竟然抽中左支珍寶珠,
我開始懷疑其實部機裡面係只係有白色珠, 我想要O既襟章睇黎都冇可能再抽到, 最開始果陣明明襟章就係最差O既獎品,
但係而家襟章變左大獎!! 之後去左行花園街, 但係都冇野 ARM, 所以就坐巴士返屋企喇, 去左行百佳, 因為要買野,
然後返屋企中突然開始落雨喎, 好彩唔算太大, 同埋返屋企條路都係得幾步係會淋到呢!! 返到屋企沖完涼又睇下電視同埋上下網咁,
夜晚睇左一套叫做＜紀子的餐桌＞O既日本電影, 因為睇介紹係幾吸引咁, 但係真係睇到我又汗又黑線, 因為都唔知佢想表達Ｄ咩,
浪費左我個幾鐘 ... 唉!! 訓之前睇左一集舊O既＜我們這一家＞, 真係笑到肚都痛埋!! |
| 5/4/2007 |
|
今日冇出到街, 上下網, 睇下片咁, 大約四點入左房睇＜我們這一家＞, 不過睇左大約兩集就好眼訓, 真係唔知點解好眼訓,
所以訓左個幾鐘, 起身就 DINNER, 我開始懷疑我敏感又發作呢, 不過希望係天氣乾燥而已!! |
| 6/4/2007 |
|
今日 LUNCH 後一家人去左將軍澳行下, 人都唔算好多, 仲比平時少!! 買左少少野, 大約四點幾就返到屋企喇,
然後沖完涼就入左房睇＜我們這一家＞, 真係好好笑!! 夜晚終於睇左上星期果個特番(江原先生同嵐O既"解決現代人煩惱", 類似呢個意思)O既節目,
好感動, 第一樣感動O既係, 跟左 SAMI 幾年(真係好多年喇)O既人形公仔(?!)終於被解除左, 真係好不可思議呢,
江原先生突然間問 SAMI 有冇去過Ｄ好多人形O既地方, SAMI 都要諗左一陣先諗起有去過(ＵＳＯ, 頭髮會長O既人形),
仲話有一個人形捉住左佢隻腳, 好得人驚呢, SAMI 話個膝頭會成日痛, 但奇妙O既係, 除左之後, 真係話好返喎!!
最有趣O既係 NINO 立即問佢有冇, 因為果次外景係佢地兩個一齊去架呢!! 另一個感動係, 雅紀取材果個家庭,
江原先生話佢好唔鍾意"障害"呢個 TERM, 請理解為"個性", 真係太好喇!! 而且聽佢講完之後, 雖然唔知係咪真啦,
但係真係感覺到呢個父母親可以努力下去, 太好喇!! |
| 7/4/2007 |
|
今朝起身週身都好痛, 攪到冇咩心機上網, 所以都係 LUNCH 完入左房睇下電視, 然後睇睇下又訓左, 訓訓下電話響,
但係我又唔記得左皇上同太后落左, 我記起時已經收左線, 究竟係邊個打黎呢?! 訓下醒下到六點幾沖涼, 然後 DINNER,
好左少少, 不過都仲係有少少痛, 同埋好似好凍咁O既, 一定係作病!! |
| 8/4/2007 |
|
今朝起身上左一陣網, 就出門口喇, 上巴士仲好笑, 我一上車就將Ｄ冷氣口開返, 然後隔離果個伯伯問我係咪好凍,
我話係好熱, 然後佢話同我調位, 因為佢果個位好凍!! 早左少少到, 坐左一陣, 家姐黎到後食野, 等家姐O既過程中,
俾我見到 MC.CAFE Ｄ人其實好唔合衛生, 仲好得人驚下, 早知拍低佢啦!! 食完 LUNCH 後行街街, 又拎左支 BOSSINI 糖,
仲有幾個宣傳公仔人(見圖1~2), 另外又有派左一包 M&M 仔!! 然後去左樓上書店, 見到有本小池寫真, 真係好抵, 但點解冇我鍾意果Ｄ?!
然後又去左 NAMCO, 都係一支珍寶珠, 行信和買左兩個 KERORO 扭蛋(見圖3~4), 好平呀, $5/個 咋!! 當然有買 ENDLI 新O既 ALBUM,
＜ＮＡＲＡ＞啦(見圖5), 雖然返到屋企一拆開發現個盒爛左, 好黑仔, 心痛ING!! 行行下見到 SAMMI CONCERT O既 POSTER(見圖6), 以前O既我一定第一時間撕左佢拎返屋企,
但係自從 SARS 後我冇再咁做喇!! 行左去尖沙咀, 然後六點幾就走喇, 因為返屋企食飯!! 多謝姐姐送O既禮物(見圖7), 原來佢尋日去左海洋公園呢!
真係咁 ARM 呢幾日想換個鎖匙扣, 真係心靈相通?! 謝謝!! BTW, 遲Ｄ我又要寄野俾 YUMIKO 喇, 因為又要佢幫我抽獎,
因為買齊三隻 ENDLI O既作品(胸宇宙, 不完全, NARA), 集合三張券就可以參加抽獎, 另外今次 NARA 裡面仲有一張券抽限量版＜LIVE X ALBUM GACHAGACHA＞,
好想要呢!! |
| 9/4/2007 |
|
今日好似涼返少少, LUNCH 後同太后落左去行左一陣, O係書店見到一男一女好冇品呢, 係咁拆開Ｄ書O既膠袋黎睇,
香港幾時變成咁架?! 行左一陣返屋企, 沖完涼就睇左少少＜ODOROKI ARASHI SP2＞, 其實好耐之前O既節目, 只係太多野一時唔記得左睇呢!!
夜晚睇返 AYUMI CONCERT O既片段, 雖然 ... 我沒有去看現場, 雖然 ... 我不算是 AYU 的 FANS, 雖然 ... 有些莫名奇妙的人說了些莫名奇妙的廢話 ...
但剛才看了 AYUMI 前天在紅館的演唱會片段, 我感動得哭了 ... 一個海外歌手, 難得來到香港開個唱, 而且得到全場合唱祝賀,
這個場面真的很感動 ... 有一點後悔沒去看, 其實 $280 也應該去感受一下這種難得的感動!! 但再一次對香港的傳媒感到恥辱,
娛樂頭條竟然不是 AYUMI 的個唱, 而是某個莫名奇妙的人的話, 一個成年人, 亦身為一位代表香港的歌手, 看人家的演唱會竟然中途睡著了幾次?!
你還是坐前排耶, 還好像很理所當然的說出來, 我不太理解你的出發點(或許就是想上頭條吧)!! 還狠批人家不是唱 MMO ?!
你自己也不是 MMO 有批評人的資格嘛?! 完全 BS 你的人格!! 還在演唱會中途離場, 我完全看不到基本的尊重!!
其實我早就知道香港的傳媒什麼都是這樣, 因為每次有海外的歌手來港, 最後也只得到負面的報導! 這次真的讓我徹底的對香港的傳媒失望,
只能說一句: 千萬不要影響到日本藝人/歌手們對香港的印像! 其實看看 JOHNNY'S 有多少年沒來香港就知道, 我還是老實一點,
儲錢去日本看演唱會吧! 其實都怕他日佢地黎 HK, 又係會得到呢Ｄ負面消息, 好矛盾!! BTW, 今日係 YAMAP 生日,
祝你生日快樂~!! BTW X2, 睇左＜一公升眼淚 SP＞, 又再喊到Ｃ咁! |
| 9/4/2007 |
|
今日心情非常好, 因為今日係亞剛O既生日!! 做下功課溫下書咁, 因為今晚要 QUIZ 呢, 再 CHECK 左份 PRESENTATION O既稿,
四點幾煮野食, 然後五點幾出門 , 等左一陣先有車, 仲要俾人打尖, 話佢仲扮唔知, 點解而家人變成咁?! RELAX, 今日要心情好!!
早左少少返去, 本來諗住行十蚊店, 不過突然間想有少少改變, 所以去左行恆豐, 雖然明知冇野睇, 果然正如預想咁,
完全冇野睇, 有趣O既係見到有間店叫做"MAGO", 不過冇影到相!! 返到課室交左份稿俾 SENSEI, 然後同Ｄ同學傾下計咁,
然後 SENSEI 話上星期代課得十個人返, 仲話個代課老師冇咩人氣, 梗係啦, 連我呢個勤力學生都放自己假喎!!
大家係要知道, 我出席率一直都係 90% 以上, 有大半仲係 100% 呢(呵呵, 上年果個 SENSEI 仲因為我出席率 100% 而送左本書俾我呢),
今堂都係做下練習, SENSEI 講先知原來 NHK 係國營, 所以係冇 CM 架喎!! 然後 QUIZ, 正如所料, QUIZ O既詞語大半唔識, 因為太難喇, 果課書係講日本法律(暈), 所以早左走,
立即去車站坐車返屋企, 因為諗住去惠康買蛋糕食, 架車好多人呢!! 點知返到屋企附近果間惠康佢竟然關左門喎,
乜咁早關門架咩?! 唉, 又懶得行返幾街去便利店, 所以返屋企沖完涼, 就用餅乾+雪糕+朱古力, 整左個蛋糕形O既野!(見圖1~2),
總算 OK 吧!! 另外返學前其實O係 BLOG 寫左篇野, 係送俾亞剛O既, 一邊寫一邊覺得實在太幸福, 原來我從亞剛身上都學到好多野,
而且有Ｄ仲係一直冇留意呢!! 真係好感謝!! 另外訓之前睇左尋晚O既＜宿題君＞, 俾 SAMI 求婚果句野笑到差Ｄ噴水,
LEADER 果然係 LEADER !! (YOU BOKUTO KEKKON SHICHAINA YO) |
| 11/4/2007 |
|
今日冇出到街, 睇下片上下網咁, 睇左 WARATTE IITOMO O既春天特番, 攪到我有少少想睇菅野美穗果套, 因為有"電車男"同埋"志田未來",
係講學校O既, 幾吸引咁, 仲有就係, 我一直以為＜鬼嫁日記 -- IIOYUDANA＞係 SP, 但原來唔係, 都幾勁, 可以拍續集,
雖然冇左小池又冇左永井大, 而加落去果Ｄ人又唔識(除左 EBI CHAN), 但應該都會睇!! 石原SATOMI 果套都好似幾好笑咁,
但係男角係田口, 我又唔太想睇, 點好呢?! 咁我今季咪好忙?! 鐵定會睇 JUN O既＜BANBI~NO＞, 同埋 PP 果套＜PROPOSE 大作戰＞(原來有榮倉奈奈喎),
田中聖果套又有少少想睇, 黎緊呢好豐富!! BTW, 菅野玩 GAME 時真係好危險, 爭少少走光, 中居勁幫佢擋, 但係發現 MIHO 可愛左好多!! |
| 12/4/2007 |
|
本來今日約左 CATCAT O既, 不過改左期!! 所以去左飲茶, 有饅頭食, 太好喇!! 之後行左一陣就返屋企喇,
上左一陣網, 沖完涼就入左房睇＜ODOROKI ARASHI 2＞, 好攪笑, 不過記憶中吸塵機實驗好似 A NO 時做過咁!!
夜晚睇＜HANAYOME TO PAPA＞CH.1, 係石原SATOMI主演, 睇落都幾攪笑, 雖然唔太喜歡田口! 另外俾個 774MB O既"縣民性SP4"激Ｃ,
有咩理由 774MB 得 9 分鐘, 仲要冇聲再加上畫質咁差呢?! 攪左成日, 唉, 一場歡喜!! |
| 13/4/2007 |
|
黑色星期五!! 皇上提議去旺角飲茶, 所以一齊出左旺角, 去左 NAMCO, 又係珍寶珠!! 然後去左信和, 再去飲茶,
然後一直行左去尖沙咀, 行行下諗不如食埋 DINNER 先返去, 所以行到六點左右去左"扒王之王", 我地都係第一次去咋,
都幾好食, 不過唔係話好好食果隻, 所以去一次就夠!! 然後坐車返屋企附近, 行超市, 終於買蛋糕喇, 今日仲買一送一,
好抵買!! 返到屋企沖完涼飲下汽水咁, YEAH!! 今日都買左幾樣熊貓野呢, 因為減價!! |
| 14/4/2007 |
|
尋晚家姐 PM 話佢病左, 所以今日唔出街 LU, 要息好好休息呵!! 上左一陣網, 大約四點左右同太后落左去行左一陣,
行下書店呀, 超市呀咁!! 然後買左叉燒做晚餐!! 呀, 仲O係超市買左牛奶, 送左好多贈品呀, 係福娃呢, 有熊貓 ARM 哂我(見圖1)!!
夜晚小兔話佢幫我抽左扭蛋, 我揀左隻立體三角君(見圖2, 紅色箭咀), YEAH!! 其實寄俾步步再俾我冇所謂, 只要佢唔好再唔見,
唉, 我隻 CD 仲未攪掂, 唉! |
| 15/4/2007 |
|
今日冇出到街, 因為呢幾日真係思考緊人生O既意義, 唔係好想接觸其它人呢!! 所以選擇左O係屋企睇片, 睇左幾套 SP,
分別有深田恭子O既＜WATASHINO ATAMANONAKA NO KESHIGUMU＞, 係一套幾感人O既片, 如果真係有一日突然間發現自己好多重要事都唔記得,
真係好慘好可憐! 另外睇左＜夢二夜(莎士比亞 DRAMA SP)＞, 第一夜係井上真央O既"RIA王", 第二夜係 TAKKI 同埋長澤MASAMI O既"羅密歐與茱麗葉",
兩夜都不過不失呢, 未至於話好好睇, 但亦唔算悶!! |
| 16/4/2007 |
|
今日去左飲茶, 天氣真係好熱, 好似夏天咁, 點解會咁反常呢?! 飲完茶去行左一陣, 不過商場大裝修, 所以行得唔太舒服呢!!
返到屋企沖完涼後, 突然覺得好需要睇＜BEAUTIFUL LIFE＞, 唔知點解, 好似以前拎返呢套出黎睇都係為有少少覺得自己自信唔夠,
MA~~ 都唔想再諗太多, 一切順其自然啦, 因為點樣諗都得唔到咩改變!! 夜晚見到衛生福利及食物局請文員, 諗都冇諗就 SEND 左去,
因為返工時間實在太好, 係 7:15~16:20, 雖然係早左少少, 不過我真係情願早返早放, 時間好用好多, 都話我怪怪地架啦!! |
| 17/4/2007 |
|
今日冇咩特別, 睇下片咁, 夜晚返學, 派返上次個 QUIZ , 好低分!! 本來 5/1 PRESENTATION, 但因為下星期冇人 PRESENT,
所以 SENSEI 叫我 PRESENT, 其實冇咩所謂呢!! 睇左尋晚O既＜宿題君＞, Ｄ甜品好似好好味咁! 夜晚個舊 HDD 又有事,
唉, 好彩 SCAN 完冇事咋!! |
| 18/4/2007 |
|
今日冇咩特別, 夜晚終於睇到 F4 上＜SMAP X SMAP＞, 不過好短, 不過都少少好笑!!! |
| 19/4/2007 |
|
今日落左去行下超市咁, 買左少少蛋糕, 好好味!! 部電腦好邪 ... 唔見左好多 MP3, 唔通係前日出錯時, 佢幫我改返,
就 DEL 左錯果Ｄ FILES?! 我哭, 究竟有咩歌唔見左?! 夜晚睇左＜HANAYOME TO PAPA＞CH.2, 同＜鬼嫁日記＞CH.1(不過唔太好睇!!) |
| 20/4/2007 |
|
今朝六點出廳整返部電腦, 不過果百幾首 MP3 都係搵唔返!! 入返房又訓唔著, 所以搵返＜TO HEART＞出黎睇,
睇到 8 點幾又訓返, 好眼訓, 頭好痛!! 今日去左飲茶, 然後行左一陣買左少少野咁, 仲發生左件攪笑野, 話說行超市時,
見到 KITCHEN TOWEL 平, 然後太后問皇上買唔買, 皇上問係咩黎(因為皇上離遠咁睇), 我竟然話"呢個?! 咪 TOKYO TOWER 囉!"(爆笑),
夜晚發現, 原來我果幾十首 KERORO OST 全部冇哂, 係成個 FOLDER 冇左, 唉, 舊 HDD 你好野!! 我對你已經心淡!!
一睇, 咦?! 乜我 4 日冇寫日記咩?! 明明好似星期二同三有寫架?! 唔係咁邪下嘩?!(所以前幾日Ｄ日記好短, 因為我唔太記得做過咩!!) |
| 21/4/2007 |
|
今日上晝冇咩特別, 回下 EMAIL 同埋睇下片咁, 睇左 JUN 果套＜BANBI~NO!＞, 幾好睇喎, 不過唔太喜歡佢食煙!!
然後睇左 MIHO 果套＜我們的教科書＞CH.2, 好感人呀, 睇到喊!! 大約五點幾就出門口, 坐車出左旺角, 不過塞車,
大約 18:55 到左麥記附近, 見到 BOSSINI 派糖, 因為真係好好味, 所以排隊去拎, 兩邊都排左一次!! 去到麥記坐左一陣就見家姐黎到喇,
食完野去到地面又見有得派, 所以又排多次, 我總共拎左三支呢(見圖1), 係咪好貪心呢?! 因為應該派埋呢次冇架喇!!
然後去左信和, 買左 KINKI SINGLE 喇(見圖2)!! 不過歌曲冇咩驚喜!! 好好彩咁買到一隻熊貓扭蛋(見圖4~5), 另外都去左 NAMCO,
終於抽到襟章喇(見圖3), 不過原來好奸咁已經冇派果Ｄ卷, 所以我地拎去抽時, 個店員好驚訝呢!! 然後坐低睇雜誌,
睇完時原來已經十點半, 所以就返屋企喇, 亦因為太夜, 所以我坐小巴返屋企呢!! 夜晚上左一陣網, 訓前仲睇左一集＜TO HEART＞,
因為尋日朝突然想睇返!! |
| 22/4/2007 |
|
今日好熱又好潮濕, 冇出到街, 都冇咩睇片添呀, 係整下拍賣(雜誌), 同埋聽下歌咁, 睇左兩集＜ＫＥＲＯＲＯ＞,
真係好攪笑!! 聽日 CATCAT 返工, 希望佢努力, RELAX! BY THE WAY, 亞仁終於返黎喇!! OKAERI!! 好感動,
終於可以睇到亞仁, 唔洗隻動物威哂!! |
| 23/4/2007 |
|
今朝落好大雨, 俾Ｄ雨聲且風聲嘈醒, 好彩都係落左一陣, 朝早起身睇埋＜TO HEART＞大結局, 依然好感動!!
去左飲茶, 之後去左超級市場, 遇到一個收銀員真係唔知佢想點, 我地企左O係佢個位好耐, 佢都只係做自己野,
問佢究竟開唔開, 佢又好似聽唔到咁, 亞姐呀! 你唔開咪講聲唔開囉, 真係唔知佢想點, 最後我都係排左去隔離,
第二Ｄ人行埋佢問佢, 佢依然係好似冇人出現過咁, 真係唔知佢攪咩, 浪費哂我地Ｄ時間!! 返到屋企沖完澡,
準備寄野俾亞妹, 實在好多野都係買俾佢呢!! ARMARM 飲左兩杯牛奶, 家下有少少嘔心 ... 果然唔可以一次過飲太多!!
但尋日開左驚佢會好快變壞呢!! BY THE WAY, 今日買到把熊貓傘呀(見下圖), 好可愛架, 雖然係俾小朋友用!! |
| 24/4/2007 |
|
今日都不停咁落雨, 實在有點反常!! 睇左前晚O既＜新堂本兄弟＞, 同埋尋晚O既＜宿題君＞, 都好好笑, 估唔到原來大塚愛個屋企會係成家人一齊睇黃色影帶(爆),
另外原來 SHIZU CHAN 鍾意左雅紀, 咁又係O既, O係自己有危險時救自己, 真係好感動架, 呵呵!! 食左雲吞先返學, 幸福!!
落好大雨, 心情有少少影響, 等巴士時影左兩張相(見圖1~2)!! 今堂都係冇咩特別, 但係 BREAK 後就到我 PRESENTATION(原稿請看 BLOG),
好緊張, 係突然間咁好緊張, 幸好都完成左, 然後O係發問時間, SENSEI 竟然叫Ｄ同學話: "問題同內容冇關都可以!",
唔止我覺得驚訝, 連全班都有少少驚訝, 不過都冇人問O既, 因為我講O既內容實在太簡單!! 放學立即返屋企, 行到去車站咁 ARM 有車,
返到屋企沖完涼食左兩件蛋糕, 好味!!! |
| 25/4/2007 |
|
今日好 DOWN !! 因為好失敗, 點解 Dolores O'Riordan 個官網要呃我!! 明明話佢今日先黎 HK, 點知原來尋日黎左,
仲要O係銅鑼灣 HMV 有簽名會, 即場訂碟仲有 POSTER, 好激氣呀!! HMV 個網又係衰喎, 都冇寫到, 最衰係佢個名叫 Dolores O'Riordan ,
但係 HMV SEARCH 時係要 SEARCH Dolores ORiordan , 攪到我明明一早 SEARCH 過冇, 我仲以為香港唔興訂碟,
唉, 如果早兩日知道都可以即刻訂左有券去簽名會, 睇有線報道時, 仲話佢好 NICE, 有求必應, 嗚嗚, 我哭!!
錯過左呢次睇怕又唔知要等幾多年(或者係唔會再有機會!!), 我好 DOWN!! 唉, 之後去左 HMV 訂左佢隻碟, 唉,
個店員仲話:"而家都可以訂架, 不過冇簽名會張送!!", 我答佢:"都冇所謂啦, 都過左期咯!!(心中流淚!!)", 5月7日有得拎喇,
不過點解預訂都冇特典送O既?! 唉, 我想要簽名呀, 嗚嗚!! 唉 ... 睇黎我有排郁悶!! 然後去左行宜家, 買左張 TABLE,
幾抵!! 返到屋企沖完涼, 我就開始執下個衣櫃同埋書櫃, 因為實在太亂喇!! 執執下 DINNER, 然後再努力, 執到成夜晚十一點,
然後又再整彩頁去拍賣, 今日成日都冇睇片添, 唉 ... 其實而家仲係好悶!! 幾年前 THE CRANBERRIES 香港演唱會我又冇去到,
今次簽名會又 MISS 左, 點解我個人生咁黑仔架?! 超級郁悶~~! |
| 26/4/2007 |
|
今日去左飲茶, 然後去行左一陣, 返到屋企坐左一陣, 又覺得超市某樣野好平, 所以又同太后落過去買野!!
返到黎沖完涼上下網咁, 睇左幾段果前日簽名會O既片段, 實在太開心喇, 好羨慕呀!! Dolores O'Riordan ... 哭!!
發現好多野未睇, 因為尋日執野執左成日, 一陣要努力睇下先!! 夜晚試用 SHARE, 因為 PP 話有縣民性, 但係我又 SEARCH 唔到佢見到果Ｄ野,
攪左幾個鐘, 家下放棄左, 因為唔知點解我 SEARCH 唔到, 唉 ... 果然未黑仔完!! BY THE WAY, 今日突然收到考評局封信,
仲以為咩事, 原來係報稅資料, 嚇得我丫, 真係對"考評局"呢三個字好驚, 果然心靈創傷未好返, 我當年又衰心軟,
如果唔係真係去投訴, 不過算啦, 唉, 都過左去!! |
27/4/2007 |
|
今日冇落到街, 因為發現太多野未睇, O係 YOUTUBE 睇到 DOLORES 前晚O係香港O既 MINI LIVE 時唱＜ZOMBIE＞,
聽聞入場要 500 蚊!! 係好感動, 呢首歌大大話話都十年, 而且見好多都係十令廿歲咁(雖然我都係!), 但的確佢O既音樂唔係個個都欣賞!!
另外睇＜UTABAN＞, 先知原來 1994 年 SMAP 果首＜OOKINI MAIDO ARI＞一開始有 KINKI 講野, 不過首歌太耐,
睇黎冇咩機會搵得返!! 今日知道左, 訓前真係唔好睇＜BANBI~NO!＞, 因為一定會好肚餓!! |
| 28/4/2007 |
|
今日 LUNCH 係意粉, YEAH!! 因為尋晚睇完＜BANBI~NO!＞真係好想食意粉, 所以特別請皇上煮意粉!! THX!!
睇左＜我們的教科書＞CH.3, 好感人, 亦覺得而家Ｄ小朋友好恐佈!! 亦睇左＜田中特急 3 號＞CH.2, 都麻麻地啦,
因為栗山千明個角色有少少怪, 同埋田中聖個角色性格好討厭!! 同埋睇左＜求婚大作戰＞, 幾有趣, PP 仲講左一句"YOU tachi 最低!!",
笑Ｃ我!! 大約六點坐巴士出旺角, 早左少少去到麥記, 然後等左一陣家姐就黎, 食完野去左行信和, 買到＜SORAGANAKUKARA＞O既通常盤喇(見圖1)!!
只係 38 蚊, 雖然係見本盤, 但係係全新喎, 冇咩所謂!! 然後拎埋上次 SINGLE O既 POSTER (見圖2), 家姐買左 ARASHI SINGLE,
YEAH!! 然後去左週圍行咁, 仲去左書店, 但係個店員超級冇禮貌囉!! 嘿!! 然後去左 NAMCO, 抽到兩個襟章(見圖3),
今次應該係最後一次抽喇, 因為 4/30 到期, 之後又行下咁, 不經不覺行到差唔多十一點半!! 所以坐小巴返屋企,
返到黎沖完涼上下網咁!! |
| 29/4/2007 |
|
今日本來係一個平淡O既星期日, 睇下片咁!! 就O係我睇睇下片O既時候, 親愛O既電腦又出事, 唉, 今次竟然係一噤個"資源回收筒"就 HANG 機,
BOOT 左好多次機都唔得, 所以又安過個 XP, 但係都唔得, 最慘係我唔記得 BACKUP Ｄ網址, 好多冇左, 唉!! 攪左好耐,
發現係回收筒裡面有一個 FILE 出問題, 而呢個 FILE 係來自 F:, 用盡方法都唔得, 唯有 FORMAT 左個 F:, 因為 F: 有成十GB野,
所以又要 COPY 去第二個 DRIVE, FORMAT 左佢就 OK, 早知就洗安過個 XP 啦, 唉!! 都唔知仲咩會咁!! 然後夜晚剪片時,
又發現唔知點解個 MSN 好佔 RAM 喎, 攪到剪段幾 MINS O既片剪左成個幾鐘都未掂, 最後 CLOSE 左個 MSN 就勁快,
再開返 MSN 又冇咁佔 RAM 喎, 都唔知咩事!! 唉, 多得親愛O既電腦, 今日變得好唔平凡, 唉!! |
| 0/4/2007 |
|
今日先去左圖書館, 仲俾我搵到 SMAP O既 CD, 所以立即借左喇, 亦好多謝果位圖書館職員幫我搵到隻碟!!
然後去左飲茶, 再去左行左一陣, 不過冇買野!! 返到屋企沖完涼又上下網咁, 發現原來都有幾個網址未搵返(因為尋日安過個 XP 唔記得 BACKUP),
唉, 早知唔鬼安過個 XP 啦!! 大約五點幾, HMV 打黎話 Dolores O'Riordan 隻碟到左, 可以去拎, 太好喇!!
我聽日去拎先, 好開心, 估唔到咁早拎到, 明明係 5/7 先出, 我仲諗住要下個星期先有呢!! 一於聽日去拎左先過海啦!!
夜晚聽 SEAMO 果首＜CRY BABY＞, 好感動呀, 係真係眼濕濕, 差Ｄ狂哭果隻!! Ｄ歌詞真係寫得好好呢!! |
