 私の日記 |
| 私の日記 |
2008/02/01  |
|
今日都係冇去到飲茶, 因為藥力實在幾厲害呢!! 食左個麵後, 都係上網同埋睇片, 本來想訓覺架, 不過諗諗下, 聽日同後日都要返工, 唔想習慣左訓覺, 因為聽日仲要係我上司O係度, 雖然真係冇咩做,
不過點都唔可以好病好眼訓咁O既樣返工架嘛!! 睇左＜SMAP X SMAP＞/関ジャニ∞ O既＜むちゃぶり＞&＜ジャニ勉＞, 都幾有趣呢!!! |
| 2008/02/02 |
|
今朝好好訓, 但都訓到十點九起身喇, 因為要返工!! 一邊睇＜JAPAN NAVI＞一邊食左個麵, 比平日遲左少少出門口, 亦係戴住口罩返去,
因為除左怕我傳染人之外, 都怕佢地傳染我呢, 返到去都好得閒, 首先對下Ｄ考試名單, 之後就坐左O係度發呆!! 上司小姐叫我上下網, 唔好咁悶!!
有幾個人黎問過野, 電話響過一次, 不過我想聽時, 上司小姐話等佢接就 OK 喇!! 一直到三點, 上司小姐先開始同我講下Ｄ平時咩問題最多人問,
咁我又冇理由話我夠鐘放工嘛, 所以聽左一陣, 之後佢醒起要打俾Ｄ學生話改左時間上堂, 本來想要我打架, 但突然間佢諗起我已經夠鐘放工,
所以今日 OT 左十五分鐘!! |
| 2008/02/03 |
|
今朝都係準時起身, 之後亦係食左個麵就返工喇, 工作依舊清閒, 上左一陣網, 到 LUNCH TIME 得我一個人時, 係間唔中有人行入黎問下野咁, 不過都好好彩我應付得黎!!
今日好少電話咋, 我聽左兩個O者, 其中一個係好運桔O既, 因為佢一開始就問今日洗唔洗返學, 所以我就請佢等一等, 我就行左去拎今日個時間表黎幫佢查下啦, 之後我問佢咩班時,
佢竟然答我"我唔係呢邊架, 我係 XX CENTER 架, 不過果邊冇人聽我咪打去第二Ｄ CENTER 問下囉!!", 真係立即黑線+巨汗呢!! 不過冇計啦, 一定要答, 所以我只好話"我地呢邊係要O既, 其它果Ｄ我諗你問返佢地清楚Ｄ!!",
其它時間我都係發呆同埋發呆O既!! 呆呆下, 見到行入門口果個人好熟面口, 再望多眼先醒起!! 係太后(笑)!! 因為我返工前話約太后去將軍澳行下, 都等左半個鐘先有車呢!! |
| 2008/02/04 |
|
今日好好訓呀, 可能係天氣凍O既關係呢!! 去左飲茶, 之後返屋企, 冇咩特別呢, 因為天氣凍又唔太想行街咁!! 沖完涼就睇下片咁, 除左睇尋晚O既＜新堂本兄弟＞外, 仲諗住睇埋Ｄ＜Mentore G＞,
其實真係幾好睇, 可以知道嘉賓以前O既趣事, 不過我習慣左係唔睇估食物果一 PART, 吾~~ 可能係因為睇完冇得食好慘啦, 所以大部份都只係睇之前同嘉賓傾計果一 PART 就算喇!! |
| 2008/02/05 |
|
今日都好好訓, 本來唔去飲茶o既, 不過因為皇上要準備過年o既野, 實在太多野, 所以去飲茶, 仲攪笑O既係, 飲飲下茶, 太后離遠見到樓上個姨姨一個人坐喎,
所以我就過去叫埋佢一齊坐喇!! 傾到三點幾, 再一齊去左超市, 真係好多人呀, 好彩走時冇咩人排隊, 買完野行過見到有信用咭宣傳, 樓上個姨姨想申請, 但又冇帶文件O係身,
所以就話不如返屋企先, 之後再一齊落過去, 後黎差唔多五點, 我拎埋交收果Ｄ野同埋日文書落去, 之後太后陪我去吉野家食牛肉飯呢, 六點左右我就行到去 MTR 喇,
因為約左個買家 18:15, 點知我一去到 A 出口佢就打黎話佢都到左, 但好奇怪, 佢點都見唔到我喎, 後來講左十幾句, 佢先話O係 C 出口喎, 我真係好佩服!!
明明約左 A 出口, 我都O係電話同佢講話我O係 A 出口等緊佢, 不過算啦, 而家Ｄ小朋友係咁架喇!! 順利交收完後, 我再慢慢咁行返學, 因為實在有點早呢!!!
返到去得我一個人, 坐到差唔多 18:40 先見 CHRISTINAさん, 再過一陣就見 KENさん喇, 真係坐左好幾個字先有其它同學返, 今日都好少人返呢, 可能要團年吧!!
都唔係教左好多書咋, 真係有少少擔心教唔切呢!! 放學行行下太后打黎, 原來話樓上個姨姨煲左湯叫我一陣上去飲, 因為樓上個姨姨見我有少少咳, 所以醒我!!
順便還返把傘俾佢, 因為返學前好似想落雨, 所以佢借我用住先, 不過好彩冇落雨!! 所以我先去左佢屋企拎左盒湯先返屋企呢!! 返到屋企沖完涼就開餐喇!!
再之後同太后睇埋集韓劇, 然後上下網咁, 發現而家好似冇咩時間睇片咁O既!! BY THE WAY, 今日收到我母校寄黎O既信, 裡面有一張野係介紹新校舍架(見下圖),
Ｄ學妹真係幸福!! |
| 2008/02/06 |
|
今朝起身 LUNCH 完後都係上下網睇下片咁, 大約六點半就起程, 因為要去婆婆屋企食飯, 七點準時到達, 食完飯仲一齊政打四方城添, 不過我打左四圈, 竟然只食左三次,
所以俾返太后打!! 佢地打到成點半先走, 坐的士返屋企, 立即沖涼, 不過都兩點 LU, 聽朝仲要早起添!! |
| 2008/02/07 |
|
先祝大家: 鼠年進步、日日開心、身體健康!! |
| 2008/02/08 |
|
今日年初二, 冇出到街, 全日O係屋企睇片, 睇＜SMAP X SMAP＞時, 見到有朵紙摺O既玫瑰, 所以諗網上應該有摺法, 所以就去左 SEARCH,
搵到後就跟住摺, 估唔到真係幾難喎, 我摺爛左五張紙, 試左幾個鐘, 最後先摺到咋(見圖1), 雖然唔太靚, 不過第一次摺差唔多啦!!
宵夜食左幾塊朱古力曲奇餅(見圖2~4), 真係好好味呢!! 不過個鐵盒O既蓋好鬆, 早知唔掉個仁餅盒啦!! 希望唔好"林"哂啦!! |
| 2008/02/09 |
|
今日都係冇出到街, 都係睇下片咁, 睇左＜女神のアンテナ＞, 真係幾有趣, 好後悔我咁遲先知道好睇呢!! 再睇埋＜薔薇のない花屋＞, 同埋＜ハチミツとクローバー＞!!
DINNER 係正宗上海 FEEL (見下圖), 全部都係皇上O既傑作, 好味!! DINNER 後, 同皇上及太后攻打四方城!! 因為每年都係新年先會三個人都照打架咋! 打左十二圈,
我 ... 嗚嗚 ... 輸左 $222 嗚嗚嗚 ... !! 不過冇所謂啦, 都係一家人玩下開心下O者(笑)!! |
| 2008/02/10 |
|
今日本來冇咩特別O既, 不過大約兩點幾有電話打黎, 咁所以諗住去將軍澳做Ｄ野咁, 所以坐左巴士去, 真係好快喎, 幾個站就到喇!! 去到行左一陣,
見到有叮噹扭蛋, 所以扭左一粒(見圖1)!! 本來要做果件事, 點知唔成功, 冇計啦, 呢個世上好多奸O既人, 尤其係果一行啦!! 因為咁, 所以我地就行返去新都城喇!! 影左幾張相(見圖2~10),
仲買左杯黑珍珠奶茶飲添, 好好味呀!! 之後行到去千色店, 無意中見到有熊貓扭蛋喎(見圖11~16)!! 真係第一次見咋, 係熊貓年糕呀!! 好可愛呀, 而且 $5, 好便宜呀!!
所以不停咁扭, 不過皇上同太后在現場, 所以只扭左四個咋, 但好好彩, 四個都唔同架!! 真係 LUCKY 呀!! 其它果Ｄ希望遲Ｄ我可以O係信和買到啦!!
行到五點左右走喇, 返到屋企沖完涼坐左一陣, 就 DINNER 喇!! DINNER 完今日都係攻打四方城, 不過結果都係輸左 $90, 不過都係大家開心就 OK 喇!! |
| 2008/02/11 |
|
今朝起身, 食左個朱古力包(見圖1), 不過麻麻地好味呢!! 無幾耐, 皇上同太后返黎, 仲買左壽司+糯米飯+乾燒伊麵+上海小吃作 LUNCH(見圖2~5), 真係幾好味呢!! 價錢算便宜!!
之後我睇左一陣片, 睇埋尋晚O既＜惡作劇2吻＞, 真係攪笑, 估唔到啟太鍾意湘琴, 最正O既係, 直樹終於識擔心湘琴呢!! 睇完之後, 改左我份日文 PRESENTATION, 因為老師睇完我有少少錯左!!
再做埋聽晚要交O既日文功課, 題目係＜香港的教育＞, 真係幾難呢, 雖然話唔洗寫太多, 但係我都唔知有咩 POINT!! 所以諗左幾個 POINTS 就算喇!! DINNER 完又打返幾圈, 不過都係輸,
已經唔知輸左幾多喇(笑)!! 而家準備去睇＜新堂本兄弟＞同埋其它日劇呢, 睇左小山果集＜ロス：タイム：ライフ＞, 最後有少少感動, 不過短左少少呢, 只有三十幾分鐘!! |
| 2008/02/12 |
|
今朝都係好好訓, 呢排真係慣左好夜訓, 天氣又凍, 希望我星期五朝知醒啦, 因為果朝返好早呢!! LUNCH 食上海麵, 食完之後睇片, 因為實在積左太多片喇,
睇左＜新堂本兄弟＞, 同埋＜SMAP X SMAP＞, 同埋＜未来講師めぐる＞第五集, 五點幾煮左個"豆腐西芹味噌湯米粉"食(見圖1), 別看賣相不好, 味道可是很好呢!! |
| 2008/02/13 |
|
今日本來冇咩特別架, 成日o係屋企收消息, 睇下有咩動靜, 又睇下片咁啦!! 一直到 DINNER 後, 家姐打黎話佢放左工, 問我出唔出去尖沙咀碰下運氣, 我諗左幾諗終於決定出,
因為真係好難得潤潤會黎香港!! 所以我立即換衣服出門, 也很好運的在巴士站的幾秒間, 我選擇了一架尖沙咀碼頭沒有站的巴士, (因為我其實是在等另一架能在碼頭下車的巴士的)
也幸運的很快到了尖沙咀碼頭附近, 我一下車也很順利的到了碼頭, 立即打電話給姐姐, 剛好姐姐收到消息說潤在中環碼頭拍劇, 所以立即去坐船過中環, 在入閘前有看見有幾位飯回頭走,
但我跟姐姐不知為什麼沒跟著, 就上了船~~ 然後在船上收到消息說在3號碼頭, 一下船看見也有幾個飯跟我們一起,~ 走了不久, 看見前面有一堆人在, 我們就知道是潤了!!
所以立即走上前, 我也忘記了我有帶相機, 只是用肉眼的看~看~看~~ 途中跟潤來了一個眼神接觸!(謝謝你!!)~ 然後潤就上了一架船, 船過一會兒就開走了~ 所以我跟姐姐就坐在碼頭等,
當時大約有30人左右在等吧!! 過幾也不知多久, 看見船駛回來了~ 所以大家也很緊張~~ 不消一會兒, 看見潤下船了~~ 大家很興奮~ 很有趣的是, 有人尖叫後, 隨即有人發出"殊~~~"的聲音,
所以其實大家也怕會影響到其它人, 所以也是很乖的!! 有很多工作人員保護著潤, 當走到某一個地方時, 因為我身後有一個大大的東西, 工作人員立即說: becareful~~ 這一刻我看見了!!!!!
我看見潤看著我~(笑), 眼神還是很擔心的樣子~ 謝謝你呵!!! 然後潤潤就立即上了車, 隨即開走了~~ 雖然有人說他黑面, 不過我不太覺得, 表情很溫柔!! 感謝上天讓我跟姐姐這麼幸運的看見松本潤!!!!! |
| 2008/02/14 |
|
其實尋晚就決定左今日唔出, 點知下午收到消息話O係柏麗大道, 所以一心諗住今晚出唔到就不如下午出啦, 點知去到巴士站時收到 ALLEN 個 SMS 話係假消息,
不過諗住橫掂落左樓, 即管去睇睇咁啦, 點知出到去真係假O既!! 同幾個飯傾左一陣咁, 一直到五點都冇消息, 所以就坐車返屋企喇! 返到去沖完涼食完 DINNER,
諗住安心上網, 因為聽朝早起返工, 但家姐打黎話 F4+杉菜 O係碼頭喎, 咁 ... 活在當下嘛!! 所以決定都係出去, 因為可能 MISS 左今晚就真係冇機會見到真人!!
我承認我係幾傻架, 不過我已經好冷靜, 因為如果係 KinKi 的話, 我諗 ... 我失左控!! |
| 2008/02/15 |
|
其實四點幾先訓著, 7:30 起身, 食左幾塊餅, 上左一陣網, 大約 8:20 出門口, 等左一陣電梯, 好彩準時返到 OFFICE, 仲收到上司小姐O既開工利是!!(謝謝!!),
我仲以為今日會好多人排隊, 同埋以為我係做收 FORM 果個, 原來唔係, 我只係做跑蹆, 即係定時 PRINT Ｄ資料貼出去, 同埋幫人影下印咁, 全個 OFFICE O既人都好似好多野做咁,
我就坐足咁耐(笑)!! 不過真係比預期中少好多人! 所以做做下都冇人喇!! 真正忙只係半個鐘左右吧!! 後黎我幫手入返今朝報名O既資料, 都好似得唔夠 30 個!!
做到 12:15 已經好得閒咁坐下咁!! 放工之前有個同事問我返唔返埋下午, 所以我就應承左, 返屋企食左個麵, 之後就返去繼續搵錢!! |
2008/02/16 |
|
今朝 10:45 起身, 食左個好豐富O既早餐, 大約 11:50 落樓, 返到去早左個幾字, 咁 ARM 電話響, 所以就聽啦, 點知就遇著一個家長打黎, 講講下佢話唔同我講,
所以我將個電話 PASS 左俾同事, 佢都講左幾個字先收線, 之後果個同事同我講話呢個家長係好麻煩, 完全唔係我O既問題!! 之後坐左O係近門口果個位度上下網咁,
都其實冇咩野做, 因為的確係冇咩人, 電話響左幾次, 我都係聽左兩個左右O者, 入黎O既市民都係冇咩特別野, 好好彩應負到, 上過去幾次開下門咁, 不過真係好過坐O係度悶,
雖然話有得上網, 不過其實又唔敢亂上網頁, 所以都係去 YAHOO 同報紙睇下咁!! 見到東方有尋晚潤潤張相呢!! 三點放工, 返左屋企, 太后話不如去食下午茶,
所以過左一陣就落街食下午茶喇!! 之後再行左一陣就返屋企, 返到屋企沖完涼就 DINNER, DINNER 完正準備攻打四方城, 因為諗住聽日放工會會合家姐呢!! |
| 2008/02/17 |
|
今朝都係 10:45 起身, 因為都要返工呢, 食左兩塊麵包, 因為太早又唔係太食得落野!! 食完再坐左一陣就出門口喇, 早左兩個字返到去, 所以去左洗手間一轉先慢慢出返黎,
今日終於冇咁悶喇! 因為終於有野做下, 等我過下日晨! 就係將Ｄ學費收據要分返開佢星期幾O既堂, 俾我果個人話佢已經排好字母O既次序, 令到我可以容易Ｄ搵, 不過 ...
我一睇, 就發現根本就係唔跟次序, 係就係有少少係同一班人就放埋一齊咁, 但絕對唔係排左字母次序呢! 所以最後我都係依照返我O既做法, 因為我係專登慢慢分架,
因為反正得呢樣野做, 其實又真係幾好玩(笑)!! 其間有幾個市民/家長黎問野, 好彩大約都 OK!! 電話我就冇聽喇, 因為我坐果度離電話唔近!! 下午個 PART TIME 早左半個鐘返,
因為佢上星期遲到左半個鐘, 所以要補返吧!! 我Ｄ收據大約攪到兩點左右, 多謝同事請我食士多啤梨, 真係好甜呢!! 之後再上網睇下有咩 JUN O既消息, 原來佢地今朝走哂 LU!! 14:45 再去多轉洗手間,
15:01 就走人喇!! 立即返屋企, 亦因為好餓, 所以煮麵食, 再約左家姐 16:45 信和!! 大約 16:05 出門口, 好快就出到旺角呢!! |
| 2008/02/18 |
|
今日本來去飲茶, 不過皇上個朋友打黎約去飲茶, 所以我 PASS!! 煮左個麵食, 再上下網, 再攪下Ｄ拍賣咁, 唔經唔覺就四點幾, 所以又煮左個麵食, 因為今晚要兼職,
而且改左時間, 比平時早左三個字!! 準時返到去, 今日好熱鬧, 因為比平時多同事留低!! 首先將Ｄ收據放返去點名簿, 我尋日果然有先見之名, 因為尋日已經順哂次序,
因為知道佢會叫我放返入點名簿呢!! 做左大約半個鐘吧!! 之後就係整點名簿, 今次做法唔同, 因為上次整O既係外展班, 但今日整O既係訓練班, 好方便, 因為只要打個班號,
佢就會自動出哂Ｄ內容, 我只要 SAVE AS ... 就 OK, 一共整左 129 班, 整到大約 19:30 吧, 去下洗手間咁, 到左八點就上去鎖門, 不過有兩班好唔準時, 所以攪到我要等佢地落堂,
有一班仲成 20:10 都仲未想走添, 所以攪到個同事衝上黎入去叫佢地落堂, 仲話日後如果遲左落堂, 叫我可以入去同老師講聲, 唔洗驚!! 因為咁, 比平時遲左放工!!
返到屋企沖完涼就食左碗飯, 仲加左紫菜同埋日本買果Ｄ粉黎食(見圖1~2), 好好味呢!! 之後上下網咁, 終於有時間睇返片呢, 睇左尋晚o既＜惡作劇2吻＞, 當湘琴爸爸同直樹講:"你們兩個的事情,
爸爸我是管不了, 不過我希望你了解一點, 你們兩個是要一起走一輩子的!!", 聽完呢句突然感動到喊左出黎呢!! |
| 2008/02/19 |
|
今朝起身時, 聽到"肥肥"已經離開人世, 其實有少少意外, 希望佢可以安息吧!! |
| 2008/02/20 |
|
今朝起身, 食左個雞扒意粉, 再上左一陣網, 大約 13:50 出門口喇, 因為今日 14:00 有工開(YEAH~!!), 去到果位同事 LUNCH 未返, 所以我坐左一陣, 再聽埋上司小姐想我今晚做咩,
果位同事返黎後, 我又開始做返我上次未完成O既野, 其實剩返好少未攪咋, 係分類麻煩少少, 做下又食下野咁, 原來公司都幾多野食呢!! 一路做到 17:40, 咁就完成喇, 所以確定左我攪掂哂,
果位同事仲話我做得快!! 其實 ... 有計劃的話, 真係好快可以攪掂呢(笑)!! 因為夜晚返 17:45, 所以去一去洗手間, 再飲下水就開始夜晚O既工作喇!! 首先係打返Ｄ資料去 EXCEL,
雖然只有幾十個資料, 不過我怕Ｄ數字會錯, 所以核對左兩次!! 再之後就記錄Ｄ CHEQUE 同埋收據O既資料, 其實都係好容易呢!! 大約 19:30 完成吧, 所以又去下洗手間, 又飲下水咁,
再睇左一陣報紙, 之後上去鎖門喇, 今次只需要鎖一層咋, 好彩都好順利, 大約 20:15 返到屋企, 原來皇上同太后等埋我 DINNER 喎, 所以拿拿聲沖涼, 之後就 DINNER 喇!! 之後上下網咁,
個 BLOG 依然係唔得呀, 點算好呢?! BY THE WAY, 今日返工時, 有個 MISS 派利是俾我, 其實真係好意外, 因為見就係見過幾次, 不過我又唔知佢姓咩, 佢又唔知我叫咩名喎, ANYWAY, 真係多謝哂!!
果然新年後開工好正呢!! |
| 2008/02/21 |
|
今朝都冇咩特別, 先頭諗住去飲茶, 不過後來都係決定煮野食!! 食完後皇上同太后出左去, 我就上下網咁, 不過都冇咩點睇片, 主要係整返個 XP,
因為尋晚十二點時, 懷疑係我個 XP 有事, 所以攪到 UPLOAD 唔到去個 BLOG 度, 不過整完後都係咁, 即係唔關 XP 事!! 之後上網睇到有個人同我一樣係咁情況,
而大家都係 I-CABLE, 早Ｄ出聲咁我就唔洗攪個 XP 啦, 要安返好多軟件, 不過都好O既, 可以清左Ｄ唔要O既軟件, 不過依然 BLOG 有問題,
今日試左好耐先出到一個 POST 咋, 但係 UPLOAD 唔到相就好麻煩, 因為我個 BLOG 主要都係照片為主!! 只好等多幾日, 好返先再補返Ｄ圖啦!! 希望佢快Ｄ好返啦!! |
| 2008/02/22 |
|
今日去左飲茶, 食左好多野, 之後同太后行左一陣, 又見到果個熊貓扭蛋機, 所以抽左兩粒, 有一粒係我冇架(見下圖), 所以我而家只係爭一隻咋(粉紅色杯果隻!!),
今日果間店有散賣, 不過要十蚊一隻, 真係貴左少少, 所以等遲Ｄ睇下信和會唔會有果一隻散賣啦!! 行完後返左屋企, 睇左一陣電視, 沖完涼後上左一陣網, BLOG 大哥依然未好返,
真係好困擾呢!! DINNER 後同皇上&太后攻打四方城, 又輸左喇我!! 訓之前終於有心機睇返Ｄ日劇, 選左＜だいすき＞黎睇, 真係好感人呢!! 聽日 LUNCH 有得返兼職(YEAH!!),
希望唔好太多電話啦, 因為我都唔係好識答(笑)!! |
| 2008/02/23 |
|
今朝 10:45 起身, 之後食左個麵, 12 點前就返到 OFFICE 喇!! 今日都好彩, 有野做唔洗咁悶, 不過都係好簡單O既野, 核對下點名簿Ｄ名,
之後又係寫 CHEQUE 同收據, 再呆坐!! 太后 14:57 打黎話樓下等, 所以再呆坐左一陣就夠鐘放工喇!! 去到屋企樓下, ARMARM 皇上同太后落到黎,
行左去淘大＜大快活＞食下午茶(見下圖), 食完再行左一陣就返屋企喇, 沖完涼太后話想打牌, 所以又打左一陣,
當然係輸啦, 邊夠佢地打丫(笑)!! 打完 DINNER, DINNER 完就上下網咁, BLOG 大哥依然係未好返, 其實我覺得係 I-CABLE SET 左野, 所以先用唔到,
因為我目前知道連埋我有 3 個人都係呢個情況, 而有向 FC2 反映, 不過我相信係因為太少用 I-CABLE O既人又有用 FC2 O既 BLOG , 就算有都唔太識日文所以冇去問到,
其實我想去問下 I-CABLE 架, 不過唔知點問好呢, 因為我又唔係去唔到 FC2 喎, 係去到 LOGIN 到, 只係 UPLOAD 唔到 FILES 咋, 而 POST 呢,
時得時唔得咁, 所以我都唔識點問 I-CABLE 好, 而且加上唔知道 FC2 改左Ｄ咩呢, 所以 ... 只好等!!! 我又唔想搬 BLOG 喎, 因為 FC2 真係好好,
起碼用左年幾都冇咩問題, 係今次咁O者, FC2 大哥, 希望你快Ｄ好返啦, 俾俾面!! |
| 2008/02/24 |
|
今朝都係 10:45 起身, 之後煮左個麵食, 再坐左一陣就返工喇!! 今日又回復返好得閒O既狀態, 因為冇咩人, 亦冇電話響過, 我只係打左十幾個電話叫Ｄ人黎拎返張 CERT 咋,
其實又冇想像中咁緊張喎, 無驚無險又到三點, 放左工立即返屋企, 順便修下Ｄ頭髮!! 沖完涼就食左少少野, 之後上左一陣網, 再攻打四方城, 今次我嬴左五十蚊呀(呵呵!!), DINNER 食燒鴨(見下圖),
之後再試下個 BLOG , 今日仲衰, 前幾日都起碼可以O係舊管理版面度出 POST(試十幾次就 OK), 今日唔得添呀!! 快Ｄ攪掂佢啦求求你!! 一定係 FC2 唔知咩 SETTING 係俾 I-CABLE BLOCK 左,
最衰真係唔識點問 I-CABLE, 因為我都唔佑佢升級左Ｄ咩野, 咁又點問呢!! 唉 ... BY THE WAY, 下星期昌有得返多幾個鐘, 真係太好喇!! |
| 2008/02/25 |
|
今朝 8:30 起身, 食左兩塊麵包, 之後就出門口喇, 因為有少少野做要過海, 坐巴士好快就到呢! 行左一陣書店, 之後就去左一個地方做少少野, 好快就走得,
之後行返去 ifc 再行去碼頭, 真係好懷念個幾星期前O係中環碼頭見到 JUN, 真係好懷念!! 坐船過返尖沙咀, 見到有一間賣手信O既店, 見到有中國式O既印章,
可以刻名果Ｄ, 本來想整個俾 YUMIKO, 不過因為佢冇寫價錢, 所以冇問, 因為冇寫價錢就代表任佢講, 同埋唔會平呢!! 本來諗住行去旺角飲茶, 不過行行下,
皇上又話不如返屋企附近果間飲, 所以就坐返巴士返左屋企放低野, 再坐左一陣就落左去飲茶!!(剪影見圖1~18) |
| 2008/02/26 |
|
今日 LUNCH 完做下日文功課咁, 先醒起下星期就要 MID-TERM 喇, 真係仲未開始溫書添, 睇黎真係要努力Ｄ!! 3/18 PRESENTATION 用O既 POWERPOINT 我仲未整呀,
真係點解近排好似做極都做唔完咁!! 再去睇返 FC2 個 BBS, 見到有一個人回答左解決方法, 原來就係要 SET PROXY 去 proxy.i-cable.com 8080, 唔講我真係唔知呢,
因為一直都冇用到 PROXY O既, 亦因為咁而完全冇諗過係呢個問題, 但係用得返 FC2 我真係好開心呢, 所以立即將呢一個星期O既相上傳返上去, 五點左右食左湯飯,
之後準備返學, 近排好奇怪呢, 因為Ｄ同學越黎越遲返學呢, 今堂都係教書, 不過好擔心下堂O既 MID-TERM 呵, 因為真係好似好多內容咁, 但又好似識與唔識之間,
我真係要努力, 好唔好星期日帶埋本文法書返工睇呢?! 到時先算!! 放學返屋企, 沖完涼飲左碗湯, 再食左幾塊餅咁, 之後又上網喇!! 發現開左 PROXY 後,
個 BOX 唔係好用到, 所以唯有以後寫 BLOG 時先開返個 PROXY 啦! 都好方便呢!! |
| 2008/02/27 |
|
今日起身後煮左個麵食(見圖1), 再睇下電視, 上下網咁!! 三點幾個買家突然打黎話交收, 所以立即換衫出門口, 因為本來佢話四點半架嘛,
去到交收完又返屋企, 整下 PRESENTATION 要用O既 POWERPOINT 咁, 不過未完成!! 到左五點左右又食左大半個麵(見圖2), 準時返到 OFFICE,
今日都好得閒, 首先又係整理下Ｄ收據同 CHEQUE 咁, 之後整理下Ｄ文件咁, 再食下野, 又睇下雜誌咁, 再去鎖門就走得喇!!
返到屋企沖完涼, 就食米粉, 之後一邊睇電視一邊上網, 睇左有線播果套＜陰陽愛＞, 好似怪怪地咁呢!! |
| 2008/02/28 |
|
今日冇出到街, O係屋企上左一陣網, 之後就開始溫書計劃喇!! 目前叫做溫左四課書啦, 不過發現真係唔係講笑!! 一邊溫習一邊想大叫"大変だ!!", 不過始終都係要溫,
因為下星期二 MID-TERM 喇!! BY THE WAY, 三點左右食左個內鬆西多(見圖1)做下午茶, 真係幾好味呢!! |
| 2008/02/29 |
|
今日係四年一次O既 2月29 日, 感覺幾特別呢!! LUNCH 食左意粉, 之後又開始溫書計劃, 總算將要考O既課文都溫左一次, 亦幸好文法唔算太多, 係詞彙比較多Ｄ, 但會出選擇題, 所以都唔算太擔心呢!!
三點幾食左兩塊紅豆多士做下午茶(見圖1), 唔好睇個賣相唔靚呀, 真係又簡單又好味架, 抜群うまい!! |
