明けまして、おめでとう！！

先祝大家身體健康! 日日開開心心!!

今朝 9:30 鬧鐘響, 不過都訓到 10 點幾, 起身食左件西餅, 11 點幾就出門口喇, 坐 MTR 去上環!

早左好多到, 所以行左一個圈, 午餐地方係西港城O既 大舞台飯店(見下圖), 食左唔太多野, 不過實在太貴!! 肥佬姑姐請, 因為佢地聽日返英國 LU!! 一路順風呵!!

食完大約 14:45 吧, 行左一陣再坐 MTR, 同太后去左行 新都城, 好多人呀, 不過冇野 ARM 買, 所以就返"別墅"喇!!

沖完涼上下網咁, 再 DINNER, DINNER 完睇下電視咁, 之後再上網, 同 上海姑娘 傾左一陣!!

而家天氣咁凍, 我怕後朝起身返工好辛苦, 希望起到身啦, 同埋我都諗緊果日食完飯我點返 OFFICE, 因為我食 12:30 - 13:30, 但另一位同事應該食 13:00 - 14:00, 點算好!! 不過一於果日睇下點!!











ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

尋晚個夢 ... 好怪!!

今朝 11 點左右起身, 坐左一陣就同太后起程去 APM, 先去 IPSA 換野, 再去左吉之島買野, 買左壽司!! 再拎埋 APM 張 VIP 咭, 送左排顏色筆(見圖1)!!

14:00 左右返屋企放低野再去左飲茶, 飲完茶去超市買左少少野! 返到屋企坐左一陣, 皇上同太后 17:00 左右就走喇! 我就執下野, 之後就去左沖涼!! 今日試上星期買果包櫻花味入浴劑, 香味唔太重, 都唔錯呢!! 不過如果Ｄ水係粉紅色更好, 可惜而家係橙色!!

上左一陣網, 煮左個米粉食, 雖然係買左壽司, 不過都係留返聽日返工 LUNCH TIME 食!!

今晚一定要早訓, 因為聽朝要 7:30 起身!!

再貼上早幾日太后買俾我O既小東東(見圖2)!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 7:30 起身, 因為返 8:30, 食左幾塊餅, 再上左一陣網就出門口喇!!

今日又唔算太忙, 不過好體力勞動, 首先上去開門+拎返Ｄ過期O既 DM 落黎, 點知原來直接掉就 OK, 我仲豬到拎返落 OFFICE, 重死!! 之後再 CHECK 左一陣野(最慘係叫我做果位同事都唔知其實要點 CHECK), 聽下電話, 再入左一陣 DATA!! 其它時間就係上下網/傾下計/睇下書, 我帶左家姐借我睇果本＜FUN FUN 馬後炮 楊丞琳 VS 彎彎＞, 都幾得意!!

本來更表寫 12:30 LUNCH, 不過 12:45 先放, 因為 12:45-13:45 先係 LUNCH TIME, 唔知點解上司小姐編左 12:30, 返屋企食尋日買O既壽司(見下圖), 再睇左一陣片, 夠鐘又返工!!

都係咁啦, 再次體力勞動, 因為要一個人推返個箱入去, 雖然話有碌, 不過我超級驚佢會反!! 好彩都安然無事!!

再同同事傾下計咁啦, 講下佢聖誕去台灣旅行O既趣事!! 之後幫個亞 SIR 影印, 明明佢話影一份, 影左一半佢先話要 15 份, ... 之後好幾次Ｄ學生落黎話要開課室門, 但明明開哂架嘛!! 上到去原來係要開儲物室, 今日係起碼發生左 3 次!! 課室同儲物室唔係好似樣咋下嘩!! 仲有個家長打黎, 話今日樂理佢返唔到, 我查過明明今日冇樂理班, 咁我就問佢邊班啦, 點知佢話:"呵, 我唔係呢個 CENTER 架, 不過我想打黎睇下應該點做咋嘛!!", 我咪同佢講:"咁你一係打返去你果個 CENTER 問啦!! 我唔可以代佢地答野!!", 真係返一日工O者, 咁多奇人奇事O既!! 所以 ... 我開始懷疑我可能真係火星人!! 點解Ｄ地球人講野咁難明O既!!

17:15 本來走得架喇, 果個 MISS 又玩野, 佢專登慢慢黎, 雖然我知道佢係冇惡意, 之但係阻我收工就好啦 BABY!!月所以 17:30 先走, 放工立即返屋企, 沖完涼上左一陣網, 再煮左米粉食!!

食完又上網同 YAN 傾計, "立"左幾眼 勁歌頒獎禮, 腦中只不停咁諗:"點解而家Ｄ所謂歌手唱得咁嚇人O既?! 點解家下Ｄ新人咁怪O既, 唱得差不特止, 加上又唔型又唔靚又唔可愛, 但係 ... 唔識講!!", 定係我哈左日後, 升左華?!

BY THE WAY, 當我想 PRINT 張野去換野時, 個 PRINTER 竟然壞左, 真係唔知�梼�, 上兩個星期仲用緊架, 困ったなぁ〜〜!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝超級好訓, 可能真係同天氣凍左有關!! 11:30 鬧鐘響, 之後我開左個電視, 但又訓返, 太后差唔多 13:00 打黎我先醒!! 仲要醒左再睇埋新聞, 再睇左兩段＜麥兜菠蘿油王子＞先出去煮野食!!

煮左個米粉(見圖1), 食完就上下網咁, 整左一陣 PRINTER, 但係都唔掂, 印野依然係得左右有色, 中間一片空白, 真係唔知�梼�!!

4 點幾突然間諗, 不如落街行下, 順便去換 SAMPLE, 所以就將張 COUPON 縮到好細張, 再轉一轉方向黎印, 起碼都睇到換到�� SAMPLE 果行字, 我都要印左兩次先完成到一張, 其實我都幾聰明呢!!

差唔多 5 點先出門口, 因為諗住行完返黎沖涼就 ARM!! 先去左�ｺ福, 換左 SHISEIDO SAMPLE(見圖2), 雖然我張怪 COUPON 嚇親個 BA, 不過都順利換到, 好靚架, 係玻璃樽架, 好高貴咁!! 再去左 IPSA 換埋份 SAMPLE(見圖3), 同之前換果包唔同架喎, 但係我又唔知有�燈ｪ別呢!! 本來想去影賀年佈置, 但係好失望地, 仲未整好(見圖4~5)!! 只好下星期再去睇下啦!!

再去左淘大行左一陣, 多左好多店呢, 不過都唔會買O既, 去左唯一果間 DVD 店, 諗住買＜花樣男子 FINAL＞DVD, 見到有呀, 仲送閃咭一套, 但係天然的我 ... 又發作!! 想拎去俾錢時, 先發現我冇帶銀包, 只係拎左身份証同埋八達通!! 所以只好唔買住!! 之再去左麥當當, 用八達通買左兩個蘋果批就返屋企喇(見圖6)!

返到屋企 18:00 左右, 沖完涼就煮野食, 本來諗住就咁食兩個蘋果批架, 不過諗諗下又想留返一個聽日食, 所以搵到包過左期O既長通粉煮黎食(見圖7~8)!! 都幾好味呢, 食完長通粉同埋菜, 就食左一個蘋果批, 雖然冇菠蘿批咁好味, 不過都還算不錯呢, 而且 $5/個, 真係好抵食!!

之後上下網, 同 YAN 傾左一陣, 再睇下電視咁!! 食左盒 桂花味豆腐花 (見圖9), 其實我都唔係好知桂花係�当｡!!

再睇埋家姐借我果本＜洋蒽頭腦殘檢定＞, 都幾有趣, 不過就有少少呃錢, 因為裡面其實得 6 個檢定, 我測完後, 我算係中間啦, 有Ｄ都講得幾準架, 結論裡面有句係"事實上, 你的腦殘程度不算太嚴重, 問題是發生得很隨性、很偶然, 導致別人和你自己都忍不住懷疑自己到底有沒有智力上的問題 ...", 所以其實都幾準啦, 都幾有趣!! 不過其 實我成日都係咁"中堅份子", 即係果Ｄ: 讚又未到, 又未至於鬧 果種人!! 中途半端だよね！







ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 11 點左右太后打黎, 約我去 大快活 LUNCH, 所以起身再準備出門口喇!!

O係 大快活 等左一陣, 會合左太后後, 先食 LUNCH (見圖1), 之後行左一陣淘大, 再去左 APM, 有去換 SAMPLE (見圖2), 再行左一陣就去左行 吉之島超級市場, 又買左壽司呢!! 行到兩點幾就走喇! 我行路返屋企呢!!

返到屋企 15:00 左右, 收到之前 GETJETSO.COM O既禮物喇(見圖3), 真係好!! 16:30 左右再叮返尋日個蘋果批食, 好好味呀真係, 睇黎我又愛上左蘋果批喇!! 之後再睇左一陣片, 夠鐘就返工!!

上司小姐話上次我整O既野有漏, 但其實唔關我事, 係個 SYSTEM 有事, 所以當我 DOWNLOAD 個 LIST 落黎再整時, 有Ｄ人就漏左俾我 DOWNLOAD, 雖然其實唔係我O既錯誤, 但係都有少少唔知點咁!! 好彩上司小姐冇責怪我!! 之後繼續入下Ｄ成績咁, 發現而家Ｄ家長都幾有趣, 明寫左只係要填某幾個公開考試成績, 同埋亦寫左只係某段時間考O既先要, 但係就千奇百怪, 仲有好多係自己走去刪改張 FORM, 佩服!!

做到 19:00 左右, 上左一陣網, 再食左件 �穀�酥(見圖4~5), 不過竟然完全冇�穀ヶ｡!! 夠鐘又去鎖門, 不過我鎖唔到個電腦鎖, 最後要麻煩個同事上去幫我鎖, 真係唔好意思!! 夠鐘又走人!!

返到屋企沖完涼, 再洗衫, 煮菜食, 再加今日買O既壽司(見圖6), 其實仲有一盒架, 不過聽日午餐黎O既, 我將呢盒同聽日果盒Ｄ內容變動左少少, 食完好滿足, 真係好好味!!

之後睇左一陣電視, 再上下網睇下片咁!! 終於開始整隻熊貓, 因為諗住送俾同事(盜墓者)做結婚禮物, 但意外地整個頭都整左兩個鐘, 果然太耐冇整係慢左好多, 所以聽晚再努力整埋個身!!!

聽日返 11:00 , 要努力!! 帶唔帶書返去睇好呢?!





ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 10:00 起身, 食左幾塊杏仁餅就返工喇!!

早左少少返到去, 上司小姐唔記得叫左我返工, 真係攪笑!! 工作唔算太忙, 打下字咁啦, 都有時間睇下書/上下網咁!!

天然事發生喇, 話說做做下野想去問下個同事一Ｄ野, 明明望到我"CAKE"唔到地下條電話線我先繼續行, 點知行行下感覺到有野o係我隻腳"cake"住, 正常黎講應該會停低望下�梼�, 但係我竟然冇停低, 繼續行, 枱面個電話就應聲咁俾我迫佢跳樓!! 而正常黎講, 係應該立即執返個電話, 但係我仲要望住個電話幾秒, 仲意圖去問完同事野先至執, 當我想行去問野時, 先突然醒覺....要執返先!! 不過好彩唔係我跌低咋!!

LUNCH 返屋企食尋日買O既壽司(見圖1), 真係好好味呀, 日日食都唔會悶!! 夠鐘又返工!!

呆坐左一陣, 又睇左一陣書, 再整理下文件, 又幫其它同事做下野咁, 做到六點幾就繼續入埋Ｄ成績, 不過好快入完, 所以就到左我開餐O既時間, 食左粒朱古力(見圖2), 同埋一件鳯梨酥(見圖3), 幾好味喎!! 夠鐘放工走人!!

返到屋企突然想煮飯食, 所以煮落飯先去沖涼, 沖完涼整左大餐, 有雞扒+豬扒+臘腸(見圖4), 好好味!!

再洗衫(手洗)/洗地/做面膜, 好忙呢!!

再同 YAN 傾到成 1 點, 好攪笑, 今日最後一個話題係"滅火器", 佢仲多左個筆名叫"夜羅依"(笑)!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝訓到 11 點幾, 叮返Ｄ飯食, 不過突然間好頭暈, 係暈到要訓O係梳化度一陣先冇事咋!! 不過 LUNCH 食左幾啖我就食唔落!!

精神好返Ｄ就繼續整隻熊貓, 先頭諗住返工前一定整到, 點知最後爭個鼻同埋咀先整掂, 所以都係星期五先送俾"盜墓者"喇!!

今日返 15:00, 因為係先幫裡面O既同事整野, 但係我又再次俾紙整損手流血, 而家太多惡菌, 所以用左火酒紙消毒, 不過好似慢左少少 ... 好驚!! 做左兩個鐘左右, 就攪掂左 152 個牌仔喇!! 其實我係懶得用果個 CUT 紙機咋, 因為果個好難用!! 攪掂又坐左一陣, 同"盜墓者"傾左幾句, 好攪笑!! 之後再慢慢整理下文件咁, 整理果十幾份我超級慢咁整左一個鐘, 之後本來要繼續入成績, 不過又得一份, 上司小姐話唔好整住, 所以我就坐下同埋食下野咁!!

夠鐘鎖完門走得!! 返到屋企沖完涼食飯, 食完又上下網咁, 無意中睇到少少＜珠光寶氣＞, 其實我諗 ... 係編劇問題定觀眾問題?! 我真係完全唔明白點解一套咁老土O既劇集可以咁收得 ... 真係老土到得人驚!!

再整埋隻熊貓仔, 終於整好喇(見下圖)!! 星期五返工可以送俾"盜墓者"喇! 希望佢鍾意啦!!!

BY THE WAY, 今日O係休息室做緊野時, 突然聽到上司小姐問另一個同事:"如果我想申請個滅火器, 係咪要填 FORM ..."(之類啦!!), 不過我重點係, 尋晚同 YAN 傾有關 滅火器 O既話題, 再加上突然聽到呢句野, 我真係爆笑左!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝好好訓, 醒左仲好無聊咁睇左一陣電視!!

13:00 左右叮返個飯食, 不過好奇怪, 叮完之後食左兩啖, 發現凍O既, 所以我不得不懷疑我係噤左"解凍"功能!!

食完 LUNCH 睇下片咁, 實在太多野未睇喇, 但係睇極都仲係咁多喎!!

16:08 左右 KEN さん 打俾我, 約左O係 MTR 等, 所以我就換衫落街, 先去左銀行"打簿", 因為唔知仲�盗q晚開始就突然間好想"打簿"!!

去完銀行再行返去 MTR 就時間 ARMARM 好, 企左 2~3 分鐘就見 KEN さん 喇! 要麻煩佢拎返上年張 日語高級文憑 俾我(見圖1), 真係麻煩哂!! ありがとうね！！

拎完後就去返淘大, 行左一陣, 再去麥當勞買左兩個蘋果批食(見圖2), 我又愛上左蘋果批喇!! 仲送左一包三個O既利是封俾我添(見圖3)!! 買完就返屋企喇!!

收到上個月O既糧單, 其實平時都冇�祷b對架, 但今日唔知仲�涛ﾋ然間想對下!! 就發現上月人工少過我自己計O既差唔多一百蚊, 所以再細心對下! 我終於發現左原來我寫漏左一日呀, 點解我咁唔小心架!! 只好聽日返去同上司小姐講啦, 應該冇問題O既!! 我終於都知道點解尋晚開始咁想"打簿"喇!!

我真係天然到冇藥救!! 而且我好有信心可以成日更新"天然の事件簿"呢個類別!!

為左改變 ... 我剪左頭髮!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 8:30 起身, 食尋日買果個蘋果批, 再睇左一陣片就返工喇!!

送左隻熊貓仔俾"盜墓者", 之後整左新一期外展班O既時間表, 再聽左好多電話, 原來朝早先係最多電話O既!!

上司小姐返黎再同佢傾左幾句, 之後我就夠鐘放工喇!!

返到屋企, 收到之前網上遊戲得到O既 LaVie 眼霜(見圖1), 之後再上左一陣網, 食左粒 甘脆 朱古力(見圖2), 好好味呀!!

再執埋野, 坐左一陣就坐 MTR 去 坑口 飲茶, 飲完茶再行左一陣, 返到"別墅"沖完涼就食左兩個蛋撻, 再上下網咁, 終於睇左＜JOHNNY'S COUNTDOWN 08-09＞喇, 不過今年唔太好睇, 始終同以前感覺好唔同, 主場冇左 KINKI, 雖然有連線, 但係始終爭少少!! 驚喜O既係有 UCHI, 我真係估唔到!! 見佢可以出返黎唱歌, 真係好感動!! 可惜今年冇 TOMA ..., 總之今年真係冇咁好睇!!

DINNER 打邊爐, 我講左我呢排發生O既天然事俾皇上同太后知再, 皇上不禁問我:"你究竟係咪俾外星人捉左?!"(笑)!! 之後上下網/睇下電視咁, 再上下網!!

將軍澳呢邊真係好凍!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝本來 11:30 鬧鐘響, 但又到 12:30, 起身 LUNCH 後, 上下網睇下片咁!!

15:00 左右同太后落左去行左一陣, 買左兩個熊貓印仔(見圖1~2), 再去左 大快活 下午茶(見圖3), 再買左個滿佈糖O既冬甩(見圖4), $5.5 咋, 好抵食, 而且好好味!! 再行過 2%, 買左件衫(見圖5), 減左價只係 $75, 簡單得黎唔簡單呢!!

18:00 左右返去, 沖完涼上下網咁, DINNER 完睇左一陣電視!!

將軍澳呢邊真係凍過出面好多, 家下我對手都好冰呢!!





ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 10:30 JUN 叫醒我, 但係唔成功, 我又訓到 12:00!!

LUNCH 食左碗通心粉, 再上左一陣網, 13:40 左右就出門口喇, 坐 MTR 去旺角, 早左好多, 所以行左一陣朗豪坊!!

坐 MTR 時, 仲見到"娛樂快訊"有講 HINA 同戶田果單野, 皇上問"村上信五 係邊個黎架?!"(笑)!!

去左 SHISEIDO 諗住換 SAMPLE, 不過話要講會員個電話, 所以都係算啦!! 早左少少去 MTR 等家姐!! 仲見到將會同家姐交收果個人!!

家姐黎到交收完就去左行街!! 拎到我果件衫喇(見圖1), 質料比我想像中好, 不過而家太凍, 著唔到, 等冇咁凍先著得!!

行下十蚊店/信和呀咁, 行到 4 點幾 5 點, 陪家姐去 MTR 噤錢時, 步步打黎話到左 MTR, 所以就順便拎埋野, 真係麻煩哂!! 之前託小兔買O既週邊終於拎到喇(見圖2), 雖然仲有場刊同埋之前果次週邊未寄黎!!

之後就行左去尖沙咀, 去果間日本書店竟然冇今期 FRIDAY 喎!! 所以走左去 PAGEONE, 搵到呀, 但係食水太深, 先頭諗住十算都叫做可以接受, 但係本 FRIDAY 連稅先係 360日元, 佢竟然賣 $57(定$59), 太過份喇, 所以我冇買!! 根本冇可能會買!!

DINNER 去左麥當勞食, 我竟然食得哂 9 件麥樂雞餐+蘋果批, 傾左一陣, 再行左一陣, 大約 9 點幾就坐 MTR 走!!

雖然係返老家, 但係都坐 MTR, 因為想順便去 CLARINS 拎之前參加網上投票O既禮物(見圖3), 雖然之前O係 BBS 見到有人話唔止一包粉底同埋一 SET 唇彩 SAMPLE, 不過唔洗錢就冇所謂啦!!

再去左超級市場買左兩包糯米粉, 遲Ｄ可以整細豆湯丸食, 太好喇!!

返到屋企, 沖完涼執下野, 再上下網咁!!

再同 YAN 傾左一陣!! 要祝佢生日快樂呵!!

另外, 今日係嫲嫲O既死忌, ... 時間過得真係好快!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝訓到 11 點左右, 太后打黎話佢出門口, 再睇左一陣電視!! 皇上先到達, 太后過左一陣就到!!

皇上好勁呀, 佢整返好我部 PRINTER 呀, 我又可以慳返幾百蚊, 唔洗買炭粉盒住! YEAH!!

之後行左一陣超市, 再去左飲茶(見圖1~8)! 飲完茶返屋企, 有少少暈喎, 可能係Ｄ茶太濃, 休息左一陣就冇事!! 皇上同太后 4 點幾就返"別墅"喇!! 而我就睇下片, 再食下野咁, 夠鐘就返工!!

今日好無聊, 只係畫返果本請假紀錄冊果Ｄ頁咋, 我係無聊到畫哂成本喇, 因為反正得��, 同埋遲Ｄ唔夠用咪又係要我畫, 同埋費事開電腦, 所以畫到 7 點幾, 再食下野咁!! 今日好多老師都遲放學, 討厭!!

返屋企沖完涼, 樓上個姨姨打俾我話煲左湯, 所以拎左俾我飲, 真係多謝哂!! 所以我晚餐除左米粉外, 仲有湯飲(見圖9)!!

而家準備睇多集＜リーダー’s　ハゥ　トゥ　Book＞, 呢個 節目真係幾好睇!!







ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 11 點俾電話嘈醒, 原來係通知我去領獎, 之後太后打黎, 原來佢地都有收到電話, 最攪笑O既係, 皇上同太后都話叫個女去拎, 即係我!!

起身煮左米粉食, 之後上下網同睇下片咁, 4 點幾食左幾塊杏仁餅, 夠鐘又返工!!

同事們再次話我強壯, "盜墓者"話:"今日霜凍警告喎, 你仲係著咁少衫O既, 我著左好多層都仲好凍!!", 我答佢:"係呀, 今日凍左呀, 所以我咪著左件樽領囉!", 不過真係頭先唔係好凍咋喎, 所以我一件樽領再加果件新買O既白色外套, 真係 ARMARM 好!!

今日工作係入下成績/整理下通告同埋文件咁啦!! 上左一陣網, 又食左一陣野, 飲左罐雪碧, 好肥呢!!

夠鐘又去鎖門, 不過點解Ｄ老師唔準時架, 真係好困擾!! 仲要個電子鎖鎖唔到喎!! 所以仆返落 OFFICE 同個同事講! 仲要遇著幾個麻煩家長, 阻住哂條路, 有個仲寸呀, 同個 MISS 講:"MISS你唔洗自己開門啦, 你叫呢個職員開咪得囉!", 算! 我大方, 大人不記小人過! 嘿!! 老實講, 冇我呢Ｄ庶務二課, 大家都幾頭痕, 唔好睇小任何人, 因為各人都有佢O既岡位, 都係有佢O既作用!!

之後呢幾個家長仲要企O係 OFFICE 門口阻住哂, 我講唔該借借, 竟然冇反應, 我再次懷疑我究竟係做左 透明人間 定係 ミラーマン, 同個同事講鎖唔到把鎖, 但係佢話一定鎖到, 叫我再試, 咁我唯有上去再試! 但係夠鐘放工喇(哭)!!

上到去試左幾十次, 真係唔得, 所以又仆返落去, 再同個同事一齊上去鎖, 佢都鎖左十幾次, 都係鎖唔到, 最後放棄, 話可能壞左喎, 落返去 OFFICE, OH NO!! 遲左 5 MINS 喇!! 最後差唔多遲左 8 MINS 先放工, 唉 ... 唯有當豪俾政府啦!!

我只希望Ｄ老師唔該真係準時落堂啦, 雖然同事話其實可以入去叫佢地落堂, 雖然真係過左時可以有權咁做!! 但係我始終係一個小職員, 搵餐飯仔食下O者, 真係怕Ｄ老師唔知會點對我, 好驚!! 左右做人難就係呢Ｄ!!

返到屋企沖完涼又煮米粉食, 再上下網, 回下 EMAIL, 傾下 MSN 咁!! 今日又俾紙整損左隻手兩度, 好慘, 好多疤呀, 我要除疤!!

ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝起身又睇左一陣電視先煮野食!!

LUNCH 本來諗住就咁食一包燒賣架(見圖1~2), 但原來係唔夠架, 所以煮左個米粉食!!

食完再上下網睇下片咁, 睇左 TOMA 同埋 石原さとみ O既＜ヴォイス〜命なき者の声〜＞O既第一集, 好好睇呢, 雖然 瑛太 個角色怪怪地, 但係第一集個故事估佢唔到呢, 睇到我喊, 好感動!!! 再食左幾塊杏仁餅就返工喇!!

今日 UPDATE Ｄ學生 RECORD, 之後再整理文件, 再上左一陣網, 又食下野咁!! 夠鐘鎖門, 好彩今日把鎖聽話喇!! 鎖完門又走人!! YEAH!!

返到屋企沖完涼就煮飯食, 仲有雞翼呢(見圖3), 再次感受到我好有煮野O既天份(笑)!! 食完上下網咁!!

我發現我成隻手整損哂, 好慘!! 明明已經不停搽 CREAM, 但係都損!! ARMARM 仲俾件褸O既拉鍊一野整損左一行添 ...!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今日主要都係上網/睇片, 睇左今季奈奈果套＜メイちゃんの執事＞, 好萌喎! 攪到我都想要返個 執事!!

ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 8:30 起身, 睇左一陣電視, 再食左兩塊杏仁餅就返工喇!!

基本上都冇�当�做, 星期五O既早上係清�闖ｭ少!! 聽左好幾個電話, 收下 FAX 咁!! 上下網發下呆咁!!

12 點左右突然有個人行入黎咁熟口面O既?! 原來係太后, 佢唔記得帶鎖匙, 所以上黎問我拎(笑)!!

再幫個同事影印左一陣後, 就放工喇!! 放工返屋企執埋Ｄ野, 再整下隻 USB 手指! 同太后坐 MTR 去 坑口飲茶!!

會合皇上再一齊飲完茶, 再去左超級市場買野, 之後就返"別墅"喇!

沖完涼大約 17:00 吧! 再上下網, 睇下片咁!!

DINNER 後睇左陣電視, 再上下網咁!! 終於睇到 羞恥心 LAST LIVE 喇! 佢地三個都喊得好勁, 睇到我都有少少忍唔住, 發現 上地 個喊樣都幾得!!

仲唔小心睇左廣東版O既＜崖上的波兒＞首歌, 真係冇粒音 ARM 喎! 聽到我好汗!! 人地首日文版咁得意, 真係 ...!!

今日睇報紙話 OHNO 會用＜歌のおにいさん＞個角色名(“矢野健太 starring Satoshi Ohno”)ソロデビュー, 主題曲＜曇りのち、快晴＞, 雖然都係收錄O係 ARASHI O既新 SINGLE 裡面, 但係都係一個驚喜!!

另外, 我今日終於聽到 はるな愛 O既＜I・U・YO・NE〜＞喇, 都幾特別!! 仲發現左原來 GReeeeN Ｄ歌幾好聽, 有少少似 Aqua Timez O既歌路, 幾有力量O既歌詞!! 睇埋＜5LDK＞1/15 果集, 介紹左一樣野叫＜ツンデレカルタ＞(ツンデレ O既學習咭), 好吸引呢, 松岡Ｄ答案好正!!

註: ツンデレ=ツンツンデレデレ O既簡寫: 普通的時候很刻薄，但在兩人獨處的時候性格和行為變得溫順。

ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

其實點解每次O係"別墅"訓都咁好訓, 係昏睡左咁, 今朝明明 SET 左 10:30 俾 J SAMA 叫醒架嘛, 但係起身噤熄左再訓過, 結果訓到 12:50, 太后唔叫我都唔知醒!!

上左一陣網就去左 坑口 果邊飲茶, 因為約左舅父舅母, 有個壽桃好好味(見圖1)! 埋單時仲發生左一件事, 就係果間酒樓其實細分左三間唔同名O既(相同集團, 同埋同一地點及受付), 埋單時竟然比我地計算O既貴左幾十蚊喎, 之後 CHECK 單, 話我地張咭唔係我地話去果間酒樓, 但係明明等下午茶時, 係O係某一個地方排隊等位, 係入座時果個人俾錯咭我地, 而點解我地冇發現呢?! 因為平時佢地Ｄ點心紙有Ｄ都係共用, 所以我地冇留意到!! 最後攪左一大輪先攪返掂, 其實我覺得係間酒樓有少少唔老實, 因為冇理由咁好彩, 幾十人一齊等下午茶, 就係我地果張俾錯?! 都唔知係唔係因為星期六人多, 諗住唔會計定數先埋單!! 好彩我地平時習慣左計定先埋單, 因為遇過太多次計錯數呢!!

之後行左一陣(剪影: 見圖2~3), 買左兩包芒果乾(見圖4), 因為半價呢! 返到"別墅"大約 4 點幾, 所以沖涼再上網!! 點知 5 點幾決定出街 DINNER(同埋舅父/舅母/姨丈/珍姨), 冇計啦, 只好夜Ｄ沖多次!!

7 點幾去到酒樓, 食左好多野呢(見圖5~12), 食到 21:40 左右就走, 返到去再沖多次涼, 再上網同睇下片咁!!

仲未有＜歌のおにいさん＞O既字幕, 所以睇左 RAW, 都有感動位呢, 但係果位演 矢野健太 前度女友O既 GIRL NEXT DOOR 主音, 實在不太喜歡, 我覺得佢好怪 ... 角色唔討好已經不在話下! 我發現好多好睇O既劇, 總會有Ｄ唔係好想睇O既人, GIRL NEXT DOOR 雖然被 AVEX 力捧, 但本人覺得歌曲風格實在好一般, 我會情願聽 mihimaruGT, 而且仲要演一個咁唔討好O既角色, 睇黎真係可能係一個錯O既決定 ... 其實搵個可愛Ｄ會好Ｄ, 起碼就算唔討好, 都唔會讓人厭 ...!!







ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝真係好努力咁 10:30 想起身, 但係始終都唔知點解好累, 一直訓到 12:40, 真係點解咁架!!

LUNCH 後都係上下網/睇下電視咁, 今日冇出到街呢!!

同 CATCAT 同埋 YAN 傾左一陣, 18:00 左右沖涼, 再 DINNER, 再上下網/睇下片咁!!

今日O既 獎門人 有吳國敬, 有種好懷念O既感覺!! 但可惜呢個節目真係唔太好睇, 因為太低級喇!!

準備訓之前再睇下Ｄ攪笑節目先!! 聽日返屋企 LU!! 再返多三晚工就應該要到下個月先再有工開, 真係唔鍾意學校假期!!

ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝其實好努力咁諗住 10:30 起身, 但係真係好累!! 明明早訓左, 估計真係張床O既問題!! 最後都係 12 點太后叫醒我先知醒!!

12:40 左右出門口, 又行左去 坑口 飲茶, 食左好多野!! 再返"別墅"一陣, 3 點幾就同太后一齊坐 MTR, 因為我返屋企, 太后去行街!!

4 點左右返到屋企, 好多信呀!! 收到 GARNIER 寄黎O既禮物(見圖1), 因為前排買左佢O既產品, 再填左問卷, 所以有野送!! 另外仲收到前幾日O係拍賣買俾 YUMIKO O既生日禮物(見圖2), 質量真係幾好喎, 我好滿意!! 想整條俾自己添, 不過我個電話太多電話繩喇! 而且我個名又好難整, 一係太短(CC), 一係太長(QUEENCIE)!!

睇返 1/10 O既＜VS 嵐＞(SP放送前), 原來我一直冇睇到呢集, 真係失敗!! 再食左幾塊杏仁餅, 夠鐘就返工喇!!

整理左一陣文件, 之後就自由時間!! 夠鐘又鎖門, 不過Ｄ老師都係唔準時落堂, 放工返屋企!

返到屋企沖完涼, 就煮左米粉+雞翼食, 食完再上網, 整理返呢幾日O既日記, 先發現原來我 1/15 O既日記冇寫到喎! 可能我又俾外星人捉左(苦笑)!

聽日返 11 點, 好野!! 可以過肥年(笑)!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 10 點起身, 我再次肯定真係"別墅"張床有問題, 因為我今朝係完全起到身, 而且一Ｄ都唔累, 尋晚仲要係 3 點先訓喎!!!

起身後, 一邊食杏仁餅, 一邊睇片, 夠鐘返工! 因為今日返 11 點呀!! YEAH!!

今日主要係幫個同事繼續攪之前比賽O既野!! 分下 CERT 呀, 分紙呀咁, 都係Ｄ好簡單O既野, 應該話我係幾鍾意O既工作, 因為我係好鍾意將一大堆野分類呀咁架呢!!

LUNCH 返屋企, 一邊睇尋晚＜嵐の宿題くん ＞一邊食左個米粉!! 真係笑到爭Ｄ噴米粉!! 夠鐘又返工!!

發現個大堂非常非常之臭!! 返到公司繼續工作!! 突然個看更伯伯上黎, 話原來O係地下後門附近發現左一隻"升左天O既米奇", 所以先咁臭, 嘩! 聽到後我好想嘔!! 點解會咁架!! 因為我地果度不嬲都算好乾淨!! 好驚呀!!

我做做下野, 因為太入神喇! 所以冇留意到有個 亞 SIR 行左入黎, 佢仲唔知仲��咁 HIGH 咁, 好大聲咁同我 SAY HI!! 我真係俾佢嚇到成個彈起!! 把口仲唔受控制咁話:"嘩!! 你想嚇死人��!!"(注意: 我其實完全同呢個亞 SIR 係唔熟O既!!), 攪到佢好唔好意思咁同我道歉, 真係唔好意思!! 我個口嚇到唔聽我洗!!

仲有就係好攪笑, 個同事又要翻譯歌名, 不過有一首歌得個日文名, 所以印左段日文我睇, 叫我講返係�嶋ﾓ思咁!! 用到日文真係好開心!! 幾時我先可以搵到份要用日文O既工架!!

之後再幫另一個同事入返之前幾年 FUNCTION Ｄ資料, 不過做做下, 我發現原來已經 6 點!! 所以就將Ｄ野俾返個同事, 因為其實我 17:45 開始係幫 CENTER!! 所以就去左整理文件!! 途中我食左一包仔花生M&M, 好耐冇食過喇, 好好味呀!! 可惜得返一包仔!! 之後某同事請我食餅同埋飲野(見圖1), 所以我掉開Ｄ文件, 盡情咁食野!! 睇黎我好快會肥!! 其實近排都肥左架喇!!

今日好神奇, 好多平時成日唔捨得落堂O既老師, 都出奇地準時, 所以我好快衝左上去鎖門, 放工就返屋企!!

同太后傾左一陣電話, 沖完涼就煮野食, 煮左個湯丸(見圖2), 好耐冇整呢!! 好好味呀!!

再上下網/回下 EMAIL 咁, 而家諗住整下手作仔!!

今日係 寶姨 O既生日, 祝佢生日快樂, 最緊要身體健康!! 等你返黎香港先慶祝吧!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 10:30 醒左, 仲睇左一陣＜我們這一家＞添!!

12 點幾又煮左個咸湯丸食(見圖1), 今日呢碗靚過尋晚果碗, 同埋好味好多, 分別只係今日加左少少鹽咋!! 但係就好味好多!!

之後睇左＜VOICE＞第二集, 又係好感動, 不過唔太喜歡瑛太個角色!! 再睇左＜トライアングル＞O既第一同第二集, 都幾好睇喎, 好多謎呀, 但係好好睇, 好緊張!!

期間同太后傾左一陣電話, 因為幫表妹們訂衫呢, 好抵呀, 因為 7 件(其中 6 件係外套), 夾埋哂都只係 $424, 平均只係 $60 左右一件, 抵買!! 遲Ｄ收到貨再影俾大家睇!!

4 點幾再食左幾件蛋卷(見圖2), 味道都幾特別幾好味喎!!

夠鐘就返工喇!! 今日工作只係整理文件, 其它時間就係 FREE TIME!! 同事又請我食餅, 多謝哂!!

到左 20:05 上去鎖門, 之後就放工喇!! YEAH!! 直接返屋企 LU!!

沖完涼又煮咸湯丸食, 其實食咁多得唔得架呢?! 之後上下網咁, 再同 家姐/YAN 約左聽日!!

仲有就係, 今日收到 KIDNEY O既信, 仲有利是呵(見圖3), 真係太客氣喇!! 因為佢每年都好有心咁專登寄利是俾我架!! 真係多謝哂你呢!! 牛牛年也請多多照顧呵!!

BY THE WAY, 本來今日係今個月最後一日返 PART TIME, 不過有個同事話有野想我下星期五返去幫佢手, 所以我就應承左佢, 反正得�鎔者, 同埋佢話會叫我返成日(遲幾日再 CONFIRM 時間), 因為又係年初五, 咁又可以返去逗利是, 雖然估計上司小姐同埋同事"盜墓者"點都會留返封俾我, 但係都好期待呢!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 11 點左右起身, 睇左一陣電視先起身煮左個米粉食!!

之後睇埋前幾日O既 少俱, 大約 13:20 先出門口, 因為今日計劃去銅鑼灣再去旺角!!

大約 13:45 上到巴士, 14:15 左右就到左銅鑼灣喇, 仲要一落車就見到 白姐姐(白韻琴), 之後我就先去左 銅鑼灣地帶 O既"雙妹嘜", 拎之前網上遊戲O既禮物(見圖1), 仲幫埋皇上同太后拎呢!! 順便行左一陣 銅鑼灣地帶, 不過冇�涛ﾁ別!!

之後再去左 SOGO, 先去 RMK 換 SAMPLE (見圖2), 再上左 9/F 書店睇書, 好多書都想買呀, 不過香港實在賣得太貴喇!! 睇左幾頁最新一期＜我們這一家＞漫畫, 再睇左幾頁 江原啓之 O既新書『スピリチュアル　タブー・ブック』, 係講禁忌O既, 我幾有興趣呢, 不過都係因為太貴喇!!

再行左去維園O既花市(見圖3~7), 因為一場黎到, 所以都要去行下O既, 人唔算太多, 起碼我都可以埋到Ｄ檔睇野!! 仲俾我見到一個 太陽能熊貓搖搖頭手機座 (見圖8~9), 見佢只係賣 $20, 所以就忍唔住買左喇!! 然後行到 16:20 左右就走喇!!

本來係打算坐船去尖沙咀再行去旺角O既, 但係因為怕唔夠時間, 所以改坐 MTR 去旺角, 去緊 MTR 途中仲見到 葉蘊儀 添(攪�桃｡日見到咁多有名人?!)!! 16:45 左右到左旺角 MTR, 但係一出閘我就嚇親喇!! 點解只係 6 個站, 車費要 $9.X, 真係離譜架!! 所以話唔鍾意坐 MTR 就係咁解!! 我哭!!

行去信和等左一陣, 會合左家姐後就行信和喇!! 不過冇收穫, 因為其實賣Ｄ野冇�盗V意咁 ...!! 週圍下咁啦!! 大約 18:00 就到左油麻地 MTR 喇! 因為約左 YAN 18:15, 一邊等一邊同家姐傾下計咁, YAN 黎到傾左幾句, 交換禮物(?!)後, 再快速影左張相, 之後因為佢趕住返日文, 所以就分手喇!!

我同家姐就行左去尖沙咀, 去左 BURGER KING DINNER 先(見圖10), 食完後再行下書店咁, 終於買到 馬仔 O既揮春喇(見圖11), 仲唔洗加錢!! 另外仲拎到免費日本雜誌(見圖12), 太好喇! 因為我搵左好耐都搵唔到最新呢期!

行到 21:00 左右就走喇!! 等左好耐先有巴士, 返到屋企已經 22:20 喇!! 沖完涼再執下野咁, 好累呢!!

要多謝 YAN 送我O既野(見圖13), 真係實在太太太多謝呢!!! 仲要多謝家姐送我O既麥當當利是封(見圖14), 因為家姐記得我想儲!!

然後最 DOWN O既係 ... 見到 AM730 中左獎, 要去灣仔拎 ... 仲要今日開始有得拎 ............ 唉, 好日都唔過海, 硬係咁O既!! 又要諗下幾時再去拎喇!! 車費好費架嘛!! 都唔明仲�唐c公司咁鍾意O係港島 ...!!

最後補返張我整黎送俾 YAN O既小飯團先(見圖15), 希望佢鐘意啦!!









ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝醒左開住個電視再訓下咁, 突然聽到新聞提要 ... 發生左一件好慘O既車禍, 真係唔明點解Ｄ人仲要醉酒駕駛 ... 唉!!

12 點幾皇上同太后黎到, 我順便落去寄信, 再去超級市場 JOIN 皇上同太后, 睇下有�灯�咁!! 買完返左屋企, 執下野呀咁!!

13:45 左右又落去飲茶, 咁 ARM 又撞到幾個同事, 互相祝完新年快樂, 就去左酒樓, 不過對面果間好多人, 所以又去返平時去開果間, 飲完茶我返屋企先, 之後又執下野咁, 4 點幾佢地就返"別墅", 我就又執下野, 再沖涼!!

之後上下網咁, 18:30 左右就煮湯丸食, 其實我係想打邊爐, 不過都係湯丸吧!! 今日冇左Ｄ冬��, 所以個湯冇咁鮮味, 加左雞柳, 不過煮耐左少少, 一邊食一邊睇 菅野美穗 果套＜キイナ＞, 好好睇, 充滿左不可思議, 但同時又好科學!! 唔怪之得第一集收視有 16.5% 啦!! 所以一定會追落去!!

今日終於寫信俾 YUMIKO 喇!! 因為佢下星期一生日, 想寄Ｄ禮物俾佢, 所以就順便寫幾句咁(見下圖)!! 差Ｄ唔記得寄Ｄ北京奧運紀念品俾佢, 好彩我入房搵唔知�当�時, 突然間閃過"福娃"兩隻字咋!!

同 CATCAT 傾左幾個鐘 MSN, 突然間講起 SANA (一個好似 彎彎 咁畫插畫O既), 所以去睇佢個 BLOG, 好耐冇睇喇, 原來上年十月佢爸爸意外離開左 ... 睇到我有少少眼濕濕, ... 我今日先知原來 SANA 係個 ... 女仔, 因為我一直以為佢係個男仔黎呢!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝十點起身, 之後食左幾件蛋卷, 再上下網/執下野咁, 大約 11:20 就出門口, 先去左郵局寄信俾 YUMIKO, 之後就去左等巴士, 不過好可惜, 等左好耐都冇車, 一定遲到喇 ... 打俾太后, 佢提議話等多五分鐘, 如果冇車就去坐 MTR, 收線後一陣就有車, 一直坐到去總站美孚! 上到酒樓大約係 12:45 吧, 遲左 15 分鐘左右啦!!

食飯, 冇�涛ﾁ別, ..., 食完就坐 MTR 去左太子, 因為太后想行花墟, 人實在太太太多喇, 我好慘呀, 件衫俾個女人個袋條拉鍊勾左條冷出黎, 果個女人仲要完全 FEEL 唔到勾到我件衫, 我先頭仲以為係有人想偷我野, 所以勁拉我件衫, 我發現係勾住件衫後, 即刻捉住果個女人, 因為如果佢再行, 條冷就肯定會斷! 我捉住佢, 佢仲唔知�梼�, 過左一陣佢先發現到個拉鍊勾到件衫!! 因為人太多, 同埋冇�悼ﾔ ARM 買, 所以就走喇, 太后好勁咁幫我整返條冷入去件褸度!!

坐巴士返"別墅", 之後再同太后行左一陣!! 返到"別墅"沖完涼就上網!!

我終於睇左＜魔王＞ DVD O既結局喇! 攪到我想睇多次＜魔王＞添!!

仲有呀, 今日買到兩粒熊貓磁石呀(見下圖), 好可愛架!! 兩粒夾埋都係 $5 咋!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 10:30 時真係好想起身, 但唔知點解又繼續訓, 結果係 12:20 先起身呢!!

食左幾塊麵包, 因為皇上同太后落左街, 同 CATCAT 傾左一陣電話, 差唔多 13:50 就落去樓下商場, 因為約左皇上同太后去＜大家樂＞, 我食左個下午茶(見圖1), 再行左一陣就返去喇!!

沖完涼上下網/睇下片咁!! 18:15 左右就準備晚餐喇, 因為今晚整咸湯丸食, 不過最後我都只係負責整Ｄ湯丸咋, 因為皇上對我O既廚藝冇�盗M心(苦笑)!!

食完晚餐就睇下電視/整下全盒咁!! 睇到 22:00 左右就上網同睇片!! 再貼下揮春咁(見圖2~4)!!

另外今日睇返上年 10/23 O既 壹周刊(第972期), 裡面見到有一篇訪問係關於某間豆腐花店O既故事, 再諗諗下, 呢間店之前＜星期日檔案＞(20081130)訪問過, 不過果次訪問話係一個廿幾O既女仔開O既, 完全冇提過呢本雜誌訪問O既 梁先生, 發現左後我其實有少少唔開心, 因為我覺得成件事有少少誤導, 因為如果我冇睇過呢本雜誌的話, 真係會覺得果個廿幾歲O既女仔好�至Q, 咁細個就創業, 而且好好成績, 但係原來間店係 梁先生 幾年前O係元朗開設, 再O係前幾個月O係旺角同人合顆開O既!! 雖然成件事個結果都係一樣, 但係意議好唔同!! 而且作為一個觀眾, 有少少覺得俾電視台呃左(雖然唔知道電視台知唔知道呢件事!), 真係感覺唔良好呢!!

轉話題!! 今日係 SHO 生日呀!!

お誕生日、おめでとうね！！



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝 10 點幾起身, 食左塊麵包之後出門口, 因為今日係年初一, 坐 MTR 去左美孚爺爺屋企拜年(見下圖), 食完 LUNCH 後, 佢地就攻打四方城, 途中我幫太后打左一舖, 食左最大O既 4 番!! 其它時間我就係睇書, 今日帶左本＜桃子の缶詰＞去睇, 成功地睇左大半本, 真係好有趣呢!!

6 點左右就走喇, 再坐 MTR 返"別墅", 沖完涼就 DINNER 喇!!

DINNER 完睇電視, 一路睇到凌晨 12 點幾, 因為 J2 果套日本戲未睇過, 睇完再上網同埋寫日記!!

牛年 CC 祝大家: 身體健康, 日日開心!!

今日係 YUMIKO 生日呀: お誕生日、おめでとう！！



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝都係經過努力, 但係都訓到 12 點幾!

LUNCH 食上海麵! 之後上下網, 睇下片咁, 不過仲未搵到我近排好想要 歐陽菲菲 果首＜ラブ・イズ・オーヴァー＞, 真係好好聽呢!! 另外睇左前晚O既＜新堂本兄弟＞, GACKT 做嘉賓, 真係太好笑喇!! 好懷念 GACKT 彈琴個型樣呢!!

15:00 左右同太后落左去行左一陣, 遇到 財神 派利是呢, 雖然只係一個朱古力金幣, 之但係 財神 派O既, 一定要要呢!! 再去左食下午茶(見下圖)!!

行到未夠 7 點就返"別墅", 沖完涼, DINNER 食上海炒年糕! 好味!!

再上左一陣網, 睇到 石田壹成 因為一腳踏兩船, 又俾公司雪左, 唉 ... 點解仲係咁架, 又忘記左果次 江原啟之さん 同你講O既野?! 你真係可造之才黎架, 但係仲�痘v咁樣害左自己呢?!

然後就同皇上/太后攻打四方城, 少有地我贏左少少呢!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝又訓到 12 點幾呀!!

傾左一陣 MSN, 之後就攻打四方城!! 新年係得呢樣野做架O者!!

亞康突然間打長途黎我手提, 最攪笑係我唔認得佢把聲, 因為都冇諗過佢會打黎, 事緣係打黎前半個鐘先傾完視像!!

6 點幾沖完涼 DINNER, 今日食熟鍋(見下圖), 好好味呢!!

另外好神奇地, 我尋日話搵左好耐都搵唔到 歐陽菲菲 果首＜ラブ・イズ・オーヴァー＞日文版O既, 今朝起身皇上同我講佢搵到, 而且係好容易搵果隻! 真係唔該哂呢!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝又訓到 12:45, 真係唔知點解咁好訓!!

LUNCH 後係上網同睇片, 今日好開心呀, 因為睇左好多片, 仲睇哂成套日劇＜てやんでいBaby＞(搞笑魔嬰), 個 BB 真係超級得意(見下圖), 而且個故事都幾有趣呢!! 除左呢套, 仲睇埋＜VOICE＞第三集, 都仲係好感動!!

一直等到 6 點都冇電話(因為個同事話今日打黎 CONFIRM 聽日返工), 因為等唔到, 咁所以今日繼續O係"別墅"訓!!

DINNER 後沖涼, 之後個同事打黎喇, 原來佢話唔記得左打俾我, 約左聽日返兩點, 所以打算聽日飲完茶先返工, 放工再返黎"別墅", 因為我諗星期一開始又會正常返工, 咁就要過一星期先再黎到呢!!

又同皇上太后攻打四方城, 又慘敗, 真係運O既問題呢!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝有咁 9:30 起身, 10 點幾就諗住去 坑口 果邊飲茶, 不過去到先知今日收好貴, 平時 $9 一碟O既野, 今日要 $17, 離譜!! 所以去左＜大家樂＞食早餐(見圖1), 食完再行左一陣, 差唔多 12 點就坐 MTR 返屋企!

12:30 左右就返到去, 食左少少野再上下網咁, 就黎兩點就返工, 今日都幾辛苦, 因為好勞動, 要 CHECK 獎杯, 所以就要每個獎杯拎出黎對下 ARM 唔 ARM, 之後又要搬返 ARM 次序, 條腰有少少痛呢!! 不過其實個同事已經好好, 因為尋日叫另一個 PART TIME 攪掂左最麻煩O既步驟呢!!

之後對下野、打下字咁!! 都好快攪掂!! 同埋今日逗左三封利是, 分別係: 上司小姐、同事"盜墓者" 同埋清潔O既亞姐, 真係多謝哂!!

好快就放工返屋企, 再執下野, 18:13 出門口, 行到去牛頭角巴士站都只係 18:24 左右, 18:29 上巴士, 18:45 左右就返到"別墅"!!

沖完涼就 DINNER, DINNER 完當然又攻打四方城啦, 呢個亦係我今日過黎呢邊訓O既原因呢!! 不過今日唔知�梼�, 試左兩次"小相公", 又打錯牌咁, 真係暈下暈下!! 其實我覺得個喉嚨好熱, 好怕係作病(俾太后傳染?!)

食左 �穀レj花芝麻湯丸 (見圖2), 不過食唔到�穀ンｯ埋桂花味呢!!

同埋我今日換左個電話鈴聲呀, 係 KINKI O既＜約束＞, 好鍾意果段O既歌詞呢!!



ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!

今朝又訓到 12:40, 真係記錄!!

LUNCH 後上左一陣網, 14:30 左右行左去 新都城(剪影: 見下圖1~15), 都其實冇�乍ﾇ!! 返到"別墅" 17:00 左右, 沖完涼食左個皇上特製 三文治(見圖16), 再做左個面膜!!

做左件好天然O既事喎, 就係由尋晚開始不停咁搵尋晚播O既＜歌のおにいさん＞第三集O既 RAW 喎, 搵左好耐好耐都搵唔到, 之後同 YAN 講話奇怪啦!! 點知原來尋晚停播, 要下星期五先播第三集喎, 但係我一直唔知佢尋晚停播, 因為上集冇睇預告呢!!









ファイトソング → 人は人自分は自分, 比べた時点で負けてる!! 自分に負けない強さが, どんな壁をも壊していく!!