私日記。私のにっき

背景音樂 : 街(みち)

歡迎睇我任何一日私日記!
(私のにっきです、どうぞ！)

1999	2000	2001	2002
2003
JAN	FEB	MAR	APR
MAY	JUN	JUL	AUG
1/9/2004	2/9/2004	3/9/2004	4/9/2004
5/9/2004	6/9/2004	7/9/2004	8/9/2004
9/9/2004	10/9/2004	11/9/2004	12/9/2004
13/9/2004	14/9/2004	15/9/2004	16/9/2004
17/9/2004	18/9/2004	19/9/2004	20/9/2004
21/9/2004	22/9/2004	23/9/2004	24/9/2004
25/9/2004	26/9/2004	27/9/2004	28/9/2004
29/9/2004	30/9/2004

1/9/2004

今日係大家O既開學日, 斯斯亦有一點點失落, 我要努力搵工, 唉, 不過往往事與願遺O既, 唉 ...! 今日冇落到街呵, 因為好熱, 幫尋晚洗果幾隻熊貓入返Ｄ綿花, 不過好失敗呵, 因為呢, 尋晚洗果陣掉左張甩色O既被一齊洗喎, 攪到家下Ｄ熊貓有少少粉紅色(ＰＩＮＫ?! 呵呵?!)! 而家冇咩望呵, 只係望快Ｄ搵到份好工, 同埋拍賣好生意Ｄ! 快Ｄ賺到錢我要去日本讀書!! 不過未賺夠錢去日本之前, 去日本城頂住先, :P

七里香 --> 杰倫新歌, 個 FEEL 幾周杰倫, 唔識點講, 但係周杰倫Ｄ歌係真係有周杰倫O既 FEEL 架呢!!

2/9/2004

今日有落街呵, 仲去買左個鏡箱放O係廁所, 呵呵!! 今日拍賣場發生左件事喎, 就係前幾日有個人買左我一張韓國 DM, 咁寄左俾佢啦, 其實我懷疑佢收到後覺得唔值咁貴, 所以就話我包裝唔妥善, 仲 EMAIL 我問我有咩補償, 真係想講句: 補佢條命!! 可能咁講粗左少少啦, 不過我唔明點解有Ｄ人會咁, 俾左 2 蚊包裝+郵費, 咁郵票都去左 1.4 啦, 點解有人會覺得 6 毫子係可以買到公文袋同埋硬咭紙架, 真係怪架喇! 同埋我賣左咁多 DM, 次次都係咁樣寄, 其它個個都話冇事, 仲好好評語咁, 世上真係有Ｄ咁怪O既人O既!! 所以由佢點寫啦, 我有哂証據, 同埋呀, 如果我賣Ｄ貨真係包得咁差, 大大話話做左幾十單生意, 又冇人咁講過O既, 嘿嘿!!! 呀, 今日睇左春天家姐借我果幾隻碟, 幾攪笑喎!! GACKT !! 佢其實真係幾攪笑!!

DON'T LET ME GET ME --> 呢首歌, 好有意思呵, 有一句意思係: 經理人同我講可以成為 TOP STAR, 但要改你而家有O既野, 就好似 Britney Spears 咁, 佢好可愛, 不過呢個唔係我!!

3/9/2004

今日落左去飲茶, 之後諗住行一陣啦, 點知大雨喎!! 夜晚改拍賣Ｄ野, 不過改改下個 YAHOO!拍賣 DOWN 左! 哭!! 講開哭, 我部 PRINTER 無 LALA 有問題, 唉, 真係壞左呵!!

記憶拼圖 --> 我鍾意言承旭呢首新歌呵, 好好 FEEL!!

4/9/2004

今日約左春天家姐行街街, 同埋拎Ｄ彩頁去拍賣賣, 好多呢!! 行到五點幾我肚餓喎, 咁所以去左食吉野家, 唉, 講起就失敗喇, 因為又諗唔起下午茶時間喎, 咁叫左個三文魚+魚籽飯啦, 都算啦諗住, 點知冇 LALA 又冇汽水送喎, 唉, 早知食下午茶餐啦, 平一半呀, 仲要個飯凍架, 以後唔食呢個飯喇! 嘿!! 行到八點幾就走啦, 我仲去文具店買左張雞皮紙先返屋企添! 返到屋企將果一堆彩頁分返類, 真係分左好耐呢!! 不過証明左春天家姐都幾病下, 呵呵, 因為佢竟然俾埋Ｄ小窪我喎! 幾攪笑!! 呀, 同埋今日行行下街撞到舅父, 哈哈, 佢曬黑左好多呢!

硝子 NO 少年 --> YEAH!! 今日買到呢隻細碟呀, 好平呀!! YEAH!!!

5/9/2004

今日冇出街呵, O係屋企執下雜誌咁, 都冇咩特別, 果日買果排朱古力餅餅, 勁好味呵, 真係好好好好好味呵!

我這樣愛你 --> SAMMI 版, 呵呵!

6/9/2004

今日都冇出街, 玩左半日十字綉, 幾好玩喎, 不過就整損左隻手少少!! 呵呵! 今日聽到 903, 話 9 月 13 日晚, 黃偉文同埋謝昭仁做節目喎, 哎唷, 點解昭仁返香港做野O既?!

大肚腩 --> 今日突然間聽返亞牛呢首歌, 真係好攪笑, 不過又好 SWEET 喎!

7/9/2004

今日去左飲茶, 不過碟牛肉有小小強, 嚇死人呀!! 之後去左 IKEA 睇, 好想買返個床頭櫃或者木架, 因為好多野呀我間房!! 不過都係計劃下先!! 今日無聊到拎左支 MARKER 畫左隻熊貓O係件著黎訓覺O既 T-SHIRT 度, 但係好攪笑, 著左成晚, 亞爸亞媽竟然發覺唔到!! 仲未收到隻 [SI:] 初回添, 聽日應該收到喇掛!! 講起 [SI:], 不得不講下 [SI:]~FIRST LINE~ 已經完滿結束喇! TSUYO 講左一番話, 令我好感動: 「周圍雖然有好多好人，但亦有好多卑劣O既人，我都唔知點樣做好，不過經過今次演唱會，遇到好多唔錯O既工作人員，令我覺得有好多人仲值得信賴。」, 但願你同我往後都會遇上更多值得信賴o既人! 今日突然間諗: 其實去日本讀書都唔錯喎, 因為去讀一年日文, 就可以入大學 OR 短大喇! 其實都 OK 丫, 不過生活費又真係 ...!! 講起讀書, 我個"持續進修基金"O既申請批左喇! 估唔到效率咁高喎! 其實好想讀個 MASTER, 不過硬係覺得自己讀咁多冇咩用咁, 因為就算有 DEGREE, 始終都係日日O係屋企唔知做咩咁, 有時都幾灰架, 不過好彩家人同朋友O既支持!! FUFUFU, 似唔似果Ｄ政府宣傳廣告O既對白呵?!

EYES ON ME --> "YOU WILL KNOW THAT I AM NO DREAMER ..."!

8/9/2004

今日收到台灣O既掛號信, 之後約左契媽去行街喎, 落到街仲有話有一個郵包, 去拎埋先啦, 嘩! 係 [SI:] O既初回呀, 終於收到喇!! YEAH!! 好緊張好激動呀, 出左去西九龍食左個 TEA, 之後就去買水晶珠仔, 嘻嘻!! 行到六點幾就坐車返屋企喇, 夜晚食上海粗炒, 好味!! 之後同契媽傾下話咁啦, 哈哈, 契媽仲拎左三樣野俾我賣添, 呵呵, 謝謝!! 十點幾送埋契媽去巴士站就返黎沖涼同埋執下野咁!! 講開拍賣呢, 好激動呵, 因為夜晚又放左Ｄ貨上去賣, 最後而家共有 244 件貨品呵, 244 呀!! 哈哈!

今天你生日 --> 係我親愛O既表弟亞康生日, 生日快樂!!!

9/9/2004

今日冇落到街呀, 因為好悶, 條頸又有少少累, 真係真真正正O既"屈到病"!

我太好人 --> 好想同 TSUYO 講呢句, 係因為你太好人, 所以先咁容易遇到你所講果類人!!!

10/9/2004

今日去左飲茶, 之後行完超市買左少少野就返左屋企 LU!! 諗起星期一晚去報日語能力試都好喎!! 等我準備下先, 因為要帶兩張相, 要搵下O係邊!

LYIDA --> 果日樓下就係有個女仔成晚勁唱 F.I.R. O既呢首歌, 超勁高音, 但係成粒鐘不斷咁唱呢一首歌, 好難聽, 我係指樓下個女仔唱得好難聽!

11/9/2004

今日 911, 其實自從 911 事件後, 一到呢一日都唔係太開心, 我仲好記得 911 事件當日, 我睇睇下電視, 以為係小事一則, 點知 ... !! 真係好慘!! 有落去行左一陣, 夜晚天氣涼左好多喎, 不錯不錯! 不過我好似有少少發燒O者!!

好好戀愛 --> 大家一定要珍借眼前有O既, 因為下一秒會點, 真係冇人知道!!

12/9/2004

今日 912, 你我齊投票, 不過, 斯斯唔係選民, 所以冇得投票!! 今日去左行超級市場, 之後見到有個活動喎, 好辛苦先拎到張 FORM 咋, Ｄ人都 DIN 架, 竟然勁搶Ｄ FORM, 攪到都幾混亂, 真係汗呀!! 香港人點解咁架而家?! 行行下春天家姐打俾我, 所以我就拿拿聲返屋企拎齊野出門口, 嘿嘿, 點知有人遲到, 嘿嘿!! 我記住呀, 嘿嘿!! 會合左之後就食野喇!! 呵呵, 謝謝春天家姐請我食煎雞飯, YEAH!! 好味!! 之後行街啦梗係, 不過我好失敗咁唔記得左買今期 ORICON, 唉, 唯有過幾日再去過啦, 今日最後係咩都冇買到, 呢幾次出旺角都係買唔到野, 點解架!!

Someplace Good --> 就在你存在的那處地方!!

13/9/2004

今日同媽咪出左深水"步"行左陣(不過其實成四點幾先出去), 行到六點到就行左過石硤尾果頭, 因為要去報日語能力試, 仲以為好難填張 FORM, 原來都唔太難, 好彩, 好順利咁報完名, 就去等車, 不過小巴真係勁多人, 之但係冇計啦, 等左成半個鐘先上到車!! 七點幾返到屋企, 好累呵!!!

按摩女郎 --> 呢首歌唔可以只睇歌名架, 我果日好認真咁睇歌詞先知係講咩!!

14/9/2004

今日兩點幾落左去行左一陣同埋寄信, 今日都幾熱呢, 同埋條頸好痛, 點解架!! 聽晚開始返日文喇, 希望我可以應付得黎啦!!!

常言道 --> (其實我唔記得左有冇寫過呢首歌), 但呢首歌個感覺幾好!!

15/9/2004

今日冇咩特別, 不過就夜晚開始返新一學期O既日文喇! 今年係一位日本人教O既, 都好架其實, 因為可以學多Ｄ野咁, 不過佢就英文又講Ｄ, 廣東話又講Ｄ, 今日最經典果句係: VERY 客氣 DESHOU!! 其實我諗左好耐先諗到佢講咩!! 要一段時間習慣下先!! 上左三個鐘頭, 其實有少少唔太習慣, 放學後本來諗住坐小巴啦, 又諗住坐地鐵喎, 不過最後坐左巴士, 但係都係半個鐘到就返到屋企, 都幾快喎, 所以以後放學都坐巴士好!!!

有你真好 --> 世界上真係會對人有呢種感覺架, 好似對我身邊O既知已們, 同埋 TSUYO !! 有你地真好!!

16/9/2004

今日四點令到出左去, 行左陣深水"步", 之後坐巴士入屯門喇, 因為約左契媽同佢班朋友燒野食, 六點幾到達, 坐左一陣就開始食喇, 不過我都食左好少野咋!! 想燒第二塊麵包時, 竟然見到小小強攻佔左我塊麵包, 我又意識唔夠快, 嗚嗚嗚, 遲左幾秒先意識到要掉左塊包, 所以, 嗚嗚嗚, 好得人驚呀, 即刻衝左去洗手, 係洗到手都就黎爛咁!! 我同媽咪大約十點幾就坐車返屋企喇, 十一點幾返到, 今晚又聽唔到昭仁添!! 約左下個月又去燒過, 希望到時小強遠離我啦唔該, 真係好得人驚呀!!

啟程 --> "想到達明天, 現在就要啟程 ..."!

17/9/2004

今日去左飲茶, 之後冇行到即刻返屋企喇, 因為今日週身唔自然咁!! 夜晚睇大煲茶, 不昭仁個訪問喎, 原來佢放三個月大假, 所以返黎香港開咪, 不過老實講, 昭仁O係日本唔係話好人氣, 其實都幾慘架, 因為日本藝能界太多人喇, 同埋佢又唔算靚仔, 又唔係好好日文, 唉, 總之就苦辛啦!! 不過佢過左去成六年, 都算係咁, 要努力呢!! 總有一日我都要過日本讀書!! 吾!!

邊愛邊走 --> 張信哲新歌, 有一句歌詞好好, "那溫柔, 生命難以承受, 麻痺直達心頭, 人世間絕無僅有"!

18/9/2004

今日睇睇下電視, 家姐打俾我去街街, 都成四點幾先出到去, 之後行左一陣就去食吉野家, 好味!! 食完又行過, 買左幾本雜誌啦!! 行到七點幾就走 LU, 因為家姐有下一場!! 呵呵, 我返到屋企都係執下Ｄ雜誌, 睇下有咩可以賣咁, 但係真係Ｃ咯, 原來今日寄果份彩頁入漏左野呀, 陰公, 好彩, 今日買果Ｄ雜誌又有, 所以 EMAIL 左果個人問下佢買唔買埋, 如果買埋就可以順便寄埋俾佢啦!! 不過我真係大頭蝦呢!! 希望順利啦!! 同埋我都 BID 到一隻 SINGLE, 好開心, 過兩日寄俾果個人先, 因為果個人住日本架, 呵呵!!!

今天你生日 --> 我大表妹(媚媚)O既生日, 生日快樂!! 大個女, 唔好掛住睇電視呵!! 快Ｄ返黎香港探下我啦, 呵呵!

19/9/2004

今日睇下電視上下網咁, 到左兩點幾就落左去, 因為約左個買家O係地鐵站交收, 呵呵, 第一次咋, 所以媽咪陪我一齊去, 個買家遲到呢, 不過佢之前有打過俾我, 同埋佢O係屯門出黎, 所以唔緊要啦, 交收得好順利, 呵呵, 希望我盒粉彩會遇到一個好主人啦!! 之後行左一陣, 都冇野行O既!! 其實我覺得近排好大頭蝦呀, 唔掂呀咁, 真係要改一改先!! 今日好開心呀, 因為上海姑娘幫我買到＜ＰＳ：我很好俊平＞ DVD 喇!! YEAH!! 我想買好耐架喇!! YEAH!! 我聽日又要去郵局喇, 因為要寄野俾上海姑娘呵, 希望吾好咁貴啦, 因為份野好似好重咁!!

ANOTHER WORLD --> GACKT O既歌, 呢個 FEEL 好開心呀, 聽完之後, GENKI NI NARU!

20/9/2004

今日去左飲茶, 之前去左郵局呵, 呵呵, 寄左野俾上海姑娘喇!! 飲完茶之後行左一陣, 今日都有少少熱呢!! 其它時間都係呢度執下野咁啦, 其實都冇咩特別!! 終於睇左＜南君的戀人＞第九集, 呵呵, 好好睇呵, 今晚睇埋最後果兩集先!! 尋晚睇哂春天家姐借我睇果隻 ARASHI DVD, 真係好好睇, 好感動, 睇完都仲係覺得二宮最好, 呵呵!! 呀, 唔記得左講一個微妙添!! 就係我今日寄掛號俾上海姑娘, 竟然係 $ 24.4 呵, 呵呵呵, 正!!

潮爆 --> 係 PING PUNG O既歌, 呢首歌真係讚呀, 因為 KARY 唱得唔錯呢!

21/9/2004

今日冇咩特別事呀其實, 一個字, 悶!

不可一世 --> 呢首歌Ｄ歌詞好怪架, 又話想見下佢個萬人迷, 場地就O係佢婚禮, 哈哈!

22/9/2004

今日睇埋果套＜兩天三夜＞, 都幾好睇喎, 幾感動, 不過結局有少少唔明白!! 今晚坐左巴士返學, 車程都要一個鐘呀真係!! 好好笑呀不過, 因為一返到課室放低個袋, SIMON 就打黎話搵唔到間學校, 所姒我只係拎左個手提就跑落去接佢喇! 今堂學左少少野啦, 似係簡單, 但又有少少難度咁, 我會努力!! 放學時打俾 SIMON, 呵呵, 傾左一陣, 我就坐巴士佢坐地鐵!! 我都成十點七先返到屋企, 好肚餓!!!

幸運水晶 --> 好多人都相信水晶真係有力量, 其實我覺得係心理問題!

23/9/2004

今日去左同亞姨飲茶, 之後就行左一陣, 今日好累呀, 唔知係咪有病, 真係訓得唔好, 唉!! 夜晚同車車妹妹傾電話呀, 嘩! 恭喜呀, 因為生左個 BB, 真係有少少突然呢, 原來真係成一年冇搵過大家呢!! 真係好幸福!!

觸不到的戀人 --> 呢套戲我未睇添, 不過聽講真係好正!

24/9/2004

今日約左亞 NUT 呀, 首先O係地鐵站月台等, 之後去左尖沙咀站, 因為約左個賣家交收, 交收順利!! HEEE, 上海姑娘, 你想要果本書我買到喇! 我都買到兩本 PERSON ! YEAH!! 之後就去左旺角食肯德基, 好滿足, 好好味!! 之後就行下街咁啦, 買到＜魔幻廚房＞ DVD 呀, 好開心呀, 仲買左幾本雜誌, 好開心呀, 呵呵!! 未夠七點就返到屋企喇, 之後沖完涼食飯, 食完飯之後我就執野喇, 因為真係要執返掂今日O既戰利品, 好累呀!!

叫好叫座 --> 有咩係叫好又叫座呢?! 我一聽呢四粒字, 我只訛起間戲院, 汗!!

25/9/2004

今日春天家姐約我去街街, 所以就話不如去行銅鑼灣, 因為想買日文教科書, 所以又行下灣仔咁啦, 發現左一間二手 CD 店, 買左幾隻 SAMMI 呀, 好開心呀!! 之後去左買日文書啦, 又去左 SOGO, 食左吉野家, 又去左十蚊店, 買左個盒裝我Ｄ KINKI CD 呀, HEEE, 之後坐車過返旺角, 家姐買左幾本雜誌呵, 呵呵!! 大約九點幾就返到屋企喇! 我又開始要執下Ｄ雜誌同 CD 先!

女人味 --> 講到女人味, 吾, 我都唔知咩黎, 呵呵, 汗!!!

26/9/2004

今日冇咩特別, 係約左個買家交收, 順利!! YEAH!! 之後惠康終於買到支 SAMMI 百事喇, 好開心呀!! 睇左 ARASHI O既 "HOW'S IT GOING" CONCERT O既 DISK 1, 都幾正喎!! 夜Ｄ睇"青之炎"先, 因為春天家姐話好好睇, 今日開始有返獎門人做, 其實呢Ｄ節目幾好, 起碼一邊一邊笑, 唔洗成日睇埋Ｄ劇果Ｄ都唔舒服!

愛與誠 --> "別再做情人, 做隻貓做隻狗不做情人, 做隻竉物至少可愛迷人 ...", 其實呢首歌都幾慘架Ｄ歌詞!!

27/9/2004

今日去左飲茶!! 之後去左銀行!! 返到屋企一陣, 樓上個姨姨落左黎傾下話咁!! 講返尋晚先, 尋晚同今朝睇左 NINO 果套＜青之炎＞, 好慘呵, 不過可以拍得再好少少!! 今朝亞 CAT 打俾我, 嘻嘻, 拜託你喇!! 不過我希望有少少心理準備先去見啦, 哈哈, 今朝 SEND 完 EMAIL 俾你, 我真係不安同埋緊張左成日! 呵呵, 等你消息!! 不過都係好緊張!! 呵呵! 斯斯先祝大家聽日中秋節快樂! ^V^

HERO --> 呢首歌近排日日都聽, ARASHI, 好聽, 而且呢首歌歌詞亦都好好!! "當覺得已經不行的時候, 大家都一樣, 不放棄地一點一點的 UP! UP! UP! 張開胸膛", 一邊聽, 有想哭的感覺!

28/9/2004

今日真係攪笑呀, 因為食完 LUNCH 就諗住落去寄信之後去行陣, 同埋去買包裝O既野!! 點知寄完信, 路線計劃錯誤, 應該尾站先去文具店, 點知無 LALA 第一站去左喎! 攪到買到一張二張紙呀果Ｄ, 所以就立即要返屋企喇!! 返到屋企仲黑仔呀, 俾張紙界損左隻手指, 好痛!! 夜晚本來諗住去參加樓下果個中秋 PARTY 架, 不過最後都冇去, 因為好悶O者, 去到咪又係見到果Ｄ好"熱心"身邊O既人O既消息O既"太太"! 所以O係屋企, 中秋就係咁渡過! 不過我覺得同家人一齊過真係幾好!!

戀心 --> 好耐啦呢首歌, 相川七瀨! 咩樣唔係好記得, 不過記得呢首歌果陣係非常之 HIT !!

29/9/2004

今日突然間出左去同家姐行街呵, 去左買字典機, 唔係我買呢!! 之後去行信和, 嗚嗚, 果間野執左呀, 唔制呀!! 又冇寫O係邊度開返喎! 冇理由咁多貨就咁由佢架嘛, 唉, 有少少失望!! 之後行到五點幾就陪家姐去食飯, 我飲左杯百事呵, 因為應承左返屋企食飯, 呵呵, 之後送左家姐去上堂, 咁我就坐地鐵返屋企喇! 幾準時返到屋企呵!! 呵呵, 之後下電視上下網咁, 今日好熱!!!

NEVER HAD A DREAM COME TRUE --> 我好鍾意呢首 S CLUB 7 O既歌, 果種感覺就好似搵到永遠O既依靠咁!

30/9/2004

今日去左飲茶, 不過好悶呢, 因為冇咩特別野食!! 之後去左行左一陣, 返到屋企四點 LU, 坐左一陣之後就落左去寄信, 奇怪呀今日, 成日都冇人派信喎, 冇理由呢!!

NEVER EVER --> 哈哈, 呢首歌我估計冇咩人會識, 不過好好聽架, 係一隊叫做 ALL SAINTS O既組合唱架, 我果陣好鍾意佢地Ｄ歌架呵!

我的拍賣