 私の日記 |
| 私の日記 |
2008/04/01  |
|
今朝早左少少起身, 所以睇左一陣電視, LUNCH 完就做功課, 因為今晚要交呢!! 之後再睇下片咁, 睇左尋晚O既＜TOKYO FRIENDS PARK II＞, 真係好好睇, 而且超好笑, 當然都有少少櫻相啦!!
再睇埋上星期果集＜GRA＞, 其實好多集未睇, 但呢集好好笑呢!! 攪到我一邊食米粉一邊差Ｄ噴!! 仲有就係無意中見到下一期BUBKA竟然有 SHO ... 俾個標題嚇親, 但細心一諗, 又應該冇咩事, 因為如果真係影到勁相,
早就放左O係封面呢!! 到左六點三左右就出門口返學喇!! BY THE WAY, 皇上影左幾張德福O既熊貓相呢(見圖1~7)!! |
| 2008/04/02 |
|
今日冇咩特別, LUNCH 後, 一口氣睇左幾個網站O既相, 仲睇到一張好多年前雅紀O既貼紙相, 係同個女仔一齊O既, 寫果行字仲嚇親我, 不過已成過去, 所以忘記!! 之後就係睇片時間喇,
先睇左最新一集＜LOSS TIME LIFE＞, 幾好睇!! 再睇左一集半＜未来講師めぐる＞, 因為都好耐冇睇呢, 呢套都幾好睇, 雖然超現實左少少, 但係幾得意!! 之後食左個米粉, 五點七左右就出門口喇!!
呢種咁悠閒O既生活, 真係唔知仲可以過幾耐, 唉 ... 倒數中! 唔知點解越黎越想一個人靜下, 因為點講都冇人聽我心聲, 事情亦唔會改變, 但係我都想人聽下我內心諗咩, 但係每次一講第一句都未入正題,
氣氛就令我透唔到氣, 我會選擇沉默, 因為只有回到我一個人O既世界, 我情緒先可以穩定返少少, 唔理身邊O既一切, 所會令我O既不安暫時被麻醉 ...!! |
| 2008/04/03 |
|
今日 LUNCH 食左個米粉, 之後追劇呢, 因為尋晚繼續睇＜未来講師めぐる＞, 發現好好睇, 好好笑, 所以今日一口氣睇埋最後兩集, 不錯不錯, 宮藤官九郎果然勁!! 最後仲話 DVD BOX 有特典片段, 攪到我非常在意, 唔知幾時先有得睇呢!!
再上下網咁, 家姐突然間打黎, 原來話想買 PRINTER, 所以我就幫佢上網睇下邊隻好, 不過實在太多, 所以我都係搵左幾部俾佢揀咋!! 沖完涼, 突然間總部又打黎, 想我下星期又去幫手, 不過我推左, 因為真係太遠,
車費+LUNCH+車程, 實在係太浪費, 所以只好推左佢啦!! DINNER 完都係上下網咁, 而家打算追劇, 只係唔知睇邊套先好呢?! BY THE WAY, 木村套「月九」竟然要 5/12 先首播, 真係史上最遲O既「月九」呢, 不過又係呀,
上次睇＜SMAP X SMAP＞, 果陣三月尾都話只係試緊戲服, 不過, 我都依然好期待呢, 因為可以值住睇呢套劇, 知道多Ｄ政治上O既野吧!! |
| 2008/04/04 |
|
今朝起身, 之後都係上下網咁, LUNCH 後又係上網, 兩點幾出門口, 因為約左家姐三點朗豪坊等, 去到會合左家姐後, 週圍行下咁, 不過冇買到野呢, 本來有少少想買 関ジャニ∞ O既 CD 架,
因為好平, 不過都係遲Ｄ先, 因為見佢有好多貨, 等我諗真Ｄ先再算!! |
| 2008/04/05 |
|
尋晚四點幾先訓得著, 但訓下又醒下咁, 好辛苦!! 今朝 10:45 起身, 之後食野, 11:50 出門口, 今日都冇咩野做, 係有幾個電話打黎,
再有幾個人黎問野咁, 都處理到!! |
| 2008/04/06 |
|
今朝都係 10:45 起身, 食完野就返工喇, 因為下午果個 PART TIME 唔得閒, 所以我返埋佢果個時間!! 返到去終於有少少野做, 就係為收據"CUP"印喇, 幾好玩呢,
話咁快就印好左千幾張單據, 不得不佩服我O既效率!! 之後又選擇左門口位, 因為有人黎我就可以見到, 唔洗行黎行去!! 不過其實好清靜呢, 電話都係得兩個!! 黎拎 CERT 同問野O既,
又真係唔太多!! 之後入返Ｄ資料去電腦, 其它時間就上網喇, 四點幾時對眼好唔舒服, 可能對電腦太耐呢!! 五點幾收工, 返屋企沖完涼就上網喇!! |
| 2008/04/07 |
|
今日 LUNCH 完上網, 睇左尋晚O既＜驚き嵐 SP4＞, 真係一邊睇一邊怕佢地出事, 但又好好笑!! 另外睇左＜新堂本兄弟＞, 都好好睇, 沖繩其實幾好玩咁!!
五點左右食左碗麵(見下圖), 之後返工喇!! 好彩冇遲到!! 整理左少少文件, 之後就上網到八點幾, 鎖完門就放工喇!! 返到黎沖完涼就食左麵包, 之後睇埋最後兩集＜ハチミツとクローバー＞,
都幾好睇, 同動畫都幾似!! 之後上網睇左少少＜NEWS ZERO＞同埋＜嵐の宿題くん＞, 未播出O既實驗幾有趣!! BY THE WAY, 睇左山P O係韓國機場果段片,
真係好得人驚, 恐佈過上次花男黎 HK 拍野時O既一千倍有多!! |
| 2008/04/08 |
|
今日 LUNCH 煮左個麵食, 之後睇＜ロス：タイム：ライフ＞, 突然間覺得如果真係有 LOSS TIME LIFE 的話, 相信我可能唔止 12 年呢, 但其實咁係好定唔好呢?! ＜1ポンドの福音＞, 睇落又幾好睇, 公平少少講一句: 某人O既演技係有進步O既, 而且呢個角色幾 ARM 佢!! 溫左一陣書, 因為今晚漢字 TEST, 都係要努力架喇,
唔可以次次都考天才嘛!! 五點幾又煮左個麵食, 六點三出門口, 依然係我最早返到去, 睇到張商業日語 POSTER, 嘩!! 攪咩要 $650 咁貴?! 兩年幾前考都係 $2XX 咋喎, $650 真係點考呀,
好貴 ... 點好呢?! 真係要好好考慮下!! 但 ... $650 真係太貴, 有咩理由咁貴架!! 今堂冇咩特別, 最後要分組討論, 不過攪左好耐都唔係太知有咩 POINT, 因為我地組果條題目太難喇!!
放學返到屋企, 沖完涼就食左件麵包條, 再繼續睇＜1ポンドの福音＞先!! |
| 2008/04/09 |
|
天氣好熱!! LUNCH 完睇埋＜1ポンドの福音＞O既大結局, 之後睇左少少＜笑っていいとも＞前幾日O既 SP, 四點幾煮左個米粉食, 不過唔好食呢!! 五點九返到公司,
首先了解下星期一返去有咩做啦, 之後就入下資料, 再整理下文件咁, 樂團果邊O既同事想我下星期返去幫下佢手, 真係好, 可以返多幾個鐘!! 再上下網咁,
聽左兩個電話, 八點幾鎖門就走得喇!! 返到屋企, 首先剪個髮先, 之後沖完涼, 食左麵包, 再上下網咁, 希望我攪得掂果個電腦問題啦, 真係好煩!! |
| 2008/04/10 |
|
今日去左飲茶, 好耐冇去呢, 食左少少野, 之後就去左行左一陣, 因為眼藥水用哂, 所以去買左支(見圖1~2), 再買左雪條!! 返屋企時,
終於發現左真兇!! 其實係呢幾日突然間覺得眼同鼻唔係好舒服, 成日以為係因為我隻眼個角膜損左O既關係, 不過原來係因為花粉!!
屋企後山好多植物近日開花(見圖3), 就係佢!! 就係佢啦!! 估唔到O係香港都會有花粉症!! 好彩記得屋企有支藥膏係對抗花粉症O既(見圖4),
試用左一次都幾好呢!! DINNER 後攻打四方城, 亦因為咁, 我完全唔記得左 ARASHI 有新節目!! 到我坐返埋部電腦時, 已經太遲,
家姐亦訓左 LU!! |
| 2008/04/11 |
|
今日早左起身, 睇左一陣電視, 之後同家姐傾左一陣電話, 約左今晚食飯!! LUNCH 食左意粉, 好好味呢!! 之後諗住睇＜貧乏男子＞, 因為之前只係睇左頭三集,
但我睇第四集時, 竟然睇左幾分鐘就頂唔順, 因為呢套劇個劇本真係太差, 睇到我完全冇興趣追落去, 所以一口氣 DELETE 哂其他O既集數呢!! 之後反而睇左三集 KAT-TUN O既節目!!
三點幾時上司小姐打俾我, 問我星期日可唔可以返耐少少, 當然可以啦, 求之不得呢(笑)!! 另外話星期一O既工作可能要改去星期二, 因為個 SYSTEM 未攪掂, 我亦冇問題呢!!
之後六點時總部又打黎, 話真係搵唔到人幫手, 但係我都推左, 對方仲"CUP"我線添, 其實都幾奇, 點解咁多 PART TIME 都冇人可以去?! 冇可能咁多人只有我係得架嘛,
係一個謎!! 六點四左右出門口, 等左一陣就有車, 七點左右去到新世紀, 會合左家姐後, 先食野, 再行左一陣, 竟然唔記得左買蛋糕喎!! 再行左去尖沙咀, 不過Ｄ店都關門喇!
所以行到十點半左右就走了, 十一點幾返到屋企, 對眼好乾呀, 唔會係乾眼症掛!! 返到屋企沖完涼, 上下網咁!! 嚇然發現 OC DELETE 左好多帖, 包括上星期我用左個幾鐘黎整理O既兩個集中帖,
唉 ... 回復數據前都同我講聲嘛, 等我 COPY 低Ｄ CODE, 唔洗家下又要再整過 ...!! |
| 2008/04/12 |
|
今朝九點幾醒左喇, 睇下電視咁, 煮左意粉食(見圖1), 之後就去兼職喇!! 今日真係好空閒, 整理左少少收據啦, 之後聽左幾個電話, 有幾個人黎拎 CERT, 開過一次門,
14:45 時, 太后打黎約O係車站等, 所以放工後直接行去車站, 坐車入將軍澳, 去大快活食左個下午茶(見圖2), 行左一陣, 都冇咩特別!! 未夠六點返到屋企, 沖完涼睇左一集小新,
之後 DINNER 喇!! 再睇左少少＜2046＞, 如果唔係有木村真係唔洗旨意我會睇, 真係唔識欣賞呢套戲O既所有野, 正準備睇埋尋晚未睇完O既＜LAST FRIENDS＞!! 真係幾好睇, 不過覺得好似亮果個角色太快暴露身份呢!!
另外睇左今日嵐O既新節目＜VS嵐＞, 好好睇, 好有驚喜呢!! |
| 2008/04/13 |
|
今朝都係 10:45 起身, 食左個麵後, 再睇左一陣電視就返工喇!! 先係"CUP"下印咁, 之後發呆發到三點, 同事問我仲咩開電腦時我先開電腦上左一陣網,
聽左幾個電話, 又答下Ｄ問題咁, 最攪笑係有個人打黎話 BOOK 場打乒乓波, 真係黑線!! 到左五點上去鎖完門就放工喇, 太后叫我去街市買野, 所以買完先返屋企,
沖完涼就睇左一陣電視, DINNER 後又睇左一陣電視啦, SAMMI 做金像獎司儀, 不過睇睇下就冇睇, 因為除左 SAMMI 其它人都唔太喜歡, 所以準備又煲下劇咁呢!! |
| 2008/04/14 |
|
今日起身後, 煮左個麵食(見下圖), 食完後太后打返黎話佢地返緊黎, 所以叫去飲茶, 雖然我已經食左麵, 但都去飲茶啦!! 另外, 我今日先第一次聽 244ENDLI-x O既歌, 會唔會遲左少少?!
因為前排知道一聽到佢把聲就會情緒失控, 所以到今日先聽, 真係好好聽呢!! 飲完茶返屋企, 做下日文功課, 同埋溫左少少書, 其實聽晚 QUIZ, 我係好應該溫習下, 不過又覺得好似冇咩文法要溫咁,
睇左尋晚O既＜惡作劇2吻＞, 好感人, 原來直樹不動聲色咁收埋咁多湘琴送俾佢O既野, 感動感動!! 五點左右食左麵包條, 之後就返工喇, 上司小姐話聽朝十點, 預計係六點走, 因為上司小姐知我要返日文,
不過我相信其實好快可以攪掂, 但我會慢慢對清Ｄ資料先架喇, 放心!! 今晚工作係整理下文件咁, 之後就上下網, 果位同事仲請我飲野添, 多謝哂!! 到左八點過少少就上去鎖門, 放工立即返屋企,
沖完涼就食飯, 因為留左野俾我食, 一邊食一邊睇明珠台果個講空難求生O既方法, 真係好多都唔知呢!! 再睇埋今朝套韓劇, 越睇越悶咁, 但追左咁耐又冇理由唔睇呢!! 今晚都要早少少訓,
如果唔係聽日點有精神返完工返學, 仲要 QUIZ(笑)!! |
| 2008/04/15 |
|
今朝 8:45 起身, 之後食左個麵包, 再坐左一陣就返工喇, 因為今日返十點呢!! |
| 2008/04/16 |
|
今朝好好訓, 訓到十一點幾先起身, LUNCH 完上左一陣網, 之後就返工喇, 因為今日返兩點!! 早左少少返到去, 係統計下Ｄ問卷, 估計有 200 幾 300 份吧(其實都唔係好知有幾多份),
其實真係好好玩, 我好奇怪呢, 好鍾意統計呢Ｄ工作, 由兩點做到四點幾左右就完成喇, 再打左少少資料咁, 再幫另一位同事做較對!! 之後咁 ARM 就黎招插班生, 所以要做Ｄ準備工作,
做到七點左右已經攪掂哂, 所以我就食下野上下網咁, 食左好多野呢, 仲第一次食雞泡魚乾, 幾好味喎其實!! 八點左右鎖門, 之後就放工喇!! |
| 2008/04/17 |
|
今朝好好訓!! LUNCH 後上網, 睇左幾段片, 仲睇埋中丸黎香港果個節目添, 估唔到日本人眼中O既香港就係咁 ..., 但都幾有趣, 仲訪問左 RICKY さん添, 不過硬係覺得佢Ｄ日文怪怪地咁!!
買左兩支眼藥水(見圖1), 因為之前那一支用完對眼不太舒服, 所以買這個冰藍試一下!! 其實現在也盡量不用眼藥水, 怕過份使用會不太好呢!! 六點半左右出門口, 因為約左家姐食飯!!
早左少少去到 KFC, 過左一陣就見家姐喇, 叫左個餐(見圖2~3), 同家姐一齊食, 因為打算之後去食甜品!! 不過呢個餐唔太好食, Ｄ芝士波 ... 完全冇味O既!! 之後行左去朗豪坊,
有可樂聖火呀(見圖4)!! 再去左信和, 買左雜誌, YEAH!! 再一路行左去尖沙咀, 行到未夠十一點就走喇, 最後都冇去食甜品!! 返到屋企沖完涼再上下網咁!! 要多謝家姐送我O既禮物(見圖5),
我會好好珍惜呢, 掛O係邊好呢(笑)!! BY THE WAY, 頭先行行下見到蘇民峰同佢老婆呢, 不過冇叫佢贈我兩句(大笑)!! |
| 2008/04/18 |
|
今朝俾個電話嘈醒, 係另一個 CENTER 想我去幫手, 但我話要過兩日先覆到佢邊日 OK!! 之後睇左一陣電視, 之後上下網, 食左個麵包, 一點半左右落街, 又撞到兩個同事呢, 同樓上個姨姨去左德福飲茶, 食左好多野呢(見下圖),
飲完茶後, 行到五點幾先返屋企, 沖完涼上下網咁, DINNER 後睇左＜LAST FRIENDS＞第二集, 其實好嬲架O者!! 長澤個角色點解咁軟弱架, 俾亮咁打法都仲返去住O既, 好恐佈, 仲要日日等佢放工, 監視住咁, 好冇安全感!! 不過亦因為咁,
呢套劇真係幾好睇呢!! 之後整理下Ｄ雜誌, 生意變差喇, 點算好?! |
| 2008/04/19 |
|
今朝 10:45 起身, 煮左麵食, 再準備返工, 打風呢!! 返到去都其實冇咩野做, 整理左少少報名表格, 之後聽下電話咁, 因為好多家長打黎問三號風球洗唔洗返呢!!
上下網咁, 三點就走人, 好彩冇掛八號風球咋, 一邊返工一邊驚呀, 因為一掛八號就會放工, 亦等於冇人工呢!! 聽日都請唔好掛八號或黑雨, 謝謝!! |
| 2008/04/20 |
|
今朝都係 10:45 起身, 食完 LUNCH 後就返工喇, 今日主要係碎紙, 聽左幾個電話, 同埋答左幾個家長問題咁啦, 終於放工時就完成碎紙工作喇!! 放工立即返屋企,
沖完涼食左兩塊杏仁餅, 好好味呢, 再睇左陣電視, 睇到五點幾入左房睇＜我們這一家＞, 睇睇下好眼訓, 所以訓到六點幾起身 DINNER, DINNER 完上下網咁, 之後又睇下電視,
終於開左 YUMIKO 送俾我O既羊羹啦(見下圖), 好好味呀, 果然貴野係唔同Ｄ!! |
| 2008/04/21 |
|
今朝早左少少起身, 因為應承左覆電話俾另一個 CENTER, 不過果個人話星期五太遲, 話搵過另一個幫佢, 車!! 咁又係你話星期一至五O既, 我話四同五都 OK, 但你又話星期四你唔得,
不過冇所謂啦, 唔係我錢唔入我袋是也!! 睇下電視, 再食左少少野, 同 CATCAT MSN 左一陣, 大約兩點就去飲茶, 原來都真係幾多人想Ｄ小朋友學音樂, 因為Ｄ街坊知道我做 PART TIME 後,
都黎問我幾時招生呀果Ｄ, 仲話好平添!! 飲完茶後行左一轉超市, 返屋企睇左半集＜惡作劇2吻＞, 再食左碗麵(見下圖)!! |
| 2008/04/22 |
|
今日 LUNCH 後上左一陣網, 之後就坐巴士過左海, 因為有野要整呢!! 仲去書局打書釘, 睇左少少＜我的低能之道2＞, 真係幾好笑!! 之後坐電車去左銅鑼灣,
拎左信用咭送O既貓型喇叭(見圖1), 之後再行下 SOGO 咁, 試食左某個日本もち, 真係好好味呀, 不過貴左少少, 所以冇買到呢!! 再坐巴士返左屋企附近, 去左"吉野家"食呢(見圖2),
再行左一陣就返學喇!! |
| 2008/04/23 |
|
今朝俾電話嘈醒左, 之後睇下電視咁, LUNCH 食意粉, 仲有泡菜呢!! 之後上左一陣網, 再作埋下堂要交O既作文, 題目係"企業と経済", 作作下都唔知自己作左Ｄ咩,
不過我諗都 OK 掛!! 再整理下Ｄ雜誌咁, 因為好好彩有個人介紹左幾個新買家俾我, 希望生意會好轉啦!! 五點左右食左碟"上海粗炒"(見圖1), 之後就返工喇!! |
| 2008/04/24 |
|
今日冇出到街呢, 都係上網同埋睇片, 睇左＜ロス：タイム：ライフ＞大結局, 都幾好睇, 不過就有個謎, 點解早兩集溫水洋一係主判, 但又冇講點解呢?!
但整體黎講, 呢套劇值得睇!! BY THE WAY, 今日對眼又唔太舒服!! |
| 2008/04/25 |
|
今日先 LUNCH, 大約一點去左銀行, 因為要同個我個理財經理會面, 點解我會咁積極?! 完全係因為傾完半個鐘後會有兩張戲票呢(笑)!! 之後坐車去左將軍澳,
第一次去果間屋, 仲體驗左中國人傳統O既儀式呢!! 到左三點幾好肚餓, 所以同太后落左街買左個兩個冬甩食(見圖1), 都幾好味啦, 不過其中一個竟然有蛋穀,
另外, 搵返隻好靚O既紙碟出黎(見圖2), 不過因為歷史太悠久, 所以唔敢用黎載野食!! 差唔多六點先走, 行左轉十蚊店, 之後去左美心快餐 DINNER,
其實本來諗住試下果個人蔘雞湯+日式豬扒飯架, 不過今日竟然冇豬扒飯喎, 所以最後太后食左個燒味飯(見圖3), 而我同皇上都係食扒餐(見圖4~5),
不過其實麻麻地好食, 而且好唔抵食, 因為呢個扒餐差唔多 $50 呢!! 食完就坐 MTR 返屋企, 返到屋企沖完涼就上下網咁, 今日天氣好似涼左少少呢!!
準備去煲劇, 睇左係＜LAST FRIENDS＞ CH.3, 最後果度真係睇到好心痛, 雖然虐打人O既亮好型, 不過從劇情睇, 好恐佈!! |
| 2008/04/26 |
|
今朝 10:45 起身, 之後食左麵, 未夠 12 點就返去 OFFICE 喇!! 收到下個月O既更表, 大件事!! 因為上司小姐話可能星期六同日唔俾佢地請 PART TIME, 要過兩日問左先再知道點,
大件事, 大件事!! 如果真係冇左星期六同日, 我就慘喇, 因為會少左一大半工時, 人工就自然少左一大半, 希望唔會咁啦!! |
| 2008/04/27 |
|
今朝都係 10:45 起身, 食左炒粉後, 坐左一陣上左一陣網就出門口返工喇, 不過硬係覺得帶漏左野咁!! 返到去都冇咩特別, 比較多人黎交表,
都有人黎問下野咁, 冇咩特別, 最特別O既係, 我終於記起我漏左咩喇, 係我唔記得帶身份証同埋八達通呀!! 就放工時, 太后打黎話去食下午茶,
所以順便叫佢拎返張身份証同埋八達通俾我, 去左大快活食, 再行左一陣就返屋企喇!! 沖完涼睇左一陣電視, DINNER 後上下網, 睇下片咁!! |
| 2008/04/28 |
|
今日 LUNCH 完, 睇左尋晚＜惡作劇2吻＞大結局, 感動到我喊, 結尾覺得好似想拍 3 咁, 因為其實日版原著係未有結局架呢, 因為個作者好多年前過左身, 但早排睇日本 YAHOO,
好似話個作者個老公會根據作者生前留低O既 MEMO 等等黎作埋個結局, 到時日本仲會有動畫添!! |
| 2008/04/29 |
|
今日起身食左幾塊餅, 之後上左一陣, 大約一點九去左飲茶, 飲完我就先返屋企, 溫左一陣書, 再睇下片咁, 大約五點煮左個米粉食(見圖1), 真係好好味呢, 米粉+醋 = 最高(笑)!!
六點幾出門口返學, 今晚課堂內容都冇咩特別, 有漢字 TEST, 估計應該錯兩個左右吧! 放學同兩個同學傾下計咁, 返到屋企沖完涼, 食左個"火龍果+雜果+粟米+肉鬆沙律"(見圖2)!!
好好味呢!! 食完之後吹下頭, 再上網!! |
| 2008/04/30 |
|
今日食完 LUNCH 就係上網時間喇, 睇左幾個 関ジャニ∞ O既節目, 到左四點幾, 本來想煮炒意粉食架, 不過原來屋企冇意粉, 所以轉返食湯米粉, 簡單炒左個特製牛肉(見下圖), 食完再睇左一陣片就返工喇!!
早左個幾字返到去, 上司小姐話我又咁早到, 其實都係早左一個字左右咋(笑), 今晚工作都係整理下文件/影下印, 同埋貼下 POSTER 咁, 七點幾上網上到八點左右, 仲未知星期六同日咩環境, 因為上司小姐話冇人答到佢呢!!
因為呢排佢地都好多野煩, 聽講係政策問題咁上下啦!! 希望快Ｄ冇事啦!! 放工返屋企沖完涼, 先同皇上太后一齊 DINNER, 因為佢地食左下午茶, 所以可以等埋我食呢!! 之後諗住整閃石指甲架, 不過發現冇果Ｄ膠水真係差好遠,
攪左好耐都整唔靚, 可惜, 因為諗住整條斜線咁, 好靚呢, 冇辦法啦, 唯有第時再整!! |
