背景音樂 : 街(みち)
 歡迎睇我任何一日私日記!(私のにっきです、どうぞ！) |
| 1/10/2004 |
|
今日冇落街呵, 因為好熱好熱, 同埋好多人!! 所以都係O係屋企, 睇下電視上下網咁, 冇咩特別!! 食左一"界"月餅,
好油! |
| 2/10/2004 |
|
今日約左個賣家交收, 交收順利, 太好喇!! 之後返左屋企, 隔左一陣就落左去拎信, 收到隻 SINGLE 喇!
好似新O既一樣, 我諗極都諗唔明白果個賣家賺Ｄ咩! 因為郵費同包裝都用左我買果個價錢O既一半, 不過買到好野就唔理得咁多呢!!
呵呵! |
| 3/10/2004 |
|
今日去左將軍澳, 好多個月都冇去過喇, 不過都冇咩特別野睇同埋行, 都係果Ｄ野啦!! 買左最鍾意O既長法包呀,
有排食 LU, 不過去到將軍澳間百佳都搵唔到果雙勁好味O既朱古力餅乾, 唉, 餅乾都咁難搵?! 返到屋企契媽打電話黎喎,
嘩! 小偷奇遇記呀!! 好彩冇被佢偷到野咋, 真係超 LUCKY !! 亞 NUT 妹妹講左佢擔心O既事我知呢, 其實我好開心,
因為佢會搵我傾, 呵呵, 其實有時順著去就得架喇! 唔洗太擔心O既, 總有一日你會遇上你O既真命天子, 然後就好似 HOME ONNI 咁架嘛,
乖!! 冇事O既, 同埋O係家人表前唔需要扮Ｄ咩架, 表現真感情, 係好事呢! ^V^ |
| 4/10/2004 |
|
今日去左尖沙咀呵, 飲完茶之後去左小熊國啦, 星光大道啦, 呵呵, 不過冇咩睇O既!! 本來諗住夜晚返屋企煮飯,
不過去左將軍澳, 約埋舅父舅母去打邊爐, 呵呵, 實在太耐冇打過喇, 好好味呢!! 返到屋企都十一點 LU !! |
| 5/10/2004 |
|
今日冇落到街呀, 好眼訓好累呀, 唔知係咪尋日出左去成日O既關係呢?! 聽晚返日文, 冇溫習添, 不過尋晚用日文同上海姑娘傾左 40 分鐘呵,
呵呵! |
| 6/10/2004 |
|
今日都冇咩特別, 係睇左一集 ARASHI, 再睇左三集 LOVELOVE !! 笑到我肚都痛埋!! 今日遲左出門口呵,
所以就坐地鐵喇! 早左到左少少, 所以就行左一陣, 不過真係冇野睇!! SIMON 同學就準時六點鐘出現!! 呵呵,
今日真係謝謝你喇! 麥當當好味!! ^V^ !! 之後準時返學啦, 今晚隔離個同學冇返添, 好彩今日學果Ｄ都唔係太難!
因為有時聽歌同埋日劇都有用到, 所以就好易就記得到喇!! 其實我今日都幾黑仔架, 送巴士車尾啦、MP3 機突然冇電啦、
去左幾間都冇 3A 電賣啦, 不過好彩, 有人請我食飯, 呵呵!! 坐車返屋企時真係好悶呢, 因為冇歌聽, 又冇開電視!! |
| 7/10/2004 |
|
今日去左飲茶, 有少少落雨, 不過好彩好彩我落街果陣冇落到雨! 之後行左一陣, 返到屋企收到個電話,
下星期有件事要辦喇! 呵呵!! 亞 NUT 拜託哂!! |
| 8/10/2004 |
|
今日冇咩特別, 天氣不錯呢!!! |
| 9/10/2004 |
|
今日睇左少少＜BOY HUNT＞, 兩點到就出門口, 不過架巴士好多人好迫呀, 都唔知點解!! 準時咁去到信和!!
呵呵, 不錯呢, 之後就梗係勁行信和啦, 之後又行去聯合呀咁啦, 家姐今日收穫好豐富喎, 呵呵, ARASHI !! 呵呵!!
我就終於買到札頭髮果個野!! 七點幾返到屋企, 嘩! 好黑仔呀其實, O係地鐵站行緊去出閘時, 竟然遇到兩個好冇公德O既"物體",
打克次唔遮架喎, 衰格!! 好彩我一個兩個閃身咁避開, 之但係好核突呀, 一陣訓前要食粒傷風藥打下底先!! 賤格!!
又 PAPER CUT 添, 好痛呵, 嗚嗚!! 聽日都係約左家姐, 呵呵, YEAH!!! |
| 10/10/2004 |
|
今日都睇左少少＜BOY HUNT＞, 石田壹成好正呀真係!! 睇到我心仔卜卜跳! 約左春天家姐四點旺角等! 之後行左一陣,
呵呵, 買到 F CON 把扇呵, YEAH!! 之後行左一陣就坐地鐵去左西九龍, 一野就去左食壽司先, 因為一夜就多人,
呵呵, 好開心呀, 食左好多呀, 好好味呀!! 我地仲親身實驗左沙律醬係咪真係可以對付到 WASABI, 嘩! 好有趣呵,
真係得架喎, 果個感覺好攪笑呀, 真係好攪笑, 開心到我地想大叫, 哈哈! 之後食完都係七點幾咋, 幾早!!
之後行左一陣就坐車返屋企喇! 八點幾就返到 LU !! |
| 11/10/2004 |
|
今日去左飲茶, 之後再去左銀行呀果Ｄ地方啦, 之後返屋企喇, 睇下 SMAP X SMAP 咁, 執好哂聽朝要O既野,
聽朝拜託你了亞 NUT 妹妹!! 聽日!! GANBARUYO!!! |
| 12/10/2004 |
|
今朝一早起身, 因為今日要去見工, 比預期中早左半個鐘去到, 同亞 NUT 會合左後, 坐左一陣就去左見工O既地方喇,
本來約左十一點架, 不過等到成 11:40 先入去見, 傾唔夠五分鐘就去左做打字試驗, 之後填埋 FORM 咁, 最後成十一點三先攪掂,
亞 NUT, 真係辛苦哂你呵!! 之後一齊去左食麥當當, 不過突然發生左爛鞋事件喎, 唉, 都唔知對鞋仲咩咁化學!
之後食完野就一齊坐巴士返我屋企方向喇! 因為亞 NUT 都去果度轉地鐵, 點知亞 NUT 走左冇幾耐後, 我發現我兩隻腳O既鞋都甩甩地,
唉, 好辛苦咁到返屋企樓下對面街, 點知 ... 點知 ... 突然間發生"甩底"事件, 心情真係極差, 所以就以九秒九速度,
除左對鞋行返屋企, 好彩我從來著鞋一定著襪O者, 黑到丫, 返到屋企樓上, 點知遇著洗樓梯, 嗚嗚, 可憐的我,
嗚嗚嗚!! 不過都係一個幾難忘O既經驗, 我記憶中甩甩下事件發生第二次架喇!! 而今日呢對鞋, 我亦都豪不客氣咁掉左佢!!
坐左一陣之後同媽咪去左報團, 呵呵, 大嶼山一日遊, 應該幾好玩, 呵呵! |
| 13/10/2004 |
|
今朝收到上海姑娘寄俾我O既野喇!! 好開心呀!! 都冇咩特別事發生呵, 返學時, 收到本場刊喇! 不過好激氣呀,
嘿嘿, 個賣家咁衰架!! 坐巴士返學啦, 不過等唔到車, 又塞下車咁, 攪到我 18:20 先到美孚喎, SIMON 同學真不好意思呢,
呵呵, 下次我會早Ｄ出門口架喇!! 放學時, 等埋 SIMON 同學啦, 呀, 點知佢竟然問我: 仲咩咁得閒喎!! 真係, 唉 ...!
咁哥哥呀, 個個星期都係咁等埋你架啦, 嘿!! 十點九到啦(我諗)返到屋企, 好開心呀, 因為亞爸專登煮上海雲吞我食呀,
好好味呵, 因為我冇食飯呢, 嗚嗚!! |
| 14/10/2004 |
|
今朝七點起身, 因為今日報左團香港一日遊, 因為早左到集合地點, 所以去左麥當當食早餐!! 開始行程,
去左青衣觀景台啦, 大嶼山大佛啦, 食齋啦, 大澳啦, 就係咁啦!! 好玩又唔係, 唔好玩又唔係, 都唔知點咁!!
四點幾完團, 咁就去左行左一陣就坐巴士返屋企喇!! 收到個電話, 聽日要去上一日堂添, 聽落有少少累呢!!! |
| 15/10/2004 |
|
今朝七點十起左身喇, 因為今日要去何文田上堂, 唉, 又未 2ND IN, 又未簽約, 咩都未傾就要我去 TRAINING,
本來諗住一日冇所謂啦, 但今日先話仲有兩日, 真係想打人呀!! 因為好悶呀, 而且個環境又唔舒服喎, 坐得幾辛苦!!
考慮下先啦!! 今日上左成日堂呀, 不過講過咩真係唔太記得, 因為太多資料, 一下子好難記得!! 放學時又黑仔喎,
行左成三條街先搵到個巴士站返屋企, 真係好累呢, 主要係坐得好辛苦!! 返到屋企真係體會到在家真好O既感覺!!
今日收到前幾日拍賣買果把扇呀, 好開心呀! YEAH! |
| 16/10/2004 |
|
尋晚訓得唔太好咁, 因為訓下醒下咁, 因為預料到今朝會有電話打俾我, 估唔到真係十點幾打黎, 之後就訓唔到喇,
今日冇出到街呀, 五點幾時睇睇下電視訓鬼著左, 不過五點半又醒左! 夜晚又唔記得睇小 S 果個＜青春六人行＞,
因為掛住睇＜PS: 俊平我很好＞, 好清呀!! YEAH!! |
| 17/10/2004 |
|
今朝都好早醒左, 呢幾日都係, 真係唔通緊張?? 又唔係丫, 點解架呢?! 今日冇落到街呀, 都係睇下 DVD 咁啦,
都冇咩特別! 不過係試左聽日著果對鞋, 因為防止再發生"甩底"事件!! 聽日我會努力!! |
| 18/10/2004 |
|
今朝又係成日醒, 訓得唔好!! 八點幾就醒左, 所以就預早左少少出門口, 坐左一個鐘巴士去到目的地! 不過都係早左到,
所以就行左一陣啦, 之後上到去都等左成半粒鐘! 之後 2ND IN 喇! 不過真係, 唔識形容, 感覺自己俾人壓價咁,
最後我話要考慮, 之後又傾傾傾, 簽左約喇! 不過好唔公平咁, 因為雖然話個職位名幾好聽, 之但係又真係 ... !!
仲要我返工前去幫手做野, 冇人工不特止仲要冇車費津貼!! 嘿!! 我好蝦咩?! 所以我只應承去半日! 不過都再諗下先, 嘿!! 唔好以為我好易咩都 SAY YES 呵!!
TSUYO 叫我要堅強Ｄ, 嘿!! 我要學會 SAY NO!! 咁之後十二點半就坐車返屋企, 去左飲茶, 再行左一陣, HAIR 左一陣後又坐車出旺角,
因為約左春天家姐食飯, 呵呵, 多謝家姐晚餐同雜誌!! ^V^! |
| 19/10/2004 |
|
尋晚我又再一次失眠, 仲要係失得好勁果隻, 眼光光到今朝五點幾先訓到, 之後七點幾又醒左, 總之就訓唔到啦!!
今日冇出到街呵, 因為到左一點幾時又訓左, 因為實在呢一個星期都訓得唔好, 訓到六點幾收到亞 CAT 電話,
知道左發生咩事喇! 安心左但又好擔心, 快Ｄ好返啦!!! |
| 20/10/2004 |
|
今日我其實好嬲!! 因為無 LALA 話一號唔洗我返工喎, 簽左約原來都唔係咁有用架咋, 唉, 話請左另一個人喎!
你估唔係有個人肯用更低人工咩, 呢Ｄ真係唔知咩公司黎架, 不過算啦(其實唔算都要算), 嘿!! 就當佢地走寶啦!!
好不容易我尋晚先冇失眠, 點知今日有個咁O既消息!! 浪費左我無數失眠O既晚上、兩次 INTERVIEW 時間、一日 TRAINING 時間、
同埋無數精神同埋細胞!! 我會記住!! 夜晚要返日文, 今次冇遲到喇!! 同 SIMON 同學食麥當當!! 要謝謝大家對我O既關心,
其實真係好感動, 謝謝大家支持, 我會努力!!! |
| 21/10/2004 |
|
今朝十點幾起身, 因為要入屯門, 約左契媽飲茶! 之後行左一陣, 買左支 MASK, 之後去左契媽新屋, 好靚呀!!
之後去左"亞 PAUL"度打牌, 之後食飯啦, 好味!! 本來諗住我自己坐車返屋企先架, 不過佢地話好快打埋四圈,
咁咪等埋先一齊走, 今日好累呢, 不過家下又好精神!! |
| 22/10/2004 |
|
今朝起身冇耐, 珍姨打黎叫我地去飲茶, 所以就即刻換衫啦, 去左沙田飲茶! 好快有位喎又! 飲完後就去左荃灣,
MANDY 姐姐又咁 ARM 今日放假!! 行左一陣之後就返屋企, 之後白白豬完出黎, 春天家姐咁 ARM 又打黎約我去街街呢,
呵呵, 咁就好快出左去, 行下街呀咁, 食左味千呵!! 行左一陣再去左食甜品, 實在太大碗!! 之後再返去信和,
點知間"鬼店" CLOSE 左喎, 仲諗住去問下佢個學年曆有冇第二款添, 下次再去過!! 十點令返到黎, 好累呢今日!!! |
| 23/10/2004 |
|
今朝又俾人打黎嘈醒左我, 仲要係好咩地, 叫我去 TRAINING, RAIN 佢條命咩仲!! 今日都冇出到街呢!!
夜晚睇＜D NO ARASHI＞, 睇到正露丸O既製作過程, 仲有醋O既製作過程, 好有趣呢, 不過真係好難想像當時係咩味!!! |
| 24/10/2004 |
|
今日冇出街, 睇完全套＜青之時代＞, 仲睇左幾集 DB, 都冇咩特別 LU !! 今朝亞 CAT 打過俾我, 好擔心佢呢,
希望佢快Ｄ快Ｄ好返呀真係!! 希望前幾日果單野唔會令到佢麻煩啦, ^V^!! |
| 25/10/2004 |
|
今朝間野又打黎話: 如果整件事只係一個誤會, 你會唔會考慮做呢份工呢?! 玩咩哥哥!! 叫我考慮下喎!
不過我早就覺得呢間公司有問題, 請人好似細路仔玩遊戲咁 --- 兒嬉! 去左飲茶同埋銀行!! 果然"兒嬉"對於呢間公司係真理黎架!!
因為四點幾又打黎話: 我地都係決定請第二個人喇! 大家話係咪好似玩咁呀?? 真係唔得佢死呀, 都唔知咩公司黎架,
仲話物業管理喎! 管下Ｄ人事先啦, 真係頂唔呀!! 大家都知斯斯好少咁激氣, 估唔到呢件事咁簡單可以俾Ｄ人攪到咁複雜!
不過我唔會咁易俾Ｄ人玩死O既, 嘿!! 睇下點, 呵呵!! |
| 26/10/2004 |
|
今朝十點幾醒左, 之後出左去尖沙咀, 因為約左珍姨去食 LUNCH 自助餐, 都幾好味!! 不過食物種類唔多,
但都幾好味! 之後行左一陣啦, 返到屋企五點幾咁, 都冇咩特別!! 其實可能人大左, 睇"生日"呢兩個字冇咁大~
所以過左十二點O既而家都好似平日咁, 我家下仲 SCAN 緊 PAST PAPER 添!! 要再一次謝謝珍姨!! 鍚哂你!! |
| 27/10/2004 |
|
HEEE, KYOU WA, CC NO TOKUBETSU NO HI DESU!! CC NO TANJYOUBI DESU YO!! OMEDETOU! KYOU WA HONTOUNI URESHII DESU,
TAKUSAN NO AI WO MORATTAN DESU YO!! HONTOUNI URESHIKATTA DESU!! MINNA, HONTOUNI ARIGATOU!! MINNA AISHITEIRU YO!!
呵呵, 都係寫返中文好Ｄ, 好多謝大家對 CC O既生日祝福, 聽到 ALEX/V.LEK(謝謝你份禮物, 今日收到了, 超喜歡!)/貓豬/YVONNE O既生日點唱,
好多謝大家呵, 雖然讀唔到亞 NUT 妹妹個點唱, 不過一切在 ONNI 心中, 收到哂!! 收到亞英O既 SMS , 謝謝你呢, 好耐冇見喇,
希望你日日都開心丫!! 仲有 媚媚/ATY/敏如/上海姑娘/邦邦/LISA/ANNETTE O既 ICQ 祝福, 真係太感謝大家!! 仲有呵仲有呵!!
多謝 KAZU HONEY 呵, 估唔到你咁好記性呢, 仲專登打電話俾我, 真係好感動呵, 鍚哂你!! 當然唔少得要多謝 SIMON 同學啦,
因為請我食左麥當當, 嘻嘻, 仲諗住你會唔記得添, 不過呢, 第時唔好咁孤寒呵, 只肯講一次: 生日快樂!! 其實仲有好多好多人想多謝!!
仲有多謝和舅父電話祝福!! 不過一時間不能盡錄, 如果有寫漏O既講聲唔好意思!! 仲要多謝亞 WAYNE 呵, 呵呵,
雖然好似冇祝我生日快樂(笑), 不過你話我好多好朋友, 呵呵, 真係好開心!! 返到屋企仲有愛人靚湯同埋飯添,
真係好開心O既生日呢!! |
| 28/10/2004 |
|
今日諗返起尋晚發生O既兩件天然事件, 第一件係同 SIMON 食完野後行出麥當當時, 見到而家開心樂園餐送O既 SNOOPY 喎,
點知唔知仲咩我會講左一句: "嘩! 咁大隻米奇老鼠O既!!", 自己講完都覺得嚇親呵, 果一刻真係唔知點解!! 第二件事呢,
就係上堂時, 隔離個同學突然間問我: " URUSAI 唔記得左點寫添!", 之後我好熱心咁, O係張紙上面寫左 " URUSAI " O既平假名,
之後個同學忍唔住笑咁話:"我係問個漢字呀, HAHAHA, 唔得呀, 我頂唔順呀, HAHAHA!!", 佢咁講完我先醒起, 我真係做左件好天然O既事!!
諗返起真係好鬼好笑!! 講返今日先, 今日冇咩特別呵, 係好似好眼訓咁, 可能尋日太興奮!!! |
| 29/10/2004 |
|
今日去左飲茶, 收到兩隻碟喇, 好開心呀, 因為真係太平喇! 連埋包裝郵費, 兩隻碟夾埋都係 $15 咋!!
雖然唔係全新, 不過真係好抵買呵, YEAH!! 手多多安左個 WINDOWS XP SP 2 O既自動更新, 好多 WARNING 呵!!
家下應該冇事掛, 希望冇事啦, 冇事O既~~~ !!! 夜晚捉住左亞 NUT 妹妹傾計, 其實係 ICQ !! 呵呵!! 佢都講得幾好,
因為應該可以感情再深少少!! 我會努力!! |
| 30/10/2004 |
|
今日冇山到街呀, 天氣唔錯唔錯!!! |
| 31/10/2004 |
|
今日早上冇咩特別, 之後約左家姐係 MTR 月台等, 一齊去左西九龍食壽司, 好味, 謝謝家姐!! 之後坐車去左太子, 一路行返去旺角,
我今日冇咩買到野呵, 只係買左件衫, 但又買唔到碟喎!! 呵呵! 行呀咁, 食左"可麗餅", 呵呵, 都係 朱古力雪糕+香蕉+朱古力醬,
呵呵, TSUYO 口味!! 行到九點幾就坐車返屋企喇! |
