 歡迎睇我任何一日私日記!(私日記。WATASHINO NIKKI！) |
| 1/6/2006 |
|
今日原來先係兒童節喎, 乜唔係 4 月 4 咩?! 今日冇咩特別, 係整左Ｄ糯米"池", 我覺得幾好味, 但係太后就唔多欣賞,
可能係因為佢食果陣凍左, 硬左少少啦, 以後唔整呢樣喇!! 尋晚發左個好邪O既夢, 係關於 SAMI, 但係實在太邪,
所以都係唔寫夢日記喇!! |
| 2/6/2006 |
|
今朝落大雨, 天黑黑咁, 好眼訓, 但又比平時早左起身喎!! 發現個 DVD WRITER 出左事, 只係 READ 同 WRITE 到 VCD,
但係 DVD 就全部 READ/WRITE 唔到, 上 YAHOO!知識問, Ｄ人Ｄ答案真係想中佢地幾野, 答Ｄ答案真係唔知好嬲定好笑,
例如: 你一定係分唔清 CDR 同埋 DVDR, 又話你果部一定唔係 DVD WRITER 所以燒唔到 DVD!! 真係"強汗"!!
去左飲茶, 之後去行左一陣, 我終於都忍唔住買左果 SET 6 隻O既熊貓, 真係好可愛架, 返到屋企上網睇, 原來呢一系列O既熊貓,
仲有兩 PART, 我呢套只係 PART 1, 仲有 2,3, 嗚嗚, 邊有咁多錢買喎 ...!! 因為 DVD 問題打左俾我親愛O既表弟,
佢話幫我 CHECK 下價, 希望真係換左新 WRITER 就冇事啦!! |
| 3/6/2006 |
|
今日出左旺角, 但唔係同春天家姐, 係同太后, 因為 DVD WRITER 先生又壞左, 所以出去買過部, 驚嘆O既係,
家下一部 DVD WRITER 都唔洗 300 蚊, 真係好平, 好抵用!! 我 ARMARM 壞左果部買果陣要 500 幾, 都只係上年年頭買,
用左唔夠一年半就告別我地喇!! 嗚嗚嗚~~ 四點幾返屋企, 去左惠康買麵包, 之後就返屋企安裝 DVD WRITER 喇!
正喎, 唔錯呢, 我個 HARD DISK 就可以多Ｄ位喇! 太好喇!!! |
| 4/6/2006 |
|
今日去左將軍澳, 不過冇咩睇, 所以好早走左, BY THE WAY, 見到莫文蔚呢!! 返到屋企同 DORA / CATCAT / 亞 WING 傾 MSN,
其它都冇咩特別 LU!! 今日係六四, 時間過得太快喇!! 另外今日睇到話森美, 唉 ... 好心佢啦, 把口好心收下啦,
越黎越過份, 經一經大腦諗一諗, 錯就少Ｄ架喇! 要記住好多年青人聽你做節目, 話哂你都有個仔, 試問如果你仔仔聽個節目個主持人講呢Ｄ野,
你會點呢?! |
| 5/6/2006 |
|
今日去左飲茶, 突然春天家姐打黎, 叫我幫佢攪拍賣Ｄ野, HEEE, 多謝家姐!! 飲完茶返屋企, 上左一陣網, 再睇左幾集堂本兄弟,
食完 DINNER 後整左個蛋糕呢!! 夜晚睇左＜女系家族＞大結局, 有少少唔明白呢!! 仲睇左＜人間蒸發＞(明珠台),
真係 ... 唉, Ｄ人點解咁衰販賣人口, 真係好慘! |
| 6/6/2006 |
|
今日冇咩特別, 睇左幾集 USO, 真係幾得人驚!! 之後食左個麵就返學喇, 行左轉十蚊店, 本來想買返個蛋糕盤,
不過冇我想要O既, 今晚 DORA 有返, 兩星期冇見呢!! 上堂都冇咩特別, 派左 ORAL O既題目, 好深下呢, 要努力答下先!!
今日又睇到 SPACE 會開個日文 MASTER, 諗緊讀唔讀, 其實讀都唔會係呢一兩年, 可以睇定Ｄ先, 因為都唔平!! |
| 7/6/2006 |
|
今日 LUNCH 後, 落左去一陣, 幫家姐攪掂左某件事, YEAH!! 之後去左食下午茶, 點知有個電話打黎, 話係八達通日日賞積分O既,
又 UP 得出我個全名喎, 話有咩新O既推廣啦, 咁就聽啦, 點知聽聽下唔對路喎, 因為佢一開始係就係講Ｄ積分呀咁,
但係突然間講保險喎, 所以我立即話唔需要就收左線, 我懷疑係八達通日日賞果邊賣左Ｄ資料俾人, 如果唔係冇理由 UP 得出我個全名同埋知我電話,
又知我參加左呢個野, 家下做生意真係唔老實! 所以我返到屋企就寫左封投訴信喇! 夜晚知道＜架勢堂＞下星期一開始停播兩個月,
真係有少少覺得行動太遲, 希望今次教訓, 森美同小儀可以學會返道德呢兩個字啦!! |
| 8/6/2006 |
|
今朝亞妹打黎, HEEE, 過幾日見到佢地喇! YEAH!! 今日出左旺角飲茶, 因為去換部手機, 之後飲茶飲到三點幾,
再行左一陣, 我就自己返屋企喇!! 沖完涼就開始玩部機, 再煮野食!! 再玩手機, 玩左成晚, 好辛苦先入到兩首歌,
要多謝家姐幫我 SCAN SNOW! SNOW! SNOW! O既琴譜呢!!! |
| 9/6/2006 |
|
今日依然係玩手機, 好辛苦地, 終於俾我入到＜除你以外誰也不愛＞喇! 雖然唔係 100% 似, 不過真係好開心呢,
家下係我O既鈴聲, 但係過份O既係, 點解冇得 SET 某個電話號碼打黎唔同鈴聲?! 唔通我唔識 SET?! 同埋我今日先知,
我張 PEOPLES 咭係唔可以 SEND 同收 MMS, 攪到我唔可以 SEND Ｄ相去部機度添!! 夜晚同家姐傾 MSN, 希望下次家姐借張咭我用時會成功 SEND 到相啦,
因為都未試過, 唔知得唔得!! |
| 10/6/2006 |
|
今日家姐打俾我, 約左三點信和等! 所以我食完 LUNCH, 上左一陣網就出門口喇! 首先當然係行信和啦,
見到本新雜誌係亞剛封面, 好靚架, 不過太貴, 因為係 AIR 版, 所以我都係等船版先買!! 之後行行下, 突然間家姐個電話響喎,
原來係 NOBUTA 個袋有貨喇! 所以約左六點火車站等, 真係攪笑, 我唔知點解有帶張入數紙同埋 ATM, 因為好耐冇帶架呢,
所以真係神奇呢!! 行左一陣, 等到五點幾個賣家打黎話到左, 所以就去交收, 順利交收完後行左去十蚊店,
之後去左食拉麵, 一邊食一邊睇下個新袋, 條"咩"帶比我想像中薄, 之後仲一邊食一邊睇左家姐個新作, 有一句好攪笑,
就係話雅紀好似貞子咁, 爬返上床, 真係攪笑, 完全想像到呢!! 可能亞仔平時都係咁 :P !! 個袋我仲立即用左添,
因為好學生 FEEL, 唔錯呢!! 之後行左去中港城果邊, 諗住上網啦, 點知等左幾分數都未 LOAD 到個網, 所以放棄左,
就去左坐低玩手機, 因為想試下用家姐部機 SEND 圖去我部機(用家姐張咭), 試左好耐, 我估有大半個鐘, 後黎發現家姐張咭都冇 GPRS,
所以唯有返去研究下再玩過!! 家姐辛苦哂!! 之後就坐車返屋企喇, 因為都好累呢! 預備寫＜FINAL DISTANCE＞O既前傳,
因為 STAR WAR 都係咁啦, 哈哈!! |
| 11/6/2006 |
|
今日冇落到街, 整左蛋糕, 唔知係咪牛油落多左呢, 好似唔同左味咁!! 睇＜KUROSAGI＞同埋＜ATTENTION PLEASE＞,
好感動呢, 不過唔知點解今集＜BUSU ...＞仲未有!! 夜晚終於做左份功課, 其實應該預備定 ORAL Ｄ答案, 但係又懶喎,
不過真係好快到 ORAL 呢, 有 60 幾題要答, 真係有少少緊張!! |
| 12/6/2006 |
|
今日同太后兩個人去左飲茶, 之後行左一陣, 仲去左日本城買左少少野, 以作準備!! 今日寶姨同兩個表妹仔返左黎呢,
真開心!! YEAH!! 不過的確我係潔癖呢樣野真係改唔到, 本來我諗住試下＜ＭＩＲＡ催眠＞, 不過總覺得呢樣野冇必要改變,
因為真係對健康好重要!! 夜晚睇明珠台播O既＜鬼嫁日記＞, 真係好攪笑, 雖然之前睇過呢! |
| 13/6/2006 |
|
今日十二點幾出左去, 因為約左寶姨地飲茶, 由於早到左, 所以行左轉信和, 仲見到家姐想搵果本 PP 封面O既雜誌,
所以立即打俾家姐, 最後幫佢買左! 去到酒樓, 嘩, 好耐冇見呢, 呵呵, 飲下茶咁, 但都有小插曲, 就係某人同某人O既大罵戰,
(其實係某人俾某人罵就真), 唉, 講真一句, 真係好煩, 就算當事人介意都係咁話, 因為我真係唔鍾意嗌交, 同埋點解唔學會 LET GO 呢?!
咁勞氣為咩呢?! 之後行左一陣, 五點幾我就開始起程返學, 行下十蚊店咁, 之後去食麥當勞, 撞到隔離位同學,
所以就一齊食喇!! 放學就返屋企 LU, 好累呢, 因為本書好鬼重, 仲拎左成日添!! 值得一提係, 今日用左 NOBUTA 袋,
YEAH!!! |
| 14/6/2006 |
|
今日食左個麵, 之後會合埋哂就去飲茶, 再上左屋企一陣, 仲做左個心理測驗(?!), 即係畫畫之後解說咁,
都幾準咁!! 之後落左去玩左一陣, 再去左食飯, 食完飯就返屋企, 好累呢! 兩點幾先訓, 原來 BL 真係好流行下!
BY THE WAY, 冇佢開唔到飯?! I DON'T THINK SO! |
| 15/6/2006 |
|
今朝七點就醒左, 其實因為訓廳, 所以訓得唔係幾好, 十點幾落左去食大快活早餐, 之後行左一陣, 因為太早Ｄ店都未開,
返到屋企實在太眼訓, 所以訓左一陣, 之後表弟黎到, 傾下計咁啦, 冇咩特別, 夜晚會合埋珍姨同雄舅父一齊去左食飯,
食完飯返屋企, 本來係好眼訓, 不過又要上下網咁! 哈哈! |
| 16/6/2006 |
|
今日去左飲茶, 之後行左一陣, 冇咩特別, 原來照顧小朋友係幾累, 因為今日成日都覺得好眼訓咁!! 其實諗諗下,
都係時候要預備下個 ORAL, 60 幾題我都完全未開始答, 唉 ...! |
| 17/6/2006 |
|
今日 LUNCH 完出左旺角, 因為約左家姐!! 首站就一定係信和啦, 行左一陣, 之後就行呀行呀, 買左七月號,
YEAH!! 之後去左新世紀睇雜誌, 再之後又行呀行呀, 去左朗豪坊, 因為要等家姐個男朋友俾返野家姐, 所以成七點幾先離開旺角,
之後就行十蚊店, 不過搵唔到想買O既野, 之後去左食拉麵, 突然撞到以前教會果個人, 我覺得佢好熟口面呢!!
之後再行左一陣, 十點就走喇, 今日夜左呢, 返到屋企大約十點半, 之後攪下雜誌咁啦!! BY THE WAY, 今日係 TSU O既生日,
祝佢日日開心呢!! 另外仲係我契仔 NINO 生日喎, 祝佢身體健康, 最希望佢學我個細仔雅紀咁戒煙就最好!!
今日家姐幫我改左個花名, ＜DO M 番長＞(汗一個), 我雖然有呢個傾向, ...! |
| 18/6/2006 |
|
今日冇落到街, 睇左幾集＜女婿大人＞, 雅紀好型好可愛, 神木小朋友超級可愛!! 之後無 LALA 肚痛, 都唔知食錯左咩!!
夜晚玩＜明星三缺一＞, 輸左萬幾 I 幣, 暈倒!! 睇左＜KUROSAGI＞, 下集大結局, 好緊張呢, 究竟會點呢?!
家下去睇＜BUSU ...＞先, 呢套其實真係麻麻地, 個故事 OK, 只係Ｄ主角同配角都怪怪地!! |
| 19/6/2006 |
|
今日冇咩特別, 係四點到出左去將軍澳, 之後行左一陣, 再食晚飯, 返到屋企都十點幾喇! |
| 20/6/2006 |
|
今日冇咩特別, 上下網, 睇左尋日個 HEYHEYHEY, 係 TOKIO + V6 保齡球對決, 真係笑Ｃ我, 准一好攪笑!!
食左個麵就出門口, 之後行下十蚊店, 買左個黑白棋同埋小頸巾, 之後返學, 希望 DORA 快Ｄ冇事啦, 因為近排太唔順利!!
放學返屋企, 沖完涼食左少少炒麵, 再上網玩左一陣眼仔!! 今日係 MANYU 生日, 雖然相信已經成為過去, 亦可能唔會點再聯絡,
不過始終係一個我好珍惜O既朋友, 祝你生日快樂!! |
| 21/6/2006 |
|
今日我突然提議去飲茶, 因為好似好耐冇飲咁, 之後去左銀行, 再行左一陣, 返到屋企, 沖完涼又突然間"的"起心肝,
做日文功課同埋答 ORAL Ｄ問題, 不過Ｄ問題的確唔知點答好, 所以我都係答左一半到, 聽日再努力!! |
| 22/6/2006 |
|
今日本來話出旺角, 不過記起要交收, 所以我冇出到, 三點鐘到落去交收, 仲行左轉超級市場, 見到有隻朱古力 CREAM,
想買架, 不過又好似好貴咁, 返到屋企沖完涼, 就整左個蛋糕, 答埋 ORAL Ｄ題目, 不過仲有幾題好難答, 仲諗緊答案!! |
| 23/6/2006 |
|
今日同太后兩個人去左飲茶, 之後返左屋企一陣, 再坐車出左旺角, 真攪笑, 諗住去申請張信用咭, 果個人竟然話"下?! 囡囡申請信用咭, 你夠 18 歲未架?!",
呵呵, 我個樣真係呃得下人呢(YEAH!!)!! 之後再行左一陣, 去左搵玲姐姐傾左一陣, 好攪笑, 玲姐姐話我同細個時完全冇變樣,
仲話見返我好開心, 呵呵!! 行十蚊店, 買左四樣野呢, 之後坐巴士返屋企, 有少少累呢, 因為實在太熱喇!!! |
| 24/6/2006 |
|
今朝落左去銀行整返Ｄ野, 之後行左轉超級市場, 再返屋企食 LUNCH, 未夠兩點就出門口喇, 去到等左一陣,
第一站當然去買 SINGLE 啦, YEAH!! 都係冇 POSTER 送!! 之後行哂幾層信和, 好多野睇呢, 之後呢度去下果度去下咁,
去左朗豪坊夾糖, 一日都係尋晚個節目, 攪到我好想食糖!! 之後諗住陪家姐買衫, 不過又真係睇唔 ARM, 再行左一陣去左食麥當勞,
換左個玩具, 不過果位店員真係, 明明話俾現金但儲分, 但係佢O係八達通扣錢, 好彩尋日入左錢咋, 食完再行左一陣就走喇!!! |
| 25/6/2006 |
|
今日好熱呢, 冇落到街, 先頭諗住整薑汁奶, 但係發現屋企冇薑喎, 所以冇整到!! 夜晚整左梅菜扣肉飯,
好好味!! 睇左幾集＜AI NO EPURON＞, 煮野好食真係唔易呢!! |
| 26/6/2006 |
|
今日去左飲茶, 之後行左一陣, 返到屋企沖完涼, 答埋果幾題未答O既 ORAL 問題, 終於都叫做答好哂, 而家只欠記熟Ｄ答案,
不過真係好多野要記呢!! |
| 27/6/2006 |
|
今日冇咩特別, 溫左Ｄ生字啦, 之後食左個麵就出門口返學, 今堂 DORA 都冇返!! 今堂係 QUIZ, 有 73 分,
都唔錯呢, 再講左少少功課, 就完結左今個學年喇, 雖然下星期仲要返, 但係下星期係 ORAL, 只係返去 5 分鐘咋!!
BY THE WAY, 今日 SENSEI 送左一本書仔俾我, 因為我由頭到尾都冇缺席呢, YEAH!! ARIGATOUGOZAIMASU!! 放學就返屋企喇,
今日早左少少呢, 收到 DORA 個 MSN, ... 希望快Ｄ冇事啦!! 數下數下, 又要 ORAL 又要 EXAM, 我要努力!! |
| 28/6/2006 |
|
今日冇咩特別, SCAN 左Ｄ NOTES 俾 DORA, 答下 ORAL 題目咁啦, 終於都答好哂, 不過其實有幾題唔係好肯定係咪咁答,
不過都應該 OK O既!!! |
| 29/6/2006 |
|
今日兩個表妹開始黎住喇, 去左飲茶啦, 之後行左一陣, 買埋麥當勞食, 再玩左加菲貓個 GAME, 之後食涼粉同埋西米露,
再上下網, 織下手繩咁, 未夠兩點就訓喇!! |
| 30/6/2006 |
|
基本上今朝七點幾先真正訓得著, 因為兩個女成日都郁黎郁去, 訓到十一點幾, 之後食左少少野, 再到兩點去左飲茶,
飲完茶之後去左深水"步", 行到五點幾就坐車返屋企喇, 不過塞車, 所以六點幾先返到屋企, 沖完涼就食飯,
之後玩左一陣, 食O者喱, 再睇下電視咁, 我先發現原來我三日冇寫日記, 亦發現左自己記性開始變差! |
