 私の日記 |
| 私の日記 |
2008/05/01  |
|
LUNCH 完上左一陣網, 再約家姐O係新世紀等, 好好彩一去到車站就有車喇, 會合左家姐後, 週圍行下咁, 我仲試飲左 7-11 新出果杯"青蘋果思樂冰", 比想像中好飲,
但又唔係話非常好飲咁啦!! 再週圍行下咁, 不過條街真係好多好多人, 平時星期六日都冇咁多!! 行到五點幾, 去左吉野家食野, 下午茶又加左價, 早幾日食都仲係 $15,
但已經加到 $16 喇, 真係成日加價 ... !! 再行左去尖沙咀, 行到九點幾就走喇, 其實對腳有少少累, 可能好耐冇試過行咁多個鐘啦, 返到屋企十點左右, 沖完涼吹完頭,
又開始上網!! 太后去 OK 便利品買野送左個小飛俠膠紙(見下圖), 個人認為唔太靚呢(笑)!! |
| 2008/05/02 |
|
今日起身睇左一陣傳聖火, 再睇左尋晚O既＜LAST FRIENDS＞, 真係睇到我丫, 有咩理由最後果陣俾美知留一個人去掉垃圾架?! 而且最後決定返宗佑身邊O既話,
其實一定預左會繼續俾宗佑打, 真係唔好話我知佢冇預計到會咁!! 再加上如果朋友勸完一次又一次都仲要返去O既, 呢Ｄ真係唔抵幫同埋唔抵可憐吧! 雖然佢俾宗佑 DV 係好慘,
不過其實都係佢自己攞黎!! |
| 2008/05/03 |
|
今朝食左個米粉, 之後超級市場送貨黎, 果個人仲衰, 求其放Ｄ貨, 攪到我關唔到門, 最後要搬開幾箱野先關到, 仲整損左隻手添!! 返到公司,
其實都好靜下, 聽下電話, 收下 FORM 咁, 同事們都好放心, 因為所有工作都係自己攪得掂, 佢地都冇咩理我, 途中上左一陣網, 到三點就返屋企喇!! |
| 2008/05/04 |
|
今朝都係 10:45 起身, 食左皇上整O既乾炒牛河後, 就返工喇, 今日都係好多人黎交 FORM, 但真係好好奇, 點解咁多個人都唔知要回郵信封?! 張 FORM 寫得好清楚架呢!! 到左三點正想走時,
咁 ARM 有個學生黎交請假信, 要影印張証明, 點知咁好彩 ... 影印機 JAM 紙, 所以攪左一陣先走呢!! 返到屋企坐左一陣, 就去左大快活下午茶, 之後再行左一陣, 五點左右返到屋企, 我再次剪左頭髮喇,
因為真係好熱, 同埋Ｄ頭髮長得好快呢, 好彩識自己剪咋, 如果唔係下下去髮型屋剪, 你都咪話唔貴呢!! DINNER 後食左個雪糕做甜品, 咁 ARM 屋企有香蕉喎, 所以就整左個"香蕉船"(見下圖),
雖然知道好肥, 不過美食當前, 食左先減啦!! |
| 2008/05/05 |
|
今朝俾電話嘈醒, 點知係咩借錢計劃喎, 煩!! 去左飲茶, 之後我返屋企先, 因為天氣好熱!! 上下網、睇下片咁, 四點幾時食左幾塊餅,
因為未太肚餓, 五點半出門口返工, 不過早得滯, 冇所謂啦, 呵呵!! 今晚 UPDATE 出席率, 再核對左少少文件, 之後就上網喇, 見到 JPOP 有人話＜LAST FRIENDS＞個官網有"裏サイト",
不過整左好耐都整唔到, 所以都係返屋企先再試!! 八點幾鎖完門放工, 落微雨呢!! 返到屋企沖完涼, 食湯米粉, DINNER 完再試下個"裏サイト",
終於努力左一陣就 OK 喇, 不過冇咩野睇(笑)!! 之後又手多噤錯制 DELETE 哂 BOX Ｄ公告, 攪左好耐, 因為要改 IE 個 SETTING 先有返個確定制去改返,
真係奇怪呢!! |
| 2008/05/06 |
|
今日冇咩特別呢, LUNCH 後上下網, 再睇下片咁, 睇左＜ホカベン＞、＜メントレＧ＞、＜SMAP X SMAP＞、＜女神のアンテナ＞、＜ケロロ＞同埋タキツバ之前出果隻 DVD,
五點幾煮左米粉食, 六點三左右就出門口返學喇, MISS 留意到我剪左頭髮, 所以傾左一陣剪頭髮啦, 之後教新書, PRESENTATION O既同學題目係有關 SMAP, 我仲諗住好多野睇,
但內容實在太少, 我諗住我呢個 J 家通可以好有興趣, 但 ... 真係麻麻地, 始終 PRESENT 果位同學, 無咩禮貌, 同埋態度幾差呢!! 放學返屋企沖完涼, 食左個火龍果沙律,
之後睇電視咁, 好彩家姐提我日本放送播緊＜99+＞咋, 今集係 JUN 做嘉賓, 之後咁 ARM 播 SHO O既＜THE MOMENTS＞, 仲要係同福原愛對談, 所以睇埋, 奇就奇在,
呢個節目冇人放呢!! 睇完後決定左今年奧運, 我要睇愛ちゃん!! |
| 2008/05/07 |
|
LUNCH 煮左個米粉食(見下圖), 因為我冇去飲茶呢!! 睇下電視上下網睇下片咁, 三點幾上司小姐打黎, 問我下星期四去旺角個 CENTER 幫下手, 所以我應承左呢, 到左四點幾,
食左兩塊奶油麵包, 五點七左右就出門口返工喇!! 打左幾個電話通知某一堂停課, 再出左幾封信通知補課, 之後就上網喇, 因為上司小姐呢幾日要去第二個 CENTER,
所以好多文件都 HOLD 住左, 所以比較得閒少少呢, 都冇辦法!! 放左工返屋企沖完涼, DINNER 食沙律, 食完再上下網, 睇咩片好呢?! |
| 2008/05/08 |
|
今日 LUNCH 食左麵, 之後上網同埋睇片, DINNER 皇上同太后買左壽司返黎食(見下圖), 又平又好味呢, 仲飲左少少香檳, 不過太勁酒精, 有少少暈(笑)!! DINNER 後, 休息左一陣,
專登睇＜東張西望＞, 因為估計會有成宮寬貴, 果然真係有呢, 仲有小小O既訪問, 唔錯唔錯, 不過其實 ... 唔太想睇果套劇, 因為除左成宮之外, 完全吸引, 不過估計都係會為左睇成宮而睇,
電視台真係識搵人!! 有上網睇左＜食わず嫌い＞, 因為係潤做嘉賓, 對手係浅田真央, 可惜都係輸左!! 之後睇＜ひみつのアラシちゃん！＞, NINO Ｄ魔術幾勁呢!! |
| 2008/05/09 |
|
今日睇到報紙話 OHNO 將首次主演連續劇＜魔王＞, 演律師, 故事講述佢家人被殺, 然後佢計劃報仇, 而 TOMA 會演調查連續殺人事件O既驚察呢!! 好期待呀, 但係要七月先有得睇, 睇埋造型,
我就知道我一定會萌上 OHNO, 因為真係好得!! 之後去左飲茶, 之後行左一陣, 買下野食咁, 收到同事電話, 想我下星期二返去幫手, 佢亦好好呢, 因為知我夜晚要返學, 所以俾我返朝早,
估計係因為果日報名截止日吧!! 拎左個信用咭禮物, 係 izzue O既杯(見下圖), 好靚呢, 本來想送俾家姐做生日禮物, 因為黑色, 不過係贈品, 所以都係唔太好, 諗過第二樣先!! 經過麥當當,
今日開始換 TAMAMA 呀, 但係要換兩隻, 同埋今日食唔落住, 希望過兩日都有得換啦!! 返到屋企沖完涼, 睇尋晚O既＜LAST FRIENDS＞, 亮真係好型(笑), 我果然係有少少變態O既傾向(爆笑)!!
DINNER 完, 突然想睇返上幾季未睇完O既仲間果套＜ジョシデカ＞, 可能尋晚睇左個節目有石田壹成, 令我諗起呢套野未睇完啦, 之但係石田壹成只係客串第一集咋喎, 連續睇左三集都幾好睇O既,
好想知究竟兇手係邊個, 繼續去睇埋先!! |
| 2008/05/10 |
|
今朝起身, 煮左個米粉食, 因為皇上同太后有節目呢!! 食完再過左一陣就返工喇, 今日都幾充實, 因為要處理Ｄ申請表, 三點放工,
但冇立即返屋企, 因為諗諗下不如去麥當勞換 タママ, 順利咁換左兩隻(見下圖), 一隻我一隻安怡, 因為如果唔換俾安怡, 又點會放過我呢(笑),
所以今日下午茶就係兩個開心樂園餐喇!! 食完之後沖涼, 沖完就睇埋仲間果套＜ジョシデカ＞O既大結局, 真係 ... 點解Ｄ編劇成日都虎頭蛇尾架,
開個頭真係幾好睇, 但最後睇完O既感覺係: "下?! 唔係掛~!!", ANYWAY, 其實個編劇應該多謝石田壹成, 如果唔係佢客串左第一集, 我真係唔會睇!!
DINNER 只係食左少少野咋, 因為大家都食左下午茶!! 再上下網, 睇下片咁, 睇左今朝果集＜VS 嵐＞, 雖然唔鍾意某個嘉賓, 不過整集黎講都幾好睇,
雅紀再次反抗 SHO, 近排佢開始作反呢(笑)!! 不過真係睇得幾開心!! |
| 2008/05/11 |
|
今朝都係 10:45 起身, 又係煮左個米粉食, 其實我真係好鍾意食米粉架呢!! 食完差唔多時間就返工喇, 今日好多人黎交表格呢, 可能真係就到限期啦,
所以今日都係不停咁收表!! 放工返屋企, 沖完涼就一邊下午茶一邊睇尋晚開始睇返上季O既日劇＜佐々木夫妻の仁義なき戦い＞, 因為尋晚冇野睇, 睇完一集發現非常攪笑,
而且都好感動, 今日仲一口氣追左四集添!! DINNER 後睇電視, 睇埋 TVB O既＜花樣少男少女＞後, 再上網, 因為點都要支持下小栗同埋 TOMA O既!! |
| 2008/05/12 |
|
今朝起身上左一陣網, ＜花より男子ファイナル＞將會O係香港上呀, 太好喇!! 真係夢境成真, 因為我真係發夢會O係香港上呢!! LUNCH 完大約一點左右就出門口, 先去買左少少野俾家姐,
再坐巴士出旺角, 順道去左某間化粧品店拎個贈品!! 到左信和過左一陣同家姐會合, 再等埋步步, 我終於拎到件 T-SHIRT 同埋 CD 喇(見圖1~3)!! 好開心呀!!
果然件 T-SHIRT "DOMOTO TSUYOSHI"印O係頸位靚好多!! 行左好多地方, 買左少少野(見圖4), DINNER 去左沙嗲王食(見圖5), 再行左一陣, 7 點幾就走喇, 返到屋企沖完涼就上網喇,
仲睇左家姐借我果隻 DVD O既 ARASHI TIME CONCERT O既 MC, 雅紀好可愛!! 上網睇＜NEWS ZERO＞同埋＜嵐の宿題くん＞呢!! |
| 2008/05/13 |
|
今朝 8:30 起身, 因為今日返早呢, 食左兩塊麵包就返工喇!! 都唔算非常忙, 一陣一陣咁, 因為今日截止, 所以都多左好多人黎交表, 其實又奇怪O既, 點解硬係要到最後果一日先黎交架?!
仲要唔睇張 FORM 要Ｄ咩資料, 只識打黎問, 仲有部份家長欠缺基本禮貌, 好似有個家長打黎問點樣報名, 我話可以黎拎表或者上網下載, 佢話上網睇過話今日截止咁可以點喎! 我咪話今晚收 8 點,
8 點前交黎都可以, 之後又話今日唔知得唔得閒過黎交, 咁點!! 我真係都好想問究竟你想點!! 又想報名, 又唔肯交表, 咁可以點?! 我咪唯有答佢今晚 8 點前交到表都趕得切, 佢就勁話今晚未必有時間,
咁 ... 我都幫你唔到呢!! |
| 2008/05/14 |
|
今日 LUNCH 有食煙三文魚食(見下圖), 食完就開始睇片喇, 因為有好多新節目睇, 而最值得一提O既就係木村O既＜CHANGE＞終於首播喇!! 真係唔錯呢, 雖然木村O既演戲方法都係一樣, 但係故事內容對我黎講幾新鮮,
而且第一集整體O既故事幾好, 我估計寺本聰果個角色係對木村個角色不利O既, 呢一點我幾在意!! 估唔到咁好睇O既內容, 第一集收視都竟然輸俾＜極道3＞, 其實我對而家O係日本 TOYOTA 專門店送O既＜CHANGE＞週邊有興趣少少,
但 FILE 好靚呢, 可惜我唔係住日本, 如果唔係點都去拎返一個!! 四點幾食左幾塊麵包, 五點幾返工, 今日好忙呀, 因為堆積左好多文件要處理, 足足做左兩個幾鐘, 完成左無幾耐, 就鎖門放工喇!!
返到屋企沖完涼食 DINNER, 之後又勁睇片!! 聽晚第一次返旺角 CENTER, 有少少緊張添, 因為果邊學生/樂團多Ｄ, 相對要記O既野就多左, 所以我寫定左張 MEMO 以防萬一呢!! |
| 2008/05/15 |
|
今日起身上左一陣網, 之後就去左飲茶, 不過飲完茶我就返屋企先, 睇左少少片, 大約 16:15 就出門口喇, 因為今晚第一次返旺角, 早左少少去到,
所以去左火車站企左一陣, 上到去個 CENTER 比較舊呢(笑), 整理下Ｄ支票咁, 不過發現兩邊 CENTER 做事方法好唔同, FILING 真係 ... 就咁三大類樂器放埋一齊就 OK,
但其實 FILING 唔係應該好似我地呢邊咁, 分返樂器之外, 仲要分班, 仲要記錄返有咩文件咁, びっくりした!! 個洗手間仲得人驚 ... 好似以前Ｄ戲院洗手間咁!!
本來放 20:15 架嘛, 點知個同事唔知去左邊, 成個 CENTER 得返我, 咁我冇理由走先架嘛, 唯有等 ... 等到 20:23 左右個同事先返(因為佢放 20:30),
見到我先話:"呀, 係喎!! 你可以走先, 唔該哂!"(汗), 所以我立即走, 因為好老實講, 我呢Ｄ PART TIME, 唔係話唔願意超時, 但係 PART TIME 本身O既意義就係時薪嘛,
就係冇免費超時O既義務(呵呵!), 會合左家姐後(HAHA, 家姐O係門口接我放工, 呵呵!!), 諗唔到食咩好, 最後去左超級市場買壽司食(見下圖), 好抵食同埋幾好味呢!!
之後行左一陣, 十點半左右就走喇!! 今日真係多謝家姐陪我食飯呢!! 返到屋企沖完涼就係上網時間呢!! |
| 2008/05/16 |
|
尋晚好好訓呢!! 今日食完 LUNCH 後, 整理下尋日買O既雜誌, 之後睇左＜LAST FRIENDS＞O既第 6 集, 再睇埋＜佐々木夫妻の仁義なき戦い＞結局,
幾感動, 整體黎講, 呢套劇都幾值得睇呢!! DINNER 後都係上下網咁, 因為我真係要清下Ｄ片, 實在太多未睇呢!! 再睇埋尋晚O既＜ひみつのアラシちゃん！＞,
越黎越好睇喇, 因為今集開始加左好多環節, 多左佢地五個出場O既機會!! 同埋睇完介紹"AGE孃"後, 有少少想試下果個裝扮, 因為應該幾有趣,
不過好在意, 點解雅紀對眼咁閃, 一定係玩化粧留低O既, 我要睇 ... 不過 CUT 左冇得播出街, 不過我可以幻想, 一定好可愛!! |
| 2008/05/17 |
|
今朝 10:45 起身, 食左野後返工, 今日好忙呀, 因為 ARMARM 收完學費, 所以要記錄返Ｄ收據, 而且今日係樂團報名截止日, 所以都幾多人黎交表呢!!
有個同事請我食左件蛋糕(見下圖), 真係好好味呢, 可能我太耐冇食蛋糕啦, 西餅真係同蛋糕唔同口感呢!! 真係想買個生日蛋糕返黎食(雖然冇人生日!)!!
三點放工返屋企, 沖完涼之後一邊食餅一邊睇＜アキハバラ＠ＤＥＥＰ＞, 其實真係幾好睇呢, 除左睇 TOMA 外, 估唔到會有日村さん(お笑い芸人)呢,
而且個故事唔錯, 幾新鮮呢!! 剩係今日都睇左七集, 寫完日記再去睇埋剩底果三集先!! |
| 2008/05/18 |
|
今朝都係 10:45 起身, 一起身就知道電腦個風扇燒左, 所以要換喇!! 食完野返工!! |
| 2008/05/19 |
|
今朝起身竟然發現唔見左一樣野, 但又唔太方便講係咩(笑), 真係好神奇, 明明記得係有O既, 但係收衫時又唔見左喎, 整體唔見左就話O者, 係唔見左一部份 ... 奇!!
食左舊蛋糕, 真係好好味, 好明顯係我太耐冇食蛋糕O既關係呢!! 之後坐 MTR 去左將軍澳!! |
| 2008/05/20 |
|
今日冇咩特別, 全日都落雨, 好唔鍾意呢, 雖然天氣會冇咁熱!! 做下功課上下網咁, 到左四點幾, 突然間諗起不如煮意粉食,
所以就煮喇, 不過冇意粉, 得天使麵, 炒左個天使麵食(見圖1), 不過唔太好味, 主要係天使麵冇意粉咁好味呢!! 六點四左右出門口,
因為今晚要返學!! |
| 2008/05/21 |
|
今朝起身先記得今日冇食水, 所以去左飲茶, 飲完茶行左一陣, 我就返屋企先, 睇左上戶彩O既＜ホカベン＞, 再一次覺得"變態"真係演技好差呢,
同埋好嚇人!! 五點幾返工, 今日都係記錄支票資料, 最攪笑係上司小姐走時先見到我, 仲問我幾時閃入黎, 其實係佢太專心做野見唔到我而已,
一路做到七點九左右就完成喇, 坐左一陣鎖埋門就放工喇!! 返到屋企沖完涼之後 DINNER, 有尋晚買O既腐皮壽司(見下圖), 仲有炒粉, 好好味呢!!
DINNER 後上網同埋睇下片咁! |
| 2008/05/22 |
|
今日起身落大雨呀, 好彩今日唔洗出街咋, 因為我真係唔太喜歡落雨出街!! LUNCH 後上網同睇片, 其它都冇咩特別 LU, 再整理返Ｄ KINKI 節目O既 LIST!!
DINNER 後繼續睇片, 先睇左 LIVE O既＜ひみつのアラシちゃん！＞, 再睇左幾集＜ＮＨＫ解体新ショー＞, 真係幾好睇喎, 因為每集都研究身體O既特別野,
學到好多野呢!! 睇埋＜CHANGE＞第二集, 我個人覺得好好睇, 希望唔好真係 CUT 啦, 其實收視真係好好!! |
| 2008/05/23 |
|
今日起身睇左一陣電視, 之後去左飲茶, 再坐免費車去左油麻地間永安行左一陣, 買左盒衫仔送俾人, 原來Ｄ BB 衫都真係唔平架呢!!
因為人大多, 所以行左一陣就走喇, 返到屋企附近再行左一陣超市, 之後就返屋企喇!! DINNER 前咁 ARM 記得今日 ASAHI 播小新, 所以即刻開黎睇,
仲 ARMARM 趕到開頭, 今日兩集好好笑呢!! DINNER 後繼續上網同睇片, 睇左＜LAST FRIENDS＞, 真係內容發展得咁奇O既, 無 LALA 美知留問可唔可以鐘意小武,
真係好神奇, 同埋越黎越想知究竟小武家姐對佢做過咩!! BY THE WAY, 今集出現果個小弟弟呢, 係＜山田太郎ものがたり＞裡面, 最細果個細佬,
大個左好多呀, 不過依然好可愛!! |
| 2008/05/24 |
|
今朝起身, 睇左一陣電視, 再 LUNCH 完就返工喇, 今日好忙呀, 雖然冇咩電話打黎, 不過就要整理返Ｄ學費收據, 同埋出補課通告, 其實放工時仲未攪掂, 不過只好聽日繼續啦!!
放工返到黎沖完涼, 之後食左幾塊麵包, 再睇左＜クロサギ＞O既電影版, 都唔錯呢, 不過因為套劇係太耐之前睇, 有少少內容同人物唔記得左, 不過出奇地堀北竟然咁少戲份呢!!
五點幾皇上同太后返黎, 買左好多野呢(見下圖)!! DINNER 後繼續睇片同上網, 其實我應該開始做功課同埋溫書, 因為星期二要交功課同埋要 QUIZ呢!! |
| 2008/05/25 |
|
今朝起身, 一邊食野一邊睇電視, 之後又係返工時間喇!! 今日都好忙呀, 因為好多通告要出, 其實本來唔係全部我做O既, 只係另一個人掛住做樂團Ｄ野(基本上佢呢個時間係應該做 CENTER O既野),
不過冇計啦, 唯有我努力埋佢果份囉!! 今日出左百幾二百張通告, 總算將目前O既工作完成, 不過最後一刻竟然 PAPER CUT, 好痛!! 之後本來放工O既, 不過今日樂團試音, 老師搵左我幫手, 所以繼續上四樓做野,
其實好簡單, 主要係分流同埋安排佢地試音次序, 見返上次O係旺角見到果個女仔, 傾左一陣計咁啦, 因為今日唔算太多人黎試音, 大約有 60 人左右吧, 都冇混亂情況出現!! 五點半準時放工, 立即返屋企!! |
| 2008/05/26 |
|
今朝起身睇左一陣電視, 之後去左飲茶, 飲完茶我返屋企先!! 返到屋企我就進行我O既溫書計劃, 總算 OK 吧, 不過聽日考之前都仲要溫多次先掂,
四點幾食左少少野(見圖1), 因為夜晚要返工呢, 差唔多夠鐘就出門口, 咁 ARM 落大雨, 真係衰!! 今日都係登記支票同埋整理文件, 因為尋日 PAPER CUT,
所以今日好驚呀, 因為皇上話呢Ｄ通常一不離二喎(苦笑)!! 放工返屋企, 沖完涼食通心粉, 之後都係上網, 同埋上網睇下電視咁!! 食左個O者喱(見圖2),
另外買可樂送左個可樂仔飾物(見圖3), 幾得意呢!! BY THE WAY, 今晚一定要早Ｄ訓, 因為聽朝返早!! |
| 2008/05/27 |
|
今朝好早起身呀, 其實正確黎講係尋晚訓得唔太好, 差唔多每一個鐘就醒一醒咁!! 早餐食左少少野, 之後就返工喇!! |
| 2008/05/28 |
|
今朝好好訓, 可能係前晚訓得唔太好, 加上早起再夜訓, 同埋今朝落大雨, 個天又黑, 所以好好訓!! LUNCH 完繼續睇＜ＳＰ＞, 真係幾好睇!!
另外上網睇報紙, 其實早兩日已經知道日本有位女主播自殺身亡, 今日無意中睇到佢張相, 好 SHOCK, 因為我認得佢, 我有睇過佢有份演出O既節目,
因為我一直都唔係好記到人名, 但係今日睇到張相, 我就知我見過, 再睇返呢幾日有關佢O既自殺報道, 睇到我有少少感觸, 真係好可惜, 希望佢可以安息啦!! |
| 2008/05/29 |
|
今朝起身睇左一陣電視, 之後去左飲茶, 之後行左一陣, 返到屋企都就黎五點, 由於今晚約左爺爺食飯, 所以坐左一陣, 上左一陣網, 大約六點幾就出門口,
先去德福等佢地, 之後再去酒樓, 呢間酒家係"韜韜"開O既(見下圖), 都幾旺架喎, 仲見到"韜韜"添, 佢坐我地後面張枱, 叫左個 12 人餐, 都叫做 OK 啦,
埋單唔洗一千蚊, 食物唔算好味, 但亦唔差, 不過就唔係好明白點解咁多人去, 因為其實冇咩特別, Ｄ野好油同埋咸左少少!! 而且呢間酒家好奇怪! 就係只收現金,
唔收咭喎, 就算擺酒都只收現金, 真係太奇怪喇!! 食完就返屋企, 沖完涼再上網!! |
| 2008/05/30 |
|
今日冇出到街, LUNCH 完上網同埋睇片, 因為發現前幾日掛住睇＜ＳＰ＞, 攪到好多綜藝未睇呢!! 睇到個節目嘉賓係 はるな愛, 原來近日日本人氣急昇O既攪笑藝人,
一睇到佢個樣就覺得好熟口面, 而且好奇怪, 一見佢我就知道佢係ニューハーフ(即係變性人), 由於實在太好奇, 所以上網 SEARCH 下究竟我幾時見過佢,
最後發現佢原來就係幾個月前, MEGUMI 上＜嵐の宿題くん＞時, 另外請上去 MEGUMI O既朋友, 唔怪之得咁熟口面啦, 我果然係記人樣係勁Ｄ!! |
| 2008/05/31 |
|
今朝起身食完野就返工, 但好可惜, 上司小姐話就黎週未 LUNCH 都會關門, 所以遲Ｄ我冇得返星期六同日, 如果係我真係無奈喇, 因為到時候會小左一大半人工呢!!
但係都冇辦法啦, 因為呢Ｄ係高層O既決定, 上司小姐都唔話得事, 唉 ...!! 唔知係咪聽左呢個消息後, 我有少少 DOWN, 覺得自己個笑容好唔自然呢!! |
