今朝都係 10 點幾起身, 上下網/食下野!! 把鬼咁返 12:30(呢個月大致上都係咁), 返到去一陣 12:45 又 LUNCH, 你話呢Ｄ�燈ﾔ工時間黎架!! 真係好痴筋!!

LUNCH 返屋企食, 食完又繼續挨, 不停工作, 做做下又有人黎問題又要答, 其實可唔可以唔洗對外人呀?! 好煩呀真係!!

最後攪到成 4,5 點先做掂Ｄ野, ... 夜晚又 TWITTER 度醫下我Ｄ怨氣!! 同埋睇左一集 嵐の宿題くん 同埋一集 Ｄの嵐(DRY 睇字幕), ... 發現自己好需要糖份, 意味住我好需要能量!! 唉 ...

無 LALA 有個 MONSTER PARENT 黎請假, 理由係果日佢個仔/女要去學校O既交流團, 話遲Ｄ圥補証明得唔得, 咁我就話其實你請一堂呢, 可以唔洗証明都冇問題, 點X知佢跟住就話: "到學期尾呢, 我想佢Ｄ出席好Ｄ有優異証書果Ｄ呢, 出席咪要好高先得O既! 咁好似呢Ｄ學校活動咁, 可唔可以當佢有返, 計返佢有返O既出席率架?!", 呢位家長你腦殘呀?! 梗係唔得啦!! 跟住我答左佢唔得, 佢仲要勁問, 又話呢Ｄ學校活動係被迫參加, 佢都唔係自願參加, 如果因為咁樣而冇左個高出席率係好唔公平同埋好唔合理!!!! 整你個髻丫, 你全年唔X返俾個 A 你好唔好呀!! 跟住我不停話唔可以, 佢就不停咁話都唔係自願參加, 跟住我真係講到火火地, 答佢:"其實好多人都係有學校活動或者其它原因返唔到, 都唔可以咁樣唔計架喎!", 跟住佢就話:"你知啦, 成年唔請病假已經係奇蹟黎架啦, 你知Ｄ小朋友幾多病架啦!! 已經好彩唔洗請病假, 但係呢Ｄ學校被迫O既活動都唔可以豁免真係好唔合理喎!!", 我咁平心靜氣聽你腦殘發言左咁耐夠唔合理啦!! 跟住 PK 走出黎(冇錯, 係講左咁X耐佢先出黎, 因為個 COUNTER 係我架嘛!! 我就黎放工包埋個 COUNTER 返屋企架喇!!), 跟住個腦殘家長又係勁講話唔合理 ... 最後我係冇理佢返左埋位, 個腦殘家長就話:"其實我都係想講下意見O者, 因為真係唔合理!!", 真係好想講粗口!! 但係我冇, 我有教養架嘛, 只係�K面O者!! 已經係我最高O既忍耐力!!

夠鐘鎖完門就等放工!! ... 返屋企沖完涼煮左麵食(見下圖), 唔知點解突然好想食麵!! 跟住上下網/睇下電視/寫下日記 ... 咁又一日!!

原來生活可以咁無奈同埋冇新意!! ... 成日夢想快Ｄ中六合彩(不過今晚又唔生性! 衰!!), 等我唔洗日日係咁浪費時間!! 試問一個返 12:30 - 20:15 O既人, 仲有��娛樂同埋活動呢?! 約人晚餐?! 除非對方肯餓住咁等到我放工再仆出去O者, 人地肯等你, 你都唔好意思啦!! 想返學又返唔到(PK 返夜校真係大�答A, 因為佢返夜校返唔到夜, 就要我返埋佢果份, 呢Ｄ�涛ｹ理?!), 日日真係好心理唔平衡, 眼見Ｄ同事拍咭放工同我笑住拜拜, 心理超唔平衡超無奈同埋超不爽!! 人工最低係我, 返工時間最差O既又係我! 唔好同我講公平!! 遲早一日我頂唔住爆發架咋!!

而家我係隨時都得出!! 我明白世界冇公平同埋係要有犧牲, 但係點解完全要我犧牲?! 其他人O既時間就重要, 佢地有家庭/要返學大哂! 我都有家庭, 我都要有自己時間架!! 而家返工就好似坐監咁, 賺到錢又點?! 根本冇機會去玩去用, 做左呢份工 4 個月, 我只係去玩過三次, 飯局只係出席過一次咁上下咋!! ... 如果我人工有一萬蚊的話, 我估我會好過少少囉!! PK 有1萬多少少一個月, 乜X都唔洗做!!

呀呀呀~~~~~~~~ 就黎痴線喇!!!!!!!



時計じかけのアンブレラ → ♪ 君がいればいい、何もいらない！〜〜 ♪

今朝都係咁啦, 起身上下網/睇下片, 夠鐘又返公司三個字再 LUNCH 咁!!!

返到公司見到枱面有包野, 係喇係喇, 係我上星期O係 YAHOO 買O既熊貓仔呀(見圖1~2), %50/3隻 另加 $15 郵費, 個賣家話星期六寄出左, 我一直收唔到仲好擔心添呀!! 原來係郵差叔叔順便拎埋去公司俾我, 因為都估我唔O係屋企!! 唔該哂你呀郵差叔叔!!

由於收到Ｄ熊貓太開心, 所以果三個字根本冇做野, 係不停咁拎住Ｄ熊貓俾Ｄ同事睇!! ... 夠鐘就返屋企食飯!!

一邊食野一邊睇片, 夠鐘再返工, 落到樓下見到郵差叔叔喎, 所以親口多謝佢!! 最攪笑係佢問:"你又上網訂左公仔呀?!", HAHAH, 又俾郵差知道行踪添!!

返到去正式開始今日工作, 再開下門鎖下門咁(無他O既, PK 又放假囉!), 間唔中聽下電話咁(因為上司小姐行開行埋), ... 4 點幾總部有個人黎睇野(想改個拍咭機位置, 所以約埋Ｄ師傅黎睇), 攪到我要搵返Ｄ完成左O既文件出黎, 每行字係咁睇, 扮忙咁!! 好彩好快就走左喇!!

跟住都係咁啦, 教下個 PART TIME 整野, 不過佢好得意架喎, 寫Ｄ分紙, 寫寫下又有幾張冇寫時間架喎, 所以我幫佢寫返, 舉手之勞O者!!

跟住都冇�涛ﾁ別!! 夠鐘又等放工咁!!

返到屋企沖完涼就整左個 蕃茄湯丸 食(見圖3), 真係好好味, 做法又簡單(基本上係整哂Ｄ野掉落去煮熟)!! ... 跟住就係幫 粉熊貓三姊妹 影下相, 再同佢地洗白白!!

回過神黎, 又一點幾 LU!!

BY THE WAY, 今日睇＜ひみつの嵐ちゃん＞時好攪笑, 話說 �K木メイサ O既 特技 係"殺陣", 跟住我個仔就話係"さつじん", 跟住全部人大笑, 原來正確發音係"たて", 其實我都 SHOCK 左, 因為我都以為係"さつじん"!!



時計じかけのアンブレラ → ♪ 君がいればいい、何もいらない！〜〜 ♪

今朝都係咁啦, 夠鐘又返工, 坐未定又返屋企 LUNCH!! 一邊 LUNCH 一邊睇＜嵐にしやがれ＞, 夠鐘又返工!!

正式工作!! 一心諗住今日唔太忙, 因為 PK 有返工, 起碼可以分擔下行上行落開門O既次數, 點X知, 人地無 LALA 又 TIME OFF 囉!! 攪到佢�涛s唔理 3 點走左, 意味住又係我做囉!! 你話我心理點會平衡丫!! 佢地起碼係政府合約員工, 又有大假又有 TIME OFF 又有病假, 佢地拎以上O既假, Ｄ野咪又係做!! 一句唔該真係洗死��!! 唉 ... 正 PKs!

3 點幾本來一早攪掂哂Ｄ野, 但 4 點幾無 LALA 總部有個三八又黎喎(就係 N 年前話我整壞公司部 LAPTOP 果個連中文打字都唔識O既三八), 攪到 6 點幾先走, 走之前仲笑住咁問我:"點呀, 你做成點呀, 習唔習慣呀?!", 我只係好冷淡咁答:"咪又係咁, 可以有Ｄ�当�呢?!", 我出左名記仇架啦!! 加上近日怨氣重!!

跟住都係發下呆咁, 同埋追債(係慘過追債), 勁追某個老師交文件!! 唔叫佢都唔填, 好心啦, 咁大個人, 又識字, 唔好攪到下下要人提囉!! ... 聽左幾個電話咁啦, 跟住夠鐘就拜託 PART TIME 妹妹幫手鎖門, 我就繼續追債!! ... 傾下計咁, 夠鐘又閃人!!

返到屋企沖完涼煮左個米粉食(原來我掛住食唔記得左影相), 食完又上下網咁 ... 聽日返工時間真係人都癲, 13:45-21:30, 雖然都係 7 個幾鐘, 但係試問我仲有�梼條ﾔ可以利用?! 諗到呢度我又再次心理唔平衡!! 而家望就望快Ｄ到 7 月中, 咁暑假就可以正常返個半月, 亦期望 9 月 PK 真係可以幫手返下夜囉, 我覺得要我返星期日都冇所謂, 但係如果到時又要我返夜又要返星期日, 我真係會出聲囉, 必要時咪做返 PART TIME 咋嘛!!

雖然聽日返 13:45, 但係 ... 唉, 我唔想再講落去! 鬼叫六合彩唔生性��!!

今日O係報紙見到架, 雖然好似好可憐好痛, 但 ... 好可愛!!


PART TIME 妹妹俾我架, 預祝佢業展成功!!


一直愛用O既 GATSBY 櫻花 香水, 但仲可以O係邊度買到?!


時計じかけのアンブレラ → ♪ 君がいればいい、何もいらない！〜〜 ♪

今朝依舊係 10 點幾起身, 跟住上下網, 睇下片咁!! 11 點幾煮左個麵食(見圖1), 因為今日返 13:45 - 21:30, 所以就食埋飯先返工!! 好他調咁食飯!!

夠鐘就返工, 本來他他調咁行行返公司架, 因為諗住就算遲少少都 OK, 但諗諗下, 唔係喎要拍咭架喎!! 所以立即行快幾步返公司, 好彩未夠工就返到去!!

返到去開始工作, 途中幫 PART TIME 妹妹 派佢畢業展O既宣傳物品, 跟住再繼續工作!! PK 又係 3 點幾 TIME OFF, 做佢份工真係好, 成日唔洗做就有萬幾人工!! 試問佢又邊會唔做呢份工丫, 俾著你都�ｮ死唔走啦!! ... 3點左右我去左 4/F 鎖完門坐電梯上 5/F, 點知一開電梯見到佢喎, 我照入啦, 跟住先睇到佢噤左 G/F, 咁我咪噤 5/F 囉, 比較有腦同埋常識都應該知道架電梯會先去 G/F , 但世界上係會有冇常識O既成年人O既!! 我一噤 5/F, 條 PK 立即�ｮ意外�ｮ寸咁做左個表情, 意思大約係 -- 我要去地下呀, 你仲噤 5/F!! 我睇完佢呢個完全好 大根 O既演技後(日文中, 大根 除左係解蘿蔔之外, 形容Ｄ演員演技差都可以用 大根 黎形容!!), 我真係太傻, 我竟然開聲話: 部電梯會落樓下先!! 我真係太失敗, 我點解會同一個"聲帶選擇性失去功能"O既人講Ｄ咁高常識O既野呢!! ...

鎖完 5/F 返番埋位, 點知又有個人黎 BOOK 課室, 亞哥呀, 你早少少黎得嘛, 又要我行多次(人地 PK TIME OFF 嘛, 如果唔係就係 PK 去開門), ... 如事者又係繼續工作, 又係開下門鎖下門, 有位老師請我地飲野(多謝哂!!)!! 到左 5 點幾, 奇怪喇, 點解仲未見某個代課老師黎O既?! 跟住 上司小姐 打俾個老師, 原來佢唔記得左喎(真係腦殘黎架啦, 4百幾蚊一個鐘都唔記得黎, 最衰我唔識小提琴咋, 如果唔係即刻上去代課, 賺返 4百幾蚊添!!), 攪到要搵同事上去同Ｄ學生講今堂取消, 有兩個妹妹要落黎等人接, 其中一個唔知係咪驚得滯, 仲喊到對眼腫哂添!! ... 差唔多 17:45 我上去同個家長/學生講叫佢地可以入課室, 點知而家連Ｄ老豆咁大個人講句野都唔知佢講��! 我同佢地講話可以入課室等老師, 因為之前果堂老師病左, 代課老師就黎到架喇!! 點知果個老豆話:"下?! 入得去架喇?! 上堂冇返, 咁係咪呢個課室?!" 我滿頭問號!! 我話:"下?! 你上一堂冇返?! 但係你不嬲係O係呢個課室上堂架嘛, 所以咪可以入去等老師囉!", 對方再講多一次, 跟住我話:"吾 ... 你上堂冇返冇關係呢!!", 之後佢再講多一次, 原來佢個意思係話之前果個鐘果一堂Ｄ人冇返, 所以呢個課室係冇錯O既!! ... 真係佩服!! 幾廿歲人講句野都咁 ...!!

其實本身諗住 5 點幾放 DINNER 架(因為今日冇放到 LUNCH, 選擇左放 DINNER), 但 上司小姐 話不如放 7 點, 因為怕我 5 點幾食唔落 DINNER, 所以最後我係 18:55 放 DINNER, 返左屋企叮飯食(見圖2), 食完早左少少返一返公司, 因為唔記得左拎封信去寄, 寄完信再去左 惠康 買左兩個朱古力蛋糕(見圖3), 因為突然好想食蛋糕呢!! 同埋怕一陣會肚餓!! 攪掂哂返公司先剛剛夠鐘放完 DINNER!!

跟住 上司小姐 鎖好門, 佢地走左後, 我就一個人留守公司, 因為樂團面試!! 基本上我都係入今日出席率咋, 仲要一邊 YOUTUBE 住 ARASHI Ｄ歌一邊 TWITTER 住再一邊做野, 好快攪掂!! 所以去搵野食同搵野飲!! ... 一心諗住 21:30 可以準時走到, 因為上星期我做 PART TIM水都係剛好 21:30 走!! 點知有少少唔對路, 原來好多人改時間呀咁, 最後係 21:46 先走得!! 星期一我要同 上司小姐 講返, 爭取下星期五本來放 17:00, 我要再放早Ｄ被返今日果 16 分鐘!! ... 世事就係咁, 上星期我做 PART TIME 又唔見多 15 MINS喎(多幾蚊人工架嘛!!), 再次証明個天真係唔鍾意我得好緊要!!

放工立即返屋企, 沖完涼就同太后傾左一陣電話, 再食左個 雪糕+辣味粟一燒 (見圖4~5), 味道好特別架, 咁樣食呢, 個口就甜喎, 但係喉嚨會辣架!! 好攪笑!!

跟住換左張枱布, 因為太耐冇換過喇!! 跟住都係上下網呀咁啦!!

BY THE WAY, 終於整好左條電話繩(見圖6), 唔知咁樣O既電話繩有冇市場呢?!





時計じかけのアンブレラ → ♪ 君がいればいい、何もいらない！〜〜 ♪

今朝一路訓到差唔多 11 點, 再睇左一陣電視, 12 點幾食左個朱古力蛋糕(見圖1), 仲專登叮熱左佢黎食, 好食好多架!! 跟住皇上同太后話黎飲下午茶, 所以就上下網咁等佢地, 佢地黎到先整下個光管先, 因為前排發現個光管想爛想爛咁, 整到一半已經兩點幾, 所以先去左飲茶, 去左 嘉豪 , 不過味道普通啦!! 食左幾樣野(見圖2~8), 食完行左一陣超級市場, 買左兩包 珍珍薯片, 諗住抽獎(珍珍 升呢足球狂熱)!!

返屋企立即打電話去抽獎啦, 明明寫住話"憑單一收據購買任何珍珍薯片, 小食或餅乾滿 $20 即可參加大抽獎"架嘛!! 咁我買左兩包珍珍薯片($19.3), 再買左三包餅乾, 夾埋廿幾蚊咪打去抽囉, 點知話珍珍物品唔夠 $20 冇得參加喎!! 我理解到只要過左廿蚊而當中又有珍珍產品就 OK, 因為佢寫 小食或餅乾 嘛, 一直冇聽過珍珍有出餅乾!! 真係失敗呀!! 早知買多兩包薯片啦!! 不過呢Ｄ係你就係你O既!!

跟住繼續整光管, 整到 4 點幾就起桯去 MEGABOX月喇! 因為 吉之島 開左, 所以想去睇下, 冇坐免費車呀, 因為行過去都好近O者!! ... 真係超級多人呀, 成個 吉之島 都係人, 所以好快咁行左一轉咋, 但係都睇唔到Ｄ��(見圖9~25)!! 又搵唔到十蚊店喎, 問 STAFF1 又話O係 L1, 落去到又唔見, 再問 STAFF2, 佢又唔肯答喎(因為佢係 MEGABOX STAFF 唔係 吉之島 STAFF, 但係都冇理由叫個客去問第二個架嘛, 你係 MEGABOX STAFF, 仲要企正O係 L1 電樓梯口, 你冇理由唔知架呵 ...), 總之就有少少嬲, 所以唔鬼搵十蚊店, 去行左其它樓層(因為 吉之島 除左好多人之外, Ｄ人仲要係睇我地唔到咁, 今日見到太多唔守 RULE O既"人"!! 真係為佢地父母感到羞恥!!)!!

跟住去左間扭蛋店(VIVI), 見到有部想扭架, 係 $5 有熊貓O既, 但係竟然又要買咭, 咁冇理由為左一粒 $5 蛋蛋而去買張 $50 O既咭嘛, 所以唯有走, 因為我諗遲Ｄ總會有機會抽到O既!!

行到咁上下, 就行返去 �ｺ福, 行左一陣 IKEA, 再去埋 TOWNGAS 諗住睇下有冇書簽拎, 點知都係冇!! 跟住就去左 淘大 DINNER, 點知又冇�桃D食咁, 所以最後係去左 麥當當 (見圖26), 食完再返屋企, 皇上同太后拎返Ｄ野就返"別墅"!!

我就沖完涼再消下毒同埋執返好Ｄ野, 就睇下電視/上下網咁!!















時計じかけのアンブレラ → ♪ 君がいればいい、何もいらない！〜〜 ♪

今朝訓到 11 點幾 12 點, 睇左一陣電視, 跟住叮左飯食, 食完後就係上網/睇片!! 睇左好耐片呀, 都冇�投ﾟ GAME!!

終於完成左果幾條電話繩喇(見圖1), 橙色果條諗住送俾 媚媚, 紫色果條係亞妹O既!!

5 點幾開始煮飯, 整左雞扒同埋咖喱(見圖2~4), 其實係黎緊一星期O既午餐+晚餐!! 煮完就沖完涼先食, 食完又洗碗, 真係洗左好耐呢!!

跟住就睇下電視/上下網咁, 咁樣又過左兩日假期 LU!!



時計じかけのアンブレラ → ♪ 君がいればいい、何もいらない！〜〜 ♪

今朝都係 10 點幾起身, 食左少少野再上下一陣網, 睇左半集＜KERORO＞, 係講 KERORO 本來想同 TAMAMA 調轉靈魂, 咁樣就可以不停咁用 西澤家 O既錢! 點知 桃華 唔小心同 KERORO 調轉左靈魂喎, 本來 桃華 想快Ｄ變返原本咁, 因為怕 KERORO 會用哂Ｄ錢去買 模型, 但係 桃華 又好 ENJOY 冬樹對佢(KERORO身體)咁好, 正當 冬樹 話想同 KERORO 沖涼時, 桃華 又好開心喎, 就O係呢個時候, KERORO(桃華外表)就黎到沖涼房, 然後就發現, 原來 冬樹 同 TAMAMA 對調左靈魂, 一直同 桃華(KERORO外表)一齊O既係 TAMAMA(冬樹外表), 真係好攪笑!! 睇完呢個故事就返工喇!!

開始工作左一陣, 又到 LUNCH!! 返左屋企叮飯食(見圖1), 再睇埋 KERORO 後半集, 夠鐘又返工!!

今日好多野做, 因為呢兩日太多 CHEAP 精冇返學, 連續兩堂冇返又冇請假信, 真係好煩!! 一口氣出左 8 封 WARNING, 又要 FAX 去第二個中心追老師點名, 又要 FILING ... 仲要幫手出考試信, 中途又上上落落開門鎖門(因為 PK 放 3 點幾囉!) ... 真正做完野都成 6 點 LU!! 所以發下呆/上下網咁!! 又鎖下門 ... 又發下呆, 最慘係我未夠 7 點已經好肚餓, 但係全公司竟然得返一包溶左O既朱古力同埋�K芝麻條, 所以頂唔住都食左一條�K芝麻條, 但係超級硬!! ... 好不容易到 8 點, 鎖完門又等放工!! 一夠鐘又閃人!!

返屋企沖完涼就煮野食, 唔知點解突然間想食麵, 所以整左個 咖喱湯上海麵(見圖2), 好滿足呢!! 食完又上下網/玩下 GAME 咁!!

黎緊星期五可以放 16:44 呀!! 太好喇!! 因為我 4 個幾月未試過放咁正常呢!! YEAH!! ... 不過只係得一日咁正常 ...

BY THE WAY, 沖左杯熱柚子蜜飲(見圖3), 因為近排成日食咖喱同埋粟一燒, 打打底先!!



時計じかけのアンブレラ → ♪ 君がいればいい、何もいらない！〜〜 ♪

今朝都係咁上下啦, 上下網, 睇下片, 食下野 12:30 返工, 見到枱面有份野係表弟寄俾我(見圖1), 又要謝謝郵差叔叔順便拎上公司俾我!! 然後坐唔夠 15 分鐘又返屋企 LUNCH(見圖2), 再一邊食一邊睇片!! 我發現有個節目幾好睇, 叫＜THE BEST HOUSE 123＞, 一直以為係講屋架嘛, 原來唔係架喎, 係講Ｄ奇怪事同埋奇跡事咁!! LUNCH 睇左少少, 睇到我差Ｄ感動到喊!!

夠鐘又返工, 今日真係勁行上行落, 因為人地 PK 玩野囉, 請大假囉! 仲要係好專登咁選中今日本來係我同你返夜O既時候黎請大假囉!! 跟住又多人黎借房練野, 真係行到我頭都暈埋!! 同埋明明係佢做O既野又係我做囉!! 要我破戒去郵局寄信, 我好堅持架嘛, 但係當同事拎哂郵票放O係你枱面, 有時真係唔可以扮唔知要趕信寄囉!! 呢Ｄ咪就係外判文員O既苦處囉(苦笑)!! 算, 豪俾你囉!!

跟住都係咁啦, ... 6 點左右其它同事走哂, 得返我一個, 真係超級驚!! 平時 A&P Ｄ同事明明最早都 7 點幾先走得, 但係今日就個個都好早走, 攪到我真係得返一個人, 由放太靜同埋太驚, 所以我開左個土豆睇片, 仲要開到好大聲!! 咁當然一聽到就有人入黎就熄返聲啦!! ... 一到 8 點就熄燈, 突然有個男人抱住個 BB 入黎, 我望多幾眼先認得佢係某個 MISS 個老公!! 嚇死人�盗謳ｶ!! ... 等到放剩一班, 等極都未放喎, 唯有鎖左 OFFICE 門再上去鎖課室門啦!! 點知鎖完 4 樓上 5 樓時就聞到 LAST 果個亞 SIR Ｄ香水味充滿左樓梯, 就知道佢 ARMARM 落堂返左去 OFFICE, 但係 SORRY, 我點都會鎖埋 5 樓先返落 OFFICE, 冇計啦, 你趕放工我都趕, 同埋你要怨就怨無 LALA 要放大假果個人啦!! 鎖好門返落 OFFICE, 佢都等左我幾分鐘呢!! 所以我做戲做全套咁跑出電梯再拿拿聲開返 OFFICE 門, 再一邊講 SORRY/唔好意思!! 但心諗: "你唔怪得我喎, 得我一個咋!! 冇計, 我都唔想!!", 跟住就執埋Ｄ手尾, 等放工!! 好快就夠鐘閃人!!

返到屋企沖完涼又煮左個麵食(見圖3), 跟住都係睇下電視/上下網/玩下 GAME 咁!! ... 一轉眼又 12 點幾 LU!!

BY THE WAY, SHO 會拍套戲呀, 仲要係做醫生, 女角係 宮崎あおい, 故事應該係勁喊果種!! 我都期待架, 雖然唔太喜歡 宮崎あおい!!

ARMARM 睇到, 今年＜24時間テレビ＞係 はるな愛 跑馬拉松, 我有少少想睇!! 單係睇呢段新聞, 我已經覺得好感動!!



時計じかけのアンブレラ → ♪ 君がいればいい、何もいらない！〜〜 ♪

今朝都係咁啦, 食左少少野/睇下片/上下網, 夠鐘返工!! 坐唔暖又返屋企 LUNCH!! 夠鐘又返工咁!! 不過返工前就俾個電話激親, 電腦有問題又係搵我, 答完又係冇答案, 跟住又係解決唔到, 一早叫佢砌過部機又唔聽, 仲要同我講:"我部機好靚架, 上網好快架!!", 但俾你攪到咁多問題又中毒又撞左咁, 曉飛都冇用啦!!

今日O既工作好快攪掂, 又係開下門鎖下門咁(PK 又放假囉, 做佢真係好好, 放假多過返工, 痴線!), ... 間唔中有人黎問野, 有個家長超寸囉, 問我拎樂理表格, 咁我咪問佢 5 級 定 8 級, 整佢個髻佢答我 6 級, 跟住我話而家派緊 5 同 8 級咋, 跟住佢唔X理我, 直接叫 上司小姐 出黎答佢問題, 我知我答唔到你問題, 但係洗唔X洗咁X寸呀?! 你估我好想對外架?! 佢地唔講我知點答我都唔識答架!! 真係好X興, 所以我好大力咁掉返果叠報名表去 COUNTER 再返埋位, 投訴我囉!! 師奶, 我想同你講, 你都有仔女, 佢地第時都會出黎做野對人架囉, 負家產!!!

怨氣再次有�摶ｳ減!! 因為我呢個位真係有時好受氣, 而家Ｄ MONSTER PARENTS 真係唔係非一般O既級數!!

5 點幾有個 PART TIME 黎幫手, 佢真係�涛s問 ... 突然間傾開打風呀果Ｄ返工問題, 上司小姐 話如果紅雨果Ｄ係唔洗返工, 佢地唔洗補鐘, 但係我返夜班就要補返 6 點打後O既時間, 聽到後其實我超想爆粗!! 呢Ｄ叫公平?! 真係整佢個髻!! 正因為我返夜班就要咁補?! 到時如果係咁, 我必定打去勞工處問下法例係點!!

佢今日帶左本日文手工藝書返黎想我幫佢翻譯幾頁咁, 但係佢本書好舊好 DIRTY 咁, 我睇左一陣隻手已經好痕, 所以我拿拿聲譯完俾返本書佢再去勁洗手, 點知洗完手一返埋位, 佢又話想我睇埋另一頁 ... 我真係多謝哂你O既 KY!! 跟住我就覺得我個位好多野咬咁, 我勁拎支火酒係咁抺張枱, 好得人驚!! ... 正因為咁, 佢今日O既工作就完成唔到, 其實完成唔到都唔緊要, 只係佢好似奉旨咁要我幫佢影印佢做好O既野 ... 雖然我都得�鎔者, 但係我做 PART TIME 果陣, 都係自己工作自己完成架啦!! ... 同埋佢真係好多疑問咁, 就連 12:15 係上午定下午都問左我幾次!! ... 聽講你做呢份 PART TIME 好似仲耐過我幾年 ... 唉, 我唔識講!!

上左土豆睇左半集＜魔王＞, 不過唔敢開聲睇, 因為怕阻住 PART TIME 同事O既工作進度 ... 雖然最後佢都完成唔到 ... 希望唔洗我執手尾啦, 其實我好怕執人手尾架, 我情願一手一腳做, 但係諗諗下 ... 我呢Ｄ外判仔人工已經少, 工作又唔見少喎, 仲要同事當中有 PK, 又要迫我返夜冇得揀(明明話返輪班, 事實就係日日唔正常O既工作時間), 返工時間唔正常, 其實真係好影響生活, ... 最憎聽到"你住咁近!"(我住得近就代表我要返夜呀?! 我搬去沙頭角係咪唔洗返夜呀咁?!), "睇開Ｄ啦!"(不公平對待就要自己去妥協呀?!), "PK 返唔到夜, 佢要返學冇計啦!"(返學大哂呀?! 萬幾蚊人工又唔洗點做野, 又可以一句返學唔洗返夜, 呢份工我都想做!! 頂!!) ... 唉, 我怨氣又黎, 真係好討厭!!

雖然話 9 月開始會改變下而家個返工模式, 不過我唔敢期望!! 因為 IN 呢份工前我都確實聽到我只係頂多一星期返 3 晚夜咋嘛, 而家呢?! 不過咁, 如果要返星期日又要我返足 5 晚夜O既話, 我真係會考慮唔做, 認真O既!! 因為而家我個情緒已經有問題, 幾時見到Ｄ MONSTER PARENTS 真係想鬧佢地, 明明我就唔係咁O既人!! 精神壓力真係好大, ... 雖然可能我返早放早後都係O係屋企坐, 但係起碼叫做正常, 自己時間真係會多返Ｄ, 而家約人食飯仲慘過�等ﾞ, 呢Ｄ苦又會有邊個同事明白?! 次次都話:"你住咁近 ... // 就暑假啦忍耐下啦 ...", STOP IT, 你地唔係我, 唔會明白我O既苦處, 一係大家對調返工時間, 睇下你地挨到幾耐?! 有時真係要怨自己太善良, ... 原來善良係一個缺點, 係一個令自己受傷害O既原因!! 而家放左工攪掂哂食晚飯都 9 點, 身體邊會好邊會健康?! 同埋開始"人間不信", 就算表面上幾咁美O既說話, 都其實會有背後O既意思!! 我而家好怕我遲早會屈到病!!

... 放工返到屋企沖完涼煮麵食(見圖1), 又整好左條電話繩(見圖2), 再睇下電視/片/上下網/玩下 GAME ... 又凌晨 1 點喇!! 妖(我忍唔到要打呢個字喇, 大家原諒我啦!!)!!

天呀, 我真係好累喇, 唔該你唔好再玩我啦!! 你唔鍾意我就當睇我唔到算啦!! 我唔要呢Ｄ生活呀, 試煉夠喇!! 你要試煉就煉下條 PK 啦, 佢真係好爬街!! 天呀, 你咁樣真係好唔公平喎, 點解佢萬幾蚊人工/唔洗點做/成日放假 ... 但係我咁少人工/勁做/連病假都冇?! 你好唔公平呀!! ... 我真係想去日本留學, 你當幫下我啦 ... 咁O既生活點樣再挨 8 個月呀??!! 我就黎痴線喇!! 我好怕自己會放棄左人基本O既信念同埋自己 ... 如果我改變左果個仲係咪我?!



時計じかけのアンブレラ → ♪ 君がいればいい、何もいらない！〜〜 ♪

今朝都係咁啦, 夠鐘就返工, 有少火落雨呢!!

又係做唔夠一陣野就返屋企 LUNCH!! 一邊睇＜怪物くん＞, 好感動!!

食完飯夠鐘繼續返工, 係咁做呀做!! 間唔中有人黎問野!! ... 收到個消息會請 TEMP, 所以問左 YAN 做唔做, 遲Ｄ有消息再通知你啦, 我當然希望係黎我呢邊啦, 咁樣就有個伴傾下計發下癲!!

6 點左右得返我一個, 因為 PART TIME 妹妹今日唔得��, 而尋晚個 PART TIME 又要 6 點半先黎到, 所以我一個人又睇＜魔王＞囉!! 個 PART TIME 黎到就講低今日佢要做O既野, 我繼續＜魔王＞!! ... 無驚無險又夠鐘, 我仲飛快咁入埋今日出席率添, ...!!

返到屋企沖完涼叮飯食, 但係唔知個叮叮爐係咪傻傻地呢, 唔知點解叮左 3分幾鐘中間仲係凍凍地!! 跟住睇下電視同埋上下網咁, 再玩左一陣 PET SOCIETY!!

BY THE WAY, 今日知道有個亞 SIR 手足口呀, 雖然佢好少黎呢個中心, 但係都驚驚地, 仲要唔知會唔會已經傳左俾其它同事!! 希望佢快Ｄ好返啦!!

同埋我而家好開心, 因為聽日終於可以過返一日超正常O既返工時間喇!! 真係好開心!!

時計じかけのアンブレラ → ♪ 君がいればいい、何もいらない！〜〜 ♪

尋晚諗住早訓架, 不過最後都係一點幾先訓, 因為想睇埋果集＜THE BEST HOUSE 123＞!!

今朝 8:15 起身, 食左少少野, 睇左一陣片就返工!! 因為今日少有返正常時間(嘆!)~!!

非常準時咁返到工作, 一入門口就見到 PK, 我又失敗左, 竟然同佢點頭, 但係我發現佢除左聲帶同耳仔有問題外, 連對眼都有問題, 真係完全冇反應! 所以我唔會再咁失敗!!

跟住扮做野, 因為其實尋晚放工前已經攪掂今日O既工作!! 所以上下網/摺下紙(因為尋晚學左點摺心心), 跟住仲好大膽咁拎埋部 MP3 出黎聽, 不過我醒O既, 一聽到有人想入黎就扮返做野, 同埋都係聽到 12 點左右(因為 上司小姐 返 12 點幾, HAHA!!), 再執尋晚 PART TIME Ｄ手尾!! 其實我真係唔太鍾意執人手尾!!

LUNCH 同班同事去左飲茶, 因為有同事生日, 飲完茶再返去扮做野, 3 點幾切蛋糕, 每人夾左 $58, 有少少肉痛(笑)!! 跟住再叫左杯檸茶飲(亞公請 -- 就係唔知點解佢地有Ｄ錢係儲左O係度), 一邊飲一邊上網, 仲去 淘寶 幫 上司小姐 個女睇下野咁!!

今日放 16:44, 差唔多夠鐘就已經準備好哂走人, 因為難得放工個天仲係咁光!! 點知拍咭果陣 16:45, 又蝕左一分鐘!! ...

本來夜晚個 MISS 又想我幫手做 PART TIME, 因為幫開手個女仔病左, 不過我約左飯局, 所以冇計 ... 同埋真係好難得咁早放工, 今日係 HAPPY FRIDAY!!

放工直接坐 MTR 去 將軍澳, 再直接返左"別墅", 契媽同雪雪妹妹已經到左, 傾左一陣, 等埋 太后 返黎, 再又傾左一陣, 6 點幾去左 晶苑 DINNER, 食左好多野(見圖1~7), 又傾左好多野, 傾到 8 點幾就行返去"別墅"樓下個巴士站, 同契媽及雪雪妹妹一齊坐巴士, 佢地早我一個站落車, 跟住我O係牛頭角行返屋企!!

返到屋企沖完涼就勁上網, 而家我好怪架, 第二日要返工的話呢, 就覺得可以夜少少講等自己多Ｄ時間用; 如果第二日唔洗返工, 又會覺得唔洗返工就可以訓晏Ｄ, 又唔洗咁早訓!! 其實近排皮膚真係差左!! 又可能呢排食得咖喱多過頭啦!! B卜THE WAY, 皇上O係 百佳 換左兩個環保袋俾我(見圖8~9), 都幾攪笑!!

今日過得好充實, 亦 FEEL 到自己今日真係心情好好, 起碼遇到Ｄ麻煩少少O既家長我都仲可以笑得出!!

BY THE WAY AGAIN, 今日我都俾 PK 激左兩次: (1)PK 寸我尋晚樓上冇熄風扇, 其實係PART TIME冇熄, 不過我費事解釋咁多, "哦"左一聲算~ 真係頂丫, 俾到位PK寸我, 真失敗, 影響我今日HAPPY FRIDAY O既NICE心情~ ; (2)我鎖完4樓後諗住上5樓, PK明明要去5樓拎野, 我咪俾5樓O既KEY佢, 佢死要O係4樓出喎, 仲死話自已要去5樓, 跟住我咪O係電梯等佢回魂!! 人蠢其實有冇得醫架?!







時計じかけのアンブレラ → ♪ 君がいればいい、何もいらない！〜〜 ♪

尋晚破左記錄, 因為勁睇片睇到今朝 5 點幾先訓, 今朝訓到 1 點未夠起身!! 上左一陣網/睇下片咁, 兩點煮左個麵食, 約左皇上同太后 3 點O係�ｺ福等!! 我遲左少少去到添!! 行 宜家, 又去左 TOWNGAS, 太后問佢係咪有書簽拎, 女職員話係, 不過要留 EMAIL, 所以我就留左 EMAIL, 佢就俾左兩張同款O既書簽我(見圖1), 跟住太后話不如留埋"別墅"地址, 咁可以拎多兩張, 跟住個男職員登記, 留完 EMAIL 後, 個男職員唔俾簽我地喎, 咁太后就問佢留左 EMAIL 點解唔俾?! 跟住個男職員就態度好差, 語氣好差咁話:"頭先咪俾左兩張你囉!", 咁太后話:"但頭先果兩張係之前果個地址架嘛! 而家寫多個地址喎!", 跟住依然態度差咁話:"咁你頭先話登記多個嘛, 咪俾多左張你囉!!", 我:"但係頭先個女職員俾兩張我時, 我地都未話登記另一個地址!", 跟住個男職員都係話:"頭先你話登記兩個先俾兩張你架!", 頂, 費事再同佢嘈, 感覺不良好!! 我明白呢Ｄ免費野其實冇話咁強求話一定要俾多Ｄ人咁, 但係一張書簽O者, 洗唔洗咁呀, 仲要明明係俾左兩張我時我地都未話登記多另一個地址同 EMAIL, 但係登記完就話之前俾我果張其中一張係咁, 仲要唔係咁好禮貌喎!! 咁大間公司好心就唔好咁啦, 一張書簽仔O者, 仲慘過��咁!!

行完�ｺ福就去左 惠康 買 ZERO!! 再返左屋企一陣, 5 點幾坐免費車去 新都城(剪影見圖2), 好耐冇去過呢!! 買左件衫(見圖3) $35, 都幾好睇, 不過如果唔係假兩件會更好!! 行呀行呀, 去左 大家樂 食晚飯(見圖4~6), 食完再行左一陣, 皇上同太后就坐免費車返"別墅", 我就坐另一架免費車返歸!!

返到屋企沖完涼睇下電視/上下網/睇下片咁!!





時計じかけのアンブレラ → ♪ 君がいればいい、何もいらない！〜〜 ♪

尋晚又係唔捨得訓, 不停咁睇片, 回過神黎又到 5 點幾, 攪��呢呢排!!

今朝訓到 12 點左右, 煮左個麵食, 跟住不停咁上網/睇片同埋玩 GAME, 因為有太多片未睇喇!!

4 點幾煮落飯, 再沖完涼再睇左陣片, 跟住就煮飯喇, 整左好多野(見下圖), 因為都係黎緊一星期食O既野!! 我承認我懶得日日煮, 同埋咁樣一次過煮可以慳返Ｄ水/電/煤咁架, 好環保架(笑)!!

聽日又要返工 LU!! 可能呢個週末太充實, 所以有少少累O既感覺!!



時計じかけのアンブレラ → ♪ 君がいればいい、何もいらない！〜〜 ♪

今朝 9 點幾熱醒, 所以又開左一陣冷氣!! 10 點半起身, 睇下電視同埋上下網咁! 夠鐘就返工!!

今日真係咁耐以黎最多野做O既一日, 因為勁多 WARNING LETTER 要出, 總共 16 封呀, 真係唔知點解咁多!! 之前入出席率又唔知點解好多咁, 不過話哂都三日O既出席率, 出埋信再 FILING 埋 ... 其實真係 7 點幾 LU!! 途中當然有返屋企食飯, 仲一邊食一邊睇＜VS 嵐＞(6/10), 真係好好笑, 一開始就笑 NINO 件衫係果Ｄ 3D 畫, 其實又真係幾似!! 仲有就係亞仔玩果個迷宮遊戲, 竟然一個 NUMBER 都冇開到, 仲話去到果個數字已經開左! 真係笑到肚痛!!

... 本來諗住今日難得 PK 又唔係放早(因為平時星期一佢出樂器就放 3 點幾), 諗住可以多Ｄ時間做野, 點X知佢又拎左 TIME OFF, 我就睇下佢拎得幾多次, 我相信有天理O既!!

因為 PK 再次 PK, 所以我雖然今日好多野做, 但係都係要開門鎖門咁囉, 我真係接受唔到佢咁 PK!!

做到 7 點幾, 終於叫做完成左今日工作 ... 其實未架, 仲有Ｄ WARNING COPY 未 FILING, 不過反正聽日都要 FILING, 咁聽日先一次過 FILING 啦!! ... 都冇�棟纐ﾔ同埋做其它野, 打下電話了解下某個學生O既請假情況(因為果個學生手足口, 但只係請左上星期日果堂, 但尋日冇返但冇請假), ...

夠鐘就上去鎖門, 鎖完門返落 OFFICE 再呆坐左一陣就夠鐘閃!!

返到屋企沖完涼就叮飯食, 食完又睇下片咁!! 今日時間過得好快咁!!

時計じかけのアンブレラ → ♪ 君がいればいい、何もいらない！〜〜 ♪

今朝都係 10 點半起身, 再睇下電視/上下網咁!! 夠鐘又返工!!

做左一陣野就 LUNCH, 本來返屋企食架, 但係佢地話去飲茶, 又問我俾唔俾面, 咁所以就去飲茶喇!! 聽到好多我唔知O既野, 原來都幾多問題!!

飲完茶我極速返左屋企一轉, 極速飲左罐 ZERO, 跟住返公司繼續工作!! ... 做到大約 4 點幾就完成左今日O既工作, 跟住就整理下 上司小姐個女 想買O既淘寶野, 跟住又答下家長野咁 ... 鎖下門 ... 再淘下寶, 再同 文靜 傾左一陣 ...

落哂堂我去左鎖門, 返到去 OFFICE 因為仲有時間, 所以就 TWITTER 左一陣, 點知就O係 20:12 發生左件靈異事 --- 就係突然間O係 20:12 果一刻, PK 極速閃去拍咭再閃走左, 因為一切發生得太快, 我都仲未回過神黎佢就消失左! 跟住我心諗:"唔通我痴左線, 夠鐘都唔識走?!", 再睇下個拍咭機, 車! 20:12 咋嘛!! 所以真係一件靈異事件 ... 好彩我日日返工都袋住公司鎖匙o者!! 想"線"我?! 冇咁易!!

夠鐘我就走人, 落到樓下個看更仲話:"明明走哂, 但見 3/F 仲有燈, 原來係你仲未走!!", 幾想答佢:"係有人白痴早走咋, 我呢Ｄ係準時!!"

返到屋企沖完涼, 洗下衫, 再叮飯食, 然後繼續上網/淘寶, 真係太便宜喇! 幾蚊幾蚊咁!!

是日領悟: "我地係呢一齣戲o既主角 想演好呢個角色需要時刻保持醒覺 擘大眼打醒十二分精神 提防小人o係你背後用暗箭將你擊暈~"

時計じかけのアンブレラ → ♪ 君がいればいい、何もいらない！〜〜 ♪

尋晚又係勁睇片, 睇到唔記得左要訓, 最後又係 5 點左右先訓, 然後今朝 10 點幾鬧鐘響, 但最後訓到差唔多 12 點先起身呢!!

上左一陣網, 12:50 左右出門口坐 MTR 去 將軍澳, 因為約左皇上同太后去 BURGER KING LUNCH!! 見到 MTR 有 CYRIL 遲Ｄ個魔術 SHOW O既廣告(見圖1), 好想睇呀, 真係好想睇呀, 有 4 場!! 不過Ｄ飛又真係太貴!!!!!!!!!!! 我遲到呀, 因為遲左出門口嘛!! 好多人呀, 太后話佢排隊排左成 8 個字先買到野食, 因為尋日開始一連三日特價, $10 有一個包同埋一杯飲品, 實在太抵喇!!!!!!!!! 所以我地叫左 3 SET 再加薯條(見圖2~5), 跟住行左一陣, O係十蚊店買左支去角質野(見圖6), 其實我搵左呢類野好耐, 估唔到今日俾我搵到呢!! 好開心!!

然後返左"別墅", 睇左一陣電視, 因為高清竟然播＜みゅうの足パパにあげる＞, 所以再睇多次, 香里奈 果陣個樣好睇好多!! 然後上下網, 同埋睇左幾集片咁(因為皇上要我清下個 HDD), 睇到 6 點幾, 就準備落去 DINNER, 當然係 BURGER KING 啦(見圖7)!! 因為真係太抵食同埋太好食!!! 我仲買多一個聽日 LUNCH 呢!!

食完行左一陣超市就坐 MTR 返屋企喇!! 一出 九龍灣MTR, 突然落大雨喎, 係好大果隻, 好似打到黎咁!! 好彩我有帶縮骨傘咋!! 安全返到屋企 8 點左右啦, 沖完涼再執下野咁, 再試用左今日買果支去角質, 都唔錯喎!!

聽日又返工 LU!! PK 又放假!! ありえない〜つ〜の!!!!!!!!!!!





時計じかけのアンブレラ → ♪ 君がいればいい、何もいらない！〜〜 ♪

今朝 10 點幾起身, 上下網/睇下片咁!! 夠鐘又返工!!

唔算太忙, LUNCH 返左屋企食, 叮返尋晚買O既 BURGER KING!! 好好味呀!!!!!! 再一邊睇＜怪物くん＞大結局, 不過睇左一半就夠鐘喇!!

繼續工作, 開門鎖門 ...!! ... 本來夜晚有 PART TIME 同事黎幫手, 但係本身星期四果個妹妹就請左假, 跟住搵黎替佢果個同事又突然有事黎唔到, 努力咁 CALL 左其它, 都冇人得, 所以 ... 我又一個人, 唉 ...!!

好彩都有一個同事 8 點先走, 咁我都冇咁驚!! 而且又冇人黎問野, 只係有幾個電話打黎, ... 其它時間我當然係 ＜魔王＞同埋＜怪物くん＞大結局(後半) 啦!! 夠鐘上去鎖門, 鎖完門再執下野咁就夠鐘喇!!

返到屋企沖完涼叮飯食, 食完又睇下電視/上下網咁!!

聽日又可以返早放早 ... 雖然後日要返工, 不過真係心情都開心Ｄ!! ... 亦雖然見到下個月更表都係麻麻地, 因為又有一晚要放 21:30, 暑假雖然唔洗返夜, 但係全部都係放 18:18, 都好過冇啦, 到時 5 天工作, 唔錯!!

ニノ、お誕生日おめでとう！！

時計じかけのアンブレラ → ♪ 君がいればいい、何もいらない！〜〜 ♪

今朝 8 點幾起身, 食左少少野再上左一陣網, 夠鐘就返工!! 點知等電梯等左好耐, 好彩剛剛 9:15 返到拍咭!! YEAH!!

開始今日工作, 不過好快攪掂, 所以淘下寶同埋土豆＜魔王＞下!! 發現而家Ｄ人真係好頑固! 明明同佢講要 7 月先有表格, 佢死話我地答佢 6月28日 有表, 咁我咪同佢講:"就算 6月28日 都未到啦, 今日18號咋嘛!!", 跟住果個亞婆仲要話:"明明話 6月28日 有, 你又話 7 月先有, 係咪你唔知咋!!", 我唔知你會知!! 跟住勁同佢講而家�燈\都冇, 佢係都唔信, 勁話係我唔知, 所以我咪叫另一個同事答佢, 跟住佢都勁講左好耐先肯走!! 真係日日都要整人個髻!!

然後 LUNCH 返左屋企食, 睇左少少＜LONDON HEARTS＞, 夠鐘又返工!!

鎖下門咁, 又�鞳ﾖ下, 淘寶下 ... 好快就到 5 點, 即閃人!!

點知一出公司門口, 舅父打黎問電腦野!! ... 跟住坐 MTR 出旺角, 因為約左家姐食飯!! YEAH!! 我差多 5:30 就到左 新之城 LU!! 過左一陣會合左家姐後, 就行下旺中, 但太多人, 同埋Ｄ野好淘寶 FEEL!! 所以冇收穫!! 再陪左家姐去 MTR 交收, 跟住去左行信和!! 家姐買左 2006AAA 台版 DVD, 仲借左我睇!! YEAH!!

然後就行左去尖沙咀, DINNER 係 BURGER KING, YEAH!! 食左個 小華堡餐(見圖1), 好好味呀!! 食下又傾下計咁, 家姐仲借我玩左 IPHONE 果個 "TOUCH THE NUMBER" O既 APPS, 我最快記錄係 12秒幾!! 不過唔記得左影返張相添!!

跟住行左一陣(剪影見圖2~12), 不過都係冇收穫!! 好想買野好想洗錢呀!!!!! 其實係好想去旅行 ... 家姐就好啦, SUMMER 北海道!!

我都好想同家姐去旅行 ...!!

10 點幾返到屋企, 收到 PCCW 送O既磁石(見圖13), 沖完涼再上下網咁, 睇片睇到 1 點幾先訓, 聽朝要早起返工 -- 又要幫Ｄ O靚仔考試支援!!

BY THE WAY, 家姐借左隻 DVD 我睇, 係 2006 AAA (見圖14)!!









時計じかけのアンブレラ → ♪ 君がいればいい、何もいらない！〜〜 ♪

尋晚睇片睇到 1 點幾, 但訓到 3 點幾又醒左一醒, 熄左部冷氣, 繼續訓, 但跟住又熱醒左一陣, 今朝 7:30 起身!! 食左少少野就返工!!

因為今日係考試下, 返 8:30, 返到去入埋尋日O既出席率, 跟住未出 WARNING LETTER (過幾日先啦), 就上左樓上準備考試O既野喇!!

我依舊負責報到位, 依舊好多蠢鈍兒同埋冇家教!! ... LUNCH 返屋企食(見圖1), 睇下片, 夠鐘又返工!!

繼續報到位, 其實真係唔怪得Ｄ細路冇禮貌, 因為好多家長真係唔識教!! 真係�盗l都有!! 今日最深刻O既一個女仔, 佢都 F.2 架喇! 跟住要佢寫佢將會考試O既歌名落分紙度, 個亞媽搶住寫, 我就話:"你俾佢自己寫啦, 而家係佢考試嘛!!", 跟住佢亞媽答:"佢讀國際學校架, 唔係好識寫中文架!!", 個女又即刻話:"我識寫個 山 字, 同埋 X 字!!", 佢地講呢番話時係好自豪咁講, 但係唔好意思, 我完全唔覺得你地好威好巴閉囉! 讀國際學校咁又點?! 身為中國人O係香港生活, 但唔識寫中文, 真係唔係一件風光事!! 我個樣完全係"你真係唔知點做人亞媽, 唔識教就唔好生! 個女讀國際學校唔識寫中文, 真係戥你羞愧!!", 讀國際學校的話, 一係就全部講英文, 連中文都唔好講!! 唉, 真係醜惡O既"人"!!

然後有一個男仔, 超級冇禮貌, 問佢�当ｼ冇反應, 跟住我再問多幾次, 佢勁冇禮貌咁話:"咪XXX囉!!", 連 上司小姐 都忍唔住問:"點解要加個囉字?!"; 另外有一個男仔又係唔知仲��, 個老豆正正常常咁, 個老豆叫佢自己去報到, 個男仔就勁推佢老豆去報到, 跟住問佢�涛s話唔知, 態度仲好差, 又係果Ｄ唔知發生�梼繭I滿意咁!!

然後又有一個男仔, 入左去考試架喇, 但係聽講係考考下衝返出黎, 跟住發哂癲咁鬧個亞 SIR 話佢冇教過佢呢首歌, 跟住衝左去大堂同個亞 SIR 鬧交, 又話唔想再O係呢度讀!! 最後係唔肯再考試, 走左!!

總之就人生百態啦, 真係好憎Ｄ人冇禮貌, 即係問你野, 你唔想答我都俾個反應丫!! 我承認做左呢份工後, EQ 低左, 耐性少左, 同埋係對Ｄ O靚仔惡左!!

5 點幾又有人黎睇我地, 攪到我又要扮有野做, 真係煩!! ... 6 點正走人, 聽日放假!!

返到屋企沖完涼就上下網同埋睇下電視, 7點幾8點先煮野食(見圖2), 再上網/睇片/玩下 GAME 咁!! 不過好似好累咁!! 唔太想講野, 同埋好唔耐煩!!



BY THE WAY, 尋晚 家姐 借我玩O既 IPHONE APP -- TOUCH THE NUMBER, 結果係 11.516 秒!! 快過 TSUYO!!



時計じかけのアンブレラ → ♪ 君がいればいい、何もいらない！〜〜 ♪

今朝一路訓到成 1 點幾先醒, 2 點先出房門口, 唔知仲�痘ﾍ不從心咁!!

煮左個米粉食, 然後不停睇片同上網, 冇�投ﾟ GAME , 因為唔知點解唔想諗野 ...!!

5點幾煮落飯就沖涼, 6點幾 DINNER, 跟住依然睇片同睇電視!!

咁樣就冇左一日假期, 聽日又要返工!! 又要挨 6 日先放一日!! 唉 ... 無力感!!

BY THE WAY, MANYU 今日生日!! 生日快樂呀家姐!!

時計じかけのアンブレラ → ♪ 君がいればいい、何もいらない！〜〜 ♪

今朝 8:15 鬧鐘響, 但我竟然訓到 8:45 先彈起身!! 好險!! 食左少少野, 就立即出門口, 不過都遲左出門口, 又唔知點解早左返到公司!!

返到去坐左一陣, 又要上去準備考試報到!! 今日報到位得我一個咋, 好彩都唔係太多人, 同埋今日係 F5 F7 O既學生考, 起碼同佢講�当�佢�涛s有反應!! GOOD!! 不過真係約得太少人, 其實絕對可以一個朝早考哂, 但又偏偏要約到好少人咁, 俾Ｄ老師�鞳ﾖ同茶聚!!

BY THE WAY, 今日出左更表, 再一次覺得唔公平, 因為 7 月我地都係 OFF 7 日, 但 PK OFF 8 日囉!! 7月2號我又要放 21:30, TOTAL 大家都輪左兩次, 但 PK 又係輪得一次囉!! 超不爽!!

LUNCH 返屋企食, 順便訂埋 淘寶!! 夠鐘又返工!! 繼續報到位!! 下晝仲把鬼, 得 6 個人考, 都唔知點解要咁!! 所以同個 PART TIME 同事傾下計咁!! 到 3 點幾就考完時我就落返 OFFICE 喇!! 剩返 PART TIME 同事同埋 PK 執野!! ... 我就清返早幾日O既 WARNING LETTER 同埋請假信, 都好快攪掂哂!!

最後又係走哂得返我, 不過好彩個 PART TIME 同事因為約左人未夠鐘, 佢仲好好咁陪我上去鎖完門佢先走, THANK YOU!! 本來放 18:20, 不過又因為兩個同事遲左走, 攪到我 18:23 先走得, 唉 ...!!

坐 MTR 去 將軍澳, 原來 LUCIA(TEMP 同事)都係同路, 所以就一齊坐車同埋傾下計咁, 第一次傾計呢!! ... 我落車先, 直接去左 晶苑, 皇上同太后到左喇!! 再隔左一陣鴻舅父同舅母都到左, 叫下野食, 再傾下計咁, 食左好多野(見下圖), 傾到 9 點幾就走, 我返到屋企 10 點令啦!! 沖完涼再上下網咁, 話咁快又 1 點 LU!!

都係時候準備訓, 因為聽朝返 10 點幾呢!!





時計じかけのアンブレラ → ♪ 君がいればいい、何もいらない！〜〜 ♪

今朝 9 點幾起身, 食左少少野, 夠鐘又返工!!

先完成左尋日 上司小姐 講低O既工作!! 跟住 HEA 下, 再入下分紙!! ... 跟住幫手入信俾 OIC 學生!!

LUNCH 返屋企叮飯食, 食完夠鐘又返工!! 我係專登繼續做野唔理夠鐘開返個大門架, 因為 PK 又專登洗個碗洗十世, 我真係專登架喎!! SO?!

跟住打電話通知幾個學生黎緊有一堂停課, 點知 5 個學生有 3 個全部電話都冇人聽!! UNLUCKY!! ... 跟住入左去同 文靜 傾計, 教佢用果個盤織, ... 再返埋位 HEA 下, 突然間 順豐 就行入黎喇!! 好意外呀, 因為諗住佢會打俾我先架嘛, 個賣家都好快手喎, 尋日 LUNCH 先訂, 今日 4 點幾就收到 LU!! 跟住就點下貨同埋分返Ｄ貨!! 跟住就去"送貨"喇(笑), 亦因為O係公司, 冇帶相機, 幫唔到Ｄ貨影大合照!! 當然又同Ｄ同事勁傾下/睇下/研究下Ｄ貨咁啦!!

... 再同 文靜 傾下計咁, 應該都係第一次咁樣傾計呢!! ... 6 點 LOCK 大門, 跟住就係＜魔王＞ TIME, 一心諗住今日一定可以準時放工, 點知仲遲過尋日, 唉 ... 點解咁架!! 遲左 8 分鐘, 真係有少少不爽, 不爽O既係 ... 點解兩日都係我最遲走黎鎖門?! 唉, 不過世界點會有公平架!!

放工返屋企沖完涼就煮左個 蕎麥麵 食, 跟住上下網/睇下電視咁!! 再同 YAN 傾下 MSN, 再研究下今日O既 戰利品, ... 又到 12 點幾, 又要準備訓, 聽日開始又過唔正常生活, 唉 ...!!

幫 YAN 淘的:


幫姐姐淘的:


幫自己淘的:


時計じかけのアンブレラ → ♪ 君がいればいい、何もいらない！〜〜 ♪

今朝 10 點幾起身, 跟住食左少少野, 再上左一陣網, 夠鐘就返工!!

O係電梯我差Ｄ鬧果個師奶, 因為佢O係低層入電梯, 講緊電話, 跟住就同對方講要入電梯要收線, 同時間佢噤左關門, 點知關到一半, 電話對方仲未收線, 佢就噤返開門繼續講, 一路噤住個開門掣, 真係整你個掣!! 再自私Ｄ啦笨!! 跟住我咪極度不滿咁發出不滿聲音, 佢仲繼續講, 我再想去噤關門, 佢先意識到要關門囉! 跟住全程電梯我都�K面, 要講電話唔係咁囉, 同埋你Ｄ時間寶貴, 我果Ｄ都寶貴架喎!! 唔該大家都唔好咁自私, 我又唔係真係咁透明吧!!!!! 真係整佢個髻!!

其實今日冇�当�做, HEA 左 15 MINS 就返左屋企食飯!! ... 夠鐘又返工!!

繼續 HEA, 準備左Ｄ野俾今日個 PART TIME 同事做, 我都算係咁, 寫低哂Ｄ STEPS!!

5 點幾個 PART TIME 黎到, 跟住教左佢要做Ｄ��, 點知佢又係勁問野, 以下係其中一段好 O 咀O既對話:

我: 首先咁咁咁, 再O係呢個地方選返 IA I3, 再照住分紙入分數~
佢: 咁如果第二Ｄ唔揀 IA I3 揀�悼ﾋ?!
我: 一定係揀 IA I3 架!!
佢: 點解呀?!
我: 因為佢地係呢個 GRADE, 所以一定係揀呢個架!
佢: 咁如果唔係呢個 GRADE 咁揀�等ﾞ?!
我: 一定係架, 因為全部都係呢個 GRADE!!
佢: 咁如果真係唔係咁揀��!
我: 一定係架! 唔會唔係架!!
佢: 咁萬一如果呢?!
我: 再講多一次! 全部都一定係 IA I3 呢個架, 唔會有第二個, 一定唔會! 一定係呢個!! OK?!

其實 ... 係咪我表達能力有問題?! 定係其實一直我以為自己係講緊廣東話, 其實係外星文呢?! 真係勁 O 咀!! 其實仲有好多問題都好難答!!

7 點幾我諗住O係自己位打電話俾 YAN 傾下計(因為今日係冇�悼ﾆ長/電話), 點知 SET 好哂後, 個 PART TIME 點都要過返黎呢邊坐住做野喎, 因為我係 SET 左另一邊個位俾佢做野, 因為咁, 所以我咪坐左另一邊, 用另一個電話打俾 YAN �鞳ﾖ下囉!! 傾到 8 點就收線, 因為準備收工, 其實一邊傾個 PART TIME 已經勁O係我附近行黎行去, 點知我一收線, 佢就問:"冇��丫嘛, 見你講咁耐電話, 你好少咁架喎!", 其實都應該聽到我係一邊講一邊笑架啦, 係咪寸我咁話呢?! ... 跟住就同佢一齊上去鎖門, 因為黎緊星期六得我同佢兩個人, 所以我要講一次佢知要點開門, 點知我一邊講佢一邊駁我喎, 大佬呀, 我好有程序咁講緊, 尊重下我好嘛!! 明明講緊Ｄ課室要點做, 佢就黎問我洗手間要點, 唉, 我都忍唔住同佢講:"一步一步黎好唔好, 聽我講埋呢度先!!", 我只希望星期六順順利利咁又一日就算, 千其唔好俾任何試煉我!! 麻煩哂!!

夠鐘就閃人, ... 返屋企沖完涼就煮左個 疑似通心粉 食(見下圖), 一邊食一邊睇片, 再上下網咁!! 再同 YAN MSN 下咁, ... 再玩左一陣 GAME, 話咁快又 1:30 LU!!



時計じかけのアンブレラ → ♪ 君がいればいい、何もいらない！〜〜 ♪

今朝都係 10 點幾起身, 食下野/上下網/睇下片, 夠鐘就返工!!

好快清左今日O既工作!! 又好快 LUNCH!! 返左屋企叮飯食!! 睇下片, 夠鐘又返工!!

跟住都係繼續 HEA 下/上下網咁, 5 點幾 PART TIME 妹妹黎幫手, 兩個星期冇見呢!! 佢 ARMARM 去完上海, 所以好有心咁買左手信俾我地(見圖1), 好好味呀, 多謝哂!! 跟住同佢傾下計呀咁!! 佢工作效率果然好Ｄ呢(笑), ... 途中有個好煩O既家長打黎, 想個 MISS 額外幫佢改練習, 叫佢留電話, 我問完 MISS 後, 決定由我回佢電話, 因為其實已經�痘�習都做好哂同埋都改好左, 係個家長麻煩!! 好彩都俾我講到好無奈咁收左線!! ... 再傾下計, 夠鐘就拜託妹妹上去幫忙鎖門, 再�鞳ﾖ下, 夠鐘就走人 LU!! ... 我地暫時又唔會再見喇, 因為最快要到 9 月先再返黎幫手呢!! 唔怕, 我地可以"臉書"!!

返到屋企, 沖完涼, 再煮左 疑似通心粉 食(見圖2), 不過今日又無 LALA 想刺激下, 所以拎左包辣湯做湯底, 正因為咁, 我食左半碗就頂唔住, 要用水沖洗返Ｄ 疑似通心粉 先食得哂呢!! ...

食完又忍唔住上 土豆 睇＜魔王＞, 真係好好睇!! 魔王!!! 魔王!!! 魔王!!!!

不過今晚要早訓, 因為聽日返早放早!! ... 後日星期六都要返(返早放早), 但係得我同 煩 PART TIME 咋, 我諗緊如果果個"老 PAT PAT"果朝打黎要我幫佢叫外賣咁點算, 我真係接受唔到囉!!! 或者決定果朝未夠 9 點電話響爆都唔聽!!



時計じかけのアンブレラ → ♪ 君がいればいい、何もいらない！〜〜 ♪

今朝 8:15 起身, 跟住睇下片同埋上下網, 再食下野咁!! 夠鐘就返工!! 一入電梯, 有對公公婆婆帶住個 BB 女, 個 BB 女唔算好得意, 但係佢一見到我就叫我"姐姐"!! 所以今日心情唔錯!!

返到去好快就攪掂今日O既工作!! 所以＜魔王＞TIME!! ... 間唔中有人黎問下野咁, 不過都係問幾時有報名表!! ... 臨 LUNCH 有個女人衝入黎又係問報名表, 跟住我都係講叫佢 7月12 先有表, 點知佢話幫人問, 跟住話要打俾果個人, 佢打左俾果個人後, 跟住叫我同電話果個人講, 嘩!! 你唔介意我用你電話O者, 但係我好介意喎, 咁 DIRTY!! 跟住我就同佢講:"你叫佢打返我地中心電話啦!!", 跟住隔左一陣, 佢又同我講:"真係幫幫忙, 你同佢講句, 阻你少少時間!!", 心諗"時間問題唔大, 但係你個電話我真係覺得好 DIRTY, 同埋成件事好嘔心!! 朋友就話冇所謂O者, 但係你行入黎都一陣頭臭味, 我真係接受唔到囉!!", 跟住都係叫佢打中心電話, 我不停 REPEAT 左 4,5 次, 佢先肯走, 佢一走我立即鎖門, 因為遲左 LUNCH 喇!!

返左屋企食(見圖1), 一邊睇＜ラブ シャブル(LOVE SHUFFLE)＞, 睇左一集半都幾好睇, 不過 玉木宏 依然好似著左人類外套O既外星人(笑)!! 夠鐘又返工!!

繼續發下呆同埋扮忙!! 終於有黎緊請 3 個月O既 TEMP O既消息喇, 所以立即話左俾 YAN 知, 希望佢成功啦, 同埋其實最希望係佢到時會派黎我地呢邊, 咁我就唔洗日日咁悶!! YAN 立即打去俾 AGENT, 約左星期一去 IN, GOOD LUCK BABY!!

16:45 左右已經準備放工, 本來個 MISS 又想我幫佢手做 PART TIME, 但係我真係約左皇上同太后食飯, 又加上我聽日返 8:30, 仲要得我同 PART TIME 喎!! 所以冇辦法, 只好拒絕佢!! 雖然我都想搵多百令蚊!! 16:57 有個女人黎問野, 認得佢, 佢早一兩個月先黎過問初班報名表, 明明答左佢 7 月, 但今日又黎問, 仲要講國語架, 我識聽, 但係上次咪答左你 7 月囉, 今次我都答左佢要 7月12 先有, 但係佢仲要勁問, 又話佢個女個同學個亞媽託佢問呀咁, 跟住 上司小姐 接手幫手, 叫我放工, 所以執埋Ｄ野等放工!!

去左坐 MTR 去將軍澳, 因為約左皇上同太后食飯, 本來可以早少少到架, 不過好耐冇發生天然事O既我又爆發喇!! 話說一邊聽歌一邊坐 MTR 啦, 跟住轉車去 將軍澳 站!! 奇怪喇!! 點解個站咁耐都未到架!! 一到站就落車, 一出月台:"咦?! 唔同左樣O既?!", 跟住先意識到 --- 下?! 鰂魚涌?? OH NO!!!!!!! 原來我轉錯車呀, 應該O係調景領轉, 但唔知仲�梼飽係油塘豬下豬下咁轉左車去鰂魚涌, 跟住又要轉返車去返將軍澳 ... 忍唔住打俾太后, 攪到太后爆笑!!

去到 將軍澳, 行左一陣 吉之島個 沖繩食品節, 見到有罐果酒想買, 不過又太貴咁!! 都係留返Ｄ錢去搵果支 SAKE!!

行左一陣就去左 DINNER, 食 潮州 野(見圖2~11), ... 食到 7 點幾, 點知一行出間店門口, 我隻手鐲就斷左喇(見圖12), 我戴左兩日咋, 仲要係果次買O既當中我最鍾意!!! 唉 ...!!

再行左一陣就坐 MTR 返屋企喇!! 返到屋企 8 點幾, 沖完涼/上下網/玩下 GAME ... 好快又 12 點幾, 要準備入房再睇陣片就訓!! 因為聽日得我同個 PART TIME 兩個人, 第一次咁樣返星期六!! 天呀, 俾我一切順利過渡!! 謝謝!!

BY THE WAY, 今日O既戰利品(見圖13~14)!!









時計じかけのアンブレラ → ♪ 君がいればいい、何もいらない！〜〜 ♪

尋晚真係唔係訓得好好, 因為好驚今朝唔知醒, 所以訓下又醒下又訓下又醒下咁!! 加上又成朝落雨, 一訓又亂發夢呢!!

7:30 鬧鐘響, 再到 7:45 起身!! 食左少少野, 特別早左少少返工, 因為今日得我同個 PART TIME 咋!! 好緊張呀, 第一次咋!! 所以早少少返去同埋好驚自己會做漏野!!

返到去個 PART TIME 已經到左, 所以一齊入 OFFICE, 開始今日工作!! ... 其實最驚O既係Ｄ"老 PAT PAT"老師打黎要我幫佢地叫早餐外賣, 我真係接受唔到囉!! 真係最怕呢樣野, ... 不過又好彩喎, 冇打黎要我叫外賣喎, 佢自己返黎自己叫, 但係就不停講話早知一早叫定呀, 又話食唔切呀咁!! 跟住又好似奉旨咁要人幫佢拎件樂器上課室喎, 不過好彩, 佢唔敢叫我拎, 佢自己叫個 PART TIME 幫佢拎, 其實即係咁, 件樂器你覺得重, 我都覺架O者!! 如果咁唔鍾意自己拎樂器上課室O既, 唔好教呢個樂器囉!! 唔係"老 PAT PAT"就大哂架呢!! 或者大家會覺得我唔識做人, 或者唔夠圓滑, 但係呢Ｄ就係我O既原則!!

然後叫個 PART TIME 開課室仲激氣, 已經星期三果日講過一次佢知要點做, 亦親身帶埋佢上去講解, 今朝都講多一次, 再外加一張 MEMO 紙俾佢, 點知開左成十幾分鐘都未見人, 再睇下個 CCTV, 都仲係開左一層課室咋喎, 仲要見佢開錯左其中一個課室O既門, 明明同佢講係一入去只需要開左右兩邊最近大門口果兩間, 就連用�桃ｽ匙都講多一次(鎖匙有貼課室號碼), 但係佢都要開錯喎, 跟住攪左好耐, 我就O係 CCTV 睇足全場, 最後佢開左某個課室O既後門, 佢返落黎, 我同佢講:"你 404 度門開錯左, 唔係開佢O既後門, 係開最近大門果個 404 門, 用 404A 條鎖匙開! 同埋請你鎖返頭先你開果個後門!!", 跟住佢個樣就有少少不滿咁, 再上返去開返門, 隔左一陣返落黎就話:

佢:"等我仲開左好耐添~"
我:"其實上次咪講左係最近大間果兩間, 同埋就算你唔記得我講過, 你都應該見到我寫左係用 404A 條鎖匙開!"
佢:"我就係見你寫話用 A 果條開, 但開極都開唔到, 試左好耐, 跟住發現唔用 A 果條開到!"
我:"可能我講得唔清楚啦, 不過我諗住寫低左你會知!"
佢:"係我蠢O者!~"(係有少少悔氣!!)

跟住有Ｄ學生黎話老師想用其他課室Ｄ椅, 咁我咪叫佢上去開門跟住鎖返, 點知佢又勁問點解, 亞姐呀, 你都聽到個 學生講話亞 SIR 想用!! 咁你唔開門點隔牆拎Ｄ椅出黎用呀!! 跟住我咪同佢講因為老師話要開咁你就開啦!! 跟住佢就有少少不滿同埋好似好委屈咁, 唔係太願意咁上去開俾個學生, 隔左一陣落返黎又勁講話咁一陣要上去搬返呀咁, 我就話唔洗搬, 因為Ｄ椅本身應該係O係老師用緊個課室, 只係唔知點解有人搬走左去第二個課室冇搬返去原位, 跟住佢仲要勁講 ... 好X煩!! ... 我不停做緊今日工作, 佢又係唔做我俾佢做O既野, 但係不停講野/睇報紙/無無聊聊咁, 其實如果真係冇野做咁樣我真係冇所謂, 但係俾左野佢做, 佢仲係咁專登唔做, 我又冇謂開聲叫你做野! 但係做人真係要有少少自覺性好Ｄ!! ... 我忙到成枱都係文件要處理, 佢就黎拎本手工書出黎話俾我睇, 話係新買O既, 我就同佢講:"其實我好多野做緊, 唔太得��!", 佢就有少少寸咁話:"咁你可以唔睇住, 你做完野先睇架!!", 問題係 --- 你應該知道我好忙囉!! 太 KY O既一個人!! ... 我唔識形容 ... 有時 上司小姐 問我佢O既工作表現, 其實我又唔太想講得佢太衰, 因為大家都係搵食O者!! 之但係如果每星期咁同佢一齊幾個鐘, 我死好多細胞呢!! 主要係佢係一個比我更成年O既成年人, 亦唔係第一次出黎做野 ... 我冇野望, 只希望佢起碼明白到我好忙O既時候, 唔好同我講無聊野!! ... 當然, 如果我得�鎔既時候, 我唔介意大家�鞳ﾖ下!! ... 但佢Ｄ問題真係好 O 咀!! 有機會再寫~

好彩今日都冇�投�怪人 ... 基本都應付到!! 本來打算等下晝個 PART TIME 同事返到我先去 LUNCH, 但的確頂唔住, 所以唯有 11:30 出左去食 LUNCH, 留返個 PART TIME O係度留守, 跟住我 12:15 就返到公司喇, 雖然食得好趕, 但係一次半次, 冇所謂啦!! 跟住真正 LUNCH TIME, 我就留返O係 OFFICE 做下野/無聊下咁!! ... 夠鐘就繼續開門等運到!!

下晝個 PART TIME 同事都好耐冇見, 因為果陣我返 PART TIME 做星期日就會見到佢, 都幾好傾架!! 剛好今日工作又完成左, 所以就同佢傾計傾左幾個鐘, 中間有人黎問下野/有電話, 不過呢個同事好好, 電話佢聽哂, ... 臨收工先有個人打黎話水痘未退去唔到補考, 攪到我又要打俾 上司小姐, 點知佢又冇聽我電話, 只好打俾同事"盜墓者", 跟住再打返俾個家長, 不過其實都要星期一先解決到!!

跟住同事鎖好門, 就齊齊等夠鐘走人喇!! ... 返到屋企沖完涼, 就上下網咁, 再整左個 湯丸 做晚餐(見下圖), 跟住不停睇電視/日劇 ... 再上下網咁!!

BY THE WAY, 希望同事果件事快Ｄ攪掂, 唔好再令到精神壓力咁大啦!!



時計じかけのアンブレラ → ♪ 君がいればいい、何もいらない！〜〜 ♪

尋晚成 3 點幾先訓, 一路訓到今日下晝兩點幾先俾個電話嘈醒, 實在太好訓, 又或者其實呢幾日一直都訓得唔係咁好!!

立即煮左個米粉食(見圖1), 食完都 3 點幾 4 點 LU, 跟住上左一陣網/玩下 GAME, 然後就不停咁睇左幾集＜Love Shuffle＞, 真係幾好睇!! 發現 松田翔太 其實幾型幾可愛!!

到 5 點幾沖完涼做下面膜咁, 跟住煮落飯, 繼續睇＜Love Shuffle＞!! 煮左碟雞做晚餐(見圖2), DINNER 後都係睇片/睇電視/上網/玩 GAME!!

COUNTRY STORY 好衰架!! 冇魚幣O既 ACC 就可以用 1 魚幣黎買隻原本 20 魚幣O既羊, 但係 ACC 有魚幣就要 20 , 真衰!! 又冇得買 1 個魚幣喎, 一買要成廿幾個, 冇謂買呢!!



時計じかけのアンブレラ → ♪ 君がいればいい、何もいらない！〜〜 ♪

今朝 10:30 起身, 再上下網/玩下 GAME 咁!! 夠鐘就返工!!

到左公司門口, YAN 就打俾我話 ARMARM 見完 AGENT!! 傾左幾句, 跟住就開始工作, 因為好多野做呀!! 所以一直冇停手咁做到 LUNCH!!

返左屋企叮飯食, 一邊食一邊睇片, 夠鐘又返工!!

繼續工作, 都幾多野做, 一路做到 4 點幾又要去開門, 跟住間唔中又有人黎問野, 做到 5 點幾完成左自己野, 跟住又幫手整好黎緊 7月同8月O既 TIME TABLE, 然後就�鞳ﾖ下咁!! 間唔中有電話/有人黎問野咁!! ... 夠鐘就上去鎖門, 鎖好左就等收工!! ... 講到近排 PK 心情好似好左咁, 跟住同事話 PK 近日開始拍拖, 再次証實到"煙豬頭都有聞鼻菩薩"理論!!!

放工返到屋企沖完涼就叮飯食, 再上下網/睇下片咁!! ... 睇到蘋果一段新聞話:"工作態度惡劣、人際關係差劣和欠缺工作熱誠的員工最不受同事歡迎。調查機構指出，政府及公營機構最難踢走該類表現差、薪金高的「三低一高」員工。", 完全認同!! PK 咪係咁囉!! 唉 ...!!

11 點幾 YAN 打黎, 因為佢聽朝 IN MUSIC OFFICE 呀, 所以我講下 MO Ｄ大概O既野佢知下, 唔經唔覺傾到 1 點, 再打下日記呀咁, 就 1:30 LU!!

希望 YAN 聽日成功, 同埋會派到黎我呢邊啦!!

時計じかけのアンブレラ → ♪ 君がいればいい、何もいらない！〜〜 ♪

今朝 9 點幾 YAN SMS 我, 不過我未訓醒!! 跟住 10:30 起身, 食左少少野, 11 點就同 YAN 傾左一陣電話, 因為佢今朝去 IN MO, 希望成功啦!!

夠鐘就返工, 返到去坐唔夠 15 MINS 就 LUNCH, 返左屋企叮飯食!! 食到兩點先返去, 因為補返星期六果 15MINS LUNCH!!

一直都冇消息喎, 所以繼續工作!! ... 5 點幾知道左結果 ... 真係諗住十拿九穩, 但可惜事與願遺, 先頭真係諗住就算唔係我呢度, 其它中心都會成功, 但係 ... 唉 ... 最邪O既仲係派黎我呢邊O既果個女仔, 就係O係 AGENT 啤 YAN 果個女仔!! 唉 ... 知道左真係好唔開心, 好有失落感!! 唔敢打俾 YAN!!

到左 6 點幾, 決定打俾 YAN, 因為越等得耐失望會越大!! ... 傾左幾句, 其實我真係好灰唔開心, 真係唔知點解!! 可能我都不知不覺抱著期望啦!! 但 ... 真係冇計 ... 唉!!

然後我真係唔想講野(雖然正常情況下今日係冇人同我講野), 但我完全相信我個樣話俾人知"唔好同我講野呀!!", 因為有個亞 SIR 走都唔敢同我講拜拜!!

跟住＜魔王＞ TIME, 仲要咁 ARM 係感動戲, 我真係 ... 唉, 夠鐘就鎖門, 跟住再夠鐘就閃人!!

返到屋企沖完涼煮左個米粉食(見下圖), 跟住上下網/睇下電視咁, 再同 YAN MSN 左一陣, 心情依然好沉重 ... 點解!!!!!!!!

凌晨先發現原來 TSUYO 生日果日O既＜藥師寺LIVE＞出左 DVD(6/30), 好想好想好想買, 但係 8千日元, 實在太嚇人O既價格!! 點好呢 ...

BY THE WAY, 好奇怪, MSN 有個人叫我(係果陣 小兔 叫佢拎網頁製作費俾我果個"和菓子"), 跟住傾左一陣, 佢竟然話佢有去 TSUYO 生日個 LIVE, 仲買左個護身符俾我做手信, 我真係好 SHOCK, 真係估唔到 ... !!



時計じかけのアンブレラ → ♪ 君がいればいい、何もいらない！〜〜 ♪

尋晚訓得唔太好!! 仲發惡夢添!!

今朝 10:30 起身, 又係上下網/食下野咁, 夠鐘就返工, 痴左線呀, 早左五分鐘返到去!! 今日完全不在狀態!! ... BY THE WAY, 為左腰骨著想, 終於拎左個殘"COOL唇"返公司!!

做野做到夠鐘就返屋企 LUNCH(見圖1), 依然係冇�盗S情!!

夠鐘返工繼續工作!! 跟住都係心情唔好, 依然對 YAN 果件事有點 CARE, 有點唔好意思, 同時亦覺得自己有點天真/單純 ...!! 到現在我還存在一點希望 ... 死未!!

其實真係心情唔太好, 又可能加上 PK 成日唔知搽�当�, 攪到成個 OFFICE 好臭, 又"拿"我對眼喎!! 有一刻我真係對眼"拿"到想就咁合埋眼訓覺!! ... 5 點幾個煩 PART TIME 又黎, 其實我真係對佢好冇耐性, 好心提佢今日要俾 PAYMENT, 點知人地悔氣咁話:"遲左俾出唔到糧咪唔好出囉!", 真係頂, 家下出糧俾我呀!! X你!! ... 跟住俾左兩叠分紙俾佢, 叫佢跟返班號排就可以, 唔洗再理其他資料, 其實已經講得好清楚, 但係佢不停連續咁問左我 5 次洗唔洗理其他資料, 係連續咁問, 我由好聲好氣答:"唔洗呵, 只係跟班號", 答到第 5 次係:"都話只係跟班號咯, 其它�涛s唔洗理呀, 只係跟班號呀唔該!", 差少少就爆粗架喇!! 跟住我咁答完佢, 佢仲表現好不爽, 就連同事"盜墓者"都話覺得佢今日表情唔同左!! 其實不爽果個係我呀, 好唔好!! ... 跟住不停咁俾野佢做, 因為我今日實在乜Q都冇(唔止 EQ), ... 最後叫佢碎紙, 亦因為咁, 我專登俾佢坐我個位碎紙, 自己走左去 上司小姐 個位諗住繼續＜魔王＞TIME, 點X知都唔知佢係咪專登要令我討厭! 係都要坐O係我隔離個位 CHECK 完有冇釘書釘O係Ｄ文件上面, 跟住 CHECK 左冇先走去我個位碎紙, 仲要 FEEL 到佢睇下我上�当ﾔ, 所以激氣, 一野彈起身, 走左去另一邊＜魔王＞TIME, ... 今日我真係全想安靜一下!! 唔想作任何無謂O既交流!!

BY THE WAY, 文靜 好攪笑, 突然間好無奈咁返入 OFFICE, 原來係條洗手間 KEY 斷左, 仲斷左O係個門鎖裡面, 所以我立即同佢睇下有冇�桃H具可以夾返條 KEY 出黎, 最後係 文靜 用手夾返出黎, 好彩!! 不過真係斷開有條路, 因為早幾日先斷左一條!! 我硬係覺得遲早會斷左O係門鎖裡面而夾唔返出黎呢(睬)!!

就黎 8 點時, 我聽到部碎紙機滿到冇可再滿, 所以我就走埋去同佢講"滿左呀!", 跟住我熄左部碎紙機, 再去拎垃圾袋俾佢, 點知我熄碎紙機時, 佢好惡好大聲咁話:"你做�等ﾞ!", 真係火都黎埋! 我咪話:"咪講左話碎紙機滿左囉, 拎垃圾袋你倒紙呀!", 真係整佢個髻!! ... 8 點正就熄燈, 再準備收工, ... 真係好煩呀呢個 PART TIME, 我稍為有返少許微笑, 佢就又問Ｄ好煩O既問題!! 估唔到世上真係有Ｄ咁 KY O既人!! 再對多佢一陣, 我真係怕會爆粗!!

夠鐘放工拿拿閃人, 我承認我做左呢份工後越黎越冇耐性!!

返到屋企沖涼就煮左個 蕎麥麵 食(見圖2), 跟住就係不停上網/睇片/玩 GAME, 因為今日全日心情都唔多好, 硬係有陣"煩燥"O既個腦咁!! 唉 ... !!



時計じかけのアンブレラ → ♪ 君がいればいい、何もいらない！〜〜 ♪