 歡迎睇我任何一日私日記!(私日記。WATASHINO NIKKI！) |
| 1/7/2006 |
|
今日回歸日, 好熱, 兩點幾去左將軍澳, 行呀行呀, 買左好多野, 成六點幾先返到屋企, 之後過左一陣表弟就黎食飯喇,
食完飯玩左一陣, 夜晚織手繩, 都冇咩特別 LU!! |
| 2/7/2006 |
|
今日冇出到街, 因為好熱, 同埋表妹仔病病地咁, 所以全日都O係屋企!! 我就睇左好多集＜AINO EPURON＞,
其實係飛黎睇, 因為果Ｄ人整果Ｄ野食真係好嘔心, 都唔明白點解可以整到咁差!! 之後一邊聽 ARASHIC 一邊溫 ORAL,
其實未熟讀Ｄ答案, 但係又覺得唔洗咁熟, 因為一定好高分咁(自慢中!)! |
| 3/7/2006 |
|
今日去左飲茶, 之後行下咁啦, 買左件衫, 之後五點幾去左食吉野家, 之後返屋企沖完涼, 就睇下電視, 玩下咁,
同埋溫習左一次聽晚O既 ORAL, 應該 OK O既!! KITTO SAIJYOUBU! |
4/7/2006 |
|
報告: 闊別大家 4 個多月O既夢日記, 復活喇!! 今日 LUNCH 完就開始溫 ORAL, 因為今晚考喇!! 四點幾整左個蛋糕,
之後我再坐左一陣就出門口, 早左好多, 所以行左轉十蚊店, 之後去埋洗手間, SENSEI 都好早到左, 所以我就入去問佢開始未,
所以我就開始考喇, 一開始問Ｄ好簡單O既問題, 久後都係問左張紙O既幾題題目咋, 因為其實 4 分鐘好容易過,
我考左唔止 4 分鐘呢, 應該都唔會唔合格O既, 之後我未夠 6:45 就考完, 行左去美麗華等家姐, 本來諗住 SEND SMS 俾 DORA,
不過我打字又慢, 打打下家姐打黎, 所以冇左個 SMS, 所以亦冇 SEND 到, 會合左家姐, 首先去左買 C1000,
之後去左 CITY SUPER, 但係冇 SOBA 食, 所以最後都去返不嬲去開果間食拉麵, 食完之後行左一陣就返屋企喇!!
返黎沖完涼, 上下網咁, 冇咩特別!! 但其實應該開始溫書! |
| 5/7/2006 |
|
今日成十二點先起身, 實在好眼訓, 之後去左飲茶, 再直接坐車去左銅鑼灣行街, 第一站係十蚊店, 原來都行左個幾鐘,
買左好多樣野呢, 之後再去行左 SOGO, 再去左三越, 買左少少野, 再去左食大家樂, 食完後再行 CITY SUPER,
之後就返屋企喇, 返到屋企都十點幾 LU, 好累呢! |
| 6/7/2006 |
|
今日 LUNCH 後出左旺角, 好多人呀, 真係好多人, 買左好多野, 其實都係我Ｄ表妹O既, 行到六點幾先返屋企附近食 DINNER,
好累呢!! 之後返到屋企, 又執完一大輪, 好眼訓, 但都要去睇下＜G NO ARASHI＞先!!! |
| 7/7/2006 |
|
今日係七夕, 冇咩特別, 去左飲茶, 再行左一陣就返屋企喇, 因為前幾日都行左成日, 好累!! 夜晚仲要好肚餓,
原因唔講 LU, 不過就証明左我真係對某人唔係咁有好感, 不過 WHO CARES!!! |
| 8/7/2006 |
|
今日 LUNCH 完出左去旺角, 約左家姐行左一陣同埋俾 SHO 佢, 呵呵, 之後去左旺中會合埋大表妹同太后, 之後去左夾糖,
真係太好味!! 再行左一陣就去左食大快活下午茶, 之後坐車返屋企附近, 再去左買字典機, 之後返屋企喇,
其實係幾累, 因為天氣實在太熱呢!! 諗諗下, 原來仲有一星期我就要考日文, 但係仲未開始溫書, 真係大件事! |
| 9/7/2006 |
|
今日 LUNCH 完就去左將軍澳, 買左少少野啦, 之後仲攪笑, 架免費車得返兩個位, 所以我同媚媚上車先, 仲經過阿波羅買左兩盒可以自製O既朱古力菇菇餅,
返到屋企沖完涼, 太后同安怡就返到喇, 果然係遲一班車!! 之後 DINNER 啦, 再整左個菇菇餅, 再食左綿花糖,
一陣食龜苓膏, 呵呵! |
| 10/7/2006 |
|
今日去左飲茶, 之後坐車出左旺角, 行左好耐, 之後又行十蚊店, 再之後坐車去深水"步"果頭 DINNER, 因為約左好大班人食晚飯,
食到十點幾, 坐車返屋企, 之後好累喇, 果然係因為天氣熱!! 不過話時話, 我係時候要開始溫書!!! |
| 11/7/2006 |
|
今日 LUNCH 完, 坐左一陣, 同兩個表妹落左街行左一陣, 玩左一陣, 換哂禮物就返屋企, 好累好熱! 夜晚終於都開始溫書,
其實好多文法都真係已經識, 不過依然要努力溫下習先得, 萬一有咩差池就"噢 OH"喇!! |
| 12/7/2006 |
|
今日同亞婆去左飲茶, 之後行左一陣, 之後又返左屋企一陣, 然後又落左去食大快活晚餐!! 夜晚上網睇片,
不過今日冇溫到書添, 大件事呢! |
| 13/7/2006 |
|
今日本來諗住去飲茶, 點知, 事件發生左喇!! 竟然 ... 開唔到個大門門鎖, 被困O係屋企喎, 所以立即 CALL 返皇上返黎開門,
好彩, 用鎖匙O係出面開到, 但把鎖真係壞左, 所以亦要換過一把喇, 今日冇出到街, 亦因為咁, 溫左一陣書,
聽日開始要狂記生字, 如果唔係唔掂!! |
| 14/7/2006 |
|
今日去左飲茶, 之後去行左一陣, 六點幾返到屋企, 沖完涼後, 一邊食飯一邊睇 TVB 播O既 PAN KUN, 未睇過呢,
真係好可愛呵!! 夜晚上下網, 溫下書咁, 冇咩特別! |
| 15/7/2006 |
|
今日佢地去左睇戲, 我就可以溫下書咁, 到左三點我就落去 JOIN 佢地食下午茶, 再行左一陣就返屋企食飯喇,
聽晚就考喇, 開始有少少緊張!! |
| 16/7/2006 |
|
尋晚發夢見到亞剛, 真係好開心呢!! 今朝起身後食完 LUNCH, 就溫下書咁, 又睇下電視上下網, 到左四點幾就煮左個麵食,
未夠五點半就出門口, 坐 MTR, 雖然半粒鐘就到左灣仔, 但係個 CENTER 行都要行廿分鐘, 早左去到, 再睇左一陣Ｄ文法,
其實份卷唔算難, 都幾有信心合格, 之後同 DORA 坐巴士返屋企, 返到屋企都十一點九, 真係好眼訓, 之後沖完涼就玩左一陣,
再同安怡睇埋小新就訓喇!!! |
| 17/7/2006 |
|
今日去左石硤尾果頭飲茶, 之後行左一陣, 再去左屋企附近行, 同埋買野, 之後就去左食 PIZZA, 返左屋企玩左一陣,
再執行李, 開始有少少唔捨得添! |
| 18/7/2006 |
|
今朝十點幾起身, 準備一切, 之後坐的士去機場, 去到 CHECK IN 左後就去左食麥當勞, 再行下機場Ｄ店影下相咁,
之後行到三點幾就送左佢地上機喇, 好唔捨得, 嗚嗚, 之後就坐巴士返屋企, 好暈, 之後返到屋企沖完涼就開始執返個書櫃,
同埋張床!! 真係好衰, 佢地O係度住時就覺得好累, 家下返左去就覺得好悶咁!!! |
| 19/7/2006 |
|
尋晚果然係唔習慣冇人踢我條腰訓, 所以訓得唔太好呢, 今朝起身知道佢地平安返到屋企, 安心!! 不過估唔到國泰有Ｄ咁O既服務態度,
所以要"反映"一下!! 今日冇出到街, 因為好熱啦, 同埋好累!! 只係睇左呢三星期冇時間睇O既野, 都清左好多,
唔太習慣間屋咁靜呢, 冇人係咁叫我"表表", 爭咁Ｄ野咁呢! |
| 20/7/2006 |
|
今日係太后O既生日, 生日快樂!! 今日去左飲茶之後行左一陣咋, 都冇咩特別節目, 因為天氣太熱呢! |
| 21/7/2006 |
|
今日同太后飲完茶, 就去左探亞"麻", 真係瘦左好多, 不過冇辦法啦, ... 坐到六點幾就走喇, 返到屋企附近食"大快活",
之後返屋企, 不過有少少唔係好舒服, 可能熱得滯掛! 其實今日走之前聽到一句說話, 我真係幾嬲架, 唉 ...
不過算啦, 嬲都費事, 講真, 我見皇上走黎走去, 都戥佢辛苦, 果位講果句話O既人, 之前講到點簡單又咁又咁,
家下你俾說話人地聽, 我真係唔想再講, 因為再講落去, 相信我又會豹變! |
| 22/7/2006 |
|
今日食完 LUNCH 未夠兩點就坐車出旺角喇, 因為約左家姐呢, 早左少少去到, 之後第一站梗係信和啦,
今日要買 KINKI O既 SINGLE ＜夏模樣＞, 好失望, 因為冇 POSTER 送, 其實又唔係冇, 不過送左張好細張, 同埋似自己 PRINT O既 POSTER 仔,
都好過冇呢!! 之後行左好多地方, 最後行埋去尖沙咀, 都係去左食拉麵, 但最後果杯水真係諗起都想嘔,
因為充滿左漂白水味!! 之後去左行 CITY SUPER 呀咁, 行到九點幾就走喇, 因為好熱同埋有點累呢!! 返到屋企都係上下網,
同埋攪下Ｄ雜誌咁!! 冇咩特別!! 但係我想講一句就係, 我終於都知道人O既本性, 之前講到幾偉大話會放棄份工去照顧,
但係家下Ｃ都唔肯, 本來都冇所謂, 仲要煩到皇上, 只係識發脾氣係冇用架, 認真Ｄ諗下件事啦, 咁大個人,
真係諗起都嬲呀, 果日俾面亞麻我先唔出聲咋, 唔好以為我地好蝦先得架, 長輩都係咁話!!! |
| 23/7/2006 |
|
今日好熱, 冇出到街, 煲左幾集 LOVELOVE, 發現我日文真係進步左 :P, 都冇咩特別!! |
| 24/7/2006 |
|
今日大頭蝦, 煮左麵先記得話同太后飲茶, 所以食左個麵再去飲茶, 之後返屋企, 都冇咩特別!! 夜晚完成埋個 "ENDLI三角仔仔",
真係幾攪笑!!! |
| 25/7/2006 |
|
今日真係越級熱, 先去左交收, 但係單單行過去 MTR 都已經熱到想暈, 交收完再去左飲茶, 之後行左一陣,
買左盒雪糕, 好似好好味咁!! 整左粒飯團仔用黎做電話繩, 諗住送俾 YUMIKO, 夜晚無 LALA 收到個電話, 又再一次覺得原來世界上有好多自私O既人,
講過話冇講過, 其實講到尾係怕我真係去投訴佢地, 不過算, 當我黑仔!! |
| 26/7/2006 |
|
今日我冇落街, 因為好熱, 全日都上下網同埋睇＜午餐女王＞, 睇落又幾好睇, 見到森田剛客串真係有少少意外,
但又拍得佢幾型!! |
| 27/7/2006 |
|
今日我都冇落街, 雖然今日涼左少少!! 呢幾日好緊張呢!! |
| 28/7/2006 |
|
今日去左飲茶, 之後行左一陣就返屋企喇!! 好緊張呀, 終於知道聽日開始賣飛, 但係同時又擔心左成日,
真係又怕佢個 SYSTEM DOWN 機, 又怕買唔到, 又怕呢樣怕果樣!! 去 CIA 睇, 越睇個情緒越怪, 因為有好多唔同O既意見同埋擔心,
當然仲有不滿, 睇埋睇埋就更加緊張!! 但願聽日一切順利, 要拼到飛呀, 嗚嗚, 唔好再咁黑仔!! PLEASE!!!
ONEGAI DAKARA, UMAKUIKERU YOUNI!! |
| 29/7/2006 |
|
今日 LUNCH 完, 好彩心血來潮去 CIA 睇下, 先發現原來公開售票由五點改左做兩點, 再一睇, 1:50, 所以拿拿聲 BOOT 機,
再打俾家姐, 再衝去網站等, 等左幾分鐘就開始賣, 但係真係唔夠人快, 所以好多位都俾人搶左, 好彩試左十令次終於俾我買到西特區,
YEAH!! 放下心頭大石, 因為好多人都唔知改左開賣時間, 一直留意到五點, 2500 果Ｄ已經冇哂 LU, 真係太開心,
估計我買飛果陣, 我O既心跳可能同玩過山車係一樣!! 下一步就係睇 PACKAGE, YEAH!! 好開心好興奮!! |
| 30/7/2006 |
|
今日冇落街, 都係上下網, 做下 SUDOKU 咁, 冇咩特別呢! |
| 31/7/2006 |
|
今日去左飲茶, 之後行左一陣, 選左 PACKAGE, 希望一切順利, 不過我今日先發現, 點解Ｄ銀行 4:30 就唔俾人入?! |
