 歡迎睇我任何一日私日記!(私日記。WATASHINO NIKKI！) |
1/9/2007  |
|
今朝醒左睇下電視咁, 不過Ｄ韓劇真係好奇怪!! 之後同亞妹傾左陣 MSN, 之後大約一點, 同太后落左去會合皇上,
再一齊食麥當當, 好好味呢!! 之後再行下超市咁, 太后果張咭依然係同惠康有仇咁, 都唔知點解會咁!! 買左好多汽水呀!
YEAH!! 仲買左一排朱古力(見下圖), 我搵左好耐都搵唔到, 今日買到喇! 不過加左價!! 但都買左兩排食住先,
因為的確太好味喇!! 之後返屋企上下網回下 EMAIL 咁, 都冇咩特別! |
| 2/9/2007 |
|
尋晚睇電視睇到好夜, 所以今朝有少少眼訓!! 今日冇出到街呢, 因為個天想落雨咁, 只係皇上同太后出左去行下咁!!
我就煲劇, 睇左＜FIRST KISS＞CH.8, 同埋＜探偵學園Q＞SP(2006年), 夜晚仲開始睇＜DANCE DRILL＞, 早排先知有 MASU 做O既,
所以真係幾想睇, MASU 太可愛了!! 第一集內容都有少少感動呢!! 訓之前睇＜妹妹戀人＞, JUN 太正喇!! 真係好好睇,
雖然冇預期O既內容, 但係感覺唔錯!! |
| 3/9/2007 |
|
尋晚睇完＜妹妹戀人＞立即訓, 仲以為會夢見 JUN, 不過好似冇呢!! 今日去左飲茶, 之後去左行下超市咁, 買左少少野咋,
返到屋企上左一陣網, 之後沖涼, 再研究下有咩拍賣O既野 ARM 用, 好多都好抵買, 不過我冇咩錢呢!! 最後都係 BID 左少少野,
拍賣世界實在太奇妙!!! |
4/9/2007 |
|
我終於 UPDATE ＜私夢記＞喇!! 今日冇出到街, 因為實在好熱, 仲好似成日想落雨咁, 唔係咁喜歡天陰陰O既天氣呢!!
今日不停咁睇片, 因為我發現我太多野未睇喇, 要多謝皇上幫我寄信同埋過數俾個賣家(因為買左幾個叮噹印)!
下午茶食左兩個"梅果"(見下圖), 係樓上個姨姨尋日請我食架, 綠色果粒都 OK, 不過另一粒就 ...! 夜晚睇＜MENTORE G＞,
小池榮子做嘉賓, 好感動, 睇到我眼濕濕呢, 要恭喜榮子姐姐結婚!! |
| 5/9/2007 |
|
今日都冇落街, 因為懶(呵呵)!! 睇左＜花樣少男少女＞(日版), TOMA 真係越睇越帥!! 而且好好睇, 其它人都好好笑!!
睇埋最新果集＜ZUBARI IUWAYO＞, 係 LUNA SEA O既鼓手--真矢做嘉賓, 不過我真係今日先知河川隆一就係 LUNA SEA 個主音喎!
另外真正見識到咩係有錢人 SHOPPING(當然細木數子冇 MJ 咁勁啦), 不過真係睇得出, Ｄ名店O既 SALES 全部都放出"我唔噤你噤邊個"O既光環(即係 OORA, 笑)!!
呀, 要同家姐講聲 ARIGATOU, 因為佢幫我交收左熊貓, YEAH!! 另外約左幾個買賣家星期五交收, 其中一個買家仲突然間打俾我,
嚇親我呢(因為我果頭 EMAIL 佢, 佢果頭打俾我!) |
| 6/9/2007 |
|
今日同皇上及太后出左旺角飲茶, 不過果間野唔覺唔覺加左少少價呢!! 之前仲去左電腦中心買 DVDR(見圖1)!!
飲完茶去左嘉樂隔離拎左兩個信用咭禮物(見圖2~5), 大家有興趣可以話我知, 因為呢兩個係諗住賣O既!! 之後皇上先返屋企,
我同太后去行街街, 買左幾件衫, 仲有"亞柑及亞桔"散銀包(見圖6), 同埋兩粒熊貓扭蛋(見圖7), 我第一次見咋, 好可愛!!
之後行到五點幾就坐小巴返屋企, 坐坐下先發現個散銀包好靚, 應該買個俾自己, 所以我決定聽日去買多個俾自己先!!
要亞柑定亞桔定花師奶定花生好呢?!! 返到屋企沖涼就開飯, 開完飯又上下網咁!! |
| 7/9/2007 |
|
今日O係屋企食完 LUNCH, 本來想睇埋尋晚個 UTABAN 先出門口, 不過望下時間, 唔夠時間, 所以上左一陣網就出門口喇!!
先去左花園街, 因為想買多個"亞柑亞桔"散銀包俾自己(見圖1), 之後行去信和, 講真係唔知, 原來由花園行去信和,
足足要十五分鐘, 真係好遠下!! 會合左家姐再行信和, 其實我尋晚先記起 KINKI 下星期出 SINGLE, 不過下星期出街先買啦,
呵呵!! 週圍行下咁啦, 之後好無聊咁, 三點幾走左去波鞋街, 睇"高比拜仁", 人其實唔係好算多呢, 影左幾張相(見圖2~5),
要留意紅色箭咀, 指住果個就係高比拜仁喇(笑), 之後去左黑店, 不過仲未有貨拎, 所以就去左旺角 MTR, 因為約左個賣家 4:30 交收,
點知去到打俾佢佢竟然話要遲十分鐘, 終於就連本來約左 5:00 果位買家早到左, 終於佢地兩個都大約 4:45 就O係 MTR 交收,
交收完後就週圍行, 本來諗住去食麥當當, 不過後黎去左沙嗲王, 食左個白咖喱香茅豬扒飯(見圖6~7), 食食下另一個賣家打黎話佢到左 MTR,
比約定時間早左成九個字呢!! 同埋夜晚O既 MTR 站好多好多人!! 交收完我返去食埋餐飯, 食完後去左麥當當買汽水飲,
不過好失敗, 唔記得左走冰, 上次睇完紙寫完後, 真係唔應該再要冰!! 之後行左去尖沙咀, 原來海港城(?!)個 TOILET 好正,
真係好乾淨!! 週圍行咁, 不過冇咩野 ARM 買!! 再行左去新世界中心, 咁 ARM 今次主題係星座, 所以影左我"天蠍座"俾大家睇(見圖8~14),
其實有幾多特質都講得幾 ARM!! 行到九點幾就走喇, 因為真係意外地, 夜晚O既尖沙咀係得個人多, 係冇咩野睇O既!!
返到屋企睇下今日O既戰利品, 之後沖完涼, 再 HC, 因為今日買左好多熊貓(見圖15~22)!! 果盒食玩果隻熊貓仲好攪笑咁訓到流口水!!
另外仲要多謝家姐送我O既叮噹印仔! 雖然最後都係俾安怡O既(笑)!! 亦要多謝家姐前幾日幫我去交收果套 PANKUNCHI 扭蛋,
好可愛呵!! |
| 8/9/2007 |
|
今日朝早冇咩特別, 睇下片咁, 大約三點同太后先入將軍澳行下街先, 不過冇咩買野, 係買左少少零食!! 之後行呀行呀,
大約五點幾就坐低左休息, 因為夜晚約左鴻舅父及珍姨一行九人去 PIZZA HUT! 坐坐下皇上就到左, 再過一陣舅父都到埋,
之後有位就入去坐, 叫住野等珍姨, 食左都幾多野, 埋單要 $740 呢, 之後行左一陣, 我就去左惠康換左隻狗仔,
好可愛架!! 之後大約十點幾就返到屋企, 沖完涼又上下網, 填下 FORM 咁, 訓之前冇睇小新, 但係就睇左三集＜死忘筆記＞(動畫),
好似同電影有少少唔太相同呢!! |
| 9/9/2007 |
|
今日冇落街, 因為前兩日出左街, 有少少累, 都冇咩上網, 係O係房煲＜死亡筆記＞(動畫), 有少少深奧呢,
不過幾好睇, 仲有十幾集就睇完! 唔知最後會點呢?! 食左尋日買O既野(好似叫紅豆麻糬), 都幾好味, 雖然冇上年O係台灣買果Ｄ咁正!
DINNER 前發現部電腦唔知有咩問題, 好彩 BOOT 完機就冇事, 上網 SEARCH 過, 都唔係病毒, 估計係之前有個程式 "CAKE" 住左某個 FILE,
好彩好彩!! |
| 10/9/2007 |
|
今日去左飲茶, 之後行下超市咁, 都冇咩特別!! 返到屋企坐左一陣就沖涼, 沖完涼又入左房睇＜死亡筆記＞(動畫),
越黎越複雜, 有少少唔太明白, 同埋話"L"死左, 但我記得電影唔係, 可能電影改左劇情都唔定呢, 不過新果個"第二代L",
真係好怪!! 夜晚終於決定 BID SAMMI 果隻演唱會 CD+DVD, 太后仲幫我過埋數, 真係謝謝!!! |
| 11/9/2007 |
|
今日冇落街, 睇左尋晚O既＜宿題君＞同埋＜SMAP X SMAP＞, 另外終於睇哂＜死亡筆記＞(動畫), 不過冇想像中咁好睇,
自"L"死左後, 就麻麻地好睇喇!! 攪到我有少少想睇返電影!! |
| 12/9/2007 |
|
今朝樓上依然裝修, 大約十一點起身, 因為今日係"女麻女麻"O既生忌, 買左少少花(見圖1~2)!! 行果段路的確好遠, 同埋天氣好熱,
所以行到上去, 我頭暈又想嘔, 坐左一陣先好返少少!! 一點幾就坐車去旺角, 飲下午茶, 中途家姐打黎問我少少野,
傾左一陣, 再之後行下花園街咁, 經過 BALENO 見到大減價, 所以我地夾埋買左十幾件衫(見3~6), 好抵呢, 而且Ｄ質地仲好過某牌子添!!
返到屋企附近再行左一陣, 返到屋企家姐打黎, 而家拍賣的確越黎越多怪人!! |
| 13/9/2007 |
|
今日樓上終於都靜返, 因為呢幾日都係一早裝修, 好嘈!! 所以難得好靜, 我訓到十一點幾!! LUNCH 食意粉!!
之後家姐打黎話佢出得門口, 所以我亦同太后出門口坐巴士出旺角, 太后自己出左旺角行街, 我就約左家姐去太子,
咁 ARM 有唔知咩舞獅表演, 攪到我要兜左個大圈先過到馬路!! 我到左幾分鐘後就見到家姐, 不過太子宇宙船Ｄ野都唔係咁平O者!!
之後去左行花園街, 我終於忍唔住買左個亞柑筆袋(見圖1), 之後行左一陣, 再去左旺角中心果間 KFC 食野, 因為家姐原來未食野呢,
多謝家姐請我飲汽水!! 之後四點幾去左 MTR 陪家姐交收, 開始擔心香港O既未來, 因為原來而家Ｄ年青人可以咁冇 PLANNING,
同埋咁後知後覺(其實係唔知唔覺!), 之後去左行信和, 我買左 KINKI 隻新 SINGLE(見圖2~4), 亦O係一間二手店搵到一隻 SAMMI(見圖5~6),
好平呀, 只係 $25 咋, 而且真係好新!! 之後又無意中見到一盒"熊貓幼稚園"(見圖7~8), 好可愛!! 之後行左去尖沙咀,
行到 18:30 左右就開始行去科學館, 因為約左個人拎野(小兔託佢俾野我), 不過真係好遠, 所以遲到左, 而且最好笑O既係,
我一直懷疑係佢果個人, 因為佢傾緊電話, 咁我又唔肯定喎, 而佢個名又有少少特別, 我怕一陣認錯人, 就好爆笑!
好彩最後都相認左! 傾左幾句, 要謝謝佢幫我拎野返黎呢, 幾個月前拜託小兔抽果粒 ENDLI 特定扭蛋(見圖9),
終於到手喇! YEAH!! 之後去左行左一陣, 再O係新世界中心果間麥當勞食 DINNER, 不過真係以後都唔會再去呢間麥當勞,
因為Ｄ野好唔新鮮呢!! 之後再行左好耐, 大約九點幾就走喇, 好好彩一到車站就有車, 21:50 就返到屋企, 沖完涼,
又同Ｄ戰利品影下相咁, 太后話佢今日同皇上去食下午茶時, 又去買左好多衫(見圖10~11), 仲買左三件俾我添!!
真係好抵買!! 夜晚訓之前睇＜探偵學園 Q＞大結局, 硬係覺得好似有少少夾硬咁!! 同埋覺得會有 SP, 都好期待呢!! |
| 14/9/2007 |
|
今日去左飲茶, 之後去銀行, 再行左一陣, 買左Ｄ日用品咁, 返到屋企坐左一陣, 沖完涼就入左房睇碟, 因為呢幾日成日都想再睇多次＜死亡筆記＞(電影),
所以就一口氣睇哂兩套, 電影果然好睇好多, 睇完都十點幾, 咁 ARM 有線播＜嫁個有錢人＞, 所以又睇左後半,
依然好好睇, 我果然仲係好鍾意 SAMMI 呢!! 而家就等緊＜山田太郎＞O既大結局, 唔知會點呢?! 覺得好似好快完咁,
因為都係得十集呢, 反而＜花樣少男少女＞(日版), 有 12 集, 而大結局仲係兩小時 SP, 其實就等於 13 集左右!
下一季唔知有咩戲 ARM 睇呢!! 睇完＜山田太郎＞喇! 好感動, 但又好好笑, AIR結他大會! 仲見到果位金剛地武志先生添!!
依然好勁, 果然係世界冠軍(笑)!! |
| 15/9/2007 |
|
今日本來冇諗住出街, 不過太后話想去將軍澳行下, 所以就陪佢去行左一陣, 去到週圍行下咁, 行行下發生左一件好嚇人O既事,
行行下, 突然間有一個身穿深粉紅色衫O既女人, 化左個好濃O既粧, 然後佢仲近距離同我笑, 我俾佢嚇到係立即呆左幾秒,
講唔到野, 然後太后見到我咁, 再望, 都俾佢嚇親, 而且佢O既笑容真係有點邪, 再睇真Ｄ, 原來係 ATV 藝員珈穎,
試問我都冇咩睇電視, 不過真係俾佢嚇親, 我真係俾佢到呆左幾秒出唔到聲, 完全冇誇張, 而且係突然間出現O係我面前,
距離都真係幾近, 衰少少講句, 真係好彩知道已經係8月(睬)!! 之後再去左行超市, 買左幾個麵包咁, 坐車返到屋企附近再行左一陣,
又買左幾件衫, 因為實在太平喇! 今日買左 5 件, 折左都係 $94, 真係去邊度搵!! 之後返左屋企, 冇咩特別呢!!
呀, BY THE WAY, 我今日先知原來尋晚除左係＜山田太郎＞O既結局外, 仲係＜壽司王子＞O既大結局, 只有 8 集!
睇黎收視真係太慘!! 又 BY THE WAY, 上年O既今日我身在台北呢!! |
| 16/9/2007 |
|
今日冇出到街, 因為空氣實在太差, 同埋天氣實在係好熱! 睇下節目咁, 都冇咩特別!! 我個髮夾終於都爛左(見下圖, 左邊),
都唔知佢點解會爛成咁(藍色箭咀)!! 而家只好用個新o既(見下圖, 右邊)! 睇左Ｄ"24時間", 好感動, 真係喊左幾次!
再一次覺得自己其實真係好幸福! |
| 17/9/2007 |
|
今日好好訓, 之後去左飲茶, 終於有返我最愛O既碗仔翅喇!! 今日飲茶坐左好耐, 成四點幾先走, 返到屋企上下網咁,
之後沖涼, 再準備聽晚返學O既野, 我終於掉左用開果個筆袋, 其實都真係用左成十年, 我仲好記得係"琪琪2號"送俾我O既,
不過因為用左咁耐, 真係太舊, 所以就"的"起心肝換左佢, 而家用緊上星期買O既"亞柑"筆袋, 希望唔會俾人笑啦!!
不過又真係好得意嘛!! 另外, 我決定睇＜護士小葵＞, 因為睇完＜花嫁與爸爸＞後, 覺得石原SATOMI 好可愛!!
同埋演技都算唔錯, 唔似報紙講到佢咁差!!! |
| 18/9/2007 |
|
今日日頭都冇咩特別, 睇下＜24時間＞咁, 好感動!! 終於睇左近排中國好人氣O既"千手觀音", 大家知道嘛?!
呢個表演係由 21 名聽唔到野O既人表演架, 唔講真係完全唔會知道, 因為佢地同音樂非常配合, 有機會大家要睇下呢,
因為真係幾好睇!! 到左五點幾就煮左個米粉食, 因為今晚開始要返學喇! YEAR 6, 我要努力!! 今年真係好好,
因為可以由屋企行去 CENTER, 而唔再需要坐車!! 大約 6:12 出門口, 因為都要計算下行過去要幾耐時間, 原來都要二十分鐘呢,
早左少少到, 所以去影印遲Ｄ要用O既文件, 再去課室, KEN SAN 已經到左! 原來我地呢班得 18 人咋, 真係好少人數呢!!
亦由於咁少人, 所以老師話大家圍圈咁坐, 不過其實我唔係太習慣咁樣坐呢!! 好似好怪咁!! 人數少左, 自然講野答問題機會多左,
首先買書啦(見圖1), $120, 都好抵, 因為見到本書寫要 2000 YEN + 稅!! 就互相介紹, 我要介紹坐隔離果位新同學,
不過其實都係講左幾句, 因為佢都唔係咁想講佢Ｄ野我知咁, 之後就開始講 CH.1, 都係溫返之前學過O既文法, 唔算深呢,
睇黎往後會非常之深, 因為話哂 YEAR 6, 不過我會努力!! 我要搵份要用到日文O既工作!! YO!! 又一次發現, 每一個小社區裡面,
一定有一兩個好有自信, 好想表現自己O既人, 其中一個, SENSEI 問日文時, 答果個人諗緊點答果陣, 佢就好似做 SENSEI 個翻譯咁,
係咁講廣東話, 吾 ... YEAR 6 喇, 唔洗咁樣O既, 俾Ｄ機會答果個人自己諗下吧! 其實有一度我真係幾嬲, 話說我寫左我個名叫 CC,
咁 SENSEI 就問點讀(高低音咁), 再問有咩意思, 我咪話因為同我中文名發音好似, 點知呢位同學又加把咀, 話:
佢個中文名有個 C 字, 咁所以就叫自己個名做 CC, 冇咩特別意思!! 我立即不太友善咁望住呢位同學, 當然佢完全冇望到我啦,
真係好怪!! 亞姐呀, 大家第一次見面, 你知道我幾多野O者?! 我講O既野又唔係錯, SENSEI 完全明白, 咁洗咩你幫口O者,
果一刻個腦立即閃出中居前輩O既一句話: "我地係青竹馬呀?! 我同你係朋友呀?!", ARIENAI~TSU~NO!!, 有時要 SHOW OFF,
都唔該唔好影響到人地呢, 另一個呢, 仲有趣, 佢真係九唔撘八架, 例如 SENSEI 話日本近排都有類似八達通O既野(我記得好似叫 PASMO 同埋 SUICA), 不過就唔肯定O係 7-11 可唔可以用,
之後呢位同學立即答日本O既八達通可以坐巴士/電車, 只係唔太肯定買野得唔得, 嘩! 係佢理解能力出問題定係佢唔明 SENSEI 講咩呢?!
今日呢堂短短三個鐘, 呢位同學好幾次都係咁, 真係攪到我好"黑線"同埋"汗"!! 不過同學們有幾咁有趣都唔緊要,
我只希望大家都唔好影響大家學習O既環境! 亦唔好因為要 SHOW OFF 自己而阻到人地寶貴O既時間!! 今晚遲左少少放學, 我回程行左另一條路返屋企,
不過都係二十分鐘, 其實都幾嚇親, 原來要行二十分鐘咁遠, 平時冇留意時間呢!! 返到屋企樓下, 見到有封野放左O係失物箱裡面,
再睇下, 嘩! 係我架喎!! 攪咩放O係果度架, 地址 ARM 架呢!! 不過可能放唔入信箱, 所以當係失物掛!! 返到屋企沖完涼,
就整左個栗米肉鬆沙律食, 之後拆開封信, 果然係 KIDNEY 寄俾我O既野(見圖2~6), 係佢之前去日本旅行時, o係 TBS 拎O既 La Boo,
因為有講山田太郎, 所以就拎左一本俾我, 真係多謝哂!! 我呢Ｄ真係翔飯(笑)!! 除左 La Boo, 仲有兩樣熊貓野, 其中一個仲係我一直好想坐o既 ANA 熊貓專機裡面O既餐巾,
真係太多謝你喇!! 我都好希望可以坐下呢!! |
| 19/9/2007 |
|
今日太后話想去飲茶, 所以就去飲茶喇, 出門口前我都睇左少少＜24時間＞, 依然好感動!! 我覺得有時唔一定要成個故事都知道哂先感動,
可能係其中一句話, 又或者其中一個表情, 就足以感受到果種感覺!! 去茶樓前去左郵局, 因為尋日收到張野叫我去拎郵包,
果然係上星期 BID 果隻 SAMMI CD(見圖1~8), $70 真係好抵, 因為係全新O既, 個賣家仲要O係澳洲寄空郵黎, 果度都成 $50 喇,
所以其實佢都冇得賺呢!! 飲完茶後去左德福, 因為我房部冷氣壞壞地呢!! 咁 ARM 見到德福而家係"肚臍祭"(見圖9~25),
都幾有趣呢!! 不過上網查到, 日本O既"肚臍祭"係 7月最後一個週末架喎! 家陣 9 月呢!! 返到屋企坐左一陣,
沖完涼就聽下歌咁! 晚飲有生炒排骨食, 係買返黎O既, 不過凍左, 所以唔太好食!! |
| 20/9/2007 |
|
今日上午都冇咩特別, 家姐打過黎, 傾左好耐呢, 呵呵!! 之後睇＜花樣少男少女＞(日版)大結局, 都幾感動啦,
出奇O既係, 原來有個人一早就知佢係女仔, 因為睇到佢O既 O-RA(笑)!! 估計會有 SP, 因為最後話畢業旅行會去美國!!
都幾期待, 呢集收視有 21%, 真係唔講得笑呢!! 大約 5:30 出門口, 坐巴士去美孚, 因為約左亞爺地食晚飯,
我覺得唔太抵食, 亦唔太好食(笑)!! 之後坐小巴返屋企, 小巴司機平均以 70 以上O既速度飛返目的地!! 返黎睇左有線播果套＜救命＞,
其實以前睇過架, 不過都值得睇多次! 到左夜晚 11 點幾, 突然間, 再一次突然間冇食水, 真係唔知咩事, 已經第二次咁喇,
希望快Ｄ冇事啦!! |
| 21/9/2007 |
|
今日早左起身, 因為等家姐電話, 但原來佢果度都需要好長時間, 所以最後都係食左米粉, 再一點出門口,
會合左家姐就傾下計咁, 之後行下信和咁啦, 買左隻叮噹(見圖1), 應該話係"迷你多啦"黎O既! 仲買左雜誌(見圖2), 還選了個"涼宮春日"的贈品給姐姐呢!
之後行十蚊店, 再去左郵局, 因為家姐有野要寄, 再之後一直行左去尖沙咀, 週圍行下咁, 本來想O係 CITY SUPER 買魚仔食,
但竟然見唔到有賣喎!! 大約六點幾, 去左食麥當勞, 再行下街咁, 俾我地發現左有間日本書店新開O既, 所以就上去行下咁,
不過真係幾貴, 因為差唔多 11 算!! 拎左兩本免費雜誌睇(見圖3), 其實係想睇下日資公司O既求人情報(即係請人O既行情)!!
之後家姐話想買鞋, 所以行返去旺角, 因為今朝見到果度減價, 大約九點半就走喇, 因為行得都有少少累! 所以坐小巴返屋企,
真係好快呢!! 返到黎沖完涼上下網咁, 本來諗住攪下拍賣, 不過都係聽日先攪!! 今日家姐又送左幾粒叮噹印俾我(見圖4),
所以順便拎埋之前O既印出黎睇下, 而家總共有 20 粒, 幸運O既係當中只有兩款相同, 換句話講, 我已經有 18 款喇!!
訓之前睇左 NINO 套 SP DRAMA＜MARASON＞, NINO 係演一個自閉症O既青年, 雖然咁樣講可能好失禮, 但 NINO 演O既自閉症青年真係好可愛!!
亦好感動, 尤其係最後影相時, 佢識笑, 因為自閉症O既人係唔懂得去表達自己O既情感O既, 但係佢最後都學識笑!! |
| 22/9/2007 |
|
今日冇咩特別事, 兩點正幫家姐 EMAIL 左, 之後打俾家姐傾左兩句! 再同皇上太后去左行將軍澳, 見到有個機械人活動(見圖1~3),
買左一個大大O既菠蘿包(見圖4), 行過"豐天", 見到仍然減價中, 俾我見到有對鞋好靚, 原價 $320, 而家只係 $96 咋,
所以就買左喇(見圖5~6)! 夜晚 SEND 下 RESUME 咁, 冇咩特別! |
| 23/9/2007 |
|
今日冇落到街, 因為星期日怕多人, 同埋天氣又成日落住雨咁, 我真係唔係太喜歡落雨呢!! 睇左好多節目,
例如 SHINDOI 等等, 最好笑係好少有咁睇左 KAT-TUN 個節目, 因為嘉賓係"柳原可奈子", 所以我先會睇呢!! 佢真係幾攪笑呢!!
21歲就搵到自己O既理想真係太好喇!! 夜晚睇＜DANCE DRILL＞, 深深感受到"青春"呢兩個字!! 睇埋＜花樣少男少女＞(日版)o既最終回放送前SP,
發現山本裕典真係好可愛, 一講到節目當日係大家最後一次集合埋一齊, 然後佢忍唔住喊, 真係太可愛喇!!! |
| 24/9/2007 |
|
今日睇左＜DANCE DRILL＞O既大結局, 都 OK O既, 成套劇想傳達O既就係"唔好令自己後悔, 有遺憾"!! 之後去左飲茶,
再去埋超市買野, 返到屋企上下網咁, 再開始睇石原SATOMI果套＜Ns' AOI＞(護士小葵), 估唔到真係幾好睇喎, 以前我誤解左佢添!!
佢演技其實都唔錯呢!! 六點幾, 有個買家打黎, 所以我立即行去 MTR 交收, 之後返黎沖完涼先開飯, 之後同家姐傾左一陣 MSN,
聽到佢過幾日去做替工, 再應該可以做長工, 真係替佢開心!! BY THE WAY, 今日收到小MO寄黎O既卡片, 雖然只有十幾張,
不過我都會好努力咁幫忙派出去, 放心!! 另外今朝亦答應繼續做民宿O既宣傳大使, 雖然薪金唔算多, 但都真係好過冇,
反正有時間呢!! |
| 25/9/2007 |
|
今日冇咩特別, 同太后落左街行左一陣, 返到黎我終於忍唔住剪頭髮, 其實一直都想剪, 但一直唔想剪得咁密,
不過今朝見到 SHO 都剪左頭髮, 所以諗諗下, 剪左冇咩熱, 所以就剪喇!! 突然有個人打黎話約食飯, 因為某Ｄ原因,
所以皇上同太后兩個人去, 我就煮左個米粉食, 好味! 皇上同太后出左門口後, 我就開始睇埋＜Ns' AOI＞, 點知果個人突然打黎,
仲話仲咩唔去見下Ｄ UNCLE, 之後知道我仲係未搵到野做, 竟然唔知以咩身份黎話我, 仲話唔知而家Ｄ後生諗咩,
咁我都好有禮貌咁同佢講話我搵唔到, 但一直都有搵, 之後佢繼續講話一定係我懶, 我就答佢我一直都有搵, 不過真係搵唔 ARM,
佢又話一定係我唔做, 其實係冇搵, 咁我就話都要搵份 ARM 做O既工, 唔係咩都做得掂, 佢又再一次話一定係我懶, 其實老實講,
我完全唔知道佢以咩身份黎批評我, 真係幾好脾氣O既人都會忍唔住, 所以我答佢"我係真係有搵, 不過你唔信都冇辦法!"(因為其實我冇需要向佢交待!),
之後佢又話佢個仔又係咁, 做做下又唔做, 之後問"究竟你地Ｄ後生仔諗咩架, 話俾 UNCLE 知, 等我知道下丫! 其實係咪應該好似而家新聞Ｄ人咁,
唔好俾野你地食, 等你地瘦到排骨咁先至 ARM 呢?!", 其實我一開始都打算尊重佢, 不過就算係 UNCLE, 都唔應該講呢Ｄ咁過份O既說話,
新聞果Ｄ小朋友好慘架, 歲半得果 12 磅, 每次我睇到新聞我都心痛, 會覺得點解Ｄ人俾條生命佢地O既仔女, 但又要咁對佢地(跑題喇!)!!
回正題, 咁話哂都係皇上同太后O既朋友, 之但係再講落去根本冇意思, 所以我就答佢"你一陣同我亞爸亞媽討論下啦, (下?! 討論下, 佢地邊知你諗咩呀!),
得架喇, (真係唔俾野你地食呀, 餓死你地最好?! 哈哈哈!), 係呀, 一於咁話啦, 一於咁做, 千其唔好俾野我地食, 餓死我地, 等我地瘦到排骨咁,
咁就掂架喇, 一於咁做啦!", 之後佢就好冇"引"咁收左線, 唔係好明點解有種人係鍾意咁樣對待別人, 有冇必要踩到對方咁盡呢?!
同埋對方又對我認識有幾深呢?! 我遇到O既事, 佢完全都唔知道, 我寄過幾多封信/見過幾多次工/失敗感有幾多, 佢根本就完全唔知,
咁點解要一口咬定我係懶?! 憑什麼呢?! 其實真係好嬲, 不過我真係有家教(笑), 只係覺得任何野都有一個"限度"!!
雖然同自己講"DON'T MIND", 不過本來開心輕鬆愉快O既中秋節晚上, 心情一下子受影響!! 其實每一次都係咁,
每一次一同呢位 UNCLE 交談, 就一定會攪到我心情低落! 因為已經唔係第一次, 諗起一句話"誰也沒權力傷害誰",
希望呢次係最後一次啦! 之後皇上同太后返黎, 我講左少少件事佢地聽, 但係話頭先食飯完全冇提及過有打黎同我傾左一陣,
完全理解唔到呢位 UNCLE O既諗法, MA~~ 冇所謂呢!! 突然諗起近日日本好人氣O既攪笑藝人"小島YOSHIO"O既攪笑點子(NETA),
等我又試下先: NAMAKEMONO TO IWARETERU, DEMO SONNANOKANKENAI SONNANOKANKENAI, O.P.P!! 哈哈! 果然寫完呢句,
再套上"小島YOSHIO"O既攪笑點子, 果然果然好好笑! DEMO SONNANOKANKENAI ... SONNANOKANKENAI ...!! |
| 26/9/2007 |
|
今日我冇出到街, 因為太熱喇!! 皇上同太后去左行將軍澳, 仲買多對鞋俾我添(見下圖), 真係多謝哂!! O係屋企睇下片咁,
＜Ns' AOI＞SP都睇埋, 真係唔錯!! 同家姐傾左一陣 MSN, 多謝佢開解我呢!! 今日係追月O日子, 不過月亮依然不見了!!
原來今日皇上同太后去行街時, 買左個冷氣機俾我, 因為我部冷氣壞左, 攪到呢幾晚咁熱我都冇得開冷氣訓, 不過買左新冷氣機,
就代表我要將衣櫃+書櫃O既所有野都搬出廳, 因為個櫃係O係正冷氣機位前面, 唔搬走Ｄ野就搬唔走個櫃, 個櫃O係度就安唔到冷氣,
所以佢下星期二送貨+安裝, 所以估計我星期一要有排忙, 果日約左家姐呢, 所以我要早Ｄ返屋企 LU!! |
| 27/9/2007 |
|
今朝比平時早左起身, 之後食左個麵包做早餐+午餐, 12點半同太后出門口, 坐 MTR 去天后, 因為今日過海有Ｄ事要攪,
本來約左 1:45, 點知成兩點先開始, 2:30 左右攪掂, 之後打俾珍姨, 佢話佢到左酒樓, 所以我同太后坐"叮叮"去銅鑼灣,
原來都幾遠下!! 落左車仲要行一段路, 今日好熱呢! 去左酒樓已經三點, 所以好肚餓, 叫左十個點心食, 因為酒樓點心有半價,
所以都係食左 $103, 都算幾抵!! 食完去左行 SOGO, 本來諗住買泡菜, 不過佢又得一包(因為兩包平好多!), 所以最後都冇買到,
突然諗起有張 CITY SUPER 現金券, 所以行左去時代廣場果間 CITY SUPER, 買左兩盒魚仔同埋兩支豆漿, 其實都好貴下,
日本賣十幾蚊一大包O既魚仔, 家下廿蚊細細盒! 之後再行返去 SOGO, 因為頭先未出爐, 珍姨話果個包好好食,
所以買左兩條俾我地試下(見下圖), 之後姨丈仲車埋我地返屋企, 真係太好!! 返到屋企沖完涼再坐左一陣就開飯喇,
不過食得好少, 因為唔太肚餓! 同埋好似有少少暈車浪呢!! BY THE WAY, TO 家姐: 聽日要努力!! FIGHT!! |
| 28/9/2007 |
|
今日先陪太后去行左一陣, 然後去左飲茶, 再去左超市, 之後就返屋企喇! 好早沖完涼入左房睇電視, 因為其實呢兩日都好累咁,
睇睇下電視訓著左, 至到 6 點幾家姐打黎我先醒, 本來講左話請家姐幫我去拎野, 點知個賣家又呢樣又果樣咁,
最奇怪o既係佢同家姐講話我本來話星期六, 但係突然改今日, 但我真係冇講過星期六!! 不過算, 反正冇咩所謂,
過幾日再算!! 之後 DINNER 完又同家姐傾左陣電話, 而家一熄左冷氣, 我又好似發燒咁, 我估計係作病!! 另外,
無意中O係 YAHOO!HK 發現到原來幾多人 SEARCH OC244 個 BOX 喎(見下圖), 果然勁!! 突然間知道小井同朝香姐姐結婚呀,
真係好開心!! 因為佢地情路都幾曲折, 分左手好幾年, 再重遇返, 好似上年先復合, 終於都結婚喇! 可喜可賀O既係,
J家竟然俾佢地結婚, 實在令我好 SHOCK 呢, 不過真係好開心!!! |
| 29/9/2007 |
|
今日日頭冇咩特別, 尋晚雖然有少少發燒, 但今朝冇事喇!! 一口氣睇左十集 KERORO, 都好攪笑呢!! 而且發現 KERORO 都真係好貼日本O既潮流,
我竟然見到 TAMAMA 扮"YAKKUN", 真係好攪笑!! 之後睇下電視咁, DINNER 完同太后落左去平台, 因為今晚我住果度攪＜中秋節晚會＞,
其實本應係星期二晚O既, 但係話天氣唔好所以改今晚, 其實果晚天氣好好呢!! 七點幾落去, 我同太后食左支綿花糖(見下圖),
不過唔太好食, 因為佢可能整錯左部機個速度, 攪到Ｄ綿花糖好硬同埋好實!! 之後去左行超市, 再返左屋企坐左一陣,
八點幾再落過去, 因為九點抽第一次獎, 不過唔中!! 之後坐低聽下唔知咩人唱下歌同埋變下魔術咁, 到左十點幾再抽獎,
講你都唔信呀, 真係冇中過呢!! 完左後就返屋企, 因為其實如果唔係有獎抽, 都唔會去呢!! 返到屋企沖完涼, 好少有咁吹頭,
冇計啦, 咁夜洗頭一定要吹, 如果唔係冇得訓呢! |
| 30/9/2007 |
|
今朝先發現尋晚手提充完電唔記得左開返, 不過好彩冇人打黎! 睇左堀北套 SP＜DERU TOKO DEMASHO!＞, 都幾有趣呢!
成日都冇落街呢, 因為真係幾熱!! 睇左兩集十年前 KINKI O既節目, 係整估Ｄ藝人, 真係幾攪笑, 其中有少少睇前睇過呢!!
夜晚無意中睇左個攪笑節目, 柳原可奈子真係好攪笑! |
