 歡迎睇我任何一日私日記!(私日記。WATASHINO NIKKI！) |
| 1/9/2006 |
|
好快到左九月喇! 大家暑假點過呢?! 仲有兩星期, 我就開始台北之旅喇, 好開心!! 夜晚去左食大快活, 之後睇下 24 小時咁, 冇咩特別!!! |
| 2/9/2006 |
|
今日冇出到街, 因為家姐放晏, 我又唔想太夜出去, 主要係我懶!! 睇左幾集日文版小新, 好攪笑呢, 原來日文版仲好睇,
仲睇到小池徹平客串果集小新, 畫得好似佢呢!! 呢幾日沉迷漫畫, 因為原來有Ｄ都幾有趣!! |
| 3/9/2006 |
|
今日我都冇落街, 坐O係屋企都真係好熱! 睇左幾集小新, 我先發現我實在太多未睇過, 好想佢會出 DVD, 等我買返 SET KEEP 下!! |
| 4/9/2006 |
|
今日都冇出到街, 因為真係好熱同埋冇咩做, 所以在家千日好呢!! 出奇地睇左尋晚o既 DB, 嘉賓係 GYM,
好好笑, 我懷疑光一入廠前飲左酒, 因為好多攪笑野, 佢果句"XX GA OISHII ?"(唔太方便寫出黎, 佢講時唔係咁O既意思,
不過講左出黎就全場都嘩嘩嘩!)! |
| 5/9/2006 |
|
今日煮左個米線食, 之後同太后坐車出左去黃大仙, 遇到個應該以前係教書, 仲應該係訓導主任果隻O既房署職員,
唉, 真係突然有少少返番去中學時期俾訓導主任鬧咁!! 之後坐 MTR 去左樂富, 攪掂哂Ｄ野後, 去左行左一陣,
O係實惠買左幾個印仔俾安怡, 先知今日係無膠袋日, 之後去左行吉之島, 不過冇咩睇, 再坐 MTR 返左屋企附近行左一陣!!
好熱!! 睇新聞知道下星期五晚台北有倒扁大遊行, 真係千其唔好影響我地O既旅遊心情!! 家下攪到唔可以著紅衫去,
家姐仲話唔好著綠色或者藍色, 因為台灣有分黨派, 真係...! 倒數十日! |
| 6/9/2006 |
|
今日有少少唔太舒服, 所以上左陣網, 就睇下電視咁, 大約六點就落左街食飯, 之後行左一陣!! 呢幾日開始發夢夢到 ARASHI,
呵呵, 倒數 9 日! |
| 7/9/2006 |
|
今朝落好大雨, 大到有少少得人驚!! 希望唔好再落得咁勁啦, 尤其係下星期五!! 因為天氣唔好, 所以冇落到街,
睇左一集小新, 到左五點幾時又好累, 因為唔太舒服呢!! dinner 完終於睇到我一直好想睇o既＜THE 有頂天 HOTEL＞,
都幾有趣, 錯中覆雜O既關係, 不過好細聲, 較到最大聲都好細聲, 所以有少少聽唔真佢地講咩!! 倒數 8 日! |
| 8/9/2006 |
|
今日睇報紙見到原來除左東山前輩黎左香港外, 連森田剛都黎左, 尋日仲O係尖沙咀拍野添, 實在太突然呢!!
去左飲茶, 之後行左一陣, 買左西餅就返屋企喇! 之後睇左幾集節目, 夜晚再上網, 先發現原來 GOLF 同 MILK 都黎左香港,
攪咩突然間咁多 J 家人黎香港架? 唔通繼台灣同韓國後, 下一站係香港?! 係又唔錯呢!! 之但係點解得 GM 黎香港,
Y (YAMAP)冇黎, 不過黎的話, 都一定埋唔到身, 邊似 GM 咁, 聽聞好多 FANS 簽名同合照都 OK, 不過照理, J 家唔俾合照呢!!
倒數 7 日! |
| 9/9/2006 |
|
今日上下網咁, 因為家姐放六點, 所以約左七點信和, 順便約埋步步拎Ｄ野!! 我大約五點九出門口, 因為諗住落雨會塞車,
點知一Ｄ都冇塞喎, 所以六點半未夠就到左信和, 行左一樓同地庫, 不過搵唔到小新 DVD 呢, 會合左家姐, 再等左一陣步步就黎到喇,
YEAH!! DVD 入手, 家姐Ｄ週邊又入手, YEAHYEAH!! 之後行左一陣就去左食飯, 本來諗住去花園餐廳食, 不過好似貴左少少,
因為過幾日去台灣, 所以都係用少Ｄ錢好Ｄ!! 所以去左食吉野家, 多謝家姐!! 因為家姐請我食飯, 仲送左個好得意O既熊貓俾我呵,
係太陽能, 然後會左右咩郁個頭O既擺設, 我真係第一次見有熊貓架咋, 因為通常見都係果個全身粉紅色或綠色, 之後點頭果個,
真係好得意呵!! 多謝家姐!! 然後我非禮左家姐本 ARASHI 場刊!! 仲問家姐借左極道1 DVD 我睇, 因為我要睇 JUN 呀!!
YEAH!! 之後食完飯行左一陣就走喇, 因為家姐拎住好多野呢!! 返到屋企睇下 D DVD 啦, 上下網咁, 冇咩特別!!!
倒數 6 日! |
| 10/9/2006 |
|
今日天氣涼左少少, 但都冇落到街, 我懷疑我作病, 因為有少少骨痛咁, 唔通作感冒?! 咪呀你, 一陣唔俾我上機就大犨件事,
我睬睬睬!! 少有地睇左冇字幕O既 MY BOSS MY HERO EP9, 因為真係好緊張下, 好感動呢, 差少少就喊左出黎,
尤其係亞哥對佢老豆講多謝佢要佢返學果野, 真係好感動!! 不過有一度唔係好明, 點解 MIKI 呢, 演講發表果陣對眼好似想喊咁,
明明果陣一Ｄ感動位都冇!! 倒數 5 日! |
| 11/9/2006 |
|
今日去左飲茶, 之後行左一陣咋, 涼左好多呢, 諗住睇 KERORO 啦, 點知冇得做喎, 原來做完喇咩?! 咁快O既??
睇新聞, 台北倒扁真係有少少得人驚, 希望唔會影響到我地旅行啦!! 今日係 911 五週年, 咁快就五年喇!! 仲有呀,
我今日睇左 FANTASTIPO, ... , 不過個故事好深, 唔係太明白, 同埋始終亞剛個角色個 LOOK 唔太好!! 倒數 4 日! |
| 12/9/2006 |
|
今日冇落到街, 涼左好多, 仲有少少凍添!! 聽日一切順利!! FIGHT!! 倒數 3 日! |
| 13/9/2006 |
|
尋晚訓得唔係幾好, 所以今朝好早醒左!! 先講, 順利!! YEAH!!! YEAH!! 另外今日報紙寫左 ARASHI 佢地O既行程同埋酒店喎,
發現抵台時間同我地差唔多, 不過可惜O既係, 唔同大樓落機(郁悶~), 酒店亦唔同, 我地都住五星架啦, 諗住都好大機會,
點知佢地住間近六星, 而家只希望唔好打風(香港, 台灣, 日本都唔好打風), 雖然佢地係 ARASHI, 但唔好吸引到個真O既 ARASHI 黎呢!!
同埋希望倒扁行動唔好阻到我地同佢地(因為佢地間酒店都有少少近...), 落雨係預左, 但請唔好太大雨, 如果唔係咩相都影唔到!!
家下就諗緊到時個相機點算好 ... 唔想放O係會場, 但又冇理由返酒店放低先再去過, 要諗下計先得!! 頭先執左少少行李,
原來係無咩帶去, 個行李相信係用黎裝戰利品多!! YEAH!! 倒數 2 日! |
| 14/9/2006 |
|
今日都係落雨, 希望聽日好天, 一切順利!! 好緊張, 唔知訓唔諗得著呢! 倒數 1 日! |
| 15/9/2006 |
|
今朝 5 點起身, 雖然 3 點幾先訓得著, 攪到 5:45 先去到車站, 仲要送車尾, 好彩未夠 6 點就有車,
坐車O既中途, 家姐已經到左, 我大約 7:15 到左, 會合左家姐後去左食麥當勞早餐, 好耐冇食, 好貴咁!!
之後 CHECK-IN, 又行左一陣咁, 仲去左上網, O係 L SHO 發左帖架飛機遲左起飛, 當然遲左到台啦, 因為拎行李又遠,
又要填張過海紙, O係飛機都冇俾到我地!! 唉, 坐果Ｄ電車去 T2, 咩人都走哂啦, 仲要遇到幾個見到O既 FANS,
O係我地側邊係咁講頭先點呀點呀咁, 真係幾 DOWN!! 不過冇計啦, 所以坐大有巴士去酒店, 大約一小時就到左喇,
落車時勁大雨, CHECK-IN 後, 我地住 2902, 對住個 101, 唔錯, 不過天氣差少少, 而且間房幾靚, 之後執左一陣野,
就起程, 首先去左酒店個商場行 CITY SUPER, 諗住買野食呀咁, 點知仲貴過香港, 所以冇買, 之後返房拎傘,
再行去捷運O既六張梨站, 都幾遠, 其實可能係未適應台灣O既文化, 因為Ｄ馬路真係好難過, 就算綠燈, Ｄ車都係咁過,
到我地成日跟住Ｄ台灣人一齊過先過到!! 買左一日票, 好似八達通咁, 好靚!! 首先去左南京東路站, 因為想去下小巨蛋個位置先,
免得聽日唔識路, 奇怪地冇 ARASHI Ｄ POSTER 喎, 都唔似聽日會開 CONCERT 咁, 之後去左小巨蛋附近O既"京鼎小館",
食左小籠包同埋牛肉麵, 不過食唔哂, 之後行返去捷運去市政府站, 但其間我地一齊胃痛!! 去市政府站係為左去 101,
因為要幫 CATCAT 買野, 成功買到, 但因為唔夠 5 千 TWD, 所以冇果個野送(SORRY CATCAT!!), 因為實在太貴,
雖然真係好靚!! 個 SALES 幾好人, 因為知我幫人買, 仲送左本 DM 同埋 POSTER 俾我(不過有可能係人都有!!),
之後坐免費巴士返去市政府站, 再去行新光三越, 因為網寫有間 J 家專門店(正牌), 不過唔知點解冇左, 中途行左間類似 CITY SUPER O既超市,
買左個熊貓餅餅, 好可愛呀! 之後本來想行去誠品書店, 但又行錯左, 所以去左"紐約紐約", 影左張自由神像, 再幾經辛苦先行到誠品,
因為我地成日行錯路, 誠品日文館, 出奇地日文書唔多 ARM 喎, 而且都幾貴, 返而我地去左睇本地書, 買左好多,
因為平過香港好多, 一本都平左十幾廿蚊港幣, 家姐買左好多好多, 我自己買左兩本高木直子, 同埋幫 CATCAT 買左兩本書,
行完都十一點幾, 所以走喇, 但去到捷運站, 遇到一班倒扁O既人, 好得人驚, Ｄ人又係咁迫入車, 都唔會理其它人,
我明白係好累O既!! 不過第一次去台灣, 行錯都唔係好奇O者!! 返酒店前我地去左 7-11 買左支 2LT O既可樂同埋杯麵,
送左個叮噹磁貼, 一定係益安怡啦!! 返到房, 家姐先白白豬, 之後到我, 個浴室好型, 好 SEXY, 因為除左浴缸外,
仲有企缸, 我第一次住間酒店係咁呢, 仲有電視喎!! 我沖完涼後, 一齊食野, 可能係我太耐冇食杯麵, 好味!
之後執下野咁啦, 家姐累到好悚訓著, 我就整理下聽日週邊數量, 同埋睇左今日家姐買O既一本書, 係漫畫式小說(6868 一起曉班去),
好好笑!! 而家係凌晨 2:30, 我都要訓喇, 因為聽朝預左 6:30 起身!! |
| 16/9/2006 |
|
本來較左 6:30 起身, 但係唔小心較錯左 PM, 所以我訓到 8 點幾突然彈起身, 所以立即好快咁攪掂哂就落左 6F 食早餐,
不過好失敗呀, 因為我對Ｄ包包太有興趣, 所以食左好多包, 好飽呢, 食完返左房, 去下洗手間咁, 就出發去左晶華酒店,
其實預左唔會見到佢地, 不過想去睇下, 仲遇到兩個日本人太太, 估計都係嵐飯, 因為佢地好堅決咁要影到個酒店名,
因為我以為佢地影酒店前面果個藝術品, 後黎佢先話要影個名, 好攪笑O既係, 佢地第一句係用國語講"不好意思",
然後示意想我幫佢地影相, 但唔知點解, 突然第二句就同我講起日文黎, 我學左咁耐日文, 終於大派用場, 好有滿足感,
雖然我太緊張, 唔記得講 MASU 同 DESU 果Ｄ!! 不過相信佢地都唔會怪我, 果兩個太太都好 NICE 呢!! 又主動幫我地影返相喎,
真係好 NICE, 只係奇怪點解突然同我講日文, 唔通我似日本人?! 又或者我似識日文?! 但係真係好開心, 因為始終講日文機會唔多,
所以真係用得著, 真係好開心!! 之後我地去返台北車站轉去去左小巨蛋買週邊, 我諗都冇諗買左五把扇同埋電話吊飾,
計計下都成三百蚊, 不過有好多係諗住返黎賣O既, 之後因為太多野, 所以返左去酒店先, 休息下咁, 之後再轉左車去市政府站,
再去誠品, 因為好多層未行, 順便問下間 MIA 有冇得良稅, 原來有, 聽日去機場可以退稅, 行學日文O既書, 其實有好多都係個書名好有用咁,
但內容又麻麻, 雖然平過香港好多, 但係都係冇買到, 反而俾我搵到本"傍偟的少年時代"(若葉時代)O既小說, 所以買左,
之後, 去忠孝敦化站, 因為想行下果條地下街, 其實唔自太大, 但都幾多野睇, 因為未 LUNCH, 所以去左食可麗餅, 我食左"香蕉+朱古力醬",
但係麻麻地好食, 見到有間 CAFE 有得食蛋糕自助餐, 好吸引, 聽日睇下有冇時間去試下先!! O係間"蛋蛋屋", 見到有隻熊貓杯杯, 不過唔知點解換, 又係玻璃,
所以冇問到, 但係好靚呢!! 仲有Ｄ高筒布鞋, TWD200咋, 好想買, 但係又好多鞋, 買左條小新毛巾俾亞妹, 其實都貴貴地,
但係台灣Ｄ野真係唔平, 有好多仲貴過香港呢!! 地下街一路行到去忠孝復興站, 坐車去左小巨蛋, 因為已經六點幾,
到左小巨蛋已經好多人, 人堆中竟然俾我搵到 小M, 不過佢唔認得我, 傾左幾句就走左喇, 因為氣氛怪怪地, 可能人多,
同埋太趕!! 之後我地寫左個"嵐"字O係手背, 不過我太大意喇, 攪到甩色同埋花哂, 好彩家姐不厭其煩咁幫我再寫多次,
個字未乾都入左場先, CHECK 袋果個人好兒嬉, 因為佢睇都冇睇我個袋就俾我過, 入左場後搵左個地方再寫過,
未夠七點就等, 好緊張呀!! 坐我左邊果個台灣女仔, 見我地O係香港黎, 問我地係咪好辛苦, 要咁遠黎, 我叫佢估我地幾多歲,
佢話我地最多 18,9 歲, 可能更細, 唔通我都好似 NINO 咁, 有逆生長O既傾向?! 係又唔錯呀!! BY THE WAY,
我想同呢個台灣女仔講聲 SORRY, 因為演唱會中, 我個牌成日整到佢, 真係 SORRY!! 係咁等到 7:30 就開始喇,
有好多笑話, 首先係佢地用國語介紹自己, 先係 SHO, 但佢講"我們是", 然後大家就答"ARASHI", 怎料, 同一時間,
SHO 講"櫻井翔", 我地呆左一呆, 然後全部人都係用"我們是"去介紹自己, 直到最後 JUN 講完, 佢先發現佢地全部講錯左,
佢地先明白我地仲咩大笑, 其實仲有好多片段, 好似有大宮 SK 啦, JUN O既 KISS 啦, 五個都好可愛, 我個仔仲勁型,
真係型過 SHO, 因為我成晚主要都係睇雅紀, 平時只係留意 SHO 多架嘛, 不過 MC 好短, 但係佢地有兩首歌唱左國語,
好感動!! 安歌左兩次, 太少喇, 後黎先知只係我地太乖, 一聽到廣播就走, 因為如果再叫安歌的話, 係會有第三次,
嗚嗚!! 但成晚主要係二樓同三樓, 我地大都係睇到背面!! 唱 FIGHT SONG 時, 全場一齊唱, 佢地唔覺奇怪架咩?
點解我地會識唱!! (其它演唱會內容, 遲Ｄ寫個 REPORT), 我諗住我會大哭, 但只係有兩度差Ｄ忍唔住! 真係好感動!!
不過睇到中場時, 開始怨念點解聽日就走, 冇得睇多一場, 今次遇著倒扁廷扁天氣唔好, 真係好多地方都去唔到,
好多野冇食, 連珍珠奶茶都未見過! 但安全為上, 冇計啦!! 睇完十點就返酒店喇, 演唱會真係太短, MC 都超短!!
其實除左國語外, 基本上同日本演唱會冇咩分別, 大家都睇過哂!! 返到酒店, 執下野, 影下週邊, 食下野咁, 都點幾鐘,
不知不覺間, 家姐聽住密音咁訓左喇! 我仲寫緊日記, 記憶又差, 所以要等密音先寫到 REPORT!! 話時話, 都未計劃好聽日去邊添,
不過兩點幾, 都要訓喇!! |
| 17/9/2006 |
|
今朝 6:30 醒左, 但係坐到就黎 7 點先起身, 我攪掂哂家姐先起身, 之後先去左 7-11 買報紙, 再去食早餐,
今日我醒呀, 唔食咁多包, 之後去問可唔可以遲Ｄ CHECK OUT, 由 12 點改左兩點!! 之後我地坐捷運去左微風廣場O既紀伊國屋,
出奇地好多野睇, 我買左一本 KINKI 封面O既學日文雜誌, 同埋 FANTASTIPO O既寫真集, 其實有少少貴, 不過香港仲貴,
之後原來都兩點喇, 所以趕返去酒店, 好快就 CHECK OUT 左, 本來我想問下酒店可唔可以幫我地 KEEP 住Ｄ行李,
等我地再去行下, 不過見到家姐好累, 同埋好多原因, 所以冇問喇! 所以直接去機場, 我自己坐左去後面, 因為想影下風景, 同埋雅紀話過, 佢地如果自己心情唔好, 係會自己行開, 唔好影響其它人,
所以我實行左!! 明白到大家情緒都好起伏, 始終都唔可以睇埋今晚果場, 我明白, 唔知家姐會唔會又以為我發脾氣,
不過人人想法唔同, 我只覺得好多地方我未去好多野未食, 唔想咁早去機場(旅費果二千幾, 用唔盡就覺得唔抵, 我承認我孤寒!!)
未夠四點就去到機場, 個機場又冇野行喎, 所以都係傾下計, 亂行下咁, 食左個牛肉麵, 都食唔哂, 一邊食我地先醒起唔記得左去食蛋糕自助餐,
我哭!! 等到八點幾, O係候機室影下相咁, 之後上左機, 呢架機好靚呀, 每人有自己O既電視, 仲有歌聽有 GAME 玩,
個飛機餐好好味呀, 係肉碎炒米粉+蜜瓜O者喱, 真係好好味, 咁多次O既飛機餐, 第一次覺得好好味, 所以我食哂!!
到左香港後, 好快就過左關, 因為用左 E-道, 快得唔係好真實, 因為就好似坐地鐵入閘咁快!! 之後等行李,
我仲用左最快速度去左個洗手間, 因為家姐聽日要返工, 唔想佢等咁耐, 好彩行李都好快!! 之後家姐坐機鐵,
我就坐巴士, 都差唔多一個鐘, 因為未夠十二點上車, 差唔多一點到, 皇上黎接我, 真好!! 之後沖涼, 又執下野咁,
發現好勁, CATCAT 張 POSTER 一Ｄ事都冇, 果然厲害!! 執野執到四點幾呢, 但係自己張床真係最正, 仲有熊貓~~!! |
| 18/9/2006 |
|
今日諗到十一點幾, 同平時差唔多, 不過尋晚(應該係今朝), 四點幾訓, 真係好好訓!! 不過對腳好痛!! 但又唔係太眼訓!!
整理左Ｄ單, 不過原來出境時換返港幣佢收左我 TWD100 手續費, 真係 ...!! 打左俾 CATCAT 傾左幾個鐘, 由電話傾到 MSN 語音,
仲同左 CATCAT 個太后傾左幾句!! 傾到 7 點, 之後煮左河粉食, 再沖涼, 之後同 TSUTSU 傾語音, 因為我懶打字,
不過 TSUTSU 個咪俾佢踩爛左, 所以我講佢打字, 意外地, 原來我Ｄ國語都真係唔錯!! 再同左 小M 傾 MSN(打字),
知道一Ｄ尋晚果場O既花絮, 雅紀依然有做危險動作(唔乖!!), 仲有兩個唔乖O既 FANS O既故事, 雅紀做得好!! |
| 19/9/2006 |
|
今日都係十一點幾起身, 對腳依然好痛, 都係冇落街, 因為好似提唔起勁咁!! 可能仲未平伏心情吧!! 睇報紙先知,
原來果個"紙愛心"計劃, 背後係有一個感人O既故事!! 仲有台灣O既果日報好衰, 暗示 SHO 同埋雅紀去幫襯"特別服務",
不過講真, 就算真係呀, 都唔會咁豬自己走去啦, CALL 上酒店房會唔會安全Ｄ呀!! 今日不停咁諗起某幾句說話,
不過過左去就算, 之後會點, 到時先算, 諗都冇用!! |
20/9/2006 |
|
今日有少少眼訓, 可能真係太累喇, 十二點幾時, 突然見到太后返黎喎, YEAH!! 之後 LUNCH 啦, 再之後上下網咁,
同 CATCAT 傾左一陣, 同 小M 傾左一陣, 我Ｄ ARASICK 仲未好番, 都唔知點解, 明明唔係嵐飯, 但係仲怨恨緊自己睇唔到第二場,
又怨恨自己果日太遲去到會場(因為冇留意幾點可以入場), 所以有好多野都拎唔到, 又睇唔到!! 同埋真係成日諗返仲咩咁早去機場,
係完完全全咁失敗!! 攪到我家下唔敢聽 ARASHI Ｄ歌住, 因為頭先一聽就悲從中來, 我果然係多愁善感, 個遊記同埋 CONCERT REPORT,
仲未開工, 因為冇咩心情咁! |
| 21/9/2006 |
|
尋晚個夢, 依然係有 ARASHI, 同埋有小巨蛋, 唉!! 今日都冇落街! 因為實在悶悶地, 同埋發現O係屋企唔錯!!
今日主要係寫個旅遊日記, 所以開左個 BLOG, 其實記性都真係唔太好, 好多細節唔記得左, 而且都好亂下, 終於攪掂左果三日O既遊記,
大家有興趣可以去睇下: http://tsuyoshicc.blog76.fc2.com/ , 本來想寫個日文版, 因為想俾 YUMIKO 睇下,
不過發現太難寫喇, 所以或者遲Ｄ寫信俾佢寫幾句算, 因為實在要好高日文程度先寫得明, 不過 ... 或者遲少少再寫,
因為都幾有挑戰性!! 今日狂聽左三十幾次 FIGHT SONG, 終於拎到少勇氣, 雖然頭幾次係有少少忍唔住, 不過呢首歌,
真係讓我O既 ARASICK 好返少少!! 夜晚仲俾 5N 話其實我完全係一個嵐飯, 不過我依然否認!! |
| 22/9/2006 |
|
今日冇咩特別, 係熱左少少, 依然冇出街!! 上網上左一陣, 就入左房睇返以前Ｄ LOVELOVE!! 夜晚無意中見到 CABLE 播韓國音樂節個記招,
咁 ARM 影到 NINO 同 OHNO 喎! 所以立即拎起部 DC 拍, 唉, 不過香傳媒真係唔識寶呢, 只係掛住個陳慧琳, 所以真係唔覺意影到 OHNO 同 NINO,
咩訪問都冇, 就連台 CON 都冇講過! |
| 23/9/2006 |
|
今日都冇出到街, 實在好熱呢!! 同 CATCAT 傾左一陣 MSN, 之後又睇左一陣電視!! 夜晚同 5N 傾左一陣,
幫佢翻譯 RINGO 首歌, 先發現自己中文幾差(:P)!! 家下諗住睇 MY BOSS MY HERO 大結局, 聽講係淚的結局,
呢一刻唔知點解, 我想喊!! |
| 24/9/2006 |
|
今日都冇出到街, 上下網咁, 睇左 MY BOSS MY HERO 大結局, 有笑有淚, 真係值得睇!! 寫左封 EMAIL 俾 JUN,
順便練下日文!! 睇左少少前幾日韓國個記招消息, 原來果日有記者問 OHNO 係邊個黎, 唔怪之得佢個樣咁唔開心啦!
唉, 泡菜記者咁, 黎香港好過啦, 雖然香港Ｄ記者都可能係咁, 不過香港有我保護你地, 呵呵!!! |
| 25/9/2006 |
|
今日都冇出到街, 今日 ARASICK 好返好多, 起碼我真係比好多嵐飯幸福, 起碼見過生嵐(雖然真係有一段距離),
但我相信總對唔係結束, 而係開始!! 可能大家覺得 CC 咁大個仲迷偶像呢Ｄ行為好唔要得!! 但係我不得不講,
我的確O係佢地(KINKI, ARASHI, ...)身上學到好多野, 而且亦O係佢地身上得到好多勇氣, 其實 CC 改左好多唔好O既性格,
真係 TSUYO O既影響, 而且我覺得迷偶像其實真係冇咩所謂, 我仲好有可能十年後仲會走去睇演唱會架!! 其實唔需要覺得唔好意思呢!!
而且他日我有仔女O既時候, 我都唔會隱暪我呢個媽媽O既青春時代, 爆!! |
| 26/9/2006 |
|
今日上下網, 睇左＜電車男＞個終極 SP, 真係好感動, 本來想大哭, 不過因為夜晚要返學, 費事真係成隻熊貓咁!!
四點幾食左少少野就出門口, 因為想去旺角買下雜誌咁, 不過等車等到成五點, 出到旺角又塞車咁, 成五點半先去到,
所以好快咁去買左雜誌, 再超快行左轉信和咋, 之後就行去尖沙咀, DORA 打俾我話佢會返, YEAH!! 途中去左買左個漢堡包行住食,
其實本來唔想行住食, 但係真係驚唔夠時間, 所以只好咁樣啦!! 早左少少返到, 不過已經幾多人返到呢, 有幾個係上年O既同學!
今年個 SENSEI 係日本人, 叫做"三松國宏", 不過老實講, 佢 ... 有少少怪!! 今堂每個人都做左自我介紹,
佢先頭問點叫我好, 我話 SZE, 點知唔知佢聽咩, 變左 SZESZE, 不過冇所謂啦, 都 ARM!! 我個名又係攪笑Ｄ,
因為中文同英文都係 CC, 仲要廣東話/國語/英文/日文, 都係 CC, HAHA!! 我果然幾國際化(自慢中)!! 今年係嚴左好多,
功課指定要兩星期內交, PRESENT 又要三星期前交個原稿佢改, 仲要積極參與課堂, 感覺到學日文唔再輕鬆呢!!
放左學同 DORA 行左一陣美麗華, 不過Ｄ店就黎關, 所以Ｄ SALES 好似想Ｄ人快Ｄ走咁, 所以行左一陣走喇!!
返到屋企沖完涼就上下網啦, 同家姐講左我諗到O既計劃(不過講下咋, 因為呢個計劃係要聯署後O既下一步先有用!),
不過的確我幾滿意我呢個 IDEA (自慢中 X 2)! 整下雜誌咁, 不過太累, 都係聽日先影相 EMAIL 俾人, 因為如果我一開始整,
就要整完為止, 咁就有排唔洗訓!! |
| 27/9/2006 |
|
今日整下拍賣咁, 其實都冇咩特別!! 睇左少少尋晚個實驗 SP, 超好笑, 雅紀果然可愛!! 夜晚先發現個聯署留言版原來冇顯示有幾多個留言,
所以又走左去搵左一大輪, 其它有顯示果Ｄ個樣又冇 FC2 咁靚, 唉! |
| 28/9/2006 |
|
今今日冇咩特別, 唔知樓上定樓下裝修左成日, 好嘈!! 至於拍賣, 週邊都賣得幾好!! 夜晚睇左 歌笑 10/1 SP 個 CM,
我先發現, 原來我O既 ARASICK 係未好返, 因為短短幾分鐘o既台灣演唱會片段, 我已經忍唔住眼淚...! |
| 29/9/2006 |
|
今日拍賣賣埋 SAMI 把扇, 其實今日又諗"哎唷, 冇買 POSTER 真失敗!!", 不過過左去, 下次一定咩都買幾 SET 返黎!! 呵呵!!
無 LALA 靈感到喎, 所以寫左一個短篇故事, 都係"櫻相"(明白O既人自然明白!!), 一邊寫, 我一邊再次確定左我係好悲觀O既!!
下次要寫個開心Ｄ架先!! |
| 30/9/2006 |
|
尋晚見唔到果仁妹妹 ONLINE, 所以今日一起身就上 MSN 問佢約幾點!! 一點幾食完野就坐巴士去左沙田, 大約 2:15 到左,
然後去左大眾書店行左一陣, 買左兩樣熊貓野(請參閱一陣果張相!!), 之後等左一陣果仁妹妹出現, 之後去左食麥當勞,
不過話時話, 新城市廣場真係完全唔同哂樣!! 等左一陣位就有位喇!! 最攪笑係果仁妹妹去左買野時, 我先突然發現有張優惠券,
不過妹妹已經俾緊錢喇!! 一邊食野一邊傾計, 佢講左個"鄰居的故事"我聽, 真係完全可以拍到戲!! 之後去左係咁行啦,
本來諗住出去影史路比架, 不過突然間落大雨, 所以只係隔住個窗係咁影, 仲好攪笑咁影左幾張"掂住仙人掌"添!!
之後行到去一間專賣果子玩具呀果Ｄ店, 發現新出左一 SET 熊貓果子玩具, 一睇, 嘩!! 有 8 款喎, 勁得意!!
再睇, 嘩嘩嘩!! $28, 太貴了吧!! 所以冇買到, 我等你減價呀下!! 途中仲影左三隻巨大軍曹花燈, 好可愛架!!
一路行到大約 6:10 就去坐巴士去旺角喇, 要謝謝果仁妹妹幫忙交收, 同埋拎返Ｄ野俾我, 實在太謝謝!! 大約 6:30 家姐打俾我, 話已經到左旺角, 不過我坐果架巴車,
依然兜緊好多地方!! 我大約 7 點到左信和, 家姐 OMATASE ~~ 之後去行左信和地庫, 再去左食 KFC, 謝謝家姐晚餐!!
食食下野, 我見到以前 CU-SCS 果個 ANDY WONG(勁有福氣果個!!), 佢都見到我, 估計佢係覺得我熟面口, 我當然冇叫佢啦,
我仲記得佢果陣無 LALA 打黎第一句話"你仲咩仲唔俾錢呀!!", 嚇Ｃ我呀, 之後佢先話原來係幫我交左 FORM 話 RE-EXAM 果一科,
叫我交錢, 之但係我真係好記得, 果次好慘, 因為佢打黎話我知要 RE-EXAM 前幾科果一科, 而考試時間係一星期後,
真係唔該哂呢!! 之後同家姐去左"星際蜘蛛"(其實係星際城市, 不過好耐以前我真係聽過兩個男仔對話, 其中一個話: 呵! 去星際蜘蛛囉!!
攪到我以為自己去左海洋公園, 笑!!), 再去左電腦中心, 再行返去好景, 不過都冇哂家姐想搵果Ｄ野, 所以去左行信和,
再之後去左行旺角中心, 行到十點幾就走喇!! 返到屋企沖完涼再執埋Ｄ扇, 再攪埋個拍賣, 再上下網咁, 先發現,
原來Ｄ花燈Ｄ相, 唔知點解冇左 TAMAMA 果張, 我真係有影架喎, 我哭, 果個最得意架!! 好邪呀!! |
